الجزء 4 - عَــشِــقْــتُــكِــ إلــى حَــدّ الــهَــوَسْ

 

ستة دسوايع دوزهم فالطريق.. وقف حدا بتي ڤيلا و هز تيلي ديالو صيفط لزياد و حَيْدر بلي وصل و هبط من لوطو.. جبد صاكو من لور و وقف كيحل باب الڤيلا.. خطا الخطوة اللولة تا كيسمع غوتة صداها ملات المكان و لي فالداخل كاملين خرجو كيطلو.. و تا هو ضور راسو ضاحك لجيهة الغوتة تا كتبان ليه.. أميرتو جاية كتجري لعندو.. حل ليها درعانو مستقبلها فحصنو.. 

تلاحت عليه كضحك و تعنق فيه و تزير و كلمة وحدة كتخرج من فمها بقوة الفرحة من شوفتو: خويا خويا خويا، 

زير عليها عندو معنقها منهليش من حقو تا هو.. هبطها من عندو و باس ليها راسها و حناكها و هي فرحانة بيه.. رجعات تنخششات فكرشو مساخياش ترخي منو.. 

هز عينيه فمو لي دموعها على خدها كتسيل و كتشوف فيه بعتاب على غيابو.. تنهد كيطبطب على ظهر ختو و بعدها عليه مدرعها جنب غادي بيها جيهة امو.. 

وقف قبالتها و هي كتشوف فيه بعتاب و شوق و حب.. هزات يديها و دارتهم على حنكو و دموعها غي مكيزيدو.. دوزات يديها على لحيتو و عينيه و هو مخليها على راحتها.. 

محس بيها تا كانت ترمات فحضنو كتبكي بشهيق و تعاتبو بهضرتها: ياااك ا ولدي ياك جاك ساهل تغبر على ميمتك هك ياك، 

هز راسو لفوق كيكبح دموعو عارف واسو قصح معاها و مع عائلتو كاملة لاكن واخا بعيد مكان مخصصهم من والو بحال الا كاين.. 

ضور يديه عليها و بدا كيبوس فراسها و يراضيها و هي غي مكتزيد تبكي و تزير عليه.. بعدها عليه مبقاش قادر يسمع بكاها.. مد يديه مسح ليها دموعها و هز يديها كيبوسهم بحب.. 

مُصعب: هانا بين يديك ديري فيا واش تحبي، 

حجيبة: علاش اولدي تخليني بوحدي علاش؟ 

مُصعب: عيني معاكم امي، 

حجيبة: توحشتك اولدي.. (ترمات فحضنو معنقاه) توحشتك ريحتك الحنين ديالي توحشتك، 

مُصعب: وانا توحشتك امي رواحي ندخلو، 

حركات راسها و هي باقة لاصقة فيه معنقاه و هو شاد ليها الخاطر عارفها مقصحة من جيهتو.. تجمعو عليه جالسين ضايرين بيه مو من جيهة و ختو من جيهة لوخرى.. 

حجيبة: غتجلس معانا ياك اولدي؟ 

مُصعب: جاي نديك، 

سلمى: اااا علاه واني، 

حجيبة: تمشي معانا الحبيبة، 

....: و انا نريح وحدي؟ 

تلفتو كاملين لمصدر الصوت قرب منهم كيضحك.. نسخة عن مُصعب كيشبه ليه بزاف.. وقف مُصعب مقرب ليه كيضحك عنقو عناق رجولي طوييل.. أخوة مشافوش بعضهم من وقت طويل.. 

مُصعب: سمير كي راك؟

سمير: مليح خويا الله يعزك، 

مُصعب: الخدمة؟ 

سمير: غايا كلش بفضلك، 

حرك واسو مُصعب و شاف فمو لي كتشوف فيهم بحب باين فعينيها.. جرها عندو عنقها كتر تا.. 

حجيبة: كون غي تجيب ليا وليدي تكمل فرحتي، 

كولشي سكت من مور هضرة حجيبة.. هز يديه من عليها و هي تقادات فبلاصتها و شافت فيه كيحك لحيتو مغمض عينيه.. 

حجيبة: جيبلي ولدي احبيبي الله يعطيك الرضى، 

سمير: امي مش وقتها دروك، 

مُصعب: راك من نيتك تهضري؟ 

حجيبة: من نيتي اولدي جيبلي ولدي تكمل فرحتي، 

مُصعب: (بهدووء شاف فيها) يرواح هو نروح انا.. ورب العزة ايما ماترجعي تشوفي وجهي يا انا يا هو.. 

