الجزء 38- الزعيم3 -ادمنتها وبنار الهوى احرقتها

 

.

يديه كتنزف وهو كيشوف باولو نازل من الطموبيل وهشام من الطموبيل التانية..صوت لـ هيلوكبتر مسموع الشجر كيتحرك..الطموبيلات دايرين بيهم رجال كلهم مسلحين..

جبد سلاحو وهو كيشوف باولو جاي لجهتو وهشام تابعو..داك الساع خبا عبلة موراه لي كترجف بالخوف من هاد المنضر لي كتشوف كلشي مسلح وهازين السلاح فاتجاهم خاصهم غير يتيريو بلا ماتحس شدات فدراعو وزيرات خايفة مخبية فيه ..

وقف عليه باولو كيشوف فيه وفعبلة لي موراه وهشام مازال ماوصل ليهم

نطق باولو بالإيطالية: طاحت الروح البوص ونتا خالفتي القانون دالمعاهدة..قتـ لتي الزعيم دالمافيا الإيطالية 

البوص بجمود : خدا ليا حاجتي ورديتها بطريقتي ..بدا لغدر وانا نصيفطو لجهنام..

باولو: نت عارف لي غدر كيخلص حنا كنا انرجعو ليك حاجتك ونعاقبوه بأشد العقاب..تسرعتي وطيحتي الروح

البوص: حقي خديتو بيدي ويعاود دابة يبان قدامي اند بحو ونشرب من دمو

على كلامو وقف هشام عينيه حومر اعصاب وحزن وغبينة على خوه لي ماقدرش يلحق عليه ويعتقو جا لقاه مدبوح وكيلقط انفاسو الأخيرة ومـ ات بين يديه..خوه الوحيد ولقريب ليه..مازال كلامو لي قال ليه وهو كيمـ وت كيسمعو بين ودنيه

نطق عاض على سنانو ودوة بالدارجة: روح خويا ماغاديش تمشي ساهلة ورخيصة

البوص شاف فيه ونطق: بالطاليانية: لبراكة فراسكم بلغ سلامي لعائلتك وتعازية الحارة

هشام قاد السلاح بالزربة مامترددش باش يتيري فيه حيت ستافزو ولكن هنا باولو تدخل شذو من يديه واخد ليه السلاح: تهدن اهشام يلاه هضرنا ..كلشي ايتحل بلعقل وبالطريقة لي ترضيك

وشاف فالبوص: غلطتي بزاف البوص

البوص : البوص كيدير لي فراسو وكيطبقو

باولو: ماشي هدشي لي تافقنا عليه نهار اللول والمعاهدة فيها قانون بصمتي عليه بد مك ونت موافق عليهم

البوص: حاجتي غالية ماداخلاش فالمعاهدة..

باولو : جاهز تخلص؟

البوص : جاهز ..

باولو ميل راسو وشاف فعبلة مور البوص وتبسم بهدوء: سينيورة عبلة

البوص داك الساع ملاميحو تعقدو كثر: سييري للطموبيل

هنا باولو دار اشارة للرجال لمسلحين..كلهم ضارو بالبوص هازين عليه السلاح

باولو: سينيورة عبلة اتكون ضيفة عندنا علامن نديرو الصلح وتوقع الهدنة ونشوفو متطلبات السي هشام باش يحبس الد م

البوص عاض على سنانو: عبلة ماداخلاش فهدشي وغتبقة معايا..اتقرب ليها انسى شكون نت وما انرحمكش اباولو

باولو بإباتسامة: ماتخافش هي فالحفظ والصون..وهي عندها علاقة بهدشي لي وقع مع الليف..تبقة معايا فأمان..

وبدل نبرة صوتو: لا المكان ولا للزمان ولا للوضع يسمح ليك تقصح راسك..بإشارة مني غيتيريو فيها وما اتبقاش تشوفها ماعندك كيفاش تحميها..هكا انكونو خلصنا الد م بالد م..

البوص هز راسو كيشوفهم كلهم هازين السلاح وفعلا بإشارة وحدة ايتيريو فيها وما ايرحموهاش..

باولو: عبلة اتبقا معايا مع مراتي لحسن الحض كنا فزيارة للمغرب..ماتخافش عليها وتاواحد ما ايقرب ليها..بغيتيها تبقة عايشة خليها تبقة معايا

عبلة قلبها كيضرب فلمية زادت تأكدات انه عثمان مـ ات كتشوف خوه كيفاش حاقد من شوفاتو باين محروق على خوه..ورجعات شافت فباولو كيبان إنسان وقور وطيب بداك الابتسامة لي دار ليها فهمات انه داخل بخيط بيض بيناتهم..نزلو دموعها عثمان الأمل الوحيد لي كان باقي ليها مشا خرجات عليه وبسبابها مـ ات تاهو ..

باولو: بجوجكم خاصكم تتهدنو هاد النهار كل واحد يفكر ويعرف راسو من رجليه نتوما فواحد الحال ماقادرينش تفكرو مزيان..غدا ايكون اجتماع فالمقر تجيو ليه براس بارد هشام يكون وجد اش باغي كفدية ونتا البوص تكون تهدنتي ..لا بقيتو هكا الد م ما ايحبسش 

رجع شاف فيها البوص: عبلة معايا ونت عارفني فين كاين 

البوص مسح على راسو وشاف فيها نطق: اتبقاي معاه

هضرات بالزربة: شكون

شاف فباولو: معاه غدا وانجيبك 

عبلة شافت فباولو تبسم ليها بحنان: مراتي كتفهم الداريجة اتفاهمي نتي وياها

البوص: مراتو اتفاهم معاك اتبقاي معاهم وانردك

بلعات ريقها كتشوف فباولو بخوف ورجعات شافت فالبوص ومع دماغها كتقول ما ايكونش خطر من البوص ياك بقات ليها غا المـ وت كلشي دوزو عليها ..شنو مازال ايدوز عليها

هزات راسها باه 

باولو: تفضلي

البوص شدها من دراعها: غادي نرجعك

تنترات من يديه وهو يرجع يجرها: غدا هانا معاك عمر هدشي لي درتي ايتعاود

ماجاوباتوش كارهاه ومشات للطموبيل لي وقفات حداهم ركبات اللور

باولو دار اشارة لواحد من الرجال: عطي طموبيل للبوص

جابها ليه داك الساع من الطموبيلات لي تماك..البوص عينيه على عبلة لي راكبة وكتبكي بصمت على عثمان..

