..
عثمان وقف كيعمر كاس تاني ورجع جلس حاط رجليه بجوج فوق الطبلة دالزاج:عاوديلي كلشي اعبلة خاص نعرف شنو وقع تا وصلتو لهنا
السبع قرب عند عبلة كبير وضخم فالهيئة ديالو مع جالسة كيبان قد السخط ياكلها فدغمة شهقات وهو كيحل فمو ويخرج لسانو بانو سنانو لي لاجات وسطهم يسحقها خلعها :بعااد عليا
وناضت مخلوعة وهو تابعها ولغزالة كتتشبط فيها بجوج باغين يلعبو معاها وهي مخلوعة
عثمان مطق:ماتخافيش السبع ملي كيكون واكل وشبعان ماتخافيش منو وخصوصا وهو مربي ..تبتي ورجعي جلسي غادي يمل ويمشي من حداك
بلعات ريقها بخوف كتشوف فالسبع ورجعات جلسات ..جلسات حداها لغزالة حاطة راسها على كتاف عبلة ..السبع باقة غادي جاي فتالي مل كيف قال عثمان وجلس تاهو حداهم متكي فالارض كيشوف فيهم..
عبلة عاد بدات ترجع فيها الروح ملي جلس..شافت فلغزالة وحركات يديها على كرشها لكبيرة حاملة..لغزالة عجبها لحال وعبلة كتمسح عليها بحنان تا ستحلاتها..
عبلة تنهدات:قصتي معاه نهار جاو عائلتو يخطبوني وانا غير بنت حي شعبي ماشي من مستواهم…..
حكات ليه قصتها مع هارون الزعيم من الاول للاخير مانقصات والو بكل صراحة حتى كيفاش عرفاتو هو البوص وهي دابة هنا فالقصر عندو
عثمان فهاد اللحضات كان فلبالكون سمع لكاع كلامها
عبلة:هدشي لي وقع مازدت مانقصت ..ماكنتش عارفة انه رضوان ايقـ لوه وصاحبتي لعبات بيا..
عثمان :نتي ماعارفاش شكون هو البوص وكيفاش ولا بوص ..هو ولا شيطان بجوج وجوه..
عبلة:بغيت نعرف اش دخلو للمافيا وهو بوليسي
عثمان:هدشي ماكايتقالش القانون ديالنا الاول انه تاحاجة ماتخرج من اسرار وخبايا وشي مستافد من شي..
سكت كيفكر الموضوع كبير بزاف هدي مرات البوص يعني الموضوع ايكبر لا تدخل بينهم وحاول يبعدها عليه ..ميل راسو كيطرطق فعنقو وكيفكر فيها هو من النوع لي متهور ويغامر على اي حاجة واخة تكون مستحيلة يردها ممكنة ياك هو كيكرها وباغي يعدبها وينتاقم منها اخرتو ايقتـ لها..شنو فيها لا عاونها وردها لجيهتو هو..عبلة سكتات عرفاتو كيفكر وخلاتو تاهي يفكر على راحتو ياربحة يا ديحة..وشافت فلغزالة كتحرك يديها على كرشها ولغزالة عاجبها لحال حسات بلحنان من عند عبلة بلمساتها..الغزالة حطات راسها على فخاد عبلة مرتاحة
عثمان كيشوف واش هاد الانسانة تستاهل يغامر على ودها ..تفكرها شوفتو لبها لاول مرة ..ابتسامتها جمالها لجداب لبسيط ..صوتها وعاد شخصيتها كيفاش جاتو من التالي بدون لف او دورات وعطاتو الحقيقة وتاهي مافكراتش فالعواقب وختارتو باش يعاونها..يعني شجاعة ماخافتش يبيعها للبوص ويقولو على مخططاتها..هدشي عجبو كتر حيت هو داير هكا وكتر..بقة كيدورها فدماغو كيفاش ايبداو ومنين ايبداو..وكيفاش ايخرجها من داك القصر..هدشي مستحيل..ما اينفع لا هجوم لا اختطاف لا اقتحام..هدشي ماخدامش مع البوص حيت حاسب حساب كلشي وقبل يوصلو ليها ايكون فرتك المرض كاملوتاواحد ما ايخرج عايش من داك القصر…يعني القوة والغصب ماواكلينش فهاد الموضوع..ادن شنو؟خاص السياسة والصبر..
نطق:عبلة
عبلة:كنسمعك
عثمان بجدية:البوص باش تخرجي من تماك خاص يقرا فيك الامان خاص تسايسي معاه وماتخلينش يشك انك باغة تهربي ولا كتخططي باش تهربي وتتفكي
عبلة:كيفاش؟
عثمان:ماتخليهش يقرا شنو من تحت راسك اعبلة لي عليك تهدني الاوضاع كلما بادتي عليك العنين كلما مزيان والباقي عليا
عبلة:شنو ناوي الدير
عثمان ميل راسو:غادي ناخدك من بين يديه ونخليه يقلب الدنيا باش يلقاك ومايلقاكش اعبلة سمعيني مزيان(….)
سمعات لكاع كلامو وهي كتهز راسها باه وتافقو على كلشي
عثمان:شحال عندك فالشارج
عبلة:89% كلشي عندو هنا ايفون نقدر نشارةي بالتهبية
هز راسو باع:ردي لبال..يلاه نخليك طفي الطليفون وخبيه
عبلة:واخة شكرا يزاف اعثمان
عثمان:ماشي وقت تشكريني نهار نخرجك من تماك عاد انقولك كيفاش تشكريني يلاه نهليك
عبلة:بسلامة
وقطعات وهي كتتنهد كتفكر فكلامو عثمان غادي تتشبت بيه حتى تخرج من لهنا ..السبع جمع الوقفة وقرب ليها ورجع التكا حداها من الجيهة لوخرا وحط راسو حداها بقات كتشوف فيه شحال فتالي هزات يديها وبدات تمسح على راسو تاهو عاجبو لحال تبسمات وهي كتشوفو مرتاح..جالسة وسط السبع ولغزالة لي رتاحو ليها بجوج..
عبلة:غادي نمشي من لهنا وغادي وطعنك طعنة خايبة اهارون وعد مني ل
راكبين فالطموبيل بجوج
صافي الاجواء ولاو تمام ونساو مصائبهم ادن خاص يعيشو الحياة شهراين وهوما دايرين عقلهم جا وقت النشاط والزهو..
