الجزء 32- الزعيم3 -ادمنتها وبنار الهوى احرقتها

 

داز الوقت..

كتشوف انهم قربو للحومة بدا قلبها يضرب فلمية بالفرحة..كتشوف فطريق حومتها من لهنا كانت تمشي للخدمة…هنا كانت كتلاقا الزاكي بالتخبية..

دخلو للحومة..هنا كان ساكن مراد خطيبها لقديم…هنا كانت ساكنة هند صاحبتها سبابها فهدشي كامل…وقف الطموبيل قبل يوصلو للدرب..

بلا ماتشوف فيه ولا تهضر معاه حلات لباب تهبط تمشي بحالها..حتى كيجرها من دراعها حط فيديها 

طليفون: المكالمة دايزة خليها نسمع كلشي…استقبلوك عائلتك ماشتيني ماشتك عمري ندور بيك اعبلة ..جراو عليك اترجعي ليا ..

عبلة: عمرك دور بيا ولا ترجعني ليك؟

هز راسو باه

عبلة : صافي واخة

خدات الطليفون ونزلات الطليفون فيه ليزيات دارتهم فودنيها لاهضر تسمعو..

غادة فالدرب شوية وتبدا تجري بالفرحة ..كتقرب للدار والدموع كينزلو صافي اتتهنا منو صافي سالة كابوسها مع البوص..

مها اتفرح والباها يعيى يقصاح ما ايفرطش فيها…وصلات للدار ودخلات طالعة فالدروج..وقفات حدا لباب ودقات..

لداخل

حياة فالكوزينة: شكون جاينا فهاد الليل 

مسحات يديها كتشوف محمد داخل للبيت يتكا 

حلات لباب وهي تشهق مني شافت عبلة نطقات: عبلة

عبلة نزلو دموعها كتر وكتر : المي انا جييت..المي توحشتكم بزاف

بغات تقرب تعنق مها وهي تدفعها لبرى وكتهضر بالشوية: رجعي رجعي .. لشافك الباك يجري عليا انا وياك

بلعات ريقها ورجعات تبسمات: انا رجعت ليكم صافي البا راه..

قاطعتها: شششش سكتي مايسمعش والله تا يطلقني ..ماخصش يشوفك هنا 

عبلة: المي هادي انا عبلة بنتك سوليني فين كنت وشنو وقع ليا خليني ندخل

حياة كطل على محمد : ماعندك فين دخلي ابنتي ..سيري عند الزاكي حتى نجي عندك غدا صافي ابنتي ..غدا نجي نشوفك الله يرضي عليك

غيثة طلات وهي تشهق فرحانة: ختي عبلة…جيتيي..خليها تدخل

حياة : شش سكتي سكتي الموصيبة

غيثة مسحات فمها وتلاحت على ختها عنقاتها: ختي توحشتك بزاف 

عبلة حضناتها دموعها نازلين: تانا بزااف

محمد من لداخل: حياة..وا حياة

حياة قفزات جرات غيثة وسدات لها لباب فوجها خلاتها واقفة مبلوكية…

كتسمع صوت الباها كيدوي باغيها تحط لعشا وحياة كتسايس معاه دير ليه الخاطر وناسية بنتها لي شهور وهي مختافية عند لباب راجعة ليهم بقلب مكسور..

عبلة متكية على الحيط كتسمع صوت مها والباها وكتبكي بصمت توحشاتهم بزاف مها طعناتها فهاد اللحضة كملات على ما بيها

سمعات صوتو فلكيت لي فودنيها: تمشي عند خوك ؟

بصوت مخنوق: اه

نزلات مع الدروج كتمسح فدموعها الزاكي خوها عمرو يخليها اتبقة عندو ومع الوقت تصلح علاقتها مع عائلتها المهم ماتبقاش معاه هو..

تمشات فالدرب فإتجاه درب تاني غادة عند خوها..أملها الوحيد لي بقة ليها ..

وصلات للدرب وبالضبط حدا الدار..ووقفات مبلوكية كتشوف صطافيط دالبوليس قدام الدار الزاكي والجوقة والناس كيتفرجو والروينة واقعة

 بلعات ريقها هاد الدار كلها ديال خوها..يعني البوليس عندو

حتى كتشهق وهي كتشوفهم مخرجين خوها بالمينوط وجهو مخطوف ماكايبشرش بالخير قلبها مشا وجها..

قربات للصطافيط كتشوف فخوها بلا ماتحس نطقات بصوت مرتافع: الزاكييي

شاف فيها مقوص حواجبو: عبلة

نزلو دموعها وهو يبدا يتنتر من البوليس: تسنا تسنااا ختي هاديي..غير دقيقة الله يحفضك غير نهضر معاها الله يتوب عليك

وقفوه وهي تقرب ليه تلاحت عليه عنقاتو كتبكي: الزاكي شنو واقع لاش دايينك

باس راسها: ختي فين كنتي واش نتي بيخير 

زادو نزلو دموعها: خويا كنقسم ليك مادرت شي حاجة 

نطق : عارف اختي عارف تايق فييك

عبلة : شنو واقع لاش ديينك

لبوليسي: تحرك اصاحبيي

الزاكي: عبلة سيري للدار ماتبقايش هنا

سكت ورجع نطق مكسور: ماعرفتش فوقاش نرجع ممكن نطول اعبلة خوك غيغراق فلحباسات

ريقها نشف: مايمكنش

رجع باس راسها: سيري للدار ماتبقايش هنا

وجروه وهي كتبكي وتعييط باسمو ..قلبها كيتشوة خوها لي بقة ليها ولي يفديها بروحو هاهو ايغراق حباسات لمن اترد الراس؟ كتبكي بحرقة وكلشي كيشوف فيها ..