باولو شاف فهشام: ركب فطموبلتك ما انخلي تا واحد فيكم هنا مورايا

هشام شاف فالبوص شوفات كلهم حقد ووعيد ومشا ركب فالطموبيل وديمارا وزاد

وهو سايك نطق بحقد من اعماق قلبو: تسناني غادي نكون كابوسك البوص انسلب منك اي حاجة زوينة فحياتك اندمرك شوية بشوية..روح خويا اتخلصها غالية بزاف…

تفكر خوه ضرب فالدريكسون عينيه تحجرو بالدموع كيزيد غا يحقد: غادي نكون عذا بك فهاد الدنيا البوص..

اما عند البوص

قرب عند باولو: توقع ليها شي حاجة ما انبقة عاقل لا عليك لا على معاهدة 

باولو: من الاول نسيتي المعاهدة ماشي عاد..المهم هي فالحفظ والصون

هز راسو باه كيشوف فيها راكبة اللور..مشا باولو ركب تاهو للقدام مع الشيفور مراقب البوص كيركب فالطموبيل وديمارا..عاد زادو تهاوما..

باش غدا ايكون اجتماع في حضور زعماء المافيات لوخرين لي داخلين فالمعاهدة يتطبق للحكم بالفدية على حسب شنو غيطلب هشام الطالياني..

..

داز هاد النهار وجا نهار جديد ..

موعد الإجتماع مع الستة دلعشية..كانت داك الساع الربعة..فواحد من الفنادق الفخمة..كانت فالجناح كدير اللمسات الاخيرة كسيوة بيضة وشعر فيه تسريحة خفيفة مكياج نيود جا معاها غوينات خوضو مجبدين جات آية من الجمال بياضها وزينها كيفتن..ليوم اتتزوج بالفيكتيم الجديد باش تطبق عليه لعذ اب لي كتبرد بيه قلبها..تفكرات الزاكي وهي تحط لعكار : لكلوشار كنت مضيعة عليه وقتيي..

جاها اتصال جاوبات وقطعات قالو ليها لعدول وصل ولعريس كيتسنا..تنهدات ونزلات من للجناح لواحد لقاعة فيه شي شهود ولعريس ولعدول ايساليو ويطلعو نيشان للجناح استقبلها بقبلة على يديها كيشوف فيها بكل إعجاب سلبات ليه لعقل: فرحان بزاف واخيرا..

تبسمات : تانا فرحانة

فجيهة خرا..

كان فلاباغطومو لحد الان مانعس ماشافو ماغايرتاح تايرجعها ويسالي هدشي باش ما بغاو تا لحر ـب تنوض لابغاو..جاه ميساج مازال الشياطين لاعبين فمخو طل عليه كان من الراجل لي دايرو يراقب جوهرة..تجاهلو وهو يسوني ليه تنهد وجاوب: شنو تما

الراجل: هدي مدة كنصيفط لك المعلومات لي طلبتيلي على الأخت ديالك وماشتي والو

هارون: شنو واقع

نطق: السي الزعيم طل على ميساجاتي ..احم الأخت ديالك كتتزوج دابة قلت ضاروري تعرف اتلقة العناون

قطع عليه ودخل داك الساع للميساجات كيشوف شي تصاور من هادي مدة مرة مع واحد وهادا التاني اللي التزوج بيه..عض على سنانو: صبرت عليك بزاف تاضصرتي وركبتي فوق راسي اجوهرة

هز سوارت دالطموبيل وخرج كيشي عجاجة بلا والو راكبينو الشياطين وزادت كملات يفاري معاها لحساب هي اللولة بعدة..

عند جوهرة

كيسمعو لكلام لعدول على الزواج هس بالها كيفاش اتتدب لهريس ولعدول كيشرح كيفاش يعيشو بسعادة

لعدول: وقعو هنا

وقع لعريس وعطاها تاهي توقع خدات الستيلو وتحنات حتى كتقفز: جووووهرة

عرفات صوتو قلبها مشا وجاا ضارت شافت فيه وبلعات ريقها: الزاكي

قرب لعندهم بنضرات ماكيبشروش بالخير..بغات تدوي وهو يجرها: زيدي قدامي

تنترات منو: بعد مني

حسام بغة يتدخل وهو ينزل عليه بكروشي دوخو بغة يرد ليه بكروشي وهو الزاكي يعطيه واخد اخور وجوهرة كتغوت وتدفع فيه فرشخو مزيان

الزاكي كيغوت: كتزوجي بالتخبية شهاد الدل كامل شهاد الرخص كامل زدتي فيه بزاف

جوهرة كتحاول تنوض حسام لي فقد الوعي: شوف شنو درتي الكلوووشااااار 

قلب عليهم الدنياا ..

بعد مدة..

وصل لاوطيل كيشوف البوليس فلباب دلاوطيل دنيا مقلوبة..دخل كي شي عجاجة يلاه ايسول فالريسيبشن على لقاعة وهو يلمح باب مكتوب فيها قاعة للمناسبات واقفين فيها الناس كيتفرجو..مشا نيشان كيدفع فعباد الله..كيشوف الزاكي لبوليس كيمينطوه وجوهرة كتمسح الد م لحسام..مافهم والو اش جاب الزاكي لهنا دخل نيشان عند حسام دفع جوهزة ونزل عليه بكروش وزادو التاني هاد المرة لعريس طاح كاو..جوهرة غير شافت خوها حسات بالدنيا ضارت بيها

هارون شاف فيها: ضصرتي بزااف اجوهرة

جوهرة: خويا انا..

نطق: سكتيييي

وضار عند لبوليس لي مسترفون: شنو واقع هنا

شرحو ليه كلشي

هارون قرب عند الزاكي: اش دخلك فهدشي

الزاكي: ربي ختك الزعيم

هارون قوص حواجبو استافزوو كتر: ديوه عليا

وجروه دايينو للكوميسارية..

