الجزء 3 - بريئة بين الذئاب

ابداو وبدورهم طلقو الموسيقى لي تحركات معها إخلاص ومع كل زغمة كاتحرك خصرها وصدرها خلات كاع لي تما غايهبلو علبها
دازت نص ساعة عليها وهي كتمايل مع النغمات وقفات مع الموسيقى لي سلات وحنات راسها مدة
كاتستراح ونستاعد باش تكمل رجعات شافت فديدجي وعطاتو ادن باش يبدا مرة اخرى
وكملات داكشي لي بداتو
واقف مدة عاد دار عندها ونطق موجه كلامو لجون : شنو مغاتمشيش
جوهرة شدات فيه وبصوت مخنوق نطقات : عفااك ماديرش فيا هادشي
جون عنيه على جوهرة : لا انا مغانديعاش ...ماعنري قربت ولا قست شي وحدة بلا خاطرها
كمل كلامو وهز جاكيط ديالو وتم خارج فالحين لي خنزر طه فجوهرة ونطق : غاتخلصي غااالي
جوهرة حسات بروح عاد رجعات ليها : ماعنديش مشكل
طه زفر بغضب ومشا طلع لبيتو وزدح عليه الباب وهو كاعي حيت السفقة كيف مسميها متماتش
اما لالة جوهرة فرحات مشات دخلات الواحد البيت فيه حوايج البنات معلقين بقات كاتقلب حتى طاحت على بيجامة صيفية عيبارة عن شورط وتيشوت ديالو فالأزرق سماوي وفيها نونسات بالأبيض لبساتها وجمعات شعرها كوت شوفال وتمات خارجة كاتنقز دخلات الكوزينة كاتقلب متاكل ولكن مالقات حتى حاجة طايبة دلات شنوفتها بحزن وحلات تلاجة جبدات كفتة قداتها ودارتها كاطيب فشواية عاد جبدات ماطيشة كاتقاد الشلاضة ...كملات وغسلات يديها وحطات الكفتة فطبسيل وحطات كولشي فوق طبلة وكلسات يلاه بدات الماكلة وهي تسمع : شكون عطاك الأدن تجبدي الماكلة وطيبيها
جوهرة كتاكل نطقات بلاما تشوف فبه : هداك لي عطاك الإدن تحبسني هنا
طه حرك راسو بلا حول: انا خارج تقربي شي حاجة مايعجبك الحال
جوهرة كتاك: ماتخافش
طه دار يديه فحيبو وخرج خلاها كملات ماكلتها وناضت جمعات داكشي وغسلاتو عاد خرجات من تما كلسات فصالون وشعلات تلفازة كاتفرج ...
الساعة تشير الى 2مساء كان مزال واقف قدام البحر كايتفرج فالمد والجزر ومتبع معاهم بعنيه لي كيف الصقر
حبس طموبيلتو حداه ونزل وهو كايلعب بسوارتو توجه عند داوود ونطق : اش كاين تاني اش باغي
داوود عنيه على البحر: انا واحد مكايسواش
طه كلس فوق واحد الحجرة : على السلامة فاش سقتي الخبار
داوود شاف فبه : انا ماقدرتش نحافض على الوعد لي قطعت غلى نفسي
طه هز واحد.الحجرة لاحها فالبخر : اشمن واعد تاني
داوود : صافي نسا
طه شاف فيه : دبا واش جابني لهنا باش تقولي صافي نسا
داوود : انا قطعت وعد على راسي عمري نقرب ولا نقيس شي مرا بلاما نكون باغيها
طه صغر فيه عنيه : وأكيد نت ماقدرتيش تحكم فراسك وتقربتي من البنت
داوود قلب شفاتو جيهة البحر : تمالكت نفسي فأخير لحضة
طه مزل كايشوف فيه : داوود واش هاد البنت عجباتك
داوود : لا هاد البنت شدات معيا الضد وبغيت نربيها
طه : متأكد انه سبب الوحيد
داوود ناض وقف غادي لطموبيلتو: سربي جيب لي فلوسي ولاما تبقا تخشي نيفك فشي حوايج بعاد علبك
كمل كلامو وطلع دبمارة راجع لدار فالحين لي هز طه حجرة اخرى صغيرة رمها بكل جهدو ونطق : حتى ماتكونش خويا الصغير وحافضك مزيان عادب عليا
بقا كايلعب حدا البحر ويل
تتمة
بقا كايلعب حدا البحر ويلوح فالحجر حتى تفكرها وناض نقز راجع لدار عندها
داوودحبس طموبيلتو قدام دار هبط ودخل خلا الباب محلو بانت لبه كالسة مكمشة فصالون وصوت شهقاتها كاتسمع تمشا عندها وقف على راسها ونطق : لباب محلول تقدري تمي فحال
شروق هزات فيه عنيها لي عامرين بدموع : شنوو ...واش كاتهضر بصح
داوود كايشوف فعنيها لي حومر : اه ..نوضي هالباب محلول مابقيتش غانحبسك
شروق ناضت وقفات بزربة جرات الباب خايفاها لا يرجع يبدل رأيو خرجات وخلات الباب محلول كاتجري فزنقة وهي حفيانة ومرة مرة كاترجع تشوف موراها خايفة لايكون تابعها من لور
