قصة بريئة بين الذئاب ـ بارت 1

فواحد دار صغير وقديمة حيوطها مقشرين وبابها مسدي كانو ناس كايدخلو ويخرجو وصوت القرأن مطلوق دليل على انها دار العزو
كانت بنت صغير 18 عام من عمرها ) كالسة فالعتبة ديال الباب حالة عنيها بصدمة ودموع كايهبطو من عنيها شلال مامتيقاش بلي صافي كولشي سالا
وقفات حداها مرة كبيرة فيديها عكاز ونطقات ودموع فعنيها :شروق بنتي نوضي دخلي الداخل براكة علبك من الحزن
شروق هزات فيها عنيها لي حومر بالبكا ونطقات بنبرة مجروحة : ماما مشاات اخالتي انا صافي بقيت بوحدي
تنهدات المرة بحزن وكلسات حداها هزات يديها مسحات لبها دموعها ونطقات ؛ نتي ماشي بوحدك ابنتي حنا كولنا هنا عائلتك
حطات راسها على كتفها وغمضات عنيها بحرقة كاتفكرة الأم ديالها لي ماتت وخلاتها بوحدها لا حنين لا رحيم ...تنهداات تنهيدة طويلة من اعماق قلبها : كون غير كنت عارفها مريضة ...كون غير علماتني باش نستاغل اخير ايامها معيا ( حلات عنيها سوداء ك الطلام ونطقات مرة اخرة ) علاش مكالتش لبا انها مريضة وقريبة تموت اخالتي رحمة
رحمة بحزن دوزات يديها على شعرها البني : ماماك مكانتش بغاك تقلقي فاش تعرفي بلي مريضة وكاتعيش اخر ايام حياتها
شروق حطات يدها على قلبها : هي هكا حرقاتني ( كاضرب سدرها بجهد ) حرقاتني وقتلاتني اخالتي .علاااش ؟ علاش اماما علاش خليتيني بوحدي هئ هئ شكون يحن فيا اماما شكون يسول فيا واش كليت ولا لا واش تغطيت ولا لا شكوون ( حطات رتسها على الباب ورجعات نطقات بنفس نبرة ) شكون اماما يسول فيا الى تعطلت شكون يبقا سهران حتى نوصل ..اماما راه دار باردة بلا بيك اماما راه مانقدرش ندخلها الى ماكنتيش فبها
رحمة تنهدات بحزن بقات فيها هاد البنت البريئة لي تحرمات من واليديها بجوج وهي فسن صغير بقات وحدانية لا من يحن فبها ولا من يسول فبها
وقفات رحمة مسحات دموعها ودخلاتها معها لداخل لبيتها لي كان بيت صغير على قد ااحال فيه ناموسية صغيرة فالقنت مع طابلة وكرسي حداها وماريو صغير فالجنب لاخر
تكاتها فوق ناموسية ونطقات : نعسي ابنتي ترناحي انا شوية ونرجغ عندك
اخلاص جمعات رجلبها على شكل جنين وعنقات عندها تصويرة ديال مامها وغمضات عنيها كاتحاول تستسلم النوم
وبالفعل داز شوية دالوقت وغمضات عنيها وفالخارج كانو عيلات درب كايديرو العشا الناس حيت هي معندهاش عائلة
دازت سيمانة هكاك عند شروق بحال شي كابوس كاطلب الله انها تفيق منو ناس كاملين مشاو ودار خوات عليها من غير رحمة لي مرة مرة كاتسول فيها ولكن مكايبقا فالقبر غير مولاه حتى رحمة غايجي نهار لي حتى هي ماتبقاش تسول
كانت واقفة قدام المرايا كاتسرح شعرها وكاتشوف فوجها لي
ولا شاحب وكحل وعنيها لي دبالو بسبب قلة نوم ولبكى
تنهدات بعمق وناضت وقفات حلات الماريو ديالها خدات منو كسوى طويلة فالكحل لبساتها وجمعات شعرها كعكة مهملة وتمات خارجة برا (هادي كانت اول مرة تخرج من دار من بعد موت الأم ديالها )
شدات طاكسي وتوجها الخدمتها لي كانت فواحد الكافي كاتسربي فيه مع دخلات تلقات مع مول شي فالباب يلاه بغات تهضر تشرح الغياب ديالها حتى كان سبقها ونطق بحدة ) تبارك الله تبارك الله عاد طفات عليك شمعة
شروق : سي براهيم ان..
