غي سمعات ديك سيري مشات كتجري لجيهة لباب مبعدة منو.. خلاتو كيشوف فيها من اللور و رجع شاف راسو فالمراية قبالتو و كيهضر مع راسو: وليتي بيد//وفيل اودي ا حَيْدر.. تالييت يامك ولات لاصقة فبالك قاصر،
بعد من المراية داير ضحكة استهزاء على راسو.. حيد سباطو و حوايجو كاملين و غادي مشي جيهة السرجم بهبطو كي كيبغي تا كيحس براسو زطم على شي حاجة..
بعد رجليه بشوية و حنا هز دمليج بين يديه.. بقا كيضورو و يشوف فيه و مشا دارو وسط مجر و سدو بساروت و مشا لحمام يدوش..
هبطات جالسة حداهم على أعصابها كل دقيقة كتمسح فعنقها.. شافت فيها حجيبة مكتاكلش و غي كتمسح فعنقها..
حجيبة: بنتي كولي مالك؟
باهية: (شافت فيها باستغراب) بنتي مرحبا بيك كولي،
زهور: هانا ا اناكل اخلتي،
ياله مدات يديها للخبز تا كيدخل بريحتو المجهدة و هاز فيديه صاك حطو فالباب.. تقدم عند مو باسها فراسها و قرب عند حجيبة عنقها و باسها فراسها و جلس حدا مو..
باهية: (نص عينيها مع زهور لي متسوقاتش ليه بقات حادرة عينيها) فوقاش جيتي اولدي،
حَيْدر: غي دابا.. الحنانة متخلعي ما دهشي،
باهية: شنو اولدي اشنو كاين؟
حَيْدر: زياد دار كسيدة،
ما حس بيها تا كانت خبطات فخاضها و غوتات تا تصمكو وذنيه: اوييييلييييي اويييلييي ولديييي!!!
حَيْدر: (شد ليها يديها باسهم) تهدني راه مزيان دابا انا غادي نجيبو من كلينيك،
باهية: (عينيها دمعو) قلت ليك خاطري مهناش على ولدي.. جيبو الحبيب جيب ليا ولدي،
حجيبة: (صوتها مغنغن) مالو اولدي كي وقع ليه؟
حَيْدر: هنااو هنااو انا غادي دابا،
مزادش معاهم الهضرة ديك الساعة وقف خارج و عينيه هربو ليها هي لي مخنزرة فيه و مخسرة سيفتها.. هز فيها حجبانو بجوج و خرج كيحك فجبهتو معارفش مالو معاها و مالها لاسقة ليه فدماغو..
غي خرج وقفات طالعة للفوق تكمل شغالها و كل دقيقة كطل مع الباب يكما راجع.. ابدا واش تهنات ولا رتاحت فشقاها.. عقلها كولو مع الشدة لي كان شادها و البوسة لي باسها..
مادازش بزاف تا سمعات صوت طوموبيلات حبسو فالباب قربات لسرجم كطلل برويسها و كدعي ميكونش هو.. ما ان خرج و هز راسو لفوق فيها دخلات للدار كطير و تولول..
ضحك و هو كيشوفها كيفاش كطلطل عليهم كي الفارة و تقدم لعند زياد معگزو عليه و هو طالق عليهم فشوشو..
حَيْدر: تقاد مالك ذبتي،
زياد: (كيلوح عليه راسو و يتبوحط) شتتوني الكفرة بالله بغاو يرزيوني فصحتي و انا ما شفت ما تشوفت،
مُصعب: (كيحل الباب ديال الدار و كيهضر) 30 عام ماشفتي متشوفتي سكت القاصر،
زياد: (شد على صدرو كيتوجع) نااااريي الوجدي كيهطيني القرطاااس،
حَيْدر: تسكت و لا نلوح والديك،
ياله كملها تا لقا حجيبة و باهية واقفين ليهم و عينيهم مدمعين على زياد.. طارت عندو باهية تعنق و تبوس فيه و تقلب فيه ياكما مضروب من شي بلاصة اخرى،
باهية: الله اولدي و شديك الخرجة خرجتي كنت حاسة كنت حاسة،
قرب منها زياد باسها فراسها و درعها بيدو: ديريش فبالك الميمة هاني بيخير،
باهية: (نزلات ليها دميعة و هي كتشوف فيديه) متبقااش طير اوليدي فزنقة شوف شوف يديك دابا،
زياد: والله الا غي مقصحة راني بيخير،
حول عينيه لحجيبة لي كتشوف فالضربة فراسو عينيها غرغرو و قربات منو كتجمع فدميعاتها باش ميطيحوش..
