الجزء 15 - عَــشِــقْــتُــكِــ إلــى حَــدّ الــهَــوَسْ

دخل لعند مو لبيتها نيشان لقاها شادة تيليفونها كتخربق فيه غي حل عليها الباب هزات فيه عينيها بابتسامة: راحتي،
قرب منها جلس حداها و هز يديها كيبوسهم كي عادتو و يمرغ وجهو وسطهم و صباعها كيلعبو فلحيتو تا نطق: جات احنانتي جات لدار راجلها.. (هز فيها راسو) صغيرة احنانتي و صغيرة بزاف ولدك كبير عليها و بزاف ديريها بنتك.. (طبع قبلة على يديها) نتي حنانتي جنتي تحت رجليك بلاصتك عمرها تزعزع غي خوي و ريحي بالك،
باهية الحقد تكون فقلبها جيهة زهور و كلمات ولدها ابدا مطفاوش الحقد بل زاد عليه حركات راسها بواخا تبسمات ليه: واخا اراحتي كون هاني،
حرك راسو و رجع باس يديها و وقف باس ليها راسها: تباتي فراحة الله احنانتي،
باهية: الله يرضي عليك اراحتي،
خرج من عندها مبسم طالع للدار.. هزات حاجب فالباب منين خرج و خرج صوتها بحقد: مكاينش بنت المرا لي تديك مني اولدي،
طالع لدارو كيحك فراسو عيان و باغي غير يحط الراس عندها و يرتاح.. حل الباب لقاها كتخربش فالتيليفون عاقدة حجبانها تمشي لجيهة البلاكار حل الباب و هز حوايج الدار لبسهم قدامها و تكا حداها فوق الناموسية كيشوف فيها..
هز يديه دوزها على عنقها و نطق بتنهيدة: بنوتي،
لمستو بورشاتها و كلمتو كتر لكن حاولات تمالك راسها و بلا متشوف فيه نطقات: اممم،
حيدر: معامن كتهضري؟
هزات حجبانها بلا متجاوبو تا حسات بالتيليفون تخطف من يديها من زهرها كانت داخلة لواتساب من تحت سمية رقية كان نمرة رائد و اللول دلميساج باين.. يلاه بغات تجبد لتيليفون تحيدو ليه شاف فيها بتخنزيرة هبطات ليها قلبها لأرض حلات فمها تهضر و هو يدير ليها صبعو السبابة على فمو.. سرطات ريقها كتشوف فيه عاقد سبعة فحداش و قلبها كيضرب بالخلعة..
عكسو هو لي الأعصاب ديال الدنيا و الدين تجمعو عليه.. كيقرا لميساجات و كل كلمة كتحرق فيه بحال الجمرة.. من الميساجات ديال نهار وقف عليها فعيد ميلادو لآخر ميساج قرا هز فيها عينيه بنظرة قا تلة أول مرة تشوفو بديك النظرة..
حيدر: (كل حرف مزير عليه) شكون هادا؟
زهور: ت تا واحد،
هز حواجبو و هزهز راسو كيضحك و قرب منها جرها من عنقها بحال لا خانقها قربها منو: علامن كضحكي ااا شكووون هادا؟
زهور: (الخوف سرا معاها من قبضتو) ه هاداك لي وقف عليا فالقهوة ديك النهار،
حل فيها فمو يجاوب و رجع سدو بصدمة زاد زير على عنقها و همس قرب وذنيها لفمو: و جاوبتيه ضد فيا جاوبتيه قفرتيها،
رخا منها و تكا شاد تيليفونها صيفط نمرة رائد لراسو و بلوكاه من عندها عاد لاح ليها التيليفون فوق الناموسية عطاها بالظهر و غمض عينيه كيتنفس بالجهد.. مامستوعبش ديكشي لي برا و بالو خدام الا دار شي حاجة دابا و هو مازال معرف من أسامة والو يقدر توقع ليه شي حاجة..
هو مخايفش على راسو قد مخايف يخليها بوحدها و هي ماليها حد فهاد الدنيا غيرو حامي ليها.. بصح ضراتو كيفاش جاوباتو و لكن ميقدرش يهز عليها يديه ميقدرش يضرها بالهضرة كي ضراتو ديكشي علاش سكت و تكمش فبلاصتو كيفكر فهاد المشاكل لي كيطيحو دقة وحدة..
بقات كتشوف فظهرو العريض و قلبها كياكلها عليه باغة تعنقو و طلب منو السماحة و لكن فعلتو معاها خلاتها تهبط راسها و تعطيه بالظهر هي الأخرى عينيها كيدمعو بصمت.. أول ليلة ليهم مزوجين نعسو عاطيين بالظهر لبعضهم..
تا داز الوقت و غمضات عينيها مستسلمة للنوم عكسو هو لي بقاو عينيه محاولين فالضلام كيسمع للجرات دنيفها و قلبو مهرس عليها.. غي حس بتنفسها انتاظم عرفها نعسات ناض من بلاصتو و مشا لجبهتها جلس قفازي قبالتها و باس عينيها بجوج نيفها و حنكها و طبع قبلة على شفايفها خفيفة: سمحيلي ابنوتي سمحيلي البنيتة ديالي سمحيلي على هاد الدموع،
باسها فراسها و ناض خرج من البيت هز قرعة الشراب من المجر مع موناضة باش يخفف و جلس فالصالة كيشرب و يفكر..
حلات عينيها معمشين بنعاس كترمش فيهم قبالتها.. مدات يديها هزات تيليفون لقاتها 11 عوجات فمها و شعلات كونيكسيون كطل على الميساج ديال رقية تا لقاتها مجاوباها من نمرة د ماما بميساج خلا قلب زهور يقفز من بلاصتو..
"انا ماشي مزيان والله تمنيت كون كنتي باقة هنا نعنقك و نبكي عندك توحشتك اختي والله توحشت ياماتنا فالدوار بعاد على ناس كبارين علينا مهم انا غي نصوب تيليفوني غادي نصوني عليك ودي البال لراسك و مبروك الزواج احبيبتي الله يجعل سعدك حسن من ديالي متجاوبينيش هنا"..
عينيها تغرغرو بهاد الميساج بصح بعد المرات كتقول مصاب كون بقيت فالدوار و لا هاد الحياة لي كبيرة عليا و بزاااف تنهدات و حطات تيليفون بلاصتو وقفات قادات بيجامتها و مشات للحمام قضات غرضها تا كتسمع الدقان فالباب هزات حجبانها و مشات جيهتو حلات الباب تا كتلقاها مطلعة فيها حاجب بنظرة حارة و يديها على خصرها..
طلعات فيها و هبطات كتميق و قالت: شلا و شلالي فايقة ليا تا لزك النهار من زيناتك عروسة،
حركات زهور راسها باه و قالت: صبحنا على الله و ملائكة الرحمان،
باهية: هاي هاي هاي على العروسة النايحة كتردي فالهضرة مصبحة على قردة ابنت القردة،
زهور: الله يا ودي اخالتي.. (تبسمات ليها) شنو حب الخاطر،
باهية: (مدات ليها يديها) صباااحك بغيت نشوف صباحك و لا يكما معندكش؟
الطعن فالشرف..
غمضات زهور عينيها بتنهيدة هضرة باهية كتحرق ااه و لكن هي عارفة راسها و عارفة مزيان شنو خصها تقول: خالتي ديكشي كيبقا خصوصيات بيني و بين راجلي حتى دمي معندك علاش تشوفيه فاش غادي تفيدك نقطة الدم.. (تبسمات ليها و هزات حجبانها بخفة و هبطاتهم) معندي فاش نفيدك فهادي قوليها لحيدر الا بغا هو يوريك،
باهية: (زادت فحدة تخنزيرتها و تبسمات باستهزاء) ااه كتغطي على اش درتي باينة باينة السلعة كي دايرة تلويتي عليه كي اللفعة وليني غي صبري عليا الا بقيتي ليه.. (شرطات دقنها بصبعها) سيّلي ليا،
زهور: (ببرود طلعاتها و نزلاتها) خالتي فخبارك راك درتي وحدة من الكبائر دابا ربي يسمح ليك،
بعدات من الباب بلا متسدو و رجعات للكوزينة كتبقشش شنو طيب تفطر.. بقات باهية متبعاها بعينيها و رجعات أدراجها هبطات لدارها حالفة بحلوفها حتى طججها..
بقات كتحل فالمجورة و تسد كتبقشش عاد هزات صوبات براد صغير د اتاي مع الكومير و كرواصا و مادلين جابهم ليها قبل ميمشي لخدمتو حطات كلشي فوق الطبلة و مشات جابت تيليفونها كتصوني على رميساء..
جاوباتها الأخيرة بصوت ناعس: اممم وي الشهبة؟
زهور: صباح الخير رورو عافاك نوضي جيبي ليا حوايجي بحرا نستفهم و كتوباتي،
رميساء: الحمدالله و نتي كي صبحتي،
زهور: ههههه كي الزفت صبحات عليا عگووزتي اختيي منعاودش ليك،
رميساء: شنو قالت ليك؟
زهور: تا تجي عندي و نعاود ليك نوضي متعطليش،
قطعات عليها و حطات تيليفون قبالتها كتفرج و تفطر بالخاطر و بشوية عليها و كل دقيقة عقلها كيسافر لشنو وقع ليها مع حيدر و شنو مازال كيتسناها مع باهية..
على ذكرها دخلات عليها هازة سطل و كراطة و شطابة حطاتهم ليها بشنتة فالأرض و هزات فيها حاجب: اممم مدلة عاد كتفطري تگعدي جمعي دار ولدي و هبطي الدروج بتسييقة ياله و دوزي لداري تا هي،
حركات زهور راسها و كملات مكلتها بصمت بلا متجاوبها و لا تعطيها خو كلامها تا غوتات باهية خابطة السطل برجليها: راااني كندوي معاك تگااعدي ياله،
زهور: (ببرود كتكاكل) دار راجلي لي هي داري مغنخليش الغريب يقولي جمعيها.. (هزات فيها عينيها بابتسامة) و دارك اخالتي مامات راجلي على راسي و عيني نجمعها و نسيقها و نطيب ليك الغدا شنو بغيتي آخر،
باهية: (طلعات صبعها فيها و هبطاتو) ناكل من يديك نتي اوا الله يسترني،
عطاتها بالظهر و هبطات لدارها فرحانة براسها كتخمم ليها فلي موراها..