ابراهيم قاطعها بصوت عالي : خرجي عليا الالة مابقا عندك شغل هنا
شروق عنيها عمرو بدموع : عفاك اسي براهيم سمعني انا راه مجيتش وغبرت راه ماما ماتت وماقدرتش نجي
ابراهيم : والى نتي ماماك مات*ت انا نسد القهوى حتى تجي على خاطرك
شروق : عفاك ماتجريش عليا انا راه ماعنديش منين نخلص الكرا والماء وضوء وزيد عليها المصاريف
ابراهيم : سمعي الالة هادشي كان خاصك تفكري فيه قبل ماتغبري هاد سيمانة كاملة ....ودبا خرجي قبل مانخرجك بطريقتي
شروق حنات راسها ودموع كاينزلو من عنيه شلال مالقات ماتقول ولا باش غاتقنع واحد قلبو من الحجر لا والحجر رطب منو تمات خارجة بحال شي جتة هامدة مقداش تلوح رجليها وصدمة غلبات عليها
وصلات قدام دارها لقات مول الكرا وقف فالباب تنفسات بعمق وزادت عندو
شروق : نعام اسي هيشام
هيشام طلعها وهبطها بعنيه : ختي ليوم 1 جيت ندي رزقي
شروق دوزات يديها على وجها بحزن : صبر عليا واحد سيمانة نوجد لبك فلوسك انا دبا مخدماش كيف كاتعرف ماما يلاه ماتت الخدمة لي كنت خدامها خرجت منها ادا ماعندي مانش نخلصك هاد ساعة
هيشام قرب عنها : شوفي اختي انا مولف نشد فلوسي فهاد نهار وبلاما تقوليلي لا ماما ماتت ولا خرجت من الخدمة بغيت فلوسي دبا هي دبا
شروق : عفاك لما تفهمني ان
هيشام قاطعها : وحدة من جوج يا فلوسي دبا يا من هنا العشية تخوي دار
شروق بصدمة : كيفاش نخوي دار انا فين غانمشي
هيشام :ماشي سوقي ضبري راسك فالعشية نلقاك جمعتي حوايجك ماعنديش هنا اوطيل
لاح ليها هاد الهضرة لي بحال السم ومشا خلاها واقفة فلاصتها مامتيقاش اش كال ليها حلات الباب وهي كاترعد ودخلات طاحت فالأرض وحطات يديها على قلبها كاتبكي وتشهق بحرقة ماعرفاتش علاش كولشي ولا ضدها علاش حتى لنهار لي ماتت مها عاد كولشي تقلب عليها
حسات بيد تحطات علبها لقاتها رحمة تلاحت فحضنها وهي كاتبكي وتكول مابكات والو
رحمة بستغراب: مالك ابنييتي
شروق: جراو عليا من الخدمة اخالتي وزيد عليها مول دار قالي من هنا العشية نخوي دار انا فين عندي نمشي فيين
رحمة : لا حول ولا قوة الى بالله ..نوضي ابنتي يلاه معيا نوضي
شروق ناضت وقفات وهزات صاكها لي كان مليوح تما وخرجات بلما تنطق بشي حاجة خلات رحمة غير كاتعيط ليها ولكن لا من يجيب
شروق كاتمشا وهي حانية راسها كاتفكر فين غاتمشي ولا فين تعطي براس
كلسات على واحد الحجرة وحنات راسها شاردة فهمومها فكرة تديها ولخرى تجيبها حتى تفكراتها تنهدات وناضت وقفات بدون تردد غادة عندها
من بعد طريق طويلة وصلات قدام واحد الكباري كبير وقديم وتقليدي ابوابو من الخشب
وقفات كاتشوف فيه مدة عاد توجهات عند واحد من الحراس لي واقفين قدام الباب ونطقات
شروق : بغيت نشوف امان
واحد فيهم نطق موجه كلامو لصاحبو : دخل عيط ليها
مشا دخل عيط عليها وما هي الى تواني قليلة حتى خرجات امان كاتلوي فخصرها وهي كاتمدغ فالمسكة بطريقة مييعة
شافت ف شروق بستغراب ونطقات
امان : ياك لباس اشروق اش جابك عندي
شروق : ختي امان انا محتجاك عاونيني
امان كاتلوي فمها بغرور : فاش غانعاونك ابنت فاطيمة
شروق مسحات دموعها : انا .. انا بغيت نخدم بلاصت ماما
امان طلقات ضحكة مجهدة : واش منييتك نتي غاتخدمي هنا
شروق كاتحاول تستحملها : اه غانخدم فبلاصت ماما
امان طلعات فيها حجبانها : اممم .اكي تبعيني
تمشات وهي كاتعوج وشروق مورها حتى دخلات
الكباري كان كبير بزااف من داخل عكس مظهرو المتواضع من برا كان بحر… كانت داخلا و قلبها كيزدح بين ضلوعها.. و السيناريوهات كيضورو فدماغها ،كتبلع فريقها وكادور راسها يمين وشمال...كتخطي الخطوة بزز ما حاملاش هاد لبلاصة عارف راسها هنا غدير شي حوايج عمر كانت تتخيل غديرهم ولكن اش غدير هدا بنسبة ليها الحل الواحيد لي بقا ليها