وصلو لقدام دار الزاكي ..كلاكصوناو كان ديجا داير معاهم
طل عليهم:هاهو هابط
نزل عندهم وركب اللور
فهد:الزاكي خويا اشتقنا اليك
عمران:توحشناك وتوحشنا كمايتك
الزاكي:واغبور هدي
فهد:غا مع الدنيا
وسكتو كيتفكرو عبلة تاواحد ماقادر يقول شي حاجة
نطق فهد:خويا الزاكي حنا عرفنا عبلة فمدة قصيرة ولكن عرفنا انه بنت الناس ضريفة ماعرفناش شنو وقع بينها وبين خونا ولكن حنا هدشي ماعاجبناش وبغيناها ترجع
عمران:مانبغيوش ليها الادية..بحالها بحال ختنا..والله يحسن لعوان ماعارفينش اشنو بيها
الزاكي تنهد:انا تايق فختي وعارف الموضوع فيه ان
شاف فيهم:ماسمعتو والو ماكاين تا خبار هارون كيقلب ولا حابس؟
فهد:ماكايقلبش وماباغيش يقلب ومامخلي تاواحد يقلب عليها ..كيبان ماشي هو هداك واخة مخبي وماكايقولش ولكن ماعاجبوش الحال
الزاكي:ماخليت فين قلبت كاع معارفي دايرين يديهم معايا ..تا من لحراكة دخلتهم فلبلان تقول لارض بلعاتها
عمران:دابة تبان كون هاني وماغايكون غير الخير وحنا معاك فاي حاجة اختاجيتوها
الزاكي:الله يخفضهكم
وحل الصاك لي فخصرو:التواشي واجدين
عطاهم جوج مبرومين وعاد طروفة بعقلهم تا يبغيو ويبرمو على كانتهم
فهد خداهم منو:يتوب عليك ماكاين حسن من حشيش الزاكي لكتامي
عمران مد ليه لفلوس:الله يحفضك لينا
خدا منو لفلوس:يلاه اخوتي تهلاو اي حاجة هكا ولا هكا عيطولي نكون على بال
فهد:كون هاني ..
نزل وهوما ديماو داك الساع شاعلين جواناتهم منشويين عليه ديال لكانة غادين فداك الحومة بالشوية..
خرجات من المدراسة بطبليتها وشكارتها على ضهرها مع لبنات كيدافعو وتنتف هادي وتدفع هادي وتخرج عينيها فهادي عايشة الحياة..حتى كتلمحهم فالطموبيل شهقات:فهد وعمران صحااابيي
لبنات شافو فين كتشوف وهي مشات كتجري تابعاهم:فهد وااا فهد….عمرااااان
مع غادين بالشوية على حساب الدراري خارجين من المدراسة..
بداو يتصمكو من داك الجوان منزلين الشرجم..وغيثة كتعيط دايرة فضيحة
عمران شاف المراية:غيثة خت عبلة هدي
فهد دور وجهو:فين هي داك اللفعة ..
قشعها وهو ينطق تاني:ها صاحبة دعوتناا
عمران:وقف وقف
وقف الطموبيل وهي توقف عليهم كتلهت:من صباح وانا نجري ونعيط
عمران وفهد كيشوفو فيها كيف متكية على يديها وكتلهت وتدوي:سخفتونيي كلشي سمعني الا نتوما..نقص نقص من داك الموسيقى لي دات ليكم لعقل ومخليني كنعيط
كيشوفوها كتهضر بحال شي وحدة كبيرة
عمران: جات بين يديك بدا لانتقام ديالك نشوف…خاص ناخدو حق رزان
فهد بتفكير:ايااه جابها الله
غيثة:للباس عليكم مالكم ساكتين وكتوشوشو مع بعضياتكم
فهد تبسم ليها:الحمد لله غير ماسمعناكش مع الموسيقى سمحيلنا
غيثة:هانية نتوما راكم صحابي مادوزناش قليل
فهد وعمران شافو فبعضهم:اش دوزنا مع هاد القاصر
عمران:مانعرف هدي راه منتيف ..
فهد:غادة للدار
غيثة:اه ماقريتش واحد الساعة يلاه كنت غادية وانا نشوفكم..
ودورات عينيها على الطموبيل:وحديدة عندكم بحال دلافلام الحومة كلها حالة فمها فيكم..
فهد:طلعي نضربو بيك دورة ونيت نوصلوك ..علامن يجي وقت تمشي للدار
تبسمات فرحانة:بصاح ؟
فهد شاف فعمران وغمزو:رجع اللور خلي القاصر تركب حدايا..اليوم نركب فيها الرعب نخليها تشوف عزرائيل
عمران تبسم:سير على الله
رجع الكوسان اللور وتهز ورجع اللور وجلس
عمران:طلعي اغويتة
طلعات وركبات للقدام حدا فهد وهي اطير بالفرحة كتشوف فالطموبيل من لداخل حمقاتها..
فهد ديمارا:اشنو دوزنا فكريني نسيت
غيثة كدوز يديها على لكوسان عجبها:نسيتي فاش ساريتوني فالبيت ديالكم..وفاش عرضتو سورة الكافرون على بابا..وفاش لقيت فبيتكم رزان..وفاش هزيتها وهبطت بيها للتحت
ضحكات :انا بابا بغة يسلخني لعار اش دار فيكم هارون كوراه ملخكم عصا هههههه اويلي يا لمساهيط شنو داك العجب عندكم فلبيت يحسابلي مونيكة ساعة هي دايرة بحال بنادم
شافت ففهد:اش دار فيكم هارون خليتو مينطكم هههههه كليتو لفلاقة ورزان حرقوها ورماوها فالزبل هدشي لي سمعت ههههههه
كتتفكر بالضحك
فهد:زيدي عصبي دلمي زيدي
عمران قرب وهمس ليه:واش مأكد هاد القصر عندهاً حداش لعام هادي راه بحال داك الشارفات السامات..فرجني فيها
فهد:هنا نفرج خويا فيها
…
..
غيثة :ديرولي الموسيقى اصحابي
فهد:هي اللولة
دار لهاا فموسيقى
غيثة:واش هاد الطموبيل كتتحل من لفوق بحال لافلام؟
عمران:اه..فهد حل السقف
فهد داك الساع حل الطموبيل من لفوق وهي تبدا تسقف فرحانة :وااااااو زوينة طموبيلتكم اصحابيي
فهد جهد للموسيقى وخرج على الحومة شاد طريق لوتوروت وهنا زاد فالسرعة وشاف فيها وتبسم بخبث..
غيثة تبسمات شعرها طاير فسما ووقف وشد الريزو للفوق…
فهد كل شوية كيزيد فالسرعة ويشوف فغيثة باغي يركب فيها الرعب تا يخليها تغوت وتبكي وتقول نزلونيي داك الساع يقولها تعاودي تدخلي راسك فشي حاجة بعيدة عليك …
عمران تبسم تاهو بخبث وكيشوف فيها..هاهي شوية واتبدا تغوت وتبكي..نغز فهد باش يزيد فالسرعة
فهد زاد فالسرعة كتر وشاف فيها مازال كتضحك وتنقز مع الموسيقى…
قوص حواجبو هادي مالها ماتخلعاتش..زاد فالسرعة كتر وكتر..عمران بلع ريقو من السرعة لي غادين بيها وشاف ففيها البنت كتضحك وشعرها شاد لعلام لفوق فالسما
فهد زاد فالسرعة تا لتالي شوية ويطيرو…عمران بلع ريقو خاف من هاد السرعة كاملة ..وفهد مافاهم والو كيشوف فهاد البرهوشة لي كتضحك بالجهد وبصوت مرتافع ماخافت ماتحرك فيها والو…
زاد فالسرعة تا للاخير الطموبيل غادا كطير فالطريق ومخلية لعجاجة..
