مالقاتش حداها ريم ناضت شعرها مشنتف مالابسة والو في رجليها كتقلب عليها كطل في دروج هي مشات ليها من بالها راه ع صاما البارح حيت فايقة مبوقة حلات نيشان البيت ديال عصام لقاتهم حتى هوما باقين ناعسين مع سادين ريدو البيت مضلم . عاد تنهدات مرتاحة بقات كتشوف فيهم كيفاش معانقين وكتقول شكون نتا واش عصام الأب الحنين على بنتو واللي كيبان احسن واحد في العالم ولا عصام المدير القبيح والمتكبر واللي عاجبو راسو شكون نتا سدات الباب عليهم ومشات الداك البيت اللي كانت غدا تبات فيه داك نهار تكسلات ودخلات دوش غسلات وشافت في المرايا مارام :بسم الله الرحمان رحيم شكون هادي تي مالك اختي على هاد تشعكيكة حمد الله باقين ناعسين قادات شعرها وجمعاتو كوب شوفال وخلات 2 زغيبات القدام دارت ماسكارا وكلوز صافي ماكتراتش وروحية. مشات البيت ديال ريم قادات الفراش وكطل من شرجم مقابل مع البحر منظر واااعر بقات ساهية ومبتاسمة حيت كتحماق على البحر مارام :كون غير كانت عندي شي دار بحال هادي مقابلة مع البحر وتنهدات واحد شوية فاقو عصام وريم مشاو البيت عندها لقاوها مقابلة مع شرجم وكضحك مع رأسها ريم مشات عندها كتجري عنقاتها عصام :يلاه بنتي هبطي الطبلة ديال الفطور هاحنا جايين هبطات ريم وتمت تابعاها مارام شدها عصام من ايديها عصام :تسناي شوية مارام :نعام بغيتي شي حاجة عصام :بغيت نقول ليك ... مارام :شنو بغيتي تق لي ليا عصام :بغيت نق ل ليك شكرا جيت بتي مع ريم مارام :مكاين لاش تشكرني مادرت والو عصام :صافي يلاه نهبطو نفطرو دازت مارام هي الأولى وضربات لسه في نيفو ديك ريحة اللي دايرة زوينة غمض عينيه وستانشق ريحة تتبعها بعينيه هبطو الطبلة فطرو . وهو ما كيفطرو وصلو ايمايل بلي عندو عشاء عمل مع سي مرنيسي في مطعم راقي ويلي مرنيسي غادي يجي هو ومرتو وبنتو حيت غادي يكون بقاي عائلي وضروري عصام خاصو يدير نفس الحاجة .... سي مرنيسي غادي يجي هو و مرتو و بنتو صغيرة غادي يكون لقاء عائلي وضروري عصام خاصو يدير نفس الحاجة خاصو يجيب بنتو ولكن غادي يفكر باش يدي معاه مرام اللقاء عصام :مارام هاد الليلة عندنا عندنا عشاء عمل مع شريك ديال شركة جديد مارام :واش اليوم ! عصام :اه علاش كاين شي مشكل مارام : لا ماعندي حتى شي مشكل عصام : في الليل غادي ندوز نهزك من دار باش نمشيو مارام : واش غير بوحدنا عصام : لا غادي تكون معانا حتى ريم مارام :اه واخا ماشي مشكل مهم نمشي دابا الدار نخليكم عصام :تسناي نصيفط معاك شيفور مارام:لا ماكاين لاش نمشي بوحدي صافي خرجات مشات الدار حلات الماريو حتى حاجة معجبتها بقات كتقرقب في الباب مارام :تفو اش غادي نلبس انا دابا باينة غادي يكونوا تما ناس لابسين حطات معرت كيدايرين انا منقدرش نمشي هادشي واقيلا غادي نعيط نقول ليه منمشيش مريضة وهي باغا تهز تيليفون تعيط شي حد كايدق في الباب . مها عائشة اللي حلات بقات شي واحد جايب شي حاجة في سميت مارام عائشة : مارام هبطي مارام هبطت مارام : شنو هادشي ماما عائشة :نسولك نتي شوفي هادشي في سميتك حلات مارام لقات كسوى كتحمق وساك وطالون بغات تحماق على ديك كسوة عائشة :هاي هاي على ناس ولاو يسولوهوم الكساوي الدار تي شكون نصيفط ليك هادشي يا خيتي مارام :معرفتش حلات واحد ضرف فيه سميت عصام هو اللي مصيفطو ليها عصام : نتمنى تعجبك مارام بتاسمات عائشة :مالك تفرنسي مارام :لا مكنضحكش راه اليوم عندنا لقاء عمل وشركة اللي مصيفطة ليا اللبسة عائشة :الشركة ؟ اوا مزيان الله يسهل عليك ابنيتي ويفرحك مارام :أمين مارام طلعات دوشات مشات الصالون صاوبات شعرها وقادات ضفران وصلات 20:45 لبسات كسوتها اللي كانت شوية لاصقة عليها ولكن جاتها واااعرة لبسات طالونها ورشات ريحة هبطات عند ماماها عائشة :تبارك الله على بنتي جيتي كتحمقي مارام :على انا لكن كتشبه الزين ديال ماما عائشة :ردي البال بنتي متعطليش مارام :ماتخافيش ماما عليا راك عارفني عائشة :عارفاك فران وقاد بحومة واحد شوية عصام كيصوني على مارام باش تخرج عندو كيتسناها قدام الباب خرجات ريم كانت جالسة اللور لابسة كسيوة بيضة وعصام بحال عادة كوستيم كحل وريحة رجولية ومكانة ساوية ملي شافها خارجة من دار داخ مسكين كيفاش كتبان بحال شي أميرة ركبات القدام ... ركبات حداه القدام وه بقا يدور في عينيه مابقاش مرتاح في الجلسة جالس يحنحن مارام :انا واجدة يلاه نمشيو عصام ديمارا طوموبيل طريق كاملة وهما ساكتين وريم كتلعب رجليها . وصلو المطعم هوما غادين وريم كاينو وسط منهم داخلين بحال شي عائلة . عائلة المرنيسي كانو هما اللولين اللي وصلو ولكن كانت معاهم واحد البنت اخرى تقريبا قد مارام حتى هي زوينة وفنة لابسة كسوى قصيرة كحلة سمطة رقيقة وشعرها اسود و عينيها كحلين بشرتها بيضة بحال حليب مرنيسي :مرحبا بسي عصام عصام :شكرا ليك مرنيسي : تفضلو نقدم ليك هادي مرتي رزان وهادي بنتي

تتمة البارت