وقفات فاش شافت امان دارت ليها اشارة بيديها بمعنة وقفي هزات راسها كادور عنيها فالمكان كان خاوي فيه غير الخدمات لي واقفين مجمعين
بقات غير كاتشوف وكاطلب الله انه يعاونها ورشدها لطريق الصحيح
عند امان طلعات الجناح لي لفوق ووقفات قدام واحد الغرفة حنات راسها ودقات فالباب مع سمعات الرد حلات الباب شافت جيهت البالكو بان ليها شخص ف 30 من عمرو واقف وشاد سجارة فيديه دار عندها ونطق
..... اش كاين تاني
امان حانية راسها : سي داود ..... بنت فاطيمة جات بغات تخدم بلاصت مها
داوود دار غادي جيهت المكتب ديالو طفا سيجارة وكلس ربع يديه ونطق : شنو قلتي
امان مزالة حانية راسها : بنت فاطيمة.... جات بغات تخدم بلاصته
داود هز فيها عنيه : واش هي متأكدة غاتخدم بلاصتها
امان : اه اسيدي هي قابلة
داود : اممم ..اوكي نشوفوها بعدا
امان : واخا اسيدي هاهي لتحت انا نطلعها عندك
تمشات الباب وهي مزالة حانية راسها حلات لباب ورجعات سداتو موراها وقفات وهزات راسها قدات شعرها وخرجات سدرها عاد تمشات وهي كاتعوج وقفات فدروج كاتشوف فشروق لي مزالة فبلاصتها ونطقات
امان : هييه طلعي
شروق هزات فيها عنيها وتمات طالعة وهي كاتنهد وصلات عندها لقاتها مشات وقفات قدام البيرو ديال داوود ونطقات وهي كاتشوف فيها
امان : اجي دخلي عند سي داوود بغا يشوفك
شروق صغرات فيها عنيها : شكون داوود
امين رجعات شعرها مور ودنيها : من الأحسن ماتبقايش تسولي بزاف ..( دقات فالباب ) دخلي
شروق حنات راسه وتمات داخلة وهي كاتفرك فصبيعاتها حلات لباب وهزات راسها كانقلب عليه بعينيها بان ليها داير بالكرسي جيهت الحيط رجعات حنات راسها ونطقات بصوت شبه مسموع
شروق : سلام
داوود دار عندها طلعها وهبطها بعنيها كي صقر كايدير ليها سكانير حتى شبع فيها شوفة عاد نطق
داود : نتي بنت فاطيمة
شروق كاتحاول تخطف منو شي شوفة : اه
داود ربع يديه وسد ضهرو مع الكرسي : اممم ..شنو سميتك وشحال فعمرك
شروق : سميتي شروق عندي 18 سنة
داوود صغر فيها عنيه : وغاديري داكشي لي كانت كادير ماماك
شروق هزات فيها عنيها ولحضة سهات فيه كان زوين بشرتو بيضاء وحروفو كوحل عنيه عسليين ولحيتو سوداء مقورة ...فاقت من سهوتها فاش شافتو طرطق صبعانو ورجعات حنات راسها ونطقات : اه
داوود وقف وهز تليفونو ورجع شاف ف شروق :واخا ...اماان
امان حلات الباب وهي حانية راسها : نعام اسي داود
داود حاني راسو على تليفون : وجدوها
امان شافت ف شروق : تفضلي معيا
شروق شافت ف داود ونطقات : وخا
امان مشات عندها جراتها وحلات الباب وخرجات فالوقت لي حط داوود تليفون على ودنيه ونطق من بعد ماسمع الرد : وجد راسك عندنا ليك واحد المفاجأة هاد ليلة
كال هاد الهضرة وقطع وتم خارج هبط لتحت بانو ليه شي خدمات شاف فيهم ونطق : ليوم بلاما تحلو
هي حانية راسها : واخا اسيدي
داوود خرج على برا طلع ف طموبيلتو وديمارة المجهول
داز الوقت وشروق كانت واجدة من بعد ماتكلفو بيها بزاف ديال البنات دوشو ليها ودارو ليها لاصير الحمها كامل وليماصك الوجها حتى رجعات كولها كاتشعل
كانت واقفة وحانية راسها كاتفكر فأول نهار ليها فهاد الخدمة لي لاحت ليها راسها
دخلات امان كاتعوج بحال ديما وكاتمدع فديك المسكة غير شافت شروق طلقاتها بواحد تصفيرة طويلة ونطقات
امان : قوووقة ..لييوم تلفيلنا سي جون على القبلة ..ولكن فين كاعرفها بعدا
شروق شافت فيها بااستغراب مافهمات والو : شنو ؟
امان : يلاه الى واجدة شيفور كايتسنا فيك
شروق طلعات فيها حجبانها : علاش شيفور ..انا فين غانمشي
امان : اوووه طلعتي ليا فراسي بقوة الأسئلة
شروق حنات راسها : سمحيلي
امان : من الأحسن ماتبقايش تسولي بزااف ماماك دارت بلاصتها غير حيت كانت كاسكت ومافيهاش قوة الهضرة
شروق : ولكن ..
