الجزء 45- الزعيم3 -ادمنتها وبنار الهوى احرقتها

في جيهة اخرى..

سادة عليها فداك البيت ..أيام ماخرجات منو ملي جات..ماقادراش تستوعب انه صافي تزوجات بيه وجابها تعيش هنا فهاد الخربة على قولتها حيت مولفة بقصر الزعيم وجناح خاص ومصعد باش تهبط للتحت والخدامات فكل بلاصة…كيعيطو عليها كتقول بيخير وتسكت..اما هو خلاها على راحتها فهاد الايام بغاها تستوعب كلشي..تا من الماكلة كيجيبها ليها تا لعندها ويحطها ليها ويخرج…فاش كتحس بيه فالدار ماكاتخرجش كاع من البيت..

تنهدات وناضت لحوايجها لي مازالين فالشوانط اليوم اترجع للخدمة..لبسات كسيوة وقادات الحالة صافي خاص توقف على رجليها رشات عطرها وهزات ساكها ووقفات حدا لمراية كتشوف فراسها شحال جات زوينة ولكن خصارة وسط هاد الخربة..تحلات باب البيت نيشان شافت فيه داخل مطلعها ومنزلها نطقات: فين داخل بالسلامة..

وقف لتواني وقرب لدوك الشوانط كيجمعهم وهي كتشوف شافتو جارهم وهي تنطق: شكا دير ؟

الزاكي شاف فيها: انجمع هاد الشراوط لي ما التبقايش تلبسيهم وتخرجي بيهم

جوهرة: كيفاش

وقف وشاف فيها: كي سمعتي خليتك على راحتك ولكن من اليوم اتمشي على داكشي لي باغي انا

طلعها ونزلها: الخروج بهاد الحالة ممنوع…اصلا الخروج عامة ممنوع بلا شواري وبلا بيا ..على حساب الظروف..تا ايلا خرجتي راه كاين مايتلبس

خرجات فيه عينيها: كيفاش

جر الشوانط وخرج وهي كتشوف فالخوة حتى كيولي يدخل بجوج شوانط خرين حلهم وخواهم فوق الناموسية: ها شغا تبقاي تلبسي

بدا كيوريها الجلالب والبيجامات وحوايج طوال ومستورين ماشي من ستايلها لا الوان لا والووو..

جوهرة: فأحلامك ابابا ولبس ليك هدشي..

وتمات غادة جيهة لباب: حيد حيد نمشي لخدمتي داك الشراوط لبسهم نت وهاد لحكام لخاوي ديرو على شي وحدة خرا

حتى كتحس بيه جرها لعندو من دراعها هزات فيه راسها : شكا دير

ميل راسو وحط يديه على صدرها وزير على الكسوة وقطعها عليها حتى شهقات وصدرها طالع قدامو هكاك بااسوتيان: مازال متيقة راسك وماعارفاش راسك معامن..نتي صافي وليتي مراتي تحت إسمي قدام واليديك..يعني لي قلتها اديريها..

ميل راسو: بغيتي شي حاجة غير هكا ..هزي الطليفون صوني على الباك قولو بغيت نطلق منو وانا معاك داك الساع..اما غير هدشي بالسيف عليك اتطبقي حكامي كيف قلتي..

بلعات ريقها من نضراتو لي تبدلو بزاف على كيف كان معاها اول مرة كان حنين وديما متبسم وحتى شوفاتو زوينين وحنان ..لا هدا واحد اخور ..عارفها ماتقدرش تطلب الطلاق ولا ترجع لعندهم عارفة انه كلشي ضدها وتيجيو ضدها من داكشي لي كانت كدير

تنترات منو: صافي بنتي على حقيقتك

الزاكي: ماعجبكش الزاكي الزوين الحنين نشوفو واش ايعجبك هاد الزاكي..وجدي راسك انمشيو للطبيبة نشوف ولدي كيف بقا

جوهرة: ولدك؟

تبسمات بخبث: باش عرفتيه ولدك نت؟

قرب لبها بغة يهز يديه ويجمع معاها وهو يحبس : ماتحاوليش ديري فيها قحـ بة ..حيت لادخلاتلي لدماغي مووشكيل اجوهرة غانحرر فيك العيشة..