دازت نص ساعة وهي كاتجري بلى عقل معارفاش راسها كاع فين غادة ولا تسوق لرجليها لي كلهم ضرابي ...الاهم عندها هو تهرب منو حتى قربات تسخف كلسات على واحد الحجرة وحطات يديها على قلبها كاسترجع نفس وكادور عنيها فالأرجاء كانت خرجات لواحد الخلى فيه غير الفدادن وزرع مكاينش حس البشار ناضت وقفات وساست حوايجها ونطقات بخوف : اوييلي فين انا ..اش هاد الخلى
كاتمشا ودور فعينها والخوف متملكها حيت ديك البلاصة خاوية وكاتخوف الى شدها شي حد يدبحها ودفنها على خاطرو ومايكونش لي يسيق ليها الخبار ..كل خطوى كاتخطيها كاتسمع معها صوت قلبها لي قرب يخرج من بين ضلوعها ..بقات هكاك حتى شافت واحد رباعة ديال دراري مجموعين وشاعلين العافية كتيسخنو عندها بحكم فصل شتاء بارد الخال وقفات مسمرة بلاصتها خايفة تمشي عندهم وخايفة ترجع منبن جات ..وفجأة شافت واحد فبهم وقف وجاي جيهتها خلى كاع صحابو يتبعوه من لور
........
من بعد ماوصل لدار نزل ودخل وهو كايغني ويدندن ويقلب عليها بعينيه حتى بانت لبه مجبدة كاتفرج مشا تلاح فوق الفتوي حدها ونطق : نوضي تكعدي ديريلي مناكل
جوهرة خنزرات فيه : واقيلة ماشي مشلول عندك يديك
طه شاف فبها : انا لاش مخلبك هنا الى ماكنتيش غاتخدمي معيا
جوهرة تقدات فالكلسة : هاااا اخويا انا مانسوى مانصلاح لوحني برا وسد عليا
طه صغر فيها عنيه: واش غاتكعدي ولا لا
جوهرة رجعات تكات : لا نوض على رجليك
طه : اهاه وخا انا نعيط على جون يرجع اصلا صونا عليا وقالي بلي بدل رأيو
جوهرة شافت فبه : هاء ..لا لا انا نوض شنو مشهي
طه ضحك بخفة : شي بوسة تعطيها لي
جوهرة رجعات تقدات وخنزرات فيه : يعطيك دقة ان شاء الله قالك بوسة ..تبوسك لفعة ان شاء الله
طه بتاسم : الى كانت هاد لفعة زوينة بحالك دنياة هانية
جوهرة صمت ومتبعة مع الفيلم فالحين لي رجع هو نطق : دبا غاتنوضي ولا لا
جوهرة : لااا ..نوض راه طاجين مزال فيه مايتكل فالقاع
طه خنزر فيها وناض دخل الكوزبنة كايقلب على شي حاجة ياكلها
بقات غير كاتشوف فبهم ورجليها كايترعدو خصوصا فاش شافتهم كيفاش كايتمايلو دليل على انهم سكرانين
كاترجع خطوة خطوة لور ببطء وقلبها قرب يسكت هزات عنيها كادورهم فالأنحاء على امل تشوف شي واحد يعاونها
وكلن والو غير ااخلى وجلى بزز باش كاتشوف شي طائر دايز
دورات وجها عندهم لقاتهم قراب عندها يلاه بغات تحرك حسات بشي حاجة ضرباتها لرجليها شافت بانت ليها عقرب كبيرة مشات هزات عندها رجليها وبألم نطقات : اوووه
هزات راسها لقاتهم وصلو عندها واحد فبهم قرب عندها حط عليها يديه ونطق : هاد زين كامل عندنا هنا
شروق ماحلتها تهرب منهم ماحيلتها ل رجليها لي كاتحرق بسم شافت فيه ونطقات : بعد مني
هو : وااو كاتهضر
تاني : انا بان ليا كترنا فشرب بزااف علبها كانتخايلو بحال هاد الماركة عندنا هنا
شروق بألم : بعدو مني حسن ليكم
واحد فيهم دفعها حتى طاحت وغوتات والخرين طاحو علبها كايحاولو يقربو منها وهي كاتغوت ودفع فبهم وفجأة بانو لبها ناضو كايجريو تكمشات وشافت فيهم لقاتهم كاملين هربو وكايشوفو موراهم شافت بان لبها حابس طموبيل وجاي عندها بتاسمات بفرح ماعرفاتش علاش ولكن حسات بالمان فاش شفاتو وصل عندها حنا المستواها ونطق : نتي لباس
شروق شهقات بحزن : عقرب عضاتني عقرب سامة وهما كانو ( صمت وحنات راسها كاتبكي فصمت)
داوود كابشوف جيهة رجلبها : صافي ماتخافيش انا معاك
شروق هزات فبه راسها وتلاحت فالحضن ديالو كاتبكي وتشهق بحال الى كانت محتاجة لبه : عفااك ماتخلبنيش هنا انا مانقدرش ديني معااك
داوود بتردد حط يديها على راسها كايطبطب عليها : لا مغانخليكش كوني هانية انا معاك
