.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `ايوا دابا بقى لينا ااااخر كوبيل (عقلتو على هاد الطرول ديال كوبيل؟) سهام: لا مايمكنش اصيل باستغراب : وعلاش سهام بدات كتفتف : ا دا دابا ان انا اووووف تعطلت عفاااك وصلني غير لحدا طموبيلة ماما بابا صعيب وايلا شافنا ب2 ايفهم غالااااط اصيل: ممم بشرط عطيني نيميرو ديالك سهام خنزرات فيه : يااااه على استغلالي شاف فيها بابتسامة مستفزة : ايوا هبطي ليا من طمويلتي ياله سهام سكتات حيت ماعندهاش حل وهاد القنت مافيهش الطاكسيات اصيل: غاكنضحك معاك الالة فين حاطة طموبيل ديال مك؟ عطاتو العنوان وكسيراا غادي ليه نيشان بتاسمات حسات بيه رجل بمعنى الكلمة ظريف واخا هكاك وهاد زيد عليها باقي عاقل على سميتها صدمهااا فبلاصة اخرى فدار شوق تحل الباب ودخلات ليلى لالة نجاة: مرحبا ابنتي دخلي دخلي مرام : هانااا اماما بقيتي عليا اجي دابا دااباا هانا جيت لالة نجاة: واجلسي وبراكة من الهضرة بزاف . اجي فين بناتك؟ مرام: داهم باباهم عند مو يباتو عندها نجاة: مزياااان هكاك واخا مرام: نعااام اماما اش كاين . شوق عوتاني خليها على راحتها اماما راك عارفاها كي دايرة (لهلا يوريكم كي دايرة ولا اش كادير 😂😂😂) لالة نجاة: خارجة مع واحد البنت مرام بصدمة:ك كيفاش مافهمتش لالة نجاة: اويلي يا هاد البنت شنو مافهمتيش ختك دارت صديقة واليوم خرجات معاها فرحت بزااااف من شحااال ملي ماتت ليلى ماعاودات دار بشي بنت كنت كنخاف عليها تمشي تحماق ليا ولكن اليوم صدماتني مرام: ولكن باش عرفتيها بصح بنت (غمزاتها) لالة نجاة: لا راني كنعرف ختك فاش كاتقول الصراحة وفا كتكدب بصح خرجات مع شي بنت وسميتها شهد يمكن سمعتها كتهضر معاها فالطيليفون مرام: وانااااري يا الواليدة تانتي خطاااار لالة نجاة: انا غا كنخاف عليكم وكانبغي تكونو مرتاحات يااااربي تجيب لختك شي زمان بحال زمانك يريحها ويهنيها ياربي . اجي مادواتش ليك على داك الوليد الغزال لي تلاقات معاه نهار كنا خارجين مرام: لا شحاال ماهضرت معاها اماما ولكن دابا نسولها راكي شفتي اخر مرة سولتها كي كانت ردة قعلها مابغيتش نعاود نقلقها علاقة شوق وختها مرام علاقة زوينة وقوية وعمر اترات فيهم شي حاجة بالعكس كل وحدة كتمنى السعادة لختها وتاوحدة عمرها ماغارت من لاخرى ومرام فاهمة موقف ماما وخوفها على شهد حيت كلهم شافو حالة شهد من مور موت ليلى شحال تعذبات وسدات على راسها بالليالي وشهوور طويييلة عمرها خرجات وفاش شوية بشوية بدات كتتحسن حلفات ماتدير شي صديقة اخرى من غير ليلى حيت حساب ليها غاتخونها كلهم ازماتهم شوق وحالتها ولاو كايشدو معاها الخاطر كثر من القياس المهم مايعاودش يجيها شي انهيار اخر دازت مدة وهوما كايهدرو حتى تحل الباب ودخلات شوق لي مزال تحت تاثير الصدمة (مسكينة فقصها اليوم ) سكتو وبقاو كايشوفو فيها امت هي بكثر مكانت مرفوعة دخلات قالت السلام ومشات لبيتها تنعس مرام ومها بقاو غاكيشوفو بصدمة اولا لبسها ثانيا حالتها دازت من حداهم بحال شي جثة هامدة مانطقات ماتكلمات ياله جات تنوض لالة نجاة تشوف مال هاد البنت واش هاد الحالة جات فيها وهي تشدها مرام من يديها مرام: لا اماما خلي تال غدا وسوليها خليها ترتاح باينة مصدومة من شي حاجة ولا ماشي هي هاديك لالة نجاة بنفي: لا لا خاص نشوف مال هاد البنت دابا جات فهاد الحالة وقفات مرام وحبسات ماماها مرام: لا اماما هانتي سمعي الصوت مكاينش يعني غاتكون نعسات صافي عفاك اماما تاال غدا ان شاءالله حاولات مرام