غي شافها هكك جرها عندو عنقها: واا صافي حسستوني بحال الا م/\ت،
حجيبة: الله ينجيك اولدي الله يخليك لينا و يطول فعمرك.. اجي اجي تجلس متبقاش واقف بزاف اجي ترتاح..
جروه تكاوه فبلاصة مصوبينها ليها وسط الدار و كل وحدة جلسات فوق راسو من جيهة.. يسولو فيه و يقلبو فيه و هو شاد ليهم الخاطر و مخليهم على راحتهم..
وقف مُصعب غادي خارج للدار لفوق تا شافتو باهية و هي تنقز لعندو شداتو من دراعو..
باهية: فين غادي اولدي؟
حَيْدر: لبيتي!!
باهية: لا اوليدي كاينة البنت لفوق كتجمع انا نطلع نهبطها و ديك ساعة طلع نتا،
بقا كيشوف فيها كيغزز فشنايفو و جرها من يديها ردها لبلاصتها و جلس تا هو حداها.. عارفها مغديش تخليه يطلع و أبدا واش يخليها طلع تجري عليها من وسط الدار..
حجيبة: نوض نجيب لولدي ايلان باش تبرا ليك دغيا،
زياد: وااا ميمتي راني مامهرسش،
باهية: و لو.. (دوزات يديها على شعرو) تشهيتي شي حاجة نصوبها ليك،
زياد: واالوو باغي غي نتكل و صافي غي رتاحو مديرو والو،
مُصعب: اااه زعما مرضي،
زياد: (تنهد كيضحك) راني مرضي خاص غا لي ترضي عليا،
كلهم سكتو تا من حَيْدر لي كان مجبد خنزر فمُصعب.. تا هزات باهية يديها ضرباتو فكتفو..
باهية: و انا شنو نسخط على جدك دابا،
رجعات تا حجيبة ضرباتو من حيهة تانية من جالسة: و انااا يااك هادي هي ميمتي و كنتي طلع كنتي تجلس عندي دابا اش،
باهية: اييه و انا انا لي مقيل نسول فيه و لاش مجيتوش و معندكش،
بقا كيضور عينيه بيناتهم و هز يديهم باسهم و قال بصوت خافت: معنيتش شي حاجة تقلقوش اجنتي،
باهية: نتا المرضي ديالي منتقلقش منك،
حجيبة: ياله نوض تفطر نوض،
جلسوه و قربو ليه الطبلة و كل وحدة تعطيه شي حاجة من جيهة.. دايرينو وسطهم و هو شاد ليهم لخاطر مفيه مياكل و لي عطاتو شي حاجة ياكلها مباغيش يخسر ليهم،
قرب تا مُصعب كيقطر غير حَيْدر لي بقا متكي بلاصتو و كيتفكر فاش قالت ليه فعمري 16.. 16 لعام و كتخدم فالديور فين قرايتها فين واليديها لي يخليوها تخدم عند الناس.. راسو و قلبو ضرو و هو كيشوفها صغيورة و صغيورة فكلشي ميفاش اتقد على شقى الدار..
كانو كلهم ملهيين تا سمعو صوتها خافت.. تلفتات باهية لمكان صوت ملقات تاحد عرفاتها فالدورة ديال الدروج عرفاتها كتسمع الهضرة مبغاش تدخل..
