الجزء 3 - قصة حياة مهووس 

عصام كان دايز من حدا الباب كام محلول وهي كتعيط رحمة وكانو الحوايج ديالها كاملين مليوحين في الأرض وهي كاينة في دوش مسدود مارام سمعات الباب زاد تحل

مارام :خالتي رحمة هادي نتي عافاك اجي عاونيني نخدم دوش راه معرفتش ليه

عصام بتاسم :هادا انا عصام

مارام :اش كادير هنا علاش دخلتي بغيت خالتي رحمة

عصام :انا غادي نعاونك حتى هي ماغاديش تعرف ليهم

مارام :لا ماغاديش تدخل هنا

عصام :غير حلي ماغاديش نشوف فيك نتي بقاي ورا الباب غادي نصاوب ليك اونخرج

مارام بقات كتفكر :صافي واخا عنداك تشوف

عصام دخل ومارام كاينة ورا الباب لابسة بينواار قصيير بزاف ومزير عليها بارز ليها جسمها ، عصام كيقاد ليها في دوش واحد شوية رشاشة ديال ما بدأ كيخرج منها الما والأرض ولات كتزلق عصام جا بغا يسدها طاح زلق توعت مارام دفعات الباب وجات بغات تشوف مالو وتعاونو باش ينوض عصام شاف مارام بحال هكاك بقا كايشوف فيها وهي قريبة منو والرشاشة باقي كيدوز منها الما (درت ليكم فيلم هندي ههههه) شعرها سرد وهو نسا راسو موعت وبقا كيشوف في هاد الجمال اللي قريب منو . عصام بغا يقرب منها. ومارام تحكمات في راسها وناضت بزربة متوترة وكتنفس بزربة

مارام: نتا بيخير

عصام:بيخير

مارام كاتعاون فيه ينوض وهو حاط ايدو فوق كتافها خرجو من دوش وحطاتو فوق ناموسية ديالها حتى يرتاح

مارام :واش نقول ليهم يديوك سبيطار

عصام :لا ماكاين لاش شوية نولي مزيان صافي غير دخلي دوشي راني صاوبت ليك انا نرتاح شوية ونوض البيتي

مارام واخا

دخلات مرام دوشات وكتفكر في داكشي اللي وقع دابا شوية

مارام :ياربي انا شنو درت باش جئت لاش ولكن انا مالي قلت ليه دخل صاوب ليا هو اللي بغا

سالات مارام دوش ديالها ونشفات راسها وخلات شعرها مطلوق حتى تنشفو برا لبسات البيجامة اللي جابت ليها رحمة كانت مزيرة شوية عليها بارزة ليها جسمها

مارام :يااربي اش هاد البيجامة كيغاندير حتى نخرج بيها ، صافي اصلا بلا منخرج من البيت بلا منهبط نتعشا نخرج حتى حد مايشوفني نبقا في البيت .

تمات مرام خارجة حلات الباب وشادا الفوطة في ايديها وكتنشف شعرها حتى تصدمت قدام عينيها.....

خرجات مارام هازا الفوطة كتنشف في شعرها ولقات سيهم عصام مجبد فوق ناموسية ناااعس ماعلابالوش مارام بقات كتشوف اش غادير واش تفيقو ينوض يمشي ولا تخليه ولا اشنو دير رجعات الدوش خدات سوشوار نشفات شعرها مزيان ودارت شوية ديال ريحة وخرجات ماقداتش تفيقو وهو غارق في نعاس باينة عليه عياان غطاتو ومشات هبطات عند الخدامات وهي تسمع

خدامة 1:عصام أول مرة نشوفو جايب شي وحدة الدار عمرني ماشتو مع شي بنت ملي ماتت مرتو هادي 3 سنين

مارام واقفة غير في الباب ديال الكوزينة وكتصنت ليهم :كيفاش مرتو واش كان مزوج

رحمة :سي عصام مسكين ملي ماتت ندين وهو ساد على راسو معمرو ماهدر مع شي بنت من غير بنتو ريم

مارام شدات فمها عندو بنت مايمكنش

رحمة ملي ماتت مرتو ملي بغات تولد ريم وهو هاز المسؤولية ديال بنتو هي روح ديالو واخا كايبان قبيح وصعيب ولكن معاملة مع بنتو معمرو دارها مع شي واحد كايولي بحال شي ملاك

