الجزء 11 - عَــشِــقْــتُــكِــ إلــى حَــدّ الــهَــوَسْ

بعدها عليه و شد فوجهها كيشوف فعويناتها لي سلبوه من نهار شافهم.. تنهد و نطق بصوت حنين: طيبتي هاد العينين،
زهور: (ببرائة كترمش فيه) اتقول ليا شكون هاديك ياك؟
حَيْدر: (مسلوب بعينيها مزحزحش عينيه) نقول للصغيورتي كولشي،
زهور: و فوقاش؟
حَيْدر: نسالي الخدمة و نهضر انا و صغورتي فينما بغات،
زهور: غي تسالي نمشيو للبحر نهضرو،
حرك ليها راسو هزها بين يديه خاشيها فحضنو مساخيش بيها.. معشوقتو و ملكة قلبو و مراتو الصغيورة غارت عليه.. فرحتو مقادرش يوصفها منين حس بيها كتكن مشاعر اتجاهو..
جلس فوق الكرسي قدام المكتب ديالو و هي فوق حجرو.. حط ليها راسها على كتفو و قال بهدوء: رتاحي بينما ساليت،
الحشمة بدات كطلع معاها و هي مخشية فيه كيف كل مرة كيگلسها نفس الجلسة خبات راسها فعنقو كتنفس.. و هو كيخدم براحة و هي بين يديه.. الخدمة عاد حلات ليه..
جاي من كازا كيطير.. مطل على خدمتو لا على مشاريعو غي بدل حوايجو هبط يدوز موراها هي اللولة.. باغي يعرف الهضرة لي غادي تقوليه و مستبعد الفراق من دماغو حيت آخر حاجة يفكر فيها هي رقية تبعد منو..
وقف فالدرب و جبد تيليفون كيصوني ليها.. علمها بلي راه تحت الدار.. مدازش بزاف تا خرجات عندو بكسيوة فاللون البيض جاية على فصالتها و مرخوفة من الركبة للتحت.. صنيديلة بيضة فرجليها و طالقة شعرها القصير على راحتو.. مكياج خفيف ناعم و تيليفونها فيديها جات كيووت..
قربات لطموبيلتو و حلات الباب طلعات حداه.. طلعات ريحتها مع نيفو خلاتو يغمض عينيه و يستنشقها بعمق.. شاف فيها و تبسم ليها بحنية: شكيليطة،
رقية: (كتشوف فيه بهدوء زينو كيحمقها) حبوبي،
غي قالت ليه ديك حبوبي خرج فيها عينيه و الضحكة كتخرج ليه تا بانو سنانو مستفين.. مد يديه جرها عندو عنقها بجهد و باسها فحنكها: فين كنتي فين،
رقية: ههههه.. (ضورات يديها عليه) كنت عند ماما،
زياد: يخليلي ماما.. (بعدها عليه و طبطب على شعرها) شحال فنيونة هاد البنت،
رقية: هههه واش انبقاو هنا تحرك تحرك،
جبد ليها حناكها و ديمارا خارج من الدرب و غي كيضحك كي الهبيل.. و هي عينيها غي عليه.. مبقاتش كتعرف كيفاش تفسر تصرفاتو.. كيجيوها غراب..
مرة هاهو مزيان و كيضحك.. و مرة كيتقلب فدقيقة.. نهار شافتو النهار اللول كان غي كيضحك ولكن غي ولات معاه كتوقع حاجة بسيطة كيتقلب..
تنهدات بشوية كتفكر و باقين عينيها عليه.. تلفت ليها غي شافها كتشوف فيه غمزها: عجبتك،
رقية: بزااف،
زياد: (عض على شفتو) مقزدرة مع راسك،
رقية: هوكا انا دايرة.. (مدات يديها شدات فيديه لي على الڤيتاس) معندي علاش نبقا نحشم من شي حاجة انا باغاها،
زياد: (زير على يديها) باغيك هك،
سكتات مولاتش هضرات و ابدا عينيها محيداتهمش من عليه.. كيعجبها اه.. كيعجوها ملامحو زعورية لي فيه عينيه لي مايلين للأخضر و لا الاصفر معرفاتش بقات غي حاضياه..
وصلو لوجهتهم و شير ليها بعينيه تهبط.. رخات من يديه و هبطات كضور عينيها تا حسات بيه شد ليها فيديها و شافت فيه: فين جينا؟
زياد: فين نرتاحو و نهضرو،
مزادش فوق هاد الكلام و جرها جنبو دخلو لقهوة لاطيراس ديالها كامل على البحر.. زيدها قدامو باش يحضيها تا خرج عينيه فالكسوة لي مزيرة على ترمتها و مبينة فصالتها كاملة.. قرب منها لصق فيها دغيا مدرقها و عينيه رجعو كيضورو كيشوف فأي واحد شاف فيها اولا عينيه فيها..
ختار طبلة بعيدة على الناس و جلسها عاد جلس هو و خنزر فيها تخنزيرة دالعاداو.. خلاتها تسرط ريقها و مدات يديها شدات فيديه: مالك واش بيك شي حاجة؟
ميل فيها راسو و شير ليها بيديه تقرب.. حنات راسها لعندو و قرب منها بدورو همس حدا وذنيها: شنو ديك اللباس؟
رقية: مالها كسوة،
زياد: كسوة!! (ضحك و حرك راسو) باغة بنااادم يشوف فيك امممم باغوهوم يحلو فمهم فطايتك و لا؟
رقية: (عقدات فيه حجبانها) واش كتهضر من نيتك؟
زياد: (خبط الطبلة بيديه و غوت) وااااش هااادااا لباااس،
قفزات من نبرة صوتو و شدات ليه فيديه كتشوف كلشي كيشوف فيها.. قربات منو و دوات بهمس: زيااد بشوية راحنا فالزنقة،
زياد: (زير على يديها و خرج فيها عينيه) آخر مرررة ارقية آخر مرة،
رقية: واخا ازياااد ولكن راه هادا هو لباسي!
زياد: يتبدل،
رقية: واخا مدام انا انبدل فيا شي حوايج تا نتا غتبدل باش نكونو متعادلين.. (هزات فيه حاجب و تبسمات بمكر باغة توريه الحكام) درتي شي حاجة من الحوايج لي مبغيتكش ديرهم تا انا اندير من لي مباغينيش ندير اش بان ليك؟
زياد: (ضحك بالجنب عرفها باغة تلعب) جاتك،
قلبات فيه عينيها و حولاتهم للبحر فاش وقف عليهم السرباي..
حط ليها الموني قبالتها و هي كتشوف فالبحر و كتفكر فاش طيحات راسها.. عارفاه مرييض فمخو ولكن باغاه..
هزات لموني بين يديها و طلبات اشنو بغات و ربعات يديها فوق الطبلة و شافت فيه بابتسامة لعوبة: نبداو؟
زياد: (ربع بحالها و تبسم باستفزاز) نبداو ابنتي،
رقية: اول حاجة تا وحدة متكون عندك و لا كتعرفها السلام و عليكم هي التالية مكايناش تا نمرة ديال شي بنت متبقا عندك انا بوحدي لي نكون.. (ضحكات ليه) الا نتا كتم:/وت بالغيرة انا راني مريضة بيها،
حنى راسو كيضحك و هد تيليفون حلو و حطو بين يديها.. فهمات بلي بغاها بيديها تمسح كولشي.. تا هي جاها هكك حسن هزات تيليفون و دازت على كولشي مخلات ليه تا بنت لا فالواتساب لا فانسطا لي اصلا قليل فين كيدخل ليها.. لكونطاكط و التصاور مخلات تا وحدة..
هو حاضيها و فعينيه نظرة حنينة مخلطة بالفرحة.. عاجبو الحال و هو كيحس بشي واحد مهتم بتفاصيلو.. عض على شفايفو فاش شافها هزات تيليفون قدامها كتصور فهمها طايرة بلي دارت تصويرتها فالفون ديكخون..