وخلاها وسط داك الروينة وخرج خلاها كلها كترجف وتلهت …

داز الوقت..

واقفة حدا المراية بحال شي اميرة بداك لاغوب البيضة مفصلة عليها ومواتياها طويلة ومن اللور مجرجرة مزيرة من الصدر ومطلعاه للفوق نازلة من لكتاف ..منفوخة شوية من لتحت..شعرها مجموع بتسريحة الأميرات وفالوسط تاج خفيف كلو من الألماس كيلمع..مكياج سموكي هاد المرة بديكرادي ديال المارو..وتاها بزاف..مجبدين ليها العينين..جات كتفتن..متبسمة وعاجبها الحال كتعيش لحضات عمرها عاشتهم كانت تشوفهم غا فالتلفازة

سهام كتشوف ..كتتسنا الأوامر..

دخلات فخيثة وهي متبسمة وفرحانة: عروستي الغزالة شحال جيتي كتحمقي اجمل ما شافت عيني فلعرايس مشاء الله ربي يحفضك

حضناتها بلاما تبوسها باش ماتخصرش ليها الماكياج: فرحانة بزاف ابنتي

عبلة: ربي يخليك ليا اماما فخيثة…بصاح جيت زوينة ؟

فخيثة: كتحمقيييي حسن عوان ولدي ..

عبلة تبسمات وحطات يديها على كرشها كضرها مرة مرة حيت لبسات شورط لاصق يدخل ليها الكرش وهدشي شوية خنقها وضرها ولكن صابرة في سبيل الزين..

سمعو لباب كتتحل حتى كيشوفوه داخل بكامل اناقته بداك الكوستيم لي زادو هيبة ووسامة وتسريحة ديال الأمراء مايلة شوية على جنب ..وعينيه على عبلة اياكلوها صافي اليوم اتولي ديالو..مانزلش عينيه من عليها شحال جات زوينة ..عروسته ديالوو..مراته..

فخيثة: لا لا ماشي فال زوين تشوفها دابة ..

ماسمعش ليها وقرب ليهم ووقف هاز واحد لبواطة فيديه

فخية: هشاام راه خاص تا تشوفها فلقاعة فاش تبغيو تسنيو العقد راه ماشي فال زوين

شاف فيها: الوليدة عروستي هدي وأنا حر

ورجع شاف ف عبلة ماكرهش ياخدها دابة معاه بلا قاعة بلا عرس يسنيو العقد ويجمعو ويطويو

حل داك البواطة وشافو داك العقد كلو الماس بحجيراتو وشكلو لكلاس كياخد العقل كان عنقها خاوي المفروض يصيفطو ليها ولكن قرر يركبو ليها بيديه..

عبلة: شحال زوين

عطاتو بالضهر ملي عرفاتو ايركبو ليها قرب ..وقادو ليها فعنقها وضارت شافت فالمراية: كيحمق عجبني بزاف شكراا

تبسم : نتي لي كتحمقي…

فخيتة: كيجاتك عروستك

هشام بلا يحس نطق: خدات ليا لعقل

فخيثة: لا لا هدا ماشي ولدي هشام عمري شتو كيمدح فشي وحدة

تبسم كيشوف ف عبلة لي تزنكات واخة هكاك حشمانة

حاس براسو ماقادرش يزيد يصبر: ماتطولوش ..

وخرج مخليهم وبالو وقلبو كلو مع عروسته …

داز الوقت..

هبطات مع الدروج كان فاستقبالها ادريس خدا مكان الاب ديالها تبسم وقرب باس راسها: الله يكمل عليكم كلشي بالخير ابنتي..

تبسمات: امين ابابا ادريس..

خشات يديها فدراعو وخرجو من القصر ركبو فالطموبيل مع رجال الحرس غادين للقاعة….

قبل يوم…

خارج من الجامع ومعاه جوج ديال الرجال ملتازمين كيبانو من لباسهم وهيأتهم ومحتارمين عينيهم ماكتتهزش…

نطق واحد فيهم: صافي الحاج محمد غادي نعولو عليك تشوف لينا دار للكرى

محمد: كونو هانيين باينة فيكم ولاد الناس هدي سيمانة وانا حاط عليكم العين تبارك الله مشاء الله ياليت كاع الشباب بحالكم..الدار اعتابروها من غدا واجدة مول الدار باغي غير المعقول ونتوما راه معقولين

تبسمو ليه: جزاك الله خير..نخليوك الحاج

تبسم وهو كيشوفهم غادين..