شاف فجوهرة: عاجباك هاد الشوهة؟

بغات تدوي وهو يجرها معاه: زيدي قدامييي 

خرجو ركبها فالطموبيل وهي كتبكي وتحاول تهضر وتشرح ..غادين لقصر الزعيم…

دخلو وهو كيجرجر فيها كانو مجمعين كلهم فالصالة

جوهرة بصوت باكي: هارون انا

جمع معاها بكف دوخها وزادها التاني

عائشة ناضت كتغوت: شكاااا ديييير هاررون

يوسف وقف: هاروون

شدها من شعرها ودفعها جات طايحة قدام رجليهم: كنت داير فيها الاخ الحانون بي ميتطي على ختو ومتفهم حالتها انه عايشة فصدمة دوزت ليها المرة اللولة تانية التالتة وتبريت منها ولكن ضصرات بزاف..هاهي قدامكم ربييو بنتكم حيت انا غادي نقتـ لها هاد المرة وما انرحمهاش وانسا راها ختي

عائشة تحنات كتنوضها: اشنو درتي ابنتيي 

هارون: هضريي عاودي لييهم غنمشي ونتي اتهضري ..ممنوع لخروج والدخول اعائشة نسيق ليها لخبار عتبات لباب كنقسم ليك بالله نصيفطها لك فكفن مكفنة داك الساع دفنيها..

وخرج مخليها كتبكي بهستيرية

يوسف تحنا لعندها جرها من دراعها ووقفها مخنزر: شنو درتي هضري..

بلعات ريقها: انا..

غوت: هضرييي

طاهرة بغات تدخل وهو يغوت عليها ناصر: خليه يربي بنتو تاواحد ما يتدخل

داز الوقت..

خرج من الدوش لبس عليه ووقف كيقاد لكرافاط ديالو ويلبس ليكات دالجلد ديالو..دار لفيست على كتافو والتسبيح بين يديه..نزل ركب فالطموبيل غادي لمقر الاجتماع..غير قرب يوصل دار الماسك على راسو ..وصل للباب وحلو ليه باب الطموبيل نزل ودخل للداخل..

كانو كلهم تماك كل واحد شاد كرسيه وهازين راسهم كيشوفو فيه..من غير واحد لي حاني راسو  ماحاملش يشوف فيه..البوص دور عينيه عليهم كاملين وحيد لقناع..جر الكرسي وجلس..

باولو: بما انه كلشي مجموع الموضوع فبالكم اش وقع..

وتنقشناه مع الطرف المتضرر

كلشي هز راسو باه..

باولو: البوص موافق على اي قرار ايتخاد وباش يخلص تمن روح الفقيد..

البوص هز راسو باه

باولو كمل: بصفتي المستشار والحاكم بينكم ..وقدام كاع الموجودين فهاد القاعة وكيف كتعرف الد م بالد م والروح بالروح والخطية بالخطية..الطرف المتضرر ماباغيش الروح الطيح وماختارش كحل أولي يتسفك الد م 

البوص ساكت وجلس وكيشوف ويتصنت بهدوء 

كمل باولو كلامو: فالحل الأنسب لي شافوه انك تعطيهم عبلة متوكل كفدية ختاروها كتعويض لروح الفقيد بدون اي د م وعمرك تسال فيها وهادشي ايتنفد دابة بتوقيع منك

هشام نطق بهدوء قاتـ ل: وكــزوجــة لــيــا بغـيـتـهـا..

خلا البوص يهز راسو فيه وبدون أي سابق إنذار جبد بونقشة وشير عليه بيه نيشان..كان سبق منو وبعد راسو بخفة جا لموص لاصق فالحيط..

البوص نطق:تتزوج بوحدة مزوجة مراتي وعلى اسمي؟باغي حاجتي؟حاجة البوص لي ايخرج روحك بيديه ويلحقك بخوك

هشام شاف فباولو مامسوقش لكلامو:العدة تلت شهور يعني يطلقها ومن دابة تلت شهور نتزوج بيها..ولعروسك فبالها راه مطلقها..

باولو هز راسو باه:وراق الطلاق واجدين البوص..

..

فجيهة خرا 

انهارت اعصابها ورجعات ليها الحالة ضغط عليها يوسف تا بدات تغوت وتضرب فوجها وتعاود ليهم كلشيي..

عائشة كتبكي مصدومة من حالة بنتها كانت كتقول انه صافي تجاوزات داكشي لي وقع حتى كتسمع هدشي لي ماكايتقبلوش لعقل

طاهرة مصدومة هي التانية ماتوقعوهاش من جوهرة لقوية لي ديما ضابطة امورها 

يوسف هز يديه تا لسما وجمع معاها بكف جابها طايحة فالارض قدام رجلين عائشة لي تحنات كتخبع بنتها وتغوت: ماتقيييصهااش صافيي براكة عليها لي فيها كافيها

يوسف: حيدي من قدامي حيديي ماسمعتيش شكا تقول ..هدا راه تقحـ بين ماشي زواج..ضصرناك بزاف ودايرين ليك الخاطر لي بغيتيها تحضر فاتحين ليك كابيني ومعيشينك اميرة بقا غا نهزوك وندورو بيك..

سكت وكمل: هاد لحالة على قبل واحد ماكايسواش شماتة خانك وغدرك؟ على قبل قـ واد؟

غوتات كتبكي: جرحني ابابا زطم ليا على قلبي ..كنت كنبغيه بزاااااف  كيتو مابغاتش تبرى ماقديتش ننسا مرضني فصحتي وحمقني ابابا ومازال ماخديتش حقي منو مازال مانسيتوش خاصو يتعدب كيف عدبني وحرمني من ولدي..

يوسف تنهد كيمسح على راسو: غبرييي طلعي لبيتك حسن ما غانخنقك طلعييي

طلعات كتجري

بقة غادي جاي وغوت: فيين انلقاااه فييين..هارون سنين وهو كيقلب ومازال مالقاه..بغيت نشوفو ونجبد قلبو بين يديي ونسحقو

ناصر كان غير كيتفرج بهدوء ويشوف..