سالات من تيليفونو و حطاتو قدامو بضحيكة على شفايفها و قالت: هدا مسمار و طرقناه ندوزو لتاني،
زياد: غي خوي ابنتي ما عندك،
رقية: الشك لي فيك نقص منو.. (حركات ليه راسها فاش شافتو هز فيها حاجب) تيق فيا و جرب الا درت شي حاجة فظهرك ديك ساعة حكم عليا باشما بغيتي انا من يدك هادي ليدك هادي،
زياد: (صغر فيها عينيه) جاتك،
رقية: ههههه صافي باراكة عليك.. (شدات فيديه شابكات صباعهم) متفلاش عليا انا غنكون معاك بنيتي صافية غي متفلاش عليا،
هز يديها لفمو باسهازو طول فيها الشوفة.. عارفها ماشي من النوع لي كيعرف.. مولف بالوسخ و لي غي تابعة الفلوس ولكن رقية غير: لي بغات بنتي يكون باغيك ديالي و تكوني حلالي ماشي تفلية،
رقية: امممم صافي،
زياد: انا مغنقولكش شنو ديري و شنو لا، راكي عارفة لي عليك و لي معليكش حاجة وحدة هو لبااسك ارقية لباسك بدليه،
رقية: انبدلو على قبلك،
ضحك ليها و سكت كيشوف فيها.. عويناتها الزورق لي كيشوفو فيه بجرأة.. محشماتش و هبطات عينيها.. كيما هو كيسقي عينيه بجماالها هي كذلك.. تا كسرات داك الصمت لي تحل بيناتهم: اه بعد غدا انمشي،
زياد: (خرح عينيه) كيفاش فين؟
رقية: للدوار تابعني الوطني،
زياد: شهرااااااين!!
رقية: (تبسمت بشر) تبقا تجي عندي نتلاقاك،
زياد: متمشيش،
رقية: واااش جهلتي؟
زياد: الجهل هو لي غنوريه ليك الا مشيتي،
رقية: و قرايتي واش حمق،
زياد؛ نشري ليك الباك و بقاي حدايا،،
رقية: الا هصني نمشي،
زياد: واخا دابا نشوفو،
رقية: الا خصني نمشي،
زياد: واخا دابا نشوفو،
رقية: نتا راك هبيل مالي نضيع قرايتي دالعام كامل باش تقولي نشريه ليك انا منرضاهاش على راسي،
زياد: (ببرود كيشوف فيها) راك مغتمشيش،
حركات راسها بالايجاب مخنزرة فيه زعما غي هضر راك غي كتحلم و هزات عصير ديالها كتشرب منو.. أما هو بقا غي كيشوف فيها.. مبغيهاش تمشي عليه باغيها حداه و يشوفها ديما قبالتو.. ولكن فبالو مغيخليهاش بلاصتها حداه هو بوحدو..
جالسة بوحدها كتساين البنات يرجعو.. حاطة حداها صينية د اتاي مع حليوات كتمدغ فيهم و كتفرج.. تا صونا باب الدار وقفات بشوية عليها كتسوس فالكسيوة لي لابسة حد فخاضها.. و حلات الباب بابتسامة بشوشة كيف ديما..
تا بانو قدامها.. حجيبة و موراها عماد مبتاسم ليها.. عقدات حجبانها باستغراب و باقة على نفس ابتسامتها: احم السلام.. (هزات حجبانها فعماد) عماد صاڤا،
عماد: الحمدالله اختي هادي الواليدة بغات تشوفك،
رميساء: (عضات على شفتها) ناري سمحولي خليتكم فالباب.. (حلات الباب على جهدو) دخلي اخالتي دخلو مرحبا،
حجيبة: (كتشوف فيها بحنية) يفتح عليك بيبان الجنة ابنتي،
تبسمات ليها و حولات عينيها لعماد لي مد ليها ميكة فيها الحليب و دانون و ميكة فيها غي السقاطة بقات غي كتشوف فديكشي و قالت: مكانش تعذبو راسكم،
عماد: هو و الوالدة لي قالو.. (هز يديه كيضحك) الحكومة لي خرجات القرار،
ضحكات ليه و ياله بغات تسد الباب تا ضربات فيه هو لي كيطلعها و يهبطها بابتسامة جانبية.. هزات فيه حاجب و قالت: مرحبا،
مُصعب: (حط فيديها كرطونة ديال الحلوى) ترحب بيك الجنة الgalb،
رميساء: (كتشوف شنو فيديها) والله الا غي عذبتو راسكم،
مُصعب: عذابك راحة،
غمزها و دخل تبع مو و خوه للصالة.. سدات الباب برجليها و طارت لكوزينة حطات ديكشي و هزات كتقاد الصينية على حقها و طريقها و دارت الما يطيب و رجعات هزات طبيسيل متول دارت فيه الشكيلات الحلوى لي شارية كتخليها فالدار.. و حلات ديك الكرطونة لي جاب ليها مُصعب لقات فيها غي ليطارط صواغي.. حيداتهم من الكرطونة و حطاتهم فالجنب و خرجات من الكوزينة لعندهم تجمع شنو كاين فالطبلة..
غي شافتها حجيبة ضحكات ليها و دارت بيديها حداها: اجي ابنتي حدايا،
رميساء: ندي اخالتي غي هادشي للكوزينة و نجي،
مُصعب بلا حشمة بلا حيا وقف و جرها جلسات حدا مو و هز ديكشي لي كان فوق الطبلة داه الكوزينة لي غي دخل ليها تصدم.. مكانش كيصحاب ليه كتوجد هادشي كامل.. عض على شفتو و قرب كيعمر اتاي بلا عگز عليه..
أما هي راه جلسات حدا حجيبة لي هزات يديها كتلمس فشعرها: لباس ابنتي،
رميساء: الحمدالله اخالتي و نتي صحيحتك لباس،
حجيبة: ها حنا عايشين.. (تنهدات و يديها باقي كتلمس على شعرها) معرفتش منين نبدا ليك ابنتي،
هزات رميساء عينيها فعماد لي حانيهم بتوتر كيلعب فوسادة حاطها على فخاضو و رجعاتهم لحجيبة لي عينيها مغرغرين.. غمضات عينيها مبقاتش حاملة هاد السيرة تجبد ليها.. جرحها عميق و غي كيبرا شوية كتلقا لي يفكرها فيه..
خدات نفس عميق و قالت بصوت مهدن: خالتي انا عماد سمحت ليه و السماحة يطلبها من ربي.. (هزات كتفها) ديتو للقبر ديال حور و طلب السماحة و راحتو انشاءالله يلقاها، انا اخالتي مبقيتش باغة نهضر فهاد الموضوع و مبقيتش باغة نجبد هاد السيرة.. (صوتها تغنغن بالبكية و هزات عينيها مقهورين فحجيبة) خالتي راه هاد الجرح بغيتو يبرا مبقيتش باغة نتفكرو،
جراتها حجيبة لحضنها عنقاتها بحنية كبيرة.. حنية لي محساتهاش رميساء من مو::ت امها.. غمضات عينيها على لمسات حجيبة على شعرها و قالت: الله يرضي عليك جيت غي نشوفك ابنتي و نشوف هاد الحنينة لي سمحات لولدي،
رميساء: هههه تا ولدك حنين،
حجيبة: انا واحد فيهم،
رميساء: (ناضت من حضن حجيبة كترد شعرها مور ودنيها) بجوج حنان اخالتي بجوج،
الجملة لي جات على مسامعو و هو هاز بلاطو دالحلوة.. تبسم ليها و حط ديكشي فوق الطبلة تا خرجات فيه رميساء عينيها: اويلي غي جلس انا انوض،
وقفات بالزربة للكوزينة و تبعها تا هو.. دخل عليها الكوزينة لقاها شادة حناكها و كتشوف فاتاي مصوب فصينية و علات عينيها فيه: اوييليي علاش؟
مُصعب: (قرب منها تا كالاها مع البوطاجي) انا حنين اممم.. (هبط يديه دوز طراف صباعو على فخاضها) شنو هادشي لابسة؟
رميساء: (ذاتها رجفات و عينيها بدات غي كترمش بيهم) حوايج الدار،
قرب منها كتر و خشا راسو فعنقها همس حدا وذنيها: بدليها دابا،
رميساء: (غمضات عينيها و قالت بخفوت) علاش؟
مُصعب: خويا برا يشوف لحمك.. (قرصها ففخضها تا شدات فدارعو مزيرة كتنين) دابا يتبدل،
حركات راسها باه و سلتات من بين يديه طارت لبيتها مزنگة و كتحك القرصة بيديها.. حلات البلاكار ديالها كتنگر غي بوحدها هزات بيجامة بسروالها لبساتها و شافت راسها فالمراية: هاي هاي هاي على القحي//بة دغيا ذبتي بين يديه غي قالك بدلي طرتي تبدلي.. (خنزرات فراسها فالمراية) واااا توگضي يعطيك دقة توگضي رااه عمركم تكونو لبعضياتكم،
جمعات شعرها بعصبية و خرجات للكوزينة هزات ديكشي لي بقا محطوش و جلسات حداهم كتشوف فمُصعب لي كيشوف فيها تا هي..
