الجزء 2 - أميرتك انت

عينيها حمرين بلا قياس و البكية مبغات تخرج ،شحال صعييب تسمع شي هدرة عليك بحال هاذي ؛ بالصدمة ماتعرفي با تجاااوبي تلتازمي الصمت افضل ...
خرجات عند مها و عينيها جمرة و حناكها حمرييين و دوات و صوتها غالب فيه البكية سمر: ماما خصني نمشي ننعس قولا لياسين يوصلني...
شافت فيها مها زعفانة رشيدة: و الله ياحسك و ماتجلس تركن بحال الناس حتى نجرجرك هنا دوز تجلس ياسين مشغول و مغنخليكشي فالدار بوحدك دوز تجلس شوية تعمل فال الخناء مع ختك ..
شافت فيها و تنهدات: وخا خلاتها ....و مشات بدلات بلاصتها و جلسات فبلاصة حدا العجايز كيشكيو على بعضهم ....
جالسة مربعة يديها و ملامح وجهها حزينة و ذابلة حيدات التاج و حطاتو على الطبلة،، حتى عيطات ليها بنت خالتها كتعوج نجلاء : اواعدي نتينا هنايا جالسة مالك مفقوصة اواعدي عادي بحال بحال ميبقاش فيك الحال حتى للعرس ديالي و هزلي الشمع والله مانقوليك لا ...
سمر ماتحركات من بلاصتها ماوالو شافت فيها و صبعات ليها و قلبات عينها ببروود ..خلات نجلاء غي مفقوصة: اوى الله يخليها سلعة مشات و خلاتها ....
. . . . . . . . . . دخلات العروسة باللبسة الاولى تكشيطة فالغوز و التاج و الشعرها مطلوق على طولتو جات كتحمق تقدمات نجوى و نجلاء كل وحدة فجنب العروسة هازيين الشمع لابسين بحال بعضهم نفس اللون و حانيين راسمهم مخصهوم يشوف فحتى حد و ميقلبوش راسهم، و سمر غي كتشوف و ساكتة حتى تكاات براسها على واحد المراة لابسة البيض كبيرة فالعمر ،شافتها تكات على كتافها هزات يديها طبطبات على راسها المراة : الله يرزقك ابنتي حتى نتينا يالكبدة و يفرحك و يعطيك شي راجل ولد ناس و مزيان بحال نيتك ... محاوباتهاش سمر بقات غي ساكتة مافيها ليهدر و لا ينطق حتى داتها عينيها و غفات حيت فاقت بكري و مناعساش و نهار د الدوران و الشمتة و الطعنة فقلبها عاد دابا احسن حاجة تنعس تنسى شوية.....
رشيدة شافت بنتها ناعسة مشات تفيقها ... رشيدة لديك المراة: سلام و عليكم العايلة ديالي نعسات عليك غا سمحلنا و صافي ...
مراة : هانية الحبيبة خلي الكبدة ناعسة متفيقاش...
رشيدة : شافت فيها و ابتاسمات: لا غنفيقا تنوض تمشي للدار حسن ر .....نوض الحبيبة ديالي نوض سمر ديالي، حلات عينيها ماعارفة راسها حتى فين هيا؛ بقات شوية عاد وعات على راسها ..
سمر: عينيها حمرين وجهها منفوح بالنعاس : شنو علاش فيقتيني ؟؟
رشيدة: نوض الله يرضى عليك تمشي للدار خاك نسى شي حاجة مشى يجيبها نوض اذا بغيتي تمشي...
سمر : هزات كتافها و قلبات عينيها: لا ممشاشي للدار انا خصني نبقى هنايا ...
ساطت رشيدة شادة راسها عليها بزز ماباغاش تحشم مع الناس: وخا يلاه بقى و نشوفك نعستي نتفاهم معاك...
مشات و خلاتها مخنزرة غي كتسوط و معاجباها حتى حاجة ........ بالها مع بنتها خافت غي تغفل و تنعس و يغفلوها يديرو ليها شي حاجة و لا يسحرو ليها قلب الام و مايقول .....