حجيبة: (هزات عينيها فيه بصدمة و بلعات ريقها) علاش اولدي علاش، 

مُصعب: ماراحش يرجع لهنا وخلاصت الهدرة، 

خلاهم جالسين و هز صاكو طلع لبيتو مغزف من هاد السيجي لي كان عارفو غادي يتجبد.. 

جلس سمير حدا مو و باس ليها راسها معنقها: رانا هدرنا معاك ايما في هدا سوجي من قبل خليه تما بلاك يتربى ويرجع عقلو لراسو، 

حجيبة: توحشتو اسمير توحشت ولدي بغيت غي تجمعو و نشوفكم حدايا، 

سلمى: ايما هدي الهدرة بخصوص ماتعاوديش تجبديها لمصعب راه هو وحدو لي خذا الضربة وحط فيه دم فوادو بتحلالك واصرارك..  راح حط ليك قبلها شرط انو يروح منا بلا رجعة، 

حجيبة: مبغيتش نقلقو بغيت غير نجمعكم، 

سمير: خلاص ا تاج الراس نوضي وهدري معا ولدك وراضيه راهو من طرف دنيا جا ليك باه يديك معاه، 

حركات راسها و وقفات كتقاد شالها طالعة عندو.. 

واقف قبالتها كيشوف فيها كتجمع حوايجها فڤاليز مخليها تسالي على خاطرها.. ضور عينيه فالدار يكما تبان ليه شي حاجة ديالها و رجع عندها لقاها كتسدها.. تقدم عندها سدها عليها و هز فيها راسو لقا عينيها مغرغرين.. 

حَيْدر: (جرها لعندو من خصرها كيشوف فيها حدرات عينيها من عليه) معييتيش من البكا ابنتي براكة، 

ندى: (بنبرة باكية حادرة عينيها) عييت والله بغيت نرتاح.. ااففف فين انمشيو؟ 

حَيْدر: دار زياد، 

ندى: انبقى بوحدي؟ 

حَيْدر: فوقما جابتني الرجل انا عندك.. الخضية عليك.. الخروج مكاينش واخا؟ 

حركات راسها تا جرها عنقها عندو كيحك على ظهرها بحنان.. 

بعدها عليه بشوية باس على راسها هبط هز ڤاليز بيد و هي هزات صاكها و شد فيديها خارجين من الدار.. ركبها فلوطو و ركب هو بلاصتو و تحرك غادي تابع لوكال لي سيفط ليه زياد.. 

وصل و وقف كيشوف فالدار لي شرا و ضحك كيحرك راسو بلا حول: ما مشا تا دارها، 

شافيها و حرك ليها تهبط و هبط هو ديك ساعة من موراها.. طلعو للدار و هي من مواراه.. حل ليها لباب سبقاتو دخلات عاد سد من موراها لباب و توجه لكوزينة كيقلب واش كاينة التقدية و لا يجيب ليها ازيرو.. 

لحقات عليه كتشوف فظهرو و قالت بصوت حنين: غادي نتوحشك، 

تلفت ليها و مشا عندها بخطوات تقال رد ليها شعرها مور وذنيها: ندشنو الدار ابنتي، 

ضحكات بحب و قربات ليه طبعات قبلة على فمو.. عطاتو الضو الاخضر هزها بين يديه غادي بيها البيت كضحك..

مكرشخين كل وحدة فسداري البحر عياهم مقدروش يهزو الراس.. رميساء شادة تيلي ديالها كتفرنس ضورات زهور عينيها فيها و صغراتهم.. 

زهور: (بصوت تقيل عيان) معامن كتهضري؟ 

رميساء: هههه مع حب قلبي خصني نعرفكم، 

زهور: (تهزات من بلاصتها بالجهد) اياااد؟ 

رميساء: بسم الله عليك ااه اياد، 

زهور: ناري داك ولد مو ارورو، 

رميساء: (قلبات فيها عينيها) ولد مو و عااااجبني مو\/تي بالسم، 

زهور: الا على ولد مو اخليني نشبع م//وت.. شنو درتيلي فالخدمة، 

رميساء: هضرت مع واحد المرة فالدرب غادي تشوف ليك الا شي وحدة خاصها لي تعاونها، 

زهور: الرضى ابنتي، 

رميساء: نخرجو نتلاقاو اياد؟ 

زهور: بغيتي تخرجي راه الباب انا مفياش، 

رميساء: وجه النحس ها الدار جلسي فيها نمشي نخرج مع حبييييي، 

رجعات زهور لاحت راسها فحين رميساء لبسات و تعطرات و هزات سوارت طموبيلتها و خرجات من الدار من مور مودعات زهور.. 