حتى نطق: حنا عندنا لغراض ببنتنا اما لخور اخرتو يجي بين يدينا

عائشة كتبكي: وشنو انديرو بنتي مبقاتش طبيعية

سكت شحال ونطق: انزوجوها بشي واحد لي يعرف ليها ما اتخرج من لقصر غير لدار راجلها

كلهم شافو فيه 

يوسف بتفكير ونطق: عندك الصح الزواج لي صالح ليها

نرجعو للإجتماع❌

هشام شاف فباولو مامسوقش لكلامو: العدة تلت شهور يعني يطلقها ومن دابة تلت شهور نتزوج بيها..ولعروسة فبالها راه مطلقها..

باولو هز راسو باه: وراق الطلاق واجدين البوص..

داك الساع لبوص رجع شاف فباولو

باولو: بوص نت عارف القوانين مزيان الروح بالروح والد م بالد م ..هشام ماختارش الد م واختار عبلة..احم لخبار لي عندنا انك غير كتنتاقم منها ماعندكش بيها الغراض..اللهما نضحيو بيها ولا توقع حـ ـرب لي ماشي فمصلاحتنا..انفكوها هكا ونكملو خدمتنا..سنين وحنا كنخدمو بحقانية ولي غلط كيخلص ماشي دابة غادي نقلبو الموازين هكا اتوقع الفوضة..

هشام: انا مستاعد ننسى لي فات ندفن خويا ونبدا من جديد ناخد عبلة ونكملو خدمتنا والد م ما يسيلش..

البوص لي كان كلامهم كيزيد يشعل لعافية فيه فلداخل خصوصا فاش كينطقو إسمها..تسمع صوت باقي رؤساء اعضاء المافيا انهم موافقين وهدشي لي خاص يكون….

نزل راسو كيماصي فجبينو كيضرو..عارف ماكاين تا خيار عارف انه وسطهم غابوحدو لا عولو عليه ماعندو مايدير ..عارف انهم هوما كتر منو والحق عندهم و و و..ولكن ياخدو ليه عبلة لا ويطلقوها منو باش يتزوجها هشام هادي لي ما اتدخلش لدماغو وماا يتقبلهاش

هز راسو وشاف فيهم ونطق: على روحي ايوقع هدشي..

باولو: رخصتي روحك على قبل مرا؟

وقف وهنا تهزو لأسلحة فوجهو..تا السلاح ماعندوش..

باولو: وقع الطلاق... ونبداو من جديد هشام مستاعد يبدا من جديد

البوص شاف فهشام: كنقسم لك انصيفطك لخوك وسلم عليه ..

هشام شا ففيه عاض على سنانو : نساليو هدشي ونشوفو شكون غيصيفط لاخور لجهنام

باولو: البوص اتخسر كلشي على قبل وحدة ماباغاكش؟ بمفها قالت تمشي مع هشام وماتبقاش معاك ..بمفمها قالت تفضل المـ وت وماتكونش معاك..

هز راسو فيه ونطق: فين هي؟ انشوفها

باولو: البوص اتخسر كلشي على قبل وحدة ماباغاكش؟ بمفها قالت تمشي مع هشام وماتبقاش معاك ..بفمها قالت تفضل المـ وت وماتكونش معاك..

هز راسو فيه ونطق: فين هي؟ انشوفها

باولو: البوص نطبقو هادشي لي كاين..

رجع نطق: وايلا قلت ماغاديش نعطيها ليكم؟

باولو: تحمل لي ايجيك..

نطق: ماغانسلمهاش ..

باولو تنهد ودار إشارة للرؤساء لوخرين: حنا نمشيو ..

ناضو كلهم خرجو بقة غير هشام ورجال الحرس هازين السلاح فوجه البوص ..

هشام: وقع خلينا نمشيو بحالنا تابعاني الدفينة دخويا

البوص: صبر شوية يوجدو لكم جوج جنازات

هشام وقف وهو متبسم: طحتي مع الشخص لغلط البوص 

البوص: نت لي ماعارفش راسك معامن طحتي..

هشام : وقع خليني ندي مراتي المستقبلية ونمشي

البوص زاد تعصب من كلامو بغة يهجم عليه وهوما يشدوه بغة يتنتر حكموه مزيان

هشام قرب ليه: وقع ؟

البوص : غادي نقطع سلالتكم كلها اولاد لقحـ اب

هشام تبسم ودار ليهم اشارة نزلو عليه بلكروشييي ..جوج شادينو وجوج كيضربو فيه بلكروشيات ولوخرين هازين السلاح فاتجاهو..هشام متكي على الحيط كيتفرج ويتفكر خوه ويزيد يحقد..

البوص وجهو ولا كلو د م تبسم وهو كيلهت: دير لي عجبك دابة حيت غادي نعد بك اهشام

هشام قب ليه هز رجليه تا لسما نيشان لصدرو جابو مردوخ فالأرض رجعو هزوه ونزل عليه بكروشي: واخة من لهنا لتماك خلينا نعدبوك شوية..وقع..

البوص وجهو تغطا بالد م: لا ..قتـ لني حيت ما انرحمكش

وغوت: قتـ لنييي اولد القحـ بة قتـ لنيييي

بدا كيتنتر: قتلووونيي اولاد لقحـ اب 

كانت فواحد الغرفة واقفة وكتتفرج كيفاش كيديرو ليه والضرب لي كيضربو الد م لي نازل كيقطر منو فالارض..هدشي كامل ومابردش قلبها تمتمات: بغيتو يتقطع…

برى..

دوخوه بلكروشيات تا صافي رجليه مابقاوش هازينو..طاح فالأرض من اخر كروشي جاه وهو كيلهت تا بدا يشوف الضباب تواني ووقف مكالي فالطبلة رجليه فاشلين ضار شاف فيهم وبدا كيضحك بصوت تعبان نطق: غادي تندمووو حيت ما قتلتونيش..