تنهدات زهور على هاد الحال و رجعات كتاكل تا صونات ليها رميساء هبطات مع الدروج حلات ليها الباب سلمات عليها و جراتها ديريكت لفوق هازة عليها الڤاليز لي جابت ليها.. دخلات رميساء كضور عينيها فالدار و شافت فزهور: زوينة الدار،
زهور: اممم فنة خاص غا معامن،
رميساء: ههههه قوليلي شقالت ليك ديك العاقسة،
زهور: (دارت ليها بلاصة حداها) اجي تفطري بعدا سمحيلي فيقتك من النعاس،
رميساء: (هزات البراد كتكب ليها) قولي شدارت ليك،
زهور: صابحة عليا قالت لي عطيني صباحك و دابا.. (شيرات ليها جيهة السطل لي مليوح) شتي هادوك جابتهم ليا قالت ليا سيقي دار ولدي و داري و الدروج،
رميساء: الا نضتي سيقتي ليها راكي قحـ بة،
زهور: ههههه مخصني صداع انا اصلا خصني فاش نتلاها حسن منبقا نفكر تا نطج،
رميساء: نعاونك نيت انا نستف ليك حوايجك فبلاكار نيت قبل منمشي لخطوبتييي،
زهور: قلتيها ليه؟
رميساء: مغنقولو والو اندير الخاطر لبابا و غادي نخليها هكك ندير ليه السبة تا نتفرق عليه عين مشافت قلب ما وحع،
زهور: اتجيبيها فراسك،
رميساء: مغيوقع والو نوضي ياله،
ناضت رميساء دخلات للبيت حلات البلاكار لقاتو مخلي ليها بلاصتها بدات كتستف ليها حوايجها و زهور ضارت بالدار كتجمعها...
واقف كيشوف فأسامة بتخنزيرة كون كانت قرطاس كون شتتاتو ديك الساعة.. قرب منو جلس قبالتو فوق الكرسي و نطق بحدة: علاش بلا خباري؟
أسامة: (هز كتافو) راك خويا واخا كون رجع الزمان لور اندير نفس الحاجة،
حيدر: (دوز يديه على وجهو) كيبغيها؟
خرج فيه أسامة عينيه بصدمة معرفوش كيفاش عرف.. لسانو تشلط و بقاو فقط عينيه لي كيدورو حركتو خلات حيدر يتأكد كتر من داكشي لي كيضور فبالو وقف بعصبية ضرب الكرسي قبالتو و غوت: فيييييين كاااااين؟؟
أسامة: (وقف غادي لجيهتو) حيدر تكالما ماشي دابا واخا ماشي دابا دابا حاط عليك تناساه،
حيدر: (ضرب على صدرو بعصبيه عقلو ايخرج من بلاصتو) مرتتتتييييي الراااااب واااا مراااااتييي انااااا يبغييي مراااااتييي،
أسامة: عارف والله عارف ولكن واش تبغي تخلي مرتك بوحدها عندها غي نتا فكر فيها و فكر فالواليدة صبر و دقتو تجيه تجيه،
حيدر: حتى لامتاا هاد الصبر اممم حتى لامتا؟
أسامة: معرفتش مي دابا خليك بعيد حيت قاطع دواه معارفش اشنو كيدير،
جلس فوق الكرسي كيحرك رجليه بعصبية و عروق يديه بارزين بكترة الغضب لي جامع فداخلو.. هز عينيه بتخنزيرة فأسامة و قال: مغتبقاش معاه هاني علمتك نسيق ليك الخبار نسى هاد الخاوة،
أسامة: (هز يديه للفوق باستسلام) كون هاني غنحبس،
حيدر: سير قضي شغالك فوقاش الافتتاح؟
أسامة: بعد غدا غتكون حاضر!
حيدر: راك خويا مغنحضرش لأول مشروع ديالك،
أسامة: الله يعزك الحبيب خوي بالك و كولشي غادي يتصلح غي خليها للوقت و انا نوريك شكاين،
حيدر: سير عالله ها حنا كنساينو هاد الوقت..
خرج من عندو خلاه شاد فراسو و كيفكر فهاد الحالة لي راه فيها.. كيفاش واحد كيبغي مراتو و هو مبيديه ميدير من غير يتسنى الوقت لدقتو!
تنهد فاش طاحت فبالو البارح كيفاش نعسات و هز تيليفونو كيدوز لرقمها.. المرة اللولة و التانية عاد جوبات كتنهج: نعام؟
حيدر: (هز حاجبو على ديك الجواب) شكاين؟
زهور: نتا لي شكاين لي مصوني؟
حيدر: زهووور گادي فمك حسن ليك الخمسة وجدي راسك تمشي تقراي،
زهور: كنعرف نمشي بوحدي شكرا،
حيدر: كلمة وحدة غادي نقولها يا اما تقادي يا غانقاد ديلمك بشي قتـ لة الخمسة منلقاكش فالدار نهارك يدوز كحل،
زهور: اممم بحال صباحي،
قطعات عليه تا هز تيليفون من وذنيه ردخو مع الباب و وقف غادي جاي فالبيرو بالأعصاب لي حكموه فهاد النهار..
دوزات التجفيفة و حبساتها حدا الباب الزنقة و طلعات لدارها كطير باش متلاقاش بباهية سدات عليها الباب بالساروت و خلاتو فالباب باش تا الا كان عندها الضوبل متحلش عليها.. جبدات حوايجها من البلاكار و هزات فوطة فيديها و دخلات الحمام كتغسل من العرگ و دوش بخاطرها..
عند رقية....
حاطة راسها على الكادر الناموسية و مها حداها كتهضر معاها بحنية و بهدوء كتنصحها: بنتي رقية نتي راكي فرحتي اللولة و اللخرا و عمر الخاطر ينفر منك معنديش منك جوج الحبيبة ديالي.. (هزات يديها دوزاتها على شعرها) النعاس و الهم و تفكري مغيجيب نفع سمعيني ابنيتي لي درقك بخيط درقو بحييط خلي ديكشي موراك و ان الله غفور رحيم استغفري مولاك هو قادر يداوي الجرح لي فقلبك ابنتي،
رقية: خنت تقتكم اماما.. (حلات فيها عينيها حومر) الشمتة اماما كتنغل فيا،
زهرة: عارفة ابنتي ماشي مشكل الشمتة و الحرقة هي لي اتحركك تخدمي على مستقبلك و توريه شنو كتسواي نوضي تقراي ابنتي و لا نسيتي الباك امم،
رقية: المدارس لي باغة ندفع ليهم فكازا و مبغيتش نرجع لتما،
جراتها زهرة عندها عنقاتها: متوقفيش قرايتك و شنو باغي خاطرك على قبل منوالا لي بغاتو بنتي ديرو و لي قال ليك لا باك يوقف فوجهو..
زيرات عليها رقية بيديها و خشات راسها وسط صدر مها و تنهدات قائلة: معرفتش شنو كنت ندير بلا بيك اماما،
زهرة: (بمزحة) اوا شتي وا نوضي صوبي عافا بنتي شي طويجين،
رقية: ههههه اوا لا متضسريش،
زهرة: ديك الضحكة هي لي منورة حياتي و حياة باك مطفيهاش عافاك ابنتي،
حركات راسها باه فصدرها و سكتات كتمخشش فيها كتستند القوة و الحنان لي تقدر توقف بيهم من مور هاد الضربة لي جاتها من عندو.. هو ماشي حب انما الشمتة لي كانت كتحرقها فصدرها..
فبيتها القديم لي شحال مدخلات ليه.. بيتها فدار باها لي من نهار تزوج مدخلات ليها.. قلبات عينيها و هزات تيليفونها كتصوني ليه و فنفس الوقت كتسد الباب بساروت دورات عينيها للقفطان لي محطوط فوق الناموسية و تبسمات باستهزاء دغيا تبدلات لحب فاش سمعات صوتو: الgalb،
رميساء: الوجدي ديالي،
مصعب: كي دايرة صاڤا؟
رميساء: غي سمعت صوتك وليت بيخير المهم باشما تقلقش عليا انا راني عند بابا فالدار جيت نبات معاهم اليوم و غدا انرجع للدار،
مصعب: واخا ردي البال لراسك و الا صونيت جاوبي متخلينيش مشوش،
رميساء: واخا حبيبي تا نتا رد البال لراسك كنبغييك،
مصعب: كنعشقك الgalb،
قطعات عليه و دخلات للحمام لي عندها فبيتها عمرات البانيو دارت فيه الزيوت لي كاينين تما و رغواتو طلقات موسيقى هادئة و دخلات وسط البانيو هاربة من فكرة أنها كتخونو و كتغدرو فظهرو.. هي معاه و اليوم خطبتها مع واحد آخر.. ترخات وسط البانيو براحة مكتفكر فوالو فقط الفراغ..
داز وقت طويل عاد وقفات بهدوء غسلات عليها بلا متقيس شعرها و خرجات نشفات راسها دارت الكريمات ديالها لبسات دو بياس و هزات بينوار ديال شوميز دنعاس لي جابت معاها لبساتو عليها و هزات مكياجها حطاتو فوق طابل دو نوي و بدات كتقاد بشوي عليها و ابتسامة على وجهها مدرقة بيها الأوجاع لي كتحس بيهم..
تدق الباب و وقفات بسلاسة حلاتو لقات خوها جراتو معنقاه و علات عينيها فباها لي كيشوف فيه هو و مرتو سدات الباب فوجههم و دخلات مع خوها لبيت لي جر كرسي جلس حداها..
نسيم: ايييه ختي كبرات و غتخطب و تزوج و دير دارها،
رميساء: (شيرات ليه ب پانسو) راني كبر منك اصلا هادشي مؤقت باك لي فرض عليا،
عقد نسيم حواجبو واخا صغير عليها ولكن رميساء عندو هي روحو.. رفع نبرة صوتو و الحدة بانت فيه: كيييفاااش فرض علييك نتي مبااغااش؟
رميساء: انا اخويا كنبغي واحد آخر و هاد الواحد باك مبغاهش،
نسيم: (وقف و حرك ليها راسو بلا) مكاين لا خطوبة لا زبل مباغاهاش سالات القصة،
جراتو عندها باستو فحنكو و جلساتو بلاصتو و بدات كتعاود ليه من الأول حتى لتالي.. خوها و حبيبها و كتحط عليه الراس و عمرو خوا بيها صغير عليها و لكن فيه خصايل الكبار سندها و ظهرها..