شافت ولد عم سمر سميتو نوفل مقرب بزااف لسمر و عيطات ليه: نوفل ....نوفل .... اجي الغزال اجي .. .
شافها نوفل لكان حتى هو متيتز على الحالة و الكوستيم ولد فعمرو 20 ملامح شقراء شووية : هاانا امرات عمي خصك شي حاجة؟ رشيدة: خيلاه مشي جلس مع ديك الزغبية لعندي غتفقصني معرفتشي مالا و منين جاها هاذ النعاس و هي كتبقى قصارة فالليل بحال موكااا و دابا جاها نعاس الصبر ياربي... نوفل: كيضحك شاف فيها و على حجبانو : مرااات عمييي خليني موقر متهدرشي على بنت عمي هكاك ...
رشيدة : مشي يالمتلوف نتينا و ياها امشي خلاها و مشى كيضحك شوية رجع عندها: و مرااات عمي فين غنجربها شمن طابلة جالسة؟؟
رشيدة علات على قفطانها : زيد قدامي زيد.. وقفات حدى الباب و شيرات ليه عليها : راااها جالسة بوحدا مع العجاييييز .. شاف نوفل فين جالسة سمر و تصدم: مراااات عمي ياكما غالطة متاكدة هاذيك سمر شاف فيها و رجع كبتاكد : سمر جالسة مع العجايز لا لا هاذي شي حاجة تما!!!!
رشيدة بقلق: و نتينا غي معصبة كان خصى تهز الشمع و ديك ساعة هزوه بنات خلاتها و بقا فيها الحال عليها اما تجبرا كدور من طبلة لطبلة ....
نوفل: وخا غي مشي انا غنجلس معاها.... مشى نوفل لعندها .....
سمر غي شافتو ضحكات و فرحااات شكون من غيرو لكيخفف عليها....
نوفل: هاي هاي شنو هادشي جديد علينا ابنت العم.. هزها من يديها ووقفها كيطلع و يهبط وهي كضحك بدلال : طيحتي السوق على البنات كاملين الغوز يا لالة ..
شافت فيه و هزات سبولة لدايرة لشعرها و دوات ببرائة : نفسخا حسن ياك باش نجي مزوينة كثاار ؟؟
نوفل بذكاء: لا الطرنونة شوف بنات كاملين طالقين شعرهم غتجي بحالك بحالهم خليهم مظفور هكاك جيتي مختالفة عليهم كاااملين ...
ضحكات و عحبها الحال حيت دايما كيعجبها نكون مختالفة على كلشي : بصح جيت مزوينة؟؟
نوفل : على فيها حاجبو : علاش انا كنكذب؟؟ مي بلاتي بلاتي!! هز التاج لرماتو على الطبلة و داروووو ليها نوفل : كيصفر : صافي دابا العروسة فين تبان قدامك...
ضحكات تقول ماشي عاد دابا لكانت حزينة و قريبة تبكي : مسخوط نتينا تسمعك ليلى تقجك ...
عاد ردات البال للكوسيتم!!! سمر: الحمد لله كتاب ليا فالعمر حتى شغتك بالكوستيم جاك مزييزن كيحمق..
نوفل : قرب لعندها و دوى بشوية: و اذا مانضتي دابا نبدلو البلاصة هاذ التسكسيفة لضربت على راسي كاملة غتمشي فالصو و انا جالس مع العجايزززز ...
شاف فيها و خنزر : حتى هدرتك رحعاات بحالهم غي ساعة و رجعتي منهم !!!
سمر : ضحكات و سرحات عينيها مع طبالي تشوف فين مجمعين البنات: اجي لتما فيهم البنات و داك الولد جتى هو بالحق انا ماعنديشي معاهم !!!
نوفل عطاها يديه شدات فيه و مشاو: غااازيد انا قاد بشغلي نتي كلشي معندكشي معاه...
نتي كلشي ماعندكش معاه!!!! سمر ببرائة: راه هوما لمكيحملونيش ماشي انا😒
ضحك نوفل و جرهامن ظفريتها كيغيظها... و جلسو فطبلة فيها غي البنات و ولد واحد شوية مبنت ...