امان قاطعاتها : يلاه يلاه زيدي قدامي
شروق حنات راسها مدة كاتفكر عاد شافت ف إمان ونطقات مرة اخرى : ماما فاش كانت خدامة
إمان شافت فيها بستغراب : واش منيتك ..
شروق : جاوبيني
إمان : لا حولة ولا قوة الى بالله ...واش ماكنتيش عارفها فاش خدامة وكاتقولي نخدم بلاصتها
شروق : انا ... كنت كانكول انها خدمة هنا على اساس فام ميناج
إمان طلقات واحد الضحكة تسمعات فالكباري كامل
شروق : علااش كاضحكي
إمان : ضحكتيني اغزالة ...ماماك كانت خدامة عند سي جون كليان قديم عندنا عندو 50 عام عايش بوحدو وحيت هو ماعزيزش عليه صداع ديال الكباريات ختار ماماك ..من بين الرقيصات لي هنا وخدها معاه لدارو باش ترقص ليه وترضيه فأي حاجة بغاها...امم بمعنى اخر كانت هي العاا*هيرة ديالو
شروق بصدمة : شنو ؟؟
إمان : يلاه دبا تحركي راه شيفور واقغ برا
شروق كاتحرك راسها بلا : لا لا لا انا مغانقدرش ندير هادشي ..مغانقدرش
إمان ربعات يديها : واش يحساب ليك بحال دخول بحال خروجو ..نتي معارفاش راسك معامن وحلتي ...راه عائلة كريملي هادي
شروق دمعو عنيها : عفاك عاونيني ..مانقدرش نخدم هكا
إمان تنهدات حيت بصح بقات فيها : فاش ماكنتيش عارفة ماماك اشنو كانت كادير علاش جاية
شروق تكات على الحيط : ماكنت عارفة حتى حاجة ..معارفة وااالو
إمان قربان عندها وحطات يديها على كتفها : فاطيمة نهار جات لهنا جات على اساس باش تشطح وترضي الكليان لي كايجيو كل ليلة عندنا هنا
شروق مامتيقاش شنو سمعات : لا مايمكنش ماما كالت لي انها كاتجي لهنا باش تسيق فقط مكايناش شي حاجة اخرى
إمان : واش عارفة سبب موت ماماك
شروق : ماما كانت مريضة داكشي علاش ماتت
إمان ؛ اه مريضة ..بسيدا وهاد المرض هزاتو من واحد من الكليان لي كانو هنا
شروق حطات يديها على ودنيها وكاتغوت : صافي سكتي سكتييي ( طاحت الأرض ) نتي كدابة ماما مكانتش مريضة ..هئ هئ نتي كاتكدبي علي
إمان كلسات حداها : هادشي لي كاين ..نوضي دخلي الداخل انا غانصيفط شي وحدة اخرى بلاصتك
كالت هاد الهضرة وناضت دخلات الداخل تعلم البنت لي غاتمشي بلاصت شروق توجد راسها اما شروق بقات غير فبلاصتها مكمشة وكتبكي بصمت مامتيقاش اش سمعات على مامها
فمكان اخر وبضبط فواحد درب حبس بطموبيلتو قدام واحد دار لي كاتبان قديمة بزاف وبابها غير من الخشب.... هبط وسد الباب وشاف جيهت الرجالو لي نزلو حتى هما دار لبهم اشارة باش يتبعوه قرب جيهت الباب وضربو بالركلة وحدة جا طايح بحكم انه قديم وراشي
.. جبد الفردي من السمطة دسروال وزاد بخطواتو الداخل كايقلب بعينيه حتى بان ليه راجل كبير شوية فالعمر لي بدورو غير شافو جا كايجري ونطق بنبرة الخوف
..... سي د داوود
داوود : اش بان ليك اسي لشكح
هو حنى راسو : سي داوود صبر عليا غير واحد الأوسبوع
داوود : تء تء تء شحال وحنا صابرين ..4 اشهر هادي باش قلتي انك غاتوجد لينا امانة ديالنا ف أوسبوع
هو بترجي : سس .... سي داوود عفاك ماعنديش دبا
داوود : وشنو حادك غير تجي تطلبهم ..وكباار عاد ..اسيدي لي ماعندوش مكايلعبش مع لي كبر منو
هو صمت وحنا راسو فالوقت لي رجع داوود نطق : يا فلوسي دبا يا غاتحرك قدامي تخلص
هو هز فيه عنبه وبدون تردد نطق : انا نقدر نعطيك بنتي بلاصت الفلوس ..
