الجزء 8 - عَــشِــقْــتُــكِــ إلــى حَــدّ الــهَــوَسْ

تكاها على الطوموبيل و وقف قبالتها مشربن.. ح بالعافية شاعلة فيه خصوصا فاش كيشوف فلباسها..
حَيْدر: وااش باغة تحمقيني،
زهور: (ببرائة) شنو درت ليك؟
حَيْدر: (قرب منها دارها بين يديه) شحاااال و انا كنصوووونيي ااا عقلي بغا يخرج معاك و نتي معلابالكش.. اممم و مكملاها جاية ليا بهاد الحالة.. (هبط يديه شحط ليها فخاضها) عااجبينك مساااسطك و لا كيفاش؟
زهور: (كتحك ف فخضها و تغبن) هننن شنو درت ليك!
حَيْدر:(خرج فيها عينيه) مزااالة كتسولي اممم،
زهور: وااا شنو درت؟
حَيْدر: (معصب و الكلام كيخرجو بزز) تيليفووونك فييين راه؟
زهور: ماهزيتوش منين قطعت عليك حشمت نجاوبك،
بقا غي كيشوف فيها مصدوم من هاد الكتلة البرائة لي واقفة حداه.. ابتاسم و هو كيشوف فيها كتلف عينيه من عليه فور ما تفكر شنو لابسة تقلبات الابتاسمة تخنزيرة ديك ساعة..
مد يديه لفخضها دوز عليه بشوية تا استحلاتها و جمعو بيديه مزير عليه.. حلات فيه عينيها و ذبلاتهم و هبطات شفتها مدلياها بحال بنيتة الصغيرة و الدموع تجمعو فعينيها..
زهور: كضرني،
حَيْدر: لمن معرياهم؟
زهور: بغييت غي نتبحر بخاطري ياه،
حَيْدر: البحر ضروري تعرييهم.. اممم (هز يديه شحطها لفخضها تا طارت و نزلات) من لعرا فالبحر العرا فالزنقة،
زهور: و (هبطات ليها دمعية) والله حتى هنننن غي البحر قصحتيني،
شافيها شحال و حل باب اللوطو ركبها و ركب بلاصتو طاير من تما.. داز أقرب محال بانو ليه فيه حوايج البحر.. هز ليها بوركيني مستور على طايتها و عطاه ليها تلبسو..
بلا متغان معاه و لا تزايد معاه فالهضرة لبساتو و خرجات عندو.. حرك راسو برضى و خلص جرها من يديها رجع ركبها.. و هادشي مامل كيديرو فصمت ما هضر معاها ما قال حتى حاجة خلاها متساين عي كلمة منو..
وصلو للبحر و نزل نزلات موراه و زربات لعندو عنقاتو و تخشان فيه كتحك جبهتها مع صدرو: تقلقتي مني؟
مادار حتى رد فعل.. تا كلمة ما سمعاتها منو.. زادت تنخششات فيه و دموعها بداو كيسيلو: انا عي برهوشة لي جاتني كنديرها بعد المرات مكيحضرش عقلي و مكتحضرش رزانتي عافاك متقلقش مني كنرتاح هي معاك متقلقش مني،
ساكت و كيسمع ليها عجبو الحال من هضرتها و قلبو فرح و لكن مطمر مبين ليها وابو.. جرها من حضنو و زاد قدامها.. بقات متبعة ليه العين تا ضار خنزر فيها باش تزيد قدامو..
طارت لقدامو مخنزرة فيه تا وصلات جلسات حدا رجلين رميساء و كتشوف فرقية لي كتعوم..
رميساء: زهور.. (شافت فيها) فين مشيتي،
هزات زهور عينيها خنزرات فحَيْدر لي كان حاضيها بهدوء و رجعات بنظرها لرميساء حركات ليها شفايفها ب "من بعد" فهماتها دغيا و رجعات سكتات تا..
زهور: انا انوض نعوم،
ماتسنات الحواب ديال ختى واحد تقدمات كدخل الما و كتشخبط حتى وصلات عند رقية كضحك..
رقية: يا ختي نسيبي مغيار،
زهور: قو//دي نتي و ياه،
رقية: ويلي ويلي ويلي فين تعلمتي نخسار الهضرة،
زهور: منك شكون علمني نتساب غيرك،
قلبات فيها عينيها و رجعات كتشخبط و تعوم و تضحك مع رقية.. تا عيات رقية خرجات و بقات هي تما كتعووم و تغمض عينيها على صوت البحر و المواج راخية راسها..
حلات عينيها على حضن دافئ.. يديه على كرشها و ظهرها على صدرو و وذنيه على وذنيها كتحس بيهم كيبورشوها: تحلى ليك العومة بلا بيا اشهلة العياني،
حلات عينيها على حضن دافئ.. يديه على كرشها و ظهرها على صدرو و وذنيه على وذنيها كتحس بيهم كيبورشوها: تحلى ليك العومة بلا بيا اشهلة العياني،
شافت فيه بنص عين و رجعات كتشوف بعينيها و كتحاول ترخا منو باش تعوم لاكن هو كان عندو رأي آخر..
زيرها عندو كتر و يديه زادو دارو على كرشها تا مبقاتش كتبان وسط منو.. حط راسو مبين عنقها و كتفها و طبع قبلة حنينة: مال الشهلة ديالي،
هبطات كتيفاتها و تلفتات لعندو هزات فيه راسها مذبلة عويناتها و نطقات بطفولية: تقلقتي مني و انا ما درت ليك والو انا غي حشمت منك على ديكشي لي سمعتي مقصدت تا حاجة و نتا گاعما بغيتي تدوي معايا و انا مبقيتش بغيتك تبعد حيت نتا حنين فيا و كتعاملني مزيان و كتهلى فيا و تفكر فيا و انا معمر شي واحد حسسني بهادشي ديكشي علاش مبغيتكش تقلق مني.. (تهزات بشوية لعندو طبعات قبلة على كتفو و رجعات للور كترمش فيه) منعاودش ندير شي حاجة تقلقك،
فكل مرة كتخليه مبلوكي كيشوف فيها فقط.. عينيه على عينيها لي كيرمشو فيه.. هضرتها كتعاود فدماغو و ابتسامتو بدات كتوساع.. تنهد و زاد
قربها ليه تا نيفو لامس أرنبة نيفها: باغة تحمقيني!