حنا على وذنبها: بغينا التيتيز هنا القضية شاحتة ابنت العمم سمر: شافت فيهم و قلبات عينيها: هههه و دور عينيك مع اخريين شوف .....
. . . . . . . دازو ساعات و هوما على الهدرة و الضحك مع نوفل مفروح الحجر و يضحكو .....
. . . . . . . و اخيرا جات العروسة بالكسوة البيضاء لطلغات بيها فنة كلشي شكرررها ....قطعووو الطارط و شطحووو، و تصورو و سمر غي جالسة مناضت تصور، ما شطحات، غي جالسة بحال الغريبة... عيااات ماماها جاية كترغبها تنوض تصور مع ختهااا وااااالو لا هي لا خلييي بنااات خالتها يتصور معاها حسن من ختها هادشي لكتلقى جوااابها....
جا وقت وداااع العروووسة االاحباب كيبكيييو ،الام العروسة الدمعة غالباها تعيييى تحبسهااا والو وخا يكون قلبك حجررر بحال هاذ المواقف غتبكييي و لما لا؛ و هي اول بنت عندها غتزوجهااا هي الكبيييرة د الدااار هي الري و الشوااار فالدار اذا قالت ليلى لا يعني لا ،قالت وخا يعني وخااا ،هاهي دابا ماشية تكون حياااتها بعيييد على عائلتهههااا.....
ضماااات رشيدة بنتها و رضااات عليهااا و عيينيها باكييين و العروسة غي كتبكي: الله يرضى عليك ابنتي و ينورك و يجيب ليك تييسير الله يرضى عليك ....
ترضي عليها و تبوووس و تعاود تبويس و ليلى كذااالك باست ليها راسسها و يدييها و عاااودات باستتتها ماسخاتتش طلق ليها ... جا دور الاب لحتى هو الدمووووع على طرف عينيه : باس ليها راسهااا و باست ليه يديييه و رضى علييهها الاب محمد : مع راجلها: تهلى فيها اسي محمد الجوهرة الكبييرة ديالي عطيتها ليك ..
محمد باس ليه يدييه: الله ياودي اعمي بلا توصيية ..
ليلى : بعيييون باااكية : فين سمر و ياسسسين؟؟
رشيدة كتمسح عينيهامن الدمووع: ياسسييين راه هو جاااي ... و سمر قلبات عينيها كتقلب على سمر من بين الحظووور شي واقف شي جالس مبانتش ليها ،حتى لمحاتها واقفة مع نوفل كتشووف مكمشة فمها حابسة البكية شيرات ليها و جات جراتها رشيدة من يديها و باست ليها راسهاحتى هي، و مشااات عنقااات ختهااا لاول مرة فحييااااااتهم غادي يتعانقو كاي اخوااات عمررهم عنقووو بعض و جابتها الفرصة حتى لليلة لغتمشي فيها ليلى عرووسة!!!
ليلى طتبكي: هالبيت دابا رجع ديالك بوحدك ربح بييه ..
سمر كتشهق و تهدر : والله ياحسك ماتفلت مني غي قول لراجل ديالك يدير لي بيت فداركم غنبقى خطي بيطي عندكم ... رجعاات عنقااتها حتى بكاااو جميييع الحظور و مبغاوش يطلقو من بعضهم ؛حتى جرها ياسسين من ظفرتها: حيد اللصقة دابا عاد كتبكي عليها ...
سمر : حيدات ليه شعرها من يديه: زوووول من شعري.... غي حيد ليها من شعرها و هي تصعر: هنا حيدت يلاه ربحو بعضكم دابا ....
ضحك باسين و باس راس ختو وودعهااا و تمنى ليهم حيااة سعيدة .... و ركببات مع راجلها فطنوبيييل و مشااااو.......... »
التتمة.... « الصبااح التالي .....