داوود صغر فيه عنيه بستغراب بلاما ينطق بشي كلمة فالوقت لي رجع لشكح نطق وهو كايحاول يقنعو : بنتي فعمرها 22 عام صغيرة وزوينة وفوق من هادشي مزالة عزبة يعني هي ممكن ترجع ليك فليلة وحدة داكشي لي كاتسال بالضوبل
داوود شاف فواحد من رجالو ونطق : اش بان ليك
هو : نت تعرف اسيدي
داوود رجع شاف ف لشكح : فين هي
لشكح : دبا خارجة ولكن نقدر نعيط عليها
داوود : اوكي جيبها نشوفوها و..
سكت فاش سمع صوت اونتاوي رقيق موراه
.....شكون نتما وشنو كادورو هنا
داوود دار جيهتها كانت بنت فقتبل العمر واقفة فالباب ومربعة يديها كادير فيهم شي شوفات ديال الموت
.....واقيلة سولتك شكون نت وشنو كاديرو هنا
داوود شاف ف راجل ونطق : هادي هي البنت
هو حنا راسو ونطق بصوت شبه مسموع : اه
داوود رجع شاف فيها ونطق بصوت عالي : عتابر دين ديالك تخلص اسي لشكح
هي مفاهمة والو ..: بابا شنو واقع هنا على اشمن دين كايدوي هدا ....ماتقوليش تاني رجعتي القمر ابابا
داوود : عماد ديه
صغرات فيه عنيها : فين بسلامة
داوود قرب عندها : كايبان ليا فيك الهضرة بزااف
ربعات يديها وهزات فيه عنيها وبحدة قالت : دبا غاتجمع عليا رجالك وتخرجو من دااري ..ولا مايعجبك لحال
داوود : امممم ...وخا احنا غانشوفو
دار شاف ف الأب ونطق موجه كلامو البنت : فراسك بلي هدا باعك ب 25 مليون ...
هي شافت ف باها بلا اي ردة فعل نطفات : ومن بعد ...بابا كايبع اي حاجة على قبل القمر
داوود شاف فبها : ادا وبلا قوة الهضرة زيدي قدامي
هي تنهدات بحرقة : انا مغانمشيش معاك دير لي فجهدك اسييي ....
داوود : اوخا ...عماد دير خدمتك
قال هاد الكلمة وخرج توجه لطموبيلتو طلع وربع يديها كايتسناهم حتى بان ليه عماد خارج وهازها بين يديه وهي مرخية كيف شي ريشة وهادشي وقع من بعد دار ليها منوم على نيفها
حل الباب وحطها فطموبيل وديمارة خلا داوود مبتاسم حيت خرج بورقة رابحة شاف ف الأب لي كان واقف فالباب ومتبع عنيه لطموبيل لي مشات كلاكسونا عليه وجا عندو كايجري شاف فيه من زاج ونطق
داوود : شنو قلتي سيمتها
هو : جوهرة اسيدي
داوود : اممم. مزيانة
نطق هاد الهضرة وديمارة تابعهم فالوقت لي نطق لشكح وإبتسامة على شفايفو : اوووه الحمد الله تهنيت من هاد ادين بعدا
........