زهور: (الرجفة شاداها من قربهم) ل لا قلت غ غي لي ك كاين،
حَيْدر: (برائتها و طفوليتها و عفويتها هوما سبابو باش غرق فيها و غرق فتفاصيلها) ديالي ازهور،
قرب منها كتر هزها من فخاضها لعندو تعلقات عندو و يديها على عنقو و راسها تكاتو على كتفو كتشوف فيه داخل للبحر للداخل و لكن مادارت حتى رد فعل حيت بكل شفافية حاسة بالأمان فحضنو..
هبط راسو كيشوف فيها و تبسم مد يديه تحت ترمتها شادها تا وصل لبلاصة فين كيوصل ليه الما لعنقو.. غي شافتو وقف.. طلقات منو و هبطات رجليها على أساس غتقدر توقف تا هبطات تحت الما..
ضحك عليها و هزها لعندو بزربة رجعات تعلقات فيه و زيرات عليه كتر.. خشات راسها فعنقو و دوات بصوت مرعد: نااري غاارق،
حَيْدر: (معنقها بيديه) شششت ترخاي انا شادك،
زهور: لا لا لا لا نغرق عاود مكنعرفش نعوم،
حَيْدر: (كيدوز يديه على ظهرها بحنية) انا هنا مغنخليكش تغرقي منسخاش بالشهلة ديالي،
هزات راسها من عنقو و شافت فيه رمشات فيه شحال و قالت: مترخينيش ياك؟
حَيْدر: منقدرش،
سرطات ريقها و حركات راسها مازالة كتشوف فيه: غي خليني لاسقة فيك مبغيتش،
حَيْدر: اجي لظهري تعلقي فظهري،
حركات راسها و شدها من خصرها تا تشعبطات فظهرو و خلاها تا حكماتو مزيان و شافت راسها مغاديش تقد طيح عاد بدا كيعوم بشوية و هي دغيا ترخات و صوت ضحكتها كيتسمع بحال الموسيقى فوذنيه..
بدا كيعوم بيها تا حس براسو عيا و وقف و هي باقة لاصقة فظهرو شاف فيها بنص وجهو: نخرجو؟
زهور: لا لا عافاك خلينا غي شوية،
حَيْدر: عييت الصغيورة نرتاح نولي ندخلك،
زهور: هانتا خرج بيا غي فين نقدر نوقف على رجلي و نعوم نتا غي وقف حدايا غي شوية،
حرك ليها راسو و دار ليها خاطرها خرج بيها لفين قالت ليه و هبطات من ظهرو.. بدات كتشخبط فالما و هو واقف داير يديه على جنابو حاضي معاها..
عينيه كي الصقر عليها.. بحال الا حاضي بنتو خايفها لا تغرق لا متردش البال و تهبط تشرب الما.. حاضي لا يدوي معاها شي حد.. حاضيها لا تبعد.. عينيه مقادرش يزحزحهم من عليها خايف يغفل عليها و توقع ليها شي حاجة.. خوفو عليها كبيير و معارفش منين تولد داك الخوف لي كيحسو من جيهتها..
تبسم ليها فاش شافها جاية عندو و شدات ليه فيديه و عينيها فعينيه كيترجاوه: عاافااك شدني من هنا (دارت يديها على ظهرها) و عليني فوق الما عافاك،
حرك ليها راسو بهداوة و قرب منها داير ليها اشنو بغات.. شاد ليها الخاطر لأقصى درجة و مباغيش يخسر ليها..
خارج البحر.. جالسة رميساء حداها مُصعب عينيها غير عليها حاضيها و كل مرة كيطلع فيها و يهبط.. محاملش اشنو لابسة و ابدا مرتاحش بديك الجلسة و هي هكك.. شاف فزياد لي جالس كيضحك على حَيْدر و زهور و ضربو برجليه تا شاف فيه..
مُصعب: لوطو تاعي روح جيب شورط تما،
زياد: (فهمو علاش بغاه و بلا ميتزلكر معاه وقف) سوارت،
عطاه ليه ياله هطا خطوة و قفاتو رقية: عاافااك واخا نمشي معاك بغيت نشري شي حاجة من الحانوت،
شافيها زياد مبتاسم بشوية و حرك واسو: نوض اسنفورة الله يا ودي،
وقفات نعاه كضحك و تفرنس تخركو بجوحهم من تما..
فحين مُصعب رجع بنظرو لوميياء لي خلشية وجهها فتيليفون: الگلب،
رميساء: سميتي رميساء،
مُصعب: (مد يديه خطف ليها تيليفون و شدو فيديه طفاه) سميتك الگلب.. (طلع فيها و نزل) عاجبك روحك هكا؟
رميساء: دخل سوق راسك،
مُصعب: نحكي معاك بلهجتكم باه تفهمي.. (خنزر فيها و ديك ساع تقلبات ليه الهضرة) والله يا رب دمك و متحمعي الوقفة تقو//دي قدامي تلبسي عليك تا تشوفي الوجه لاخور..
بقات كتشوف فيه مصدومة كيفاش بدل هضرتى دغيا من الوجدية للهضرة عادية.. شافها غي كتشوف فيه مادارت والو و هز يديه قرصها من كرشها: تنوضي و لا؟
رميساء: (تحمعات ليها الغباشة و مدات يديها كتحك كرشها) وااش نتا شغلك يااه ديها فالحيهة الضاراك،
مُصعب: هاد الساعة ضاراني نتي.. (غوت عليها تا طارت و نزلات) وااا تگاااعدي قبل منزرق ليك لحمك،
وقفات كتشتف برجليها هزات كسوة ديالها لبساتها و رجعات جلسات فوق الكرسي قالبة وجهها عليه..و كتشوف جيهة زهور و حَيْدر..
تا هو مرجعش هضر معاها تكا ظهرو على الكرسي براحة من مور ما لبسات عليها و مرة مرة عينيه كيمشيو ليها..
