الجزء 3 - قصة تَحت وهم العدالة

وصلها حتال المجمع السكني ديالهم وهي بكثرة التلفة والصدمة هبطات ومشات دغيا بلا كلمة بلا 2 بلا حتى ماتستغرب كيفاش عرف لادغيس ديال دارها ولا كيفاش وصلها بلاما تنعت ليه

اما عندو هو لي شداتو الضحكة كان مراقب حركاتها ملي ركبو فلوطو حتى هبطات كاتجري هربانة

حشمتها تزنيكتها وحتى صدمتها كولشي كايسطيييه فيها غاتقولو كيفاش طاح فيها بهاد السرعة

ماتنساوش الرجال كايطيحو من الشوفة الاولى ولكن واش كيان بصح دغيا طاح ولا كاين شي حدث مخبي مور هادي ؟؟ ممم نعرفو من بعد

تعاشات العشية وكان هو فالشركة ديالو كايكمل خدمتو لي بقات ليه حتى تحل الباب بدون سابق انذار واش غاتصدمو لاقلت ليكم شكون ؟ طبعا لا

اديب: العشييييير

كيان: ينعل اصل مك بقا تدق عاد دخل واش الكوري دباك هذا ؟

اديب باستفزاز: مالك معصبة احبيبة؟؟

جبد كيان الفردي ديالو وتيرا فييه كان على شوية ايفرع ليه كتفو كون ما خواش ايه اديب حيت حافظ صاحبو مكايفكرش قبل ماينفذ لي جا فبالو ولكن لي متأكد منو انه ماباغيش يضربو بصح حيت كون بغا الرصاصة تجي فيه مكانش غايزكلو كيان عمرو ماغلط فالتصويب

كيان: هاد المرة غاتجي فراسك نيشاان (رفع فيه حاجبو زعما تحذير اخييير )

اديب بصدمة مصطنعة: على شوية كنتي غاترمل مراتي الحبيبة فيا وهي مزال كاتسناني نجس على عود بيض وبدا كايضحك

شوية نطق بجدية

اديب: شي جديد شتك ماشي هو هداك

كيان: محتاجك واش غاتستاقر ولا غاترجع لروسيا ؟

اديب: كانفكر نستاقر عييت من سير واجي وحتى الواليد عيان شوية خاص نقابل الخدمة لي هنا كولشي ترما عليا

كيان: مزيااااان سمعني دابا وحل معايا ودنك

(شتكم خاشيين قنوفتكم تاال من بعد وتعرفو 😉 عارفة راسي شريرة ولكن هادشي لي عطا الله 💔😂)

عند بطلتنا لي دوزات عشيتها كاملة فالدار بكثرة الصدمة بقا جالسة فدارهم هههه اصلا ماعندهاش الصحاب من غير ختها والام ديالها ولكن عندها صديق واحد من بعد وتعرفو عليه

جا الليل وتعشات هي وماماها ودخلات تنعس تخشات فبلاصتها وطفات الضو وخلات غا ضو الفيوز خفيف حيت مكاتقدرش تنعس فالظلام وهادشي راجع لواحد الذكرى الييييمة تاهي من بعد وتعرفوها (عارفة راسي عيقت عليكم ولكن غاصبرو معايا احيباناتي)

غمضات عينيها وهي كتفكر فأحداث اليوم لي مابغاوش يدخلو لراسها حتى استسلمات للنعاس

...............................

2:00 دالليل فاقت مخلووووعة عوتاني من نفس الحلم لي هادي شهوور مابقى زارها ولكن عاود زارها اليوم بقاات كاتنهج وهي عرقاااانة شافت فالسقف بعيونها الحومر كيف الجمر وناضت بالشوية عليها حتى وقفات قدام واحد الحيط كان مغطي كامل بملصقات فيهم تصاورها وتصاور ماماها ختها بنات ختها باباها

شوية حيدات واحد ليزار وبقات كاتشوف فتصاور واحد الشخص وهنا بداو كايطيحو دموعها

ابتاسمات وقالت: غانتاقم ليك مابقا والو قرييب

قربات وبدات كاتقيس فدوك التصاور ودموعها شلال على خدها

نطقات بتوعد وبنظرات مظلمة: هادشي كولو على قبلك وهانا قربت للهدف دياالي وتا حاجة مغاتحبسني

تفكرات كيان وهضرتو وهي تستأنف كلامها

شوق: حتى حاجة ولو يكون لي بغا يكون

هزات راسها ومسحات دموعها

ومشات لواحد البلاصة فالمجر ديالها حلاتها جبدات صندوق متوسط الحجم حمر ومزخرف بالذهبي والكحل حلاتو بساروت جبداتوو من صدرها مكايفارقهاش داك الساروت

خشات يديها وجبدات سلاح أسود كايبريييي وجبدات معاه سلسلة داالرصاصات ديالو سدات الصندوق ورجعاتو لبلاصتو وتوجهات للماريو حلاتو لبسات سروال جينز كحل ومعاه قميجة بيضة والفوق كويرة قصيرة كحلة وصبادري بيضة من نوع easy (ايزي)

وخرجات بشوية وسدات الباب بلاما دير الحس

(بووووووم عرفتكم تصدمتوووو ههههه وجدوووو راسكم واربطووو الاحزمة مزااااال الصدمات جايين فالطرييق)🔥🔥🔥🔥🔥🔥🔥💯

فبلاصة اخرى كان واحد الجسم متوسط ديال فتاة فعرين شبابها وردة عاد كتفتح ولكن خلاوها تذبل قبل الوقت

كانت جالسة فالظلام وجامعة رجليها عندها معنقاهم وكاتنخسس بصوت خااافت باش تاحد مايسمع صوت بكاها لي كايقطع فالقلب

بقات على ديك الحاال حتى داها النعاس

فبلاصة قريبة او نقولو فنفس المدينة لي كانت مدينة موسكو لي هي عاصمة روسيا

(ايييه ابناتي الناس فروسيا وكايبكيو ماعلينا)

كان واقف كايهضر فالتيلي لابس توني فالكري وفوق منو مونطو فالاسود ولاوي كاشكول على عنقو

اصيل: كيان الله يهديك ماتهورش اصاحبي راه دوينا

كيان: ماتقولش ليا ماتهورش انا راه ماسوقي فحتى قواد ماتنساش راه نتوما لي محتاجين ليا ماشي العكس اذا خاص تكون الثقة التاااامة

أصيل : انا راه تايق فيك ثقة عميا ماتهورش ودير شي حاجة تخسر لينا تعب سنيين اكيان عارف بلي الضغط كثر عليك من جميع الجهات ولكن صبر اخويا كيفما صابرين حنا

كيان ضحك باستهزااء ونطق بصوت غالبة عليه بحة رجولية كي العادة : سمع اخويا انا لي فراسي مانديرها ومكانتسنا اوامر من حد قلتي ليا عاوني هاحنا خدامين فهاد الق..... واماتفرعش ليا ك*ري وخليني ندير خدمتي

اصيل غمض عينيخ بقلة حيلة ياله غاينطق وهو يقطع عليه كيان

أصيل : اوووووف اكياااان اااااااع علاش كاتزرب علااااش

غوت بالجهد وهو يضرب يديه مع زاج لوطو ديالو حتى تشخشخ ويديه عمرات كاملة

تسمع من موراه صوت انثوي بالروسية قاالت

ليندا: اووه اشنو وقع ليك ا اصيل

تمشات بطلتنا حتى وصلات لواحد الدورة وهي تلقى طموبيل بعيدة شوية ضواوها كافيين كاتسناها كانت من نوع جاغوار ب بوغط واحد

حلات الباب وبلاما تشوف فلي كان سايق نطقات

شوق: كيف ديما

ديمارات لوطو ومشات بسرعة فااائقة حتى خلات غا العجاج موراها

.................................