نرجعو عند شروق لي مزالة مكمشة بلاصتها وكاتبكي فصمت كاتحس براسها فدوامة كبيرة وعقلها قرب يحبس بقوة التفكير ...ماقدراتش تييق ان الأم ديالها كانت كاتمارس زينة وانها ماتت بسبب سيدا ..وكاع داكشي لي كانت كاتقول ليها طلع كدووب فكدوب
مسحات دموعها ونطقات بنبرة مجروحة : علااااش اماما علاش ...كنتي كاتقوليلي اناني خاصني نحافض على راسي وخاصني نخدم وندمر عليها وماندورش بطريق الحراام ( هزات كتافها ) طلعتي نتي اماما لي داخلة فهاد الطريق ...نتي لي كنتي المتل الأعلى ديالي كنت كانفتاخر بيك اماما ولكن ..مع الأسف ليوم كولشي راب ف تانية وحدة ..ليوم اماما خليتيني ندخل راسي بين ناس موسخين ..بين ذيااب اماما
إمان واقفة على راسها : نوضي دخلي لداخل قبل مايرجع سي داوود يلقاك هنا
شروق مزالة حانية راسها : بغيت نمشي بحالي
إمان : سمحيلي ولكن نتي مغاتعاوديش تخرجي من هنا ...
شروق شافت فيها بعينيها الحومر : وعلاش زعما ..غاتحبسوني هنا
إمان : سي داوود لي غايقرر واش نتي غاتمشي ولا غاتكلسي
شروق وقفات وبحدة نطقات : وشكون يكون هاد سيك داوود حتى يحبسني هنا
داوود واقف فالباب : نتي لي جيتي عندي برجليك .. داكشي علاش ماتلومي حتى واحد
شروق دار عندو : اه انا جيت ودبا بغيت نمشي
داوود شاف فالخدام لي واقف فالباب : جيب لي المشروب ديالي البيتي كيف ديما ( رجع شاف ف شروق ) القوانين كايقولو لي دخلات لهنا ماتخرجش
شروق تمشات عندو : اشمن قوانين هادو لي يخليوك تحبسني هنا بزز مني
داوود دار يديه مور ضهرو : قوانين داوود المريني
شروق خنزرات فيه وتمات خارجة الباب يلاه حطات يديها عليه تحلو حسات براسها تجرات من كتفها حتى كانت غاطوح كون ماهو لي شدها قربها عندو وزير على المعصم ديالها ونطق من تحت سنانو
داوود : مزال ماتولدش هدا لي يطيح كلمتي الأرض
شروق كاتحاول تكتم الألم لي كاتحس بيه : طلللق مني طلق ..الحيواا
مجات فين تكملها حتى حسات بحنكها تقسم حتى جات طايحة على ركابيها ...هزات فيه عنيها لي دغيا تغرغرو بدموع ونطقات بصوت مخنوق
شروق : شكون نت باش تحط عليا يديك
داوود هزها من شعرها حتى غوتات بألم ونطق بحدة : انا هو داوود المريني واي واحد هنا تحت قبضتي انا
شروق كاتغوت : طلللق منيي طللللللق
داوود : الى بغيتي تعيشي ونتي مرتاحة غاتخدميني وتعيشي تحت قبضة يدي وتسدي فمك وحني راسك قدام سيادك وكلمتي هي لي غاتمشي ..ولا غاتشوفي لي عمرك شفتيه ( دفعها حتى طاحت مرة اخرة ) ابنت فاطيمة العاهرة
كلمة تخشات فقلبها بحال شي موس حافي هزات فيه عنيها ونطقات مرة اخرة بصوت عالي باش يسمعها حيت كان تحرك غادي لبيتو
شروق : وخا نعرف نموت ومانكلسش فهاد البلاصة
داوود حبس وبلما يدور نطق بصوت مرتفع بدورو : كونو على يقين انك جنيتي على راسك ...( شاف فيها ) عطيتك فرصة ولكن نتي ماتستاهلييش
كمل كلامو وطلع توجه البيتو دخل وحيد عليه حوايجو كاملين دخل دوش بخفة وخرج لبس كيطمة كري مع تيشورت كحلة وسبادري نفس لون وتم خارج ...توجه الكاب كاين تحت الكباري كانو مجموعين تما رجال بزاف غير شافوه حناو راسهم فالحين ليدخل هو لبيت من بين البيوت لي تما ..كانت جوهرة متكية فوق واحد لحيفة رقيقة وهي مغمضة عنيها حيت مزال مفاقت شاف فيها مدة طويلة وجبد تليفونو دوز الخط وبقا مدة كايتسنا حتى سمع الرد ونطق
داوود : دبا تكون عندي ...