عمران دخلو الخوف من المزيان وشد فلكوسان حاس براسو ايطيرو همس لفهد:فهد نقص من السرعة اصاحبيي
غيثة كتضحك وبصوت مرتافع وهي كتصفق:لا لا زيييد زيييد فالسرعة زيييد افهد…زيييد تا لتاليييي وااااااااااااااا عاااااش الملييييك زييييذ فالسرعة زييييييييييييد عااااش المليييييك عااااااااش..بغييت نطيروًً
كتغوت ربي لي خلقها وتضحك بحال شي حمقة وتصفق السرعة ماخلعاتهاش بالعكس زادتها فالحماس والنشاط
عمران:اسكتييي الموصييبة سكتييي راه عزرائيل ايطيرنا جملة ..نقص ازبـ ي نقص
فهد مارضاش انه ماقدش يخلعها وانه جالسة كتضحك شد لفولون مزيان ودورو بالجهد وبدا كيكابري فالطريق بداك السرعة والطموبيل كتلعب يمين وشمال وصوت احتكاك الروايض مسموع بالجهد..عمران قلبو مشا وجا من الخوف وغوت:شكا دير القلا وييي حبس حبس وااااا حبااس
غيثة كضحك عقلها ايخرج بالضحك بدات كتغوت وتطبل بيديها وشعرها ولا بحاليلا ضاربها الضو كلو طلع فالسما من الريح لي جاي من السرعة:زييد زييد كابرييي زيييد…واااا الشيفووو. الا كنتي راجل كابري واا الشيفووور ايلا كنتي راجل كابريييييي
فهد كيزيد يلعب بالطموبيل بالاعصاب حتى كيتهزو من بلايصهم
غيثة:واااا الشيفورر ايلا كنتييي راجل كابريييييي
عمران شداتو الدوخة:اسكتييييييي الموصيبة سكتيييييي اش هاد لقلاو ييي حبس نت راه اتقت. ـلناااااا حباااااااس
فهد صافي حاس براسو ما ايبقاش قادر يتحكم فالطموبيل بدا كيخفف فالسرعة شوية بشوية وغيثة كتغوت داك الساع حلات الصمطا ووقفات من الحماس فاتحة يديها وهي فرحانة دايرة بحاليلا كطير:زييد زييييييييد اصاحبيي زيييييييييييييد فالسرعة
عمران قلبو كيضرب فالمية هو وفهد ايسكت لهم القلب وهي مازال كتقول زيد فالسرعة..
فهد غوت كيشوفها واقفة ماخايفاش :جلسيييي الموصييبة جلسي
عمران نزل من الطموبيل هاز قرعة دلما ومشا تحنا كيرد
فهد نزل تاهو كيمسح على راسو ويبلع فريقو كانو شوية ويطيرو
اما غيثة نزلات كتضحك وتحاول تقاد شعرها :وااااو عجباتني بزاف هاد الدورة عفاك افهد بقاو مرة مرة تجيو مورايا للمدراسة ونعاودوها صافي دابة حنا ولينا صحاب
ميلات راسها:مالكم شنو واقع لكم
فهد:لا والو غا كنا انطيرو فالسما
عمران:لا هادي باغة نصيفطنا طرونصفيري لعند عزرائيل بلا مايتعدب وينزل عندنا
غيثة هزات كتافها:مافهمتكمش شكا تقولو المهم وصلوني لدارنا راني تعطلت..تفوو كون كان عندي الطليفون كون مديت نمرتكم نبقة نعيط لكم فاش مانكونش قارية نضربو دورة
وصلوها ومشاو بحالهم
عمران:واش هادي نورمال كنا انطيرو وماخافت ماتالعبك ..
فهد:بان ليا هي لي كانت مبو ماشي حنا..وناري طيراتلي التبويقة جاتلي الشقيقة
عمران:تانا شدتني الشقيقة
ديمارا:شنو انديرو معاها مايمكنش تفلت منها
عمران:حل واحد خطبها وملي دير تمنطاش تزوجها داك الساع خود حقنا
فهد:اول مانضرب بيها لاكط انعدبهاا
عمران:ههههه نخاف هي لي تعدبك
فهد:بربي تانعدبها
عمران:ومن نيتك اتتزوجها باش تعدبها
فهد:سكتنا وبرم لينا جوان يقاد لمزاج نساها علينا تفوو على قاصر..
داز الوقت..
عند هدى ومهدي
مهدي فوج عليها شوية وهو جالس معاها وكيشرح ليها فالدروس ومرة مرة يفتح معاها شي موضوع ويعاود ليها
مهدي:بصراحة دخلت فشحال من علاقة مع بزاف دلبنات بلا حساب تا وحدة ماقدرات تاخد قلبي ماعرفتش واش مني انا ديفو ولا منهم هوما
هدى:علاش كيفاش دوقك فلبنات..
مهدي:ماعرفتش انا نجيك من التالي الحاجة الساهلة كنعيفها لبنت لي دغية كتتحل ليا ولي ماكاتصعبش عليا لامور ولي دغية كطيح لزيني وفلوسي وهضرتي لحلوة وتعطيني راسها ماكانقدش نبقة معاها لحد لان مازال مالقيتش شي بنت عازة راسها ولي مارماتش راسها عليا
سكت لتواني وهو كيشوف فيها:باغي شي وحدة لي تخليني انا نتبعها وانا لي نتمنى كلمة منها نسمعها ولي غير ضحكة منها تاهد عقلي ولي تخليني نشوفها غا هي ..وتدفع زينها وشبابها غالي عليا ..
هدى كتتصنت ليه وتفكر فكلامو هو كيلمح بحوايج خرين وهي بالها فحاجة خرا..مشا تفكيرها لعلاقتها مع كريم من ديما كانت هي لي كتعيط وتصيفط ليه وتصدعو وتلين حبها ليه وتبغي تتقرب منو..شافت فمهدي وكلامو ميتعاود فراسها..زعمة كريم نافرها وماكايتفربش منها حيت ديما لاصقان ديما تابعاه حتى فاش كان بعيد هي لي كتصيفط وتسول وهو غير كيقرا ميساجاتها بلا تا رد..زعمة تكون طالعة ليه فالراس بهادشي ديالها..تفكرات البنت لي شافتو معاها من الشرجم..زعمة هديك تكون دافعة عليه كبير ولا ماعرت..عليها هو معاها..
تنهدات مابقاتش متسنع لكلام مهدي لي مازال كيهضر على نوع البنت لي باغي …زعمة لا دفعات كبير على كريم ومابقاتش عاطاه داك القيمة لكبيرة لي عاطاه يولي هو لي تابعها..مهدي راجل اكيد عارف تفكير الرجال…
فيقها كلامو:ونتي علاش ماداخلاس فتاشي علاقة
هدى شافت فيه لثواني عاد نطقات:هكاك ماعنديش مع داكشي ..ماكانبغي نتصاحب ولا ندخل فعلاقات مع الجنس الخشن..عمري جربت وماباغاش نجرب
ميل راسو متبسم:سمحيلي ولكن هاد الزين كامل اكيد ايكونو كيتخاطفو عليك
تنهدات كتفكر كريم سد عليها فداك الميتم ماشافت حد ماشافها حد..من غير هداك لي كانت اتتزوج بيه غير حيت خدام فالميثم..