(مالكم باغيين تعرفوها فين مشات راه هي لي مابغاتش تقول ليكم انا مالي؟)

ماعلينا اصبحنا واصبح الملك لله

عند شهد زنيير

فاقت راسها كايدرها كاع الأحداث لي وقعو ليها مؤخرا والصدمة لي تلقات من بعد ماعرفات خطيبها اش كايسوا كولشي جاها صعييب

وقفات مشات للدوش خدات شاور وخرجات لبسات حوايجها لي كانو عبارة على كسوة نص كم لا صقة فالحمر فوق منها قميجة بيضة وصبادري بيضة

هبطات باش تفطر لقات العائلة مجموعة من غير كيان طبعا

فطرات وهي تدور عند باباها

شهد: بابا انا غانخرج شوية واخا؟

ياله غاتنطق العقروشة دنزهة وهو يسكتها راجلها بيديه

عثمان: واخا بنتي غير ماتعطليش

تم داخل شاغر تزامنا معاها وهي خارجة

شاغر: اييه فين غادا نتي؟؟

شهد ميقات فيه وخرجات بلاما تجاوبو ياله ناوي يتبعها وهو يحبسو الجد

الجد: شاغر بعد من ختك راها خدات الاذن

لالة نزهة: ولكن اعمي اش هاد الفشوش غاتبقى فينما تقلق تخرج دور بوحدها؟

نقزات واحد مرات عمهم اخرى هادي غامع الجيهة الرابحة ماعندها مشكل مع حد وعندها مشكل مع كولشي

زينب: اويلي اختي خليها تفوح مسكينة راه تفسخات ليها خطوبتها بطريقة خايبة

نزهة لي ماحملاتش الديكور حسات بيها كاتحشي ليها الهدرة وكاتشفى فيها :ايوا دابا نشوفو بنتك اش غادير ايلا تاهي (طلعات وهبطات فصوفيا لي طول هاد المحادثة العقيمة مادواتش) ايلا تاهي ماوقفوش ليها شي وحدين فسعدها

الجد: هنييونا خليونا نفطرو نتوما كترات فيكم الهضرة

ناض وقف وعيط لولادو ب3 لي كانو انا

الجد: عثمان عالي رضى تبعوني

طلعو للمكتب وبقاو واحد كايشوف فلاخر حتى نطق الجد من بعد ماجلس فالكرسي الخاص بيه

الجد: اش هاد الفوضى شفت التحت ؟ واش مابقيتوش قادين تحكمو حتى نساكم؟ وولادكم؟

نطق عثمان بتهكم: الواليد راه كولشي من داك كيان ديالك

نطق رضى (لي هو العم الصغير فيهم مرتو مكانتش واصلا مرتو ظريفة ومكاتدخلش فشؤون العائلة عندها 35 هي الصغيرة فيهم) : علاش ديما كاتدخلو كيان فالموضوع خويا عثمان كون ماشي كيان كون راك لحتي بنتك لديك العائلة لي عامرة عقد وأمراض كانت تقدر ترجع بنتك مكفنة لا قدر الله خاصكم تشكروه ماشي دويو فظهرو وتحفرو ليه الحق يتقال كيان حاضي كل شؤون العائلة وديما كايعتقها من المصائب خويا الله يرحمو مامشى حتى خلا الخليفة ديالو

نطق عالي بحقد مخفي: كيان كيان كيان راه حنا هوما كبار العائلة هو راه باقي شاب ونتا واش معانا ولا معاه؟ ياك هو فاصل خدمتو وحتى حياتو وعايش بوحدو بعيد على القصر علاش كايتحكم ويدخل راسو فحياتنا

رضى: انا قلت غا الحق لي كلكم عارفينو ومقادرينش تعتارفو بيه او نقولو ماراضيينش حيت المخيير فيكم ولدو كبر من كيان ومدايرش الربع من داكشي لي دار هو

نطق من بعد ماسكتو وبقاو غاكيدورو فعينيهم حيت عارفين هضرتو صحيحة

رضى: انا غانمشي فحالي عندي شي شغال الواليد سمح ليا

الجد لي من الصباح وهو كايشوف فولادو كيفاش حاقدين على حفيدو ومحاملينوش وكايشوفهم كيفاش كاتناقشو واغلبيتهم هضرة عيالاتهم هي لي مسيراهم باستثناء رضى لي باقي كايفكر بعقلو شوية

نطق الجد: سير اولدي الله يرضي عليك

شاف فدوك الجوج لي بقاو قدامو وهو ينطق بصرااامة : الهضرة لي غانقول دابا مانبغيهاش تعاود سمعتو؟ اول حاجة غاتخويو ساحة كيان وتبعدو منو ولي قالها انا معاه فيها وكلمتو من كلمتي ماتعاودش 2 مرات فهمتو؟ ثاني حاجة ايلا حساب ليكم هو معارفكمش اش كاتنوعرو موراه فراكم حميير ومككلخين

عثمان: ولكن ابابا

الجد هز يديه ونطق بحدة تناسب. عمرو الكبير : سكااات ماتقاطعنيش الحمار . راه انا لي حابسو عليكم وعلى ولادكم اما كون راه صليتو على ولادكم وكل جمعة كاتزوروهم اااخر تحذيييير ونقييو لولادكم وذنيهم شاف فعثمان دوي مع شاغر ولا غايندم وشاف فعالي ونتا جمع ولادك اسعد وسمير راني عارف اش كايديرو باراكة علينا غا الفضايح البيران مع الموسخات هادشي فاش حادكين

نزلو ولادو ب2 راسهم للارض عارفين هادشي كاين ومايقدروش يتناقشو مع باهم ولا يردو عليه الكلام

عالي وعثمان: مايكون غا خاطرك الواليد

مشاو باسو ليه يديه وخرجو ب2 حالفين فولادهم

نمشيو لبلاصة اخرى

عندها هي لي فاقت خاسرة من مور الليلة البارح واصلا مانعساتش مزيان

حتى شداتها معا

نجاة: والو غاتمشي معايا

شوق : ولكن اماما راه ما..

قاطعاتها الام وقالت

نجاة: واش عندك الخدمة؟

شوق : لا

نجاة: عندك شي شغل؟

شوق: لا

نجاة: ايوا نوووضي يا البهلة لبسي جلابتك وياله معايا نتقداو ونجيبو اش خاصنا ولا غانجرك من شعرك

شوق: اووف اماما والله تا حكارة 🙂

مشات مع ماماها للمدينة مشاو كايدورو ويتقداو حتى عيات وخلات ماماها كاتقدى وهي مشات تقلب على شي ريسطو فيه الماكلة زوينة حتى كاتفت انتباها شي حاجة

...................................