عوجات فيه فمها و هزات اتاي كتكبو و كتسمع لحديث عماد و حجيبة تا نطقات: اوا ابنتي نتي مخطوبة داويين فيك؟
رميساء: ههههه لا اخالتي باقة ديال راسي،
مُصعب: مرات ولدك اتاج الراس،
خرجات فيه رميساء عينيها و حدراتهم كتكب اتاي و حناكها توردو.. شافت فيه حجيبة ضاحكة و قالت: ابصح اولدي،
عماد: ايييه اييييه بصاااااح،
رميساء: هههه لا لا اخالتي مكاين والو غي عزيز عليه الضحك،
مُصعب: (شير بصبعو لراسو) انا؟
رميساء: (تبسمات ليه ابتسامة صفرة) هههه ااه نتا ويلي.. (شافت فحجيبة كتبدل الموضوع) تشربي اتاي اخالتي،
حجيبة: كبي ابنتي مكانش تعذبي راسك،
رميساء: مكاين تا عذاب،
شاد فيديها كيسد البيرو ديالو باليد لوخرى.. بعد من الباب و جرها معاه كيتمشا على حساب خطواتها بالشوية.. وصل لطوموبيلتو و حل ليها الباب ركبها و ركب بلاصتو هو ديمارا ديك ساع و يديه فيديها ماطالقش منها..
وقف طوموبيلتو بلاصاها و هبط و هي حداه غي كتشوف بعويناتها.. توجه جيهة البحر للرملة لداخل.. خدا كراسا و طبلة جلس و جر كرسي ديالها دارو قبالتو قريبة ليه و شير ليها بعينيه تجلس..
لبات طلبو و مشات لكرسي غي جلسات زاد جر الكرسي تا ولاو رجليها وسط رجليه و قال: شنو بغيتي تعرفي؟
هزات فيه عويناتها الكبار كترمش ببرائة و قالت: شكون هاديك و علاش عنقتيها و فين عرفتيها؟
قرب منها و حط يديه على فخاضو و عينيه على عينيها.. كان قريب منها لدرجة كبيرة هو براسو دقات قلبو زادو كي أي مرة كيقرب منها.. دوز لسانو على شفايفو و بدا كيعاود ليها و كيحاول يلخص قدر الامكان: سميتها ندى كانو وقعو ليها ظروف تلاقات مع ناس خرجوها على الطريق و خدمات خدمة ماشي تا لهيه فنهار من النهارات كان عندي مشكل مع رائد.. (شافها عقدات حجبانها باستغراب) داك لي وقف عليك.. (زير على يديه فاش تفكر السيرة و كمل هضرتو) كنت غادي انا و الدراري نصفيو الحسابات صدقت زايد حساب على حساب كانت مبغاش تخرج مع شي كليان و رائد كان كيضربها فاش وقفت ليه فوجهو تعلقات فيا كانت خايفة و مقدرتش نخليها مورايا ديتها معايا و حاولت نبعدها على ديك الطريق.. (دوز يديه على لحيتو كيفكر واش يقولها شنو كان بيناتهم) كنت موفر ليها الحماية و كلشي لي يخليها مرتاحة و كنمشي نشوفها مرة مرة احم تا حضر بيناتنا الشيطان،
ضورات عينيها من عليه كتحاول تفهم ديك حضر بيناتنا الشيطان.. مفهماتش شنو قصد بيها گاع.. و أبدا مجاش فبالها نعس معاها مكتفكرش فديكشي بمرة.. رجعات عويناتها ليه و قالت بتساؤل: كيفاش حضر بيناتكم الشيطان؟
حَيْدر: (عض على شفتو) عارفة شنو كيوقع بين المرا و الراجل؟
زهور: (تزيرات و ولات حمرة) اا احم واش واش درتو داكشي؟
حرك ليها راسو بالشوية كيشوف فملامحها لي كيتبدلو.. و شفتها تحتية لي بدات كترعد و عويناتها كتهربهم من عينيه.. تا طلقاتها فاش مقداتش تحبسها..
بكية حارة خرجات من قلبها.. غاارت و قلبها تشوا بالغيرة عليه.. كانت شي وحدة قبل منها.. شي وحدة باستو قبل منها و عنقاتو قبل منها و حطات راسها على صدرو قبل منها داقت من حنانو قبل منها..
غي شاف بكيتها جرها من فوق كرسيها لعندو و خشاها فيه كيبوس و يعنق و هي حاطة وجهها فعنقو كتبكي من نيتها..
حَيْدر: (كيجر ليها وجهها يشوفها) تت زهوور شوفي فيا،
زهور: اهئ اهئ ب بعد مني،
حَيْدر: زهور شوفي فيا نهضر معاك،
زهور: اهئ اهئ كانت اهئ ق قبل مني ياك،
حَيْدر: كاانت مبقاتش،
زهور: و و اهئ اهئ علاش كنتي معنقها،
حَيْدر: احم.. (بكاها قطع ليه فالقلب مقدرش يقولها شنو كاين) حيت كانت خايفة،
زهور: وااااا اهئ اهئ متعنقكش،
حَيْدر: صافي آخر مرة الشهلة ديالي شوفي فيا،
بعد وجهها من عنقو قابلها معاه و هز يديه كيمسح ليها دموعها بحنية و ميل فيها راسو بايسها فحنكها: براكة من البكا مكاينة تا وحدة من غيرك نتي لي سكنتي هاد القلب و تربعتي فيه مكاين تا وحدة من غيرك،
زهور: (كترمش فيه) بوحدي؟
حَيْدر: بووحدك الصغيورة ديالي براكة من البكا،
زهور: (خرجات ليها ضحكة) هههه صافي،
برائتها كتحمقو كتخليه باغي ياكلها بحوايجها.. رجعها لبلاصتها باش ترتاح فجلستها و حط صبعو على حنكو و بدل نظرتو من الحنان لتخنزيرة: دابا نتفاهمو الصغيورة،
زهور: (شافت نظرتو و تفافات حركات راسها باه) ف فاش؟
حَيْدر: (بحدة) كيفاش اللهم الحگرة و الدوار و لا نتا؟
زهور: اا ر راه غي،
حَيْدر: زهوووور.. (ضور صبعو السبابة مغمض عينيه) منعاودش نسمع هاد الهضرة مرة خرا الحساب معاك غيطوال،
زهور: منعاودش،
حرك راسو و هز تيليفونو فيديه كيشوف و قال: فيك الجوع؟
زهور: ااه فيااا بزااف،
حَيْدر: شنو بغيتي؟
زهور: معرفتش خود ليا لي بغيتي،
حَيْدر: واخا الصغيورة،
زهور: علاش كتقولي الصغيورة؟
حَيْدر: (ميل التيليفون من قبالة عينيه و شاف فيها) حيت صغيورة فكلشي.. (طلع فيها و هبط) من راسك لرجليك صغيورة،
حمارت و ضارت كتشوف فالبحر مولاتش هزات عينيها فيه.. ندمات لي سولاتو أصلا.. تا هو مولاش حكر عليها و دوموندا الماكلة حط التيليفون فوق الطبلة و بقا كيتأمل فيها..
راكبين فطوموبيل طالقين موسيقى و كيساراو بين الشوارع.. كان طلب منها باغة غي تسارا بطوموبيل و طلق موسيقى و تستمتع فقط بشوفتو قبالتها..
شافيها كتشطح فبلاصتها و كتغني بالشوية منسجمة مع الأغنية: تبتي ابنتي شوية،
رقية: هههههه يا واش شوقك،
زياد: لاا حاشة مسوقيش،
رقية: واا هكك،
ضحك و هز تيليفونو منين كانت طالقة لموسيقى و بدلها بوحدة أخرى و طلق من الڤولون كيصفق بيديه و يضحك خلاها متباعاه بعينيها و كتصفق بيديها تا هي.. غي تطلقات الأغنية طلقاتها هي بضحكة من قلبها و هو كيغني و كيشطح بيديه..
" لوكان انا شاوروني فالزين يقولو لقلبي ختار؛
لوكان ختار الشلحة هي لي كواتو بالنار؛ "
شدات ليه فيديه و نقصات الموسيقى و قالت كضحك: منين طحتي على هاد الموسيقى ها العار،
زياد: التبقاش لي كيديرها تفكرتها تا عرفتك،
رقية: ههههه شكون هاد الشلحة علامن كتغني؟
زياد: و شكووووون من غيييرك الشلحة ديالي ههههه حقي فالشلوح و لا طيح الروح،
رقية: و انا مدرت والو لقلبك،
زياد: كويتيه ابنتي كويتيه،
قربات لمسات بيديها على صدرو و دورات وجهو لعندها طارت على شفايفو باستو فيهم و رجعات لور كضحك فرحانة خلاتو حال فيها فمو.. دغيا قلب الروايد دخل وسط الشجر و الخلا و وقف كيتنفس بالجهد و شاف فيها: ضبرتي عليها،
مخلاهاش تفهم قرب حيد ليها السمطة و جرها لعندو جلسها فوق منو و طار على شنيفاتها كيبوس فيهم و يمص و يعض.. هبط يديه من ظهرها لترمتها كيعبز فيها و يقربها منو.. و هي غادة معاه فقبلاتو لي جننوها و يد على عنقو و يد فشعرو كتغلغل صباعها فيه..
