الجزء 39- الزعيم3 -ادمنتها وبنار الهوى احرقتها

 

فإيطاليا..

فواحد من لقصور للإيطالية العريقة..

كانت واقفة وضايرين بيها خمسة كتشوف فلمراية قدامها..كل وحدة وشكا دير ..وحدة كتقيس ليها الطول والتانية العرض التالتة جيهة الصدر..لخصر..كلشي..بكل اهتمام ولباقة..ووحدة هازة فيديها كاس دلعصير المفضل عندها باش غير تسالي تشربو..

دخلات فخيثة ام عثمان وهشام تبسمات وهي كتشوفها بحال الأميرات ضايرين بيها الخدم ..

فخيثة: بنتي عبلة 

عبلة شافت فيها: ماما فخيثة صافي قريب نسالي 

فخيثة: واخة الشيفور كيتسنا خاص نرجعو قبل يجي هشام وادريس من اسبانيا ..

عبلة تبسمات: واخة

سلاو ليها وخدات لعصير شرباتو ووحدة مدات ليها ساكها خداتو ووحدة جابت ليها صباطها لبساتو..ووحدة كتقاد ليها شعرها: يلاه مشينا..

وقفات ملي حسات بالدوخة 

فخيثة: بنتي مالك

عبلة تبسمات: والو غير مافطرتش مزيان

فخيثة: صافي نخرجو ونفطرو بجوج

وخرجو ايمشيو يديرو شوبينغ من بعد ماخدات قياس الكسوة لي اتتخيط خصيصا ليها من اشهر المصصمين فايطاليا..عبلة ولات اميرة فالقصر الايطاليي..

نرجعو للمغرب..

خرج من عندو ناصر ومشا عند الطبيب لخاص ديالو يسول على حالتو..

الطبيب: ماكاين تا تجاوب لحد الساعة

ناصر تنهد ووقف خارج راجع للدار لحد الآن مالقاوش شكون سباب حفيدو ..ولا باغيه غير يفيق ويرجع على خير هارون راه حفيدو لغالي على قلبو..

فوحدة من الغرف الطبية 

فوق السرير ماهواش فهاد لعالام..

كان كيجري والسلاح فيديه كلشي وقع بالزربة حتى كيوقف عليهم كيشوفهم مجمعين الرؤية ماواضحاش باغي يشوف وجهم ويعرف شكون هاد الخونة حتى بدات توضاح ليه الرؤية وهو يشهق من لوجع لي جاه فراسو شوية حس بالد م نازل من جبينو دور وجهوو يشوف شكون ضربو لدقائق كيحاول يستوعب شوية بشوية ..كيشوف الشخص لي واقف الضو ضارب فيه..باغي يشوفو شكون ويعرفوو..

طلع من رجليه بنضراتو تا وصل ليديه فيها السلاح تا وصل لوجهو هنا ميل راسو مقوص حواجبو ملي وضاحت الصورة نطق اسمو: كـــر يــم

هنا حل عينيه وهو كيشهق ويشوف فالسقف وكيسمع صوت طيط طيط..ريحة الطبيب ولام لفوق ..قلبو كيضرب بالجهد ولوجع فراسو رهيب …

هنا حل عينيه وهو كيشهق ويشوف فالسقف وكيسمع صوت طيط طيط..ريحة الطبيب ولام لفوق ..قلبو كيضرب بالجهد ولوجع فراسو رهيب …دقائق وهو كيشوف فالسقف كيستوعب اش واقع وفين هو ..دماغو خاوي ماعاقل على والو وراسو كيضرو..ربع ساعة وهو في لحضة استيعاب شوية بدات دةذاكرتو تسترجع الذكريات واللحضات شكون هو وشنو وقع كلشي كيدوز بالزربة..ماحس براسو تاناض جالس وهو كيسمع الممرضة كتهضر وتقولو اتعيط للطبيب ماتسوقش ليها وهو كيحيد المغدي ناض كيشوف فالغرفة يقلب على شي حاجة يلبسها..

دقايق ووقف عليه الطبيب بفرح: على سلامتك السي الزعيم فقتي من الغيبوبة تلت شهور وحنا نتسناو هاد النهار تسنا شوية ندير الفحص ديالي ماخاصكش تتحرك

حتى كيشهق فاش شدو من عنقو وزير ملصقو مع الحيط كيدوي وهو عاض على سنانو: تاواحد ما ايعرفني فقت من لغيبوبة ولا شهد على روحك

الطبيب هز راسو باه ..هز من داك الساك تماك فيه حوايجو تيشيرت لبسو مع سروال تجينر دخل للحمام غسل وجهو اللحية مقادة باينة شي حد كان كيقادها ليه..

خرج مازال كيحس بالدوخة شاف فالطبيب : طليفوني؟ هنا؟

الطبيب : مخشي فلبلاكار لهيه

حل لبالاكار خدا طليفونو شعلو : شوفلي شيفور دابة

الطبيبة: واخة

مشا عيط لشيفور خاص بيه(ديال الطبيب)

هارون مسح على راسو ..دوز شي نمرة: فيينك..اه فقت هدشي يبقة هنا..كيفااش؟..هنا جاي

قوص حواجبو وخرج لقا الشيفور كيتسنا عطاه العنوان وشدو الطريق ..ربع ساعة دالطريق وكانو قدام واحد المشفى خاص..نزل ودخل..تمشا فلكولوار هنا تلاقاه مروان كيحرك راسو يمين وشمال: الزعيم رجع هارون رجع

هارون حضنو ومروان فرحان : مروان فرحان

هارون باس ليه راسو: صافي هنا رجعت

حتى كيسمع صوت باكي من موراه انثوي: هارون

دار شاف فيها قربات ليه وتلاحت عنقاتو كتبكي: ماكنتش عارفة شنو اندير بلا بيك حسيت براسي انمـ وت..