كان ايطيح وهو يشد فواحد من الرجال لمسلحين تقاد فالوقفة كلهم كيشوفو فيه..كيحس بالدوخة راسو اينفاجر 

هشام تبسم: وقع

البوص غوت: عببببببلة

هشام زاد تبسم كيشوف فحالتو..

تواني وخرجات من داك لغرفة شفيها بوجهو كلو د مايات: عبلة

قربات ووقفات حدا هشام

بغة يقرب ليها وهي تنطق: ماتقربش ليا

وقف كيشوف فيها: غادي نديك من لهنا..

نطقات بسخرية: شكون قالك باغة نمشي معاك؟ انا انمشي مع هشام

وشافت فهشام وتبسمات

خلاتو يعقد حواجبو بغضب بغة يقرب ليها وهو يجيه كروشي من هشام ..طاح وناض بتعب كيشوف فعبلة: ما تمشيش معاه اعبلة

قربات ليه: ماسمعتش مزيان؟

رجع نطق: بلع ريقو: عبلة خليك معايا ماتمشيش..لا مشيتي غادي تكوني طعنتيني طعنة خايبة ماغاتنساش ليا

رجعات اللور : أنمشي اهارون ..أنمشي معاه ..

وشافت فهشام: انمشي معاه

حس بالدنيا كدور بيه الضرب وحريق الراس ولأعصاب وماناعسش هادي يوماين غمض عينيه وحلهم: غادي نقتـ لك اعبلة كنقسم لك غادي نقـ تلك واخة ياخدك لاخر الدنيا انجبدك

بغة يقرب ليها ويجرها وهو يمنعو هشام بكروشي طاح فالارض كيشوف فالسقف..

هنا قرب هشام وتحنا لعندو وفيديه الورقة ديال الطلاق: وقع وسالي علينا هدشي ..عبلة ماباغاكش وكلشي ضدك..وقع

مسح الد م لي نازل على وجهو وتهز شوية ووقع ونطق بكل غل وحقد: هدشي ماسالاش هنا هدشي عاد ايبدا..خليك مطلقة باش داكشي لي انديرو ماتكونيش على سميتي

كاع كلامو نطقو بصعوبة..

هشام خدا لورقة وعبلة قربات وفيديها الموص لي كان لاصق فالكسط تحنات لعندو وهزات يديها تا لسما وغرسات لموص فيديه تا تسمع انينو بدات كتبرك على لموص : عمرك اتعاود تحلم تشوف وجهي انا صافي انمشي وما انوليش غادي نتهنا منك..شتي كون خيروني بينك وبين لعافية نلوح راسي فلعافية ومانكونش معاك..هادي اخر مرة اتشوفني واخر مرة اتجي عيني فعينك ودير فبالك عمري نسمح ليك ..

..

داز الوقت..

فجيهة خرا..

هاد الأيام تبدلات عليه بزاف كلامها ولا قليل غير لابغات شي حاجة وغير ساهية وكتفكر مابقاتش تدخل فيه ولا تسول فيه..ماولفهاش هكا حتى فاش كان بعيد عليها كانت ديما تصيفط ليه فلميساجات وماكاتسكتش..ديما لاصقاه..فكر مزيان لقا راسو فعلا مقصر معاها سنين وهي تتسناه وهي مراتو نهار جابها لعندو تعامل معاها خايب حرمها من كلشي حتى من حقوقها كزوجة..وهدشي ايجرح اي وحدة..وماباغيش يخسرها كيشوفها كتبعد عليه بزاف..شنو ذنبها فهادشي كامل ..

جا بكري للدار..دخل حسها مقطوع..مشا نيشان لبيتها سمع صوت لحمام عرفها كدوش..رجع خرج ودخل لبيتو دوش بالخف لابس شورط مخلي صدرو عاري كلو وشامات رجع لعندها للبيت جا معاها قد قد خارجة من لحمام لاوية عليها فوطة غير شافتو بلعات ريقها شكا يدير هنا حنات راسها: خرج خليني نلبس عليا

دازت من حداه وهو يجرها من خصرها لعندو : راجلك هدا 

علات راسها فيه ونطقات ببرود كلو سخر: راجلي؟ خرج عفاك انلبس عليا ونعس غدا انفيق بكري نمشي نقرا..

زاد جرها ليه كيبعد شعرها من على كتافها ونطق وهو كيطبع قبلة تماك: عارف راسي مقصر معاك بزاف..عارف راسي ما مريحكش فحياتك

بلعات ريقها من قبولاتو وكلامو قابل عينيه مع عينيها: سمحي ليا عفاك..انا عند بالي كنحميك ولكن غير كنمرضك معايا..نتي امانة غالية عندي ومراتي لي ساكنة قلبي ..ومانقدش نفرط فيك حيت ماعنديش من غيرك فهاد الدنيا..حنا بجوج عندنا غير بعضياتنا

بلعات ريقها من كلامو لي ماجاش ليها كاع للبال تسمعو منو تمتمات: كيمو واش شارب شي حاجة؟

ميل راسو كيزيد يقربها ليه ويتحسس فجسمها فوق الفوطة: لا انا صاحي وعارف شكا نقول..وعارف اني باغيك دابة وفهاد اللحضة باغي تولي مراتي حتى فلفراش ماشي غير فلوراق..

طلعات معاها لحرارة من كلامو قرب طبع قبلة على خدها: مابقيتش قادرر نصبر اهدى كنشوفك قدامي كلشي كيتحرك فيا وكنهرب منك باش مانضعافش كنبقة فالخدمة باش مانجيش ليك بلا مانقاوم

كيديو بهمس ويطبع قبلات على خدها تا نزل لعنقها تماك دفن راسو كيبوس فيه بالشوية: بغيتك تكوني ديالي بأي حاجة فيك

تمتمات بهمس دوبوها قبولاتو: كيمو..مأكد من هدشي لي كتقول

طلع لشفايفها قبل يبدا يبوسها نطق: اه مأكد من الليلة اتولي ديال كيمو بكل حاجة فيك ووجدي راسك غادي نمحنك ونطفي لعافية لي شاعلة فيا من جيهتك انفدي فيك لقديم والجديد

خلاها تبتسم ودخل معاها فقبلة بجوج مسلوبين فيها ويديه كتحيد ليها لفوطة نيشان تكاها فوق السرير تهز كيشوف جسمها لعاري شحال زوين بلع ريقو: كنت حارم راسي من هادشي

حسات بإحراج: صافي اكيمو..