شروق هزات فبه عنيها وبصوت مخنوق نطقات : مكانحسش براسي مزيان
داوود شاف رجليها كانت كاتزراق وتنفخ حبد الرفاطة ديالو ربطها ليها على رجليها حابس سم باش ماينتاشرش فداتها كامل عاد هزها بين يديها غادي بيها الطموبيل حطها ومشا كايجري طلع ودمارة متوجه الأقرب صبيطار
طريق كاملة وهو مراقب معها ومرة مرة كايشوف فيها وهي متكية وكاتغمض عنيها وتسدهم حتى وصل قدام صبيطار نزل وهزها داخل بيها وكايغوت جاو عندو كايجريو دخلوها وهو بقا واقف قدام الباب
بقا واقف مدة تما حتى سمع الباب تحل مشا نيشان عند طبيب ونطق : امدرا البنت كيف بقات
طبيب : الحمد الله قدرنا نخرجو منها سم وحلتها دبا مستقرة
داوود تنهد : شكرا ليك دكتور
طبيب : دنياة هاني اسي المريني.
بناسم وحنا راسو غادي يكمل خدمتو فالحين لي خرج داوود على برا جبد كارو عادي وشعلو كايكمي ويبخ دخان وعقلو غااايب كايفكر هاد البنت اش دخلها لحياتو كيفاش بين ليلة ونهار ولات وسط دارو وسط حياتو لقا راسو مقادرش يبعد عليها حتى فاش جرا عليها فالبلاصة تبعها هو راه كايشوف رسو مقادرش يتنفس وهي بعيدة .
..هاد الهضرة مقادرش يدخلها لراسو عقلو مباغيش يتقبل انه ممكن يبغيها لاا هادشي بنسبة ليه مستحيل ..ولكن علااش علاش من نهار شافهل دخلات القلبو ودارت بلاصتها وسطو حاول انه يغدبها واي حاجة فيها تارت اعجاب ديالو كايحاول يشوها باش قلبو يعيفها وعقلو ينكرها
..ولكن لا وخا حاول ماقدرش لقا راسو هاد البنت غادي وكايتعلق بيها غادي وكيتهوس بيها ..ولكن يترى عقلو غيسمح القلبو يخوض هاد المعركة ويعتارف انه معجب بل مغرم بيها
بقا مدة وهو فالسراع بين قلبو لي كايقول ليه انه بيغيها وبين عقلو لي كايحاول ينفي هاد الفكرة
لاح داك الكارو من يديه وعفط عليه طفاه وتم داخل يطل عليها وهو كايحاول يسكت الصيراع لي الداخل ديالو
حل عليها بانت ليه ناعسة والفاصمة ملوية على رجليها دخل متوجه عندها جبد الكرسي كلس مقابل معها كايشوف فبها بطريقة مامفهوماش
شوفاتو كلها غموض ماتقدر تفهم منهم حتى حاجة ...هز يديه وحطها على شعرها لي كولو مقطع ونطق بصوت شبه مسموع : اكتر حاجة عجباتني هي هاد شعر ..وخا قطعتو كامل ومزال عاجبنيى. علاش دخلتي الحياتي وعدبتيني وعدبتي راسك معيا
المكان صوت الألة فقط لي كايتسمع
داوود كايدوز يديه على وجها : اش بغيتي عندي اءءء
تنهد ورجع نطق : نتي راك دخلتي لحياتي فوقت مامناسبش ..وقت كانحارب فبه داتي وقت كانحاول نتحسن ونعالج راسي حتى انا من الغذر والخيانة لب تعرضت لبهم
هز يديه عندها باسها وكايشم ريحتها: تيقي بيا حاولت ننكر الحب ديالي ليك حاولت ننفي فكرة انه كاين حب من اول نضرة ....ولكن ماقديتش ..قلبي مابغاش يسمع مني مابغاش يكرهك وخا حاولت ولكن ماقديتش
حط راسو على كرشها كاستنشق ريحتها لي مزالة لاسقة فيها رغم كل لي مرات منو غمض عنيه ونطق بصوت سامعو غير هو : كانبغييك..هاد الكلمة غاتبقا مدفونة فقلبي حياتي كاملة باش نبقا ديما نبغيك ...حيت نهار هضرت وعتارفت بالحب ديالي خصرت البنت لي بغيتها وضاعت حياتي ودبا منين بغيتك نتي مغانهضرش ومكاينش لي غايعرفني كانبغييك غاتبقا فقلبي حتى نمووت
تتمة
كمل كلمو وتهز عليها ورجع سند راسو مع الرسي وهو مزال شاد ليها فيديها كايشوف فيه بإعحاب حتى غمض عنيها وداه نعاس
....فاق على صوت الممرضة لي واقفة حدا راسو كاتعيط عليه شاف فيها ونطق : اش كاين
هي : سي المريني ممكن تخرج ممنوع تطول هنا
داوود شاف ف شروق كانت مزالة ناعسة طلق منها وناض خرج على برا بد تاني كارو وتكا على طموبيل كايكمي ويفكر اش غايدير دبا مع شروق لي متأكد من انه مغايرجعش يسمح فبها وغايدير كل مافجهدو باش تبغيه كيف كابغيها
......