هزات راسها فيه بعويناتها الزورق ونطقات: ولدنا كيـ موت المتبرع مـ ات..اخر امل لينا مشاا صافي 

مسح على شعرها: اسيل صافي تهدني هنا جيت

بعد عليها ووقف حدا واحد الحيط كلو زاج كيطل على ولدو طرف من كبدتو روحو وحياتو ونقطة ضعفو وقطعة منو لي مخبيها على الكل وعلى العالم..ولدو وحفيد ناصر ويوسف الزعيم..

كيشوف ولدو فوق البياص والأجهزة ضايرين بيه باقي صغير فعمرو ربع سنين..اية من الجمال كيبان بحال شي ملاك..ضرو قلبو كيشوفو هكا مغلوب عليه..بصح عندو لفلوس عندو لمال عندو الجاه عندو السلطة ولكن ماقادرش يعتق ولدو نهار لقاو المتبرع لي شحال وهوما يقلبو عليه مـ ات وصعيب يلقاو واحد اخور..

داك الطفل غير شاف باباه مور داك الزاج تبسم ومد يديه زعمة اجي

مشا لبس اللبسة الطبية ودخل عندو وتحنا لراسو: ناصر ولدي هنا جيت

ناصر الصغير خدا يديه وباسها باحترام: بابا توحشتك طولتي هاد المرة بزاف ..خفت نمـ وت ومانشوفكش

هنا قلبو تقسم على جوج: ششش ماتقولش هكا مازال اتعيش..

ميل راسو كيشوف فناصر الصغير لي مستاعد يعطي روحو باش يعيش هو مستاعد يدير اي حاجة باش يلقة هاد المتبرع لي ينقد ليه ولدو ويرجع لحياتو الطبيعية..

دخل الطبيب عندو ووقف عليه ..هارون قرب ليه

الطبيب: بقة حل واحد

هارون: شنو

الطبيب: يكون عندو اخ ولا اخت لي يتبرعو ليه

هارون قوص حواجبو: ماعندوش خوه

الطبيب: ولدوه…احم هضرت انا ومدام اسيل فهاد الموضوع تقدرو تعتقوه بهاد المولود لي اتجيبو ليه

.. 

في إيطاليا 🇮🇹 ..

كانت لابسة ميني جيب تا لفوق لفخاد ديال تجينز وتوب لاصق عليه مهزوز شوية على لكريشة ودايرة بيرسينغ فسرتها صدرها كلو مكفح وفخادها باينين مع واحد لبوط طالع تا لفوق الركبة ومونطو دالجلد ملفوق مخلياه مفتوح شي مرات كيبرد الجو  ..عاجبها لباسها وعاجبها راسها كتحس بالحرية وانه عايشة حياتها بعيد على المشاكل..كانت هي  وفخيثة كيتمشاو بين لي بوتيك ولي ماكازان ديال لحوايج والصبابط المكياج اكسيسوارات من ذهب والماس..كلشي دارو عليه..فخيثة خاشية يديها فدراع عبلة وكيتساراو الضحكة كتبان على وجهم..فرحانين ومرتاحين..وتلاتة ديال رجال الحرس موراهم لابسين كوستيمات كوحل وليكين بلوتوث فودنيهم وهازين الصاشيات لي شرات عبلة وفاخيثة بلا تا كلمة فين مامشاو تابعينهم…

دازو لواحد المحل كبيع لعصير عبلة خدات جيدوغونج مع لفريز ولات مدمنة عليه خداو داكشي امبورطي كيتساراو ويجغمو منو

كانو غادين جيهت الطموبيل ركبو اللور باش يرجعو للقصر الايطالي

عبلة كتجغم من كاسها: ماما فخيتة هدي شهراين باش بديت الريجيم نقست الماكلة وكندير الرياضة ولكن هاد لكرش مابغاتش تدخل كنحس بيها كل سيمانة كتتزاد مافهمتش

فخيثة تبسمات ليها: نتي ابنتي من النوع لي كتزيدي فالوزن دغية وماكاتنقصيش دغية صبري شوية..

عبلة تنهدات كتشوف فكرشها: اوف مابغيتهاش بغيت نولي طاي مانكان وكلشي يتقاد..بالحق نصبر يلاه بدينا ..

فخيثة: داكشي صبري..شتك هاد العصير وليتي تشربيه بزاف فالدار وبرى وفصباح وفلغدا ما طلعش ليك فالراس ابنتي

عبلة: لا بالعكس لماشربتوش كنحس بشي حاجة ناقصاني ولا عندي ادمان كنحس بالانتعاش فاش كنشربو 

فخيثة: ايوا بصحتك وراحتك

صونا الطليفون ديال فخيثة من رئيس الخدم لي فالقصر دوات بالإطالية: نعام..جاو؟..صافي حطو لغدا شوية ونكونو تماك

شافت فعبلة: ادريس وهشام وصلو 

عبلة: على سلامتهم 

تنهدات وهي كتفكر انهم كانو فالمغرب..

وصلو حلو ليهم لباب دخلو للقصر وكاع داكشي لي شراو تيطلعوهم ليهم للفوق ويستفوهم فلبلاكرات ايلقاو كلشي هو هداك..

كانت الطبلة دلغذا واجدة الخدم واقفين مصافين..كان جالس غا ادريس  ..غسلو يديهم وتوجهو للصالة

ادريس غير شاف مراتو وقف متبسم باس يديها وحضنها: توحشتك

فخيثة تبسمات: تانا اعمري

شاف فعبلة وتبسم: بنتي عبلة

قربات ليه وحضنها: لاباس عليك

عبلة تبسمات: الحمد لله..تعطلنا عليكم..كنعرفك ماكاتصبرش للجوع

تبسم: تماما ابنتي..