شافت فيه:اه بحال داكشي ولكن ماكانعطي فرصة لتاشي واحد
زاد تبسم كتزيد تعجبو :فخبارك فيك المواصفات ديال البنت لي يبغيها اي واحد
هدى:غير كيجيب ليك الله
مهدي:ماغاتقوليليش مالك وعلاش جيتي فداك الحالة
عضات على لسانها من لداخل ماتمرهش تعاود ليه ملشي وتخوي قلبها ولكن ماتقدش كريم محدرها تعاود على علاقتهم وزواجهم ولا يعرف شي حد
نطقات:والو ..سوء تفاهم بيني وبين خويا
مهدي:خوك صعيب
هدى:شوية..شي مرات كيولي صعيب وي مرات حنين شي مرات كنقول صافي عرفتو كيف داير وشي مرات ماكانبقة فاهمة فيه والو..شي مرات كنخس معاه بلامان وشي مرات كيولي كيجرحني
مهدي قوص حواجبو:شكون هدا
حسات على راسها:خويا..خويا هدا
مهدي:لهاد الدراجة كيأتر عليك خوك وكتهزي فخاطرك من جيهتو
هدى:حيت هو لي عندي
تبسم:الله يهليك ليك..اميد ختو عندها هاد الزين كامل ايخاف عليها وايبغي يزمتها
هزات راسها باه وتبسمات:شكرا حيت بقيتي معايا
مهدي:انا معاك فاي وقت حتاجيتيني
تبسمات ليه كتر:فرحانة حيت تعرفت عليك
مهدي:وانا كتر
وقفات عليهم واحد البنت وفيديها جوج بطاقات:سمحولي انقاطع ليكم خواركم الرومانسي ولكن راه تواتيتوو نع بعضكم
هو تبسم وهدى خرجات عينيها
لبنت:هادو بطاقات دعوة لخفلة عندي فالدار مرحبا بيكم اجيو
وغمزاتهم ومشات
مهدي كيشوف فالبطاقة:شنو نمشيو
هدى:ماعرفتش تانشوف مع خويا
مهدي:ضاروري تحضري نشطو شوية
هدى:المهم نشوف اشو تما
تبسم وهو ميشوف فيها كتعجبو بزاف وباغي بوصل ليها باي طريقة
ناضو دخلو لواحد الحصة وخرجو بحالهم..لقاتو كيتسناها رمبات بلا تا كلمة
كريم ديمارار وشاف فيها:مالك
نطقات بجمود:ماماليش
وسكتات شحال ونطقات:انمشي لواحد الحفلة عرضاتنا واحد البنت
ميل راسو:ماكاين لا حفلة لا والو..قلنا تقراي ماشي تمشي للحفلات
هدى:ولكن
فاطعها:لي عندي قلتو
سكتات وهي كدورها فدماغها وتمتمات بصوت كتسمعو غا هي :انمشي هي انمشي
..
داز الوقت..طاحت الضلمة
داتها عينيها وهي وسطهم ويديها على ريوسهم بجوج..وتاهوما ناعسين..
حتى كيقفزها واحد الصوت ..جاي من واحد المسجل معلق فالحيط:الماكلة ديال السبع اتلقايها فداك البيت لي اونفاص معاك كاينة تلاجة تماك عطيه كاع اللحم لي تماك..واتلقاي الاعشاب ولعلف ديال لغزالة…
ماعرفاتش شكون مول الصوت..السبع فاق هو ولغزالة
السبع حاس بالعطش والجوع بدا كيشمشم فداك لباب لمسدود
عبلة ناضت داك الساع خايفة من الجوع ينوض ياكلها
حلات لباب ودخلات حلات التلاجة لقاتها عامرة باللحم
دارت داكشي فواحذ لبانيو والسبع كيحوم عليها جراتو لبرى وخلاتو ياكل ..عاد قادات للغزالة ماكلتها
شافت فيها:اجي تاكلي
قربات وبدات تاكل تبسمات وهي كتشوفهم كياكلو بجوج ..جاها الجوع تاهي:تفكروهم وانا والو
دورات وجها وني تشوف صنية دلماكلة حدا لباب محطوطة مشات داك الساع جراتها بيد وحدة لي مامضروباش بالموص وبدات تاكل تاهي
نهار جديد ..
حلات عينيها بتعب كتموت بالبرد نتسات وهي جالسة وسط السبع ولغزالة ناضت شربات وهي كتمسح على جسمها ورجعات تخشات وسطهم وحطات راسها على السبع كتدفا فيه بالشعر ديالو لكتيف ولغزالة غير حسات بعيلة بعدات تهزلت وقربات ليها وتهشات فعبلة تبسمات كتمسح ليها على كرشها ..مامشا تا دارها وخلاها تبات معاهم تنهدات قلبو حجر لهاد الدراجة وكتر..غمضات عينيها لدقايق حتى كتتحل لباب حلات عينيها من الضو لي دخل مع لباب ضرها فعينيها وهي كتشوفو داخل بلباسو لكلاس وخطوات تقال
عينيه عليها كيف متكية على السبع دغية انساجمت معاه ومشا الخوف ..وصدقات ناعسة وسطهم وهوما مرتاحين ليها ..شي وحدة خرا تمـ وت غا بالخلعة..
وقف عليها وفيديه واحد لبواطة ميل راسو كيشوف فيها ..ناضت جالسة بتعب
رجع بعد عليهم:اجي
تنهدات وناضت تابعاه وققفات بلا تا كلمة منزلة راسها ماحملاش تشوف فيه ولا تشوف فشكلو كيجيب ليها الرعب خصوصا ملي كتتفكر اش دار فيها ودابة جاي واقف قدامها
زيرات على حوايجها دمها ولا يغلي ومعدتها بدات تضرها..
حط داك لبواطة فوق واحد لخشبة تماك حلها وشاف فيها دوة بجمود:اري يديك
كتشوف فالأرض ورجعات يديها اللور بلا تا كلمة ماباغاهش يقيسها ولا يقرب ليها
ميل راسو عينيه نايمين ونضرات جامدين لعوبين مزير على فكو..قرب خدا يديها بالسيف عليها وهي كتحاول تنتر تبتها مزيان عيات صابرة وهي تهز عينيها فيه:ماتقيسنيش
علا حاجبو وهو كيحل لفاصمة بلا تا كلمة
عبلة عاضة على سنانها
نطق وهو كيشوف فالجرح:دغية درتي بلاصتك مع السبع
وبدا يعقم ليها فالجرح لي هو سبابو
عبلة:حيوان مفترس وفقلبو الرحمة
نطق بهدوء:ماتيقيش فيه بزاف حيت فاي لحضة اعبلة يتيسيف عليك وياكلك بلا رحمة لا كان جيعان
هز راسو فيها:تعلمي ماتبقايش تيقي
عبلة غير كتشوف فيه كيدهن ليها واحد لبوماضة:انت اول واحد عطيتيني درس فالتيقة
البوص غير ساكت بدا كيلوي ليها لفاصمة على يديها
عبلة ستافزها بهاد الجمود والهدوء ديالو القاتـ ـل كيداوي فيديها بحاليلا ماشي هو لي غرس ليها لموص فيها بلا رحمة..وماشي هو لي عيشها فكابوس وطعنها وعدبها..