غاديين فالطريق ساكتين تا وصل للطوموبيل دمُصعب.. جبد منو شورط شدو فيديه و شاف فرقية: ياله نسوفو ليك هاد الحانوت،
رقية: راني شفتو فاش كنا جايين غي هنا،
زياد: ربي ربي اسنفورة واس بصح،
رقية: واش مكتعياس من الطنز ولا،
زياد: هو باش عايش منقدرش بلا بيه،
رقية: الله يبقي الستر،
زياد: علاش مطواليتيش اسنفورة،
رقية: (هزات كتافها كتقلب بعينيها على حانوت) حيت ربي مبغاش،
زياد: ولا حيت نتي فيك الفعايل.. (شاف فيها) باينة غي من دوك العينين ديال اللفعة،
رقيك: (شافت فيه و فرفرات بعينيها) لهلا يحييك و يطول الزمان علييك عيني مكاينش بحالهم،
حرك واسو كيضحك و مولاش هضر تا وقفو قبالة الحانوت دخلو بحوج كتهز ديكشي لي بغات و من موراها لي هزاتها كيهز بحسابهم كاملين تا سالات و بغات تخلص و جرها من يديها ردها من موراه..
جمع ليه مول الحانوت ديكشي و خلص و زاد و هي تحركات بالزربة حداه..
رقية: عطيني واحد شيبس تما،
زياد: تا تگلسي و كولي تا تشبعي،
رقية: غي وحدة اصاحبي،
زياد: تبتي تا تگلسي ما مزيانش تاكلي و نتي واقفة،
خنزرات فيه و ربعات يديها و سبقاتو كتزرب خلاتو بغا يتفليبا بالضحك على ديك المشية و التقليقة لي دارت..
زياد: اجي اجي سنفوررة والله حتى تجي،
زرب لعندها و درعها بيد كيضحك معاها: مالكي كلمة حوج تقلقي وسعي قشابتك،
رقية: انوسع شي حاجك اخرى عطيني تيساع مضحك معايا منضحك معاك،
زياد: (ضربها لراسها بيديه) هيييه حشمي.. (جبد تشيبس عطاها ليها) هاكي اسنفورة،
خطفات منو شيبس و رجعات جنبو كتمشا معاه تا وصلو ليهم.. لقا كل واحد قالب وجهو لديك جيهة.. حط كولشي فوق الطبلة لي كراو و رما الشورط لمُصعب..
مُصعب: بشوية الخرا،
زياد: سييير قلبتي مود الهضرة هي النقشة طلعات.. (هز كرسيه كحزو من حداه و جر كرسي ديال رقية تا هو) هنا كان،
تبعات ليه العين مبسمة تا غبر على عينيها و رجعات شافت فالبحر.. أبدا واش قربات للسقاطة كيما قال ليها..
رقية: بغيت ندخل نعوم!
زياد: (شاف جيهة البحر لقاه تگجگج ببنادم) جلسي بلاتي يجي مُصعب و رورو و ندخل معاك،
رقية: ولاش تدخل معاي؟
زياد: شوفي غي جيهة
البحر كي داير بالبشار ادخلي بوحدك؟
رقية: (بقات كتركز جيهة البحر) مغنبعدش،
زياد: غي ريحي اسنفورة يجي مُصعب يجلس مع الفارة و ديك ساعة ندخل معاك عومي حتى تعياي،
زهور: (كتشوف فزياد و ضحك) هههه وا انا ماشي فارة و زايدون غي دخلو عادي،
زياد: (حرك راسو بلا) أمانة حَيْدر مكيبغيهاش تقاس كيما كانت،
ابتاسمات و حركات راسها و هزات تيليفون من صاكها كتخربق فيه من هنا لهنا تا وصلها ميساج من نمرة مامقيداهاش.. بلا مدخل للميساج قراتو من نوتيفيكاسيون..
"تبلوكيني من عشرة ندوز ليك من عشرة آخرين متخطاينيش ا زهيرة"
هزات حاجبها و دخلات ديك ساعة بلوكات نمرة و مسحات الكونڤ و حطات تيلي بزعفة فوق الطبلة..
مادازش بزاف تا وقفو عليهم مشادين ليدين.. شافت رهور فرميساء و شافت فرقية لي بدورها شافت فيها و رجعو بنظرهم لرميساء.. منا زياد فراه مامسوقش شاد تيليفونو كيخربق ملهي..
جلس و جلسها حداه مازال شاد فيديها مبغاش گاع يطلق منها.. قربات لجيهة وذنو بالشوية نطقات بهمس يسمعوه غير بجوج: واخا تطلق مني نمشي نهضر مع البنات،
مُصعب: ريحي الgلب،
رميساء: واا غي نهضر معاهم اويلي غتبقا شادني هكا،
مُصعب: ما عندك فين تمشي غي جلسي،
خنزرات فيه و تقادات فالكرسي كتشوف فيديهم لي مشابكين.. صحيح سامحات خوه لاكن أبدا مكتشوفش راسها فعلاقة مع مُصعب.. كتجيها شي حاجة لي صعيبة و مستحيلة.. حتى ولو هي بغات باها عمرو مغادي يوافق..
تنهدات و رجعات راسها لور مغمضة عينيها مباغة تفكر فحتى حاجة باغة غي دوز نهار زوين و ترتاح..
نغزات رقية زياد بيديها و قالت بتذمر: وااا نوض ولا خليني نوض بوحدي ياه،
زياد: (حط تيليفون و نصل تيشيرت و وقف) نوضي البرهوشة ياله تگعدي،
لاحت شيبس لي كانت شادة و وقفات غادة كتزرب لجيهة البحر و هو عينيه عليها و كيضورو على اي واحد باغي يقرب ليها.. دخلات للبحر و هو تابعها.. تا بدات كتعوم و كتغرق و هو غي من موراها..
بانت ليه غي من طريقتها فالعومان كتعرف.. ولكن الاحتياط واجب.. بقا غي حاضيها تا وقفات كتشوف فيه و قالت بحماس: وااش مغاديش تعوم،
زياد: مكنعرفش نعوم تعلميني؟
رقية: (على نيتها قربات منو) اجي نعلمك راه ساهل تا انا دغيا تعلمت،
زياد: لااا والله سيري ابابا تعومي سيري،
رقية: ماالك مرضيتيش نعلمك.. (هزات كتافها) ماشي دوجهك نييت،
خلاتو و رجعات تخشات فالما كتعوم خلاتو كيضحك كي الحمق بوحدو.. تا بانت ليه بعدات عليه و كتشوف فيه.. غطس كيعوم تا وصل عندها و تقابل معاها رجليهم ماواصلينش للرملة..