داز الوقت وجوهرة كانت مزالة كاتفرج فواحد الفلم الرعب حتى تقطع الضوء ودار كاملة ضلامت وهي عندها فوبيا من الضلام تكمشات وغطات راسها وهي كاتغوت حتى جا طه هابط مع الدروج كايجري هاز فيديه البيل ديال تليفون وصل خدها يلاه حط يديه عليها تخشات فبه ومزيرة عليه مقادراش لا تبعد ولا تنطق بشي حاجة
طه حط عليها يديه كايحاول يبعدها : تهدني ماتخافيش
جوهرة زادت تخشات فيه : ضوء ضوء شغلو عفاك
طه حط تليفونو قدامها : هاهو البيل شاعل غير حلي عنيك
جوهرة حلات عينها وشافت فيه عاد نتبهات انها مخشية فيه دفعاتو ورجعات لور تكمشات : اش قربك مني
طه صغر فيها عنيه : شكون قرب لاخر
جوهرة : انا راه من قبل مايتقطع الضوء وانا كالسة هنا ..نت لي جيتي عندي
طه طلع فها حاجبو : ياااك
جوهرة كادو راسها يمين وشمال حتى تفاجأة مرة اخرة بالضوء لي رجع تقطع كان طه طفا البيل تكمشات ونطقات بخوف : طه شعل ااضوء شععل
طه ناض وقف بلا حس ودار جيهتها وصل حدها حط علبها يديه ونطق بصوت كايخلع : هووووه
جوهرة ناضت قفزات وكاتغوت : واااع الله ينعل طواسلك الحمار
طه شعل البيل وشاف فيها : كي جيتك
جوهرة كلسات الأرض وحطات يديها على قلبها كاترض النفس ..هزات فيه عنيها وناضت نقزات عندو كاضرب وتقمش فيه وهو كايفركل بالضحك طاح الأرض وهي طلعات عليه وكاضربو فسدرو ووجهو وهي كاتغوت وتعاير
طه شدها من يديها رجعهم ليها الور ورضها تحت منو وهو فوقها ونطق : واش غاترصاي اهاد نص مترو ولا نوريك
جوهرة كاتنتر : نووووض عليا نوض
طه هبط وجهو عندها : لا مابغبتش
جوهرة كاتحاول تبعد وجها : وانووووض
طه زاد هبط عندها : مابغييييتش
جوهرة دلات شنوفتها : واأاع نووض قسحتيني
طه عنيه غير على شنافتها لي مدلية هكاك مقدرش يتحكم فراسو وهبط عندها حط شفايفو على ديالها خلها مصدومة تهز علبها من بعد ماحس براسو اش كايدير ناض عليها وتم داخل البيتو خلاها مزالة مجبدة فبلاصتها وصدمة غالبة عليها هزات يديها حطاتها على شنايفها كاتحسسهم وناضت تقدات فالكلسة ونطقات : انا اش وقع ليا كيفاش حتى خليتو يتقرب ليا ..علااش مامنعتوش
بعد مرور اسبوع دازت سمانة على البطال ديالنا كل واحد فبهم وكيفاش دوزها
شروق خرجات من سبيطار ومشات مع داوود لدارو لي بدورو جاب خدامة على قبلها تكلف بيها
اما بنسبة لجوهرة وطه من داكشي لي وقع بيتاتهم داك نهار ولا كل واحد فيهم منعازل بوحدو مقادريتش يشوفو فعنين بعضياتهم وكل واحد فيهم كايلوم راسو على لي وقع بينهم
كانت واقفة فالكوزينة كاتعمر اتاي وهي كادندن كيف ديما حتى سمعات الباب تحل عرفاتو غايكون هو مسحات يديها وكبات اتاي فالكاس وتمات خارجة باش متلقاش معاه بان ليها داز نيشان طلع اابيتو زفرات بغضب ومشات كلسات فصالو كاتشرب اتاي وتفرج حتى سمعاتو تاني هابط تقدات فالكلسة وشافت فبه باغية تهضر معاه ولكن هو كاع مشاف فيها وداز دريكت الباب حلو وخرج والغريب انه مارجعش يسدو موراه
...جوهرة ناضت وقفات ومشات كاطل بان ليها طلع اطموبيلتو وديمارة بقات كاتشوف فبه حتى مابقاش كايبان رجعات دخلات وسدات الباب موراها حطات عليه راس ونطقات : جوهرة ماشي هي لي تهرب من دين لي عليهاا....انا عارفاك علاش خلبتي الباب محلول ولكن ماتخافش انا لي باغية ليوم نكلس هنا حتى نخلص لي عليا وخا يكلفني هادشي حياتي ماعنديش مشكل
........