عاض على شفتو باسف و هز يديها باسها بحب: انا معاك اختي شنو ما بغيتي انا معاك،
تبسمات ليه فهمها و حس بيها هزات يديه بدورها باستو منها و نزلات على ركابيها تخشات فحضنو بحال الا هو الكبير و نطقات بطفولية: فوقاش اتكبر باش نبقا نتمخشش فيك بلا منتحنى،
ضربها لظهرها كيضحك و باسها فراسها: راكي كتبقاي برهوشة فعيني واخا صغر منك نوضي نطججو هاد كمال دنم نوضي،
علات راسها باستو فحنكو: احسن اخ فهاد الدنيا هو نتا،
وقف خربق ليها على شعرها و خرج من عندها من البيت و رجعات هي كتمم مكياجها و الضحكة توسعات على فمها.. عندها سند لي يوقف معاها مهما اختارت و عارفاه ميخويش بيها شنو ما وقع..
التحت كانت حفيظة واقفة على الشغال من الألف للياء بحال الا واقفة لبنتها من لحمها و دمها.. غي شافت نسيم مشات عندو كتجري: كي جات زوينة ياك؟
نسيم: (علا فيها حاجبو) عارفاها مبغاش تزوج بيه؟
حفيظة: (باستغراب) اا كيفاش انا قالي باباك باغة،
نسيم: اااه هادشي من الواليد ااه واخا،
رخا منها و خرج لعند باه لي جالس فالجردة كيهضر فالتيليفون و يضحك خلا حفيظة كتعتر فجلايلها طالعة لعند رميساء..
حلات عليها الباب لقاتها كتقاتل مع السمطة ديال القفطان قربات منها سداتها ليها تا ضارت عندها رميساء سلمات عليها و رجعات كتشوف فراسها بفتور..
حفيظة: (كطلع فيها تهبط باعجاب و حب) مرتاحة ابنـ احم ارميساء؟
رميساء: غي قوليها بنتي.. (شافت فيها بابتسامة) علاش مكتحملينيش احفيطة؟
خرجات فيها حفيظة عينيها و حركات راسها بلاا عينيها تغرغرو بالدموع: على رقبتي ابنتي الا معزتك من معزة نسيم عقل الصغر ابنتي لي كان،
رميساء: (تنهدات و باست ليها راسها) مرتاحة مديريش فبالك،
حفيظة: الا بغيتي تقوليلي شي حاجة ابنتي انا معاك.. (غمضات ليها رميساء عينيها و حلاتهم) شوية و يجي عندك نسيم قربو يجيو،
هبطات من عندها بأناقتها جلابة بدو بياس و بليغة فرجليها و واسها عليه زيف امرأة بيضاء بملامح سوداء و لا نقطة مكياج على وجهها..
هبطات لقات مرتضى فاستقبالهم رسمات ابتسامة صفراء على وجهها و قربات كترحب بيهم و عينيها على كمال كطلعو و تهبطو مدخلش ليها لخاطرها ابدا.. جلسو فالصالة كيديو و يجيبو فالهضرة و نسيو و حفيظة عينيهم غي على كمال قليل فين كيشاركو معاهم الهضرة..
تا نطقات أم كمال بضحيكة: اوا فين بنتي نشوفها عروسة،
حفيظة: ااه هههه ها نسيم ينوض يجيبها،
وقف نسيم و باقي مخسر سيفقو فكمال لي متبعو بعينيه باستغراب.. تمشى لعند رميساء لفوق لقاها كتصور بيتيليفونها..
وقف نسيم و باقي مخسر سيفقو فكمال لي متبعو بعينيه باستغراب.. تمشى لعند رميساء لفوق لقاها كتصور بيتيليفونها ضحك و قرب كيتصور معاها..
وقفات كتقاد حوايجها و قادات شعرها لي مطلوق على راحتو و شدات فيدي نسيم خارجين من الباب كيضحكو على كمال تا وصلو لحداهم.. حنات على أم كمال سلمات عليه و سلمات على باه غيرو هو عوجات فيه فمها و مشات جلسات حدا نسيم دايرة رجل على رجل و كتشوف باستفزاز فكمال لي مخنزر فيها..
حميد: نهار كبير هادا الصحبة توطد و نرجعو عائلة،
مرتضى: شكووون قال شي نهار نتناسبو اودي احميد،
رميساء: لا لا متكذبوش.. (هزات حليوة عضات منها و شيرات لكمال) هاداك كان عارف اولا،
كمال دار ليها بحجبانو ياك و تبسمات ليه باستفزاز تا رجع نطق نسيم: ايييه كنت برهوش كنتي كتغفلني ولكن هانيا.. (غمزو) ختي موراها الرجال اعشيري،
رميساء: (نغزات نسيم) ماشي هكا اصاحبي متسبوش،
ضحك مرتضى كيخنزر فيهم كيحيد التوتر لي بان على وجه كمال و رجعو كيهضرو فشتى المواضيع غير رميساء لي خاشية راسها مع نسيم كيهضرو بالتوشويش تا تسمع الكلام لي خلى رميساء نغصة تشدها فقلبها..
حميد: اوا امرتضى نتا عارف علاش جينا طالبين راغبين فبنتا و بنتك عروسة لولدنا،
حولات رميساء عينيها لباها كيبانو فيهم ترجي كبير انه يرفض و ميحطهاش فهاد الموقف غير ان مرتضى تلف عينيه من عليها و هزهز راسو كيتبسم: اييه اييه كي قلتي بنتكم..
قاطعاتو حفيظة موركة على كلامها: ولكن شوار شواارها هي لي غادي تقرر،
شافت فيها رميساء بابتسامة و تنهدات كتشوف فباها لي عينيه كانو كيبينو شنو قال ليها ديك المرة.. الهضرة لي رجعات معاها دابا ياله كانت باغة ترفض تسمعات هضرتو فوذنيها.. زيرات على يد خوها و نطقات بصوت مرتجف: موافقة...
زيرات على يد خوها و نطقات بصوت مرتجف: موافقة...
شاف فيها خوها بأسف و رجع عينيه لباه بنظرات عتاب.. هز يد رميساء باسها و شاف فكماال ديريكت بتخنزيرة داير يديه على ركابيه و يد رميساء باقة بين يديه: نتا عارف و انا عارف لي ليك راه ليك تقدر تدي الكسدة و القلب يديه غيرك،
كمال: (شاف فرميساء لي حانية راسها و رجع عينيه لنسيم لي هاز فبه حاجب) القلب شحال ما داز عليه كيرطاب و يحن،
نسيم: (حرك راسو) كيحن لمولاه ما علينا ختي تقيسها حاجة تلقاني انا فوجهك،
حميد: ههههه كبرتي اولدي،
نسيم: الله يا ودي اعمي كبرنا شحال هادي.. (رجع شاف فكمال) كنظن فهمتي،
شاف فيه كمال بابتسامة و حرك راسو.. وقف ديك ساعة نسيم جار معاه رميساء نيشان لبيتو بلا ميشوف فحتى واحد..
شاف مرتضى فكمال غمض ليه عينيه بمعنى ماشي مشكل و خاطب حميد: اوا خصنا نتافقو على خطوبة رسمية فوقاش اتكون و العقد حتى هو،
حميد: ايييه علاش لا منديروش الخطوبة رسمية سيمانة الجاية و العقد يتاففو هوما،
شافت حفيظة فمرتضى و حركات راسها بلا: لا لا احم متزربوش خلي نديرو كلشي بالقاعدة و التاويل،
أم كمال: بصح خليو نوجدو براحتنا و كلشي يكون بالخاطر،
حميد: اوا نتوما تعرفو،
قلبو الموضوع كيتحتو مع بعضياتهم و كمال جالس على أعصابو مزير بهضرة نسيم لي عارفو شنو حاول يوصل ليه..
عندهم فالبيت.. متكية على فخاضو و هو كيلعب فشعرها بهدوء مخليها تحس بحنانو و أمانو و بلي راه معاها مهما كان..
نسيم: نخرجو ازين ديالي،
رميساء: حلف فين نمشيو؟
نسيم: فين ما بغيتي نكملو هاد العشية بجوج مندخلو تا يطلع الصباح،
قفزات من بلاصتها غادة جيهة الباب: وااا نوض تلبس عنداك تعطل،
مشات كتجري لبيتها تبدل حوايجها فنفس الوقت ناض خوها كيبدل حوايجو و خاطرو ضارو جيهتها..
نصف ساعة دازت كانو خارجين أمام نظراتهم شادة فدراعو و كدير ليهم باي باي باليد لوخرى..
بكسيوة طويلة و صنيديلة فرجليها جالسة و فوق ركابيها شكارتها كتساينو يبان.. مدازش بزاف تا بدا الساروت كيضور فالباب وقفات حلات ليه و رجعات لبلاصتها تا قال: علاش سادة الباب،
هزات فيه عينيها و هزات حاجب: منسدش عليا باب داري؟
حيدر: (صغر فيها عينيه) مكاين تا واحد من غير الواليدة!
زهور: (ببرود) و لو من حقي نسد باب داري عليا،
حرك راسو كيضحك بفقسة مشا للبيت بدل حوايجو و وقف على راسها: تحركي،
وقفات بلا متجاوبو هبطات سابقاه و هو حاضيها مشافتش گاع فباهية لي واقفة فالباب دور لسانو ففمو و شاف فمو و هز يديها باسها: حنانتي،
باهية: (ذبلات فيه عينيها) مهزاتش فيا تا العين اولدي،
حيدر: (غزز سنانو و رجع باس يديها) معليش مديريش فبالك انا اندوي معاها بقاي غي على راحتك،
باهية: الله يرضي عليك اولدي حبيبي،
خرج معصب و مغلغل من هادشي لي كيوقع حل ليها الطوموبيل طلعات و طلع تا هو كيشوف فيها مخنزر: شهادشي درتي،
بلا متشوف فيه كتقاد سمطة نطقات: شنو درت؟
ضرب على الڤولون بعصبية تا قفزات من بلاصتها: الواالييدة علااش مهضرتيش معاها،
هزات عينيها فعينيه: مبغيتش ندير شي حاجة بزز،
جرها من شعرها بقبضة يديه قابلها معاه و كلامو كيخرج مزير عليه دليل على أعصابو لي قابطهم بالسيف: عرفي راسك اش كتخرجي على فمك الواليدة عليك بالاحترام قسما بالله و يولي هادشي يتعاود منرحمك مبغيتيش تقادي انا نقادك،
طلق منها بنترة و دار كيديماري عكسها هي لي طولات فيه الشوفة بعينين دامعين من الحگرة لي كتحس بيها فقلبها.. حسات براسها بحالا راها فدوارهم نفس الاحساس دالحگرة و نفس الاحساس و نفس الاحساس ديال الغربة واخا نتا وسط عائلتك..