خدا طليفونو ودوز النمرة ديال فهد صونا عليه ماكايجاوبش نطق: واخة غا هرب اخرتك اتجي عنديي ونتفاهمو..

ومشا للدار..

الوقت الحالي…

جالس والطليفون فيديه كيشوفها بداك الكسوة البيضة بحال شي اميرة وداك الضحكة لي على وجها لي عمرها دارتها ليه فاش كانت معاه كيحسها ضحكة من القلب..كيزيد يحس بنارو كتشعل لداخل …خصوصا وهشام كيركب ليها داك عقد لألماس…

تمتم: متيق راسك عريس وغادي تاخدها…

في ايطاليا..

وصلو للقاعة ..حمقاتها من برى مازال مامتيقة انه هدا عرسهاا..دخلو من باب داي لواحد الجناح خاص بالعرسان علامن يجي الوقت وغادي يسلمها ادريس لهشام باش يكملو مراسم زواجهم قدام الناس والحضور عرس كان كبيير وكلشي حاضر ليه

واقفة حدا لمراية وكتتصور بلاغوب عاجبها الحال ..وسهام معاها…

حتى كيوصل ميساج لسهام قراتو بلعات ريقها

وقربات عند عبلة : احم مدام عبلة

عبلة وهي متبسمة كتشوف فتصاورها: نعام اسيهام

سهام: خاص نمشيو من لهنا

عبلة شافت فيها: كيفاش

سهام:أوامر البوص ..انخرجو ونمشيو من لهنا

عبلة كتستوعب: البوص؟ هارون الزعيم؟

سهام: اه هو…خاص نمشيو دابة..

عبلة: شكا تخربقي ومنين كتعرفيه..

سهام: انا خدامة عندو وهو لي خلاني ندخل للقصر ونكون قريبة منك

عبلة كتحس بالدنيا كدور بيها: شكا تقولي

عبلة تمات راجعة باللور بغة تخرج: هدشي كلوو ايعرفوه برى

يلاه اتقرب للباب وهي توقف ليها سهام فالطريق: ماعندك فين تمشي تا تهضري مع البوص

عبلة: حيدييي من قدامييي ..حيدييي

سهام طلقات لهوط باغولوغ وسمعات صوتوو لي كتكرهوو: عبلة..هاحنا انتلاقاو تاني

عبلة عضات على سنانها: مازال مابغيتي تبعد منييي ..

البوص: ونتي مازال مابغيتي تفهمي انه المـ وت لي اتفرقني معاك..

عبلة شافت فسهام: حيدي من لباب وسيري نتي بحالك من لهنا حيت ملي انخرج انعاود لهم كلشي ونتي لي اتجي فيك اما هو راه بعييد…كاع الرجال لي هنا رجال هشام والحراسة متشددة سيري من لهنا وخرجي راسك من هدشي

سمعات صوتو: بالعكس قريب بزاف ليك اعبلة اول ما اتخرجي غادي يوصلوك ليا بكسوتك دلعرس…والرجال لي تماك كلهم رجاليي

عبلة كترمش بعينيها : لا مايمكنش هدشيي مايمكنشششش..

بدات كتغوت: هشاااااااااام…حلو عليااا

وكتزدح فلباب

خلاتها سهام تحلها وخرجو بجوج حتى كتوقف مصدومة من ربعة دالرجال نفسهم لي كانو معاهم كيهضرو مع سهام ..عرفات انه كلامو ماشي من فراغ

سهام رجعات ليها: رجعي للجناح البوص عندو ليك شي حاجة

عبلة عرفات انه موصيبة جاية وانه هدشي ما ايدوزش على خيير وانه اتجي فيها كيف ديما

رجعات للجناح وخدات الطليفون: شنو بغيتي هنا كنسمع

تبسم: دابة مزيان درتي عقلك…

على برى التحت..