عند. شهد لي كانت خارجة من الريسطو لي كانت كاتفطر فيه من بعد ما بان ليها داك نص رويجل وصفوان داخل مع شي صحابو وشي بنات حااالتهم وهادشي زااد اكد ليها هضرة كيان لي اصلا تيقاتها مية فالمية

وهي خارجة حتى كاتسمع سميتها

صفوان: شاااااهد

وقفات وبقات عاطية بالظهر ماحملاتوش يعيط بسميتها وماحملاتوش يهضر معاها اصلا

جا وقف قدامها

شهد : نعام اش بغيتي؟

صفوان: حبيبة مالك علاش كانعيط ليك مكاتجاوبش شفتي ماما واخا تقلقات من داكشي لي وقع انا غانهضر معاها حتى تواقف ونعاودو نجيو غير مايكون داك الشماتة دياال ولد عمك لي حرم علينا كولشي

شهد: بزاااف عليك ولد عمي راجل وسيييد الرجال راجل عليك يا المريوة هااي هاي قالك ماما سير اولد ماما تنعس مابقى زواج

نطقات بهادشي بالزربة بحالا حافظاه وهي مامتيقاش بلي قالت هاد الهضرة وزعمات ترد عليه

صفوان لي كان مصدوم تعصب وودنيه حمارو نطق بعصبية: كيفاااش مانسمحش ليك

ضربات فيه وجات خارجة حتى لقدام الريسطو وهو يشدها من يديها وبقى كايدي فيها ويجيب وكايغوت ويخسر الهضرة هنا شهد تخلعات وتزاد معاها الزايد وهي كاتشوف الناس كايتفرجو خافت من الشوهة وخافت يعرفها شي حد ولا تكون الصحافة

نطقات بتلعثم : ط طلق طلق مني

ياله هز يديه باش يصرفقها وهي حطات وجهها على خدها خايفة حتى ....

عندها لي كانت نيت قدام نقس الريسطو واقفة فواحد الساحة كبيرة كاتسنا ماماها تجيب شي سخرة. حتى بدات كتسمع الغوات جاي من حداها كادور راسها كاتبان ليها بنت وشاب كايتناقشو وهو بحالا شادها بزز مامخليهاش تمشي عقدات حجبانها وهي كاتشوف الذكورا بلحيتهم كايتفرجو وتاحد ماقد يتدخل يعتق البنت لي كاتبكي وتغوت كاتستنجد بالناس يفكوها منو

غمضات عينيها بعصبية وتمات قاصدة داك الشاب اليوم تفرح فيه امة لا اله الا الله (ايوااا يا حمييييد تابعو معانا اش غايوقع ليييه )

بدا داك الشاب كايعاير فالبنت ماخلا فيها غا لي نسا والمعيور من السمطة للتحت بالجههد كولشي كيضحك ويتفرج والبنت كاتبكي وباينة مقاداش دافع على راسها مع هز يديه باش يصرفقها وهي تشد ليه يديه دار يشوف شكون وهو يلقاها بنت ضحك بسخرية وقال

صفوان: مالك اختي اش كاين

شوق بغضب : يخوي لييك الجناب ياااا المريوة طلق من البنت ولا نهرس لمك راسك

صفوان: شناااهو دابا انا بنت غاتهرس ليا راسي سيري يا الواسعة بحالك بحالها يالعاهرة هاي هاي هاي

هي هنا صافي مابقات كاتشوف والو هزات رجليها وعطاتو بركبتها للمعلم خلاتو طاح كايغووون ربي لي خلقو وهبطات كتركل فيه وتصرفق

شوق: يالقو*اد التويييمل ياااا المرييوة كاتستقوا على بنات الناااس وريني رجولتك ياااله

اما شهد بقات غاكتشوف مصدومة والبكية تحبسات وشداتها الضحكة وهي كاتشوف بنت قد هاكا وشاداه كتسلخ فييه عرفاتو بصح مخنث

شوية كايسمعوو من اللور واحد الصوت قووي دوى بخشوونة : ااااش واااقع هنااا؟؟

شهد لي كانت واقفة شادة ضحكتها وهي كاتشوف شوق لي مكاتعرفهاش كاتسلخ فداك المخنث على ودها حتى كايقفزو ب2 من داك الصوت القوي لي هز كاع لي تما وكايعرفوه ب2 وايلا ماخفت نكذب كايعرفوه ب3

اما صفوان ملي عرف شكون مول الصوت شداتو السخفة والبكية ماحيلتو لديك لي كاتصرفق فيه ولا لداك لي جا دابا غايكمل لي بقى ......

اما شوق قلبها بدا كيضرب بجهد وهي لي هزات راسها كاتشوف فيه جاي لجيهتها وهي فديك الوضعية

هازة يديها وصفوان تحت منها داير يديه على وجهو وشهد واقفة مصدومة وحالة فمها وهي كاتشوف فولد عمها جاي صافي بدات كاتشهد علي راسها وعلى صفوان

شوق لي كان يحساب ليها جاي عندها بقات كاتشوف وكاتسناه يجي لعندها حتى بان ليها قلب الدورة ومشا نيشان لجيهة ديك البنت لي عتقات استغربات وحمارت معاجبهاش الحال

كيان: شهد وقعات ليك شي حاجة؟

شهد: ك كيان ان انا مادر ت وا لو و الله

كيان: عارف واش هاد الشماتة قرب ليك؟

شهد تفكرات كون مجاتش شوق كان غايضربها وهي تعنق كيان بالجهد قدام كولشي وبدات كاتبكي

هنا شوق حسات بشي حاجة خايبة فالداخل ديالها طلقات من صفوان وتمات غادا فحالها بلاما تلفت اللور

اما شهد.بدات كتعاود لكيان اش وقع وهي معنقاه كيان لي جا يدور وهي مابقاتش كتبان ليه استغرب ولكن رد بالو لهداك لي كان غايهرب وهو يشير لواحد من رجالو جاو وهزوه غمز رجالو فحين فنفس هاد اللحظة شهد تبعات شوق بالجراااا

شهد: ختي واااا ختي واااا سمييييتك

شوق لي كانت غادا فحالها حتى كاتسمع شي صوت موراها وهي دور

شوق باستغراب : نعام؟

شهد وصلات عندها وهي كاتنهج

شهد: الله ياختي كح كح غابشوية

شوق جبدات قرعة دالما من جيبها وهي تمدها ليها

شربات شهد وهي تشوف فهاديك لي قدامها وبدون سااابق انظار عنقاتها بالجهههد حتى كانو غايطيحو ب2 هههههه

شهد مغمضة عينيها ومبتاسمة : شكرا شكرا بزاف بزاف بزااااف عمري نسا خيرك

شوق لي بقات كاتفكر واش تبادلها العناق وقلبها كايضرب غايخرج من بلاصتو وهي مترددة وقف عليهم كيان وقال

كيان: شكرا بزاف انسة شوق ولكن مكانش عليك تعرضي راسك للخطر

شوق ابتاسمات ليه بتكلف ونطقات من تحت نيفها: ماشي مشكل الخطر هو بنادم اسي زنيبر

شهد لي واقفة وسطهم مصدومة : يااااه كاتعرفو بعضياتكم

ياله غاينطق كيان بالايجاب وهي تسبقو شوق

شوق: لا لا غا الموكل ديالي يعني علاقة عمل اختي

شهد : وااااو نتي محامية

نقز كيان وقال بسخرية: كانت محامية اما داكشي لي شفت قبيلة حساب ليا غاشي قطاطعية

شوق هزات حجبانها وشافت فيه: ايوا لا مابقيتش عاجباك بدلتي

انا سي كيان هنا بلا حشمة بلا حيا قرب لودنيها ونطق بهمس كفحيح الافعى: وعلى انا نقدر تو تو تو مايمكنش احبيبة