همسات بصوت خافت لاكن وصل لمسامعو خلا شعر راسو يوقف: ديما زهور لي خايبة ديما انا لي مامزياناش باش كتفرق عليهم نتا هادوك لي هربت منهم باش كتفرق عليهم تا حاجة الحگرة هنا و لهيه فين انمشي باش نرتاح فين،
ضورات راسها للسرجم بلا مترجع تشوف فيه و لا تهضر معاه كمداتها فقلبها كي مكمدة بزااف.. حبسات البكية فقلبها و حبسات دموعها ميهبطوش و يبينو ضعفها حيت عيات و هي كتبين فالخر كتلقى غي الضرر كتر و كتر حياتها مبقاتش عارفاها كيفاش غادة.. زواجها و معرفاتش بيه وافقات باش تهرب من باها و مترجعش لطغيانو عليها لقات الحسن نسخة مرا.. لقات باهية لي تنكد عليها عيشتها و حيدر لي على دقة كيتعصب.. هي برهوشة و كتقولها هي مكبيراش لي غادي تعرف تصرف كزوجة لواحد كبير عليها هي باقة صغيرة و بزااف..
وقف قبالة المركز لي كدير فيه بلا متقول حتى كلمة هبطات من الطوموبيل دخلات لداخل.. بقا متبع طيفها تا دخلات و تنهد حاط راسو على الڤولون كيفكر فهضرتها و فديكشي لي فظهرو.. حاس براسو هاز حمل و الحمل غادي و كيتقال على كتافو و الا ضعاف مغيبقاش قاد يحميها هي.. ولكن مفكرش بلي خصو يحميها من راسو أولا و من الأشخاص لي قرابين ليه..
بلاصة طوموبيل مزيان بعيدة شوية على المركز و رد الكوسان لور و عينيه على الباب منين دخلات و راسو كيخيط و يفصل..
منين دخلات و لأول مرة تجلس فآخر طاولة عقلها ماشي دالقراية و ابدا ماشي ديال التركيز حانية راسها على دفتارها كتخطط بستيلو و كتفكر فيه.. خرجها من أفكارها هاداك لي جالس حداها نغزها بيديه عقدات فيه حجبانها باستغراب تا قال: مالكي ركزي مع الاستاذ،
مجاوباتوش رجعات حنات راسها لدفترها كتخربط فيه خلاتو كيشوف فيها باسف من ديما كيشوفها ضاحكة و متبعة و عمرها جلسات فهاد البلاصة ضراتو فراسو و رجع نفزها: واش عندك شي حاجك،
زهور: واخا تبعد مني،
حرك راسو بلا و نطق: ختي راه مامولفاش ليك هاد الجلسة هنا و هاد التغوبيشة غا قولي مالكي،
رمشات فيه و رجعات لدفتارها بلا متهضر و لا تقول ليه شي حاجة تا وصل وقت خروجها هزات دفتارها و شكارتها و خرجات للباب كضور عينيها مبانش ليها ربعات يديها و وقفات كتساينو حدا الطروطوار تا رجع وقف حداها نفس الشخص ماد ليها بيمو ديال الشكلاط..
شافت فيديه و شافت فيه لقاتو مبسم ليها بهدوء: هاكي كولي الشكلاط،
جيست زوين بريئ خلاها تبسم ليه و قالت بضحيكة كأنه صلح نهارها لي مان خربان من صباحو: شكرا،
هز كتافو و باقي على نفس ابتسامتو: بقاي ضحكي باقين صغار على الهم اختي،
زهور: الرجى فالله،
من بلاصتو كيشوف فيها واقفة كتهضر و كضحك محاساش بلي شعلات عافية فقلبو هو لي عينيه عليها و شاد أعصابو بسيف.. هبط من لوطو كيدير فكل خطوة جوج خطوات تا وقف حداها..
هزات عينيها فيه مبتاسمة تا خرجاتهم على الجهد فيه هو لي هاز حاجب فلي واقف معاها.. ابتسامتها تلغات و بدات كضور عينيها على ملامح وجهو المبهمة.. ماباينش فيه مقلق و لا معصب لاكن هي فهمات..
قربات منو و شافت فعينيه مباشرة و نطقات بصوت هادئ: عا عافاك ياله نمشيو،
ضور عينيه ليها بشوية و عض على شنافتو مصغر فيها عينيه.. رجع بنظرو لدري لي واقف معاها و كيشوف فيها باستغراب..
تا قفزو بصوتو لي كان مرتافع: حيييااااد عينيييك عليييها!!
الدري شاف فيه و رجع شاف فيها و سولها بعينيه.. الحركة لي خلاتو يزيد يشعل كتر ماراه.. قرب منو شدو من الكول هزو عندو..
خرج فيه عينيه و نطق بحدة: سمع ابابا عينيك ميجييييوش عليها و لغااااك ميلاقيييش لغاها (طبطب على حنكو بجهد) منلاقكش كطوف بساحتها خليك زوين،
دفعو من عليه و خنزر فيه تا رجع الدري بالور مشا بحالو و رجع شاف فيها هي لي مكمشة بلاصتها حادرة عينيها،
حنا راسو لوذنيها و شفايفو لامسوها و نطق بفحيح خلا التبوريشة تسرا فذاتها و الخوف يزيد عليها: قدامي للوطو بلا منديرو الشوهة هنا!! قدامي الشهلة،
حركات راسها بزربة و سبقاتو لطوموبيل كتجري.. ركبات و لاوحات شكارتها للور دارت السمطة و تكمشات جيهة الباب و صقرات..
ركب بلاصتو و مشافش فيها ديمارا و كسيرا تا تهزات طوموبيل من بلاصتها و تحرك مكيقشعش قدامو.. وصل للخلا لا طيرا يطير و لا وحشا يسير هبط و زدح موراه الباب تا قفزات و مشا حل عليها الباب حيد ليها السمطة و جبدها من اللوطو و هي غي حانية راسها كترعد..
دارها وسط من يديه محني لمستواها و لهيب أنفاسو كيضربو فوجها: كتر معاك اللغا اشهلة العياني.. اممم مغانساليوش من هادشي؟
هزات فيه عويناتها فيهم لمعة ديال الدموع و دلات شفتها كترعد و نطقات بصوت خافت بالسيف باش كتجمع الحروف: ش شن شنو درت ا انا؟
هز فيها حجبانو بجوج و زاد قرب منها كتر تا مبقات تا مسافة بيناتهم: شنو درتي؟ (حنا راسو لعنقها و شم رائحتها الفطرية لي كتحمو و هضر تما) شنو مدرتيش؟ شكون هاداك؟
زيرات على عينيها كتداري الترعيدة لي شاداها: ك كيقرا معا معايا،
دوز يديها لخصرها و يد دارها تحت ترمتها و هزها عندو تعلقات فيه مضورة رجليها على خصرو: و انا شنو قلت على الدراري.. (بغات تهضر و قطعها فيها) ششششت حسك منسمعوش.. (هز يديه لي على ترمتها تا هزها و صلاها ليها بجهد تا قفزات و زيرات على عنقو كتمخشش فيه) هضرتي مبقاتش كتسمع!!
خشات راسها فعنقو كتجمع البكية باش متنزلش ليها و هضرتها مرعدة: ع عافاك بلا ضرب عا عافاك،
مسمعش ليها و ماداهاش فهضرتها قلبو كيغلي و ميبردش.. ماشي من النوع لي كيحگر باش يضرب واحد صغر منو ميقدرش يدافع على راسو.. عارف راسو يعطيه دقة يصدق قا تلو..
رجع هز يديه كتر من الول و ضربها لترمتها كتر من الدقة اللولة خلات دموعها يتسرسبو على خدها.. و يديه كيزيرو عليه و حسها مامسموعش.. بقا كيضرب و كل دقة كتر من لوخرى تا رجع تنخصيصها كيتسمع من حر الدقات لي كتاخد منو..
حبس من الضرب و مد يديه لشعرها جرها منو ناتقها تا رجع راسها للور و حط راسو فعنقها حتاها عليها بعضة تا سنانو تلاقاو.. و صرختها ملات المكان و دموعها كيهبطو..
هز راسو و هز ليها راسها لاكن باقي مزير على شعرها و نطق بفحيح: كل مرة كنحاول عليك قل و قل (حط شفايفو على دمعة هبطات ليها) جمعي راسك و جمعي الهضرة مع الغريب و لا مغنوليش نشد راسي عليك..
رخا من شعرها كيمسد ليها البلاصة لي كان مزير عليها.. و التنخصيصة كطلع ليها كتحس بلحمها كيوزوز خصوصا ملابسة والو تحت الكسوة بدات كتنتر منو تهبط و تا وقفها على رجليها.. و
‏
‏‎هزات فيه عينيها كتنخصص: ن نتا حگار اهئ اهئ
‏‎ب بحالك بحال مك م اهئ اهئ بغيت نمشي عند حناا،
‏‎كلمة خلاتو يرخف فيها حواجبو لي كانو معقودين و
‏‎حل فمو كيتسائل: الواليدة؟
‏‎محاوباتوش على سؤالو حطات يديها عنقها و كملات هضرتها بشنو كتحس: حرام عليكم انا مبغيت منكم والو بغيت غي نـ
‏‎البكية غلبات عليها مقداتش تزيد تكمل.. حطات وجهها وسط يديها و طلقات العنان لتنخصيصها لي كيضرو فخاطرو و ضرو فقلبو.. جرها لعندو عنقها و بكاها عاد متزاد كتر خلاتو يندم على اي كلمة قالها و على اي فعل صدر منو.. بكات حتى شبعات فحضنو باقة صغيرة على هادشي لي كيدوز عليها.. باقي قلبها و عقلها صغارين على هاد المشاعر لي كتحس بيهم بعدات منو كتمسح دموعها و حلات الباب ركبات فالطوموبيل حطات راسها على الزاج كتمسح نيفها لي ولا حمر..