كال هاد الهضرة وقطع رجع تليفون لجيبو وتم خارج شاف فواحد من رجالو ونطق : عنيكم عليها فاش تفيق علموني
هو حاني راسو : وخا اسيدي
داوود رجع طلع الفوق وهو كايقلب عليها بعينيه حتى بانت ليه واقفة مع إمان فواحد القنت زير على سنانو وتم غادي عندها وقف عليها وجرها من شعرها وهي كاتغوت مفاهمة والو ..بقا جارها معاه حتى دخلها لبيت من بيوت داك الكباري لاحها فالأرض وسد لباب بساروت وتوجه عندها شدها مرة اخرة من شعرها حتى حسات بيها ناض من جدر ونطق بحدة
داوود : اناااا بنت الخلى بحالك طييح كلمتي الأرض ااااء
شروق غير كاتبكي وتغوت : عفااك طلق مني طللللق
داوود زاد زير على شعرها : شنو قلتي اااء انا حيوان يااك ...وخا انا نوريك الحيوانات اش كايديرو
شروق بقوة البكا قربات تسخف
شروق بقوة البكا قربات تسخف كاتشوف فيه وعنيها كايتقلبو هزات يديها حطاتها على يديه باش مزير عليها ونطقات : اأه حيوان ووخا نعرف نموووت مانقبلش نعيش تحت قبضة يديك
داوود زاد جبد شعرها حتى بعض زغبات تقلعو من جدر : وخا ها حنى غانشوفو
لاحها فالأرض ومشا حل مجر من دوك المجورة لي تما جبد منو حبل طويل ورجع عندها هزها تاني من شعرها وتم جارها خرجها من البيت وطلعها مع دروج وهو كايجرها وهي كاتغوت لربي لي خلقها حتى كاع لي فالكباري خرجو كابطلو ومن بينهم إمان لي عنيها دمعو حيت بقات فيها ولكن ماعندها مادير ليها
داوود بقا جارها معاه وهو كايتحلف فيها حتى سمع صوت خشن نطق بأسمو وخلا كاع لي تما يشوفو جيهت
......داوود اش كادير
داوود دور وجهو شاف فيه كان شخص ف تلاتينات طويل وعامر ملامح ديالو دحال داوود نيشان ...خنزر فيه ونطق
داوود : بقا بعيد اطه
طه طلع عندو كايجري حيد ليه شروق من بين يده ورجعها موراه ونطق بحدة : واااش حماقييتي ولا مالك
داوود زير على قبضة يديه : طه حسن ليك بقا بعيد
طه شاف فشروق لي كاتبكي وتشهق بصوت عالي وهي كاتحاول تخبا فيه : جمع راسك اصاحبي ..وبعد من البنت
داوود دفعو حتى كان غايطيح من دروج ورجع شد شروق تاني من شعرها ونطق بصوت عالي : حسسسن ليك قو**د من هنا ولا مايعجبك حال
طه سند راسو على الحيط : اش بغيتي لاش معييط ليا
داوود : غانكمل مع هاد القح**بة ونرجع عندك
طه حرك راسو بلا حول وهبط لتحت مخليه هو كمل طريقو وهو جارها معاه وهي كاطلب فيه يطلقها ولكن لا حياة لمن تنادي
وصلها لسطح وطلقها حتى تكات على الحيط وحطات يديها على راسها لي داخ بقوة الألم
كاتشوف فيه وهي كاتشهق وقلبها قرب يسكت فالحين لي هو ربط داك الحبل مزيان فواحد الحديدة تما ورجع عندا جبدها من يدها وطلعها فوق واحد الكربة وهي كاتنتر منو لعلى وعسا تفك راسها منو ولكن اش غاتنتر مع تور هايج مكايشوفش قدامو
شدها بيد وربط ليها يديها بيد مزيان حتى قادها وجر ديك الكوربة تحت منها خلاها معلقة فالهوى وهي كاتبكي وتغووت ولكن شكون غايزعم ويقربها
بقا واقف مدة كايشوف فيها ورجع خرج من سطح وسد عليها الباب خلاها كاتغوت لربي لي خلقها هو لي عندها باش يفكها
داوود هبط تند طه لقاه شاد مشروب ديالو كيف ديما كلس حداه وعيط على الخدام يجيب ليه مشروب حتى هو وربع يديه كايشوف ف طه
داوود : لشكح رجع دين لي عليه
طه جغم من الكاس ديالو : مزياان
داوود : ولكن بطريقة اخرة
طه : كفاش هاد طريقة
داوود : عطا بنتو ...
طه شاف فيه : بنتوو..ولكن حنى اش غانديرو ب بنتو ...متلا
داوود شد المشروب ديالو من عند الخدام : غانديرو بيها بزااف ...عذريتها غتباع بفلوس كتيرة
طه حنى راسو كايفكر مدة عاد نطق : اشنو المطلوب مني انا
داوود شرب الكاس دقة وحدة : تديها عندك
طه ضحك بجنب : اش غاندير بيها انا متلا
داوود : انا حاليا كانفكر نسد الكباري واحد المدة ...مابقاش عندي الخاطر نهائيا ..خودها معاك ضروري تلقا شي واحد يبغيها
طه خنزر فيه : واش منيتك باغي تسد ..