فدار حَيْدر.. جالسة مو و حداها وحدة من عيالات الدرب.. 

باهية: شنو لقيتيلي شي وحدة تعاوني؟ 

حليمة: وااه موصياني واحد البنت الا بغات شي وحدة تعاون اوا المهم، 

باهية: (بصرامة) انا ما بغيت شي خفيفة شوفي تجي غي فالوقت لي ميكونش ولدي و تمشي قبل ميجي، 

حليمة: (ميقات فيها) لا نتي داك الولد متزوجين ما والو، 

باهية: (حركات راسها و هزات صبعة كتحركو بلا) لا لا لا لا ولدي يبقا حدا ميمتو معندو ميدير بشي زواج غي المشاكل، 

حليمة: اختي شغانقوليك راه راجل خصو مرا تكون معاه، 

باهية: راه يلقاوهم فزنقة يخوي و يجي عندي مرتاااح معندو ميدير بشي زواج.. دابا المهم هادي لي وصاوك عليها فين ساكنة، 

حليمة: هنا فالدرب ساكنة، 

باهية: قوليلها دوز عندي غدا نشوفها و نشوف واش نشدها و لا لا، 

وسط قهوة كلاص.. داير رجل على رجل و عينيه على وحدة جالسة قبالتو.. غي هزات فيه عينيها غمزها ديك ساعة معطلهاش.. خلاها كتبسم و حيدات عينيها من عليه.. عض على شفايفو و دور عينيه لباب القهوة.. 

لمحها جاية دايرة صاكها فيديها كتقرقب بطالونها و كضور عويناتها كتقلب عليه.. هز يديه شير ليها مبسم بهدووء كيطلع فيها و ينزل.. قربات منو بضحيكة حنات عليه سلمات عليه بلابيز و جلسات فكرسيها مقابلة معاه و شدات ليه فيديه.. 

رميساء: تعطلت عليك احبيبي؟ 

اياد: مي نو ا رميساء كنقول ليك ديما خلاص من هاد التعطال، 

رميساء: سمحلي بيبي تعطلت غي فالطريق، 

اياد: صا نو مو ڤا پا ا رميساء.. Quand même وقتي خصصيه ليا.. 

رميساء: ديزولي مون بيبي لَديغنياغ فوا، 

حرك راسو و ضورو للجنب مقلق.. شافت فيه هكك و دلات شفتها السفلية و كحزات لعندو لكرسي جنبو.. هزات يديه و زيرات على يديه عندها.. 

رميساء: ديرولي بيبي مقصدتش، 

اياد: آخر مرة؟ 

رميساء: (ضحكات ليه بفرحة و حركات راسها باه بالزربة) اه اه آخر مرة، 

ابتاسم ليها و هز يديها باسها بلباقة و قال: كيداز نهارك شيغي، 

رميساء: (كتشوف فملامحو الزوعر و شعرو الأشقر و عينيه مايلين لخضر هايمة فيه) عاد كيدوز حبيبي، 

اياد: (حك ابهامو على يديها لي شاد) توحشتك، 

رميساء: كون تشوف انا.. نكملو هنا و لا نمشيو لشي بلاصة؟ 

اياد: نو نتحركو منبقاوش هنا، 

رميساء: داكوغ انا نوض لطواليط و نجي، 

حرك ليها واسو و تبع ليها العين حتى مشيت و رجع بنظرو لهاديك لي كان كيشوف فيها.. وقف كيقاد فسروالو و توجه لعندها حر كرسي جلس حداها.. 

اياد: دوموازيل صاڤا، 

البنت: صاڤا الحمدالله و نتا، 

اياد: بشوفة هاد الزين انا بيخير.. (ابتاسم ابتسامة جدابة و حل تيليفونو و مدو ليها) تون نيميرو، 

البنت: بوغكوا پا، 

ضحك ليها تا بانو سنانو بويض مستفين قيدات ليه النمرة و رجعات ليه التيلي كاتبة سميتها فوق النمرة.. 