واقف بكامل اناقتو فرحان اليوم ليلتو مع عبلة وغادي تولي مراتو ديالو ..كل شوية كيجيو يباركو ليه والصحافة كتصور..الدنيا مقلوبة بعرس هشام لي كان ديما كيتهرب من الزواج الليلة عرييس …

تقاد فالجلسة والطليفون قدامو هوط باغلور..والطليفون التاني تاهو قدامو كيتفرج فواحد لفيديو ميل راسو كيشوف مزيان فيه والبوليس شادينو والمينوط فيديه الحومة كلها كتتفرج منزل راسو وكيبكيي وحياة تابعاه كتغوت وتبكيي..الزاكي جاي كيجري وهو كيشوفهم شادين الباه….بتهمة انه عضو في منضمة ارهـ ابية..وتستره على جوج من الاعضاء خطيرين كيقلبو عليهم..كلشي بالدلائل….

صيفط ليها لفيديو ونطق: تفرجي فهاد لفيديو انعاود نعيط ليك

وقطع عليها..

دخلات للفيديو بيدين كيرجفو اكييد شي موصيبة..خدمات لفيديو وخرجات عينيها كتشوف منظر الباها المكسور شادينو لبوليس والمها وغيثة كيبكيو والزاكي كيغوت تاهو كيحاول يفك الباه من البوليس دنيا مقلوبة وباها كيبان محطم ومكسور مامولفش بهدشي

الطليفون ايطيح من يديها بالرجفة..مصدومة وقلبها كيضرها على الباها …جلسات فوق الكرسي ما بقاوش رحلبها قادرين يهزوها وهي كتشوف فلفيديوو وسهام كتشرح ليها التهمة وانه ايمشي فيها وأيغراق حباسات…

رجع صونا وجاوبات بصوت مخنووق ماقادراش تا تبكي: شنو بغيتي..

رجعات نطقات كتورك على الحروف: شنوو بغييتييي مني مازال…

نطق بهدوء: باغيك نتي..

بلعات ريقها لي نشف طالعة معاها الحرارة د مها كيغلييي وقلبها محروق من منظر الباها الخايب..

غمضات عينيها وهي كتسمع لكلامو: غادي تخرجي مع سهام واتجي تا لعندي…غير هكا..الباك لي رماك وتبرى منك ومامسوقش ليك ايدوز حياتو كاملة منفي فالحبس ..وداك العرس كلو ايتقلب مجزرة…تا واحد ما ايخرج حي من تماك

بلعات ريقها بدات كتحس بالدوخة مابقاتش قادرة تتنفس مامتيقاش هدشي لي كتسمع

نطقات: اليوم عرسي انا وهشام…الناس التحت لا خليتو ومشيت شنو ايوقع فيه انتسما هربت عليه..واش عارف على موقف انحطو فيه؟

بهدوء: داكشي لي باغي ..خلي كلشي يعرف انه هشام عروسته هربات عليه…الطليفون فيديك عندك الحق تعيطي ليه باش يعتقك..ولكن كوني اكيدة تا حاجة ما اتصدق

عضات على سنانها: واش عارف شحال كنكرهك؟

نطق: مبقاس الوقت…تهزي خرجو دابة..تلاتة الدقايق تكونو خرجتو ولا انبدا مابديت..

سهام قربات ليها: مدام عبلة خلينا نمشيو..

عبلة غير ساكتة ومصدومة صورة الباها فداك الحالة مابغاتش تمشي من بالها..وزيد هشام لي اتخليه فالعرس بوحدو والفضيحة لي اتوقع ليه..والتيقة لي دار فيها هو وعائلتو عاشت معاهم بحال شي اميرة خلاو الحياة تبان زوينة فعينيها..تجي فالتالي ودير فيهم هكا

…قلبها ضرها من داكشي لي اختارت عاد فهمات قصدو نهار قالها يااتمشي معايا يا تحملي لي ايجيك..

حلات عينيها على صوت سهام كتقولها الوقت كيمشي غوتات ليها فوجها: صافييييي سكتييييي سكتيييييييييي…الله ياخد فييكم الحق

سهام حلات الباب بهدوء: تفضلي امدام

بقات كتشوف ف لباب وتمات خارجة وسهام معاها..قلبها كيتقطع مخلية هشام وعائلتو والحضور التحت..عارفة شحال اتجرحو ويقدر يحقد عليها كاع..ولكن ماتقدش تضحي بعائلتها وبيه تاهو..قلبها كيضرب فكل خطوة كيخطيوها لبرى..سهام خرجاتها من لباب اللوراني تا وصلو للطموبيل عبلة وقفات هازة كسوتها وكتشوف فلقاعة من برى وصوت الموسيقى فتالي ركبات وداك الساع تحركات الطموبيل فاتجاه الطائرة الخاصة..فين كيتسناها البوص ايستقبلها بكسوتها دالعروس ويديها معاه..