صبحااات سمر مكورة فالصالوون ملوية بايزار خاشية راسها تحت المخاااد مخسرة ملامح وجهها الجميلة بسباب صداااع البرااهش قدامها غي كيطرو و يلعبو بصوت مرتااافع بالمخاااد تحت رجليييها ؛حتى طااح واحد فوق رجليييها بغى ينوض ،هزااات رجلليها و ركلاتو على إثرها طاااح من فوق المطربة و خرح بحالو كيبكي، عااد رجعاات تكممل نعاسها على خاطرها مي شكون خلاااك ..
رشيدة : هازة نرجس بنتها الصغييرة كتبكي : نوووض اسمر هز ختك كتبكي انا مشغوولة نوووض ....
سااطت سممر و رماات ديك المخدة بالاعصاب و شافت فيها مقلوووبة بالنعاس : شنننو عاااود ...
دارت راسها بين يدييها: و يما الخبيبة يا يما واش انا مغننعسشي اعيباد الله بيت ديالي و جريتو غليا منو باش ينعسو فيه دوك المرييوات و انا نعستوني مع البراهش و ماقلت والو ....و دابا خليييوني غي ننعس
رشيييدة : تغددات عليها بالمعقول: و الله يابنتي ياسمر و مانضتي ياحتي نشوي يماااك طراف طرااااف ....
سمر : عبسات فيها: كدعيي فراسك اماما ماشي فيا »
حطات ليها البنت فخجرها و مشات مخليها غتندب بالاعصاب واش مغترتاحش!!!!! هزاتها كتسكت فيها على سعدها ووعدها و هي جن جنونها الولاد الصغار ماعندهاش الخاطر ليهم بمرة ... . سمر : نرجس ديالي السكر ديالي هزاتها كتراري بيها : صافي صافي اماما صافي انرجيسة، السكر ،تحنااات باستها و سكتتها حتى نعسات حطاتها فالارض و زربات ليها بالمخاااد و خرجات و بدات حريرة اخرى تاني ....
سمر بصوت عالي: كدق فالطوالليط و شككون هنااا و اربيييي لهنا يخرج دغيااااا واش طواليط لي مشيت ليها نجبرى عامرة اووف !!!!..
ساطت و طلعاات الفووق تشوف واش طواليط عامرة تما حتى لقاتهم شااادين النوبة عليها ...
سمر: ياربي الصبر ياربي حتى دارنا منرتاخو فيا هبطات فالدروج كتشد شعرها سفنجة لابسة بيجامة صيفية بالشورط و الفوق بنص كم.... بالغوز طلاقات مع ماماها....
رشيدة: فين ماشة نتينا مقزبة هيداك فاين هيا نرجس ؟؟! سمر : معبسة: هي فالصالون ناعسة زربت ليها مزييان متخافشي و يانا ماشة لعند خالتو فاطمة نبووول😒 قالتها و بعدات من قدامها عارفة غتطلع معاها بشي قرصة : كي شتي هناااا ستاعمرونا حتى لافابو ولا فيه النوبة .....
رشيدة (طالعة للفوق): مشي يشوفك خاك خارجة هيداك متجيشي تخبع فيااا ...
تحاهلات هدرتها و هبطاات كتجرري و دقاااات على اادار مقابلة ليهم حتى طلات عليعا فاطمة : اشكووون؟؟؟
سمر: انا اخالتو سمر ...فتتتتح الباب خيلاه دغييا ...
فاطمة: غي شافتها ضحكااات عندها عزيزة : وخا الحبيبة وخا هنا غنسيفط خليل يفتخ ليك الباب ...
سمر : وخا اخالتو...
شوية تفتح الباب و لقات خليل قبالت كمارتها : صبااح الخير سمحلي عذبتك اخاي خليل...
خليل(حاذر عينيه مكيشوفش فيها جاوب بصوت رجولي حنين): هانية اسمر نتي ديالنا ...
سمخات فيه و طلعات كتجري فالدروج عياات صابرة حابسة البولة اللهم تجري دابا و لا تفرش قداام الولد....