زياد: شنو تعلميني،
رقية: وا قول كتعرف بلا ديك تيبهلة و سريق العواد،
زياد: البرهوشة راني كبر منك حتارميني،
رقية: گاااع كبير عليا بخمس سنين و لا ربعة،
زياد: هههههه 12 لعام ابنتي تبتي و رزني كون تزوجت كون ولدت قدك،
رقية: (مصدومة كتشوف فيه) ناري والله مباينة فيك،
زياد: (هز كتافو بغرور) عارف راسي تيتيز،
رقية: (ميقات فيه) لا حيتاش فعايلك ديال البراهش،
قلبات فيه عينيها و رجعات كتعوم باغة تخرج من تما تا محسات غي براسها هابطة وسط لما و شي حد كيغرق فيها.. رجعات طلعات كتحاول تنفس تا حلات فيه عينيها كتكح..
زياد: عاودي شنو فيا؟
رقية: (حاطة يديها على عنقها) كح كح واش كح نتا مريض،
زياد: مازالة زايدة فيه اجي لهنا،
قرب باغي يزيد يغرقعا تا فلتات ليه و تعلقات فظهرو كترغب: لا لا لا عافاك شربت الما.. ويلي نتا الضرافات ويلي و التباتة فييين يلقاو بحالك و العضالات.. (شادة فيديه كتعبرهم ليه) تبارك الله دير مني عشرة اوا و زيد الطولة و التجريدة و زيد اللحية و الضحيكة ويلي و العوينات تاا فين نلقاو بحالك سلعة قلالت المعلم،
بقا كيسمع ليها تا سالات مقدرش يحبس الضحكة طرطق بالضحك و هي كتشوف فيه بالجنب.. تا حبسها كيجمع النفس..
زياد: هبطي هبطي القميلة من ظهري هبطي تعومي،
رقية: و متغرقنيش ميمتك،
زياد: غي هبطي منقيسكش،
هبطات من ظهرو و تلاحت كتعوم و دار نفس وقفة حَيْدر و عينيه عليها حاضيها..
عينيها مرة على البحر مرة على رميساء و مُصعب لي بجوجهم ساكتين مرة على الطريق ياكما يبان ليها جاي تا بدا تيليفونها كيصوني..
هزاتو بلهفة عند بالها حَيْدر تا لقات نميرو بريڤي.. بقات كتشوف شحال تا قفزها صوت رميساء: جاوبي ازهور اويلي،
دوزات الخط ديك ساعة و دارتو فوذنيها.. وصلها صوت رجولي: زهيرة انبقاي غي كتبلوكيني،
مدواتش متكلماتش خلات تيلي فوذنيها و غي كتسمع: نوضي دابا جي عندي لمور الحمامات،
زهور: (بصوت خافت) مكنعرفكش معندي فين نجي،
رائد: واخا نجي انا معنديش مشكل،
زهور: (محساتش براسها تا غوتات) لا لا لا.. (شافت فمُصعب و رميساء و رجعات خفضات صوتها) انا انا انجي،
رائد: كنتسناك ازهيرة،
قطعات معاه و زيرات على تيليفون فيديها و وقفات كتجمع شعرها لور مخاطبة رميساء: انا انمشي لحمام و نجي،
رميساء: متعطليش،
مُصعب: نمشي معاك و لا عارفة الطريق،
زهور: اا لا بلا متعذب راسك انا عارفة،
حرك ليها راسو و تحركات ديك ساعة من حداهم كتزرب فالمشية و كتقلب عليه بعينيها تا بان ليها كيشير ليها بيديه.. جمعات حداش بحجبانها و مشات عندو كتزرب تا وقفات عليه..
زهور: (بنبرة غاضبة) شنووو بغيتي منيي اشنو خاصك؟
رائد: (كيشوف فيها و مبسم) زهيرة مالكي معصبة،
هزات واسها لفوق و ساطت النفس عرفاتو دمو بارد و مامسوقش: شنو بغيتي اخويا،
رائد: انا ماشي خوك،
زهور: واا شنو بغيتي،
رائد: والا عاود ازهيرة بلا غوات.. انا مبغيت والو بغيت غي نمتع عيني بشوفتك ما حد حَيْدر مكاينش،
زهور: (حلات فيه عينيها على وسعهم) ف فين كتعرف حَيْدر،
رائد: اممم تا يعاود ليك هو من الأحسن.. (هز يديه دوزها على حنكها دغيا خطفات منو) القطيطة كتخاف من حَيْدر،
زهور: (هزات فيه حواجبها بجوج و طلعاتو و هبطاتو باستفزاز) تت هاداك سميتو احتراام شي حاجة مكتعرفش ليها نتا،
هز راسو كيضحك ضحكة رجولية عالية و فنفس الوقت مخيفة.. خلات زهور ترجع هطوة للوراء مبعدة عليه خوفا من أي رد فعل يقدر يديرها..
ياله مسح على وجهو بغا يهضر معاها تا صونا ليها تيليفون فيديها.. هزاتو كتقرا سمية حَيْدر و قراها معاها تا هو.. مخلاها فين تستوعب نتر ليها التيليفون من يديها و لوا ليها يديها و لصق ظهرها مع صدرو و دوزا الخط،
حَيْدر: فييينك ازهور فيينك؟
رائد: صااحبييي حَيْدر مزيان،
حَيْدر: (بصدمة) رائد،
رائد: (بضحكة) هاهاهاها هو هااداا.. ناري اصاحبي كتدي غي القوقات بالرجولة حسدتك انا فهادي،
حَيْدر: (الأعصاب بداو كيلعبو عليه) فيييينك اولد الزوااادة فيييين زهور،
مخلااهش يكمل هضرتو قطع عليه ديك الساع عطى تيليفون لزهور باسها فحنكها و طلق منها.. قاد حوايجو و مشا من تما..