تقنع الام ديالها وبقات معاها شحاال عاد قنعاتها اخيرا وجا موراها راجلها داها دخلات لالة نجاة تنعس وهي مشوشة على فلذة كبدها قلبها مامهنيهاش عليها مغاتهنى وترتاح تاتعرف اش عندها اما عند شوق دخلات لبيتها وهي مرفوعة ماردات البال تا بلي ختها كاينة فالدار ، جلسات فوق الناموسية بطالونها جمعات رجليها وبدات كتفكر بدات هضرة كيان كتعاود فوذنيها شوية صدى هضرتوو كتعاود شوية بدات هضرة رؤوف هي لي كتسيطر عليها ولكن فنفس الوقت مترددة بزاف وشكون لي مكايعرفش كيان هي ماكذباتش عليه ومقالتش ليه كنبغيك ولا شي حاجة هو لي تبعها وهو لي باغيها وواخا هكاك مامرتاحاش.... ولكن واش بطلتنا غاتقدر تستاغلو؟ واش غاتقدر تكذب عليه؟ وتخبي عليه شكون هي وشنو الهدف ديالها ؟ 💎💎💎💎💎💎💎💎💎 ✨عند شهد✨ لي دخلات لبيتها توجهات نيشاااان للدوش تخشات تحت الرشاشة بحوايجها كاتخبي دموعها كتبكي من كل قلبها اول مرة تجرب الم الحب اما تا صفوان مكانتش كتبغيه غير تعرفات عليه وولفاتو ولكن دابا ذاقت الحب والعذاب ديالو والحزن ديالو هنا عاد فهمات علاش كتشوف فوجه العاشقين الحزن والتيهان الحب كايقتل الانسان وهو على قيد الحياة كاتقول واحد المقولة ايلا ماعرفتيش تختار الشخص لي غاتبغي غاتبقى حياتك كاملة كتعذب قبل ماتعلقي قلبك بشي حد عرفيه كيف داير واش قد المسؤولية واش غايعتاني بيك واش غايفهمك واش غايبقى معاك الحياة كاملة الشخص لي غاتكملي معاه حياتك وغاتولدي معاه وليداتك خاصو يكون حسن خلق وحسن دين اول سؤال تسوليه ماشي شحاال كتشد لا لا هذا غلط كبييير البنات سوليه واش كيصلي واش كيقرا القرآن واش كيذكر الله قيام وقعود تخيلي واحد كيخاف الله وكيحتارم الام ديالو غايخاف فيك الله ومغايقدرش يمسك بسوء لي كيخاف الله غايحتارمك وغايصونك وغايتهلى فوصية الرسول عليه الصلاة والسلام نرجعو لقصتنا خرجات من تحت الدوش وعينيها حمرين جمرة طابو عليها بكثرة البكا ونيفها حمممر تمشات حتال الدريسينغ حيدات حوايجها لي فازكين ولبسات بيجامة بياس وحدة وترمات فوق الناموسية وهي كتخمم النعاس طار عليها هو كايبغي وحدة اخرى كايبغي وحدة اخرى كايبغي وحدة اخرى هادشي لي كايدور فبالها وهاد الجملة صداها هوو لي كايتعاود فوذنيها ولكن شكون هاد الوحدة راها شوق البنت لي من اول موقف عوناتها وماخلاتهاش وماكلساتش كتفرج فيها بحال لي دار كولشي ماعارفاش اش دير باغا غااتنعس ماكرهاتش تحيد الحب ديالو من قلبها وترتاح ولكن مقادراش الحب صعيييب والقلب مستحيل نتحكمو فيه يعني القلب لا مشا تابغى صعيييب نبدلو ليه رايو فداك الشخص كايولي يشوف عيوبو مميزات وهادشي لي خايب فالحب وفنفس الوقت زويين ايلا كان مع الشخص المناسب الحب زوين بزاااف ولكن ايلا ختارينا الشخص لي غايعرف بقيمتنا والشخص لي كايبغينا بصح وبدون مقابل لي كايعطينا الفرحة والضحكة الحقيقية هذ هو لي كيستاهل حبنا ✨عند سهام ✨ لي من مور ما وصلها اصيل للطموبيل دمها مشات نيشان للدار طايرة ولي مارداتش ليه البال انه اصيل كان موراها (مايمشيش بالكم بعيد رجولتو ماتسمحش ليه يخلي بنت تمشي للدار بوحدها فهاد الوقت ) بقا موراها تا طمأن انها دخلات لدارهم عاد كسيرا متوجه للدار اما عندها هي لي وقفات قدام الباب وبقات كتعض فظفارها وهي تبدا ترعد سلمات امرها لله ودخلات مع الباب الكبير وصلات للصالة وقبل ماتستوعب جاتها صلية بالجهد طيحاتها للارض دموعها طاحو على خدها بسرعة وباقي مانطقاتش سمعات باها كيقول الاب عمار: لا صافي هادشي لي بقى تولي ترجعي ليا تاال نصاصات الليل ماعليييك حكااام والد شااايطة انا؟؟ لالة فاطمة جات كتجري ماقدراتش تشوف بنتها فديك الحالة لالة : فاطمة بلاتي نفهمو منها تقدر تكون وقعات ليها شي حاجة مالك متسرع ياهاد الراجل نوضاتها وجلسات هي واياها فوق الفوتويات سهام عينيها حمرين ودموعها مابغاوش يحبسو دوات بتلعثم وشهقة الدموع ملازمة صوتها: ان ا انا ت تلفت فالطريق ما م معرفتش كيفاش نجي وطفا ليا الطيلي وو.. فاطمة: صافي احبيبتي صافي ماوقع والو شافت فراجلها زعما اش عادشي درتي عطاها بالظهر ونطق سي عمار: غدا غايجيو عائلة صاحبي يخطبوك مكاين لاش نزيدو نطولو فهادشي سهام لي كانت حانية راسها وكتبكي هزاتو بصدمة توقعات كلشي الا هاد الهضرة كان غايكون حسن كون قتلها بالعصا وماقالش هاد الهضرة لي كانت بحال شي جنوي تخرس فحلقها لدرجة ماقدرات تنطق ماقدرات تطلع النفس بقات غاكتشوف دار عند ماماها كاتستنجد بيها بواسطة عينيها ولكن ما باليد حيلة فاش كيقرر سي عمار مستحيييل تبدلي ليه الرأي ديالو لالة فاطمة حاولات تلطف الجو وغير تكسب شوية دالوقت لالة فاطمة: ولكن ماموجدين واالو ماشي زربتي خلي بعدا حتى قاطعة بسرعة مامخليهاش تكمل هضرتها : انا قررب وصافي واصلا غايكون تعارف بسيط كولشي غانجيبو واجد من برا مغاتحطي يديك فحتى حاجة سكتات فاطمة ايوا واش غاتقول مازال خطط لكلشي وفينما كتحل شي باب كايسدو عليها ماخلاش ليها مجال ابدا ناضت سهام من حداهم بلاما تشوف فباها وطلعات كتجري لبيتها تلاحت فوق الناموسية كاتبكي ومكسورة صافي حياتها سالاات غاتزوج بالاجبار من واحد مكاتعرفوش معارفاش كي داير يقدر يولي يضربها ولا يتعدى عليها ويقدر. مايخليهاش تكمل قرايتها ويقدر يديها لشي بلاصة اخرى ويحبسها وماتشوفش مها بدات تبكي وتقول مابكات فبلاصة اخرى نسيناها فغرفة بيضاء نقية ومعقمة كاتوحي على انها فمستشفى حل عينيها من بعد غيبوبة تقريبا دامت ل15 يوم شاف فالسقف والرؤية مضببة شافتو الممرضة لي كانت كتقاد ليه السيروم ضحكات وخرجات كاتجري باش تقولها للطبيب قدام نفس الغرفة كانت الام ديالو لالة عائشة جالسة وحاطة يديها على خدها على هاد الحاال طول مدة غيبوبتو مكاتحركش من حداه ومعاها الاب ديالو عبد الباقي لي تاهو مكوي على ولدو واقف كايتسنى ف فلذة كبدو يفيق ويقوليه شكون هاد الحيوان لي تعدى عليه بهاد الطريقة الوحشية (الحيوان هو ولدك اعمي ماتعايرش ليا حبي ) نتابهو للمرضة لي خرجات كاتجري وقفات لالة عائشة كاتسول فيها ولكن كانت مزروبة حدها قالت ليهم بلي ولدها حل عينيه فرحو ب2 وتعانقو عينيها لمعو بالفرحة دارو ودخلو عندو كايجريو لقاوه حال عينيه ولكن شادة فيه الدوخة وباقي مامستوعبش اش داير بيه لالة عائشة: ولدي حبيبي ولدي سي عبدالباقي: ولدي شوف فيا شوف فيا دار عندهم صفوان وهو يشدو باه من وجهو بيديه ب2 وهو يقول ليه سي عبدالباقي: شكون هذا شكون هاد الحمار لي دار فيك هادشي قول ليا غاسميتو وغانفرجك فيه صفوان بتردد ماعرفش واش يقول ولا لا ولكن فالاول والاخير غايعرفو : ز ز زني ب ر (زنيبر ) لالة عيشة وسي عبدالباقي وسعو عينيهم ب2 ونقطو دقة وحدة: كيفاش ديغيكتومون جا لبالهم واحد من عائلة زنيبر لي كايدير هادشي وبدون مايرف ليه جفن نطق سي عبدالباقي: كيـــان.