جر لمراتو الكرسي وجلسات..

عبلة بغات تحيد لمونطو عاد تجلس حتى كتحس بشي يدين على كتافها دورات وجها وهي تلقاه هشام تبسمات وجر ليها لمونطو وحيدو وعطاه للخدامة ..بقات واقفة طلعها وهبطها فداك لميني لي شارمة ودوك لفخيدات وليهونش باينين ولكتيفات عريانين والصدر طالع  ..فتح ليها لكرسي وجلسات.: شكرا..

جلس اونفاص ليها..شافت فيه ..تقيل بزاف وكلامو قليل معاها ديما كيشوف فيها شي شوفات كيوتروها شي مرات كيسهى فيها ..ولكن ماكايهضرهاش بزاف اي حاجة حتاجتها كيوفرها ليها جاب ليها أساتذة كبار كيعلموها اللغة ..دوز ليها لبيرمي وكان شي مرات كيعلمها هو..لوراق وكلشي وفرو ليها..

..

فجيهة خرا في المغرب..

فاش مشا يشوف ولدو فالطبيب شداتو الدوخة حيت يلاه فاق من غيبوبة ديال تلت شهور..فقد الوعي ودارو ليه الإسعافات الاولية..كان غير الضغط ارتافع ليه دارو ليه المغدي فوحدة من الغرف تماك فنفس الطبيب مع ولدو..

حل عينيه راسو تقيل عليه كيضرو لقة راسو تاني فغرفة طبية..ناض جالس كيمسح على راسو وكيشوف فالمغدي حيدو باغي يخرج..

في غرفة اخرى..

اليوم غيخرج من الطبيب عندو مشكل فالمناعة شي لي خلاه فاش دوش و خرج من الدوش قاسو غير شوية ديال الريح بارد شوية طلعات ليه لحرارة وكل شوية كتزيد تا رتافعات بزاف ودخل فالهلوسة وفقدان الوعي وكلو ولا عرقان ..تا جابوه للطبيب..عند الطبيب لخاص ديالو هنا فالمغرب..قبل تلت شهور كان فأمريكا هو وماماه أسيل تماك كان كيتعالج ولقاو متبرع بالنخاع مغربي وتزامن الوقت مع الواقعة لي وقعات لهارون ومشا غايبوبة..اخر وصية لهارون عطاها لمروان هي يجيب ولدو هنا حداه فالمغرب ولعملية تدار هنا فالمغرب ويرد ليه لبال..وللأسف المتبرع مـ ات فاش كان كيدوش بسبب تسرب الغاز..كانت صدمة قوية ليهم كاملين..المتبرع لقاوه بمشقة الأنفس ..هارون كان قادر يعطي كاع ممتلكاتو باش يلقة هاد المتبرع..ودابة خاصهم يبداو رحلة بحث من أول وجديد..فأول مراحل العلاج فأمريكا طرح عليهم الطبيب انهم يجيبو مولود باش ينقد خوه..في حالة مالقاوش متبرع..هاهوما تاني فالمغرب الطبيب عطاهم نفس الحل لي كان هارب منو هارون…

فوحدة من الغرف الطبية كتلبس ليه فحوايجو وهو كيشوف فيها: ماما قلتي بابا ايعاود يجي عندي فين هو

اسيل كتقاد ليه لكمام: ايسالي شي شغال ويجي 

ناصر الصغير: ولكن راه بزاف دالوقت ماشفتش بابا عيطي ليه دابة 

اسيل رمشات بعويناتها الزورق : ناصر تلت شهور ونت تسنا ماقدرتيش تصبر ساعة ولا ساعتاين

ناصر: بغيت نشوف بابا 

غرغرو عويناتو الزورق بحال ماماه بالدموع تنهدات كتمسح على شعرو: شنو بان لك نبقاو نتسناوه تا يجي يوصلنا هو للدار

هز راسو باه : اه اه بغيت ولا ما انتحركوش من لهنا

تبسمات: لسانك طول منك 

باستو على خدو ودارت ليه الطربوش..لبساتو مزيان ودارت ليه كمامة على وجهو غطات ليه يديداتو وكلشي وتنهدات : خليك هنا انا جاية

خرجات لقات الطبيب برى: دكتور اجي عفاك

قرب ليها وبدات تدوي معاه على حالة ناصر..

اما هو خرج من داك الغرفة الطبيية غادي فلكولوار عند ولودو عارفو ما ايسكتش تا يولي يشوفو يكفي حارمو منو باش مايبقاش معاه ماكايشوفوش بزاف هدشي كامل باش يحميه ..هو بالنسبة ليه خــطــر❌..

وقف كيشوفها من لبعيد عطياه بالضهر لابسة داك التجينز لمزير على مؤخرتها لمهزوزة واضحة وضهرها نصو باين شعرها كحل وطويل تا لتحت خصرها حرير ورطب..لقصيصة على عويناتها لكريشة عريانة وطاطواج على صدرها فيه حرف H واضح مع داك التريكو لي لابسة..لعوينات زورق كي لون السما مرمشين..كلها كتفتن بالزين ..السروال من لقدام كلو تقاطع..ماتقولش هدي ام ..كتبان صغر من سنها 26سنة…

كيشوف لي غادي ولي جاي كيشوف فيها الرجال خدات ليهم لعقل لي كيكون غادي لشي قنت كينسا الطريق فين جات..عض على سنانو وقرب ليها حتى كيجرها من دراعها من مورااه وهي تابعاه شوية والطيح..دخلها لواحد البيت وردخها مع الحيط: شهاد لحالة؟…لا..انا شنو قلت…

اسيل كترمش بعويناتها : هارون انا..