دخلات للدااار و هي شااادة البولة .... مشااااات نيشاان للطواليط بحكم عاارفاه فين جااا، ماشي اول تدخل للدار حافضاها قنت بقنت ،قضات حاجتها و غسلات يديها و وججها و شللات فمها بالغاسول الفم كان تما ؛بحكم مع الزربة مجابش لا شيتة د السنان لا وللو. ..عااد خرجات ..
جلساات قدااام فاطمة فالصالون كتفطر معااها سمر : ملامح الراحة على وجهها : الله على راااحة اااخاالتو منعودلكش
فاطممة ضحكاات و طبطات على ظهررها: بالصحة الغزالة ديالي ... شبعتي نعاس ولا والو
سمر : (كدهن الحرشة بالشكلاط): اشمن نعاااس غمضت عيني جوج دقااايق ناصو البراهش طاايحييين عليااا الاعصاب الاعصاب شي يعررس و شي يشبع تمااارة ...
الخاجة فاطمة : كتمد ليها كااس د اتاي كضخك: كضحكيني يابنتي الله يعطيك شي خييير شي هدوور عندك حلووين..
سمر : فرحااات و ضحكااات و طلقات ديك حلاوة اللسان لعندها: الحلاوة ماجة منك السككككرة و باستتها فحكنها
ضحكااااات الحاحة فاطمة حتى شبعات: غي جمعي اينيتي فدوك الهدوووور دابا تحتاجيييهم..
سمر شافت فيها باستفهام : علاش فوقاش بالسلامة غنحتاجهم؟؟؟
الحاجة فاطمة ابتسمت : حلاوة اللسان ابنتي هي لكتصلاح للرجااال خلليك هكااا لسااانك حلللو و فريييجة و تعيشي هااانية غي عىررفي شنو كتقولي من فمممك، وزني كلامك و فكري مياات مرة عاد حطييه الغزالة ديالي سمعتيييني...
سممر حطاات من يدييها و شافت فيها و دارت صبعها عل حنكها: دابا حتى نتينا كتقول لعمو عمر كلام الحللو اخالتو
ضحكات لالة فاطمة و جاتها سمر على الكانة : على عمك عمر مااشي راجل ولا ... معاااه كنخرج غي الكلام الحلللو مكاين غي السبع ديالي الحبيب ديالي...
تصدمااات و فتحات فمها بالدهشة : حلللف كتقولو سبع ديالي صدمتيني لي يشوفكم يقول هاذو حتى صبباح النور لبعضهم مكيقولوها !!!!
الخاجة فاطمة كضحك: على الغزالة ديكشي كيتقال مع الناس كتخلي حتى للخلوة بينك و بين راجلك و قوللي لجا على بالللك ...هزات كاس اتاي كتشرب و تمسح دنووع د الضحك: و صبااااح زويين معاك اسمر
سمر باقية مدهووشة : و دابا حتى ماما كتقول لبا هاذ الهدووور؟؟؟
هنا صافي لالة فاطمة مقدراتشي سالات معاها بالمعقول يلاه جات تجاوبها و هي تسمع لالة رشيدة كتعيط للسمر لالة فاطمة : يلاه وض الحبيبة ديالي ..والله مسخيت بيك الجلسة معاك حلوة ..
سمر باستها من حناكها :تنا ولاهيلا نعاودوها ان شاء الله طبطات عليها : ان شاء الله ....
ماشيين عند ليلى دابا و لا حتى لليل..
سمر غي تفكرات و هي تعبس: و دااابا قاليك مااشين معرفت علاش ماشييين يهجمو عليها عاود زعما غيديولا الفطوور و ديكشي واش دابا باقي وقت شي فطوور.. لالة فاطمة : و العادة هي هاذي الله يجيب ليها التيسير و عقبال ليك ختى نتي ابنتي نفرح بيك تنا..
سمر : عناقاتها: شكررا اخالتو. ... يلاه بسلامةة
مشااات لسمر لدااارهم و تلاقات ليها ماماه فالباب : طللع دغيا دغيا جوج دقايق تهود لعندي لابسة تمشيي مع عزيزاااك لعند ختك دابا ..طير ..
سمر طلغات حاجبها: شنووووو جوج دقايق اماما انا جوج دقايف متكفينيشي حتى نطلع للبيت عسااك نلبس فيها !!!
