ن قالب الكاسكيت ولابس تيشرت وشورط مع كلاكيط تاهو لابس عادي، هي الصدمة شداتها تاطاح ليها تيليفون من يديها الشي لي خلاه يحقق فيها ويشوفها كيفاش طبيعية وشعر مجموع عادي والعبايا فقمة بساطتها تبسم ليها وهبط من الطموبيل كان راكب الرانج وحنا لعند التيليفون تالرجليها وهزو وطلع لعندها مدوليها وهي باقا فصدمة مامتيقاش بلي هو قدامها .
ماجد : ( طرطق صباعو ) نهيلة .
رمشات كتشوف فيه سمعاتو كيفاش نطقها اول مرة غاتسمع سميتها كاملة من عندو، حنات عينيها كتلف الشوفة باش مايبانوش مغرغرين وهي تشد من عندو تيليفون ودارت غدا ودموع فعينيها هو سد الباب ديال الطموبيل وتبعها بشوية هي غادا وهو موراها داير يدو فجيبو والحي شعبي كيشوف بنادم لاعب الكرة والدراري الصغار كيلعبو شريطة، ماوقفاتش كاع وحاسة بيه تابعها من موراها تاخرجو من درب لشاريع لي كيطل على البحر مسافة ديال طريق وكانت حدا الكورنيش، جا ووقف حداها مسحات دموعها ودارت شافت فيه : شنو بغيتي ؟
ماجد : ( بكل هدوء ) نتعرف على نهيلة الحقيقية .
دارت كتشــوف فيـه وكتسمع مزال سميتها وهي ترمش ودارت ليجهت البحر : نـهـيلة الحقيقة ماصالحاش ليك اموسيو المليونير
ماجد : ماجد لي كيدوي دابا ماشي المليونير .
نفخات سادا عينيها ودارت شافت فيه : أنا ماصالحاش ليك اماجد، أنا كذابة وغير خدامة فguess لي نتا كتمشي غير بهزة دصبع تشريها كاملة انا كنت كنحرت كل نهارباش نشد ربع دربع منهوم، نـهـيلة بنت درب جيسانك فرباط حي شعبي بسيط واليدية على قد الحال ولكن علموني عمر نشفر من شي حد نمشي ونتكرفص باش نجيبها لراسي ونتهلا فصحتي بغيت نبان عايشة عيشة زوينة صدق ( ضحكات باستهزاء ) داكشي ماسلاكش وضارةري غانرجعو لطبيعتنا واحد النهار ولنقطة الصفر كيفما كتشوفني دابا .
ماجد : ( دار يديه فجيبو ودوا مهدن ) شنو كنتي غاتخسري لو
جيتي عندي وقلتيلي النهار اللول ؟
نهيلة : ماكنتش غانتلاقا بيك اصلا لو كنت هاكا من النهار اللول وهادا هو الفرق نتا حياتك بعيدة على ديالي بزاف وتساتهل بنت لي تبغيها تكون بحالك
ماجد : ( خطفها من يديها تاصدمها ) أنا مابغيتكش على زينك ولا على فلوسك أنا بغيت شخصيتك، قوتك فارضة قيمتك، عفويتك، طيبتك، هادشي لي بغيت فيك انهى لا غير، الكماليات دالفلوس ولا ديال الزين راه عندي الفلوس لي يتحرق مايتم والزين غا مشعتر ماتحرافش ليا ولكن بغيت نهـيلة، نهيلة بنت جيسانك فالرباط ( طاحت دمعة من عينيها وهو يهز يديه مسحهاليها ) عارفة قصحتك فاش مشيت ولكن عطيتك فرص بزاف باش تقوليلي بغيت نعلمك ان داك الحياة ماكادومش بغيت نعلمك ان لي بغاك غايبغيك كيفما نتي ورجعت باش نديك دابا كيفما نتي مابغاش نهى المشهورة دالانسطا غاندي نهيلة بنت دارهوم البسيطة لي بغيت روحها النهار اللول .
نهيلة : عارف بلي شويتيني فقلبي ياك ومحال نسمحليك
ماجد : عارف قصحتك وعارف بلي غانخليك تسمحيلي
نهيلة : باش بكادوات كوتشي
ماجد : لا بماحسن
نهيلة : ( ضحكات فوسط دموعها ) باطو فجزيرة الواقواق
ماجد : اش بانليك هادشي توضفيه فصداق لي غانعطيهليك قدام العدول السيمانة جايا ؟
بلوكاها خلطها فثانية : ك ككيفا اش
ماجد : ( باسليها يديها ) بغيت نديك ابنت رباط تكوني مرتي وحلالي .
بورشها وقلبها بغا يوقف : واش كتدوي منيتك
ماجد : الهضرة ماشي دابا الهضرة غدا منين غانكونو عندك انا وواليديا نخليك دابا
باسها من حنكها ومشا مخليها مفرفرة صافي العقل لي عندها طيرو اويلي كيفاش الزواج يالاه لحقات تستوعب هزات عبايتها ومشات كتجري كتبان بحال باطمان فسبايستون وصلات لدار كتلهت نوضات فيهوم الجعرة غدا جاين الخطاب منين وكيفاش وعلاش الله وعلم عيطات لجميلة نوضات فيها العفية باتت وصبحات عندها وعيطات لصحاباتها من الدرب النها كامل وهوما يوجدو تاكيسمعو الكلاكصونات مشات كطل كاتلقا غير الفريع ديال طموبيلات وحدة مور وحدة كيوقفو نازلين بالورد والشكلاط والكادوات، دخلو خطبوها وهي مامتيقاش وفيها الخلعة لايتعاود نفس الشي وداكشي لاش ماجد زرب ودار العقد فنفس السيمانة ماباغيش اعيشها فالخلعة، ودارليها فالصداق ابارطومون دوليكس فمحاج رياض فالرباط بغات تزغرت بالفرحة، هادشي بلا دهاز وبلا الحوايج لي شي كينسيك فشي، ختارت دير ملاك ويكون غير فدارهوم مابغاتش العرس حيت حيدات من بالها اي حاجة تفاخر بيها حتا انه ترجع السوشل ميديا مابغاتش لقات راجتها هاكاك ورجعات تهلا فراسها ولكن لراسها ماشي باش تبان، نكفاتها الكوافورة ولبسات قفطان فالبيض بسفيفة خفيفة ولكن منبت بجوهر وخلات شعرها مطلوق بوكلي كحل دارت غير التاج وليبيجو البلدين دالعرايس، وقفات فالبيت كتسناه يطلع باش اهبطو بجوج كولشي الناس كيتسناو لتحت والديدجي طالق الموسيقى، دخل عندها وكيالعادة كيطيح فيها فكل مرة قرب منها شافت فيه وهي ضحك : حبيبي بنكهة الخليج جا .
ماجد : ( ضحك وشدها من خسرها ) كيفاش هادشي ثاني
نهيلة : خليجي غالبلفلوس الباقي مغريبي قح
ضحك برجولية وهو يزيرها لعندو : كنبغيك انهيلة ( شافتو قرب ليها بزاف تاحط شفايفو على دياولها قلبها بغا يخرج أول راجل يقيسها وزاد كيزير عليها من نصها وكيقربها ليه كيحس بشفايفها روطب بين دياولي كانو مشاعر جديدة عليها خلات تبوريشة فالمعدة ديالها تاحطات يديها على اللحية ديالو وبعدات عويناتها معسلين وحشمانة )
نهيلة : نتا هو كولشي فحياتي
- النــهــايــة-