شوق هنا وسعات عينيها على قدهم ياله بغات تنطق وهي تسمع صوت الام ديالها كاتنادي عليها

نجاة: شووق بنتيي

شوق: انا جاية اماما

رحعات نظراتها لشهد وهي متحاهلة كيان لي كان طول الوقت مراقب تصرفاتها

شوق: احم ياله الحمدلله على سلامتك نخليكم دابا

شهد: لا لا مايمكنش تمشي هاكا عفاك خليني نعرض عليك كشكر

شوق: لا بلاش اصلا تعطلت وماما كاتسناني من الاحسن نمشي

بقات شهد كادور فعينيها وهي تجبد الفون دغيا ومداتو ليها

كتبي ليا نمرتك نبقاو على تواااصل ضروووري

شوق شافت تاعيات وهي تكتب ليها نمرتها ومشات فحالها من بعد ماودعاتهم تحت نظرات كيان لي كانو كايوحيو على انه ماساخيش بيها

دار كيان عند شهد وهو يقول

كيان : شهد ياله نوصلك

شهد وهي مبتاسمة: واخا شكرا بزاااف

بتاسم ليها بلاما يجاوبها

وبقاو غاديين جيهة لوطو ختى تفكرات شي حاجة وقالت

شهد: ااه كيان (دار شاف فيها وهي تستأنف كلامها) واش كنتي غادايز من هنا ولا وصلك شي حد الهضرة

كيان تفكر اش وقع

#فلاش_باك

كان خارج من دارو ياله غايركب لوطو دياالو وهي توصلو واحد الصورة من عند رجالو

كانت ديال شوق وهي خارجة نع ماماها بتاسم وهو كايشوف فيها

شوية وصلو فيديو فيه شوق واقفة كاتناقش مع صفوان وهنا مانت الصدمة فاش شاف شهد حتى هي تما وفهم البلان كسيييرا مخلي مورااه غا العجااااج حتى وصل لعندهم وهو يشوف شوق جالسة كاتصرفق فيه تصدم ومابااش يبين بلي جاي على ودها بقا كايشوف فيها وهو كايتوعد لصفوان باسوأ الافعال

توجه نيشان عند شهد ..... والكمالة فخباركم

نجرعووو للوقت الحالي

كيان: لا كنت غادايز باش نفطر ونتي تباني ليا تما فوسط الجوقة وقلت ياكما واقعة شي حاجة

شهد عينيها لمعو وقلبها بدا كايضرب بعنف : احم واش خفتي عليا

كيان هز يديه خربق ليها شعرها : طبعا نخاف عليك الصغيورة راكي بنت عمي وبحال ختي

هنا شهد سرطات الضحكة وحبسات دموعها بزز ودارت ضحكة مصطنة

ركبو فلوطو وهوما غاديين جاه اتصال من عند اديب

كونيكطاه مع لوطو وجاوب كانت الهضرة مسموعة

اديب: العشييير وافين از.

كيان: ربببط راني ماشي بوحدي واش كاتقلب على شي سلخة ربانية

اديب : بدا كايضحك هاي هاي هاي شكون معاك احبيبة

شهد شداتها الضحكة وهي تدور وجهها للزاج اصلا هي كاتحشم من كيان بزاف ملي كانت صغيرة

كيان : فيينك دابا

اديب حنحن ودوا بجدية : انا فspl نتسناك؟؟

كيان: مزيااان تسناني تما نص ساعة ونكون عندك

زاااد فالسرعة....

نمشيو عند بطلتنا لي شرحات لماماها اش كاين من بعد ما صدعاتها بالاسئلة شكون وعلاش وكيفاش

نطقات الام: ولكن على مزيناتو تبارك الله اش ديك القلدة والطولة والحروف. الحرشين

شوق: وا ماما الله يهديك راه غا الموكل ديالي واصلا باينة هادي خطيبتو ولا شي حاجة

نجاة : لا لا مدايرينش الخواتم واصلا ماتجيش معاه تشهييتو ليك يابنيتي نفعي فشي حاجة وجيبيه ليا نسيب

شوق افأفات ودارت دخلات لبيتها بالزعاف خلات نجاة كاضحك عليها

غير دخلات لبيتها بقات كاتمشي وتجي وكاتهضر مع راسها

شوق: ياك قال ليا كانعجبو

لا لا باينة خطيبتو ولا صاحبتو

ولكن دوا ليا عند ودني قدامها

زعما تكون ختو ؟

لا اا هو ماعندوووش خوتووو

اووووف اشوق اوووووووف صافي

اصلا انا ماشي شغلي اه

قربات تسالي المحاكمة من هنا 3 ايام ومغانبقاش نشوفو وويموت هو واياها وانا مالي

مشات بدلات حوايجها وبقات جالسة فوق الناموسية شوية ناضية قافزة

جبدات واحد الطيلي كايكون خاص عند 2 دالفئات من الناس

الاوليين المخابرات والثانيين الناس الغير القانونيين حيت مكايبغيوش لي يتجسس علي هضرتهم

ركبات نمرة خافظاها عند ظهر قلب

بقا كايصوني لمدة 3 دالثواني وهو يتسمع واحد الصوت رجولي قال

........: اش حب الخاطر ا انسة

شوق: احم بغيت نعرف شكون هاديك لي كانت مع كيان زنيبر اليوم

......:بنتي ليا نتي بديتي كاتخرجي على السيطرة ماتنسايش الهدف ديالك اشوق وماتنساايش واحد الحاجة من ديما كانقولها ليك

قاطعاتو شوق : عارف. وماناسيااش

”الحب عائق كبيير لاي حاجة فالحياة بغيتي تنجحي وتحققي اهدافك خرجي الحب من القاموس ديالك “ نطقات هاد الكلمات وهي كاتذكر كل كلمة وكل نصيحة كان كايعطيها كان معاها خطوة بخطوة وعمرو خلاها ديما كايعاونها

.......: مزيااان عنداك شي نهار تنسايها ولا تخدمي قلبك وتخلي العاطفة تغلب عليك

شوق بنظرات مظلمة: لا مستحيييل اكيد لا كون هاني

.........: هاديك راها شهد زنيبر بنت عم كيان زنيير من عمو الوسطاني عثمان . هاد العائلة خطييرة اشوق ردي بالك وماتقربيش منهم بزاف راهم عامرين اسرار

شوق: ماتخافش عليا انا عارفة اش كاندير

نخليو بطلتنا هي والمجهول لي كادوي معاه ونمشيو لبلاصة بعيييدة

🔱 موسكو روسيا 🔱

سهام بخوف: ما ما ان ا

الام: اش كاين تاني؟ شنو بغيتي؟

سهام: عفاك خليني نمشي نقرا والله مانعاود نخرج معاه

الام: راك سمعتي باك اش قال غاتبقا ي محبوسة فالدار حتى نزوجوك لولد صاحبو اصلا غايسالي باك شي شغال وغانرجعو المغرب