باهية: ابنتي عيطتيلي؟
حجيبة: دخلي ابنتي مالكي واقفة فالباب،
زهور: (بصوت حشمان خافت) ماشي مشكل اخالتي،
باهية: (شافت فحَيْدر لي كان مركز ولكن كيبان ساهي مامسوقش) دخلي ابنتي دخلي،
دخلات عندهم حانية راسها وقفات فالباب مزادتش خطوة للقدام و قالت: خالتي ساليت الفوق واش ندير شي حاجة اخرى،
هز فيها زياد راسو هو و مُصعب و بقاو مخرجين عينيهم فيها مصدومين...
باهية: كتعرفي طيبي ابنتي،
زهور: ااه اخالتي نطيب ليكم شي حاجة؟
باهية: غي تعاونيني نصاوبو الرفيسة ياك ما عندك شغل،
زهور: لا خالتي معندي والو،
باهية: صافي (شيرات ليها لكوزينة) سبقيني انا دابا جاية موراك،
حركات ليها راسها و دخلات للكوزينة كتزرب مشاف فتى واحد.. بالخصوص هو لي كان مفيكسي نظرو فيها و يطلع و يهبط بخاطرو..
غي غبرات من حداه حنى عينيه لتيلي ديالو فين كان صورها فاش كانت كتهضر مع مو.. صيفطها لأسامة و ترخا بجسدو للور كيفكر فهاد البرهوشة لي رونات ليه راسو..
دوزات وقيتها فالكوزينة مع باهية لي بقات غي مصدومة فشغلها مكانش كيصحابها غادي تكون حادگة لهاد الدرجة..
شافتها منغامسة فتصواب رجعات للور و خلاتها بوحدها فالكوزينة.. تا زهور متسوقاتش و محساتش أصلا بوجودها من غيرو غي قالت ليها بلاصة اي حاجة فين كاينة دارت كلشي بيديها..
داز الوقت كانت كستف كتقاد فالطبسيل و كدندن غي سالاتها ابتاسمات بفرحة و صفقات بيديها..
زهور: ناريي الله يعطيني الصحة و خلاص الشاف محى ميعرفش يدير بحالي،
سمعات صوت من موراها خلاها تبقا مبلوكية كتشوف فداك الطبسيل و الرعدة طلعات معاها: مبقاتش فالزواق نشوفو البنة اشهلة العياني،
مداتهاش فيه و قربات غسلات يديها و بدات كتعيط لباهية.. لي جات كطير فاش شافت حَيْدر واقف فباب الكوزينة..
باهية: ولدي اش كدير هنا؟
حَيْدر: (هز عينيه فمو) واقف،
باهية: و لاش واقف اولدي سير تجلس ها الغدا ايتحط سير،
رجع أدراجو للداخل و باهية دخلات لعند زهور..
باهية: هضرتي معاه؟
زهور: (عيات و حَيْدر زاد عياها و هضرة باهية مرضاتها) اخالتي مهاك الله انا عندي 16 مكنفكر گاع فديكشي لي فبالك.. (شافت فيها و عينيها غرغرو) اخالتي والله حتى جاية غي نخدم كنتي خايفة و اتبقاي كل مرة تلوحي ليا هاد الهضرة نمشي فحالي تا دابا،
مخلاتش باهية تجاوبها عطاتها بالظهر و طارت خارجة من الكوزينة دازت عليهم فالصالون كلهم شافوها كتمسح دموعها وقفات حجيبة تابعاها وقفاتها حدا الباب و باهية جات كتجري تابعاهم.. وقفو الدراري من موراهم كيطلو عليهم..
جراتها حجيبة عندها كتمسح ليها دموعها و زهور غي مكيزيدو يهبطو ليها.. متحملاتش كولا مرة تلوح ليها الهضرة على ولدها بحالا لايحة راسها عليه.. عنقاتها باهية عندها كتمسح ليها على ظهرها..