بقات زهور كتنفس بالجهد و يديها كيترعدو تيليفون كيصون فيديها.. خدات نفس و جاوباتو بخفوت: ألو،
حَيْدر: (صوتو باين فيه الخوف) فيينك فييينك واش بيخير،
زهور: انا انا مور الحمامات،
قطع عليها ديك الساعة بلا ميفكر زوج مرات مشا كيجري لعندها.. لقاها جالسة فوق الرملة و الدموع ديرين خطوط على حناكها.. جلس على ركابيه قبالتها و يديه و عينيه كيقلبو فيها برهبة..
ما حس بيها تا تلاحت عليه و تخشات فعنقو و طلقات بكية حارة.. كتبكي من نيتها و من أعمااق قلبها.. خلاتو يزيرها عندو كتر ظنا منو أن رائد هددها أولا تلاقاها و هي غادة للحمام..
بقات لاسقة فيه و كتبكي و هو معنقها عندو بكل جهدو: ششش موقع والو الصغيورة ديالي صافي شششش،
زهور: ما ما اهئ اهئ ماصحابنيش كيعرفك و خايب اهئ اهئ و اهئ فاش فاش اهئ اهئ دا نمرتي داها بالسيف اهئ والله معطيتها ليه بخاطري اهئ اهئ انا مدرت والو..
تبلوكا على وضعو كيسمع ليها و لتنخصيها.. بعدها من عليه و صغر فيها عينيه: نضتي عندو بخاطرك؟
زهور: اهئ اهئ صونا ليا و اهئ خفت يجي و توقع شي حاجة نضت عندو تا اهئ اهئ وقع لي وقع انا مقصدتش والله،
بقا كيرمش فيها تا حرها من شعرها قابلها معاه لهيب أنفاسو كيضربو فيها: نتيييي لي نضتيييي عندو،
زهور: و اهئ اهئ عافاك متقلقش مني عافاك،
زير على شعرها كتر و همس ليها بهضرة خلات الرعب يسري فسائر جسدها: قود//تيها ازهور،
وقف و وقفها معاه جرها من دراعها قدامو تا وصلو لعندهم.. ما هضر ما تكلم عارف رائد كيلعب عليه و تا هو مغيدير حتى حركة دابا..
ركب فطوموبيلتو كيضحك فرحان.. عارف راسو لعب لحَيْدر على أعصابو و عارفو غيكون كيتفقص دابا.. ترخا على الكوسان و هز تيليفونو كيدوز لرقم..
رائد: فيين اعشيرتي هانيا!
وصلو صوت راجف نطق: شنو بغيتي مني ارائد انا بعدت منكم بعدو مني،
رائد: ندى ا ندى يا ندى غي بغيت نوصل ليك شي هضرة يمكن نتي مفبالكش،
ندى: مبغيت نسمع من...
قاطع كلامها بنبرة حادة: حَيْدر تزوج فخبارك.. (تسمع غي السكات من طرفها) اممم كنت عارف مفخباركش فاعل خير هههه يا دوزي بخير،
قطع عليها و لاح تيليفون بجنبو و ديمارا خارج من تما..
لاحت تيليفون جنبها و دوزات يديها على شعرها: لا لا حَيْدر ميديرهاش.. (هزات تيليفون كتصوني ليه و كيقطع عليها) لا لا مغيديرهاش لا..
رجعات كتصوني ليه تا سيفط ليها ميساج مفاده أنه مامساليش.. خبطات تيليفون مع الأرض و غوتات غوتة عالية كتهبر على حرقتها من هادشي لي عرفات..
وقفات كضور فالدار بالجهالة معارفة فين تصد.. رجعات هزات تيليفون كتصوني لرائد مرة لولة و تانية عاد جاوبها: ويي حبيبة ديالي،
ندى: باااش عرفتيه تزوج؟
رائد: اممم اجي لبحر المركز المحمدية تلقايهم تما،
ندى: باش انعرف بلي مدايرهاش بلعاني نخرج من هنا لقاهم كيساينوني تردني لديك الحفرة،
رائد: الداكا الداكا هههههه خرجي عليك الأمان،
قطعات عليه و بلا متردد لبسات عليها و هزات بزطامها و تيليفونها و خرجات شدات طاكسي لاگار نيشان..
جالسة حداه و غي كتشوف فيه بعوينات المشة و لا تحك جبهتها مع دراعو.. أما هو راه بالو مسافر فشنو وقع.. عارفو مغيقرب ليها من اللول الا لاكان عارفها من حيهتو..
تنهد و ضار شافيها كتشوف فيه بديك العوينات مدمعين.. و كترمش فيه ببرائة ميل راسو فيها كيتأملها بحب باين فعينيه.. تا خس بيها طبعات قبلة على كتفو و زادت تانية و تالتة و تلاحت على عنقو متسوقات لحتى واحد..
زهور: (بهمس كيسمعو غي هو) مكنتش باغة نقوليك مكنتش باغة نقلقك مني عافاك متضورش عليا وجهك،
معرف ميدير.. مقدرش يقاومها ضور يديه عليه و هزها من كرسيها حطها فحضنو و زيرها عندو.. بدورها ضورات يديها عليه و حطات راسها على كتفو..
حَيْدر: آخر مرة اشهلة العياني آخر مرة،
حركات راسها و زادت
تمخششات فيه كتشمشم فريحتو و هو كيدوز يديه على ظهرها و كيلعب فصبيعات رجليها.. تا حس بتنفسها انتاظم عرفها نعسات.. تنهد و باسها فوق راسها و خلاها عندو واخدة راحتها..
جاية كتقلب فالبحر كامل بعينيها.. باغة تأكد من شنو قال ليها.. فقدات الأمل بقوة الدوران و حسات براسها بحال الا تفلا عليها.. تا حسات بصوتو مواراها: تبعيني،
شافت فيه زاد قدامها و تبعاتو باغة تروي فضولها و تعرف اشنو كاين بصح.. متبعة معاه تا وقف و شير ليها بيديه جيهتهم..
خرجات عينيها فالجلسة لي جالسين و حطات يديها على قلبها.. عينيها تغرغرو بالدموع و شافت فرائد: ماشي هو،
رائد: هادا كامل حب.. سير ابنتي وريني حنة يديك سيري،
بقات كتشوف جيهتهم و تشوف فرائد لي داير ضحكة استهزاء على شفايفو.. خدات نفس و بدات كتقرب منهم بشوية.. كتدير خطوة للقدام و خطوة لور..