عبلة:غايجي واخد النهار ما اتلقانيش ما انبقاش معاك كنحلف ليك ما انبقاش معاك ..مستحيل نبقة مع شيطان في صفة انسان وغيجي واحد النهار وانقولك ياك قلت لك ما اتلقانيش وانمشي من عندك…وكيما طعنتيني انطعنك
وصل للحزمة وهو يزيرها بالجهد تا غوتات من لحريق جاتها على الجرح عروق جبينها بانو من لحريق
ونطق:هاد اللسان شحال ما طال اعبلة تاهو غادي نقطعو .اما لهروب وتمشي من لهنا هدا حلم عمر يتحقق ليك نتي ماعارفاش راسك فين وعندمن..
عبلة غير كتشوف فيه وكتلهت من لحريق لي فيديها
عضات على شفايفها كان ايدوي وهو يميل راسو من خركة شفايفها قرب لبها كتر وهز يديه كيدوزها على وحها نازل لشفايفها بصبعانو هي بلعات ريقها ماحاملاش القرب ديالو..رمشات بعينيها بالزربة ملي حسات بانفاسو خارين على وحها من قربو زاد قرب شوية عينيه على شفايفها وهي تقلب وجها وهمسات:ماتقربش ليا
وشهقات فاش ضغط على خصرها ونطق:مازال ماعشتا والو اعبلة داكشي لي عشتيه مع هارون والو قدام لي اتعيشيه مع البوص…البوص باغي منك بزاف دلحوايج
وحط صبعانو على شفايفها عمري نتفرق عليك اعبلة..انا كابوس ايبقة ملاحقك حياتك كاملة ..ماغاترتاحي مني تا دفنيني ولا ندفنك تحت التراب
وبعد عليها ملي حس بواحد الرغبة مابغاش تغلبو وهي كتتهرب منوو.
مشات نيشان لداك الخربة..
دخلات نيشان الحمام سخنات لما ودوشات بالخف مبعدة يديها لي فيها لفاصمة ومحاولة عليها لا تقصحها..
وخرجات تنهدات توحشات دوش فحمام المها وتكمد عضامها ودير داك التبريمة لي كتقاد ليها ..وترجع للدار تلقة الباها شرا للسفنج ويوجدو اتاي ويتجمعو عليه وتبدا تتعاطا بالهضرة هي وغيثة لي لسانها طويل ..ويجيها ميساج من عند الزاكي يقولها هبطي للباب جبت لك شي امانة
وتتسلت وتهبط ويمد ليها صاشية فيها السقاطك ليها ولغيثة ويعطيها برية فيها لفلوس تكفيهم ويشيط منها لشهر كامل تعنقو ويوصيها ويبوس راسها وتطلع..توحشتت تفيق فالصباح تمشي تخدم فالصبيطار ودوز النهار وسط المرضى..وترجع باغة غا تنعس والدماغ خاوي..توحشات حياتها لقديمة….جلسات على جنب الناموسية حتى كتدخل دلال فارعة لباب؛تهزي تحركي ونتي عجباتك الراحة
شافت فيها عبلة ودوات باستهزاء:شمن راحة؟
دلال:تبعيني للكوزينة
عبلة:يدي مريضة
دلال:غزات فيك ..البوص ما عطبك من يديك تا درتي علاش..نوضي قدامي كاين مايدار بيد وحدة..لبسي وزيدي حطينالك حوايجك لهيه دالخدمة يلاه تحركي
دورات وجها كتشوف لينيفورم دالخدامات تماك
شافت فيها:سيري دابة نتبعك ماتوقفيش عليا كي شي عساس ماعند جد بوه ما يدير من غير الحضية وتوصال الهضرة
دلال قربات ليها:شكا تقصدي الحمقة
عبلة وقفات ودلال رجعات اللور خافت
عبلة تبسمات :سيري لي فيك كافيك ..نهار تتفيضي ليا الكاس ما انعقلش عليك ونديرك تحت مني ونبرد جنوني وحماقي فيك
دلال بلعات ريقها:مازال لسانك طويل
عبلة زادت قربات ليها:تا يدي طويلة
دلا:عشرة دقايق ماتكونيش فالكوزينة نخلي نهارك يدوز كحل
وخرجات..
عبلة تنهدات ومشات كتلبس عليها ..بالشوية جمعات شعرها ..كتشوف فيديها بلفاصمة كضرها ملي كتتحرك..
حطات يديها على عنقها داك الجرحة بدات تبرى..حركات لسانها تاهو بدا يبرى..عطبها من كل جيهة..
ومشات للكوزينة ..
دلال كتشوف فوحدة من الخدامات:نتي وياها اتتكلفو بلبيوت ..
شافت فعبلة:اتمسحي الغبرة ودوزي سبيراطور على الزرابي ..ونتي اتطوي وتستفي وتقادي..انسالي واندور عليكم..نشوف اش ناقص وياويلكم من الغش..يلاه تحركو
عبلة:بلاتي نفطر خاص نشرب الدوة..
دلال:تحركي سالي واجي تاكلي وشربي السم داك الساع
بغات تدوي وهي تدخل نورة
عبلة غير شافت نورة قلبات وجها
نورة شافت فدلال ونطقات:مدام عبلة جلسي تفطري انا انجيب ليك دواك
دلال:مدام عبلة؟ ههههه انا لي مكلفة بيها اتقدي شغالها عاد تجلس تفطر شكون قالها دير المشاكيل وماتفطرش هدي غير خدامة بحالها بحال غيرها ونتي عفاك ماتتدخليش خليني ندير خدمتي ..تحركي نتيي
نورة قربات عند دلال وزربات عليها وجراتها من عنقها مزيرة عليه خانقاها:اخر مرة تتطاولي فالهضرة على مدام عبلة قدامي داك الساع قرجوطتك انخرجها بيدي ويوقع لي يوقع…
دلال تخنقات ولات كتهز راسها غير باه
نورة دفعتها عليها:كلشي يخرج من الكوزينة ولي عندها شي شغال تمشي تقضيه
كلشي خرج بقات هي وعبلة
عبلة بغات تخرج تاهي وهي توقفها نورة:مدام عبلة سمعيني عفاك
عبلة:حيدي من طريقي مامحتاجاش ليك تعاونيني سمعتيني
نورة:سمحيلي على داكشي لي وقع انا درت غير خدمتي البوص كلفني وانا نفدت مانقدش نخالف اواميرو بحالي بحال غيري انا غير كنفد تانا عندي عائلة تانا يقدر يقتـ لني فاي وقت عدريني عفاك ولكن والله تا عزيزة عليا وعمري بغيت نأديك وماراضياش على داكشي لي كان يوقع ليك
عبلة بقات كتشوف فيها تنهدات فعلا نورة غير عبد مأمور وغير كتنفد وايلا دارت العكس تاهي يقتـ لها ولا يدير فيها شي موصيبة:الله ياخد فيه الحق
تنهدات وجلسات ونورة مشات كتقاد ليها لفطور سلات وحطاتو قدامها ..