سهام مشات كاتجري تلاحت على رجلين ماماها كاتزواك واطلب ودموعها هو شلاال: عفاااك اماما ماتخليييهش يزوجني ياااك انا بنتك عفااااك (بداات كاتشهق بالبكا وصوتها كايقطع فالقلب ونبرتو حزييينة ومؤنبة )

الام طولات فيها الشوف وقالت : مكايناش كلمة فوق من كلمة باباك علاش فاش كان داير فيه الثقة خنتيها

سهام وهي مزال كتشهق : و و ا لله هئ ا ما ما حت هئ حتى ع مر ه‍ئ عمري خ خن هئ خنت با با واااااا ه‍ئ عفااااااك عتقيني ماتخلييهش يلوووحني رانا ب ن تكم عافاااااااك

الام بقات فيها بنتها ولكن خاصها تقصح قلبها باش ضمن ليها مستقبلها

(واحد الموضوع خارج القصة ولكن فاطارها البنات انا مكانشجعش الواليدين لي كايبززو على ولادهم شي حاجة بحجة انهم عارفين مصلاحتهم حيت بعض المرات كاينين شي والدين كايخرجو على ولادهم بسباب قرارات خداوهم فلحظة غضب ولا شي حاجة وكايتسرعو ولكن فنفس الوقت خاصكي تعرفي احبيبتي الواليدين الحقيقين مستحيييل يبغيو لولادهم الشر مك ايلا قالت ليك ماتخرجيش اليوم ولا قالت ليك ماتعطليش ولا ماتيقيش فشي صاحبتك سمعي ليها راهم كايحسو بالخطر لي غايوقع لولادهم راه مجاتش غا هكاك وتسمات ام انا الواليدة الله يخليها ليا ويخلي ليكم واليديكم كانت كانحذرني من واحد مرات عمي كانت عزيييزة عليا وكنت مكانسمعش لماما وكانسمع ليها كثر حتى كنتفاجأ فاش كبرت شوية ووليت واعية بلي عمر شي حد مغايبغيك كثر من وااليديك ونن غيرهم تاحد ماغايبغي ليك الخير كتاشفت ان مرات عمي كاتغير مني ومكاتحملنيش ومكاتبغيش تشوفني حسن من بنتها وكاتبدا تخشي ليا الهضرة وتسبني وتبيني خايبة قدام الناس والله شاهد على هادشي لي كانقول ليكم داكشي علاش خودوه عبرة ومافيها باس ايلا شي نهار حذراتك ماماك من شي حد وسمعتي ليه حيت راه كايكون بصح خاطرو ماصافيش من جيهتك احبيبتي ونتمنى ليكم كل خير احبيباتي وربي يبعد عليكم كاع وجوه الشر ) سمحو ليا طولت عليكم وخرجت على موضوع القصة ولكن راه كانكتب ليكم من قلبي وكنعتابركم كلكم خواتاتي وكانحبكم والله

نرجعو لقصتنا

الام حنان: بنتي الله يرضي عليك سمعي مني ومن باباك راه هاد الدنيا عامرة ذياب وباك هو لي غايعرف مصلاحتك نوضي مسحي دموعك وسيري توضاي وصلي (حطات يديها على خدودها ب2 وقالت)

الام: بنتي الحبيبة باك واخا قاسي معانا الا انه عندو غابنت وحدة هي نتي ونتي هي عينيه لي ماباغيش يتقاس فيها الله يرضي عليك ابنتي سمعي الهضرة

ناضت سهام بلا هضرة بلا 2 طلعات لبيتها وتكات كاتبكي بسباب غلط صغير دارتو وهو انها خرجات مع واحد الولد دايرة معاه علاقة حب وهو روسي ماشي مسلم حصلها باباها وعطاها سلخة دالعصا وحبسها من الجامعة لي كانت هي حلم حياتها وباش كملها. باغي يزوجها لواحد عمرها ماشافتو والا عرفاتو غاتحمااااق ......

نخليوها ونمشيو عند أصيل

اه اصيل مممم شنو بان ليكم نتعرفو عليه دابا ولا نخلي راسكم يضركم شوية ؟ اممم خليه يضركم ههههههه (انا شريييرة وعارفة غا سمحو ليا👿👿)

الحوار بالروسية

ليندا: اصيل اجي تفطر

شاف فيها وبتاسم من فوق قلبو

لا شكرا مافياش الجوع

ليندا قربات لعندو وشدات فيدو لي مامجروحاش ونطقات بحزن

ليندا: واش مامرتاحش ونتا معايا

اصيل جر يديه من وسط يديها وابتاسم بتكلف : لا علاش اصلا غانساليو غا هاد العملية وكل واحد غايرجع لحياتو

ليندا حطات بديها على شفايفو ونطقات : ششش ماتقولش هادشي نتا عارف شحااال.كانبغييك

اصيل بعد منها وعطاها باالظهر

اصيل: دوينا فهادشي اليندا وقلت ليك مستحييل نكونو انا واياك ولا تكون بيناتنا علاقة واصلا انا مسلم ونتي لا

ليندا: ولكن انا راه بحتث فديانتكم وعرفت بلي جائز الراجل المسلم يتزوج من غير دينو

ولا عرفتي بلاما نتزوجو غاكون معايا انا راه كنحماق عليك

اصيل تعصب : لييندا هادشي دوينا فيه ومغانعاودوش انا مكانبغيييكش فهميها انا عمري مانقدر نكون معاك سمحي ليا

خرج وزدح الباب خلاها طاحت للارض و كاتبكي

مشا نيشان للمقر دالانتربول

ودخل عند العميد

اصيل واخا الرتبة دياالو عالية الا وكايبقى كاين مسؤول فوق منو

اصيل عطا التحية وبكل احترام نطق : سيدي ممكن نهضرو ؟

العميد : نعام ا اصيل تفضل

🔱عاصمة الــــمغــــرب الرباط🔱

وصل كيان للمستودع ديالو لي كايدير فيه شي عمليات عادية (الله يمسخني قالك عادية ههههه)

لقى اديب متكي على لوطو ديالو لي كانت بورش حمراء صغيرة

ابتسام اديب وقال

اديب : سمعت بلي عندك شي ظيف اليوم وبان ليا مهم بزااااف

كيان ابتاسم بخبث ونطق: الله اودي كثر من القياس اش بان ليك نستقبلووه ؟

غمزو ودخلو ب2 كايبتاسمو ابتسامة مكاتبشرش بالخيييير

رجال كيان

ر1: بوص جيتي درنا داكشي لي قلتي بالحرف

كيان ربت على كتفو: مزيااان جيب ليا الماطيريال ضيفنا غايكون فيه الجوع

ر1 ابتسام تاهو ابتسامة شر ومشى بالزربة جاب ليه داكشي لي طلب

تموو داخلين ابطالنا ب2 لعند سيدي صفوان لي اليوم غاينغمنا بصوتو الحنين

كيان: مرحباااا مرحبااااا بولد آل برادة

صفوان: خ خويا ك كييااان ا انا راه

اديب خيب سيفتو : اش هادشي العشييير هدا مانعطيهش تصرفيقو تا فسبيل الله

كيان: واراه كنت عاطيه التيساع هو لي خورو حمق وقال ليك بغا يلعب على عائلتي لا وبغا يتزوج ببنت عمي باش فالليل يدور عندها يقوليها خوريني باش يوقف