ما حسات على راسها تا كانت وصلات عندهم.. عينيها غير على حَيْدر لي تا هو كيشوف فيها ببرود.. كان متوقعها.. مادار حتى رد فعل غي مازاد زير زهور لعندو كأنه كيقول ليها ديكشي لي فبالك صحيح..
ندى: من امتى احَيْدر،
حَيْدر: (بهدوء) دارك،
ندى: (غوتات تا كلشي شاف فيهم) من امتىىىىىى،
قفزات زهور بين يديه و ضورات عينيها فندى لي كتشوف فيها مخنزرة رجعات شافت فحَيْدر و دلات شفتها بحال لي بيبي فيقوهوم من النعاس.. قلبو د
ذاب بحركتها..
عنقها عندو كتر و باسها فوق راسها كيهمس ليها: صافي رجعي تنعسي موقع والو.. (هز عينيه خنزر فندى و دار ليها بعينيه تحيد من حداه) انا هنا اصغيورتي ششش،
حيدات من حداه كي قال ليها.. أغبى حاجة دارتها.. عارفة من موراها غيجيوها الكوارت.. و عارفة بلي فواحد النهار كانت غتجي هاد الوقيتة..
خرجات كتجري تا حسات بيد شداتها و زيرات عليها بين يديه و نطق بصوت خاتر: شنو بان ليك فانتقام زوين.. حَيْدر يولي ليك و انا نفدي فيه دقتي اممم
خرجات كتجري تا حسات بيد شداتها و زيرات عليها بين يديه و نطق بصوت خاتر: شنو بان ليك فانتقام زوين.. حَيْدر يولي ليك و انا نفدي فيه دقتي اممم،
هزات فيه عويناتها عامرين بالدموع.. نترات يديها منو و خنزرات فيه.. جمعات الكلام ففمها و نطقاتو ليه دقة وحدة: صرف فيا غير الخير عمرني نصرف فيه الشر.. (طلعاتو و نزلاتو) كتسنى مني نتيق فيك؟
عطاتو بالظهر و خرجات كتجري من تما.. قلبها مجروح و خاطرها مضرور.. طريقها كاملة و هي كتفكر منظرهم.. كيفاش جالسة عندو و كيفاش متنقها و مزير عليها.. ماوصلات لدارها غي بالكشايف..
كيشوف فالبحر و كيفكر فشنو وقع عاد دابا.. خطوة كان خاصو يديرها قبل لاكن قلبو حن.. عارف شكون غادي يكون قالها ليها..
هبط عينيه لزهور لي مخشية عندو و كترمش بعويناتها.. هز يديه و دوز طراف صباعو على شفيراتها تا هزات فيه عينيها..
حَيْدر: منعستيش؟
زهور: ناء فيقاتني مولاش جاني النعاس،
حَيْدر: نوضي تاكلي ياله،
زهرر: اممم بلاتي،
حَيْدر: نوض الصغيورة ديالي تاكلي ياله باش نخرجو لبلاصة زوينة العشية،
زهور: (قفزات فوق منو جالسة) حلف بالله،
حَيْدر: (قرص ليها ميفها كيشوف فيها) والله ياله نوضي،
ناضت لبلاصتها بزربة و تجبد هو كيمد ليها الماكلة قدامها.. حط ليها كلشي قبالتها عاد رجع لور و شاف فمُصعب لي تا هو كان كيشوف فيه..
من طبيعة الحال بالأعين باش تفاهمو مع بعضياتهم.. طلق مُصعب من رميساء و هبط همس ليها: اني جاي،
وقف لبس تيشيرت ديال زياد و هز تيليفونو و تحرك من تما كيعيط لأسامة: وي وين راك؟
أسامة: تااا جي تشوف ليك رائد مدخل واحد القوقات معاه للدار كيبان زاهي،
مُصعب: الرحمة تاع مك.. سرّد لوكاليزاسيون،
أسامة: سسس هدا هدا عنداك تجي اصاحبي راه داير عليكم الحضية تما انا مكيعرفنيش ديكشي لاش واخد راحتي.. شر رجع عند خويا حَيْدر قوليه يكون هاني انا خاصيه طاح بين يدي،
مُصعب: قو..د،
أسامة: تا انا كنبغيك،
ياله بغا يسبو مُصعب لقاه قطع عليه.. رجع لعندهم لقا رميساء مفرشة فوطة فالأرض نعسات و زهور كتاكل و حداها رقية عاد خرجات من الما..
شاف فيه حَيْدر و زياد و غمزهم زعما من بعد.. عم السكات بيناتهم تا..
رقية: نسيبي العزيز،
شاف فيها حَيْدر مبسم كتعجبو فاش كتقوليه نسيبي: امم شنو حب الخاطر،
رقية: وجه الله انسيبي و الماكلة لي شركنا حرام ترضها فوجهي..
زياد: وااا كيفاش نسيبي بعدا،
مُصعب: بلع القاصر،
حَيْدر: القاصر (شير بعينيه جيهة رميساء لي ناعسة) بشوية البنت ناعسة.. (شاف فرقية) آمري اختي،
رقية: قلت لهاد الانسان لي حدايا نركب فتجيسكي و قالي سيري تجلسي بلاصتك انسيبي واش انا كنعرفو يتكحم فيا قالي انا عييت قلت و انا مالي قالي قدامي.. (بدات كتغبن) لقاني قصيورة و صغيورة بغا يحگرني مخلانيش حتى نوض نمشي هانتا (وراتو كيفاش معرض ليها رجليه باش مدوزش) والله مكنكذب،
شاف حَيْدر فزياد لي مخرج فيها عينيه و بس الضحكة و رجع شاف فرقية: كتعرفي تصوگيه؟
رقية: (بفرحة) ااه كنعرف والله هاهي سول زهور،
زهور: ااه كان علمها عمي العزيز فاش كانو كيسافرو،
حَيْدر: (وقف كيقاد حوايجو) نوضي اختي،
زهور: واخا نمشي معاكم،
مد ليها يديه شدات فيه و ناضت رقية معاهم كتقلي الس/م لزياد لي باقي حال فمو فيها.. وصلو حدا مول جيتسكي خلصو و ياله بدات دخل هزات فيه زهور عويناتها كترمش..