هبط بفمو لعنقها كيبوس بالشوية خلاها هزات راسها للفوق عاطاه مساحة أكبر يلتاهم عنقها بفمو و سنانو..
هز فيها راسو كينهج و شاف فعينيها معسلين و قال: شنو كديري فيا!
رقية: و نتا شنو كدير فيا،
زياد: (ضرب ترمتها تا تهزات و تحطات فوق منو) شنو هادشي ابنتي،
رقية: خير ربي،
زياد: هههه رزقي،
رقية: (بدلال نطقات سميتو) زياااد،
زياد: اشكيليطة ديالي،
رقية: (تمحككات عليه من لتحت) متخلينيش هكا،
عض على شفايفو و هبط يديه هز ليها الكسوة حتى لكرشها و حط يديه فوق من توتو ديالها و قال: شنو بغيتي،
حطات راسها فعنقو و مصات ليه الشحمة دوذنو: ريحني عافاك،
مولاش هضر خشا يديه تحت السليب حط يديه تما تا ترفعات معاه فعالم شهوتها.. (الخبار فراسكم منقدرش نكمل احتراما للبنات لي مبغيينش السفالة حاولت نقصر ما أمكن باش تزيد توضح ليكم علاقة رقية و زياد)
حطات جبهتها على جبهتو كتنهج و باستو من فمو بحنان و قالت: يديك حنينة،
ضحك و مد يديه لكلينيكس مسح يديه و هبط يديه مسح ليها لتحت و لاحو من السرجم و مد يديه كيقاد ليها الكسوة: نتي بردتي انا شكون يبردني،
خشات راسها فعنقو كتفرنس و قالت: المرة الجاية نتا،
زياد: (عنقها بالجهد عندو) بقاي عند كلمتك،
رقية: كووون هااانييي،
بقا معنقها و مزيرها لعندو مرة يبوسها فراسها مرة فعنقها حاس براسو غير كل المرات.. حاس بالراحة و السكينة كتهبط على قلبو.. كيفها هي لي حاطة راسها فعنقو و مبتاسمة ابتسامة راحة.. تا نطق بكلمات خلاوها تسرط ريقها: مجربة هادشي مع شي حد؟
رقية: احم علاش؟
زياد: (كيشوف قبالتو ببرود) باينة فيك ماشي أول مرة؟
رقية: احم بغيتي الصراحة؟
زياد: غي قوليلي قولي اش عندك،
رقية: ااه فايتة جربت ولكن..
قاطع هضرتها فاش جرها من شعرها ناتفها قابل وجهها مع وجهو و عينيه كيخرجو الشرار فيها.. حسات بحال الا كيخوي فيها القرطاس بنظراتو: شحااال من مرة؟؟؟
رقية: اييي.. (شدات فيديه لي فشعرها) عاافااك طلق و نقوليك كولشي،
مخضها من شعرها و زاد زير و صوتو رتافع: هااااضريييي ارقية،
رقية: (الخوف ركبها و بدات كتسرسب ليه كلشي) والله والله حتى مع واحد واحد والله حتى غي واحد،
زياد: شحااااال من مرة؟؟؟
رقية: تلاتة والله حتى غي تلاتة،
زياد: (تخنزيرتو غي مكتزاد و راسو كيحس بيه تزير) شكون هادا؟
رقية: عافاك غي طلق،
مبقاش شعر براسو غوت فوجهها تا غمضات عينيها خايفة: شكوووووون هاااااداااااا؟
رقية: و ولد عمي،
صغر فيها عينيه و عض على شفايفو مكره.. جرها لعندو و طار على شفايفها كيعضها بعنف تا دموعها بداو كيطيحو بقوة مزير عليها.. بعد منها كيشوف فيها هي كتبكي و كتقيس فشفايفها لي كيسيلو بالدم.. هزات يديها قبالة عينيها و شافت فيه: حرام عليك.. (بصوت مقهور) ديكشي قديم و كنت مراهقة علاش كدير فيا هكا؟
زياد: باقي كيجي عندكم؟
رقية: راه دار عمو هاديك كيجي اه ولكن والله مكندوي معاه،
زياد: (بنبرة آمرة) مغتمشيش للدوار،
رقية: راه مستق....
غوت مقاطعها تا لصقات فالفولون كتشوف فيه بخوف: مغاااااتمشييييش هناااا تسااالاااات بلااصتك حدايا بين عينيا،
حركات راسها باليجاب خايفة تا جرها عنقها عندو مزير عليها كتر و كتر تا كتحس بضلوعها ايتهرسو بين يديه.. اما هو راه متقبلش شي حد يكون قايسها قبل منو.. باغي هو لي يملكها هو لي يقيسها هو لي يبغيها و تبغيه هو لي يسكن قلبها و عقلها.. باغي يتملكها..
ضلام الحال و من حدا البحر حلفات لا هي خرجات.. تا هو محكرش مخليها براحتها.. غي ساكتين هي عينيها فالبحر و هو عينيه عليها.. تا شافت فيه و قالت: حَيْدر،
حَيْدر: روحو،
زهور: هههه طلق لينا شهلة العياني،
حَيْدر: (تبسم فاش تفكر أول لقاء ليهم) هي اللولة،
هز تيليفونو طلقها و حطو فوق فخضو كيشوف فيها بحب.. و يديه فيديها كيتلمس فيها..
تطلقات مع الأغنية كتغني بالشوية بصوتها الهادئ.. و كل مرة مع كتقال "شهلة العياني" كتبسم فاش كتفكر شنو طالق عليها حَيْدر..
سالات الأغنية مع "الولف كيف ساهل و الفراق ماقدرت عنو" جملة كتوصف حالتها مع حَيْدر بكل معنى الكلمة.. ولفاتو بزاااف فحياتها و فجنبها و مكتهيلش راسها بعيدة عليه.. عقلها و قلبها ولفو على حَيْدر.. حنانة حَيْدر و كلام حَيْدر لمسات حَيْدر فقط..
هزات فيه عينيها كتشوف فيه ببرائة و اعجاب كبير و قالت: حَيْدر فوقاش عيد ميلادك،
حَيْدر: غدا،
زهور: هييييه ناري و مقلتيهاش ليا،
حَيْدر: مسولتينيش،
زهور: ناري غادي تولي عندك 33 عام دابا،
حَيْدر: ههههه كبير ياك،
زهور: لا ماشي هكك تا انا قربت نكمل 17،
حَيْدر: عارف عارف الصغيورة ديالي،
زهور: (ضربات على جبهتها كضحك) نتا جبدتي عائلتي كاملة الأصل و المفصل و متكونش عارف،
حَيْدر: (غمزها) حيت درتك فبالي الشهلة ديالي،
سكتات كضور فعينيها مبعداهم عليه تا صونا تيليفونها بسمية رورو.. هزاتو جاوبات ديك ساعة: الو،
رميساء: واش معوالينش تجيو مخلييني بوحدي،
زهور: واش تا رقية باقي ماجات؟
رميساء: باقي.. (بدات كتغبن عليها) واا اجييو راني مليت اصاحبتي،
زهور: واخا انا انجي دابا صوني تا على رقية،
قطعات معاها و شافت فيه مبتاسمة: نمشيو رميساء قنطات بوحدها..
حرك راسو و وقف كيجمع تيليفونو و الشوارت دارهم فجيبو و شد فيديها جارها حداه حاضي مع خطاويها كتر من خطاويه..
مازالة ساقلة فحضنو مقدراتش لا تقولو رخف يديك لا تحرك.. تا صونا تيليفونها و مخلاهاش تهزو هزو هو غي شاف رميساء جاوب و دار سبيكر..
رميساء: القح//بة مغتجيش ولا؟
رقية: شنو بغيتيني؟
رميساء: وا اجي اجي ابنتي راه زهور جاية تا هي،
رقية: بلاتي و غنجي تلاحي،
رميساء: مال صوتك مالك؟؟ واقعة ليك شي حاجة؟
رقية: احم لا والو تلاحي تا نجي،
قطع هو و رجعات سكات عندو تا بعدها عليه و شاف فيها كيمسح على وجهها: نتي ديالي،
رقية: علاش درتي ليا هكك؟
زياد: حيت نتي ديالي مبغيت تا واحد يكون مقرب ليك.. (باسها بوسة سطحية فشفايفها) غنسى لي تقال اليوم و ديري فبالك نتي ديالي،
رقية: واخة،
زياد: عاوديها ديالمن نتي،
رقية: (شافت فعينيه ديريكت) ديالك،
حرك راسو برضى و باسها فحنكها و جبهتها و حك نيفو مع نيفها: بلاصتك ابنتي نديك لداركم،
حركات راسها بلا و تخشات فيه معنقاه: خليني شوية،
زياد: خليك اشكيليطتي،
عنقها عندو و طلق موسيقى خفيفة هادئة و سكتو فحضن بعض..