وصلو لتماك ونزلات بخطوات تقال مصدومة ماقادراتش تبكي ولا دير شي ردة فعل كتشوف كلشي تبخر..بانت ليها الطيارة وهو نازل منهاا..بلعات ريقها ..

وصلو لتماك ونزلات بخطوات تقال مصدومة ماقادراتش تبكي ولا دير شي ردة فعل كتشوف كلشي تبخر..بانت ليها الطيارة وهو نازل منهاا..بلعات ريقها ..

نازل من داك الدروج ليكات دالجلد فيديه والتسابح وبونقشة فاليد لوخرا قاد لكول دالقميجة وهو كيشوف فيها كيف واقفة بلاغوب لبيضة جاياها كتحمق…وهازاها مع الجناب ..من نضراتها باينة مازال مصدومة..

عبلة ماحدو كيقرب ليها وقلبها كيضرب فالمية تا قالت تهنات منو مامتيقاش انه وفى بكلمته وجابها برجليها تا لعندو…

وصل لعندها ووقف منزل راسو كيشوف فيها وفداك لاغوب البيضة جاية مع بشرتها السميمرة نطق: من نيتك كنت انخليك ليه؟ من نيتك اتكملي معاه بهاد لاغوب…

قرب كتر كيهضر بهدوء صافي وصل لداكشي لي باغي ونطق: قلت لك انجيبك برجليك تا لعندي اعبلة..بالطريقة لي ما اتعجب تا واحد

غمضات عينيها من كلاموو

نطق تاني وهو كيحط يديه على كتافها لعريانين : زيدي تركبي انرجعو للمغرب لبلادك ولبلاصتك فين كنتي ومعامن كنتي

بعدات يديه ونطقات: ماتقيصنييش…

ميل راسو : ستوعبي راكي بين يدي صافي رجعتك ليا …

عبلة كتشوف فيه بكره وخوف وحقد لكلام مابقاش قادر يخرج ليها من فمها فعلا مازال مصدومة ومامستوعباش..مد ليها يديه باش تشد فيه: تفضلي

شافت فيديه وخلاتو وزادت جيهة الطيارة تحرك بخطوات تقال مراقبها وهي قدامو كتتمشا وهازة الكسوة وهو فجنبها ..عروس وعروسته لي يشوفهم هكا جنب بعض يقول غادين فشهر العسل…قالها ووفا بيها ورجع حاجتوو ….

وصلات للدريجات ديال الطيارة باغة تطلع ومقاداش كتتعكل مع جلايل ديال الكسوة الطوال وقف كيشوف فيها كانت اطييح وترجع اللور..حتى كتحس بيديه على خصرها شادها ونطق: مازال محتاجك توكدي معايا

نطقات: رخي منيي

تبتها : طلعييي

عبلة: رخييي منييي قلت لك ماتقيصنييش

نطق بهدوء: طلعي..خليني مهدن وزوين اعبلة ..مازال تبعنا حساب طويل خليني مهدن هكاا

عبلة وقفات: رخي مني بعدة ..الحساب ماشي هكا ..تاحاجة مابقات كيف كانت..

قوصات حواجبها من لحريق لي شدها فكرشها تا تآوهات حاطة يديها عليها: آآه

بعد يديه من خصرها كيشوف ف كرشها: مالكي؟؟

عبلة : ماماليييش غير بعد عليا وماتقيصنيييش

وزيرات على كرشهاا كلها كترجف رجع اللور: طلعي الفوق

خلاها تطلع ودخلات جلسات فأقرب كرسي كان تماك

تا وقف عليها: نشوفو الطبيب؟

هزات راسها فيه : من نيتك؟؟ كطنز عليا يااك

ونزلات راسها ملي حسات بدموعها ايخونوها وشافت جيهة الشرجم التنفس مشا ليها ماباغاش تبكيي

بقة كيشوف فيها شحال ومشا جلس اونفاص معاها نزل عينيه لكرشها ويديها لي عليها كترجف…شاف ف سيهام…: جيبي ليها دواها وتشرب شي حاجة

عبلة غوتات: جيبيلييييي السـ ـم هو لي ايفكني منك

سهام: واخة البوص

ومشات جابت ليها داكشي لي قال : تفضلي امدام

عبلة: بعدي علياا نتي مانشوفش وجهك قداميي…

شافت فالبوص لي دار ليها اشارة باش تمشي تاهي تشد بلاصتها حيت ايقلعوو..