كانت ناعسة ومكمشة فراسها ودموع فعينيها هدا حالها من نهار خرجات من المستشفى وهي غير البيت والبكى ليل ونهار بغات غير تهرب مالقات جهد وهو مسورت عليها ديما
مسحات دمزعها وناضت تقدات فالكلسة كاتفرك فيديداتها وتخمم شنو غادير معاه وكيفاش غاتهرب منو ..مقالت ربي طلقها تمشي حتى لقات راسها راجعة لبين يديه مرة اخرى
شافت جيهة ااشرجم وناضت كاتجري طلات منو بان لبها غير الخلى وجلى تنهدات ورجعات كلسات كاطلب الله يعتقها من بين يديه ...سمعات صوت الباب نطقات بلاما تشوف شكون : سيري بعدي مني ..شحال من مرة غانقولك ماتجيش عندي
سمعات الباب تحل زفرات بغضب ونطقات بصوت عالي :واااش كاتفهمي من ك**رك شحال من مرة غانقولك ماتجييش عندي
داوود مربع يديه وكايشوف فيها كيفاش كاتغوت بلا حتى مادور تشوف شكون بتاسم بخفة ونطق : ولايني راك واعرة
شروق جمعات قبضة يديها ودارت عندو : اش كاين اش باغي تاني
داوود : بغيت نشوفك كيف بقيتي
شروق ناضت وقفات : حسسسسن ليك قيلني عليك ولا مايعجبك حال
داوود جا عندها وقف مقابل معها ونطق : لا انا عمري غانبعد عليك فينما مشيتي غاتلقايني قدامك
شروق خنزرات فيه : كووون راجل وطلقني نمشي بحالي
داوود : فهادي انا مشي راجل غير تهناي
شروق حطات يديها على سدرو ودفعاتو: بصصصح نت ماشي راجل غير شمااتة وحيوان وكلب
داوود شدها من معصم يديها وجبدها عندو : هاد المرة غاندير راسي ماسمعت واالو وغاندوزها ليك
شروق عنيها كاتخرج منهم شرارة الحقد : الى مزالة ليك شي حاجة مادرتيهاش غير سبق منها نيت
داوود دوز يديه على وجها : لا كوني هانية وخا نبغي نأديك مغانقدرش
شروق دفعاتو: ماتحطش عليا يديك المسخييين
داوود بتاسم : وخا
دار خارج يلاه حل الباب وهو يسمع : بغبت نخرج شوية رااه تخنقت سيمانة هادي ماشفت الشمس
دار عندها وبتاسم : وجدي راسك انا نخرجك
كال هاد الهضرة وخرج خلاها كاتسوط من ناحية فرحانة خيت غاتخرج شوية ومن ناحية اخرة كارهة تخرج معاه
مشات حلات الماريو كاتقلب على شي حاجة تلبسها كان شرا بزااف ديال الحوايج على قبلها ..جبدات كسوى تحت الركبة فالغوز بسميطات لبساتها وزادت عليها جاكيطة كوير حيت بارد شوية الجو وجمعات شعرها كوت شوفال ومشات وقفات قدام المرايا كاتشوف فراسها بتاسمات بالرضى وهزات واحد كلوز خفيف دارتو لشفايفها وتمات خارجة وهي كاتقلب عليه بعينيها حتى لمحاتو واقف فالباب كان حتى هو مبدل لابس سروال كيكمة كحلة مع تيشورت فالكري وسبادري بيضة وداير نضاضر شمس فالكحل وصلات قدامو ووقفات كاتشوف فبه ماتنكرش انه عجبها وجها وسيم وداك الباس جا عليه ..تداركات تفسها رجعات خنزرات فيه ونطقات : يلاه
داوود بتاسم وشد ليها فيديها : تفضلي
شروق نترات يديها : عارفة طريق غير طلق مني
داوود دار يديه فجيبو : اهاه الى عمات ليك وهربي
شروق حلات الباب : كاع مامنعت منك نهار قلتي ليا سيري فحالك نمنع منك دبا