زنييــــبر عبد الباقي بخوف وجسمو كلو ترعد عليه: كيان زنيير لالة عائشة: مال هذا حماق ولا كيفاس اس بغا عند ولدي لا لا غانعيطو للبوليس داباااا عيط ياله دغيا جبد سي عبدالباقي طيلي ديالو بتردد وركب نمرة البوليس لي جاو فورا (طبعا عائلة برادة راه عائلة وزنها ثقيل فالبلاد يحساب ليكم حازقين بحالنا نعيطو على البوليس حنا لي كانمشيو عندهم ومكايديرو لينا والو 😂) صفوان عاود غيب بفعل العيا والدوخة. غير جاو البوليس فيقوه وعطاهم افادتو برا الغرفة كان سي عبدالباقي كايمشي ويجي متردد ولكن فنفس الوقت راه ولدو هداك لي لداخل عارف كيان اش كايسوا ولكن دار املو فالبوليس (واقيلة راكم متوقعين اش غايطرا 😂😂😂) دازت مدة من الزمن خرجو البوليس ومشاو نيشان لعنوان سي زنيبر لا ماشي القصر دارو دقو وحلات ليهم الخدامة البوليس: سي زنيبر كاين الخدامة تلفات : شكون بغيتي اسيدي البوليسي حساب ليه كاطنز عليه: كيفاش شحال من زنيبر عندكم الخدامة بتعجب : جوج اسيدي واش بغيتي سي كيان ولا سي أصيل هبط كيان هو واصيل دقة وحدة خصوصا ملي سمعو صوت الهراج كيان غاشافهم وهو ينطق بشوية كيان: اذا فقتي الرويجل دمو أصيل: كيان اش واقع . كيان: ماتخافش اخويا غاشي مشكل بسيط عطيني 3 دسوايع وانا راجع ماتخلعش الواليدة أصيل : نمشي معاك؟ كيان بابتسامة مهووسة : لا هي لي غاتجي معايا استغرب أصيل جاه خوه بحالا حماق ولكن عارفو قاد براسو ضرب الدورة وطلع لبيتو كيان بشوفة كاطيح النص: اش كاين ؟؟ البوليسي بتلعثم : ا سي سيدي خاصك تمشي معانا ضروري كيان: وعلاش عندكم شي وثيقة البوليسي : كاين بلاغ ضدك وبلسان الضحية كيان: عندكم شي دليل البوليسي وحلات ليه الهضرة وماقدر يزيد يقول والو اما كيان حبس الضحكة بالزز ومشا معاهم كيان: انا غانلحق عليكم بلوطو ديالي البوليسي : لي بغيتي اسيدي ركب كيان فطموبيلتو ودوز نمرتها كانت ديك الساعة 8ونص دالصباح قال محال تجاوبو ولكن تفتح الخط من الجيهة لاخرة وتسمع صوتها لي كابعشقو شوق بنُعاس : الو اش بغيتي؟ كيان بصوتو الجوهري: من هنا لساعة نلقاك فكوميسارية 10 ماتعطليش ماعندناش الوقت شوق باستغراب باقا ياله كتستوعب : كيفاش كيان: مغاتخليش راجلك المستقبلي يدخل الحبس ياك احبيبة ضحك وقطع عليها بلاما يشرح ليها اش كاين فبلاصة اخرى حلات عينيها على صوت الهضرة فالبيت لقات ماماها وشي بنات كايدخلو فشي قفاطن حطوهم فالدريسينغ وخرجو سهام: وا ماما خرجو بغيت نعس لالة فاطمة: اشمن نعاس يابنتي نوضي راه خاصك توجدي بكري ياله تسالي حلات عين وعين ساداها كاتفيق فاقدة الذاكرة (بحالي كاعما كنعرف شكون انا وفين كاينة 😂😂) جلسات حتى استوعبات شنو ماين شافت فماما بعيون غارقين فاالحزن سدات لالة فاطمة الباب توجهات لعند بنتها لالة فاطمة: بنتي الحبيية راه هادي هي سنة الحياة ضروري واحد النهار البنت تخوي دار باها وتمشي لدار راجلها ومع شوية دالصبر وشوية دالتضحية والخاطر تولي حياتك عسل نتي واياه ان شاء الله انا بغيت حياتك فرح مورا فرح يا بنيتي بغيت وليداتك يلعبو قدامي قبل مانموت تنهدات بحسرة: ايييه قبل ماتودر ختك سلسبيل (دمعو عينيها ) كانت غاتكون هي الاولى كون راك كاتشطحي ليها فعرسها سهام دموعها كايسيلو شلاال: ماما مابغيتش نتزوج مابغيتش نتفرق عليك مابغيتش نعيش فدار وحدة مع واحد مكانعرفووووش رحموووني اماما رحموووني كون كانت ختي سلسبيل باقا معانا ماعمركم كنتو غاتديرو فيا هاد الحالة (بدات كاتشهق بصوت مقهوور صافي حياتها سالاات كاتحس بلي هي ضحية ديال واحد الوعد ماشي هي لي كانت فيه استأنفات كلامها بصوت كايقطع فالقلب ) انا عارفة عارفة بلي كنتو مواعدين عمي عبد المطلب بان سلسبيل تكون مرت ولدو ولكن علاش ضحيو بيا انا علااااش سلسبيل ماتت مابقاتش انا مابغيييتش مابغيتووووش ماباااغااااش نتزوج واااا رحموووووني فين العدل ؟ ماشي انا لي تخطبت ليه فاش كنت صغيرة هي ماشي انا لالة فاطمة دموعها على خدها وقابها غايطرطق على بنتها ولكن ماعندها حيلة عنقاتها ليها بالجهد وبقات ماتواسي فيها عيطات للخدامة طلع ليها الفطور فطراتها بزز ودخلاتها للدوش دخلات للدوش غسلات ليها وهس جثة هامدة وكيفاش لا وهي كاتشوفهم بعد قليل غايرميوها بحالا عمرها كانت بنتهم غاتولي بسمية شخص اخر ومحسوبة عليه وعلى نسبو عيونها كايهبطو الدم ماشي غير الدموع خرجاتها مها وهي غا تابعاها مكادير تا حركة اسلا ماحركاتهاش دارت ليها لي كريم دالجسم وسبراي رجع لحمها كايبري مع بيبضة جات حلوة ووحها مزينك فنة فنة ولكن كون هي ختارت شريك حياتها وكون بغاتوو واش كانت غتكون بهاد الحالة اكيد لا اي بنت منا ولا فالعالم كامل كاتحلم بالنهار لي تجمع فيه بالشخص لي دا قلبها الشخص لي ختارتو هي الشخص لي بغاه قلبها ولكن قليييل لي كايتحقق ليهم حلمهم كاين بزاااف بحال سهام تبزز عليهم شي شخص كاين لي كاتلقى فيه الخير وكاين لي كايخرج ليك على حياتك كايتعذب ويعءبك معاه قريت مقولة اترات فيا بزاف كانت كتقول “تزوجوا من تحبون لا تأخدو القلب وتتركوا لنا الجسد ” وكان الرسول عليه الصلاة والسلام كايقول لا ارى للمحبين الا الزواج اودي الله يجيب ليا وليكم شي سعد حسن من وجهنا ههههه ــــــــــــــــــــــــــــــــــــــــــــــــــــــــ فبلاصة اخرى وصلات شوق للكوميسارية من يعد ساعة دالمكانة داخلة وهي مافاهمة والو واصلا معارفاش اش داير ولا اش كاين حدها سولات على سمية كيان زنيير وقالت بلي المحامية ديالو مابغاو يشرحو ليها والو حتى دخلات للقاعة ديال التحقيق كيان: اوووه هاهي جات شوق باستغراب دورات عينيها بان ليها بحالا جالس فشي اوطيل محطوط حداه الفطور وقهوة كحلة وواقفين موراه 2 ديال البوليس حانيين راسهم وقدامو جالس واحد ساكت وكايشوف فيه وهو واخد راحتو شداتها الضحكة اول مرة تدخل لشي غرفة التحقيق وتلقى هاد المهزلة ايلا شفتيه من اول شوفة وماكنتيش كتعرفو غاتقول هو العميد ديال الدائرة شوق: احم احم انا محامية مسيو كيان زنيبر نقدر نعرف شنو هي التهمة كيان خنزر فهدا لي قدامو حتى ناض وبدا كيتفتف الشاف: احم اجي جلسي بعدا ا لالة ونشرحو ليك اش كاين شوق: احم اوك ، واخا تخليونا بوحدنا عفاكم شافو فكيان لي غمض عينيه بالايجاب وهو يخرجو ب3 معاودوهاش معاه مشات حداه جرات الكرسي لي اون فاص ليه وجلسات شافت فيه مدة اما هو بقى ساهي فيها مكايرمشش حتى فيقو صوتها من سباتو شوق: نقدر نعرف اش كاين وعلاش جايبني تال لهنا ؟ كيان عيونو هايمين مع تفاصيلها : صفوان برادة تعرض لاعتداء ومني فاق من الغيبوبة ماقاليه عقلو المبوق غايجبد سميتي انا وانا مادرت ليه والو (وغمزها) واصلا اش بيني وبينو زيد عليها داك النهار لي تعرض فيه لهجوم لاعقلتي كنت معاك احبيبة ابتاسم بهوس ودار ضحكة جانبية زعما راك فههمتي الكونسيبت كملي من عندك شوق: وبما انك عطيتي اقوالك (ونطقات بهمس كايسمعوه غاب2 ) ولفقتي هاد السيناريو كنضن ماكنتيش محتاجني لاش مصدعني مع الصباح كنتي تقدر تفكها معاهم وماتقولش ليا لا راني تقرييا وليت كنعرفك كوميسارية رديتيها دارك والفطور اسيدي شكون بحالك (عودات ليه نفي الغمزة وهي تهز بتي بان عضات منو وحطاتو ) بقى كايشوف فيها وهو مبتاسم وهز نفس البتي بان وهو يعض من البلاصة لي عضات منها بالضبط بلعات ريقها وهي كاتشوف فيه وفالبتي بان لي فيديه شوق استأنفات