قاطعها: قلت ماتجيش للمغرب تبقاي تماك

اسيل: قلتيها ماكنتش انجي من اخر مكالمة ..ولكن راه ولدي هنا ما يمكنش نبقة بعيدة عليه

ميل راسو: زعمة عندك الكبدة عليه

بلعات ريقها: كيبقة ولدي شنو ذنبي لاكنت ماكانعرفش نربيه يكفي انني ماماه وكنبغيه وكنخاف عليه

جرها من شعرها: نقتـ لك دابة وندفنك هنا مايسيقلك حد خبار؟

نزلات عينيها كتشوف فشفايفو ونطقات واخة مقصحها: توحشتك اهارون بزاف..

عضات على شفايفها: توحشت عصبيتك..وغيرتك عليا..

حطات يديها على صدرو: توحشت كل حاجة فيك.

هارون كيشوف فيها من ديما كانت جريئة بزاف ومتهورة وماكاتناقش وماكاتفكرش فالعواقب....من ديما كانت مهوراها ديما ضاحكة وناشطة..

ميل راسو وزاد ورك على شعرها : أسيل كنقسم بالله تا غنقتـ لك ونرزيك فزينك لي فرحانة بيه تحت التراب ياكلك الدود..

نطقات وهي كتتعلى وتقرب وجها من وجهو وتقابلو عينيهم: اتقتل مامات ولدك؟

قوص حواجبو شوية بشوية عض على سنانو عارف انه كيدير بوجه ناصر وماكايأديهاش حيت هي ماماه وناصر متعلق بماماه شي مرات كتلعب على هاد النقطة كديرها قد راسها وتتخبا فناصر..تقول ناصر هو باباها ماشي هي ماماه..اسيل مازال طايشة بزاف مازال مامتحملاش مسؤوليتها كأم اه كتبغي ولدها بزاف ولكن مسؤوليتو صعيبة عليها بزاف خصوصا مع المرض ديالو..فأمريكا كتقرا وتمشي تتسارا ودير شوبينغ ولي بغات وولدها فالدار مع المربية وجوج ممرضات..لي كيشوفهم كيقول خوها الصغير..

بعد عليها دافعها عليه جابها لاصقة فالحيط: هاد جوج شراوط مانعاودش نشوفك بيهم ..

اسيل: صافي واخة هي اللولة احياتي

شاف فيها وهي ترجع اللور: اهارون بغيت نقول..يلاه فقتي من الغيبوبة ماخاصش تتعصب رتاح عفاك 

طلعها وهبطها : سيري سبقيني للطموبيل بلا ماتبقاي كتساراي ليا هنا 

هزات راسها باه وهبطات التحت للطموبيل

اما هو مشا عند ولدو دخل عندو : ناصر

ناصر تبسم: بابااا

هارون قرب وتحنا لعندو: كان عندي شي شغال وجيت دابة..شوية دابة؟

ناصر تبسم: اه ملي جيتي وليت لاباس فاش كتمشي كطلع لي السخانة

هارون تبسم وهزو بين يديه : صافي هنا معاك دابة نشوفو هاد السخانة واش اترجع..

ناصر دور يديه على عنق باباه: بابا

هارون: نعام ابابا

ناصر: كنبغيك بزاف 

هارون هز راسو فيه: تا باباك كيبغيك بزاف... 

حطو اللور حدا المو ماكانش قاد يسوك مازال دايخ بغة يركب حدا الشيفور وهو يشد ليه فيديه ناصر: بابا عفاك ركب معانا اللور..

هارون شاف فيه وفدوك لعوينات الزورق لي كيبريو كيطلبو يركب معاهم..

هز راسو باه وركب تاهو اللور ..كان ناصر بين اسيل وهارون..تبسم فرحان شد فيد هارون ويد اسيل وجمع يديهم بتلاتة كيفرح فاش كيتجمعو معاه..

اسيل شافت فهارون وتبسمات تحنات باست راس ناصر بالفرحة …ومشا معاهم للدار..

نهار جديد…

فاق فالصباح بكري رجع للطبيب قالو الطبيب انهم جاو للزيارة وقلهم مننوع حيت كيديرو ليه شي فحص..هز راسو باه ودخل للغرفة الطبية فين كان وجا الطبيب كيدير ليه شي فحوصات وتحاليل ومشا الراديو وكلشي..

كان متكي فوق البياص والطليفون فودنيه كيسمع اخر الاخبار..منهم انه هشام جا للمغرب وغادي ياخد بلاصتو فالمافيا حيت تلت شهور دالغيبوبة الخدمة واقفة ..ووللأسف وافقو باش هشام اياخد بلاصة البوص إذن المافيا كلها اتولي تابعة لهشام الطالياني ..كيفما كان كيدير البوص وياخد بلاصة رؤساء المافيات لكبار جا هشام باغي يديرها معاه هو وياخد بلاصتو..عض على سنانو …..تفكرها هي سباب هدشي لي وقع كامل

تمتم بحقد: غادي تخلصيه بالضوبل اعبلة..

الطرف التاني لي فالمكالمة: نعام البوص؟

نطق: جيبلي خبار عبلة كلها ..فهاد التلت شهور كاملة..

وقطع بدا دمو كيغلي وراسو يضرو شرب جوج حباات كيفكر منين غيبدا

فجيهة خرا..

هز راسو وشاف فيهم كيفكر فكلامهم

فخيثة كتزيد تقنعو: البنت عاجباني وبغيتها ليك وتلت شهور دالعدة دازت صافي نسا لي فات واتزوج بيها بغيت نشوفك عريس..