داوود بتاسم : كاديري عقلك هكاك نبغيك
حل الباب يلاه بغا يركب حتى كان سمع : ولدي داوود شكون هاد المبروكة لي معاك
داوود دار شاف مرأة كبيرة فالعمر هزاة كاز فيديها وضهرها مقوس بتاسم لبها ونطق : مي عيشة لباس
هي : إيييه لباس اولدي نحمدو الله ونشكروه
داوود شاف فشروق : ركبي ( رجع شاف فالمرة ) نخايك امي عيشة راني مشغول شوية عندي شي شغال
هي : ماقلتيليش شكون هاد العزبة لي معاك
داوود حنحن ماعرف باش يجاوبها خصوصا انا اهل هاد الدرب محتارمين وماعندهمش مع التخربيق : هادي ...هادي مراتي اخالتي
هي كاتحرك راسها : إييييه اولدي تزوجتي بلا خبارنا
داوود كتيحك لحيتو : داكشي جا على غفلة لمي عيشة
هي حنات راسها ومشات خلاتو كايدوي تنهد وطله بلاصتو ديمارة وهو كايهضر : فين باغة تمشي
شروق ؛ اممم بغيت نمشي الأعاب
داوود شاف فيها : علاه قدك مزال امشيو الأعاب
شروق دلات شنوفها وكاتنخسس
داوود زفر : جمعي عليا شلاقمك ..هانا اليوم الالة غانديرو ليك الخاطر ونديوك الألعاب
شروق الفرحة بانت فعينيها : بصصح
داوود بتاسم لفرحتها : الله يستر ناس كايكبرو تني كاتصغاري
شروق دمعو عنبها : فراسك حياتي كاملة وانا نحلم بالألعاب عمري وصلت ليهم ..ماما الله يرحمها عمرها داتني
داوود عقد غوباشتو : الله لا يرحم فيها شي عرق
شروق حزنات ملامحها ولكن ماقدراتش تهضر خافة الى جاوبتو تجيبها تاني فعضامها تكات على الزاج وحاضية مع الطريق
غانرجعو الدرب عند عيشة لي كانت غادة بالعكاز ديالها كاتزرب حتى دخلات الواحد دار بانت ليها بنت فالعشرينات كالسة كاتقاد ضفرانها وقفات عليها ونطقات : وانووضي تقضي شي شغل ونتي مقابلة ليا الضفران
غفران : مالك تاني اجدة
عيشة : فراسك هداك لي ضلي تقادي على قبلو تزوج وبمن ببنت قد بنتو ...اويييلي على غدايدي
غفراان ناضت وقفات : شكووون اجدة
عيشة مشات كلسات : داك داوود الله يعطيه شي دودة هو ويها نضل ندور بيه ونهضر ليه عليك على الله يشوف فبك ساعة الزغبي طاح على بنت برهوشة بنت الزنقة
غفران كلسات الأرض وحطات يديها على قلبها : نتي اش كاتقولي اجدة ...داوود مستحل يتزوج
عيشة ؛ الله يعطيك غمة ابنت ولدي ..نضل ننغز فيك والو واش باغة تحركي دبا فاش طار من يديك كلسي تغبني عليا
غفران كاتحرك راسها بلا : تئ داوود ماتزوجش نتي غير كاتخربقي
عيشة ناضت وقفات وضرباتها بداك العكاز : يخربقو عليك ان شاء الله ...انا مك كانخبرق ..وازوييينة هادي
غفران دمعو عنيها : واش صافي مشا من يدي
عيشة غاد جيهة الباب : وابكي دبا غالي يهرس لمك داك راس لي مكايسمعش الهضر
غفران : اوييلي واش انا من نهار حليت عيني وانا كانحلم امتا نتزوج بيه ونبرز معاه ودبا حات وحدة بين ليلة ونهار وداتو ليا ..لا لا مستحيييل داوود ملكي انا وعمرو يكون لشي وحدة اخرى ..ولكن ساهلة كيف تزوجها يطلقها
......