رشيدة طلعات معاها بتقرفيسة للفخض : طييير تلبس التالفة طيير ولا والله حتى تمشي بنت خالتك و نتينا بقى هنا .... غي سمغاتها شنو قالت مشاات كطير لبيتها تبدل ...
لبسااات سروال جيينز مطرطق علليها و تشيرط بيضة قصييرة من القدااام و طويلة شوية من اللور اكرره حاجة عندها هي تلبس شي حاجة قصيرة من اللور، عقدة حياااتها هي هااذيك تحس غي بشي حد كيشوف ليها فمؤخرتها تجننن ليه تما عساااك اذا قاسسها شي حد تمااا....
شداات شعرها، ماسكارا، مرطب شفااه ،صافي و هبطاات كتجري .....
ركببو مع ياسين و الوجهة دار ليلى الجديدة......
. . . . .بعد مدة قصييرة وصللو قدااام باب الدااار .. . ياسين برازنة شاف فجداااتو حبيبة جالسة قداامو : الحاااجة صوني عليهااا الاول عااد ندقووو ...
حبيبة بانصيااع: اييه ...هزات تليفونها و عطاااتو لسمر : هاك نتينا صوني على ختك ...
شدااات تليفوون و دوزاات الخط ..لكن حتى حد مكيجاااوب ... سمر شاادة ضحكة : اعزيزة ليلى مكتجاوبشي باينة مشغوولين كون غي مشينا حتى للعشية نرجعوو ...
ضرباااتها زينب خالتها بالخفف فظهرها و غمزااتها تسكت حشمااات من ولد ختهااا !! ياسين تافف : يلاه نزلو نزلو ندقو عليهاا!! .
خرج باسين فتح الباب لجداتو و شد ليها فيديها و ستنى حتى خرجات خالتو و سمر عاد دق فالباب ...
دقة الاولى و التانية لكن مامن مجييب!! نطقات سمر بهمس لخالتها: خالتو اواعدي على شوهةةة داابا ليلى مع كيف غتعمل تشوف فخاها دابا ....
الخالة زبنب: غي سكت نتينا حتى نشوفو هاذ الحريرة ... صوتها و دوات مع ياسين: ياسين عااود دقق اولدي... هاذ المرة ياسين تعصب بالمعقول حيت جااابوه غي بزز يلاه بغى يدق و هو يتفتح ااباب و خرج راجل ليلى مبتاسم بببشاسة و باينة فيه غيطير بالفرحة...
محمد : اهلا اهلا مرحبااا دخللو غي سمحولينا مسمعناش الدق ياكما بقيتو كدقو بزااف؟؟
ياسيين تسالم معاه سالام رجولي: لا يلاه جينااا متخممش دخلو وهو كيرحب بيهم حشمااان معاهم و على الوقفة لخالاهم كيستناو ...
دخللو للطبقى الاولى هوما داخلين و ريخة د التداااوش عاااطية غي شماتها زينب دوراات عينيها فحبيبة لهي كذالك كتشوف فيها و ضربو الطم اما سمر مدااات ماجابت مقلوبة عليها القفة ..
ياسين كيلعب بسوارت طنوبيل بديه: فين ليلى نسلم عليها و نمشي عندي شي شغل ?
محمد : لواه جلس تفطرمعاانا .. راه خليتها كتصلي شوية و تجي..
ياسين : لا والو منقدرش غنتعطل على شغلي غنخليكم دابا وقيلة ....
الله يعااون و مبرووك عليكم محمد : الله يبارك فيك النسييب ....
مشىىى ياسييين ،و محمد رحب بحبيبة و زينب و سمر اشد ترحيب جلسو فالصالون مفرش و مقاااد على حقو و طريقو ديكشي متول زوين ...
جلس معاهم كيرحب و يعااود ،حتى خرجاات ليلى كتكسل من البيت لابسة قفطاان بيض و زيف خيااتي باينة فيها شعررها مفززك ،سلماات عليهم و ملامح وجهها عاديين ماكاين لا خشمة لا والو ...