باهية: سمحيلي ابنتي سمحيلي مقصدتش شنو فهمتي سمحيلي،
زهور: انا مادرت ليك والو اخالتي باش تقولي ليا ديك الهضرة،
باهية: سمحيلي ابنتي معرفتش كي خرجات من فمي،
حجيبة: (جراتها من حضن باهية كتمسح ليها على شعرها تقريبا فهمات الموضوع) صافي ابنتي راها مرة مرة كيعربو ليها لڤيزيبلات متديش عليها،
زياد: (كيشوف فزهور نيفها و حناكها و لاو حومر جاتو كيووت و شاف بنص عين فحَيْدر لي حاضيها) الواليدة تخطبيش ليا هاد التوت البري،
حجيبة: صغيرة عليك بعد من الدرية.. اجي تغداي معانا دابا اجي،
زهور: (كتمسح دموعها بكم الكاب) لا اخالتي غي بالصحة،
وقف قبالتها زياد و هي هزات عويناتها فيه كترمش..
زياد: داير كسيدة اختي و عاد جاي من سبيطار ترديها فوجهي و متجيش تغداش معانا،
زهور: الحمدالله على سلامتك.. غي بالصحة اخالتي ختي كتسايني فالدار مقلت ليها والو،
باهية: مامقلقاش من خالتك ياك،
حركات ليها زهور راسها بلا و قربات سلمات عليها بالوجه و سلمات على حجيبة و سلمات على الدراري غي بالفم ياله جات خارجة بحالها..
باهية: حوور اترجعي غدا،
زهور: ااه اخالتي غدا انجي،
خرجات و كلشي دخل للداخل بقا غير هو مفيكسي عينيه فالباب و سميتها كترجع دور فبالو.. حور حور حور.. واش سمع بصح و لا غي كيتخايل ليه.. خرج بزربة من موراها متبعها بعينيه منين دخلات غي شاف حرك راسو بلا و زير على عينيه بيديه..
مُصعب: شراكي ديري ارميساء شراكي ديري!!
الضلام طاح و كولا فين مليوح.. زياد و مُصعب كيلعبو فالبلاي.. و باهية و نجية كل وحدة تخشات فبيتها..
غيرو هو لي كان وقف فسرجمو طافي ضو و عينيه عليها هي لي جالسة كتبكي و رميساء كتعنق فيها.. منين تغدا و هو حاضيها.. دموعها محبسوش معارفهاش علاياش كتبكي و شنو وقع ليها لي عارف هو مو حگراتها..
دار للمجر لي سد الصباح حلو و هز الدمليج بين يديه و خرج من الدار نيشان لباب دارهم.. دفع الباب التحتاني لقاه محلول و طلع لايطاج ديالهم.. مكيفكر فحتى حاجة باغي غير يعرف علاش كتبكي..
عندها هي لي جالسة كتبكي و تمسحهم و يوليو يهبطو و رميساء كتحزر فيها و هي تقول واش سكتات..
رميساء: الدمليج غادي نلقاوه لاش كتبكي؟
زهور: اهئ مشا مشا ليا دمليجي دمليج حنا بغيتو،
رميساء: نمشيو عندهم دابا؟
زهور: الااا غا غادي يصحاب ليها كندور ليها بطوبة الحبشية،
رميساء: وااش مكتمرگيش كيفاش الطوبة الحبشية،
زهور: (بدات كتهرنن) هنننن واااا اااه الطوبة الحبشية سلوم الجياارة،
رميساء: هداا الله معاك اختي هدا الله،
تسمع صوت الدقان عندهم و وقفات زهور باغة طرطق غي بوحدها مشات جيهة الباب غي حلاتو خرجات فيه عينيها..
زهور: شنو كدير هنا؟
حَيْدر: (مسلوب بعينيها مد يديه تحت شفارها مسح ليها آثار الدموع) علاش بكيتيهم؟
زهور: (ضربات ليه يديه و رجعات بخطوة لور و عينيها رجعو تغرغرو) بغيتي شي حاجة باش تجي فهاد الليل؟
قرب منها بشوية و جرها من يديها بلطف قربها لعندو كيشوف فعينيها لي ولاو حومر بقوة البكا و زادو دابا عامرين بالدموع ضراتو فخاطرو..