عبلة رجعات كتشوف فالشرجم ودارت السمطة وقلعات الطيارة وقلبها كيتحرق كتفكر فهشام وعائلتو ..واش اتبقا ديما تدمر وتحرق فعباد الله بسبابها لي جا فطريقها كيتأدى بسبابهاا…تفكرات الباها لي رماها ونكرها صافي حتى قالت اتقصح قلبها ولكن غير شافتو فداك المنظر ضعفات ونسات كلشي ومابغاتش تشوفو هكاك…وضحات على قبلو بكلشيي تانيي

غير كتتفكر انه راجعة معاه تاني واتولي تشوفه ديما..التحكمات ديالو الع نف كلامو تعاملوو..قلبها كيتزمت ..تخربقات فدماغهااا ..ماقادراش تستوعبهااا كلشي داز بالزربة….مابقاتش قادرة تتنفس بدات كتنش على راسها وتتهز من بلاصتهاا كتحاول تتنفس تخنقات

ناض عندها وهي كتنتر منو وتشهق: بعد عليااا بعااااد

كتحاول تتنفس او والووو وكتزيد تكمل وهو قدامها كيفتح ليها السمطة ..وسهام كانت جابت ليها كاس دلما وبدات كتشربها ..وهو حاني عندها وكيطبطب عليهاا ومخليها تتنفس …مابقات تسمع والو تصمكات كتحس غا بالخنقة والضيقة فصدرهاا…

سهام عاونتها باش دير التنفس العمييق..وعبلة متبعة معاها شوية بشوية بدا يتقاد عندها التنفس ..مدات ليها شربات لما..

حتى كتنزل عينيها لقات راسها شادة ليه فيديه ومزيرة ومازال ما رخات منوو…داك الساع بعدات يديها وهي مازال كتلهت..وشافت جيهة الشرجم ربي لي عالم بيها فهاد اللحضة

ناض من حداها ودخل للغرفة التانية وجلس كيقاد فلكول وشعل كاروو مخليها بوحدها تماك…دابة ملي جابها معاه وردها ليه عاد ايكمل الباقييي عاد ايرجع لحياتوو كانت ناقصاه هي باش يبدا تاني من الأول هاهي معاه دابة…رجع راسو اللور وطفا لكارو وغمض عينيه باش يرتاااح…

نرجعو لايطاليا قبل مدة…

لتحت كيبان فرحان من لبعيد وكاع الأنظار عليه حيت عارفينو كان محيد فكرة الزواج تا بانت عبلة فحياتو..فخيثة كترحب بالضيوف والابتسامة على وجها وادريس مجمع مع بعض رجال الاعمال كيهضرو..

هشام قرب عند ادريس: طلع جيبها الواليد وقت كتب لكتاب

ادريس: اياه اولدي هي دابة…شوف اولدي الزواج ماشي ساهل وبنت الناس امانة عندنا ديرها فعينيك ويوقع لي يوقع عمرك تأديها ولا تجرحها

هشام: كون هاني

ضرب ليه على كتافو..ومشى طلع للفوق للجناح دق ودخل: عبلة..

ادخل كيقلب عليها: عبلة

قلب فالجناح كامل ماكايناش داك الساع عيط لفخيثة لي جات داك الساع: لا ماعندها فين تمشي هنا خاص تكون

قلبو فكل بلاصة حسها ماكاينش ..بدا يدخلهم الخوف

ادريس حس بشيحاجة ماتماش خصوصا ملي شاف بزاف ديال الرجال لحراسة مابقاوش كاينين تاهوما..