ليلى: صباح الخير كيف صبختو. لباس؟؟
حبيبة : لباس المرضية و نتوما غي بقيتو مع شي عييى
ليلى: مزيااانن الحمد لله شافت فسمر و ضحكات : اوى سمر !!! حتى هي ضحكات معاها : اوى اوى من عندك !!
محمد ضحك: بعدى سمر ماعندي ميتسال ليها جوابها على نابها .. سمر كتلعب فشعرها : و شني سحابليك..نت
يلاه بغات تدوي مزال و هي تققرفصها حبيبة عارفاها ملي كتبدى كتبقى تهدر ماتسكت حتى تزبلها و هوما مابغااو الضسارة مع النسييب ..
بقااو كيتبادلو الحدييث و يهدرو على العرس و كي داز و شكون حضر و هذا شنو جاب، و هاذي شنو حابت، و شنو لبسو حتى ناااضت ليلى للكوزينة و تبعاتها حبيبة و راجلها خرج خلاوهم بوحدهم واخدين راحتهم...
فالكوزينة🌺
. . . حبيبة كتشوف فالكوزينة و تفليها : تبارك الله الله يزيد و يباارك يدخلها عليكم بالصحة و الربااح يابنتي.. .
ليلى : اميين اعزبزة لله يطول فعمرك...
حبيبة بفضول : اوى شنو قضيتو الغرض صافي؟؟
ليلى ابتاسمات ليها: الحمد لله
حبيبة : بارتياح : الحمد لله الله يرضى عليك المرضيية ديتي سيد الرجال ...
يلاه بغاتتدوي ليلى وهي. تقشع سمر واقفة مجنبة كتسمع عليهم : سمر دخل اختي مالك على حالتك نجيبو ليك شووولية (الكريسي) و تحلس مرتاحة خسن ؟؟..
حبيبة غلباتها ضحكة و شافت فسمر: اوى شباش نقوليك ابنتي يا سمر الله يخليها قاعدة فيك...
سمر : مرضاتش حيت حصلوها : علاش مالي شنو درت غي جيت نشرب جاني العطش مالكم منويين بوححدكم ؟؟ قلبات عينيعا : .. و باااز شكون مشوق فيكم
مداوهاش فيها و دخلات عندهم زينب و كملو هدرتهم.. . زينب بصوت مرتافع ضخكاات : قولي صافي فرحتي القريد سمر كانت كتشرب غي سمعات خالتها شنو قالت وهو يوحل ليها بقات كتسعل و رجعاات حمراء مزنكة و عينيها تقلبو ...
حتى جااات حبيبة كتجر من ودنيها : اش دااك ياكبدي اش داك تسمعي شي خاجة كبر منك ؟
سمرقصحاتها: والله اعزيزة ماسمعت شي حاجة!! حسبوني مكايناش و غي كمللو انا مكنفهمكمش ي شنو كتقولو!! كيفاش قرييد ماقرييد !!!غي كمملللو ماسمعت والو....
جات زينب فكاتها منها: غي خليها ايمة حتى هي اشنو فيها اذا سمعاات مزياان نيت متبقاشي غشيمة و تفهم شنو كيوققع علاه هي باقى صغييرة راها البنت دابا تبارك الله...
التتمة....
غي طاب اتاي وجدو الفطور لجابو معاهم و ستفوه فطبيسلات و حطوه فالصالون و جلسو يكملو هدرتهم سمر غي خاشية راسها معاهم كتعاونهم زعما ....
عيييااات ساكتة ساكتة حتى دارتها فيد الله و دواات باستفهام : ليلى اجي ياك نتينا فيك الدم ؟؟و لي فيهم الدم حررااام يديرو ديكشي اولا!!
هزات راسها فيها جداتها و ميقاات فيعا: ياااك ابوفهايم شكون قالها ليك نتينا ؟؟
سمر علات فيها حجبانعا: الله اعزيزة حنا قريناها فالقرااان زعماا مذكورة ماقلت حتى حاجة حرااام غي بلا ماتفتش فاين تشبرني...