حَيْدر: لا غي جلسي،
زهور: عافاك عمرني جربتو كانت قالت ليا نسافر معاهم هاد الصيف و نجرب تا انا ولكن مكتابش عافاك،
حَيْدر: (بقا ساهي فيها و كيسمع ليها) رقية.. (جر زهور من يديها لبس ليها جيلي و هزها طلعها مور رقية) ردي البال واخا متبعديش بزاف انا هنا كنساينكم،
رقية: كون هاني انسيبي العزيز،
قبل ميتخرك من حداهم جراتو زهور باستو من حنكو و همسات ليه بخفوت: شكرااا بزاااف،
بعدات عليه و تبسمات ابتسامة بريئة هلاتو يزيد يطيح فيها و رجع أدراجو حاضيهم من بعيد و قلبو كيقفز كل ما بانت ليه رقية دارت شي دورة ماشي تا لهيه..
ضربات الخمسة العشية و كل واحد فيهم كيجمع حاجة من قنت.. الا رميساء لي باقة مكرشخة ناعسة.. قربات منها زهور كتفيق فيها بالشوية تا حلات فيها عينيها كترمش..
زهور: نوضي ابيبي نمشيو،
رميساء: واش نعست بزاف؟
زهور: اممم نوضي ياله نمشيو للدار ندوشو نخرجو العشية،
رميساء: ماقادة منسوگ دابا هنننن،
قرب منها مُصعب و ديك ساعة تگعدات زهور لسقات جنب حَيْدر تا هو درعها بيديه و شير لزياد بلي سبق..
كيشوف فيها كتحك عينيها من النعاس و باقة دايخة: ماا فياا لي ينوووض،
مُصعب: اممم واخا..
بلا ميزيد معاها فالهضرة هزها بين يديه تا شهقات خايفة و علقات يديها فعنقو مزيرة عليه.. تبسم و تم غادي و زياد كيشوف فيهم مل واحد جر معاه وحدة و شاف فرقية لي خاشية راسها فتيليفون..
زياد: سنفورة.. (هزات فيه راسها) قدامي و نتي تعميتي بداك التيليفون،
رقية: (تمشات و هو معاها) اجي واخا تعطيني نمرة نسيبي..
صغر فيها عينيه: اش بغيتيها؟
رقية: (هزات كتافها) ماشي انا حنااا لي بغات تهضر معاه،
زياد: حناك زعما جداك؟
رقية: هي بحال جدة ولكن راها جدات زهور،
زياد: واخا دابا نعطيها ليك،
حركات راسها و رجعو لمود الصمت تا وصلو لباركينغ.. لقا مُصعب خاشي رميساء فطوموبيلتها و وقف هو متكي عليها كيساينهم..
زياد: فين الشاف؟
مُصعب: مشا.. (مد ليه سوارت طوموبيلتو) روح نتااقو فالحومة،
شد من عندو السوارت و مشا لطوموبيل و رقية تابعاه من اللور.. طلعات القدام و طلع حداها كيسوگ و هو عريان من الفوق.. بكم التيشيرت ديالو
لبسو مُصعب..
موقفو حتى للدرب.. لقاو طوموبيلة حَيْدر مبلاصية.. هبطو كلهم و شافت رميساء فرقية: قصيورة اجي شديني انطيح،
رقية: شتي النعاس وسط البحر شكيدير،
زياد: باباي سنفورة،
رقية: هههه باباي بابا سنفور.. (شافت فمُصعب) بسلامة خويا،
حرك ليها راسو و طلعات جارة رقية بحال الا سكرانة.. مع حلو الباب لقاو حَيْدر هاز زهور لي ملوية فبينوار مدخلها للبيت بقات وحدة كتشوف فوحدة مفاهمين والو..
دخلها للبيت حطها فوق الناموسية و شد ليها فيديها: واش صاڤا نديك للطبيب؟
زهور: لا لا والله غي العيا باس شداتني الدوخة غي سير ترتاح،
حَيْدر: (باس ليها يديها و راسها) رتاحي نعسي تا ليل و نصوني ليك وجدو راسكم واخا،
زهور: واخا صافي مون هاني،
حَيْدر: الصغيورة ديالي..
بجغ ليها حنكها بالبوسان و خرج من عندها.. ياله غيخرج مع الباب وقفاتو رقية بهضرتها: نسيبي العزيز شوف راه عطيت نمرتك لماما غتصوني ليك راه حنا بغات تهضر معاك،
حَيْدر: واخا شكرا اختي،
خرج من تما نيشان لطوموبيلتو مكيقشعش قدامو.. لوطورط ديريك لكازا.. دوز ديك الطريق بحال الأعوام وصل عندها للدار مكره و حل الباب..
لقاها دايرة وجل فوق زجل و كتشوف فيه: شرفتي امولاي،
خنزر فيها بنظرة كتق//تل و قال: تقادي و عرفي اش كتخرجي على فمك..
زدح الباب بيديه تا قفزات من بلاصتها و قرب منها: شكون جاب ليك الخبار.. (سكتات كدور فعينيها) اووك سمعي ابنتي مادام عرفتي عرفتي هناا سالينا.. عمرني واعدتك بشي حاجة و عمرني قلت كنبغيك.. من دابا للفوق نتي تحت حمايتي و تا حاجة مغتبدل من غير علاقتي بيك نشوفك مرة مرة حد هنا و سالات،
بقات كتسوف فيه شحال و ابتاسمات ليه.. ابتسامة خلفها جروح كتيرة: عندك الحق عمرك واعدتيني جا وقت النهار لي قلتي ليا عليه.. اووف الله يكمل عليك بالخير فرحت ليك،
حَيْدر: احتاجيتي شي حاجة صوني..
عطاها بالظهر و خرج.. بقات شحال جالسة كتشوف فالباب تا هزات تيليفونها و دوزات لرقمو: ألو،
رائد: يا هلا بالحبايب شنو ازين فكرتي؟
ندى: (هزات عينيه فتصويرتو لي معلقة فالحيط) انا معاك يدي فيديك بغيتو يكون ديالي،
رائد: مزيااان هكك نبغيك تسناي مني آبيل،
قطع عليها و عينيها اعتلاتهم نظرة.. نظرة التملك نظرة جنون و حب: نتا ديالي.. ديالي بوحدي.. انا لي عرفتك اللولة،
من عند ندى نيشان لأكبر مركز الترفيه فكازا.. كراه ليلة كاملة بوحدو حط فيها فلوس صحيحة و خرج كيضحك على راسو و لاشنو وصل ليه.. عارفها مامدوزاش طفولتها و باغيها دير اي حاجة تكون نفسها فيها.. معاه
اللعب و الدوران و تشوف و تلبس و لكن كولشي يكون معاه.. هو يخرجها.. هو يساريها.. هو يلعبها و الا اقتضى الأمر يلعب معاها.. تلبس و هي معااه و تشوف و هي معاه..