ضحك اديب بالجهههههد اما صفوان غا كايترعد ساامع بكيان وعارفو اش كايسوا مخلي الرجال بشلاغمهم كايترعدو وتاحد مكايتجرأ عليه

وكيفما قال حبقلبي كيان خورو حمق هو وعائلتو حتى طاحت عليه غاشهد فالبلان

اديب : خليه ليا عطيه ليا كادو نعجبك فيه

قاطعو كيان ملي قال: تو تو تو هدا ليا انا لي غانبرعكم فيه حيت هو تطاااول حتى وصل لواحد الخط حمر من غيييير شهد بنتي عمي

(تفكر شوق والهضرة لي قال عليها قدام لي يسوا ولي مايسواش عينيه ولاو جغمة من الدم ابتاسم بطريقة مخيييفة لدرجة اديب مابقاش عارفو رجع اللور مربع يديه وخلاه منو ليه صاحبو وكايعرفو ايلا قاليه خط حمر اذا راه تجاوز الحدود كثر من القياس )

كيان كايقرب بالشوية ووصفوان كيبعد والبكية شاداه حتى طلق البولة فسروالو ومزاال كيان كايقرب بالشوية كايلعب ليه بالجانب النفسي خصوصا هو عارفو خواف

جلس جلسة القرفصاء وبقى كايشوف فيه شوية جر ليه يديه وهو يلويييها حتى تسمعااات طراااق هنا صفوان غووووت لربي لي خلقو

صفوان: واااا ماااااااااااااماااااااااا

بدا كايبكي وكيغوت

وكيان ماشي هنا ناض وقف وهز رجليه ونزل ليه نيشان على المعلم

وزاد عفط عليه بركبتو على يديه المهرسة ونطق بتحذيييير كأنه كايعيطه ااااخر انذااااار

كيان بصوووت هامس قريب لفحيبح الافاعي وكايبعث الرعب فاي واحد سمعوو : سمعني مزياااااان وحل ودنييبيك هاد المرة داااازت ولكن ياااوييييلك يااااوييييييييلك نسمع انك قربتي لاي واحد من عائلتي ولا لأي واحد كايخصني حيت ماشي غانقتلك لا لا غانخلي رجالي وكلابي كلهم يدوزو عليك واحد واحد حتى توساااااع وغانخشي ليك فيها العقااارب لي غايساليو عمرك ببطئ شديييد وهادشي كولو وانا شاد كاس ديال القهوة كانتبنن ورك ليه علي يديه سمعتييينيييي؟

صفوان لي بدات كاتلعب بيه الدوخة : ا اه س سمع ت ك ..

كيان : مزياااان اجيييو ديييو علياااا هااااد الزوييي...مل لوحووه لمو حدا وجها مانبغيييش. خطأ واحد مي هزيتوه من هنا كي تحطوه فهمتووو

رجالو كاملين حناو راسهم بالايجاب بكل احترام ومشاو كايجريو هزو داك المخنث لي بقا خدام فيه غا القلب هو لي كايضرب وخرجو بسرعة ينفذو الاوامر

توجه كيان لواحد الروبيني فالجنب غسل يديه بكل اشمئزاز ورجع جلي فواحد الكرسي

اديب : واش فكرتي مزيان فداكشي لي ناوي دير

كيان: اديب نتا ااكثر واحد عارفني ونتا اقرب ليا من خويا عارف بلي مكانديرش الحاجة الا وانا متأكد منها

اديب: اصيل معول عليك ونتا الامل الوحيد ديالهم ولكن واش من مور ماتلقاوهم غاتسالي ولا غاتكمل من داكشي لي بديتي ؟

كيان: ماعرفتش هاد الخدمة طلعات ليا فصحتي ولكن لاحبستها ا اديب غايبغيو الرعاويين يركبو فوق ظهري وانا ظهري عااامر شوك اي واحد غايزمل عليه الضمير غايطير ليه داك لي فرحان بيه ونتا عارفني

اديب: انا معاك العشير فلي درتيها نتا عارفني ماعنديش مع هاد هاد العالم ولكن فاش تحتاجني غاتلقاني ديما فجبنك

كيان شاف فيه وطول الشوف هادا هو عشيرو لي كايعرف هادا هو اديب ولد 16 العام لي تعرف عليه

كان صغير ومودر معارفش الطريق وكريساوه شي دراري كان جالس كايبكي حتى كايدوز كيان لي كان لاعب ماتش دكورة وراجع للقصر كانت فعمرو ديك الساعة 19 سنة حتى كايبان ليه يديه ووجهو فيهم الدم وجالس كايبكي

كيان: هييه هيييه بسس

هز اديب راسو فيه وتخلع مجاوبوش ياله ناض يمشي وهو يحبسو

كيان: تافين غادي اصاحبي مالك كاتبكي كي المرأة

دفع اديب كيان وغوت فوجهو : انا راااجل ماشي امرأة

ابتاسم كيان وقال: واخا علاش كاتبكي

اديب: مكانبكيش غا حكرووني وداو ليا تيليفوني وفلوسي وماعرفتش منين نخرج من هنا

كيان: واااشنو وصلك لهنا؟

اديب: كنت تابع سارة ولكن ماعرفتش فين تودرات ليا ماكنتش عارفها كاتسكن هنا

كيان ضحكاتو هضرو. عرفو كان تابع شي بنت كاتعجبو وباينة ولد االفشوش وظريف

نطق كيان من بعد مدة دالسكات: ايلا شفتيهم تعرفهم؟

اديب خاف: ا لا بلاش بغيت غانمشي

جرو كيان من قرفادتو وقال: وااترجل معايا اصاحبي انا معاك ماتخافش تاحد مغايقيسك

اديب شاف فيه كان متردد فالاول ولكن دغيا تاق فيه ومشاو ب2 كايقلبو عليهم حتى لقاوهم 4 دالبراهش عندهم من ديك 16 حتال 20 جالسين كايحسبو فالفلوس وكايتفاسرو على الفون بشحاال يبيعوه

حتى وقف عليهم كيان وموراه اديب خايف ومتردد

كيان: تبييعو؟؟

الدري1 عندو 20 عام: مالك اعشيري ؟

الدري2 : تاورررق ليا واقيلة داك النعيوة جاب لينا خووه الكبير واهاهاها

بداو كاملين كايضحكو

كيان: وملي عرفتوني خوه ردو ليه داكشي ديالو بلا مشاكيل

بداو كايضحكو ثاني وكيان كان متأكد انه ايلا مدارش شرع يديه مغايردوش ليهم داكشي لي بغاو

جا داك الدري الاول وقف قدام كيان بغا يضربو ولكن هاد الاخير شدو وضربو بنص حتى ترفع وهو ويعطيه لوجهو برجليه تارعف ناض الدري الثاني والتالت تحاماو على كيان ولكن معامن شدهم ب2 لاقا ليهم الريوووس جا لاخر بغى يغفل كيان وهو يضربو اديب برجليه تاطاح شاف فيه كيام وضحك : هكاااك نبغييبك طلعتي راجل