هضرتها: اححم دابا حالك ساهل دغيا غاتخرج اصلا السيد باقي كاعما واعي وماشي فكاما صحت. العقلية الغيبوبة والدوخة مأثرين عليه ومكاتصحش الشهادة ديالو كيان: برافو المحامية دقلبي هاكا نبغيك اش هاد الذكاء. بقات كتتشوف فيه وهي مضيقة عينيها دورات راسها بلا حول ولا قوه الا بالله وسكتات ناضت خرجات عيطات للشاف دوات معاه ودافعات عليه وقعو على شي امور شكلية وخرجو ب2 ياله كانت غاتوجه لطموبيلتها وهو يجرها من يديها تاتخبكات مع صدرو شوق: اييه اش كادير كيان هز خصلة من شعرها ودورها ورا وذنيها : شششش سكتي ابنت قلبي شوق بلعات ريقها وقلبها بدا كايدق الطبووول بقات غاكتشوف ماقالت ليه والو كيان: غانمشيو نفطرو هو الاول كاعتذار انني فيقتك من نعاسك وجيتي حتال لهنا على قبلي قرب وباسها فحنكها جرها من يديها موراه حتاال الطموبيل ديالو حل ليها الباب ركبات ودار تاهو ركب وكسيرا بالجهد كي العاادة نخليو هادو يشميو يفطرو ونمشي لبلاصة اخرى نسيناها شوية 🔱فروسيا العاصــــمة موسكو🔱 الحوار بالروسية طبعا وبالضبط فالمقر دياال المخابرات ........: واش اصيل غايرجع ولا مزاال غايتعطل سايمون: قال ليا بلي مزال غايبقى شوية دالوقت تما .......: حنا محتاجيين ليه خاصو يسالي شغالو دغيا العصابة غادا وكاتزييد فالاجرام ديالها مغايحبسوش خاص نديرو ليهم حد .......2: هادشي راه خطييير وماشي كيف كنا كانفكرو طلعات المافيا هاد المرة صعيب حتى نتعقبوها وشخص واحد لي غايقدر يلقاها لينا بمساعدة اصيل هو خوه كيان بتاسم العميد وقال: هاد زنيبر كون يديرو يديهم فيدينا مغاتبقى تامهمة تصعاب علينا سايمون عقد حجبانو: علاش مابقيناش عاجبينك اسي العميد؟ حنا مكانديرو والو العميد: مافهمتيش اسايمون اصيل زنيبر ياله جا وفمدة قصييرة لي هيا 4 سنين قدر يشد 10 دالمافيات ويخرب ليهم كاع خططهم ليندا بعينين كايبريو : اه بصح من الاحسن نعلموه يرجع دغيا ومايتعطلش سايمون خنزر فيها وكولشي شاف فيها وهي تسكت وبقات كتدور فعينيها العميد: ماعلينا نبغييكم تركزو على هاد العملية بالضبط غير هي مابغيتكم تفلتو والو شدو زمام الامور ومن بعد ملي يرجع اصيل نبداو اول خطوة مفاهمين جاوبو كولشي بالموافقة سالا الاجتماع وخرجو ليندا غادا مورا سايمون كتجري باش توصل ليه: هااي سايمون وقف سايمون: شنو اليندا شنو؟ ليندا : مادويتيش مع اصيل ماقالش ليك امتى غايرجع ؟ سايمون بعينين عامرين بالغضب : ليندا دويت معاه فالموضوع ديالك وقال بلسانو مانبقاش نجبد ليه سميتك وبلي ماباغيش يعاود يهضر فموضوعك وبلي عمرك ماتحلمي تكون شي حاجة بالنسبة ليه فهمتي ؟ ليندا عينيها مغرغرين بالدموع : ه هو هو قال قاليك ه ها هادشي؟ بصح مكاتكذبش عليا دموعها مابغاوش يحبسو هي كتبغيه طاحت فحبو من اول مرة جا فيها للمقر من اول نظرة غرقات فيه فتفاصيلو فرجولتو واالكاريزما دياالو لي كاتشوفهم قلال فرجال اوروبا وكايمتازو بيهم غير رجال العرب وبالضبط المغرب فحولتو تضحيتو غيرتو مادوزاتش معاه قليل تعلمات تشد السلاح على يديه وتعلمات تدافع على راسها وتفكك قنابل غير منو هو لي كان عاطيها الخاطر وكايعلمها بصدر رحب فحين كلهم كانت كتبان ليهم مبتدئة فاشلة سايمون جرها عندو عنقها وبدا كايطبطب عليها: ششش سكتي ماتبكيش ، ليندا واش مكاتشوفيش قدامك راه كاين بزاف لي كايبغيوك نساي عليك اصيل وشوفي شي حد كايبغيك ماتبعديش بزاف غير قدام وغايبان ليك شكون كايبغيك وشكون لا بعدات منو ومسحات دموعها مافهماتش قصدو ولكن جاوباتو بجواب كان متوقعو: انا كانبغيه واباغاه هو غير هو ماباغش شي شخص اخر كايبغيني ماعندي ماندير بيه لي كنعرف هو ان اصيل غايولي ديالي ومكاينش لي يحيدو ليا سايمون شدها من كتافها وبدا كايدي فيها ويجيب : بارااكا باارااكا من الاحلام فيييقي بلاما تبقاي توهمي رأسك شوفي قدامك انا انا كنبغييييك اليندا كانيغييييك علاش اصيل وماشي انا علاااااش علااااش اليندا شافت فيه وماحسات براسها حتى صرفقاتو حتى دااار وجهو بقى مصدوووم ـــــــــــــــــــــــــــــــــــــــــــــــــــــ عند سهام لي لبساتها مها قفيطين خفيف فالموف بارد ودارت ليها ميكاب بسيط جات فيه بووومبة برز ملامحها الشهبة وعطا برييق لعينيها الزورق ولكن فين لمعة الفرحة مكايناش طبعا بقات لالة فاطمة كاتحسر على بنتها وهي كاتشوف فيها بحال شي وردة ذابلة مسحات عينيها وقالت لالة فاطمة: الضياف ايكونو وصلو نخليك دابا احبيبتي شوية وهانا راجعة ليك سهام لي كانت جسد بلا روح ماسمعاتش اصلا شنو قالت مها غا جالسة وساهية فييين عقلها كاعما حاضر شوية وهو يجي لبالها تفكرات كيفاش دافع عليها فالمطار وكيفاش ضحك معاها جمال ضحكتو وجماال عينيه كيفاش وصلها وتعامل معاها برجووولة تمنات يكون هو راجلها تمنات حتى ايلا تزوجات بالزز يكون هو الشخص لي مبززينو عليها ولكن تجري الرياح بما لا تشتهي السفن نهبطو التحت ونخليو الزينة ديالناا تفكر فالشخص لي شاغل بالها (يالي شاااغل بااالي باغاا معاك نتهنى الناس يسولو مالي 💃🏻💃🏻💃🏻💃🏻💃🏻) جا عريس الغفلة وكان هو والاب ديالو سي عبد المطلب جلسو من بعد ماسلم سي عمار على صاحبو سلام حاااار تفكرو صغرهم وحياتهم وداو وجابو فاالهضرة اما سي العريس غير كايحرك فرجليه بتوثر محاملش هاد الجلسة جاي بزز على ود صحة باه تاهوو هاد الزواج حاه على غفلة وتبزز عليه ولكن اش عند الميت مايدير قدام غسالو راه القدر حكم عليهم وفاش كايقولو الواليدين شي قرار ويخيروك بين ااسخط والرضى. فماعندك تاحل اخر من غير تخضع ليهم وهادشي لي دارو ابطالنا ممم نتمناو ليهم خيير بقاو مدة كايديو ويجيبو فالهضرة ومرة مرة كايشارك معاهم سي العريس ولالة فاطمة فالنقاش حتى دوى سي عبد المطلب : ايوا فين عروستنا الغزالة دار سي عمار عند مرتو وعطاها اشارة ناضت هبطات بنتها وهي كاتزغرت ولالة سهام حانية راسها وحابسة دموعها عند حلقها حتى هزات راسها وهو تنطق بصدمة : نتااا؟؟ هزات لالة فاطمة عينيها ودارت ضحكة صفرة وهي تقرصها سهام : ااحححح اماما لالة فاطمة بصوت عالي شوية باش تشوشهم : اه بنتي مالك حشمتي غادخلي دخلي هزات سهام عينيها فيه عوتاني وهي تقرن حجبانها اكيد.هو اما الطرف الآخر غاهز عينيه فيها وهو يوقف بلاما يحس وهو كايقول فالدااخل ديالو لا لا مايمكنش دوا عند ودنيها فاش جلساتها مها حداه : ولكن كيفاااش هادي نتي سهام سدات عينيها وحلاتها بشوية مامتيقاش سهام دوا بهمس : نتا اش كادير هنا ؟؟ اديب : ك كيفاش دابا نتي هي بنت عمي عمار لي خبطك ااه زعما خطبك ليا الواليد ؟ سهام خنزرات فيه وهي ماحاملاهش ماعندهاش مع الرجال لي فيهم قوة التفلية والضحك وهادشي بان ليها فيه من ديك النهار فاش تلاقاو فالبواط بغات تبكي علر ذكر البواط تفكرات ا اه ويييلي عنداك يقولها لبابا دارت شافت فيه ودوات بنبرة آمرة : عنداك تقول لبابا بلي راك فايت ليك شفتيني ولا شي حاجة واياااك اديب باستهزاء : علاش عمي عمار معارفكش كادوري ليه فلي بواط سهام بعصبية: بزاااف علييييك انا مشيت غامع البنات لي ياله تعرفت عليهم اديب: صافي ماتعصبيش ازويينة