نص ساعة ديال الطريق وقف طموبيل وهبط شاف جيهتها لقها نعسات بتاسم ومشا حل عليها الباب وقرب الودنيها وصفر حتى قفزات خنزرات فبه ونطقات : ياك شي باس مكاين
داوود مد ليها يديه : هبطي البرهوشة ديالي وصلنا الألعاب
شروق خنزرات فيه ودفعاتلو يديه : بعد عليا لهيه
داوود رجه يديه مورا ضهرو : هبطي هبطي .ما.ديالك غير لي يخبطك مع شي حيط
شروق هبطات يلاه بغات تجاوبو حتى جات عنيها على الألعاب بتاسمات بفرحة ومشات كاتجري فالحين لي سد داوود طموبيل ومشا تبعها وصل قدامها شافها كانتقز من لعبة لعبة وهي فرحانة كان داكشي خاوي بححكم البرد والخال كان مشا والمغرب قربات
مشا كلس فوق واحد الكرسي وجبد تلبفون كايصور فيها وهي كاتنقز والفرحة باينة عليها بحال شي بنية الصغيرة ..دازت الوقت وداوود مزال كالس مقابلها كيفااش فرحانة وكاتنقز شوية بدات الشتاء كاتنقط ناض وقف ومشا عندها ونطق : يلاه نمشيو شتاء كاطيح
شروق هزات راسها فسماء كاتبان لبها كحلة ومغيمة : مزال باغة نزيد
داوود دار يديه فجيبو : وخا خودي راحتك
بتاسمات ليه ومشات كاتجري وهادي كانت اول مرة يشوف فيها الإبتسامة ديالها عجباااتو بزاف بل حمقاتو ربع يديه كايشوف فيها كيفاش كاتنقز وشتاء كاطيح عليها وهي كاتعرض لبها وفرحانة بتاسم ونطق بصوت خافت : بريئة بزااف ..
دازت الوقت جات عندو وهي كاترعد بالبرد شافت فبه ونطقات : يلاه نمشيو
داوود مد لبها يديه : يلاااه
شروق حنات راسها ومشات خلاتو بلاكة جمع يديه ومشا تبعها طلع شاف فيها كانت كولها مازكة واحلتها بالشتاء مد يده حيد لبها ديك الجاكيطة لي لابسة حتى بانو كتيفاتها البيضين كايشعلو خلاو قلب داوود يتحرك من بلاصتو هز الجاكيطة ديالو كان خلاها فطموبيل ناشفة لبسها لبها وتكمشات عاد ديمارة متفادي الشوفة فبها حيت عارف الى ماتمالكش نفسو غايدير فيها شي حاجة
نص تقربا كانو وصلو الدرب وقف طموبيل ونزلات شروق مشات جهة الباب ووقفات كاتسنا فيه باش يحل فالحين لي هبط حتى هو وتوجه عندها يلاه مد يديه باش يحل الباب وهو يلمح عيشة وغفران جايين جيهتو بتاسم بمكر وشد شروق من خصرها وزيرها عندو وهي مفاهمة والو حطات يديها باش دفعو ولكن كان نطق بهمس : ماتحركييش
شروق عقدات حجبانها بستغراب يلاه بغات تنطق وهي تسمع
غفران واقفة موراهم : اوا مبروك عليك اداوود وخا خاصك تخلص الحق حيت ماعلمتيناش
داوود شاف فيها : اهاه مرحبا
غفران شافت فشروق : عرفنا على مراتك
داوود شاف فشروق لي كاتخنزر : مكاين لاش مرة خرة ..هي دبا عيات خاصها ترتاح ..ولا لا احياتي
شروق صمت و شافت فيه ماكرهاتش طير عليه تقجو
داوود حل الباب : يلاه نخايكم
دخلو وسد الباب خلاهم غايطرطقو خصوصا غفران جمعات قبضة يديها ونطقات بين سنانها : قالك حياتي ..كون غير كانت شي زين وشي قلدة بعدا وهي كي عود سبسي
عيشة دارت غداة لدار : زيدي ابنتي زيدي ماعندك زهر
غفران رجعات شعرها مور ودنيها : دبا نشوفو واش عندي زهر ولا لا
كملات كلامها وتمات راجعة لدارها وعيشة موراها بداك العكاز
نرجعو عند شروق لي دخلات البيت حيدات حوايجها ولبسات غير بيجامة خفبفة ورجعات هبطات عندو لي حتى هو بدورو كان بدل ..وقفات قدامو كان كايهضر فتليفون وخاشي يدو تانية فجيبو
كمل هضرتو وشاف فيها ونطق : اش كاين
شروق مربعة يديها : تقدر تقولي علياش كاتقلب بضبط
داوود : حتى حاجة
شروق : علاش قلتي ليهم انيني انا مراتك ...
داوود غمزها : عجباتني الصراحة الفكرة وتيقتها ...اش بان ليك نطبقوها
شروق خنزرات فيه : كاتحلم
داوود دوز يديه على لحيتو: دبا اش خاصك
شروق : بغيت نمشي فحالي ...شنو مزال مخليك شادني هنا
داوود خشا تليفون فجيبو : المشية غير حيديها من بالك نتي بلاصتك معيا وحديا
شروق صغرات فبه عنيها : وشنو المنسابة اسيي
داوود حنا راسو عندها : حيييت انا بغيي
كانت واقفة فالكوزينة كاتصايب شي حاجة تاكلها حتى سمعات الباب تحل مسحات يديها ومشات خرجات من الكوزينة بان ليها داخل ومعاه شي واحد عقدات حجبانها
بستغراب والخوف تملكها وفكرة انه جابو على قبلها كاتحاول تسبعدها رجعات دخلات الكوزينة كلسات فوق الكرسي وهي كاتفرك يديها بتوت وقلبها كايضرب بجهد غايخرج من بين ضلوعها.....حسات بشي خطوات قراب ناضت وقفات وهي كاترعد شافت فيه ونطقات بإنفعال : شكوون هداك لي جبتي معاك ..راه والله حتى ندير ليك شي شوهة قدامو هاني علمتك .