رجع نزل كيبوس فكاع جسمها بجوج مستمتعين مارتاح تا داز عليه كامل بالقبولات واللمسات وكتاشف جسمها مزيان كيف داير شعلها مزيان بقبولاتو تا سخنات وسخن تاهو ..هنا فرق ليها رجليها دخلها لخوف عارفة علاياش ناوي همسات: غادي نتقصح

هز راسو بلا: لا غير ماتعصبيش داتك

نزل فوقها كيتبادلو فالقبل دوبها وداب معاها تاهو مابقاش قادر يصبر عليها..تآوهات بالجهد فاش بدا يحرك لمعلم على انوثتها مستمتعة بزاف وهو كيستاعد باش يدخلوو..حتى كيقفز من صوت الطليفون هو موصي تاواحد مايعيط ليه غير للضارورة

هدى دايخة: مالك حبستي

رجع شاف فيها ملي حبس الصوني ونزل كيبوس فيها هنا تسمع صوت الطليفون تاني ..

نطق: واحد الدقيقة

ناض هكاك عريان خدا الطليفون كيشوف اسم ريم جاوب: شنو تما…..كيفاش؟…وااخة هنا جاي داابة…

وقطع كيمسح على راسو بتوتر ورجع شاف فهدى فوق السرير شنو غيدير فتالي نطق: سمحيلي اهدى خاص نمشي..

ماخلاهاش تدوي خرج من لبيت نيشان لبيتو يدوش

بقات مصدومة مامتيقاش دارها بيها تاني وصلها للسما السابعة وزدحها جمعات رجليها ملوية عليها ليزار وناضت وخدات طليفونو خلاه تماك قبل يتسورت دخلات ليزابيل اخر مكالمة من عند ريم ..حسات بالدنيا ضارت بيها بقات شادة الطليفون مصدومة ايخليها فليلة دخلتهم على ود وحدة خرى كاع كلامو لمعسول غير كدوب غرغرو عينيها بالدموع وجلسات فوق السرير عاضة على سنانها كتمتم: مكللخة اهدى مكلللخة..

دخل للبيت خدا طليفونو بالزربة وشاف فيها: سمحيلي عفاك

وخرج من الدار…

قبل ساعتاين..

جبدات داك الموص من يديه تا طوش الد ـم كتشوف فيه كيف صافي انهد حيلو مابقاش قادر تا يديو رجعات باللور وهي كترمي بونقشة حداه

هشام قرب ليها: اجي معايا خاص نتقتدو شي حوايج قبل نركبو الطيارة

هزات راسها باه وهي كتشوف فهارون كيحاول ينوض..وخرجو من داك القاعة..

هنا قربو ليه وعاونوه ينوض وهو كيدفع فيهم: بعااااد..

هز بونقشة ديالو رجليه فاشلين كيتمتم باسمها: عبلة..عبلة غادي ندمك..

دخل لاخر حمام كان تماك غسل وجهو من الد م وهو كيلهت وكيتوعذ ليهم بالعداب..كيحس بلعافية شاعلة فيه لداخل شاف فراسو فلمراية كلو مضروب تفكر كلامها وكيفاش خلاتو وطيحات بيه قدامهم..وهو لي كان قادر يخسر كلشي باس يرجعها حتى من روحو باعتو قدامهم كاملين وفضلات تمشي مع هشام..ماحس براسو تا غوت جامع يديه على شكل لكمة وضربها مع لمراية تا تشخشخات والد م نازل مع يديه..رجع باللور..خرج من داك لقاعة لبرى غادي لطموبيلتو واحد من الحرس: خلني نسوك عليك

دفعو: حيد من قداميي..

ركب وديمارا كيغلي حاس بالشمتة وبواحد الغضب فضييع غمض عينيه من حر الوجع لي جاه فراسو كيزيد غير يصعر..كيصوك ومرة مرة كيشوف الضبابة وإسمها مابغاش يزول من فمو كيحس بالغدر والشمتة ولعافية كتحرق فيه ..لا الضرب لي جاه ولا التدويرة لي دوروه ولا اي حاجة تجي قدام الشمتة لي حاس بيها من جيهة عبلة..

فجيهة خرا..

كلها كترجف باين عليها الخوف حاسة براسها فكابوس اتفيق منو الدموع غا نازلين من عينيها هزات راسها كتشوفو كيديو فالطايفون ..

هشام بحرقة: الوليد عثمان مـ ات..قتـ لو البوص

ادريس الدنيا دارت بيه بلع ريقو: ولدي مـ ات..عثمان مـ ات

تسمعات صرخة حداه ديال فخيتة الام ديال عثمان صرخة من اعماقها على كبدتها لي كانت كتتسناه يجي وموجدة ليه كلشيي..

هشام غمض عينيه من صوت المو 

ادريس نطق: جيبو ندفنوه ..نشوف ولدي 

هشام نزل راسو لباه: الليلة نكونو عندكم وغدا يتدفن..الواليد جايب معايا امانة خلاها ليا عثمان وهو كيموـ ت 

سكت وكمل: عبلة مرات البوص

ادريس: جيبها ..امانة ولدي..

قطع..ودار شاف فيها قوص حواجبو ودوة بهدوء: ماتخافيش مااانفرطرش فآمنة عثمان لي بداه انا نكملو وانحميك

عبلة وهي حانية راسها: ايوقع ليا بحال كي وقع ليا مع عائلة رضوان حاسة

نطق: حنا ماشي هوما عائلة رضوان سبق وقلت لك خويا لي بغة هدشي ورمى راسو فالعافية تاواحد مابزز عليه ..ونتي ختاريتي تمشي معايا

هزات راسها فيه وبالدموع فعينيها: كيفاش انشوف فعينين ماماك عثمان مـ ات بسبابي

مسح على راسو: الهضرة ماانبقاوش نعاودوها..نوضي انشدو الطريق للمطار بقينا غير حنا

وقفات وهي كتهز راسها باه..وخرجو وركبو فالطموبيل ومعاهم طموبيلات دالحرس فالمطار كاينة طيارة خاصة فيها الصندوق لي فيه عثمان وفيها نيت ايسافرو للطاليان..