حطها حدا الدار و قبل متهبط شافت فيه و قالت: غدا خدام؟
حَيْدر: امم بغيتيني فشي حاجة؟
زهور: هههه الا عيطت ليك تجي عندي؟
حَيْدر: (قرص ليها حنكها) الا مجيتش عند الصغيورة ديالي عندمن نحي؟
زهور: صافي انا مشيت،
جرها من يديها قبل متهبط و مد ليها حنكو.. تبسمات و باستو و خرجات بالزربة طالعة فالدروج فرحانة و غي كضحك..
حلات ليها رميساء الباب حيدات جلابتها و مشات جلسات فوق السداري حداها: مازال مجات رقية؟
رميساء: يمكن مدابزين باقي مجات!
زهور: تا تجي و تقول لينا،
رميساء: و نتي شكون هاديك لي كانت مع بابلو اسكوبار؟
زهور: (هزات كتافها) قالي غي معرفة و صافي،
سكتات رميساء مبغاتش تحكر و شعلو التلفازة كيتفرجو حاطين الراس على الراس تا تدق الباب و دخلات رقية باستهم و مشات بدلات حوايجها و جات تلاحت حداهم: اوووف عييت،
رميساء: مال صوتك نتي فيتيليفون؟
رقية: واالوو غي عصبني و بكيت و صافي،
رميساء: من صغيراتك،
رقية: على من زويناتي،
زهور: احم البنات بغيتكم تعاونوني فواحد الحاجة!
رقية: شنو هي؟
رميساء: الله يسمعنا خير،
زهور: غدا عيد ميلاد حَيْدر و بغيت ندير ليه مفاجأة هو ديما كيدير بزاف على قبلي تا انا بغيت ندير شي حاجة على ودو،
وافقوها البنات الرأي و جلسو كيتافقو شنو يديرو و كيفاش يديرو و فين عطاوها الخاطر و هي فرحانة كتفكر..
عندو فالدار داخل لقاهم كلهم مجمعين لتحت.. باهية و حجيبة عماد و مُصعب و زياد.. دخل لقا السلام و جلس جنبهم..
باهية: ولدي فين كنتي؟
حَيْدر: (ضحك عارفها كتلعب معاه) مع عروستك احنانتي،
باهية: امممم مدلة،
حجيبة: شكون هادي اولدي،
حَيْدر: (كيشوف فمو و تا هي كتشوف فيه غي من نظراتهم كيفهمو بعضياتهم عارفها مقبلاش و هي عارفاه من زهور مغيتفاك) دابا تعرفيها اميمتي مبقا قد مفات،
حجيبة: وا غي شنو سميتها!
حَيْدر: زهوور،
مُصعب و زياد شافو فبعضياتهم مصدومين و رجعو بنظرهم لحَيْدر لي مامسوقش عينيه غي على مو.. نطقات باهية قالبة عينيها: اممم لا زين سمية لا زين الوجه مدلة و خلاص،
حجيبة: اويلي باهية شنو كتقولي؟
باهية: تلوات عليه كي اللفعة انا ما قابلة بيها عروسة و فوجهك كنقولها،
حَيْدر: (كيضحاااك) ياك انا باغيها و قابل بيها هادشي كافي و موفي،
وقف خلاها كتقلا فبلاصتها و طلع لدارو لفوق.. ديك ساعة تبعوه مُصعب و زياد أما تا عماد مكيدخلش فهادشي..
وقفو عليه و هو كيبدل فبيتو و نطق زياد: تزوجتي بزهور؟
مُصعب: ايمتااا هادشي؟
حَيْدر: معندكم ماديرو لا بايمتا لا كيفاش زهور مراتي و تسدات مدام،
زياد: مبرووووك اعشيري،
مُصعب: فوقاش الحفلة،
حَيْدر: ههههه خرجو تقو//دو عليا من هنا،
خرجو كيضحكو جلسو فوسط الدار كيساينوه اما هو راه لبس حوايجو و تكا بلاصتو كيفكر و يعاود فهضرة مو.. شحال ما بين راه مامسوقش ولكن راه كتبقا كتحرق فيه.. باغي مو تكون مرتاحة و مراتو صغيورة ديالو تا هي مرتاحة.. ماباغي صداع و لا صراعات..
تناص الليل و كل واحد مخشي فبلاصتو.. مُصعب و زياد و حَيْدر جالسين الفوق مقصرين و كل واحد و تخمانو فين طاير.. شاعلين تلفازة و هي لي كتفرج فيهم..
وقف حَيْدر لاح تيليفونو فالجنب و هبط مع الدروج.. دخل للدار و نيشان توجه لبيت ماماه.. حل الباب كيطل بانت ليه ناعسة الضلام فالغرفة غي الضو ديال الزنقة لي كيبين ليه.. قرب بالشوية حتى وصل لناموسيتها و جلس جنبها كيشوف فيها بحب.. هز يديها و قربهم لوجهو كيشمشم فييهم و يبوسهم..
حركة شحال مدارها.. يمكن هادشي لي حسس باهية بالنقص من جيهتو.. كان غي كيدخل يجلس معاها و يجي عندها باليل يشد يديها و يبوسهم.. ولكن هادي مدة مجاش.. فبالها بلي زهور سبابو معارفاش بلي حياتو مرونة و رائد مرونو كتر..
حلات فيه عينيها كتشوف فيه كيمرغ وجهو فيديها و يبوسهم.. تبسمات ليه و شدات فلحيتو كدوز صباعها عليها.. ما هضرو متكلمو هو فقط كيبوس يديها و هي كتشوف فيه..
هز راسو فيها و عينيه حومر: حنانتي،
باهية: راحتي توحشتك اوليدي،
حَيْدر: ديما حداك احنانتي ديما،
باهية: (طبطبات على بلاصة حداه) اجي اوليدي اجي حدايا،
تنهد و طاح حداها تكاها على صدرو و هز يديه باسها مشابعش منها.. طبطبات باهية على صدرو و قالت: عيد ميلاد سعيد احبيبي الله يخليك ليا اراحتي الله ينقص من عمري و يزيد فعمرك،
حَيْدر: الله ينعل الشيطان احنانتي الله يطول فعمرك و يخليك تاج فوق راسي،
باهية: بات حدايا اوليدي كي شحال هادي،
حَيْدر: (تقاد فبلاصتو و قادها مزيان متكية فوق صدرو) هانا تبقاي غي على خاطرك،
تبسمات عاجبها الحال و توسدات صدرو براحة.. مقالت ليه راحتي تا كان بصح راحتها.. شدات معاه الجموع مجبدوش گاع موضوع زهور و لا سيرتها.. هضرتهم طوالت تا داتها عينيها زاد زيرها عندو باس ليها راسها و غمض عينيه مستسلم للنوم..
شاد تيليفون واقف فبيت حَيْدر عينيه عليها هي لي كتشوف فيه و دايرة ابتسامة جذابة و تيليفون هي الأخرى فوذنيها..
زياد: دابا شنو المطلوب مني؟
رقية: وااالوو غي تجيبو من الخدمة لعندنا،
زياد: و كي غادي ندير ليها؟
رقية: مااعرفتش شوف شي حل ديرو و حضرو اويلي،
زياد: واخا الالة رقية،
رقية: (دارت يديها على حنكها و غبنات ملامح وجهها كتشوف فيه) دابا نهضرو عليا انا وياك راه بصح احبوبي خصني نمشي للدوار،
زياد: كلمة وحدة راني قلتها،
رقية: عافاك احبيبي خلينا غي نهضرو نتفاهمو،
زياد: رقية سيري تنعسي ابنتي الهضرة تسالات،
قطع عليها و دخل تلاح فبلاصة حَيْدر.. خلاها مطلعة حواجبها بجوج كتشوف فين كان واقف و حطات تيليفون تحت ذقنها: اوا ها حنا انشوفو صحاب ليك اتمشيني على گانتك راه رقية هادي و اجرك على الله،
ردات الريدو و تلاحت حدا البنات لي مفرشين فالأرض شاعلين التلفازة كيتفرجو تا نطقات زهور: زعما غيعجبو الحال؟
رميساء: يعجبو الشهبة غا رتاحي،
رقية: غي الا مبغاش اودي و صافي،
زهور: هههه ناري تحمست،
رميساء: سكتو و تجمعو الفيلم بدا،
تكمشو حطو راسهم على كتاف رميساء و بداو الفيلم متبعينو مركزين..