عبلة بدات كتاكل شافت فنورة:جلسي
نورة بقات كتشوف فيها
عبلة:جلسي راني غا خدامة هنايا ماشي مولات الدار
نورة تبسمات وجلسات حداها
عبلة شربات دواها ديال المعدة لي كانت بدات الضرها
ونورة خشات يديها فجيبها جبدات واحد لبواطة ديال الدوة وحطاتو فوق الطبلة حداها ونطقات:خاص تبدايه ليوم
عبلة شافت فداك الدوة هو نفسو دمنع الحمل قوصات حواجبها
#المعاهدة❌
في مجلس كبير هنا نيت فالمغرب..
هاد المجلس كيتضمن عشرة دلكراسة..وكيترأس هاد المجلس رجل كبير في السن بدلة رسمية راقية شعر عامر شيب وعكاز فيديه ..والكراسة ضايرين بيه جالسين عليهم زعماء ديال كل مافيا داخل لهاد المنضمة..
هاد الراجل لكبير اسمو (باولو)رجل ايطالي وزعيم مافيا ايطالية سابقا ودابة رجع كمستشار لكل مافيا داخلة لهاد المنضمة ..وافقو باش يكون المستشار ..وكيعطي حلول وعلى يديه كيتوقعو معاهدات بين كل. رجال مافيا وصفقات ..ولا وقع شي مشكل كجيو عندو يكون الحاكم بينهم طبقا لبعض القوانين عندهم وحيت عندو خبرة وكبير في السن وكلشي كيحتارمو …وقبل يعتازل دار صلح مع كاع الاعداء ديالو
على يمينو البوص وعلى يسارو عثمان..
باولو بالايطالية:ادن قررتي تسني على المعاهدة ديال دعمك للبوص ..اي دعمكم لبعضكم فاي خطوة كيدير كل واحد فيكم
عثمان هز راسو باه وعينيه على البوص :اه تماما
البوص كان فيديه بونقشة كيلعب بيه كيحلو ويرجع يشدو وليكات كوحل دالجلد لابسهم…مع بدلة رسمية كلاسيكية فخمة وسيجارو محطوط فوق الطفاية شاعل ..
باولو وفيديه الورقة فيها القوانين لي معروفين:هنا غادي تبصمو بدمكم كيف هو معروف
دار اشارة لواحد واقف على راسو باش يمد ليهم الورقة يقراوها ويتأكدو من داكشي لي مكتوب عطا للبوص من بعد عطا لعثمان..طبعا معروف اش مكتوب تماك ولكن ضروري يتقرا داكشي ..
باولو :وقت البصمة
البوص حيد ليكات وقرب بونقشة لصبعو لابهام جرحو بالخف وقرب ليه نفس الراجل الورقة داك الساع بصم بدمو ..
عثمان نفس الشي جرح صبعو وبصم
وعطاو الورقة لباولو كيشوف فالبصمات:المعاهدة تمت بيناتكم ..من بين اهم القوانين لي فهاد المعاهدة بعض المشاكل كيتحلو بالـد ـم نتمناو ما نطيحوش فهاد الحل والامور كلها تمشي مزيان بلا غدر بلا مشاكل ..وتقادو اموركم بيناتكم وتتفاهمو على اي حاجة دقة بدقة
باولو كيهضر ليهم على المعاهدة ويشرح لعثمان لي انضم ليهم..فهاد القاعة كاينين غير لي داخلين مع البوص فهاد المعاهدة كلهم رؤساء مافيا من مختلف الاجناس ..روسيا ..فرنسا..ايطاليا..لبنان..تركيا..وزيد وزيد..اي صفقة واي قرار واي عملية كيكونو داعمين بعضهم ومتاحدين..ممنوع الغدر..الغدر عندو عقاب ..القتـ ل تاهو عندو عقاب المعني بالامر كيختار واش ياخد حقو بالدم ولا بفدية يختار نوعها مالية ولا الروح بالروح..وبزاف مع الوقت انتعرفو على قوانين المعاهدة اشنو هوما..
باولو جمع الوقفة ومد يديه:مبروك عليكم ومرحبا بعثمان
قرب عثمان سلم عليه:شكرا ليك
قرب البوص تاهو سلم عليه:شكرا ليك
شافو فبعضهم وتسالمو باليد كيتبادلو النضرات الرجولية بيناتهم
باولو:نخليكم عندي اجتماع فايطاليا انسنيو معاهدة تانية
سلم عليهم تاني ومشا
بقاو الرؤساء مع بعضهم رجعو جلسو كيهضرو على بعض الامور
هادو لي فهاد القاعة بحدهم عارفين البوص شكون هو ..من شروط المعاهدة الوجوه تكون مكشوفة والسر يبقة بيناتهم وفعلا مستحيل يخرجو اسرار بعضهم يوقع لي يوقع….
سلاو داك الاجتماع..كل واحد جاي للمغرب بالطائرة الخاصة ديالو ورجعو لبلادهم..
بقة عثمان والبوص
عثمان :البوص المعاهدة درناها …بقاو الاسلحة بغيت نجربهم فأقرب وقت
البوص كيلعب بالتسابيح فيديه:اجي فاي وقت مناسبك للقصر تيستيهم وخود فكرة عليهم كتر
عثمان:مشات..
كانو جابو ليه طموبيلتو لقدام داك المبنى ركب وديمارا وموراه ربعدة ديال الطموبيلات عامرين بارجال كلهم مسلحين
عثمان سايك وهو منبسم:انشوفك اعبلة وربي كبير
جاه اتصال كانت الام ديالو جاوب:الرليدة واقلة لقيت البنت لي منقلب عليها
تبسم بخبث وهو ميسمع مو متصحك فرحانة وفدماغو كيخطط ماعارفس راه ايدخل لولمد الحرب كبيرة مع البوص لي ماشي ساهل ليه
نورة خشات يديها فجيبها جبدات واحد لبواطة ديال الدوة وحطاتو فوق الطبلة حداها ونطقات:خاص تبدايه ليوم
عبلة شافت فداك الدوة هو نفسو دمنع الحمل
عبلة:لاش هدا
نورة:احم راكي عارفة لاش دابة البوص ولا باغيك فالجناح ديالو ملي يعيط ليك
عبلة:شكا يخربق هدا
هزات يديها لي فيها لفاصمة فوجه نورة:شوفي اش دار فيا وشنو دار فيا شحال هدا واش يحساب ليه ايحلالي فلفراش وانكون معاه كيف بغة؟
نورة شدات ليها فيديها:سمعيني عفاك ..حيت عزيزة عليا انقولك هاد الهضرة..هارون الزعيم كنعرفو من شحال هدا وفالفترة لي عشت معاكم فلاباغطومو شتو كيفاش ولا..كاع داكشي لي وقع بينكم ماكرهكش..كان بامكانو من الليلة لي عرفك شكون نتي يقتـ لك ولا يدير فيك شي حاجة حيت هو هكا ..ولكن هو مادارهاش خلاك معاه بحجة يعدبك وهدشي عمرو دارو ..شتو كيفاش ولا يجي للدار ويقلب عليك..وفاش ماكاتكونيش كيكون مديرونجي..كيطلبك لفراشو وهو بامكانو يمشي عند وحدة خرا حيت ماصدقتيش كيف كان باغي..كيعيا يقسى عليك ويرجع يطبطب عليك..كان معاك هارون الزعيم في الوقت لي كان خاصو يكون البوص..