‏‎ركب بلاصتو كيشوف فيها و تقاد فبلاصتو و هز يديها باسها بحب و نطق بصوت حنين: عارف راسي غالط معاك ولكن من النهار لول شرحت ليك علاش هي عندي و علاش كنهضر معاها زهور نتي لي هنا.. (حط يديها على قلبو لي كيزدح بالحهد) عنر بنت المرا تدي بلاصتك شكون ما كانت نتي البنوتة ديالي سمحيلي حيت خليتك و لكن روح كتبقى على رقبتي منقدرش نخليها من مورايا،
‏‎شافت فيه باستهزاء و نترات يديها من يدو: انا راني مراااتك و حقي عليك كتر من وحدة عاشرتيها واحد الوقيتة انا لي غتحاسب عليا غدا قدام الله ماشي هي انا احيدر و مغنسامحش ليك حيت ضريتيني بزاف سامح فيا فصباحي و مريضة من الفوق و يعلم الله شنو كان غادي يوقع كون هبطت للدوار و من هادشي كامل نتا مكاينش هنا لا صباحي عرفتو كي داز لا هاد الزواج عرفتو كي داز،
‏‎ضورات راسها لجيهة الزاج و سكتات كتسمع لأنفاسو لي بداو كيعلاو.. ماشي من أعصابو عليها انما من على راسو كل كلمة قالتها عندها فيها الحق و كتر.. ديمارا مقلع تا وجعات نطقات بخفوت: تقدا ليا لداري،
‏‎حيدر: راه كاينة لتحت!
‏‎زهور: تقدا ليا لداري دااري،
‏‎تنهد و حرك راسو و مشا لمرجان عكسات ليه مبغاتش تهبط سد عليها و هبط تقدا كولشي بالضوبل و السقاطة و اي حاجة بانت ليه كيهز منها الضوبل خلص و حط كولشي فالطوموبيل و تحرك للدار..
‏‎غي وصلو بلا متشوف فيه هزات شكارتها و خرجات لباب الدار دفعاتو و طلعات نيشان لدارها.. خرجو الدراري من عند باهية من مور معيط ليهم طلعو معاه التقدية لي جاب حطوها فالدار و رجع هبطو عند باهية مجمعين..
‏‎عكسها هي لي بدلات حوايجها و حرات ديك التقدية للكوزينة غسلات الكوزينة مزيان عاد بدات كتستف كل حاجة كيما بغات خاطرها هي و كتدندن بشهلة العياني و كتفكر فيه و فهضرتو باغة تعنقو تا عي و تمخشش فيه توحشاتو و لكن قلبها ضارها على شنو دار فيها..
‏‎رتباات كلشي كي بغات و هزات سباگيتي كتصوبها غافلة عليه واقف من موراها حاضيها بحنان و حب مقدرش يتحمل البعد لي بيناتهم قرب منها حضنها من اللور و هبط باسها من العضة لي واضحة فعنقها و قال: مغتحنيش فيا،
‏‎زهور: بعد مني خليني نصوب مناكل فيا الجوع،
‏‎حط يديه على كرشها و تم مهبطها حتى لجيهة حجرها بالشوية كيلعب ليها على الوتر.. بلعات ريقها من لمساتو و نطقات بصوت مرعد: ش شكادير،
‏‎بصوت هامس غالبة عليه الشهوة لي تملكاتو انحاهها: بغيت نخمر بشفايفك و نتعطر بيك.. (دوز لسانو على عنقها تا لوذنها) و نهودك نرضع منهم تا يسيل ريقي عليك.. (هز يدو التانية طلعها لصدرها برك عليه) و فخاضك على حجري يتلاسقو تا يحمارو عينيك.. (مص الجلدة ديال وذنيها بنهم) نعراقو بزوج و نبلعو نفس الريق نفاسنا وحدة.. و لذتنا وحدة.. (برك بصباعو على حجرها و خشا راسو فعنقها) خليني نشوف اللي مهيجني عليك،
‏‎كلماتو و لمساتو و نبرة صوتو خلاوها تسيح بين يديه و يديها تحطات على شعر راسو ل يمخشي فعنقها.. فلحظة حلات عينيها كأن عقرب لسعاتها بعدات من قبضة يديه بسرعة تا خل فيها عينيه حومر معسلين و نطقات بعصبية: هااادشي لاش مزوج بيا؟
‏‎عقد فيها حجبانو و استأنفات كلامها: عطاهم الله لاش مزوج بيا انا ولا حويط قصيير ياااك تبرد شهوتك فيا كيما بغيتي بعد منييي متقربش ليا،
‏‎عينيه توسعو بالصدمة من هضرتها ملقا ميقول و معرف ميقول فقط كيشوف فيها.. حرك راسو و تبسم باستهزاء على راسو: علاش تزوجت بيك؟
‏‎زهور: هادشي خصك تسولو لراسك قهرتوني فحياتي عمرني كنت باغة نتزوج لا بيك لا بغيرك زواج بزز هربت منو طحت فيه طلقني و خليني عليك مصالحة ليك مصالح ليا كون تزوجتي كون ولدتي قدي،
‏‎حنا راسو من السم لي كيخرج فمها و تحرك من حداها بصمت مشا لواحد من البيوت غير بينو سد عليه و جلس فوق السرير بفشل نصل السبرديلة من رجليه و رجع بذاتو لور متكي على ظهرو ساكت..
‏‎رجعات كتكمل مكلتها بشنتة تا صوباتها و جلسات فالطبلة كتاكل و تفرج متسوقاتش ليه و لا قالت نمشي نطل عليه كتحاول تبعد الشي لي قالت ليه من دماغها مبغاش تحن دايرة فبالها كلمة وحدة.. "لي حن تمحن".. كلات بخاطرها و لي بقا دارتو فطاسة حطاتو فالتلاجة مشات غسلات سنانها و وجها و رجعات للبيت تخشات ففراشها هازة تيليفونها كتبقشش فيه..
‏‎طلقات وذنيها مع الباب يكما ينوض ياكل و لا شي حاجة لاكن والو.. عضات على شفتها كتفكر واش تمشي عندو و لا تجلس حتى وقفات بنرفزة تمشات للبيت لي داخلة ليه و حلات الباب فنفس الوقت حل عينيه فالباب بعياء..
‏‎زهور: (بقا فيها من الشوفة لي دار فيها و قالت بحنية) متاكلش،
‏‎تقلب عطاها بالظهر و قال: سدي داك الباب،
‏‎زهور: نوض تاكل شي حاجة و ديك الساعة نعس،
‏‎حيدر: هضرتك گهماتني سدي داك الباب و خرجي،
‏‎تنهدات بأسى و سدات الباب عليه و رجعات لبيتها تكمشات فبلاصتها و تفكيرها كولو معاه..
دازت اليوم و داز لي موراه و بالظبط يومين شادة كاس اتاي فيديها و كتشوف فيه بنص عين يومين مهضرو يومين مجات كلمتها مع كلمتو عوجات فمها و حطات الكاس و وقفات من حداه تا وقفها بصوتو: جلسي تفطري،
يومين مهضر معاها و دابا.. دابا هضر معاها باش يقولها شنو حلسي تفطري هزات كتافها بلانبالاة و زادت خطوة تا وقفات مجمدة من نبرة صوتو العالية الحادة: راااجعييي لهناااا،
ضورات راسها شافت فيه و نطقات كتداري الخلعة لي شداتها منو: م مفياش،
حيدر: (هز فيها عينيه بتخنزيرة) ل هناا،
سرطات ريقها و رجعات لحداه جلسات كتجغم من داك اتاي و كيهبط ليها مع حلقها بحال الحنطل.. مامدات يديها لتا حاجة عكسو هو لي طايح فالمسمن لي صوبات عمى..
هز وحدة دهن فيها الفرماج و مدها حطها قبالتها: كولي،
رنشات فيه و حنات راسها لمسمنة هزاتها كتعض و تمدغ و قلبها كيتحك عليه.. باغة تهضر معاه و تعنقو توحشاتو و توحشات الهضرة معاه..
ساينها حتى كملات و وقف من بلاصتو كيقاد حوايجو و كيهضر: اندي الواليدة للبلاد تشوف عائلتها انسد عليك الباب تا نرجع و عيطي على رميساء تجي عندك مغنكونش بليل،
فرحات حيت باهية غادي تمشي واخا هاد اليومين تفاداتها قدر الامكان و لكن مبيناتش ليه و قالت: فين اتمشي؟
حيدر: (بلا ميشوف فيها جبد بزطامو كيحسب من الفلوس) أسامة عندو افتتاح الاوطيل.. (حط ليها الفلوس فالطبلة) لا بغيتو شي حاجة متهرجيش بوحدك،
زهور: ديني معاك!
حيدر: غادي تجلسي و تبتي تا نرجع مفهوووم،
حركات راسها مدلية شفتها التحتية و هبط لتحت هز على مو ڤاليز ديالها و ركبها دايها لعند عائلتها.. بقات كتشوف فداك الفطور و ناضت كتجمعو قادات دارها و جففات و هزات تيليفونها كتصوني على رقية: الو المصدية،
رقية: هههه الشهيبة تاعي مزيان؟
زهور: الحمدالله و نتي!
رقية: ها حنا عايشين قولي ليا اشنو تما كي غادة مع نسيبي،
زهور: احم معرفتش والله،
رقية: شنو لي معرفتيش؟
زهور: شوفي ها انا نقول لرميساء تجي عندي بالعشية و نصوني ليك نعاود ليكم دقة وحدة واخا،
رقية: واخا احبيبة ردي البال لراسك،
زهور: سلمي على خالتي و عمي و حنا،
قطعات عليها و بقات كضور فالدار من بيت لبيت كي الطريمبوية تا عيات و مشات شعلات التلفازة مكةشة فالقنت..
كتشوف فيه بملل و كتهز لفريت من الپلا ديالها و هو كيهضر و كيحاول يتقرب منها قدر الامكان لاكن دائما كيلقى منها الصد..