أصبحنا و أصبح الملك لله؛
فايقة هي اللولة كلها حماس و كتفكر فالمفاجئة لي غدير لحَيْدر كتزيد توسع ابتسامتها كتر.. وجدات فطور و حطاتو فوق الطبلة عاد قربات كتفيق البنات..
زهور: وااا نووضوو بحرااا نوجدو يااه،
رقية: (خشات راسها تحت الوسادة) زهووور قو//دي قبل منوض ليك راكي عارفاني،
رميساء: (طلعات ليزار على راسها) سيري تمشي من فوق راسي،
بقات كتشوف فيهم و شفتها التحتية دغيا دلات و عينيها تغرغرو.. حسات بحالا مباغيينش كسرو فيها الفرحة و الحماس لي كان فيها.. مولاتش هضرات زادت للطبلة كتفطر بالسكات و هزات تيليفونها كتشوف ديكور لي خدات تصويرتو البارح باغة تديرو..
حطات اتاي من يديها و طلعات ليها تنخسيسة دغيا حبساتها.. و هزات كمام بيجامتها كتمسح الدموع لي كيطيحو ليها.. جمعات الوقفة و دخلات لبيتها.. خلات رقية و رميساء كيشوفو فيها منين سمعو تنخصيصة ديالها..
رقية: ولات على سبة،
رميساء: نوضي نوضي نفطرو نمشيو نقضيو اش بغات،
رقية: هنننن فيا النعاس،
رميساء: نوضي ارقية من العگز اتخليها كتبكي هكك،
محتالش رقية تهضر تا خرجات من البيت لابسة كسيوة و هازة صويك مضوراه على عنقها.. ماشافت فيهم ما هضرات معاهم حلات باب الدار و هبطات مع الدروج..
بقاو متبعينها بعينيهم و طارت رميساء للباب كطل عليها من الدروج و كتغوت بسميتها: زهووور وااا زهور فين غادة!
زهور: (بلا متوقف و لا تشوف فيها) ماشي شغلك كملو نعاسكم،
قالت هضرتها و هبطات مع الدروج حلات الباب و خرجات كضور عينيها.. عنقات راسها و بقات غادة مع الطريق باغة تخرج للشانطي تشد طاكسي..
وقفات فراس الدرب كتشوف فالطوموبيلات كيدوزو و الطاكسيات كيدوزو و معرفاتش تا كي دير تلفات و بقات غي واقفة كتبحلق فعينيها تا فرانات حدا رجليها طوموبيل..
هبط و جا وقف قبالتها تكى على طوموبيلتو مربع يديه كيطلعها و ينزلها.. أما هي غي شافتو رجعات جوج خطوات للور و عينيها ملأهم الرعب تجاه.. ديما كيخوفها بعينيه.. عينيه السوداويتين لي كيبتو الرعب فأوصالها مكتقدرش طول فيهم الشوفة..
رائد: زهيرة فين غادة؟
زهور: ح حيد من طريقي،
رائد: ياله نوصلك،
زهور: م مبغيتش بعد من طريقي عافاك،
ميل فيها راسو و تبسم كيطلعها و ينزلها.. ميكدبش كتعجبو أنثى رقيقة و مكتعليش فيه العين.. عمرو متلاقى مع بحالها و لا عاشر بحالها علاش لا و هو حياتو كاملة وسط البيران..
قرب منها خطوة و قال بهدوء كيحاول يكسب تقتها: علاش كتخافي مني؟
زهور: (زيرات على صاكها مكتشوفش فيه) عافاك خليني نمشي،
رائد: سمعيني انا و حَيْدر صحاب غي وقعو بيناتنا مشاكل دابا يتحلو مع الوقت مكاين لاش هاد الخوف كامل مني،
زهور: غي خليني نمشي عافاك،
رائد: زهيرة..
مازال مكمل هضرتو تا وقفات عليها رميساء و رقية بطوموبيل كلاكصوناو عليها تا شافو فيها بجوج.. زهور شافتها بحال الا شافت قدامها الما وسط الصحراء دغيا سمحات فيه واقف و مشات ركبات اللور..
بقات رميساء مصغرة فيه عينيها و كتشوف فيه و هو كيبادلها نفس النظرات.. هزات حاجب و عوجات فمها فيه و كسيرات خارجة من الدرب بمرة..
ضحك بالجنب و طلع لطوموبيلتو قاري بلانو فراسو.. مجاش و قاليها انا صاحب حَيْدر غي هكك.. عارف راسو شنو كيدير..
منين ركبات حداهم مهضرات مع تا وحدة.. عياو معاها كيسولوها ولكن عطاتهم النخال.. بقا فيها الحال هي متحمسة كتفيقهم و باغة تحضرهم معاها فكلشي و هوما مداينهاش فيها..
بقاو عينيها غي على الطرييق كتشوف تا وقفات رميساء قبالة محل ديال الزواق و ديكشي.. هبطو و سبقاتهم زهور و هوما موراها كيشوفو فيها.. دخلات مع المحل و هزات تيليفونها كتشوف فالتصويرة شنو غيخصها.. ما خرجات من داك المحل تا طاب مولاها بقوة التصخار..
خلصاتو و زادت قدامهم عاود تا جراتها رقية عنقاتها من الجنب كتبوسها: مال الزين ديالي،
مسمعات منها كلمة بقات ساكتة تا عنقاتها رميساء من الجنب لاخر: مال الشهيبة ديالي،
زهور: (شافت فكل وحدة بنص عين) شوفو نتوما انا كنفيق فيكم باش تكونو معايا و تمشيو معايا و نتوما مامسوقينش ليا ياك،
وقفاتها رقية قبالتها و شافت فيها بجدية: زهور احبيبتي راكي عارفاني كي كنفيق فالصباح و زيد منعسناش بكري راه والله ما لخاطري،
رميساء: واش حنا ليل كامل بتنا كنخططو معاك و نجيو تا لدابا و نقولو ليك لا،
زهور: وا واخا هكك بقا فيا الحال،
رقية: (شدات ليها فحناكها و باستها بالجهد) يخليلي الفنون ديالي،
رميساء؛ (عنقاتها عندها و باستها فحنكها) صافي الزين باركة من هاد التقليقة زيدي نشوفو طارط لي غديري لحبيب القلب،
زهور: خدييت تصويرة هي لي بغيت،
رميساء: يا ودي غي زيدي نديرو عليها الدوموند و كان،
ركبو فالطوموبيل محركين كيقضور شغالهم و زهور غي مبسمة أول مرة دير شي حاجة باختيارها هي و بخاطرها هي..
واقفين بجوج فباب الريسطو كيشوفو فيه هو لي لداخل كيهضو مع المسؤول لي حاطين تما و كيتناگرو..
زياد: خويا مرااااتووو از::بي دايرة ليه مفاجأة تنوض نتا تقولو زيد راها دايرة ليك عيد ميلاد جهلتي،
مُصعب: ياااا جدك اش كتساين مني نقوله،
زياد: البنت قالت مبغاش يسيق الخبار اغنيهالك وااا دايرة ليه مفاجأة،
مُصعب: شغل البراهش والله اش بغيتي نقولو ليه متلا،
بقا ساكت كيشوف فيه تا تبسم بشر و شاف فمُصعب: نقولولو سخفات،
مُصعب: (خنزر فيه) بغيتي تجيبها فضلوعك،
زياد: هي لي غنقوليه سكت ها هو جاي،
ضربو الطم كيتسناوه يوصل عندهم تا وقف عليهم داير يديه فجيابو و قال: انا انتحرك للدار،
زياد: و علاش؟
حَيْدر: زهور خاص نديها لسونطر تقرا،
زياد: الا غي زيد راه قالت ليا رقية بغاوها تبقا معاهم،
حَيْدر: عندها القراية خصها تمشي،
مُصعب: (خسر فيه كمارتو) القراية بالخاطر صوني ليها شوف واش باغة تمشي،
هز فيه حاجب و جبد تيليفونو بعد من حداهم و دوز ليها لآبيل كيتسناها تجاوب.. مدازش بزاف تا سمع صوتها الهادئ الرقيق لي كيدخل مع مسامعو كيخلي قلبو ينبض: حَيْدر،
حَيْدر: روحو فينك،
زهور: فالدار علاش؟
حَيْدر: مباغاش تمشي تقراي؟
زهور: (غبنات ملامحها فرقية لي كتشوف فيها دايرة يديها على خصرها باغة تمشي تقرا ولكن باغا تفاجأو كتر) لا بغيت نبقا مع رقية قريبة تمشي،
حَيْدر: واخا الصغيورة ديالي ردي البال لراسك غي نوصل المحمدية نشوفك،
زهور: واخا باي باي،
قطعات عليه و حطات تيليفون رادخاه فوق السداري و هزات نفاخة كتنفخها و كتخنزر فرقية لي كتنفخ و تشطح..