لتحت ..علنو للحضور انه العروس اتهبط دابة شوية كل واحد شد بلاصتو حتى صحاب الموسيقى بداو يقادو معزوفات خاصين بالزفة ..وخواو ليهم الممر الطويل لي ادوز منو لعروسة وادريس والصحافة تاهوما بكميراتهم كيتسناو وهشام شاد بلاصتو كيتسناها تهبط من دوك الدروج هي وادريس..

شافهم طولو وبدا كيشوف شي حركة ماتماش رجالو غادين جاين ويكيدويو فليكيت..تبت راسو..حتى كيصوني ليه الطليفون: الوليد…كيفاااش..

عض على سنانو: هنا جاي

تم غادي فداك لكولوار ملامحيو معقودين باين شي حاجة تماك والحضور كيلاحضو كلشي وولاو كيتهامسووو بشنو واقع..

طلع للفوق بخطوات مزروبين ودخل : كيفاش ماكايناش..قلبتوو؟

ادريس: قلبنا فكل بلاصة ماعندها فين تكون من غير الجناح تا سهام ماكايناش..والكميرات معطلين..

هشام دماغو ماباغيش يتقبلها : تأكدووووو قلبو فاي بلاصة ماتخليو تا قنت خرجو علىى برى

كيديو ويغوت مخاطب الرجال لي تماك خرجو طايرين…

مسح على راسوو كاع الافكار جاو لبالو حتى عينيه كتجي على واحد البوكي ديال الورد وسطو بطاقة قرب ونزل كيشوف فيها لقا وصطو رصاصة هزها بين يديه وهو كيقرا البطاقة: رجعت حاجتي عروستي معايا وبخاطرها رجعات عندي برجليها بلا اختطاف…القرطاسة هدية مني لا بغيتي تيري فراسك والورد خليه لادريس يحطو على قبرك ماعنديش الوقت نزور قبرك ونحط ليك الورد…مبروك عليك الزواج بلا عروسة…

ادريس وفخيثة قربو كيقراو داكشيي وعلامة الصدمة على وجهم

ادريس شاف فولدو لي حالتو ماكاتبشرش بالخير وجهو ولا حمر عروقو ايطرطقوو لي فجيبنوو..د مو كيسخن ويسخن

قرب ليه: هشام..

هشام رجع باللور وهو كيغوت ولي لقاها حداه كيشخشخهاا ويهرسهاا: غادييييي نقتـ لووووووووووو غادي ندمروووووووو روحوو اتخرج علىى يدييي غادي ندمر ليه حياتووووو انقتـ لهم كاملييييييين

وهز طبلة على قدها وزدحها مع الحيييط: كامليييييييين انقتـ لهم

فخيثة كتبكي ومخلووعة من حالة ولدها ومتكية على الحيط وادريس كيشوف فيه وساكت عارف تاحاجة ماغادي تهدنوو..

هشام جبد الس لاح من تحت حوايجو وتم خارج وادريس تابعوو

هبط التحت وبدا كيتيري فالسماا ويغوت بالطاليانية: ماكاين لا عرس لا واولو مانشووف حتاا واحد كيدور هناا تا واااااااحد

الناس تخلعو وبداو يمشيو بحالهم والصحافة كتصور من لبعيدد تا خوات القااعة بقاو غا رجال الحرس منزلين راسهم

هشام قاد الس لاح مزيان: فيييين كنتووو..شنو كنتو حاضين هاااا..

قبل يجاوبوه بدا كيتيري فيهم واحد بواحد وكل شوية كيطيح واحد فالارض..الدنيا ولات كلها د مايات مابرادتش لييه ولا غير كيشخشخ فليي جاااا قداموو ..

داز الوقت في القصر اليونانيي..

جالسين فالصالة…

الحاجة: شنو بديتي داكشي ولا مازال اولدي

ابراهيم بتفكير: جا الوقت باش نبداو كاع المعلومات عندي على التوام..كنضن ساهل يطيح واحد فيهم فالشبكة ويولي ديالنا

الحاجة: ختاريتي واحد فيهم؟

ابراهيم: مازال يخضعو لواحد الاختبار بسيط منو انختارو

هزات راسها باه

سحر كتتصنت ليهم وهي غير ساكتة

شاف فيها ابراهيم: مشيتي زرتي الزعيم فالطبيب

هزات راسها باه: اعه

ابراهيم: شنو كيقول الطبيب

سحر: نفس الشي مازال ماعرفينو فوقاش ايفيق ومانعين الزيارة..من غير عائلتو جوج مرات فالسيمانة صافي..