رميساء: جبتيلي الملل،
كمال: (تنهد و دوز يديه على وجهو) شنو ندير معاك ارميساء غي قوليلي،
رميساء: خويا كمال كتخوي الما فالرملة،
كمال: انا ناشي خوووك راني خطيبك قريب نولي راجلك،
رميساء: ااه اوك شارب دواك ياك هو هاداك؟
كمال: دابا تشوفي.. (غمزها) هاداك لي فبالك عنرو يكون ليك،
رميساء: (باستفزاز) كنبغيه و غيكون ليا و نكون ليه و نولدو وليدات و انشاء الله.. (ضرباتو ليديه) نعرض عليك تشطح غي متقلقش،
هز فيها حجبانو بجوج كيشوف فيها كل ما بغا يستفزها كتقلب عليه القفة كل ما بغا يعصبها كيلقا راسو عو لي معصب.. سيرك مُصعب طلعات ليه فراسو كرهو واخا مكيعرفوش..
وقف جرها من يديها خلص و خرجو من تما و هي كضحك لاعبة عليه بالمزيان..
غي وقف حدا طموبيلتو حيدات يديها من يديه و قالت بنبرة لعوبة: تقلتي اخطيبي و متقلقش باقي الطريق طويلة قدامنا و لا لا قصيرة الصراحة،
ضربات بشعرها و تحركات من حداه كتقرقب بطالونها ركبات طوموبيلتها و هزات تيليفونها كتصوني ليه: الوجدي ديالي،
مُصعب: فيينك؟
رميساء: بغيت نشوفك فينك نتا؟
مصعب: ريسطو اجي عندي لتما،
رميساء: انا جاية احبيبي،
قطعات عليه و كسيرات فالطريق نيشان لريسطو عندو هبطات بالشوية عليها كتمختر فالمشية بكسيوة طويلة شوية حد سيقانها مزيرة على ذاتها نفس الوقت مرخوفة نص كم.. وصلات لعندو كان واقف كيهضر مع الدراري و يشوف الخدمة كي غادك باستو من حنكو و رجعات لور ضاحكة..
جرها من حدا الدراري و مسا لطابل بعيدة على البشري باسها فحنكها بحنية و حك نيفو مع شعرها: فين كنتي؟
رميساء: تا بلاصة غي الخدمة،
مُصعب: شنو تاكلي،
رميساء: (بجرأة جراتو لعندها باستو جنب فمو) نتا،
ضحك و بعد منها خربق ليها على شعرها و قال: ما تقديش عليا الgalb،
رميساء: (ببرائة تبسمات ليه و دارت يديها على حنكها) اتاكل معايا،
مُصعب: نقضي شي غرض دغيا و نجي واخا،
رميساء: اوا صافي تا تجي و نطلبو بجوج،
حرك راسو و تحرك من حداها كيكمل شغالو بقات مراقباه بعويناتها و كتبسم غي بوحدها عاجبها و كتحماق على الشوفة فيه.. صونا تيليفونها حداها و هزاتو جاوبات بخمول: وي خويا،
كمال: عاجباك ديك الجلسة لي جالسة؟
شافت جيهة الزاج بابتسامة و دارت ليه باي باي: كي جيتك؟
كمال: باك فخبارو هادشي؟
رميساء: سير قولها ليه راك شكام نيت،
قطعات عليه فاش شافت مُصعب جاي و حطات تيليفون فوق الطبلة شدات فيديه حطاتها على حنكها و حطات يديها فرقها..
رميساء: باقي عند كلمتك انسافرو ياك،
مُصعب: (حك لحيتو و صباع يديه كيلعبو فحنكها) انديرو حاجة حسن غي وجدي ليا راسك،
رميساء: عهههه صافي واخا احبيبي،
بادلها الضحكة بابتسامة و بدل الموضوع كيهضرو فاشما كان المهم يسمع صوتها..
طالع للدار كيلعب بالسوارت حل الباب لقاها كتفرج و كتاكل فتشيبس حداها غزز شنايفو و دخل البيت يبدل حوايجو.. تبعاتو بعينيها و رجعاتهم للتلفازة مغرغرين بالدموع حابساهم بالكشايف..
خرج مسكسف على الحالة بسروال كلاص كحل و قميجة بيضة حالها حتى لجيهة صدرو و كيقاد الساعة فيديه.. غي شافتو هكك تقادات فالگلسة و قالت بلا متحس: اتمشي هكا؟
حرك راسو بلا ميشوف فيها و هز تيليفونو خرج للباب خلاها كتقلى غي بوحدها و دموعها غلبوها بداو كيطيحو.. وقف فالباب كيساين مُصعب يبان باش يطمن عليها متبقاش بوحدها مدازش بزاف تا وقفات طوموبيلتو موراه طوموبيلة رميساء هبطات رميساء كضحك سلمات عليه براسها فقط و قالت: راها لفوق،
حيدر: ااه عافاك اختي ردي ليها البال و متخرجش بوحدها واخا،
حركات ليه راسها و قربات عند مُصعب باستو فحنكو و طلعات كتجري للدار عندها.. فحين هو تسالم مع مُصعب و قال: الحنانة جات؟
مُصعب: وي راهم فالدار كاملين معاهم زياد،
حيدر: ندوزو نسلمو عليهم عاد نتحركو..
حرك ليه مُصعب راسو و كل واحد ركب طوموبيلتو و تحركو مكسييريين للوجهة ديالهم..
طلعات عندها لقاتها كتنخصص غي برحدها مشات عندها كتجري كتمسح ليها دموعها بخوف: مالكي علاش كتبكي،
زهور: خ خرج هكك جا زوين،
رميساء: (غززات شنايفها و جلسات حداها) دابا غادي تقولي ليا شنو المشكل بيناتكم ياله،
مسحات دموعها و هزات تيليفونها صونات على رقية آبيل ڤيديو و بدات كتعاود ليهم بجوجهم دقة وحدة لا من باهية لا من جيهتو لا من حيهتها..
رميساء: واش نتي عندك عگوزة حارة فعوط متجري راجلك لعندك جالسة تنفريه منك،
رقية: شوفي هو اه بصح مدار فيها ميصلاح ولكن عذريه كانت روح فرقبتو دابا غادي تزطمي على قلبك و غادي تجريه لعندك حيت الا وقعات شي حاجة و بغات باهيك دير ليك الشكلي فالعكلي راك متدي منها و لا منو باش تنقي سنيك،
رميساء: عرفتي شنو غاديري غادي تنوضي تلبسي و غادي نمشيو لهاد الافتتاخ لي دايرين،
زهور: و الا تعصب عليا،
رميساء: تحلوني عليه تبلحسي اويلي نوضي تلبسي،
زهور: معنديش كيوة دهادشي،
وقفات رميساء طيرات الطالون من رجليها لبسات صندالة دزهور هزات سوارت ديال الدار و خرجات كطير مع الباب نيشان لدارها هزات مكياج و مسوة ليها و لزهور و رجعات لعندها للدار لقاتها دايرة يديها على حنكها و رقية كتغني ليها..
رميساء: ياله ها كسوة نوضي،
مدات ليها الكسوة و دخلا للبيت لبساتها و خرجات لعندها كتقيس فذاتها.. كانت كسوة غوز سميطاتها غلاض و معرية جيهة الصدر طويلة حد الركابي و فيها فتحة حاى للفخض..
هزات رميساء تيليفون قلبات الكاميرا لرقية لي غي شافتها صفرات: ااححح الطايح كتر من النايض نسيبي مشا فيها كفتة،
زهور: ماشي معرية شوية،
رقية: نيت باش يغير شوفب رميساء ديري ليها مكياج خفيف انا غادي نمشي ناكل و ردو عليا باشما كان،
قطعات عليهم و جرات رميساء زهور دارت ليها مكياج خفيف نيييت مسكارا مع بلاش و گلوز خفيف جات فنة.. دارت ليها حلاقات طوال و وقفات تا هي لبسات كسوة عادية و رجعات طالونها و زهور لبسات صندالة طرونسبارو بطالون قصير و خرجو من الدار ركبو فالطوموبيل نيشان لاوطيل..
دخلات كضور عينيها هنا و هنا و رميساء حداها كتقلب تا هي بعينيها غافلة عليه هو لي شافها منين دخلات و خاضيها بعينيه السود مصدوم من جمالها الأخاد و فنفس الوقت العافية سعلات فصدرو و هو كيشوف نظرات الرجال عليها.. تحرك لعندها بخطوات سريعة جرها من يديها داها لجيهة خارية ما فيها تا واحد كيضور غيرو هو وياها..
أما رميساء واه غي شافت مُصعب طارت لعندو لصقات فيه: انا حيت،
مُصعب: شراكي ديري هنايا يا ربك،
زياد: رورو مرحبا،
رميساء: شتي ناس كي كيقولو مرحبا.. دهور بغات تجي راها مع حيدر و انا حيت عندك،
حرك راسو بلا حولة و جرها من خسرها بتملك مقربها ليه كتر و كتر كأنه كيقول لاي واحد هادي لي هنايا ديالي..
كيشوف فيها بعينيه السود و نظرتو الحادة ركبات الرعب فأوصالها خلاتها كتقفقف و كتلف عينيها من القرطاس لي كيخرجو عينيه..
قرب منها كيقلل المسافة لي بيناتهم و خطواتو تقال و سباطو الكلاص لي كيتقرقب فالأرض كيخليها تزير على كسوتها و تغمض عينيها تزير عليهم و الخوف كيدب داخلها..
وقف عليها كيشوف فيها من الفوق لتحت و ديك الكسوة كي مزيرة عليها و معرية من فخضها و صدرها..
فكو كيتزعزع بقوة الأعصاب لي كاتم باش ميمدش عليها يديه دوز يديه على لحيتو و صمتو و هدوئو لحد الساعة موترها..
هز يديه و هز طرف من شعرها كيضورو بين يديه و نطق بصوت رجولي هادئ مفرق مبين حرف و حرف: ش ن و ق ل ت انا؟
هزات فيه عينيها باين فيهم الخوف كيضورو على ملامحو الهادئين: ش شنو ق (غززات شفايفها) قلتي؟
حرك راسو باه و تبسم كيحك شفتو بصبعو الكبير و زاد قرب منها تا ولات عند صدرو و هز ليها ذقنها قابل وجها مع وجهو: نعاودو الهضرة و نكترو اللغا! (هز فيها حاجب و نظرتو زادت حدة) مغاتقاديش اممم؟
عينيها غرغرو بالدموع و حركات راسها بلا بزربة و ولات حركاتو بالايجاب تلفات و معرفات متقول و لا دير و دموعها دغيا طاحو من عينيها..