دوز يديه على شعرها بشوية بحنان: شنو ضرك علاش كتبكي؟
بحال الا قاليها فرغي المزيودة محسات براسها تا طرطقات بالبكا و كتهضر فنفس الوقت و هو متبعها فاي كلمة قالتها: اهئ ح ح حگرتيني نتا و و ماماك اهئ انا ما ما عيني گاع فيك اهئ نتا لي كتبقا تشوف فيا اهئ اهئ و شادني صباح بسيف.. (هزات عينيها فيه كتبكي من نيتها) و و تلفلي دمليج جدا عاافاااك قلب واش كاين فدارك عاافااك اهئ،
محس براسو تا كان جرها خشاها بين ضلوعو كيدوز على شعرها و هي شهقاتها غي مزادو كيعلاو كتبكي من نيتها و كتشهق.. و تزير عليه بيديها من تيشيرت ديالو ..
بقا هكك معاها كيطبطب على شعرها و على ظهرها وسط الدروج تا بقا كيسمع غي التنخصيصة لي كطلع ليها.. بعدها عليه شوية و حلسها فدرجة قبالتو و حلس مقرد قبالتها.. هز ليها يديها بين يديه و بدا كيمسدها ليها بشوية..
حَيْدر: رتاحيتي؟ (حركات راسها باه و هي مزنگة حمرة عاد وعات على التعنيقة لي عنقاتو) انا محگرتكش و عمرني نحگرگ الصغيورة نتي دخلتي لهنا (دار صبعو على ناظرو) غادي نسولك و غادي تجاوبي! علاش خدامة فين واليديك؟
هزات عينيها فيه و رجعات حدراتهم كضورهم و نطقات بصوت مرعد حس بيه حَيْدر: ح حنا ناس مفحالناش كنعاون واليديا فالصيف،
صغر عينيه و غزز سنانو بشفايفو و رجع سولها: قرايتك؟
زهور: عاد انرجع ليها،
حَيْدر: سميتك؟
زهور: ح حور،
حَيْدر: واخا اشهلة العياني ماشي مشكل.. الخدمة مع الواليدة غي حبسيها،
هزات فيه عينيها و رجعو دمعو مرة اخرى: لا لا علاش كتجري عليا واش دوت ليك شي حاجة؟
قرب منها تا تخالطو أنفاسهم و غمضات عينيها من ريحتو لي تعجبات بيها من أول مرة شماتها.. طبع قبلة على عينيها بجوج و كيشوف فيها..
حَيْدر: براكة عليهم اشهلة العياني.. (جبد الدمليج من جيبو و سرح ليها يديها بين يديه قبل ميحطو طبع قبلة حنينة عليها) هادا ديالك!
حلات عينيها فيديها و خرجات ليها الضحكة بزربة كي شافت دمليج جداتها بين يديها و حركات راسها باه بزربة: اه اه اه ديالي،
ماجا فين يهضر تا كانت تلاحت عليه بتعنيقة مضورة يديها على عنقوة تا رجع لور مكالي بيديه باش ميطيحش.. و اليد تانية ضورها عليها مزير عليها خايفها طيح من يديه..
زهور: شكرا شكرا شكرا،
حَيْدر: كلشي ديالك الشهلة ديالي،
غي استوعبات راسها شنو دارت ناضت من عليه بزربة كترد شعرها من مور وذنيها و التزنيگة طلعات معاها..
وقف تا هو مقابل معاها و حنا لمستواها كيشوف فيها: سمعتيني؟
زهور: اممم فاش!
حَيْدر: منشوفكش عند الواليدة!
زهور: علاش؟
حَيْدر: تكرفصي راسك و نتي باقة صغيرة؟
زهور: ياك انا لي غنتكرفص اوا خليني،
حَيْدر: وااخاا الشهلة واخا،
خلاها كتشوف فظهرو و هبط كيدردب مع الدروج.. دخل لدارو نيشان لبيت مو.. لقاها فايقة شادة تيليفونها فيديها.. شافتو جلس حداها و باس على راسها حطات تيليفون و حطات راسها على كتفو..