ادريس: نفد وصية خوك لاخيرة اولدي ..هاد السيمانة نديرو العرس

هشام عطاهم بالضهر: واخة..ولكن بشرط

فخيثة فرحانة: شرط لي بغيتي

هشام: باغي نتقرب منها ونطلبها انا للزواج تاواحد مايتدخل ولا يجبد الموضوع قدامها..وفتالي دهاد السيمانة وجدي اللخطبة الوليدة كلشي يحضر ليها

بدات كتزغرت فرحاااانة

.

خرج من الصبيطار ورجع للأباغطومو لي فيها ولدو واسيل..

اباغطومو جاية فحي بعيد ومعزول رجال الحرس فكل بلاصة بلباس عادي طلع ودخل كيسمع صوت الموسيقى..دماغو اينفاجر..

وصل للصالة ووقف كيشوفها واقفة قدام لمراية لابسة شورط طالع فوق فخادها النص فمؤخرتها كيبان ولابسة طوب مخلي كرشها كلها باينة..وكتشطح وتتوركي بداك المؤخرة المهزوزة كتحركها بطريقة كتغري …محترفة فالشطيح وكتحماق على الشطيح..كان حلمها تشارك فمسابقات للرقص ولكن ماخلاوهاش وعاد زادت كملات فاش دخل لحياتها هارون جمع لها وطوا ليها..

واقف كيشوفها كيف كتحرك جسمها مع داك الموسيقى الاجنبية تقول داك الموسيقى تدارت لجسمها باش يتحرك عليها …

مسح على راسو ورجع شاف فيها كيف كتلوي داك المؤخرة ..تفكر ايامها معاه وكيفاش كانت كتحماق تشطح ليه…قرب لداك التلفازة والمسجل وحيد لبريز وتحبسات الموسيقى..

ضارت شافت فيه بالزربة : هارون

قربات لعندو ماكاين لا حشمة لا والو : ناصر نعس وقنطت خدمت الموسيقى نتلف الوقت..

هارون: هاد المرض ديالك مابغاش يساليي  

بلعات ريقها وقربات ليه وشدات فيديه : عفاك ماتعصبش نت مازال عيان..ماحسابليش اتجي اما مانخدمهاش ..وحتى لبيت ديال ناصر ماكايوصلش ليه الصوت دالموسيقى

قربات ليه ودوات بحزن: باقة محتاجة ليك انا وناصر..هاد تلت شهور كنت ضايعة بلا بيك لدرجة تمنيت نمـ وت لا وقعات ليك شي حاجة..مانقدش نعيش بلابيك مانقدش ننتابه لناصر بحالك نت ..بلا بيك غادي نضيع ونضيع معايا ولدي لي ماغانعرف ندير ليه والو

قربات ليه كتر كترمش بدوك لعوينات لزورق كيلمعو كبار وشافت فشفايفو: هارون نت راك سكنتي قلبي ومانقدش نكون مع شي واحد من غيرك..

دوزات اطراف صبعانها مزينين بصباغة فدوك الضفيرات على دقنوو بالشوية: انا وياك عندنا ولد وخاص نربيوه بجوج ونكونو معاه بجوج نعيشوه فجو أسري زوين..خلينا نطبقو هدشي…

كيشوف فيها بعينيها النايمين مراقب حركاتها وحتى شفايفهاا وكيحس بصبيعاتها على دقنو وقرب جسمها منو قرب تاهو كتر تا تخالطو انفاسهم بلعات ريقها طالعة معاها السخونية تمتمات بدون شعور وهي مدوزة يديها على صدرو: توحشتك بزاف اهارون

حط يديه على خصرها وهي تعض على شفايفهاا كتحس بيه كيقربها ليه كتر وكتر غادي نيشان لشفايفها ..

تا قرب لشفايفها وهو يبعد شوية وقرب لودنيها غمضات عنيها كتحس بحرارة انفاسو حتى كينطق بهمس: غادي نقطع ليك بعد غدا ترجعي للمريكان مانشوفكش كدوري هنا 

بغات تدوي وهو يورك على خصرها: ماتزيدي تا كلمة

بعدها عليه وهي كتاكل فشفايفها بسنانها عطاها بالضهر ودخل لبيتو

دوش بما بارد وهز يديه كيشوف فيها داك الضربة دالموص لي ضرباتو ..تفكر اخر مرة شافها فيها كيفاش دوات وكيفاش سمحات فيه وخلاتو طعناتو طعنة خايبة..

غمض عينيه بالجهد كيتفكر كلامها تمتم: كون رجعتي معايا وفضلتيني انا عليهم كون ماطيحتيش بيا فداك اللحضة وجيتي معايا ..كنت انسا كلشي ونسيك فداكشي لي وقع كامل..كنت انختارك نتي ونتخلى على كلشي ونخسر كلشي..كنت انحاربهم كاملين على قبلك

حل عينيه لي دغية بداو يحمارو : ولكن نتي ختاريتي طريق خرى..

هز فوطة نشف راسو ولبس شورط وشرب دواه مشا طل على ولدو ناعس بهدوء باس ليه راسو وتكا حداه كيشوف فيه الدنب ديالو انه هو الباه ..ناصر مايستاهلش يكون عندو باه بحال هارون… حاس بقلبو محروق ولدو كيمـ وت وماقدرش يعتقو حارمو من حياة طبيعية كأي طفل فالسن ديالو  ناصر نقطة ضعفو  لي مخبيها على العالم عارف لساقو لخبار انه عندو ولد غادي يلويو ليه دراعو بيه ويضربوه بولدو داك الساع ايمشي فيها …تنهد بالو هاد المرة مشا داك الحلم ولا نقولو حقيقة كان مشهد تقريبا من الماضي..فاش تضرب بالقرطاسة دخل فغيبوبة وفاق ناسي بزاف دلحوايج منهم شكون ضربو بلقرطاسة ..نسا الناس لي شاف فداك التجمع لي عاق انه كانو خونة من منضمة اف بي اي ..كانت اول عملية ايدير كمخباراتي من الرتبة الاولى يلاه ترقى كان فرحان انه حقق حلمو من الطفولة..واول عملية كشف الخونة وتيراو فيه ونيتهم يقتـ لوه..كان شاك فبزاف من ضمنهم كريم..ومن مور الحلم وضاحت ليه الصورة…هو لي تيرا فيه صاحبو وخوه تيرا فيه قراو بجوج كبرو بجوج خدمو بجوج…

نطق بإسمو: واخة اكريم…غادي نلعب ليك بحياتك مزيان..