مد يديه لحنكها و دوز صبعو كيمسح ليها الدموع و كيشوف فعينيها: شششت عدويااا نشوف دموعك سكتي،
الخوف منو خلا دموعها غي كيطيحو بلا ميحبسو و هو حجبانو مع كل دمعة كيزيدو يتعقدو و فكو كيزيد يتزير كتر و كتر..
قربها ليه كتر و عنقها مدور يديه عليها مزيرها عندو كيكالميها و يكالمي راسو بيها: شهلة العياني،
كلمتو خلاتها تبدا تنخصص فصدرو و كتافها كيتهزو و يتحطو و هو غي مكيزيد يزير عليها: سكتي موقع والو سكتي، (دوز يديه بحنان على شعرها) تا و كان ماشي دابا ماشي دابا،
زادت قربات ليه كتر و تعلات باستو من كتفو بوسة طويلة وحدة من مور لوخرى و حركات يديها على ظهرو العريض: اهئ منويتش منويتش شي اهئ اهئ شي حاجة اهئ خايبة،
زير عليها وسط يديه حركتها من ديما كتذوبو ديك البوسة ديال كتف كتخلي كوارو يطيحو بلا ميضرب حساب...
رجعات نطقات وسط بكائها بحب: انا معمرني بغيت نضرك بشي كلمة اهئ اهئ واكن حس بيا،
دوز يديه على ظهرها و تنهد: حاس بيك و فاهمك.. (باسها فراسها) سمحيليا،
زيرات عليه بيديداتها و باستو فصدرو: جاني النعاس،
ضحك و هزها بين يديه خارج بيها من الفتدق بمرة ركب فطوموبيلتو و تحرك للدار طلعها فيديه هكك تكاها فوق الناموسية و قرب كيحيد ليها الكسوة بهدوء خلاها بدو بياس و حيد ليها الحلقات من وذنيها و بعد كيحيد حوايجو تا هو و تخشا حداها حارها لعندو بحب منخششها فيه و كيبوس فعنقها موخشها و توحشها بزاف... تعلقات فحضنو كي القملة و غمضات عينيها برااحة غطت فنوم عميق..
صباح جديد....
فاقت على صونيت ديال تيليفونها هزاتو بلا متشوف شكون و جاوبات بصوت ناعس: امممم شكون؟
كمال: خطيبك خرجي ندوي معاك،
رميساء: نصبح على قرد و منصبح على صوتك اش باغي،
كمال: هبطيييي ارميساء هبطييي،
قطعات عليه و ناضت ببيجامتها غسلات حوايجها شلالات فمها و هزات تيليفونها كتشوفها الجوج العشية من تعطيلتها البارح نعسات بلا متجيب خبار.. هبطات بزعفة مع الدروج ركبات فالطوموبيل و شافت فيه: اش كاين؟؟؟
بلا ميجاوبها ديمارا بسرعة وقف فطاركينغ خاوي و هبط دار لبلاصتها هبطها و غوت فوجهها: شنوووو كانباااالن لييييك اااا،
رميساء: (هزات فيه حواجبها بجوج) نعاام اخويا،
كمال: مااااااشييي خوووووك فهميييها راااك غتولي مراااتي،
رميساء: اااه حلم،
كمال: ماااشي سنيييين و انا كنبغيييك و مشييييت ندييير مستقبالي باااش نرجعك ندييك فالخر نلقااااك مع واحد آخخخر.. (ضرب راسو) واااااش باغة تحمقيينييي،
رميساء: معمرني شفتك من غير خويا و عنرني نشوفك غير خويا،
كمال: باااااش زااايد عليااا هو ااااا!
رميساء: بالرجلة و كنبغييه و عمرني نشوف فيك نتا مزيان..
ما حس براسو تا كان نزل على حنكها بتصرفيقة تا عواج حنكها للجنب خلاها مصدومة و عينيها دمعو بلا متشوف فيه دفعاتو من طريقها و مشات للشانطي كتشير لطاكسي،
تبعها كيجري و شد فيديها: رميساء عافاك سمعيني محسيتش و الله محسيت،
تنطرات من يدو و ركبات فطاكسي نيشان لدار باها طار لجيهة طموبيلتو و تبعها..
فدار مرتضى..
واقف فالباب هاز فيديه بوكي الورد الأحمر حداه ماماه فرحانة بيه و خوتو من موراه كيضحكو على خوهم غير عماد لي فضل أنه ميجيش.. تحل الباب من طرف نسيم لي غي شاف مصعب ضحك: مصعب ياك؟
مصعب: كتعرفني،
سلم عليه نسيم سلام رجولي: وايلي لي تبغيه ختي منعرفوش،
خلى ليهم الطريق منين يدوزو و تبعهم كيرحب بيهم فرحان تلقات ليهم حفيظة مستغربة رحبات بيهم من باب الصواب واخا مفاهمة والو.. تا دخل مرتضى من موراهم نيشان كيشوف الناس فالصالون تقدم يشوف شكون تا خرج عينيه فمصعب و غوت: ااااش كدير هنااااا؟؟؟؟
مصعب: احم العموم جلس خلينا نهضرو،
مرتضى: فااااااش غادي نهضر معاااااك خرااااج عليا من هناااا،
حفيظة: مرتضى خلينا نشوفو الناس شنو بغاو،
وقف نصعب تواجه مع مرتضى و نطق بتقة: بغيت نخطب رميساء،
مرتضى: رميساء؟ (باستهزاء طلعو و هبطو) بنتي تهطبااات و قريب عرسها،
كلماتو شلطوه و خلاوه مخرج عينيه فمرتضى بصدمة.. قلبو تزير عليه محا فين يهضر تا تسمع صوتها كتغوت و كتبكي: طلللق منييي،
مرتضى: هااااا هي هااا بنتي و ها هطيبها،
وقفات رميساء بصدمة كتشوف فمصعب و حولات عينيها لخوها لي مركز فحنكها لي حمر و الطراس دالصباع باينين فيه رجعاتهم لمصعب لي كيشوف فيها بهدوء: م مصعب،
قرب منها بخطوات بطيئة و هز يديه حطهم على دموعها مسحهم و دوز يديه على حنكها لي مضروب: علاش كتبكي؟
طرطقات بالبكا قدامو و هزات صبعها شيرات لكمال: ض ضربني،
مبقا كيشوف حتى حاجة قبالتو طار على كمال كيضربو بالكروشيات غي لوجهو.. غفلو و حكمو مخلاهش فين يتحرك و غي كيضوب بهمجية متقبلش كيفاش معشوقتو هو تضرب و هو لي عمرو حط يديه عليها قرب منو خوه و نسيم كيجروه من عليه تا وقف كينهج كيشوف فيه و هز عينيه فرميساء شد فيديها و سير لمو و خوتو يزيدو قدامو.. خرجو و خرجها فيديه بلا ميتسوق لحتى واحد تا هي مشات معاه ساكتة.. ركبات لور حدا مو و ختو حانية راسها و ركب هو و خوه لقدام محركين فطوموبيل تا نطق بقلة صبر: مخطووبة!!! امممم امتا كنتي باغة تقولي،
رميساء: و والله ملخاطري،
حجيبة: ولدييي حتى تهضرو بيناتكم صبر و سكت.. (شافت فرميساء و دوزات يديها على شعرها) باينة ماشي لخاطرها اولدي،
سكت و زاد فالسرعة وصلهم للدار و تحرك من تما شد الطريق لكازا سااكت...
الصمت سيد المكان مورك على الڤيتاس و غادي بسرعة خيالية غي كيضوبل فالناس و مشافش فيها هي لي مركنة لور و مغمضة عينيها بالجهد و كتقفز كل مرة سمعات الكلاكصون عليهم.. الخوف متمكن منها عمرها عمرها شافتو بهاد العصبية كاملة كطل عليه بعويناتها كتشوفو كيگدد فشنايفو تا الدم كيخرج منهم و كترجع تركن فبلاصتها..
دخل لكازا و مشا نيشان لاوطيل ديالو بلاصا و هبط حل عليها الباب جرها من يديها مخرجها ياله بغات تهضر دار صبعو على فمو و زيدها قدامو دخلو للداخل كلشي كيسلم عليه و يضحك معاه و هو غي كيحرك راسو وقف فعيسيبسيون طلب غرفة خاوية بلا ميعطلوه ديك ساعة عطاوها ليه بسرعة.. جرها لجيهة سانسور و طلع لطبثة و يديه باقة مزيرة على دراعها و هي مغمضة عينيها بألم مقاداش تخرج صوت..
حل باب الغرفة و دفعها دخلات و سد الباب من موراه و تكا عليه كيطلعها و ينزلها بتخنزيرة ديال القـ تيلة بلا ميهضر هبط يديه كيحيد الصمطة من سروالو و تكلم بصوت مبحوح: امتا كنتي باغة تقوليها؟
رمشات فيديه لي كتحيد السمطة و رجعات خطوة لور: ش شوف مُصعب نشرح ليك كلشي،
حرك راسو بالايجاب و هز السمطة كيلويها على يديه: امممم تشرحيلي كنتي مبيدقاني الgalb،
دموعها بداو كيطيحو ماشي خوف من أنه يضربها خوف من انه يخليها تا راجل ميرضى على راسو يتخان بهاد الطريقة هادي.. اه خيانة حسبها هو واخا هي مكان عندها حتى بديل هاداك باها و هادا لي عشق قلبها ولكن الخيانة كتبقا خيانة..
بصوت باكي كتشوف فيه بترجي: متخلاش عليا عافاك،
حرك راسو بلا و قرب منها بخطوات فليلة: انا شنو قلت الgalb اممم تغلطي نصحح ليك ديري علاش نربيك و منهليكش،
هز يدو تا هزها و عطاها لفخضها تا غوتات بربي لي خلقها و رجعات لور كتحك فيها و دموعها كيتقطرو: علاش كضربني؟
قرب منها و زادها و حدة أخرى من الجيهة لوخرى مغزف عليها: كنربيييك،
مبقاش هضر و مبقاش خلاها تهضر كيتسمع غي وغاتها و طليبها باش يحبس.. حاول ما أمكن يحاول عليها.. شواتو فقلبو و لكن ميقدرش يضرها يضر حبيبتو يضر البنت لي دخلات لقلبو بلا متعلم..