سكتات وكملات:بغيت نقولك انك قدرتي طيحي هارون الزعيم وتخليه يتعلق بيك ويقدر نقولو يبغيك كاع
هنا عبلة ضحكات :لا صافي حد هنا وحبسي من نيتك راه كتهضري على شخص واحد ماشي هو حمق تانتي تحماقي معاه..هارون الزعيم هو نفسو البوص وهو نفسو لي قلبو حجر وشيطان عمرو يبغي شي حد سمعتيني قلبو قاصح كيبغي يعدبني ويشوفني كنتعدب ماشي كيبغيني
نورة:تيقي بيا انا عاشرتو هدي سنين وكنعرفو مزيان …عمري شتو هكا غير معاك نتي وهدشي كامل كيدل على انه كيحس بشي حاجة من جيهتك
بغات عبلة تدوي وهي تقاطعها:نصيحة اعبلة ماتحاوليش تعانديه ولا تعصبيه حيت اتجي فيك..وماعندك فين تهربي منو مستحيل تخرجي من لهنا واخة ديري لي درتي ولنفترض قدرتي تهربي راه يجبدك واخة تكوني من تحت الارض ويجيبك يعدبك كتر
نورة سكتات كتشوف فيها بجدية:كيفما قدرتي تحركي مشاعر هارون الزعيم راكي قادرة تحركي مشاعر البوص. بسهولة كلشي بين يديك..عرفتي شنو معنى تخلي البوص يبغيك راه يحرق الدنيا على قبلك وكاع هادو لي فهاد القصر ايوليو تحت رجليك..ماتعانديهش وسايريه صبري شوية خليك يحس معاك بلامان بحال هارون تخليه يجي كيقلب عليك وراحتو تكون غير معاك تانعاسو يجيه تقيل بلا بيك …نهار يبغيك اعبلة داك الساع نتي قادرة تبدليه كيف بغيتي وتقدري تبعديه على هدشي كامل تيقي بيا ماكاندويش من فراغ ..راه كلشي بين يدين البوص راحتك وحياتك وكلشي اعبلة لا كسبتي البوص حسبي. راسك نجيتي ..
عبلة غير كتشوف فيها وتتصنت لكلامها حتى عثمان قالها ساسيسي معاه وخليه يقرا الامان فيك
نورة قالت ليها مستحيل تهربي من لهنا وتا ايلا هربتي ايجبدك ويعدبك كتر..فلحضة جا فبالها انه تسحب فكرة الهروب وتطبق كلام نورة
نورة:بغيت نقولك شي حاجة ماعنديش الحق فيها ولكن هي الحل الوحيد
عبلة كانت كتفكر فكلام نورة لي خلاها تبدا تعاود افكارها من اول وجديد
عبلة:شنو
نورة:احم…ماتشربيش هاد الدوة دالحمل
عبلة :كيفاش
نورة:حملي منو اعبلة..جيبي ليه شي وليد طرف منو
عبلة خرجات فيها عينيها مصدومة من كلامها:واش حماقيتي عارفة راسك شكا تقوليييييي …
..
نورة:عارفة اعبلة..هاد الولد هو لي ايبدلو ويخليه يشوف الحياة من منضور اخر وهو لي ايخليه يتشبت بيك اكتر حيت نتي لي جبتي ليه هاد الوليد
عبلة مازال مصذومة:لا نتي حماقيتي ..واش نتي عارفة شحال من مرة قالي لا حملت ايقتـ لو وهو فكرشي
نورة:سمعي لكلامي اعبلة..
قاطعتها:مستحيييل سمعتيني انا كارهاه نزيد نحمل منو باش فتالي يطيحو ليا …
وقفات:مستحيييل
نورة:انا غير قلت ونتي فكري فكلامي
ووقفات تاهي:ايلا حتاجيتي شي حاجة غادي نكون فالمكتب لي لتحت..
وخرجات مخلية عبلة وسط كومة من الافكار..كلام عثمان وكلام نورة كلشي كيدور فدماغها تا ضرها راسها…
مشات كتغسل فوجها الشاحب..
حتى كتسمع صوتها :وجديلي قهوة
عضات على سنانها كتكرها ..كانت سحر
دورات وجها كتلقاها جالسة وكتشوف فيها بحقد
عبلة ماجاوبتهاش ومشات كتقاد ليها قهوة
سحر جالسة وحاضياها حاقدة عليها كطلعها وتهبطها وتشوف فكاع تفاصيلها ..فورمتها شعرها وجها كلشي فيها..جمالها بسيط جدا ماشي شي وحدة لي كتحمق بالزين حروفها زوينين جدابة كتر من الزين..فورمتها عندها المؤخرة كتجدب والصدر ولكن عندها شوية دالكرش والجناب..يعني عبلة ماشي من دوك لبنات لي كاملات مكمولات عندها تاهي عيوب..شعرها ماشي رطب مية فلمية وبشرة مبرونزية..
سحر كاع هاد التفاصيل دققات فيهم باغة تعرف شنو فيها لي مخلي البوص مايل ليها ..اه مايل ليها واخة ينكر..واحد بحالو بفلوسو ومكانتو بوليسي ومافيوزي بالذكاء ديالو و وسامتو يجيب حسن منها بأضعاف …كون بصاح ماعينوشً فيها كون من النهار اللول قتـ ـلها ..
تمتمات:ماتستاهلش كاع تكون معاك
عبلة سلات التوجاد وقربات ليها وفيديها لفنجان حطاتو قدامها مامعبراهاش
سحر هزات القهوة بلا مادوقها ومداتها ليها:مسوسة عاوديها
عبلة هزات حاجبها:دوقيها بعدة
سحر:اتوريني شنو ندير ..شدي عليا
عبلة طلعتها وهبطتها دايرة كي شي عزري الدوار بلباسها والقبية على راسها ..واخة هكاك زينها واضح لعوينات زورق مرمشين شفايف مبومبين بشرة بيضة..فورمتها لي ماواضحاش حيت ديما لابسة لمفض فض..
عبلة:انعاود نقادها مرة خرى ولكن ماسوقيش لاجاتك تاني مسوسة
وقربات وعينيها فعين سحر لي مادة ايها الفنجان مدات يديها تاخدو منها..هنا سحر رخات لفنجان باش يتكفح على يدين عبلة ولكن عبلة كانت سبق منها شدات لفنجان وبيه فيه رخات منو وخلاتو يتكفح على يد سحر سخون تا شهقات من لحريق وجمعات يديها
عبلة تبسمات بخبث:ويلي جاك سخون
سحر خنزرات فيها كتماصي فيديها بغات تقولب عبلة ساعة عبلة قولبتها
عبلة عطاتها بالضهر:نوضي غسلي يديك علامن نقاد ليك قهوة اخرى
مشات كتقاد القهوة..