خدامة 1:ااه فكرتيني ريم نعسات

رحمة :اه راه قبيلة وكلها بايديه ونعسات ودابا معرفتوش فين كاين

مارام طلعات ديك سساع كتقلب على ريم بغاتتشوفها طالعة في دروج وكتشوق كل بيت واش كاينة فيه بقات حتى بان ليها بيت الباب ديالو بالغوز ومزوق ديال دريات صغار عرفاتو ديالها ولكن باب كان مردود طلات عليها ودخلات. ريم ناعسة بحال شي ملاك شهبة وعينيها زرقين كتحمق صغيورة وكيوت مارام غادا وكتقرب منها وكتبتاسم .....

مارام غادا وكتقرب منها وكاتبتاسم عجباتها فنيونة وناعسة وتحدرات على ركابيها في الأرض وكتشوف ليها في عينيها قاست ليها ايديها صغيورين رطبين والبيضين وشعرها الحريري اللي مغطي ليها وجهها ومارام حاولات تحيدو ليها باش تنعس مرتاحة ،

ريم بدات كتحرك حسات بمرام ريم بدات كتحل عويناتها وقاتلها نعاس وطولات شوفة في مارام وبتاسمات وكتقول

ريم بصوت نااعم وغالب عليه نعاس :شكون نتي؟

مارام بقات كتشوف فيها ماعرفات باش تجاوبها :ااا انا مارام خدامة مع باباك ونتي

ريم :انا ريم فيناهو بابا

مارام :ماتخافيش حبيبة ديالي باباك عيان شوية وناعس

ريم بدات كتبكي :😭بغيت بااباا

مارام :كاتحاول تسكت فيها : ريم سمعيني بنتي باباك نااس دابا واخا انا غادي نبقا معاك ونعسك صافي بلا متبكي زوينة ديالي

ريم :واش بابا مشا وخلاني بحال ماما هيء هيء

مارام :لااا احبيبة باباك عمرو يخليك هانتي باش تيقيني غادي نديك عندو ولكن نشوفوه من الباب بلا مانفيقوه واخا ،

ريم :اه واخا يلاه

مارام هزات ريم وريم معانقاها في عنقها ومتكية على كتافها وصلو البيت وشافتو متكي ناعس ريم بغات تقول بااباا وهي تقول ياك تافقنا نخليوه ناعس

ريم : واخا ههه

مارام :يلاه نمشيو البيت نعسو واخا

مشاو البيت وتكاتها فوق ناموسية وهي جلسات حداها فوق كرسي

ريم :اجي نعسي حدايا

مارام بتاسمات :واخا اللي بغيتي انا غادي نقرأ ليك قصة

بدات مرام كتقرا ليها وريم بدأ كيشد فيها نعاس نعسات بين ايدين مارام مارام حتى هي ماحساتش براسها حتى نعسات معاها.

أصبحنا وأصبح الملك لله . عصام بدأ كيفيق وكيشوف راسو كاين في البيت اللي عطا المرام ناض بزربة كيشوف حداه مابانتش ليه مشا الدوش مالقاهاش خرج من البيت كيقلب مابانتش ليه بان ليه الباب ديال بنتو محلول طل بانت ليه مارام وبنتو ريم ناعسين ومعنقين بعدهم بحال شي ام وبنتها وهو بتاسم وعجبو الحال.......

بحال شي ام وبنتها عصام كيشوف فيهم عاجبو الحال جا وغطاهم بجوج حيت ديك ساع يلاه 06:00ديال صباح الحال بارد سد الباب وخرج مشا الجردة جيد كارو بدا كيكمي وكيلعب بطريقة كيفاش كيخرج دخان من فمو شوية وهو يجيه اتصال من اسبانيا

روبيو (كيدوي بالإسبانية ):الو سي عصام مدة طويلة ماتلاقينا

عصام (بابتسامة ماكرة كيدوي بالإسبانية ):اه بصح مدة

روبيو:عندي ليك سلعة جديدة غادي تعجبك بحال ديما

عصام :مرحبا انا موجود امتا نتلاقاو

روبيو: من هنا البعد غدا غادي ندخل المغرب نجيب سلعة ونتلاقاو في الدار اللي في الغابة بحال ديما