ابراهيم: كنت عوال عليه فبزاف دلحوايج ..فتالي طاح فالبنت لي كانت سباب فمـ وت ولدي..شوف فين وصلاتو للكومة…الحاجة لي ما قدرش يديرها ما كتر منها هي دارتها ودخلاتو فغيبوبة..ودمرات ليه كلشي…شنو مازال انتسناو منو لا فاق..هدشي لا فاق بعدة

الحاجة تنهدات: مانبغيولوش الضر يفيق على خير ان شاء الله عزيز على قلبي..ولكم الخدمة خدمة

سحر : باش عرفتيه طايح فيها ؟ ماتجيبش شي حاجة ماكايناش كاع داكشي لي دار فيها ومازال كتقولو طايح فيها

ابراهيم: قباينة للعمى هو من النوع لي ما ايديرش راسو فبنت ويبقة تابعها هكاك وكيع دب فيها ..كون من اللول صفاها ليها وتهنا ..هو طايح فيها او بزاف دخليها لراسك

الحاجة: نهار يفيق ويعرفها تزوجات بهشام

ابراهيم: باش نيت يفيق من داكشي لي هو فيه..

سحر كتحس زيرات على يديها على شكل لكمة ماكاتحملهمش فاش كيقولو طايح فيها…هوما ماعارفينوش راه فاق وكيدور كيف بغا..

ابراهيم: هدشي موحال يعرفو حيت موحال يفيق …

حتى كيسكت مصدوم وهو كيشوفو داخل مع الباب بهيبته المعتادة كلشي كحل والتسبيح فيديه..ماشي غا هو تا الحاجة وسحر لي وقفو مصدومين….

ابراهيم بصدمة: البووص!!!..

ميل راسو كيشوف فيهم وجمع داك التسبيح فيديه ودارو فجيبو وهز راسو باه…سحر تبسمات فرحاانة برجووعه …حتى كتبان عبلة داخلة من موراه بكسوتها البيضة …هنا زادت صدمتهم كثر وكتر…ملي جرها من دراعها لعندو وهي كتحاول تنتر منوو..

سحر عضات على سنانها شوية وتهرس فكها وهي كتشوفها معاه….كلهم علامة تعجب فوق راسهم..بحال شي شبح واقف عليهم هكا على غفلة عاد وهوما كيقولو عمرو يفيق ..مافهمو والوو..

نطق: شنو ما اترحبوش بالبوص

الحاجة تداركت الامر وتبسمات ابتسامة باهتة: على سلامتك اولدي الحمد لله والشكر لله

ابراهيم خرج يديه من جيبه: البوص رجع لينا شنو بغينا كتر..قرب ليهم بغاو يتحناو يبوسو يديه وهو يبعدها

الحاجة قربات ليه وعنقاتو: الحمد لله على سلامتك اولدي شحال فرحنا لشوفتك

باس راسها: الله يسلمك

بعدات كتشوف فيه: فوقاش فقتي وعلاش ماعلمتينا

البوص: كان عندي شي حساب صفيتو

كلهم شافو فعبلة لي واقفة ومبلوكية كتشوف فيهم وداكشي لقديم كلو رجع ليها هنا دوزات اسوأ ايام حياتها تا قالت صافي تهنات هاهو رجعها تانيي..لسانها تبلوكة وهي كتشوف فيهم وكترجف

الحاجة كطلعها وتهبطها وداكشي لي لابسة ومقادة عروسة جبتيها للدار: عارفة داشي اللي وقع اولدي ولكن هدي شكا دير هنا ماشي هربات مع هشام وغادي يتزوجو واش عارف هدشي ولا لا

نطق وهو كيشوف فعبلة جرها لعندو يديه على خصرها: كلشي عارفه

الحاجة: شنو جابها لهنا تانيي

ميل راسو: العدول ايكون جاي فالطريق انكتب كتابي انا وياها..

عبلة زادت كملات بكلامو وشافت فيه بصدمة وهو كيشوف فيها بجموود تحت انظارهم كلهم …

35.3.عندما نسنلذ الالم