باهية: مال راحتي؟
حَيْدر: حنانتي الدرية شحال فعمرها؟
باهية: 16 اولدي،
حَيْدر: و نتي على نيتك احنانتي مخدمة درية عندها 16،
باهية: اولدي قالت ليا كتعاون واليديها بغيت نعاونها،
حَيْدر: حنانتي الموضوع هنا يتسد نوليش نشوفها هنا،
باهية: ميكون غي خاطرك اراحتي كون هاني،
حرك راسو و وقف باس ليها راسها و يديها و مشا لبيت حجيبة.. لقاها ناعسة باسها فراسها و يديها و خرج طلع لبيتو كيتفكر كيفاش كانت كتعاند معاه..
كتشوف فباهية كيفاش جالسة قبالتها جاية عندها على الصباح مفهمات والو..
زهور: خالتي واش كاينة شي حاجة؟
باهية: والله ابنتي معرفت منين نبدا.. احم هضر معايا ولدي عليك ابنتي قالي باقي صغيرة منوليش نخدمك عندي سمحيليا،
زهور: (بقات كتشوف فيها شحال و كتفكر ديك ولدي شدوها الغدايد) اا صافي اخالتي ماشي مشكل،
باهية: انا بغييتك ابنتي سمحيليا،
زهور: مكتاب اخالتي عادي،
وقفات باهية عنقاتها و مدات ليها فيديها لفلوس ديك ساعة رداتهم ليها زهور..
باهية: شدي ابنتي،
زهور: والله منشدهم اخالتي،
باهية: الله يرضي عليك الله يعاونك،
وصلاتها للباب غي خرجات بقات كتشوف زهور قبالتها و مشات تخشات بلاصتها كتكمش.. معندهاش الخاطر لا تفكر فيه لا فشنو دار هرموناتها لاعبين عليها و مباغة تا حاجة تزيد تمرضها..
عكسو هو لي مكروازي رجليه مع الباب كيساين مو تهبط تا تمات جاية لعندو..
باهية: صافي هنيتي هانا جريت على الدرية،
حَيْدر: دخلي لدارك احنانتي،
دخلات باهية خلاتو هاز عينيه فسرجم دارهم و كيضور عينيه فالدرب.. مدازش بزاف تا وقف حداه أسامة داير يديه من مور ظهرو و كيفرنس..
حَيْدر: غاتبقى تفرنس ليا تم،
أسامة: شنو قلتي ليا سميتها؟
حَيْدر: حور!!
أسامة: ههه لا سميتها زهووور،
شاف فيه حَيْدر عاقد حواجبو و نطق بعصبية: كيفااش زهور اشنو كاين؟ نطق دغيا نطق،
أسامة: سميتها زهور هاربة من جماعة تازوطة من شي دوار.. سميتها زهور الدوار كولو عارفها هربات نهار قبل عرسها،
بقا حَيْدر غي كيرمش و يشوف فيه و يهز عينيه لجيهة السرجم مبقاش عارف شنو يقول: كمل و نتا لسقتي فسميتها زهور،
أسامة: قالو مقالو شي صاحبتها تما هي لي عاوناتها تهرب اوا باها مبري منها مها كيقولو كيقولو تحماق و تشوفها عندها جداتها مبردة مكتبين ليهم والو.. خوها خدام فكازا اسيدي هو لي شاد ليك لاصال دصبور ههههه خزعبلات (شافو بغا يهضر) مزال مكملت اوا و راجلها زعما هاداك لي خطبها سولت عليه فالدوار ضوسيه خانز و ولد مو صافي،
حَيْدر: سير ا أسامة خربقتيلي لمارا دعقلي قو/\د،
سد باب دارهم و طلع لعندها نيشان كيدير فكل درجة جج.. وصل لباب الدار و بدا كيدق شحال كون مكانش عارفها فالدار كان غيقول مكايماش.. مدازش بزاف تا حلات ليه الباب صفرة و الدموع مصطرين على خدها و يديها تحت كرشها..
وقف قبالتها كيفليها بعينيه و حط يديه على يديها لي تحت كرشها..