صعيب يكون صاحبو لقريب ليه ولي مادوزوش قليل كبرو بجوج وعاشو شي حوايج مجموعين لي ماكايتنساوش فتالي يصدق غدار وخائن  حرموه من الحلم ديالو وضيعوه فمسيرتو المهنية مرضوه فصحتو وفدماغو وفنفسيتو وخرجو ليه على حياتو ردوه شيطان قتـ ال مجرم ماكايرحمش...الماضي صعيب داز عليه ..

غمض عينيه ينعس ويرتاح خاصو يتهدن ويفكر مزيان ويعاود يضرب حساب لاي حاجة يعاود يفكر فلي جاي ويحط كل واحد فحياتو فبلاصتو ويشوف كيفاش ايتعامل معاه ..كيفاش يرجع حاجتو ويرجع لبلاصتو ويقاد وراقو من جديد…

داز الوقت..فاق ناصر الصغير تبسم كيشوفو ناعس باس ليه يديه وناض بالشوية خرج للصالة: ماما

اسيل وقفات: اجي حدايا اجي

جلساتو بين احضانها: شوية دابة

هز راسو باه

اسيل: ولدي واش تبغيني نمشي ونخليك؟

ناصر: لا اماما بغيتك تبقاي معايا نتي وبابا

اسيل: احم ايوا باباك باغي يصيفطني لامريكا وتبقة نت وياه بوحدكم

ناصر: لا اماما مابغيتش

اسيل: واعدني هدشي يبقة بيناتنا ماتقولو والو

ناصر: وعد اماما

اسيل: نت لي اتخليه يخليني معاكم هنا هو كيسمع ليك وكيخاف عليك وحيت ولدو لعزيز لي قلتيها كيديرها ليك..ماتخليهش يبعدني عليك صافي اماما؟

ناصر: واخة اماما ما انخليهش

تبسمات: موااح على ولدي لغزال كيسمع للهضرة..

‎.. 

فجيهة خرا..

في قصر الزعيم..

كانت فبيتها لفوق بالسيف باش لبسوها وقادو ليها جاي لعريس لي جابو ليها يشوفها ..كتبلع فريقها ويديها على كرشها كتتحسس فيها مازال مابانت مزيان…باغة تحيو وتتهنا ولكن مامخلينهاش تخرج تلت شهور وهي غير الدار ناصر ويوسف منعو عليها كلشي تا خدمتها..من غير شي مرات كتمشي مع عائشة والطاهرة للجمعيات..وعائشة ماكاتخليهاش تتحرك ..

تنهدات وهي كتتفكر ولدها لي ماـ ت ليها فكرشها وكانت باغاه وموجدة ليه كلشي…وهدا؟ شنو ذنبو تاهو قطعة منها ياك كانت كتحلم تولي ام هاهي دابة حاملة بلعات ريقها وناضت هاربة من افكارها هي قررات اتحيدو وربي كبير…

دقايق وجات عائشة وهبطتها للتحت باش تشوف لعريس ويشوفها كانت ماحاملاش راسها جلسات ولعريس هو والمو جالسين اونفاص ليها تا السلام ماسلماتش ..لعريس كيشوف فيها عاجباه من نهار مشا من مور المو للجمعية وكانت تماك مع عائشة عجباتو وسول عليها المو عرفها مطلقة وشكون هي وقال لمو بغيتها للزواج..سميتو هيثم من رجال الاعمال وعالم البزنس

اب هيثم: ايوا السي الزعيم بلا مانطولو المدام هضرات مع المدام ديالك وخدينا الموافقة دالبنت وكلشي دابة جينا رسميا باغين البنت ايلا قبلتو علينا

جوهرة هزات راسها فعائشة كيفاش خداو موافقتها

ناصر دوى : مرحبا بيكم ومالقاوش ماحسن منكم لبنتنا

جوهرة: انا..

قاطعها يوسف بحدة: وتا بنتنا موافقة وهدشي لي بغينا نتوكلو على الله 

جوهرة زيرات على كسوتها والدموع تغرغرو فعينيها وقفات: سمحولي 

وطلعات كطير لبيتها 

طاهرة بابتسامة صفرا: البنت حشمانة 

ام خيثم: تبارك الله عليها غزالة

اب عثمان: وشنو نقولو مبروك

يوسف: الله يكمل كلشي بالخير

هضرو فالتفاصيل انه لاكط من دابة سيمانة غير عشاء عائلي ولعريس يدي عروستو وهضرو فباقي التفاصيل زواج تقليدي مية فالمية…

داز الوقت..

لحقات عليها عائشة 

تنهدات وجلسات حداها كتشوفها غير جالسة وكتفكر عينيها حومر بلبكا

عائشة: ابنتي الله يهديك قوليلي شكون الباه يجي نعتقو الموقف يخطبك ووافقي وتزوجي وستري هاد الموصيبة راه الروح اطيح 

جوهرة: ماغانقولش نتوما بغيتو هدشي ..بغيتو الشوهة ولفضيحة باغين تزوجوني بالزز تحملو لي ايجيكم

عائشة: وراه اتجي فيك بحاليلا ماكتعرفيش ناصر ويوسف كي دايرين ونهار يفيق خوك من الغيبوبة ويسيق لخبار راه يد بحك اجوهرة

جوهرة: يوقع لي يوقع مايفوتنيش

شدات لعائشة فيديها: عفاك اماما ديني نحيد هدشي لي فكرشي الله يخليك

عائشة: مانقدش ندير هدشي ونقتـ ل روح صغيرة ماعندها تا ذنب ..واش باه عارفك حاملة؟ واش هرب ولا ماباغيش ولا نكرك

جوهرة: ماعارفش وماباغاهش يعرف وماخاصوش يعرف نمـ وت ومايعرفش هدشي..