اياد: اونشونطي غزلان.. اطون مون ابيل ما بيل، 

غمزها و وقف راجع لطبلة ديالو كيخربش فتيليفونو و كيساين رميساء تخرج من الحمام.. 

فمكاان آخر.. فواحد من لي بواط الموجودين فالمحمدية.. جالس بكاس فيديه كيشوف فاي وحدة دخلات و اي وحدة خرجات.. ما علابالوش بالرجال لي هامو هو النسا.. حول نظرو ليها هي لي جلسات حداه هازا فيديها گارو كتسف منو..

أميمة: مجبتوهاش؟ 

هز فيها حاجب و ضحك بالجنب: تت جا ليها حَيْدر، 

أميمة: نتا ا رائد لي مزنزن غادي عندو راه يطيرها فسما راه نمس، 

رائد: شكون قالك باغي نجيبها دابا؟ (شافت فيه باستغراب هز ليها حاجب كيضحك) باغي نلعب معاه شوية.. مرة ندى مرة زياد مرة مُصعب مرة مو و اي واحد كيتزاد فحياتو، 

أميمة: عينيك ماشي فندى، 

رائد: لا ا أميمة هههه عيني فندىىى.. ااا وليني عيني فيه هو كتر، 

أميمة: غا ما جاك فبالك و لا؟ 

رائد: ديكشي كبير عليك، 

أميمة: ماشي شغلي نيت بيناتكم.. سمع لقيت ڤيكتيم جديدة سميتها حور.. خصني معاها الوقت، 

رائد: تصويرتها الخرا، 

جبدات تيلي ديالها كانت مصوراها بغفلة فاش خرجات مع مراد من البحر وراتها ليه.. حط الكاس من يديه و زوما على التصويرة تمعنها مزيان و دخل من تيلي دأميمة صيفطها ليه و رد ليها تيلي.. 

رائد: مزيانة ردي بالك، 

أميمة: كون هاني انا مشيت، 

شير ليها بيديه مشات و رجع لكاسو كيتنغم بيه و حاضي.. 

داخل مع الدرب بطوموبيلتو و موراه زياد.. وقفو سيارتهم مور بعض تسالمو و دخلو بجوج للدار.. لقاو باهية فاستقبالهم بالأحضان.. 

عنقات عندها حَيْدر تا باس ليها راسها و يديها و حناكها.. و مشات عند زياد لي كان كيشوف فيهم بابتسامة حنونة.. جراتو عنقاتو عندها تا هو بحب باس ليها راسها و يديها و دخلو لداخل.. 

خلاتهم غي بجوج و مشات للكوزينة.. بقا زياد حاني راسو كيشوف فالأرض ساهي و حَيْدر عينيه عليه حاس بيه ماشي تا لهيه منين تلاقاه برا حاس بيه عندو شي حاجة.. 

مد يدو فوق الطبلة هز تيلي ديالو صيفط ميساج و عينيه مرة مرة كيمشيو لزياد.. لي باقي ساهي فالأرض مهزش عينيه منين جلس.. فلحظة هبط حَيْدر عينيه فالميساج لي وصلو و خرجهم مصدوم و هز راسو بالعرض البطيء فزياد.. 

ياله بغا يفاتحو فالموضوع تا كانت باهية جايبة صينية فيديها ديال اتاي و الضحكة مترعة فمها.. وقف معاها زياد واجع معاها الكوزينة كيعاونها ووهو ساكت.. هادي قاعدة مولفها هو بوحدو.. فينما كانو عند باهية و ناضت كتحط الماكلة كينوض يعاونها.. 

رجعو جلسو كاملين و باهية جالسة وسطهم.. كتطبطب على دراع حَيْدر و تهضر بفرحة باينة فصوتها: كول اوليدي، 

شاف فيها حَيْدر بابتسامة و هز يديها باس راحتها: كناكل احنانتي، 

باهية: اييه كول اراحتي.. (مدات يديها لمسمنة طلات ليه فيها جبن و عطاتها ليه) هااك كول الحبيب ديالي، 

حرك راسو و هز عينيه فزياد لي ولا حمر تزير.. محس بيه تا كان هز سوارتو و تيلي ديالو و خرج من طاير من حداهم.. 