طه شاف فبها وزفر : زيدي قدامي قبل مانفوت فيك شي دقة ..ماعرفت لاش جايبك انا لهنا الى ماكنتش غانبيعك
جوهرة عنيها عمرو بدموع : عع عفاك لا
طه مد يديه شدها من معصمها وزير علبها : شوووفي هاد الفشوش ديالك طلع ليا فك**ري داكشي علاش غاتزيدي قدامي بالخاطر ولا بززز
جوهرو كاتبكي بحرقة : عفااك اطه عفااك انا نكون تراب تحت رجلي غير ماتبعنيش ك عاهيرة مغانقدرش
طه زيير عليها : اناااا ماعندي مانطلي بيك ..لي بحالك كاه مكايعمرولي العبن وكاع مكانتسوق ليهم ...زيييدي قدامي
جوهرة مسحات دموعها ورخفات يديها شئ لي خلاه يطلق منها وينطق : هكاك نبغبك ماتبقايش تقصحي راسك
جوهرة حنات راسها وخرجات قدامو وهو تابعها شافت فهداك لي تما وهي تصرط ريقها طالبة الله يعاونها ويفكها من بين هاد الذياب لي هي وسطهم وقفات قدامو وهي حانية راسها وساهية كاتفكر حتى قفزات فاش حط عليها هو يديه هزات فيه عنيها لي حومر ونطقان : بعععد عليا يديك الحيواان كلب
هو شاف فطه : اش هادشي اسي لمريني
طه حك لحيتو : هي شوية واعرة ولكن ماتديش عليها
هو طلعها وهبطها ونطق : نووو سمح ليا مغانقدرش نشريها خصوصا بدك تمن ..كانعتاضر منك
كمل كلامو وخرج خلا طه كايخنزر ف جوهرة زاد عندها شدها من يدها ونطق بغضب : حتى ليين غاتبقاي كاتجرري ليا على الكلياان
جوهرة نترات يديها منو : انا راه نفضل نموت ومانكونش سلعة تبيع وتشري فيها الفساد
طه ضربها حتى طاحت : دبا نشوفو
جوهرة هزات فبه عنيها : الله ياخد فيك الحق ..اشمااتة
طه جمع قبضة يديه ورجع عطها تاني الوجه حتى رعفات : دبا تشوفي هاد الشماتة اش غايدر
جوهرة مسحات دم من وجها : تفووو ..دعييتك الله الكااار ماتسوااش
طه خنزر فيها : الى مالحت والديك الكلااب لغابة ياكلوك ماتسماش طه المريني ....والى ماتباعيتيش اليوم غاتباعي غدا .
جوهرة : لي فجدك ديرو
طه دار غادي الباب : هاحنى غانشوفو
لبنات راه خسر ليا تليفون غانبقا نتسنا راجلي حتى يدخل ونكتب ونحط ..بينما قاديت تليفوني
تتمة
خرج وخلاها مليوحة تما ودم دايز من نيفها جمعات رجليها عندها وكاتبكي وتطلب الله يفكها من هاد الوحوش لي مافقلبهم لا رحمة ولا شفقة هزاات راسها الفوق ونطقات : اشنو دنبيي انا الى كان راجل ماما حشايشي وقماار اااا
مسحات دموعها ونكقات : واش خاصني نفسد ونخرج طريق باش نخلص عليه ديوون ديالو ....علاش هما ضالمين وحكارين ..علاش لي ماقتلوهش وياخدو منو حقهم انا اش دخلني ..واش اعيباد الله ماشديت فلوس ماخصرت فلوس ووخا هكاك مفروووض عليا نخلصهم
رجعات حنات راسها كاتمسح نيفها بضهر يديها : يااااربي خود فبهم الحق ووريني فيهم ياربي لاهم ولا داك الشلاهبي لي مكايسواش
......
واقفة قدام النرايا وكاتشوف فراسها بإعجاب حطات يديها على خصرها ونطقات : واخيرا قدرت نحقق امنيتي
دارت وحلات واحد المجر تما وهي تشوف واحد التصويرة هزاتها وكلسات فوق الكرسي كاتشوف فيها
حزنات ملامحها ورجعات نطقات : عييت نرغب ونطلب فبكم اخوتي ولكن نتما مابغبتوش ...داكشي علاش ختاريت نحقق حلمي وانا بعيدة علبكم
دوزات يديها على التصويرة ونطقات : طه داوود توحشتكم بزااف