مباغيش يحسسها بالنقص.. مباغيش يزيد يحكل الحياة فعينيها.. لا أب لا أخ لا أم لي تحن.. هادشي عارفو ضارها و لكن معارفش كيدير يخرج منها الهضرة.. و فنفس الوقت مباغيخاش تبكي..
ركب فطومربيلتو راجع أدراجو للمحمدية مع دخل للدار لقا الدراري كل واحد فين مليوح و مو مع حجيبة فالكوزينة لقا السلام فالباب و طلع ديريكت لدارو..
خدا دوش على خاطرو و خرج ملوي عليه فوطة و كيمسح على شعرو بفوطة فيديه مع دخل مع الباب لقا مو جالسة فوق الناموسية..
تبسم ليها و قرب باسها على راسها: حنانتي،
تنهدات كتشوف فيه و جراتو حداها جلساتو: غي قولي اراحتي فهاد الدنيا اش بغيتي من بنت صغيرة،
حَيْدر: (بهدوء) علاياش كتقلب احنانتي؟
باهية: كنقلب تقولي اش ناري معاها،
حَيْدر: (هز يديه كيحسب ليها) أول حاجة ديك البنت انا ولي أمرها قانونيا.. تاني حاجة ديك البنت حلالي احنانتي غي دخلي هاد الهضرة لدماغك.. تالت حاجة.. (هبط جلس على ركابيه قبالتها و باس ليها يديها بجوج و خشا راسو وسط كفيها كيشم ريحتهم و يمرغ وجهو وسطهم) تا وحدة ما تجي بلاصتك احنامتي خوي بالك،
بقات كتشوف فيها كيفاش مخشي وسط يديها و يشمشم قاعدة من صغرو ولفها معاها.. هبطات راسها باستو فوق راسو و رجعات تهزات تا هز فيها راسو..
باهية: (بحنية) لي كانت راحتك فيها اولدي الله يرضي عليك،
حَيْدر: هني بالك احنانتي هلى بالي يهنا.. (وقف باس ليها على راسها) مكاينش فمقامك،
وقفات عنقاتو و طبطبات عليه و خرجات من بيتو هبطات لتحت.. بقا هو ميشوف قدامو مضغر عينيه و كيغزز شفايفو.. دار يلبس حوايجو تا سمع تيليفونو كيصوني.. هزو و حاوب ديك ساعة: ألو،
طامو: وليدي لاباس،
حَيْدر: الحمدالله اميمتي نتي الصحيحة،
طامو: الله يرضي عليك.. وليدي كتسمعني مزيان بغيت ندوي معاك فشي حاجة!
حَيْدر: (حط كولشي من يدو سد الباب و جلس فوق الناموسية) هانا اميمتي كنسمعك،
تسمع السكات من طرفها لمدة تا هضرات بصوت مغنغن ببحة البكاء: سمعني اوليدي كي عطيتك وريدتي و ماقالت ليا رقية مهلي فيها و فرحانة بغيتك تكمل على خيرك.. بغيتك تزوج بوريدتي اوليدي راه غيديرها الكفرة بالله داك المسخووط ديال نوفل جا كيحرش فبااه هنايا كيقولو انا عارف فين هي و نمشيو نجيبوها.. الا جابوها لهنا اولدي غيق::تلوها و انا معندي صحة لي نقدر نجي فوجهم الله يرضي عليك اولدي تزوج بيها نتا وليها و راجلها و اش ليها فهاد الدنيا انا شيبانية و رجل فالدنيا رجل فالآخرة دير بكلامي بغيت ليك الرضى،
بقا ساكت و يدو كتزير على تيليفون و نطق بصوت حاد: كوني هانيا الحاجة بنتك فالآمان ميكون غي خاطرك.. حساب نوفل يتخلص يتخلص،
طامو: (بفرحة) انا راضية هليك كيما مرديتيهاش فوجهي بغيت ليك الستر اولدي.. براكة على داك المسخوط غي شدرتي فيه،
حَيْدر: متجيش اميمتي تجلسي معاها هنايا؟
طامو: لا لا اوليدي دار المرحوم ما نخرج منها الله يرضي عليك تهلا فراسك و تهلا فيها..
قطعات عليه هلاتو كيشوف قدامو بغل تكره لأقصى درجة.. مكانش باغي زواجو منها يهاد الطريقة.. و لي زاد غددو هو نوفل.. و لكن ميقدرش يخليهم يديرها من قدام عينيه.. ميقدرش يخليهم يردوها للحگرة و الضرب و القمع..
هز تيليفونو سيفط ميساج للمحامي ديالو و ناض كيلبس حوايجو و عقلو كيدور فهادشي لي وقع ليه عاد دابا..
قرب من السرجم دبيتو و طل منو تا كتبان ليه.. صغيرتو محبوبة قلبو.. جالسة و خاشية راسها فتيليفون..
تبسم جنب و هز تا هو تيلي ديالو سيفط ليها ميساج..
💌: مغتنعسيش اشهلة العياني براكة عليك من داك تيليفون؟
بقا حاضيها تا بانت ليه ضارت بزربة جيهتو مخرجة عينيها.. حبس الضحكة بالسيف و حنا عينيه لتيليفون فاش بانت ليه كتكتب،
💌: عاد قطعت مع حنا و مجانيش النعاس.. فين انمشيو العشية!
حك راسو بقا كيشوف فداك الميساج.. معرفش واش يقول ليها شنو كاين و لا يسكت تا يلقا حل..
💌: مفاجأة نوضي تكاي ترتاحي ياله..
حط تيليفون و هز عينيه ليها تا بانت ليه تحركات و دخلات لبيت تمخششات ففراشها..
x