زينب شافت فليلى : بصح اجي ياك فيك هاذيك شفت سمر ماجة ليك باولويز ؟؟
ليلى: غي كنت شاكة غتجيني و صاافي و انا نسييتها من باااالي حتى لديك الصبااح عاد تفكرت اولويز حيتاش تقدر تجيني غي فهاذ الايامات ..
سمر معبسة تفكرات الشوهة : ديك ساعة حتى تجيك عاد صرد موسيو ديالك يجبوم ليك علاش تمشي تشوهني انا مول الحانوت نحشم نرجع نتسخر من عندو مرة اخرى؟؟. .
ليلى ميقات فيها: على نتينا كتحشم بعدى؟؟ لو كنتي بصح كتحشم متبقاشي خاشية راسك مع النسااء و تسمع شنو كيقووولو .!
سمر عوجات فمها: اوى صافي تزوجتي غي البارح حسبتي فراسك مع شنووو بااز !!!
سمعو دقان فالياب .....
حبيبة : شكون ا ليلى كيدق؟؟ ....
.ليلى نايضة تشوف: وقيلة اعزيزة خالتي ماماه د محمد جااات زينب : و مشي الحبيبة فتح لعجوزتك الباب متعطلاشي .. دخلات لباتول كتسلم و ترحب و الظرافة كتقطر منها: اكي دايرين النساااب ؟كي بقييتو؟ لباس شويية؟ نعستو شوية
حبيبة : الحمد لله اختي هذا هو حال الدنيا و ديكشي لابد من. الباتول : وييه اختي الله يرزق غي الصحة و السلامة قلباات عينيها لسمر : و دوات مع حبيبة: تببارك الله احبيبة هاذ العايلة شحال غزاالة عندكم ...
حبيبة بتعالي: ربي يخلليك الالة باتووول و يكبر بيك..
التتمة ...
البااتول مزال كتشوف فسمر و طلع و تهبط فيها : دابا قفلات 16عااام يااك؟؟
يلاه جات تدوي حبيبة و هي تنقز سمر : لا مزززال اخاالتو حبيبة قصحات فيها شوفاتها بمعنى شدي فمك و رجعات شافت فالباتول : باقي ماقفلاتها شي شهورة و تكملوم ان شاء الله الباتول : تببارك الله ....
اوى شغنقولكم واحد المراة كنعرفا الصرااحة مراة ظرييفة بزززاف حمقاااتها بنتكم سمر الببارح و سولاتني عليها و ملي عرفاتها ختها د مرااات ولدي لصااقتني والللو هدرلي مع نااااسها بغااتها لولدهاا العربي الكبير مع تببااارك بخدمتتو و طنوبيلتو، و داارو فالاخر د الشارع هاذيك ديالو كاملة ....
سمر مسكينة تصدماات و حماارو ودنييها، و تزنكاات معرفات كيفاش تصرف، و سمييية العربي كتزنزن ليها فودنيها .....
حبيبة باحرااج: ربي يخلليك اختي الباتوول البنت كتشوفها صغييرة ماعندها عقلل و الري د باها و ماها احتى نمشييو و نهدرو معاها و يكوون خيير يااربيي.....
الباتول : ماقلتي عييب اختتي هذا هو المعققول ... المعنية بالامر غي كتسمع و ساااكتة عصباتها هدرة د جداتها بقاات كتمتت فنفسها ميلة شفايفها و عاقدة حجبانها بطفولية: سمر العربي.. سمر العربي... انا نتزوج بواحد اسمو العربي!!! سمر مزوحة بالعربي!! ولااله وخا نبقى بايرة حياتي كاملة مانتزوج بواحد اسمو العربي ..وخا تسخط عليها رشيدة منتزوج بييه هاذووو حماااقو غي من سميتو باين شكلو كي عامل .. اجي ابا تشوف بنتك بغااوو يزوجوها للعربي... يبززو علييا غنهز قلوعي و نمشي لسبانيا نتزوج ب كيرس و لا العربي وخا كرريس زعر اللهم زعر و لا العربي جبييييلو مسرول......
x