سحر بقات كتشوف فيها عاضة على سنانها ونطقات:اخرتك موـ تك على يدي انا
عبلة:سبحان الله لهالدرجة عليا لاقبال كل واحد باغي ياخد الشرف تكون مـ وتي على يديه..
سحر وقفات استفزاتها بزاف جبدات جنوي من تحت حوايجها وفأخر لحضة رجعاتو لبلاصتو وخرجات من الكوزينة
عبلة كبار القهوة فلفنجان ودارت مالقاتهاش تبسمات وهي كتجغم من القهوة:نشربها انا نيت
تدوقتها ونطقات:على مزيناتها قهوة..
ومشات جلسات كتشرب القهوة خشات يديها فجيبها وجبدات داك لبواطة دحبوب منع الحمل كتشوف فيها وتتفكر كلام نورة…من واحد الناحية عندها الحق ولكن هي مابقاتش قاذرة تستحمل تشوف فيه لاحراك تسايس معاه ودير ليه الخاطر وتشاركو لفراش لاا وتحمل منو …وتفكرات تاني كلام عثمان لي حسات بانه قادر يعاونها..ولكن راه البوص هدا لي ملعب لبوليس والمافيا بين يديه كيف بغى ..ماشي ساهل تتفك منو ..
لافكار كترو فدماغها باغة تبع طريق وحدة ..اينا طريق الله واعلم…كتشوف فداك لبيلول وفكرة تحمل منو كدور فراسها
نهار جديد..
كانو بتلاتة فالمكتب
هارون مسح على راس مروان:برافو عليك
مروان فرحان :مروان تاحاجة ماصعيبة عليه
هارون شاف فكريم:تبارك الله عليك
كريم تبسم ليه:درنا خدمتنا وصافي تانت عاونتينا
هارون:دابة خاص يخدعو للتحقيق ونعرفو شكون موراهم خاص نشددو المراقبة باش مايوقعش بحال اخر مرة كلهم شربو السم..انضغطو عليهم شوية بشوية حتى يقولونا باقي افراد المنضمة الار ـهابية فين
كريم:نبحتو على عائلاتهم وكاع لقراب ليهم هنا غادي نضغطو عليهم كتر
هارون:بلان نت تكلف وبحت ..ومروان نت غادي تتكلف بدوك الاجهزة لي لقينا عندهم تعرفهم ديالاش اينا نوع او واش يقدرو يوصلونا لشي حاجة..
مروان:مروان كيقولك واخة..
هارون:نخليكم..
كريم:تانا عندي مايتقضى
خرجو وخلاو مروان..بقة جالس بوحدو حاس بالملل خدا طليفونو ملي تفكرهم دوز النمرة ديال فهد جاوبو داك الساع:افين ابا مروان
مروان كيحرك راسو يمين وشمال:مروان ماشي الباك ..الباك هو يوسف الزعيم
فهد كيضحك داير لهوط باغلور:صافي سمحلنا..اش حب الخاطر اسي مروان
مروان كيحك راسو ونطق:مروان باغي يحـ وي بحال لفيديو فوقاش اتجيبو ليه البنت لي قلتو
فهد وعمران خرجو عينيهم فبعضهم من الصدمة من كلامو حطها هكاك وتفرشخو بالضحك هرب ليهم:ههههههههه
مروان تبسم:ديما كضحكو على مروان
فهد :صافي صافي…شوف نقلبو ليك على شي توتة قرطاسة تكون نقيقية ونعيطو ليك نقادو لبلان
مروان:لا لا مروان ماباغيش توتة وقرطاسة باغي بنادم تكون بنت انسان
فهد:اياه ايه هي هديك انشوفو ليك شي وحدة زوينة
مروان:مروان كيقولكم واخة يلاه بسلامة
وقطع عليهم ..خلاهم كيتفرشخو بالضحك
داز الوقت..القصر اليوناني..
يلاه نوضتها هي ودلال فالكوزينة هزات لبرودويات لي اتحتاج وخرجات من الكوزينة من بعد ما عصبات دلال وخلاتها كتغوت بوحدها..كانت دايزة من حدا الصالة..
الحاجة:ايجي البوص؟
ابراهيم:لا ما ايجيش..
الحاجة:الله يعاونو ويغلبو على الاعداء ديالو
عبلة طلعات مع الدروج كتمتم:شمن اعداء راه هو الشيطان لكبير الله ياخد فيه الحق..
دخلات للبيوت كتمسح فالغبرة ودوز سبيراطور كانت الخدامة لوخرا ديجا قادات النوامس وطوات لحوايج وهبطات لي خاصو يتصبن..عبلة عيات وهي كدور فلبيوت تا وصلات لجناح البوص دخلات ليه وهي حاسة بالهيبة ديالو تماك كتمسح وحاضية جنابها يقدر يخرج ليها فاي لحضة..تا حسات بالامان وخدات راحتها ..سلات كلشي لقات راسها عراقت وعيات جلسات فوق الناموسية ترتاح:محتاجة لشي تدويشة..
دورات عينيها على الجناح:يعطيك موصيبة شبعان فلوس ومبرع راسك
بقات كتفكر وكتشوف مع جنابها فتالي تبسمات:شكون شافني ..ندوش هنا نيت بالزربة ونشف شعري ونهبط
ناضت دخلات للحمام كتشوف فالشومبوانات ولي باندوش وشي برودويات:باش كيعجبني عندو غا المجهد..شحال مادوشت بهدشي
خرجات هزات فوطة ورجعات للحمام حيدات حوايجها وجابت ميكة غلفات بيها يديها ووقفات تخت الرشاش عريانة تماا من غير داك السليب لي داخل فترمتها لمبومبية..ستحلات داك الما الدافي …
لتحت دخل للقصر وقفو ليه باحترام قرب لقا السلام:فين سحر
ابراهيم:لفوق..
ابراهيم:ياك لاباس
البوص:نطلع ندوش ونهبط نهضرو..
تم غادي وعينيه كدور على كل مكان كيقلب عليها بعينيه طلع للجناح ديالو دخل وهو كيحيد لفيست ويحل صدافات القميجة بقة بصدرو لعاري رجع شعرو اللور خيد داك السروال بقة غا بلبوكسر حتى كيقوص حواجبو من صوت الحمام ملي داز من حداه ..
وقف لتواني كيسمع صوت الرشاش..قرب للباب وحلها بالشوية ودخل هنا ميل راسو كيشوفها قدامو عريانة عطاه بالضهر بداك المؤخرة بالسليب داخل فالوسط بطريقة متيرة..جسمها لمبرونزي وشعرها مبلول نازل على ضهرها لعاري..
رجع نزل عينيه لمؤخرتها وهو كيقرب ليها ..كيشوف فهاد الجسم المهبر لي ديجا واخد ليه لعقل..عريانة وفالجناح ديالو وفالحمام ديالو..علاياش كتقلب؟