رد التيليفون لجيبو و تحرك لعند الدراري.. شاف فيهم بتنهيدة و قال: لاش واقفين ليا فوق راسي،
زياد: (حل يديه كيضحك غادي يعنقو) عيد ميلاد عشيري هادا و منوقفوش ليه فوق راسو،
حَيْدر: (دفعو من عليه كيضحك) وايلي حنا دراري صغار اصاحبي،
زياد: تت كبار زيد نتحركو نقصيو فيا الهيمري،
مُصعب: من نهارك فيك الهيمري،
حَيْدر: تحركو شحال ولا فيكم دالنگير،
تحركو كل واحد ركب فطوموبيلتو من مور ما قررو فين ياكلو واحد تابع لاخر..
وصلات الخمسة دالعشية و رقية و زهور جالسية كيشوفو فديك الجليسة لي صوبو.. كان فالسقف معلقين نفاخات بالون الذهبي و الكحل و حاطينهم النيت فوق الفوطوي لي كانت دايراه رميساء تما و حداهم طبيلة صغيوة فوق منها طباسل على حسابهم و حليوات مع موناضة مهم قادات ديكشي على حقو و طريقو..
هزو عينيهم فرميساء لي مشات تجيب طارط من الباتيسري.. ناضت عندها زهور بالزربة تبعاتها للكوزينة حلات الكرطونة كتشوف فطارط كيما ختارتها كيما تصوبات..
صفقات بيديها بفرحة و شافت فرقية: شتييها شتيها جات كيما هي،
رقية: ناريي فنة،
رميساء: ياله ياله الالة تلاحي دوشي باش نصوب ليك شعرك و نقادوك،
زهور: (حنيكاتها توردو و قالت بخفوت) بغيت نجي زوينة،
رقية: هاي هاي هاي على بنت الحسن تا هي بغات تجي زوينة يشوفها الصاحب،
زهور: (عقدات غوباشتها على سيرة باها) ما بنت حد انا هاد الساعة حَيْدر هو ولي أمري،
حلات فيها رقية فمها و رميساء تفرشخات بالضحك.. جرات زهور لي باقة مغوبشة فرقية دخلاتها للحمام و سدات عليها تدوش فخاطرها..
رجعات رميساء لقات رقية باقة حالة فمها سداتو ليها و هزات لكيك ديرو فالتلاجة: سدي فمك مالك،
رقية: لا قمعاتني و كتخنزر فيا من الفوق،
رميساء: (بهدوء) نتي عارفاها مع باها كي دايرة و كتزيدي تجبديه ليها،
رقية: (عضات لسانها) وراه مقصدت والو،
رميساء: عارفة احبيبتي ولكن هي لا ولي تعرفي شنو كتقولي معاها زهور ولفات فشوش حَيْدر و ترخات معاه حاولي تعامليها بالهداوة،
رقية: فييين ياماتك ازهور لي باها كيغوت فوق راسها و يسخط و هي كضرب المسمن،
رميساء: هههههه وراه باقة كيما هي غي رجعات كتفشش شوية.. (غمزاتها) سايني يدير ليها بابلو اسكوبار شي بلان و تفرجي ديك ساعة،
رقية: نارييي مسكين يبقا فيا،
رميساء: هنينا دابا نتي شنو غتلبسي؟
رقية: دابا تشوفي،
جلسو فالصالة كيساينو زهور تخرج تا هي عطات الخاطر لراسها فالحمام و دوشات بالشوية عليها.. خرجات كتشعل و وجها كيبري بالنقى.. دخلات لبيتها و تبعوها البنات جلسو فوق الناموسية و هي حالة البلاكار كتشوف فيه..
رميساء: شنو غتلبسي؟
زهور: و شكون عرف والله مبانت ليا شي حاجة فهاد الزمر،
رقية: نعطيك شي كسوة من عندي؟
زهور: تت بلاش انا انشوف هنا شي حاجة..
ديكشي لي كان تخشات كي القملة وسط داك البلاكار و بدات تبقش و تربج تا جبدات كسيوة فاللون الموڤ بارد سميطات و قصيرة حد الركبة.. ضحكات و ضارت عندهم سرحاتها قدام عينيهم..
رميساء: سيييير ناضية،
رقية: حبييتها الزغبية تجيك واعرة،
زهور: ههههه صافي ياله نوضي صوبي ليا شعري،
لبات ليها رميساء طلب و ناضت لبيتها جابت سيشوار و البلاك و جلساتها قبالتها كتصوب ليها و موسيقى مطلوقة ضاحكين ناشطين..
جالسين فقهوة مجمعين و زياد منشط ليهم القضية غي قولها و ضحك عليها ما مخليش من حقو تا وقفات عليهم أميمة و حداها زينب غي شافها زياد ضحك من الوذن لوذن و قال باستهزاء: أمي،
رمشات فيه زينب و كلمتو دخلات لقلبها نيشان.. واخا قالها بطنز ولكن هي بصح ضراتها فقلبها.. كتشوف فيها و تقول فبالها شنو كان وقع كون بغاتو و ضماتو لعندها و رباتو..
قاطع حبل أفكارها أميمة لي كتخاطب حَيْدر: اوا ازين معوالش طلق لينا ديك البنت؟
مجاوبها محاشاه ليها دارها بحال الا مهضراتش.. خلاها كتقلا غي بوحدها و باغة غي باش تفقصو.. لاكن مخططات رائد مانعينها.. هي ماشي قل من أي وحدة معجبة بحَيْدر و لي كيفقصها هو عمرو عطاها وجه..
زينب: زياد بغيت نهضر معاك.. (شافت فمُصعب لي معلي فيها حجبانو و حَيْدر لي تا هو كيشوف فيها) بوحدنا،
زياد: وايلي اميمتي.. (جر كرسي) جلسي والله تا تجلسي حلفت تحنتيني،
بقات غي كتشوف فيه.. واش لهاد الدرجة واخد الأمور طنز و ضحك.. معارفاش بلي هاديك هي طريقتو باش كيخفف على راسو الألم لي كيحس بيه فكل مرة شافها..
جلسات فوق الكرسي و دارت رجل على رجل و شافت فيه: بخصوص الورت لي عطيتيني الدار مكانتش منهم،
زياد: اه اه اه بغيتي تا الدار؟
زينب: اه تا الدار.. (هزات فيه حاجب) علاش لي متكونش من حقي انا،
زياد: احيت اميمتي انا غا ولد الحرام.. (ضحك ليها تا بانو سنانو) ما هي من حقك ما هي من حقي هاديك دار الورتة غا دايرين بليزير مع الواليد و خلاوه يعيش فيها،
زينب: بغيتها،
زياد: دابا نخراها ليك.. (حك على شعرو و ركز عينيه فعينيها) لي عندي كولو عطيتو ليك شنو بغيتي اخر،
سكتات كتشوف فيه.. ركزات فعينيه لي كان فيهم حزن عميق.. حزن كبير مكيبان الا لا ركزتي فعينيه بزاف.. دوزات لسانها على شفايفها و سرطات ريقها كتبلل حلقها.. هو بصح عطاها كلشي بلا ميفكر جوج مرات.. عطاها أملاك باه كاملين باش تبقا هي براحتها.. فكل مرة كيبين ليها بلي هو حسن منها و بزاف و عمرها تقدر تقول تربيتي!
وقفات و هزات صاكها و جرات أميمة بلا متقول تا كلمة خلاتو متبعها بعينيه بنظرة فارغة..
واقفة بكامل اناقتها شعرها طايح على كتافها و شفارها طالعين بماسكارا.. و بلون خفيف فوق عينيها فالموڤ و عكار بالكاد كيبان على شفايفها.. كانت كتبان زوينة بزاف و جمالها مخلط ببرائتها عاطيها جمالية كتخلي كل من شافها يقول ماشاء الله..
وقفات بديك الكسيوة كتشوف فراسها فالمراية و ضحك.. عجبها راسها بزاف خلات رقية و رميساء كيضحكو معاها..
زهور: جيت زوينة،
رقية: فنة فنة يا ختي،
رميساء: نوضو نلبسو تا حنايا و نتي صوني ليهم يجيو،
رقية: اوكااااي،
هزات رقية ديك ساعة تيليفونها و صونات على زياد لي غي شاف رقمها حنحن و غمز لمُصعب: الو،
رقية: جا الرقت تقدر تجيبو،
زياد: كييفااااشش؟؟ واش غي دابا،
رقية: واش جهلتي و لا مالك!