بعد منها كينهج لاح السمطة فالجنب و جلس فوق الفوطوي كيشوفها تكورات على راسها كتنخصص و تشوف فيه بعوينات المشة كأنها كتعاتبو على هاد الضرب لي ضربها.. قلبو حن لجهتها و بقات فيه و لكن فوقما كيتفكر فعلتها كيكفر عليها ديال بصح..
داز يدو على فمو كيحكو مغزف و هز فيها حاجب: علاش خبيتي!
رميساء: (كتنخصص و تمسح دموعها فليزار) بابا عرفني معاك و قالي يا نتا يا هو،
مصعب: و نتي شنو درتي!!!
رميساء: مقديتش نبعد عليك و كيبقا بابا،
مصعب: علااااش متجيييش تقوليلي الخرااا ها شنو كاين و ها شنو كاااين نلقاو حللل،
رميساء: كنت باغا نسالي بلا متعرف نتا،
وقف كيشوف فيها كينهج هز لاكارط ديال لاوطيل و خرج ساد عليها الباب مامخلي ليها فين تعتب.. اما هي فراه العصى لي كلات خلاتها تحط راسها على الوسادة تغمض عينيها و مشات فنومة عارفاه ميخليهاش غي خصو وقت فين يبرد..
حال عينيه كيشوف فيها حالة فمها نص حلة و ميطلعو منها شخيرات صغار.. شوفتها بحال هك كتحمقو كيعجبو غير يتمنطر فيها و يحلي راسو بيها كتعجبو بجميع حالاتها و كيحماق عليها بجميع حالاتها..
هبط راسو طبع قبلة فشفتيها كل وحدة بوحدها و رجع كيبوسها فحنيكاتها و عنقها تا حلات عينيها منوغشة و قالت بصوت ناعس: ااااممم خنيني نعس،
هز راسو عندها و تبسم رجع كيبوس فوجها كامل و هي كتنين باغة تنعس و كتبعد عليه وجها تا هز يديه لخصرها كيهرها و هي كتلوى فيديه و طلق ضحكاتها لعالية لي نغموه فهاد الصباح هادا.. طلق منها خلاها حمرة كتنهج و كضحك من كل قلبها: هننن هههه حرام عليك،
حيدر: صباح نور البنوتة ديالي،
زهور: حيدر.. (حطات يديها على لحيتو) علاش مبقيتيش حنين معايا؟
رمش فيها و هبط خشا راسو فعنقها: الشهلة ديالي.. (غدا نفس فعنقها كيشم ريحتها) شهلة العياني نتي راك البنوتة ديالي الصغيورة ديالي عمر شي حاجة فهاد القلب متبدل من جيهتك عي مكتزيد نحن فيك و نزيد نبغيك كتر و كتر غي بقاي كيما نتيا.. (هز راسو فيها و حرك راسو باه و صوتو خرج بحنية) مفهوم،
حركات راسها و تنخششات فيه كتنهد..
بين أحضانو فين كتحس بالأمن و الأمان.. بين أحضانو فين كتلقا راحتها و ملجأها فالخوف او الحزن حتى الفرحة كيكون حضنو الملجأ ليها.. كتنغمس فحنانو و حبو ليها كتحس بيه باغي يهزها على كفوف الراحة كتحس بيه و كتشوفو كيدير كولشي على قبلها غي تضحك ليه و هادشي لي مفرحها و مخليها متشبتة بيه حيت فسنين حياتها لي عاشت عمرها شافت شي واحد داير عليها لي كيديرو حيدر..
هزات راسها من عنقو و شافت فيه بحنان و الحشمة طالعة مع حنيكاتها: نطلبك طليبة،
حيدر: (هز يديه دوزهم على حنيكاتها لي حومر) آمري الصغيورة ديالي،
زهور: مبغيتش نبقا نمشي لسونطر تقريني نتايا عافاك،
تبسم ليها بحنان و هز يديه دوز شعرها مور وذنيها: نقري البنوتة ديالي،
الضحكة تشرگات على فمها و قالت بلهفة: حلف؟ والله متعصب معايا انا دماغي خفيف،
حيدر: اممم عارف البنوتة ديالي،
زهور: وااا نوض خليني نوجد الفطور اتجلس معايا بلا متمشي للخدمة،
حيدر: (تنحا عليها بشوية حرك راسو داير ليها خاطرها) معااك غي نوضي،
ناضت بكل حيوية لوات عليها ليزار و كتشوف فيه بنص عين مراقبها دازت للبلاكار هزات بيجامة و خرجات لحمام تحت نظراتو المترقبة بابتسامة ولهانة..
لبسات بيجامتها غسلات وجهها مشطات شعرها جمعاتو لفوق و خرجات للكوزينة كتوجد الفطور و كتسخن من البطبوط و المسمن لي عاجناهم و مخلياهم فالفريگو قادات كولشي فوق الطبلة و مشات للبيت كطل عليه لقاتو كيلبس التيشرت و شعرو كيقطر بالما.. جات حداه جلسات فوق الناموسية و هزات عويناتها فيه كترمش: دوشتي؟
حرك راسو و هبط قبل شفايفها بحب و رجع بعد عليها هز فوطة نشف شعرو بخفة و ردو بيديه لور و هزها بين يديه خارج بيها لجيهة الصالة و هي كتشوف فيه و فملامحو و أفكار كيضورو فراسها.. كنبغيه و علاش كنقولو يطلقني؟ واش كنبغيه و لا شنو هادشي باش كنحس؟ كنغير عليه و لا غي حيت ولفتو يهضر معايا بوحدي؟ الا كنت كنبغيه واش غنصبر على مو و معملتها!
جلسها بلاصتها حداه و هز اتاي كيكب ليه و ليها و هي باقة حاضياه و افكارها باقين كينسجو خيوط علاقتهم حطات راسها على دراعو و نطقات بصوت طفولي: صووب ليا،
حنا عينيه ليها و قبل راسها بحب و هز كيصوب ليها بخاطر خاطرو حط حداها اتاي و البطبوط و عاد هز كيصوب لراسو كيفطر و عينيه عليها و على دغيماتها الصغار.. و فنفس الوقت كيفكر فيها و فرائد لي مازال معرف ميدير معاه!! يقـ تلو معندوش مشكل ولكن لمن يخليها! هادي لي حداه و مو لمن يخليهم عارف راسو الا تشد مغيهربش غيعترف و بدم بارد ولكن حرقتو واكلاه و مبيديه ميدير.. و لا كيخاف عليها كتر من اللول ميقدرش يخليها تعتب بوحدها كون مجات منها الفكرة ديال تخرج من السونطر كان هو لي غيخرجها مبقاش قادر يأمن عليها بوحدها..
خرجاتو من أفكارو بصوتها الحنين: حيدر،
تنهد و قال: اممم،
زهور: فوقاش اتجي خالتي؟
حيدر: بعد غدا علاش؟
تزيرات و الحمورية طلعاتها حركات راسها بالايجاب و بدلات ليه الموضوع: و فوقاش اندوز الامتحان؟
حيدر: (كيسكانيها بعينيه حركاتها حافضهم و عارفها كتر من راسها.. هز حواجبو بشك) بقا شهر،
زهور: الله يدوزو على خير يا ربي،
الشك تمكن منو حاس بلي شي حاجة كاينة و خاطرو عالم بلي شي حاجة كاينة و لكن مقادر يكول و لا يدير والو محدها مجاتش هضرات بفمها.. فبالو بلي هضر مع امو و امو كتحتارمو و تقدرو و هازة بمكانو مفبالوش ابدا بلي الدقة تجي منها و عارف بلي زهور خبز ربي فطبقو الا مجبدها شي حد متجبدوش و لكن راسو ضرو خصو ضروري يعرف شنو كاين و شنو ضارها فخاطرها و علاش قالت حگار بحالك بحال مك..
شاف فيها وقفات كتشوف فيه بابتسامة معرف داك الفطور كيفاش داز تا لقاها كتجمع الطبلة هزاتها لكوزينة ردات كولشي لبلاصتو و غسلات الماعن دغيا و مشات البيت كدوز قدامو كي الزواق جابت دفاترها و السلسلات لي شرالها ديال التمارن و الدروس و حطاتهم حداه فوق الطبلة و هو مبسم..
حيدر: باش نبداو!
زهور: الماااط و ها العار غي بشوية.. (ببرائة رمشات فيه) راه كيتلفني،
حرك راسو و وراتو الدرس فين حبسات و بدا كيخدم معاها و يشرح ليها بشوية و بشوية و الا مفهماتش يعاود ليها بالخاطر تا هزات فيه راسها ضاحكة: كتشرح حسن من.. (طولاتها) الاووووستاااذ،
حيدر: (ضربها لجبهتها بستيلو) خدمي هاد التمرين نشوف هادشي ديالك،
حيدات ليه الستيلو من يديه و بدات كتخرجو و بالخفة العقل لي عندها دغيا عطات ليه الدفتار بقا كيشوف فالتمرين و هز عينيه فيها بافتخار قرب منها بجغ ليها حنكعا بالبوسان: برافو الصغييورة،
زهور: ارا قلت ليك عقلي خفيف ههههه انكمل تمارن لوخرين،
عطاها كتخدم و يصحح ليها و الا غلطات يفهمها بحال اب مع بنتو كان منظرهم تا جاها الجوع.. وقفو و تكات على صدرو من مور ما دموندا الغدا كيسمع لهضوراتها لي كتعاود ليه تا قالت: هههه كنتخيل كون تزوجت بولد بادني خخخهههه ويلي كون راني دابا جالسة نورد البهايم و نطيب 10 الخبزات كل نهار،
سمع ليها حتى سالات و حط يديه على عنقها هز ليها راسها لعندو و طار على شنايفها بعضة تا طوشو بالدم: عاودي شنو قلتي؟
زهور: (عاد طلعت معاها و بدات كتمسكن) وراه غي كنت تنعاود ليك،
حيدر: (خرج فيها عينيه) سيرة الدكووورةةة تجبديهمش و انا معاك،
هزات يديه باستها و تكورات خاشية راسها فصدرو و الحمورية طلعات معاها من الكلام لي غيخرج فمها.. صوتها خرج خافت بالحشمة: مزوجة بسيدهم،
كلمتها كلماتو و خلاتو يهز شعرو كيماصي ليها و على فمو ابتسامة جميلة من ديما كلماتها الخلويين كيخليو نهارو يدوز بيخير.