عائشة: وملي ماباغاهش لاش ناعسة معاه وحاملة منو الموصيبة لاااااش ..عرفتي تحلي رجليك وماعرفتيش ديري احتياطك 

جوهرة : صافي اماما سكتي ماتزيديش تكملي عليا عفاك لي فيا كافيني

ونهارت بالبكا مقهورة

عائشة تنهدات : الله ياربي شهاد الموصيبة بنتي فكري الله يخليك 

جوهرة ماجاوبتهاش حتى كيوصلو ميساجات لطليفون جوهرة ..جوهرة مع لبكا مانتابهاتش..عائشة هزات الطليفون كتشوف رقم مامقيدش وكاينة صورة الزاكي تماك وغير فالشاشة قرات الميساج : جوهرة جاوبيني نعرف غير شنو واقع ليك…اقسم باله تانجي ندخل عليك تا لداركم

عائشة بلعات ريقها كتقول هدا خو عبلة اش جابو لجوهرة وعلاش كيهضر معاها هكا بقات كتفكر حتى كتخرج عينيها من فكرة يكون هو بابات الولد لي حاملة منو..خدات طليفونها صورات الشاشة ليها فيها نمرتو ووقفات: بكي تاتشبعي حيت نهار ايسيقو لخبار غادي تبكي على روحك انا ما اندخلش معاك فهدشي ديالك

وخرجات وخلاتها ..وعائشة مشات للبيت تدخل نمرتو وتفكر اش دير …

.. 

في إيطاليا 🇮🇹..

كان الليل يلاه خرجات من الدوش لابسة لبينوار وملوية شعرها بالفوطة  وكتدهن جسمها بلكريمات كانت لخدامة الخاصة بيها كتتسناها بكاس دالعصير ديال لفريز  خداتو منها وداك الساع مشات بحالها 

وخرجات من الجناح من بعد ماوجدات ليها بيجامتها وقدات ليها فراشها ..

دارت الكيت بلوتوت وخدمات موسيقى فودنيها وكملات الدهين لجسمها

برى..

دخل للقصر يديه عامرين بالد م مشا كيغسل يديه فلافابو بلما رجع كلو حمر..اكيد واحد مافيوزي تطياح الروح عندو كي جغمة دلما..بلع ريقو حاس براسو مازال معصب يديه كيرجفو بالأعصاب وعروق جبينو واضحين ماكايهدنو لا شراب لا والو ملي كيتعصب بزاف …حاجة وحدة كتهدنو وتبردو..زاد خطوات ايرجع يخرج من الدار وهو يتفكرها بلا مايحس لقة راسو طالع فالدروج للجناح ديالها وفبالو كيتخيل ضحكتها زينها لبسيط الجذاب جسمها لمبرونزي فورمتها صوتها ضحكتها كلامها..ديما كان كيراقبها بصمت ماكايتعمقش معاها فالهضرة ماكايتحاكش معاها ماعاطيهاش فرصة تتقرب منو وتشرك معاه الحديث..حيت ماباغيش ..ماباغيش يأديها..وقف حدا بيتها بغة يرجع وماقادرش يديه لعروق فيهم باينين ..دق عليها ..وتسنا لارد..زاد دق مرة وجوج وتلاتة قوص حواجبو ..ودق بالجهد هاد المرة: عـبـلة ؟..

لداخل

عايشة مع الأغنية وعاجبها جسمها لي مع لكريمات ولا صافي ورطب غمضات عنيها وحلاتهم كتحس بشوية ديال الدوخة

بقاو ليها فخيداتها ورجيلاتها تدهنهم هزات وحدة من رجيلاتها فوق الكرسي وبدات تدهن..وتدندن بالشوية مع الاغنية

اما هو فاش مارداتش حل لباب ودخل: عبلة..

زاد دخل وهو يوقف كيشوفها على نفس الوضعية رجيلاتها تا لفخادها باينين

طلعها وهبطها ووقف كيشوف فيها ويتأملها زادت على ما بيه حس بلحرارة طالعة معاه ود مو كيزيد يسخن..عينيه نايمين الشوفة فيها هكا كتفتن ..فقد الشعور براسو وهو غادي لجيهتها..

هزات راسها وهي تشوفو شهقات: هشاام..

حيدات الكيت حاسة بإحراج حتى وقف عليها بشوفات مامفهومينش نزلات رجليها من فوق الكرسي ونطقات: هشام ياك لاباس

وبدات تقاد فلبينوار وهو مراقبها بجمود عكس لعافية لي شاعلة فيه..

نطق بهدوء : دقيت ودقيت مارديتيش قلت نشوف اش واقع

عبلة: كنت دايرة لكيت ..

وسكتات كتشوف فيه من ديما شوفاتو ماكانتش كتفهمهم كيجيها غامض بزاف ومكالمي وشوفاتو كيوثروها واخة نسيبيا كيعجبها داك الهدوء ديالو وشخصيتو الرزينة وداك لكلام لقليل وصوتو التقيل كتلقة راسها تاهي مراقبها وغير يحضر كتقفز وتبدا تتسناه شغا يقول

ميل راسو يحاول مايهبطش عينيه لصدرها لمرفوع: كلشي مزيان

هزات راسها: اه الحمد لله..