بداو كايضربو فيهم وخداو داكشي ديالهم ورجعو ووصل كيان اديب حتال دارهم ومن هنا بدات صداقتهم لي كولشي كايدوي عليها كانو نعم الاصدقاء كايقوفو جنب بعضياتهم ومكايخويوش ببعضياتهم ولي حتاج ل لاخر كايلقاه لدرجو بداو كايشكو فيهم خووت

نرجعو للوقت الحالي

ابتاسم كيان وهو كايتفكر هاد الاحداث وشاف فاديب وقال

كيان: انا قاد بشغلي احبيبة ماتخافيش عليا

وغمزو

ضحك اديب وقال

اديب: يخليك ليلي اعمري

تقزز كيان وقال: اااجمع اساط . ياله تهلا انا غادي

اديب: احححم مكاين والو زعما

كيان دار شاف فيه باستغراب وهو هاز حاجبو: كيفاش زعما؟

اديب: شفت داك القلب عاود حيا عوتاني من 5 سنين اش تما؟

كيان يا كيان غا كيتفكرها كايطلع لوو المورال بلا سبب كايولي يبتاسم ويتخيل هضرتها حماقها ضحكتها السيد صافي ولا مهووس

اديب: هادشي كامل دارتو فيك المحامية بشااااااخ اعشيري طلعتي حنيييين

هز كيان رجلو وهو يدفع بيه الكرسي كان غايجي طايح

كيان: شحاال من مرة كانقوليك جمع ك*رك ونتا وااالو

اديب بدا كايضحك: ايييه شكون يقووول تعاود تشوفها من بعد 5 سنين كولهااااا

كيان : خويا سير تقو*د واش ماعندك شغل من غيري

اديب لي مزال مابغا يحشم باقي كايستافزو : لا احبيبة غير كانخاف عليك

لاخر قلب عينيه وتم خارج فحالو لا بقا معاه غايدير فيه شي موصيبة وهو مكايصبرش (عارفينك احبي عصبي. ومتسرع هاحنا غانشوفو اش غادير مع ديك فرييفرة )

...............................

فبلاصة اخررى

كان جالس على كرسي داالحديد وقدامو الرايس كايمشي ويجي غاياكل جنابو

الرايس لي كان كايتنشوا على واحد جوان فيديه وكايشوف فلاخر غادي جاي بحالا غايولد

نطق بصوت تقيييل وباح باالكارو: مالك اصاحبي غاتزحم ريح وهنينا فرعتي لينا كر*نا اش كااااين

الكوبرا: نتا راه معارف والو راه غايصفيني انا واياك ايلا مشا حتى لقاه كيان ولا عرفو

الرايس: عشت وشفت الكوبرا خايف من برهوش ياله تزاد البارح سججل ياا تاااارييييخ

الكوبرا حمر فيه وهو ينطق بصوت خشن: شوف اسي ز*** راه كانهضرو على زنييييبر المشكل ماشي هنا المشكل هو مكاينش كيفاش نطيحوه ونتغداو بيه قبل مايتعشا بينا

الرايس ضحك بنبرة شيطانية ونطق : متاكد الكوبرا كنتي خدام 30 عام فهاد الحرفة شتك مات ليك الحوت

الكوبرا : ايلا عندك شي حاجة فيدنا ولا زم طرمتك راه كولنا فباطو واحد نتا عارف وانا عارف

الرايس : وايلا قلت ليك كاين كيفاش نطيحو كيان وبطريقة ساهلة غامن بعيييد بلاما تخدم يديك غاتخدم غا فمك وغمزو وضحك بدوك السنان لي كان نصهم رايب ولي باقي كولو كحل (تفوو معفووون دابا نفرجكم فيه انا كانكتب عليه ومحاملاهش 😂😂)

ضحك الكوبرا تاهو وهو يقول : ايوا دابا عجبتيييني شتي ماقالو رايس حتى راك باااهم

ضربات 7 دالعشية وهاد المرة غاتمشيو معايا لقصر آل برادة لي كانت قدامو واحد الجثة اووووبس بغيت نقووول حبيبنا صفواااان الولية ديالنا

كيأن بصوت خافت صوتو بااااح ووجهو عامر كدمات ودمايات يديه مقلوبة بالعكس بطريقة خايبة

كان العساس ناوي غادي يجب ليه شي حاجة ياكلها حتى كتبان ليه كسدة مرمية تما بقا كايحقق وهو خايف يقرب فالاول قال غايكون شي قطاطعي ولا شي نصاب ولكن غير قرب وهو يسمع الانييين بصووت مهلووووك وتقرييبا شبه منعدم تخلع وهو كايشوف داكشي وداك الشخص لي مرمي حالتو حالة حتى كايقلبو وهو يشهق بالجهههد

العساس: سييي صفواااان سي صفوااان

لا من مجيب صفوان غاب علر الوعي فخطرة وحتى دقات قلبو ولاو شبه منعادمين كايتسمعو مرة فشحاال دخل العساس كايجري ويغوت حتى خرجات عندو العائلة

العساس : س سييدي سيدي لالة

سي صفواان سي صفوان

لالة عائشة: وييلي اس عندك مالو ولدي صفوان

العساس وهو كايرتاعش ومخلووع: براااا م م مرمي ف الطريق

لالة عائشة ضربات فخادها ووجها وعينيها حمارو: وييييلييي ولدي اس وقع لولديييي سيدي عبدالبائي ولدييي

خرجو كاملين كايجريو وبداو لاخرين كايعيطو للاسعاف

اما عائشة تلاحت على ولدها كاتصرفق ليه حناكو وكاتزعزع فييه ودموعها شلاال على ولدها (من حقها تاهي كاتبقى ام)

اما سي عبدالباقي دار يديه على راسو وعينيه حمارو وغرغرو كايشوف ولدو فديك الحالة ولدو المفشش لي عمر شي حد تجرأ يمسو ولو بكلمة ماشي هيا هاديك دابا مليوح فالارض بحال شي حشرة دزتي عليها برجليك

العائلة كلها مصدومة

دازت مدة كانو واقفين قدام الباب دالمستعجلات حتي خرج الطبيب

ناضت لالة عائشة عندو كاتبكي وتغوت

الطبيب: الحمدلله قدرنا ننقدوه كون تعطلتو شوية كانت يدو عمرها غاترجع ولكن خاص يبقى تحت العناية لمدة اسبووع بنما قدر شوية يتحرك حيت حاليا مخاصش يتحرك العضو الذكري ديالو متضرر بزاااااف

مهم نخليكم على سلامتو

طاحت عائشة سخفانة والاب دار يدو على فمو مصدوم شكون هاد المجرم لي دار ليه فولدو هاكا ايلا عرفو غايغرقو فالحبس

سي عبدالباقي: غاندمو هدا لي دار فولدي هادشي

هزو لالة عائشة داوها ترتاح فواحد الشومبر

عند موصيبتنا لي وصلها ميساج بدات كاضحك بحال شي مختلة

شوق مع راسها : ولاهيلا دارها نعسو فالسبيطار هاااااح غانولي نبغيييه انا

بتاسمات وقالت: يستااااهل المريوة لي قالها ليه واخا ماكرهتش تكون على يدي ولكن ماشي مشكل

مشات جبدات ورقة وستيلو وبدات كاتكتب شي حاجة حتى لقات راسها راسماها عوتاني بنفس ضحكتها بنفس تعابيرها بنفس الغمازة لي كانت فالجهة ليسرة عندها