راكبين بجوج اللور وهي كتشوف فالطريق كتفكر فشنو جايها وخايفة تاني اوقع شي حاجة ويرجعها ليه حتى كتشهق مخلوعة كتشوف طموبيلتو قدامهم ووجهو فيه الد م غير شاف فيها قلبها مشا وجا: هاارون

هشام شاف فيه فالطموبيل لتواني خدا طليفونو وربط الاتصال مع شيافر الطموبيلات لي لاحقينهم: الطموبيل لي قدامنا تكلفو بيها

فهمو قصدو ..الشيفور خفف السرعة..وكاع الطموبيلات لي موراه رجعو للقدام ..دقايق وزيرو الطموبيل دالبوص وهو دايخ بلا والو مامركزش فالطريق توانيي وباصطدام واحد خرجات الطموبيل على الطريق وتشقلبات وتزدحات بالجهد مع الصخر كان تماك بالجهد الطموبيل كلها تعنفجات..وكلهم زادو فالسرعة مخليينو تماك

عبلة دورات وجها مخرجة راسها من الشرجم كتشوف الطموبيل مشقلبة او الدخان خارج منها وكلها مشخشخة قلبها كيضرب فلمية رجعات جلسات وشافت فهشام كيشوف فالطريق بهدوء بحاليلا ماوقع والو بلعات ريقها وكتافات بالصمت تاهي

..

داز الوقت…

كانت فالطيارة لي طارت فالسما وسط السحاب كتشوف لتحت كلشي كيبان صغير وضواو كيبريو قلبها التزمت صافي اتمشي وما اترجعش تنهدات صافي تهنات منو..واش مـ ات ولا عايش هدشي ماكايهمهاش دمر ليها حياتها حرمها من حياتها وعائلتها صافي تا لهنا وحبس..تنهدات ماعارفاش شنو مازال كيتسناها..تفكرات امين لحارس لي كان بغة يعاونها نزلو دموعها قتـ لو..تفكرات لغزالة والسبع وعثمان كلهم قتـ لهم بلا رحمة قدام عينيها دمرها نفسيااا..كتتفكر انه كانت دابة اتكون هي وعثمان فالطاليان صدقات جاية مع خوه وعثمان فالصندوق..قاصحة بزاف…غمضات عينيها صافي اتبدا من جديد فالطاليان..

فجيهة خرا

الجوقة ولبوليس لولمبيلونص..هزوه فلباياص وداوه للطبيب..حالتو خطيرة..نص ساعة دازت..كانو كلهم تماك..حتى من مروان وكريم وريم..

خرج الطبيب لخاص ديالو

ناصر: كي بقا

تنهد: عندو نزيف فالراس خاصو عملية دابة وغادي نحاولو نحيدو الرصاصة

عائشة عقلها خارج بلباكا 

الطبيب: شكون فيكم مروان

مروان كيحرك راسو يمين وشمال: مروان هنا

الطبيب: اجي معايا بغاك ..قبل يدخل للعملية

شاف فيهم : العملية خطيرة بزاف ..كنتمناو يخرج منها سالم

وجر معاه مروان مخليهم على لعافية

عائشة بصوت باكي: ياربي ماتحرمنيش من ولدي ياربي مانقدش نتفرق عليه مرة تانية هاد المرة انمـ وت مافيهاش

حضنها يوسف حاس بيها تاهو قلبو محروق على ولدو

ناصر واقف الدنيا ضايرة بيه قرب عند كريم: ماعرفتوش شكون دار فيه هكا

كريم: مازال كيبحتو وانا بنفسي انقلب على شكون دار فيه هكا

ناصر هز راسو باه ..

لداخل كانو كيوجدوه للعملية كلو مشخشخ خرجو الممرضات بقة هو ومروان

هارون بتعب: قرب

مروان قرب ليه شد فيديه: لا لا مروان ماعجبتيهش هكا ديما كيشوفك واقف قوي ماكايغلبك حد

هارون: ششش خليني نهضر

مروان سكت وهو كمل: كنتيق فيك كتر من راسي امروان بغيتك(….)

مروان: واخة واخة ولكن نت نت خاصك ترجع مروان ما ايعرف يدير والو بلا بيك

هارون صوتو كيمشي: اتعرف..نعول عليك

دخل الطبيب: سمحلي خاص تتفضل تعطلنا..وغرفة العمليات واجدة ماخاصش نضيعو الوقت..

مروان خرج والدموع فعينيه: هارون خاص يرجع ..هارون خاص يرجع

دخلوه لغرفة العمليات…

خمسة ديال السوايع دازو..تلاتة دالسوايع دالعملية وساعتين تحت المراقبة

وخرج الطبيب كلهم تجمعو عليه

نزل راسو بحزن: قدرنا نوقفو النزيف ولكن ماقدرناش نخرجو الرصاصة..

يوسف: ايوا كيبقة

الطبيب: مشا فغيبوبة ماعرفناش فوقاش يفيق منها نطلبو من ربي يدير شي تاويل دلخير ويرجعو لينا فأقرب وقت..مابقة لينا مانديرو ايبقة تخت المراقبة طول قترة الغيبوة

عائشة طاحت فالأرض كتغوت

نهار جديد..

كانت الربعة دلعشية..

صوت الموسيقى مسموع الدنيا عامرة شي كيشطح شي مقنت شي وحدة شي كيشرب شي غير كيتفرج..كانت واقفة هي مهدي وكتتفرج تنهدات وهي كتتفكر لبارح اش دار فيها بالاعصاب لي ركب فيها جات لداك عيد ميلاد مع مهدي..كان فرحان وهو كل شوية كيقدمها على اساس حبيبتو ..

نطق: هدى ضحكي شوية

شافت فيه وتبسمات: مامولفاش بهاد اللأجواء

تبسم غياكلها بعينيه لابسة ومقادة جات كتحمق..