خرج مكيشوفش من موراه.. ركب فطموبيلتو و خرج منير من الدرب.. تا تحكو الروايد مع الشانطي.. الصوت لي وصل عندهم لداخل.. 

دوز حَيْدر يديه على راسو و تنهد على حالة صاحبو و خوه.. 

شافت فيه باهية بخوف: مالو اولدي فين مشا؟؟ علاش مشا طاير هكدا؟ 

حَيْدر: (طبطب على ظهرها) مكاين والو احنانتي غي رتاحي شوية و يجي، 

باهية: (بخوف باين فعينيها و فصوتها) و فين مشا الروايد تحكو مع الأرض!! نوض نوض اولدي شوفو فين زاد.. و لا عيطلو، 

حَيْدر: خليه الحنينة براحتو دابا يرجع، 

غادي مكسيري بين شوارع المحمدية لي داز من حداه كيخليه كيطلب السلامة.. شدها طريق وحدة حتى لكازا.. باغي غير يطحن الطريق و تطفا الحرقة لي شاعلة فقلبو.. عينيه حومر مكيرمشوش فالطرييق.. و ذكريات كيخالجو بالو كيخليوه يزيد يورك على الكسيراتور بكل طاقتو.. 

أصوات كيجيوه لوذييه بحال الصدى.. الغوات و البكا.. صوت آهات و تخصار الهضرة.. مبقاش قادر على ديكشي لي كيجيه.. عقلو تشوش مبقاش عارف راسو واش فحقيقة و لا غي كيتخايل.. تخلط عليه كولشي.. هز يد من الڤولون و ضرب بيها راسو بجهد تبعها غوتة كتصمك الآذان.. 

فخضم تشويش لي جاه.. مبقاش مركز مع الطريق بدا كيرخف السرعة شوية شوية.. تا هز عينيه بتتقال فلوطو لي جات جنبو كتكلاكصوني عليه.. 

خرج عينيه من الصدمة و دغيا رجع يركز فالطريق لاكن كان دغيا ضربو بقوة لجنب السيارة قبل ميتحكم فيها زياد.. خلا سيارة زياد تخرج على الطرييق رغم محاولتو أنه يتحكم فيها الا انها بائت بالفشل.. الشي لي خلاه يستسلم و يترخا كيشوف نفس الذكريات قدام عينيه كأنه كيدوز من نفس الأحداث من أول و جديد.. 

الكسيدة كاملة دازت على عينين رجال حَيْدر.. وقفو بسيارتهم فالطريق قبالة سيارة زياد لي الفوار بدا كيخرج منها و سيارة تبعات لي ضرب زياد بسرعة البرق.. هبطو واحد من مور واحد كيجريو عندو.. طلو عليه من السرجم لقاوه مغيب و الدم هابط ليه جنب راسو.. بلا ميفكرو بداو كيحاولو يحلو عليه الباب لاكن دون جدوى.. 

شاف واحد فيهم فهاداك لي حداه و هضر بنهضة: عيط للشاف دابا! و لومبيلونص بزربة،

حرك ليه لاخور راسو بزربة و جبد تيلي كيدوز الخط لحَيْدر.. مكملش دقيقة كان رجع عندهم كيحاولو يحلو الباب و كيعيطو بسمية زياد دون جدوى.. مغيب محاسش بالدنيا حداه.. 

وجع واحد منهم للوطو بزربة.. حل لكوفر و جبد منو حديدة و رجع بجري لعندهم.. بعدهم على الباب و خشا الحديدة فجنب الباب كيفرعو تا تفتح.. دغيا لاح الحديدة و قرب لزياد كيضرب ليه على حنكو بشوية و كيعيط بسميتو.. حتى حسو بفران سك و روايد تحكو مع الشانطي.. 

دارو كاملين لقاو حَيْدر جاي كيجري لعندهم و كيلهت و الخوف باين على وجهو.. دفعهم بجهدو كامل و قرب كيشوف فزياد مرخي و الدم هابط ليه على جبهتو.. 

حط يديه على حنك زياد و طبطب عليه بشوية و نطق بحرقة باين فيها الحزن: ز زياد خويا، 

مجاش فين يستوعب تا كانت لومبيلونص حبسات حداهم و هبطو عندهم.. بعدو حَيْدر بالكشايف و هو كيشوف فيهم كيهزو جسدو.. جسد خوه و عشيرو.. القاصر لي كيضحكهم واخا تكون واصلة ليه للعضم.. القاصر لي معمرو سمح فيهم مرخي و مبيديه ميدير.. 