بكات تا سخفات وهي متكية على الحيط شدات فكرشها بدات كضرها بلأعصاب وشداتها الدوخة لمن اترد الراس دابة..

سمعات صوتو : رجعي للطموبيل

ونطقات بصوت باكي: ولكن الزاكي..انا…

وسكتات كتبكيي..

نطق: انخرجو ليك ..ولكن رجعي معايا..مابغيتيش على خاطرك اعبلة انمشي بحالي ولكن خوك ايغبر فالحبس..وعائلتك ماقبلوكش ونتي عارفة اتفاقنا

شهقات كتبكي من كلامو ..حاصرها لوى ليها يديها …عارفة راسها ماعندها زهر ..تقادات فالوقفة كتشوف مع جنابها كيتفرجو فيها ضارت بيها الدنيا شمن طريق تشد..لا عائلة لا دار لا ذوار الزاكي لي بقة ليها هاهو فالحبس..واش تخوي بيه وتهرب وفين اتهرب من البوص اصلا..وقلبها مايطوعهاش تخلي خوها فالحبس..

فجيهة خرا..

كانو كيتعشاو سمعو الدقان بالجهد

ناض حل لباب هو هاد المرة كان واحد الدري: الحاج محمد الزاكي شدوه لبوليس وداوه

محمد: لاش جاي كتقولهالي تحرك من قدامي يعطيه لغاراق لكلوشار..اخر مرة دق فهاد لباب

وسد ليه لباب فوجهو: لكلوشار قلب عليها ولقاها شوف شكون يخرجو من لحبس

حياة وقفات مخلوعة: محمد خلينا نعرفو شنو واقع

غوت ليها فوجها: تعتبي باب هاد لباب عمرك ترجعي ونسمع سميتو على فمك نعطيك براتك

قرب لعندها: لاهو لا داك السفالية دبنتك مانسمعش سميتهم هنا كدور

وتم غادي للبيت: تفوو بناقص من شي ماكلة شديتو لينا الشاهية 

حياة كتبكي: الله ياربي على ولادي مالقيت ليهم جهد ياربي شنو ندير 

غيثة كتبكي: ماما عبلة اتبقة بوحدها فالزنقة خلينا نخرجو بلا مايحس بينا ونمشيو نشوفوها عفاك

حياة: جلسي الأرض واش ماسمعتيهش

غيثة: وعبلة مسكينة

حياة: سكتي قلت لك سكتي ماتزيديش تكملي عليا

غيثة: ختي هديييك كون كنت كبيرة والله مانخليها تمشي..انقولو ختي هديك ونوقف ليه فوجهو

ومشات كتجري للبيت كتبكي على خوتها مازالة صغيرة ماتقد دير والو..

فنفس الحومة..

كانت كتتمشا بخطوات تقال الدوخة شاداها وكرشها كدرها معدتها مقلوبة..وجها شاحب عينيها منفوخين بلبكا..هاهي راجعة ليه برجليها ..هاهي اترجع للجحيم من بعد ماقالت صافي تهنيت منو وانرجع لعائلتي ..صدقات راجعة تانيي…قلبها كيتقطع وهي كتشوف فالطموبيل حل ليها الشيفور لباب وقفات لتواني كتشوف ماقاداش ماباغاش مامستاعداش…فتالي ركبات ..الشيفور سد لباب وركب وديمارا فإتجاه القصر اليوناني

عبلة مصدومة ومنزلة راسها ماقادراش تشوف حتى فيه..

نزات راسها وشافت فيه دوات بصوت مقهور: واش درت شي ذنب كبير ودابة ربي كيعاقبني ؟ عمري تفكرت اني اديت شي واحد..مانستاهلش يوقع ليا هدشي

سكتات ورجعات كملات: قلبي كيتقطع اهارون كنتشوا من لداخل ..

ميل راسو فيها قرب ليها..حط يديه على ضهرها وجرها لعندو محتاضنها حطات راسها على صدرو ونزلو دموعها ماعندها حتى شي واحد من غيرو تحط عليه الراس مخنوقة وماعارفاش اش دير نطقات: عيت بزاف والله تا عييت ..

بدا كيمسح على شعرها بحنان بحاليلا ماشي هو سباب عذابها كامل: قلت لك بلاصتك معايا اعبلة..

زادت فلبكا كدفن راسها فصدرو ونطقات: ماباغاش نبقة معاك ماباغاااش..كنكرررهك وكرهت النهار لي جمعني بيك

حضنها كتر كيمسح على شعرها::ششش صافي نتي دابة معايا وماعندك فين تمشي