رجعات ليها الدوخة تاني : غير..

وسكتات شادة فراسها: انا راه..

كانت اطيح كوما شدهاش من خصرها بين يديه جسمها ولا شبه مكشوف لبنوار طلع لفوق ونزل من كتافها ..بلع ريقو كيشوف فيها بين الوعي ولا وعي..وجسمها هكا قدامو ..هو ايلا تعصب وكان ماشي هو هداك كيبغي يمارس الجنس هكا كيتهدن كيتعصب كتزيد رغبتو الجنسية بزاف..لاكان معصب بزاف كيولي باغي يمارس بعنف تا يبرد على حساب مزاجو..ومن النوع لي لاعجباتو شي وحدة ماكايرتاح ويتهدنو أعصابو حتى كيمارس معاها ..ودابة عبلة لي حركات مشاعرو طول هاد التلت شهور ومانع نفسو باش مايتقربش منها هاهي بين يديه شبه عريانة والنار شاعلة فيه من جيهتها باغيها وربي كبير مابقاش قادر يصبرر ولا يتحكم فأعصابو دوز يديه على عنقها وكتافها فيهم لاطراس ديال البيكيني دلبرونزاج وعينيه على صدرها..

.. 

شهور ومانع نفسو باش مايتقربش منها هاهي بين يديه شبه عريانة والنار شاعلة فيه من جيهتها باغيها وربي كبير مابقاش قادر يصبرر ولا يتحكم فأعصابو دوز يديه على عنقها وكتافها فيهم لاطراس ديال البيكيني دلبرونزاج وعينيه على صدرها لمكفح

نزل بالشوية لعنقها لمرفوع كيتسنشق ريحتها غمض عينيه مستمتع بحرارة نحرها كيدوز شفايفو بالشوية..واخدة ليه لعقل وكيسمع لصوت انفاسها..بدون شعور طبع قبلة طويلة على عنقها حنينة وقبلة تانية من الجيهة لوخرا…مابقاش قادر يصبر..

حتى كيحل عينيه من الصوت لي جا موراه بحدة: هـشام..

دور وجهو بهدوء وشاف فيها واقفة

نطقات بخوف: شكا دير مالها عبلةرجع شاف فعبلة بين يديه: لقيتها سخفانة

فخيثة قربات: بعااد علييها حطها فوق الناموسية

حطها فوق الناموسية

فخيثة قربات لعندو: هشام ولدي بعد منها الله يخليك متأديهاش وهي تحت حمايتك ياك قلتي امانة خوك..ماديرش فيها هكاا 

هشام شاف فعبلة ونطق: حركاتني الوليدة ماقدرتش نصبر

رجع شاف فيها: تلت شهور وانا مانع راسي عليها

فخيثة: ما انسمحش ليك دير فيها ماكادير فلوخرين..عطا الله بنات كيتشراو بلفلوس لهدشي ختار اي وحدة وخلي عليك عبلة

وقربات عند عبلة كضرب على وجها بخوف: عبلة بنتي فيقي شنو واقع ليك

ناضت جابت لما ورشاتو على وجها وهو غير كيشوف مسح على راسو حلقو نشف..

عبلة غير ترشات بلما حلات عينيها بالشوية بتعب

فخيثة: بنتي شنو وقع ليك 

عبلة كتشوف فالسقف وترجع تشوف ففخيثة: ماعرفتش شداتني الدوخة ومابقيتش عاقلة على والو

فخيثة: نعيطو للطبيب يجي ابنتيي 

بغات تنوض وهي تشدها عبلة من يديها: لا بلاش مايحتاجش غير فورصيت على راسي بالريجيم وتغلبت ودخت..دابة انولي مزيان

فخيثة: ابنتي رخفي على راسك راه شوية بشوية اتولي كيف باغة

هزات راسها باه وناضت كالسة وجات عينيها فعين هشام تبسمات بتعب: شكرا كون ماكنتيش معايا كون جيت مردوخة فالارض

ميل راسو باه: مرحبا المهم نتي بيخير..نمشيو للطبيب ؟

عبلة: لا بلاش شكرا

فخيثة: نمشي نقلهم يوجدو ليك تاكلي ترجع فيك الروح

ماخلاتش عبلة تعتارض  وناضت وقربات عند هشام: اجي معايا اولدي

خرجو وسدات الباب ونطقات: بغتيها ونفسك فيها تزوجها داك الساع مراتك عيشو الحياة كيف بغيتو اما هكا اولدي راه ماصالحش

نطق: نفسي فيها وباغيها الوليدة..

سكت ونطق: عندي اجتماع في دوبي(dubai) اناخدها معايا وتماك انطلب منها الزواج ونجيو ونديرو الخطبة

فخيثة: لا لا مايمكنش تديها معاك

هنا تقلبو عينيه وبدل نبرة صوتو: الوليدة عارفة ماكانحملش نعاود الهضرة بزاف

بلعات ريقها عارفة ولدها شكا يسوى: واخة اولدي ولكن واعدني ما تأديهاش

هشام: ما غانأديهاش

هزات راسها باه: عفاك ماطولوش فهدشي تزوج بيها دغية الله يخليك

دار عاطيها بالظهر: غدا انسافرو علميها وخليها توجد راسها

فخيثة: واخة اولدي

تنهدات: ياربي ماخرج هدشي على خير 

اما هو خرج من الدار ركب فطموبيلتو متاجه للبلاصة فين ممكن يبرد هاد النار لي شاعلة فيه المشكلة صورتها وهي بين يديه مابغاتش تزول من بالو كيزيد غير يولع تمتم: غادي تكوني ليا اعبلة وبين يديا 

تفكر دوبي غدا تمتم تاني: انا وياك الراس فالراس اعبلة