بتاسمات بحزن: قرييب احبيبتي قرييب غايكون الانتقام عسييير بدينا بواحد بقاو لاخرين غانتفرجو فيهم تاهوما

غمضات عينيها لي ظلامو ونطقات بتوعد : تاحاجة مغاتحبسني ومغانتهنا حتى ترتاحي فقبرك

دازت 24 ساعة بالتمام والكمال

اصبحنا واصبح الملك لله

عند كيان لي كان جالس فالبيرو ديالو كايشرب قهوة ديالو وكايفكر واش القرار لي غياخد صحيح ولا غايتسرع ولكن فنفس الوقت كايقول الفرصة جات تال بين يديه مايمكنش يضيعها ابدا الحياة بدات تضحك وخاصو يستغلها ماحدها فرحانة بدا كيفكر ويخطط كيفاش يدير وشنو يدير وحتى شنو يقول والطريقة لي غايهضر ليها

حتى تفكر بلي المحاكمة غاتكون بعد غدا وهو يبتاسم بخفووت ابتسامة كاتخفي موراها بزااف دالحوايج

فبلاصة اخرى او نقول

🔱روسيا موسكو🔱

فالمطار ✈️✈️✈️✈️

كانو واقفين وسهام كاتشوف فيهم ماكرهاتش تطلق من يد ماناها وتجري بعييييد تبعد عليهم كاملين تهرب وتخليهم ولكن ماقادراااش ماعندهاش الجراة من ديما كانت خوافة وجبانة وبالنسبة ليها هادا هو العائق ديالها (ولكن بيناتنا احيانا كايتعقها الخوف ديالها وهانتوما غاتعرفو علاش مع الاحداث كايقولو لي خاف نجا وهذا مثل صحييح 💯 )

شافت فماما وعينيها حمرين طايبين بالبكا دوات بهمس فودنين ماما بارتجاف: م ما ما عفاك ما مب غيتش نتزوج عفاك

حمرات فيها تاسكتات ودارت

دخل باباها يكمل الاجرائات دالسفر وهي جلسات هي ومها فكراسة دالانتظار شوية وهي دور عندها

نغزاتها

الام : اشنو عوتاني ؟ راه مغانفككش شغلك هاداك درتيها بيديك

سهام: ب بغيت غانمشي للطواليط اماما

شافت فيها الام وحسات براسها زادت فيه

الام : واخا احبيبتي سيري وماتعطليش

مشات بالشوية وعينيها مضببين بكثرة الدموع لي عامرين فيهم

وهي حانية راسها كانت غاتزلق وهو يدخل فيها واحد حتى طاحت الارض ومع هي نيت على سبة بدات كاتبكي...

💎💎💎💎💎💎💎💎💎💎💎

فبلاصة اخرى

عند شهد لي كانت جالسة فبيتها كادوز فتصاورو وكتبتاسم كيفاش حتى تقلب حالها كاتشوف بلي كانت غاتزوج بواحد او نقولو وحدة هههه

وكانت فرحانة وعاجبها الحال ولكن كاتحمد الله ربي نقذها وسيفط ليها كيان فيقها من الاحلام الوهمية لي كانت عايشة فيهم كاتحس براسها فرحانة وباغا غير اسمتى تشوفو ماكرهاتوش يجي للدار توحشاتو توحشات كيفاش فاش كايجي من كايقلب القصر سفاه على علاه كايخليهم كاملين تالفين والمهم مايتعصبش كيفاش كولشي داير ليه حساب هي كانت شحاال هادي كاتخاف منو ومكاتبغيهش يجي للدار حيت كاتشوف خوها وبابا معصبين ولكن دابا فهمات بلي الوحيد لي بعقلو فديك العائلة هو كيان وبلي هو الوحيد لي يقدر يحميهم من كولشي تجي فيه وماتجيش فيهم ......

ناضت ومشات للجناح ديال لالة صوفيا دقات ودخلات لقاتها جالسة كادوز فتصاور ولادها وراجلها وعنيها مغرغرين بالدموع

شهد: مرات عمي علاش كاتبكي

محات لالة صوفيا وجهها وعينيها

صوفيا : والو ابنتي غاتفكرت الذكريات راك عارفة .جلسي احبيبتي بغيتي شي حاجة ؟

شهد توترات : ا لا لا احالتي غابغيت نشوفك ونجلس معاك شوية

لالة صوفيا: مرحبا احبيبتي

هزات بديها ودوزاتها على شعر شهد وقالت: كي بقيتي ابنتي من داكشي لي وقع ؟ كنعتذر فبلاصة كيان

شهد لمعو عينيها فاش سمعات سميتو: لا لا اخالتي بالعكس كيان عتقني من موصيبة كبيييرة كنت غانطيح فيها كون لقيت نبقى نشكرو حتى نموت

ابتاسمات لالة صوفيا وشافت فيها باستغراب : نقدر نعرف شنو وقع حتى بدلتي رايك؟

من بعد ما شهد عودات كولشي ل لالة صوفيا حتى لفاش وصلها كيان

لالة صوفيا: ولدي حبيبي الحمدلله ربي عتقك من هداك عدو الله ربي كبيير ابنتي

شهد ضحكات تاتسدو عينيها: اااه وكون تعرفي اخالتي هادشي كولو بسباب كيان كانحمد الله حيت هو كاين فحياتنا

لالة صوفيا ابتاسمات ليها بحنان: مممم شنو سر هاد الابتسامة

حشمات شهد وهي تقول: ممم والو احم والو اخالتي . (سكتات شوية وهي مزنكة عاد استأنفات هضرتها) اححم مغايجيش كيان اليوم

هنا لالة صوفيا صافي فهمات اش كاين وضحكات وقالت فخاطرها الله يدير لي فيها الخير واخا خايفة من كيان حيت عارفاه مدايرش راسو فالزواج شحال عيات معاه وهو غير كايتهرب من هاد الموضوع

(ايييه اخالتي صوفيا غاسكتي ولد غارق تاال ودنيه قالاك ماباغييش الزواج 😂😂😂)

نرجعو لبلاصة اخرى

كان واقف هو وواحد صاحبو كايهضرو

الحوار بالروسية:

سايمون: دابا غاترجع واش غاتعطل؟

اصيل: ماعرفتش صراحة نقدر نتعطل نتا عارف كيان راسو قاصح وكايدير غير لي فبالو ومستحيل تبدل ليه شي قرار خاص نمشي ونكون معاه

سايمون: خوك هداك ا اصيل ونتا لي غاتكون كاتعرفو مزيان والصراحة هو الامل الوحييد ديالنا

(بوووووووم صدمة اخرى اييييه احباااابي هذا أصييييييل زنييييبر 😁😁 الاخ الكبير ديال كيان تصدمتو؟؟ هيهيهي حتى انا😈😈😈)

اصيل: عارف خويا راجل وفاش كايقول الكلمة كايقد بيها وانا كانثيق فيه كثر من راسي ولكن راسو قاصح ومكايتافهمش بالهضرة كايخدم يديه

سايمون: يكون خير كون هاني حنا هنا المهم نتا تسالي لي عليك راه مزاال محتاجينك (وغمزو) اااه تفكرت احم ليندا

اصيل غوبش وعقد.حجبانو : مالها ؟