جات وحدة من لبنات: تواتيتو بجوج واش بصاح مصاحبين

حط يديه على خصر هدى وجرها لعندو: شنو كيبان ليك

البنت تبسمات: جيتو فنين..نشربو شي كاس فخاطركم

مهدي شاف فهدى: ماكاتشربيش

هزات راسها بلا: لا

شافتهم كيشربو بجوج ويضحكو شوية تجمعو دراري وبنات هازين كيسانهم للفوق حسبو حد تلاتة وهبطو على لكيسان فدقة وهي كتتفرج فيهم كتشوف كلشي فرحان وعايش حياتو الا هي هازة فقلبها الهم والغم بسبابو تاهي باقة صغيرة وزوينة هو عايش حياتو علاش لي ماتعيشهاش تاهي؟؟

مولات عيد ميلاد جراتها لعندهم: شربي شي كاس قادي لمزاج

هدى بقات كتشوف فتالي نطقات: عمريلي كاس

مهدي: مأكدة؟

هزات راسها باه..عمر ليها كاس: هاكي هبطي عليه فدقة

خداتو وهبطات عليه فدقة كلشي بقة كيصفق عليها ويشجعوها تزيد التاني مدات ليها وحدة كاس تاني شرباتو تاهو فدقة…

داز الوقت..

كانت فرحانة بزاف كتحس براسها طايرة فالسما كتشطح وتلعب بشعرها ومهدي واقف مقابلها لا تطيح كيشوف فيها عاجباه واخدة ليه لعقل قربها ليه عاطياه بالظهر لصقها مع صدرو وهي كتشطح تحمس كتر وهو كيحس بمؤخرتها على المعلم مابقاش قادر يصبر شاف فمولات عيد ميلاد جرها: شي بيت خاوي؟

تبسمات طلع لفوق نيشان مع لكولوار لبيت لي على يدك دليمن خاوي 

هز راسو باه وشاف هدى جرها لعندو عينيه معسلين: هدى اجي نطلعو لفوق لكالم نرتاحو

تبسمات وهو جارها وهي كتضحك..تا كتلقة راسها فلبيت..هو ولا كيشوفها غير هي قدامو بدا يحيد فحوايجو وعينيه عليها كيف كتضحك وتكات فوق الناموسية كتلعب برجليها شافت فيه وتبسمات: كيموو..جيتيي

هو براسو سكران مامسوقش لكلامها داك الساع جا فوقها وهي مبسمة كتشوفو كيمو قدامها غطس راسو فعنقها كيبوسها ماتيقش انه واخيرا جات بين يديه…

داز الوقت..

كانت ناعسة كيفيقها صوت الضحك شي بنات دخلو للبيت شافوهم وبقاو يضحكو وخرجو..حلات عينيها دايخة ناعسة فوق صدرو لعاري..هزات راسهل وشافت فيه وشهقات ..نزلات عينيها على جسمها عريانة نطقات: اويلييي شنو درت

ناضت مخلوعة : اويليييي شنو درت

ناض كيشوف فيها: هدى مالك

غوتات كضرب فيه: شنو درتييي فياااا شنوو

مهدي: غير تهدنيي

كتبكي وضرب فيه: شنوو درتييي فياا ستاغليتييني

جرات عليها ليزار عقلها ايخرج بلبكا

مهدي: كلسي بخاطرك بجوج كنا سكرانيي

غوتات وهي كتنزل من الناموسية كتحس بشوية دلحريق تحتها: سكوووت سكوووت

هزات حوايجها كتلبسهم مامتيقاش هدشي..ناض تاهو لبس عليه بغة يقرب ليها صرفقاتو وغوتاات: ماتقيصنيييييش..واش عارف راسك شنو درتي فيا انا وحدة مزو..

وسكتات وهي كتبكي ..خرجات من لبيت هزات مونطوها من لتحت وخرجات من الفلة ملوية عليها المونطو وكتبكي بحرقة: ياربيييي شنو درت ..شنو انقول لكيمو..شنو ايدير فياا..الله ياربي قلبي كيتحرق..ياربي انا وحدة مزوجة ..

بعد مرور تلات اشـهـر..

واقفة حدا باب الحمام وهي كتسمعها كترد وتلهت تسناها تخرج..

خرجات كتمسح فمها شافت فمها: ماما مالك

عائشة: نتي لي مالك

بلعات ريقها: والو غير لعية

عائشة: نفس لفيلم كليتي شي حاجة فاسدة

قربات لعندها ونطقات : شكون الباه

جوهرة خرجات عينيها: شكا تقولي

جراتها: قلت شكون هدا لي حاملة منو

جوهرة نزلو دموعها: ماما انا..

عائشة غوتات: شكووون البااه هضرييي..باغة الطيح الروح ياكي..لا ساق لخبار ناصر ولا يوسف يقتـ لوني انا وياك لي مضصراك

نزلو دموعها: الله يابنتي يكفي خوك لي تلت شهور وهو فغيبوبة بين الحياة والمو ت ديري فينا هاد الموصيبة

جوهرة بدات تبكي

عائشة: هضري شكون الباه نفكو هاد الموصيبة..راه لقاو ليك عريس واش تفضحينا لا تزوج بيك وعرفك حاملة تيدير لينا فضيحة والباك وجدك راسهم ايتغطس فلغيس..

جوهرة بعدات عليها: ما انقولش شكون الباه ولي بغة يوقع يوقع..وما انتزوجش وايلا زوجوني يتحملو لفضيحة لي اتجيهم

قربات عند عائشة: مابغيتيش الشوهة ياك؟ ادن سيري شوفي شنو ديري باش مايزوجونيش وهدشي لي فكرشي تنحيدو

عائشة جمعات معاها بكف دوخها: كنتي لغالية على قلبي اجوهرة لي هداني الله فوسط الظلام لي كنت فيه دابة باغة تحرقي قلوبنا يا اجوهرة

جوهرة عطاتها بالظهر كتبكي

عائشة شافت تا عيات وخرجات من لبيت..تفكر اش دير فهاد الموصيبة..