تنتر من رجالو لي شادينو و لاح لواحد فيهم سوارت و تبع لومبيلونص بلا عقل ركب معاهم.. 

جالس وسط جو عائلي بامتياز.. ختو لاسقة فيه من جيهة كتمخشش فيه و هو شاد ليها الخاطر و يحك ليها على شعرها و يبوسها.. و مو من جيهة حاضياه غي بهاك اولدي خود اولدي.. غير خوه لي كيعزو بزاف.. 

وقف مستأذن منهم خارج يكمي و تبعو خوه سمير لجردة وقف عليه.. 

سمير: خويا، 

مُصعب: واش حا تبقى مورايا تابعني ولا واش؟ 

سمير: هههه توحشتك اخويا، 

خسر فيه مُصعب سيفتو: من لخر على واش بغيت؟ 

سمير: (بجدية هز عينيه الكوحل فمُصعب) وين راهو بضبط وين بعثتيه؟ 

مُصعب: (مشافش فيه هز گاروه كيسفو) وين يتربى، 

سمير: (بتساؤل عقد حجبانو) الحبس؟ 

مُصعب: (دار ضحكة استهزاء على وجهو و ضار بجسدو كامل جيهة سمير) كون كان في راسي نرميه في الحبس.. علاااش نحط ونخسر عليه دراهم الدنيا والدين ونخرج غلي على ناس معندهمش ذنب (ضرب على صدرو بحرقة) مازال لدوكا.. لحد الآن عينيها وهي تبكي وتندب يزورو بالي مابغاوش يخطو بالي... انا انا لي رجعت نشرب الدواء باه نرقد ومانحسش بالذنب لي ينخر قلبي ولي سارق نوم من عيني،

سمير: (حنا راسو و عينيه غرفرو) راني عارف اخويا رني عارف، 

مُصعب: واش لي عارفو؟؟ اه واش لي عارفو اخويا 

هدا خوك لي تصبحو وتمسو وكل وقت تسقسو عليه ... سقسو عليا سقسو على حالتي انا،

سمير: البلية غرقاتو، 

مُصعب: و انا محنتي فيه غرقتني بزوج مناش بيخير، 

سمح فيه فديك الجردة و خرج بحالو من الڤيلا بمرة.. ركب فسيارتو و بقا غي جالس كيشوف قدامو و كيتفكر عينيها و هي كتبكي و ترغبو.. تفكر الحوار لي ضار بيناتهم.. الحوار لي مكينساهش بمرة.. 

<<كتشوف فيه و دموعها على خدها كيطيحو و شهقاتها كيدبحوه كيطلعو: ع عافاك خلي حرقتي من ختي تبرد.. خليه يتعاقب انا انا عارفة حطيتو عليه فلوس و لكن حس بيا، 

شاف فيها و رجع حدر عينيه مقادرش يشوف فيها و لا يعلي عينيه فيها و نطق بصوت مبحوح: سمحيلي، 

قربات منو و شدات فدراعو بلطف و بنبرة ترجي فصوتها: عااافاااك حس بيا غتكون عندك بنتك شي نهار و عندك ختك عندك ميمتك حس بحرقتي>> 

غمض على عينيه كيحكهم و حط راسو فوق الڤولون مرخي بعياء و نطق بحرقة: سمحيلي سمحيلي سمحيلي، 

هز راسو من لڤولون على صوت الهاتف لمح سمية حَيْدر و ديكساع جاوب.. 

مُصعب: الخاوة، 

كلمة وحدة قالها حَيْدر مزادش عليها التانية و باينة الحرقة فوصتو: زياد دار كسيدة دابا تكون هنا، 

قطع عليه خلاه مخرج عينيه مصدوم.. هبط كيطير من طموبيل و دخل كيجري للڤيلا لقاهم باقين جالسين.. 

مُصعب: نوضي ايما راح نمشو دوكا,

خلاهم شي كيشوف فشي و طلع هز صاكو و هبط كيطير لقا مو لابسة غي جلابتها من وجهو عرفات شي حاجة كاينة سبقها قدامو و شير لخواو و خرج كيجري ركب مو و ركب هو بلاصتو و تيلي فيديه كيحاول يتاصل بزياد يفهم اشنو طاري..