حَيْدر: مالك شنو واقع ليك؟
زهور: (بصوت عيان باكي) شنوو بغيتي شنو جابك؟
حَيْدر: مالكي شنو واقع ليك؟؟ شنو كيضرك مالكي صفرة؟
زهور: وااا شنو جاابك؟؟
ماداهاش فيها و هزها بين يديه دخل لأول بيت بان ليه و حطها فوق الناموسية كيشوف فيها كتوجع و دموعها كيطيحو..
حَيْدر: (بحنية) مالكي الشهلة شنو ضارك؟
هزات ليه يديه و حطاتها تحت كرشها و بصوت مغنغن باكي كتهضر: كيضرني بزاااف،
حَيْدر: فيك حق الشهر؟
حركات راسها باه بزربة و خشات راسها فالوسادة كتوجع.. ديما كتجيها بالحريق مكتقدرش تهز الراس تا كدوز يوماين عاد كتولي مزيان..
ترون و بقات فيه بزااف كيشوفها صفرة مسقومة من الدم.. حيد صندالتو و تخشا من موراها جرها لعندو.. دار يديه تحت راسها و يد فوق كرشها فين كيضرها و بدا كيمسد ليها تما بشوية و هي كتخشي راسها فيديه و تحك بوجهها مع يديه بقوة الحريق محسات تا كانت غرسات سنانها بيديه..
خلاها على خاطرها محس بوالو أصلا.. بقا كيمسد ليها شوية بشوية غي حس بيها رخات سنانها من عليه..
طل عليها لقاها مغمضة عينيها و مرخية بقا كيشوفيها و زيدها عندو كتر خشاها فصدرو و يديه باقيين كيدوزو على كرشها.. خشا راسو فعنقها و بقا كيشم فريحتها و يبوس بوسات خفاااف و يحك نيفو مع عنقها..
طالت جلستو معاها و خاشيها فيه و راسو فعنقها تا حس بيها كتململ عاد تگعد كيطل عليها و كيرد ليها شعرها لور..
بدات كتزير على عينيها و كتنين بشوية غي حلات عينيها لقاتو قبالتها كيشوف فيها.. سدات عينيها و ولات حلاتهم فيه..
زهور: ش شنو وقع؟؟
حَيْدر: نعستي!!
زهور: اممم لا منعستش.. غيبت،
حَيْدر: كييفاااش؟؟
زهور: غيب.... (حلات عينيها وسعاتهم فيه) شكدير هناا!
حَيْدر: كنداوي شهلة العياني الشهلة ديالي،
زهور: غيب.... (حلات عينيها وسعاتهم فيه) شكدير هناا!
حَيْدر: كنداوي شهلة العياني الشهلة ديالي،
بقات كترمش فيه مامستوعباش واش راه بصح كاين معاها و متكي حداها و قريب ليها لهاد درجة.. اما هو بقا متبعها بعينيه عارفها فاش كتفكر.. يد باقة كتلعب فشعرها و لوخرى محطوطة فوق كرشها فين كان كيمسد..
زهور: (عينيها كيرمشو بالزربة فيه) نتا هنا؟؟ فبيتي؟؟ متكي حدايا؟ و مدرعني؟ (مدرعني هي معنقني صفراوا أغلبيتهم مكيقولوش معنقني)
حَيْدر: (ابتاسم و حرك راسو بالايجاب) و نعستي بين يدي،
زهور: (هزات يديها كدفع فيه) وااااا نووووض نووووض،
حَيْدر: شششت راكي مريضة..(هبط عينيه ليديها لي كيدفعوه من صدرو) ولاهيلا صغيورة،
زهور: وااااا نوووض عليا واش حمق،
حَيْدر: (مبرد كيشوف فيها) تكالماي و تهدني راكي مريضة،
زهور: (باقة كدفعو و تركل باغاه يتحرك من حداها) وااااا نوووض منين عارفني مريضة نوض،
هبط عينيه لرجليها باغي يحبسها من تركال تا كيقشع تحت منها ضاية ديال الدم و هي محاساش.. تهز من فوق منها بالزربة و هزها بين يديه كيشوف فداك الدم..