زياد: صافي صافي احنا جيين،
رقية: زياد هبلتي لا؟
زياد: صافييي متخافيش احنا جايين،
قطع عليها و بقات كتشوف فتيليفون و ضحك ببلاهة فالتالي هزات كتفاها و مشات لڤاليز ديالها كتجبد شنو تلبس،
شاف زياد فحَيْدر كيصطنع الخوف و قال: زهور زهور اصاحبي سخفات و معرفو ميديرو ليها نوض نمشيو،
حَيْدر: (وقف بالزربة مخرج فيه عينبه) واااش من نيتك،
مهضرش مشا كيطير لطوموبيلتو خارج كيجري خلا كلشي كيشوف فيه.. مساين حتى واحد فيهم ديك ساعة قلع خارج من كازا للمحمدية..
وقف زياد كيهز بزطامو خلص دغيا و تبعوه كيطيرو و زياد غي كيضحك شادو فوغيغ..
لحقو عليه فالطريق تا وصلو للدرب.. هبط بالزربة من طوموبيلتو خلا الباب محلول تا سدوه الدراري و تبعوه كيجريو هو لي كان كيدق فالباب قرب يفرعو..
حلات ليه رقية و رجعات للور.. كان الضلام مكيبان ليه والو.. ياله بغا يعيط بسميتها تا بانت ليه خارجة من الكوزينة و الضو ديال الشمعة ضارب فيها و فعينيها لي كيهبلوه..
هازة طارط بين يديها شاعلة فيها شميعات بعمرو و كتمشا اتجاهو و كتغني بالشوية: هاپي بيرداي تو يو،
تبعوها البنات كيغنيو معاها و هو حال فمو فيها.. فشلات ليه الركابي و هو كيشوف فيها.. كان خايف عليها بزااف.. لاكن غي شافها بهاد المنظر قلبو تهز..
وقفات قبالتو كتشوف فعينيه لي كيفليو ملامحها البريئة و قالت: عيد ميلاد سعيد حَيْدر،
حَيْدر فين هو حَيْدر دايب فيها و بيها.. مكانش كيتخايل ليه أبدا غادي دير هاد الخطوة..
وقفات من الغنى و قالت بابتسامة: طفي الشمعة،
لبا طلبها مسحور.. حنا على الشمعة و ساط تشعل الضو و هنا كانت صدمتو كتر و كتر..
طلع فيها و نزل باعجاب كبير كانت بحال شي ملاك.. حطات الكيك فوق الطبلة و ضارت عندو جراتو من يدو وقفاتو الوسط و قالت: كي جاتك المفاجأة،
كان منو غي الصمت.. فقط كيشوف فيها بحب.. كانو نظراتو باينين ليهم كاملين.. خصوصا هي لي حناكها حمارو و الحشمة شداتها من صبعها الصغير.. تا خرجاتو من شرودو رقية لي قالت بصوت مرتافع شوية: وااااا نسيبي العزيز فين سهيتي،
شاف فيها و خربق على شعرو و رجع بنظرو لزهرر: نتي لي درتي هادشي كامل،
زهور: ههه عجبك؟ اه انا و عاونوني البنات،
حَيْدر: زوين بزاف،
زياد: و طبعا طبعا انا لي جبتو،
شاف فيه حَيْدر بالعرض البطيئ و جمع فيه تخنزيرتو تا بدا زياد كيضحك: والله ملقيت شي حاجة باش نوضك بهاد الزربة تجي،
حَيْدر: ما لقيتي تقولي غي زهور سخفات،
زياد: هادشي اخويا لي جا فعقلي ما عندي مندير ليك،
رقية: وا ماوقع والو دابا خليتي هادشي كامل لي وجدات ليك و لصقتي فزياد،
مُصعب: (شاف فزياد مصغر عينيه) لقيتي لي يدافع عليك اولدي،
زياد: (شد على قلبو كيشوف فرقية) حبي حبي هاديك،
خلاهم وسط حديثهم و جر زهور من يديها دخلها لبيت لي جا قبالتو و عنقها مزير عليهااا عندو.. بادلاتو العناق بحب و قالت: العقبة ل 100 عام انشاء الله،
حَيْدر: و نتي معايا الصغيورة ديالي،
زهور: عجباتك المفاجأة ياك؟
بعدها عليه و بدا كيطلعها و ينزلها باعجاب كان باين على وجهو: عجباتني صغيورتي كتر،
حشمات و حدرات عويناتها كترمش فيهم تا علا ليها راسها و طبع قبلة على جبهتها و شفايفها: الله يخليك ليا،
زهور: (بلا متحس) آمين احم احم نخرجو عندهم،
حرك ليها عينيه و زادت قدامو جلسو بجوج فوق الفوطوي و لوخرين دارو كراسا حدا بعضيتهم ضارو على الطبلة..
جالس زياد حدا رقية لي شادة موناضة فيديها كتسمع لرميساء لي كتهضر و ضحك معاها خالقينها بيناتهم تا سمعاتهم همسو حدا وذنيها: شهاد الزين ابنتي،
رقية: (شافت فيها و تبسمات) كي جيتك؟
طلع فيها و هبط بتقالة.. بكسيوة غوز حد الركبة و نص كم و منفوخين.. و مكياج فوجهها بطريقتها لي متعوداها.. ايلاينر و مسكارا فراجو و عكار فشفايفها.. عض على شفايفو و رجعهم لعينيها: كتفتني،
رقية: ههههه شتي ديتي زين احبوبي،
زياد: اري شي بوسة،
رقية: ويلي حداهم هبلتي؟
زياد: تا نوضو،
رقية: اوا تا نوضو و نعطيك تا عشرة البوسات،
قلبات عينيها من عليه و رجعات كتسمع لحديثهم لي كان ضاير كلو على الطوموبيلات.. بقات غي كتبحلق فيهم مفهمات تا حاجة بحالها بحال زهور لي ساهية فحَيْدر كي كيهضر و يشرح..
نغزاتو من دراعو تا هبط عينيه فيها و قالت: نطلبك طليبة؟
حَيْدر: آمري الصغيورة ديالي،
زهور: نخرجو نضربو ضويرة بطوموبيل انا وياك،
حَيْدر: (طلع فيها و هبط) هكا؟
زهور: عافاك مغنهبطوش من الطوموبيل عافاك،
حرك راسو مقدرش يقاوم جمالها و عينيها لي كانو كيرغبوه..وقف وقفات معاه لبسات صندالة فرجليها دارت ليهم باي باي و شدات فيديه هابطة معاه..
تنهد مُصعب و ناض من الكرسي تردخ فوق الفوطوي: بلاصتهم حسن منهم،
زيااد: ايههه ديكشي لي كنت انقول.. (وقف رقية و جرها معاه للبيت) اجي ننتي نقوليك واحد الحاجة،
سد عليهم باب البيت خلا رميساء كتشوف مصدومة و ضورات عينيها لمُصعب: هادو فين مشاو؟
مُصعب: الgalb شديكشي لابسة؟
رميساء: هههههه كي جيتك فنة على من زويناتي!
مُصعب: الا من ناحية فنة فنة.. (طبطب على بلاصة حداه) اجي حدايا،
رميساء: نو.. (هزات من الكيك كتاكل) اخليتي بلاصتي حسن ليا،
قرب منها و حيد ليها الطبسيل دغيا من يديها و جرها لعندو جلسات حداه لاصقة فيه و هز الطبسيل لي كانت كتاكل منو بين يديه و هز المعيلقة خدا طرف من الكيك و مدو ليها لفمها..
كانت كتشوف فقط فعينيها لي كيشوفو فيها حلات فمها استقبلات ديك الكيك لي كان عندو مذاق آخر من يديه هو.. تبسم ليها بشقاء و هز شكلاط كان محطوط فطبيسيل تما حطو مبين سنانو و قرب من فمها..
كانت بحال الا منطلية بشي سحر.. قربات من فمو كتر و لاصقات شفايفها مع شفايفو كتاخد من طرف الشكلاط لي ففمو بشهية..
غي قاصو شفايفو شفايفها جرها من راسها كتر و دخل معاها فقبلة عميقة و كيتدوق الشكلاط من فمها و يمص شفيفاتها باغي ياكلهم..
تا بعدات عليه و حطات جبهتها على جبهتو و قالت بتعب: غي كنضيعو الحجرة عمرنا نكونو لبعض،
مُصعب: (دوز ليانو علو بقايا الشكلاط سايح على جنب شفتها) منك نخلاق الgalb،