داوود : غير شي مدة علما رتاحيت
طه : وخا وهادو لي هنا ..اش غادير معاهم
داوود : عطا الله لكبرات الى بغاو يخدمو على راسهم
طه : وهاديك لي رابط فسطح
داوود شرب من القرعة مرة اخرى : هاديك غانعلمها تحتارم سيادها عاد نطلقها
طه حرك راسو بلا حول وناض وقف دار يديه فجيبو : فين كاينة هادي
داوود كايشرب : لتحت
طه تحرك متوجه لتحت باش يدي جوهرة فالحين لي نطق داوود بصوت عالي ...
داوود : إمااان
إمان جات كاتجري بزرية حنات راسها : نعام اسيدي
داوود : جمعي لبنات كاملين وخرجو انا غانسد
إمان زيرات على عنيها : وخا اسيدي ... وشروق
داوود : هي خليها عندي معها شي حسبات
إمان هزات فيه عنيها بلما تحس : ولكن هي ..
داوود خنزر فيها : إمااان
إمان حنات راسها : سمح ليا اسيدي
داوود : سيري يلاه قو**دي من هنا
إمان دارت دغيا كاتجري تعلم البنات باش يجمعو حوايجهم
طه هبط لتحت طل على جوهرة لقاها مزالة ناعسة شاف ف عماد ونطق : ديها ليا ل طموبيلتي
عماد : وخا اسيدي
طه دار يديه فجيبو وطلع الفوق بان ليه داوود كالس كايشرب مشا عندو ونطق : انا غادي
داوود مكايشوفش فيه :.بغييت الفلوس فأقرب وقت
طه : ماتخافش غاندير كل مافجهدي ..
داوود صمت وكايشرب فالحين لي رجع طه نطق : من الأحسن تطلق ديك البنت تمشي فحالها
داوود : علاش لي طاح على الكنز كايرجع يسمح فيه .....عذريتها ساوية تمن
طه : اممم ....مزياان
داوود : يلاه تحرك من هنا
......
نمشيو عند شروق لي مزالة مدلية بحال شي حولي معلق رجليها كايمشيو ويجيو وهي كاتغوت لربي لي خلقها على امل داك الوحش يحن قلبو شوية وسمعها ..ولكن والو حلقها جف على والو هزات راسها لسماء ونطقات
شرووق : ياااربي عاوني ماعندي حد منغيرك ....ياربي انا دخلت راسي لهاد طريق ..عاوني وخرجني منها يااااربي
سمعات صوت الباب كايتحل دورات راسها بان لبها داخل وهاز القرعة فيديه خنزرات فيه ونطقات : كلب تفوو
داوود ببرود هز الكرسي كلسي مقابل معاها ونطق : راسك قاسح اااء ...ماعليش انا نهرسو ليك
شروق : اش باغي مني
داوود كايشرب : والو نتي قلبتي عليا ولقيتيني
شروق : فكني خليني نمشي فحالي
داوود : تئ تئ مايمكنش نطلقك هكا غانكون خصرت ..انا مكانخصرش
شروق دمعو عنيها : عفااك فك ليا يدي عييت مابقيتش قادرة
داوود هز راسو فسماء لي كانت كحلة وشتاء كاطيح بقطرات خفاف ورجع نطق ببرود : زيدي شوية مزال الحال
شروق غمضات عنيها وزيرات عليه : حيوان
داوود هز فيها عنيه : مزالة زايدة فيه
شروق مزالة مغمضة عنيها : حمار كلب شماتة
داوود حط القرعة من يديه وناض عندها شدها من شعرها وطلق ليها يديها حتى جات طايحة وعطها برجليه لكرشها حتى تقلبو عنيها ورجع هزها من شعرها وزير عليها ونطق وهو كايشوف فعنيها لي حمارو بقوة البكى
داوود :داوود المريني مكايتعاايرش فهمتي
شروق كاتحاول تنطق بشي كلمة : الله ..كح كح الله ياخد فيك الحق
كانت هادي اخر كلمة تنطقها قبل ماتغيب وطيح بين يديه بحال شرويطة ولكن هو وبكل برود طلقها فالأرض وتخطها هبط التحت يبدل عليه حوايجو ولي فزكو بفعل شتاء وخلاها هي طاية سخفانة تحت شتاء
x