زهور: (سخفات و هي كتحاول تفك منو و زادها كملها هازها مزير عليها) وا ها العار حجر العافية طلق مني،
حَيْدر: واش ما حاسة بوالو؟؟
زهور: حاسة بالسخفة لي سخفتيني.. (خرجات فيه عينيها) وا هبطني،
حَيْدر: (صغر فيها عينيه) دخلي دوك العينين غيطيحو ليك.. (ضورها لجيهة الدم) واش محاساش بهادشي لي هبط منك؟
غي شافت شنو كيوريها حنااكها رجعوو حوومر و بقات غي كتشوف فداكشي لي نزل منها و هي محاساش بمرة.. هزات عويناتها فيه ببرائة كترمش لقاتو ساهي فيها و فعويناتها لي حمقوه..
زهور: احم واخا تهبطني،
حَيْدر: فين باغة تمشي؟
زهور: نغسل قبل ميرجع ليا الحريق!
مجاوبهاش داها ديريكت للحمام و حطها فيه و رجع لبيتها بدا كيبقش ليها فالبلاكار تا هز فوطة و فوطة صحية و سليب و بيجامة لي بانت ليه تما بسروال و رجع عندها لحمام حط ليها داكشي حداها و خرج سد عليها الباب..
بقات كتشوف فدوك الحوايج و تشوف جيهة الباب و حناكها ولاو حومر.. صدمها كيفاش قلب فحوايجها و جاب ليها كلشي لعندها.. حيدات حوايجها و كدعي تخرج متلقاهش بمرة..
دوشات بخاطرها نقات حالتها و لبسات حوايجها فالحمام و خرجات دايرة فوطة على راسها و كتمشي بشوية عليها.. غي خرجات للصالة حلات عينيها على وسعهم و قربات بالزربة لجيهة الطبلة و فمها كيتوسع بضحكة..
كتشوف قبالتها عرمة ديال الميكات كلهم فيهم السقاطة و الشكلاط من شنو ما تشهات خاطرك.. و حدهم خنيشة ديال صيدلية وسط منها الدوا.. هزاتها كدورها فيديها و تبسمات جبدات حبة شرباتها و لي فالميكات شي دارتو فالتلاجة شي هزاتو حداها كتاكل..
عندو هو لي غير حط ليها شنو جاب لبس حوايجو و تحرك هو و مُصعب للخدمة.. وجهة وحدة لي كتبان ليه و فكرة وحدة كضور ليه فبالو و باغي يتأكد منها..
بلاصة لوطو و هبط كيضور عينيه فالاصال غي دخل مشا ديريكت لبيرو ديالو كيفكر فبلان زهور و خوها لي خدام عندو عقلو تخربق مبقا كيفرق بين الصح و لا الكذوب..
تشتتو أفكارو على الدقان فالباب لي كيسمع.. اذن بالدخول غي هز عينيه بقا كيشوف قيه مطول كيحاول يلقا نقطة الشبه بيناتهم..
وقف حَيْدر متوجه لعندو سلم عليه و بقا مركز فيه كيشوف..
نوفل: خويا باغي نطلبك على شي حاجة ممكن؟
حَيْدر: مرحبا انوفل،
نوفل: معرفتش كي ندير نقوليك.. نتا عارف خديت كونجي شي يامات هادي و هبطت شفت مالين الدار.. (حك جبهتو بتوتر) وقع شي مشكل و ختي الصغيرة هربات من الدوار و تا واحد معرفها فين زادت انا عارف نتا عندك معارف بزاف تقدر تلقاها دغيا،
حَيْدر: علاش هربات؟
نوفل: الواليد بغا يزوجها بزز و (هز عينيه فحَيْدر مغرغرين الندم راكبو من ساسو لراسو) انا مكتهزش فيا تا العين قاطعة معايا الهضرة باش تجي عندي آخر حاجة تديرها،
حَيْدر: (خبط ليه على كتفو) نلقاها ليك مرحبا سميتها تصويرتها،
جبد نوفل تيليفونو بالزربة و وراه تصويرتها تصويرة مصيفطاها ليه رقية كضحك و باينة الفرحة فعينيها: سميتها زهور،
واش مكينش كماله
ردحذف