عصام :واخا

عصام قطع وخشا ايدو في جيابو وغمض عينيه وكيفكر الموقف اللي طاح فيه البارح مع مارام و كيقول هاد البنت شحال زوينة وكيبتاسم فاش كيتفكر عصبيتها وغواتها وتخراج العينين اللي فيها

رجع دخل الدار خدا القهوة ديالو ودخل البيرو يكمل شي خدمة سالا وطلع البيت ديال بنتو يشوفهم واش فاقو ملي وصل لقا بنتو بدأت كتفيق ومارام باقا ناعسة

ريم :باباااا توحشتك

عصام هزها وباسها :حتى بنتي حبيبة باباها

ريم (كتدوي ليه في ودنو بشوية):بابا هاد بنت زوينة ههه

عصام تصدم في هضرة ديال بنتو :بصح بنتي؟

ريم :اه بابا بزاف ضريفة بغيتها تكون ماما

عصام تفكر مرتو ندين وتقلق :يلاه بنتي نهبطو نفطرو

ريم كعات. مارام بدات كتفيق وكتكسل حتى كتحل عينيها كايبانو ليها واقفين عند راسها بجوج جمعت راسها دغيا وناضت متوترة

ريم هبطات من عند باباها ومشات كتجري عنقات مارام :صباح الخير

مارام :صباح الخير زوينة ديالي ، شافت في عصام :صباح الخير دغيا دورات وجهها عند ريم

عصام :نعستي مزيان هنا

مارام :اه ، سمح ليا دخلت عند ريم بلا منقولها ليك

عصام :لا ماشي مشكل . ماتبقايش تعاوديها

مارام خرجات عينيها كدوي في خاطرها ياربي اض هاد المتكبر

عصام شافها تزمطات :ههه يلاه نهبطو نفطرو ابنتي وحتى نتي يلاه

مارام :واخا شوية ونهبط. .....

مارام :واخا انا شوية ونهبط

مشات مارام البيت اللي كانت فيه في الأول ودخلات الدوش غسلات وجهها وقادات شعرها وتفكرات داكشي اللي وقع ليها البارح والزلكة ديال عصام ماتت بضحك صافي خرجات من الدوش شافت هاديك البيجامة اللي لابسة ماتقدرش تهبط بيها حيت مزيرة ومامرتاحاش فيها بقات كتقلب على حوايجها اللي كانت لابسة البارح مالقاتهومش بقات كتقلب بانت ليها رحمة دايزة من تما

مارام :خالتي رحمة عافاك مابانوش ليك حوايجي

رحمة :اه بنتي رآهم كيصبنو دابا

مارام :علااش صراحة خالتي راه منقدرش نهبط بحال هكا راك فهمتيني

رحمة :اه فهمتك تسنايني هنا انا عندي بنتي قدك كتلبس بحالك شوية ونرجع

مارام :اممم واخا ناشئ مشكل شكرا

مشات رحمة البيت فين كاتبات هي وبنتها جبدات ليها كسوة جديدة زوينة وداتها ليها

صافي مارام خداتها لبساتها جاتها زوينة وجات معاها لبسات سبرديلتها وطلقات شعرها وتقادات قادات البيت وتمت هابطة مع دروج

عصام وبنتو جالسين في الطبلة يلاه كيتحط الفطور . عصام طلع راسو بانت ليه مارام هابطة والكسوة واخا مزيرة شوية جاتها فنة بقا حال فمو فيها وهي هابطة بشوية بشوية الدار دارها ههه

المهم وصلات الطبلة وجلسات ريم كتضحك معاها وعصام كيشوف مرة مرة في مارام بلا ميبين بداو كيفطرو وسالاو

مارام :انا خاصني نمشي تعطلت خاصني نمشي حتى الخدمة

عصام :غير خلودي اليوم رتاحي فيه

مارام في خاطرها (احسن حاجة درتيها في حياتك):واخا شكرا مهم خاصني نمشي

ريم :بقاي معانا

مارام :ريم حبيبة خاصني نمشي مرة أخرى ونشوفك واخا

ريم :واخا صافي

ناضت عندها وباستها

عصام :واش نوصلك

مارام :لا شكرا نمشي بوحدك

عصام :متأكدة

مارام :اه بسلامة ريم

خرجات مزروبة وهازا ساكها مشات بلاصت طوبيس ركبات متاجهة جيهة دارهم.....