مغانقول والو تهدني ونتي بديتي كاترعدي عليا نطق عمار : ايوا اولدي باقي مادويتو فالبنت شتكم تفاهمتو سهام : حنا بالعما (خنزر فيها باها باش تسكت اما لالة فاطمة بدات كتكح وهي كادير ليها غا بلاتي انا غانوريك غاتسناي يمشيو ) قاطعهم سي عبد المطلب وقال الجملة الشهييرة لي كاتخبط بيها جميع الفتيات المغربيات 😂😂 ماعلينا عبد المطلب: احم ايوا اسيادنا راه حنا جينا طالبين راغبين فيد بنتكم المصون لالة سهام لولدي اديب على سنة الله ورسوله سي عمار: ايوا اش غانقوليكم مانزيدكم غا الخيير على هي تلقى حسن منو ولا يلقى حسن منها وكي كايقولو سيادنا الاولين خيرنا مايديه غيرنا ناضت لالة فاطمة كاتزغرت وهي ضاحكة عيطات للخداما جابو العشااا دمعو عينيها تاني ماراضياش ابدا ماراضياااش بهاد المهزلة لي كادوز قدااام عينيها شاف فيها وشاف دموعها عرفها تاهي بحالو مبززين عليها هاد الزواج بقات فيها وضرو قلبو وفت قلت ليكم انه اكثر حاجة كايكرها أديب هي يشوف دموع شي انثى قدامو اديب: احم عمي نقدر نديها ندوويو شوية ونتفاهمو عمار: ا اه اه اولدي سيرو للبيت الالوا على يديك ليسر تفاهمو بيناتكم الله يسخر مشاو ابطالنا للبيت دخلو جلس أديب وهي تبان ليه سهام كتمشي وتجي بحالا غتولد شداتو الضحكة وهو ينطق أديب: متخافيش احبيبة دغيا غايخرج (باسل هاد اديب😂😂) اما سهام فهمات شي حاجة اخرى ووجها حمار تزنكات خنزرات فيه سهام : ايييه جمع راسك اديب شاف فيها وهو يعقد حجبانو ودوا بجدية: شوفي ابنت الناس انا راه محاملش نجي ولا نخطب اصلا انا عزيزة عليا تازوفريت ماباغيش نتزوج ولا نستقر حيت باقي تالف كل مرة فين كانكون (بغات تقاطعو وتحافظ شوية على كرامتها ولكن ماخلاهاش) صبري نكمل هضرتي انا هادشي دايرو غير حيت الواليد مريض وخيرني بين السخط والرضى ولي كتاشفت انك حتى نتي محاملاش هاد الزواج هنا قاطعاتوو بالزربة سهام: اااه اصلا انا باقا صغيرة بزاااف وباغا نكمل قرايتي عمري فكرت فالزواج (طاحت دمعة من عينيها) اديب : هادشي لي غانقوليك غاتكوني سمعتيه بزاااف ف المسلسلات والبرامج ولكن ماعندنا مانديرو مقدر لينا نعيشوه المهم نتي غاتكملي قرايتك عادي وغاتاخدي حريتك ولكن باحترام واخا هكاك كتبقاي محسوبة عليا راني راجل ماشي بوكيمون ميقات فيه ولكن ماهضراتش استأنف كلامو : احم غاندوزو 4 اشهر مع بعضنا غانكونو بحال الخوت مغانقرب ليك مغاتقربي ومن بعد نطلقك وهوما بالزز منهم يتقبلو هادشي مديك الساعة مغايلقاو مايديرو هبطو دموعها بغزارة ناض عندها مسح ليها دموعها عنقاتو بلا ماتحس حسات بيه بحال الاخ الكبير لي ماعندهاش بحال خوها كون كان حيت كان غايحميها سهام بصوت منغنغ : شكرا شكرا بزااااف اخويا اديب ادييب : هانية الفنكوشة ضحكات ومسحات دموعها خرجو لبرا وعلموهم بلي تفاهمو على كولشي وزغرتات لالة فاطمة وفرحو الصحاب وهوما ماعارفينش بالاتفاق السري لي دارو ولادهم من مور ظهرهم تافقو يكون العرس من هنا لشهر وناضو كايتوادعو وهوما فرحانين من بعد ماركبو الخواتم سهام كاتحمد الله حيت طاحت فواحد.متفهم بحال اديب (ياااك اختي كنتي كاتسبيه ) فالليل تجمع كيان هو واديب اديب لي كان ديجا معاود لكيان لي وقع من اول نهار دوا معاه باه كان كيان نصحو انه يرفض حيت مامزيانش يضحك على بنت الناس ويوهمها بالحب ويب تافق معاه ولكن باه كان رااافض تماما وخاف توقع ليه شي حاجة داكشي علاش كيان اقتارح عليه هاد الفكرة ديال يصارحها من الاول ولي سهل الامور على أديب كثر انه سهام حتى هي كانت رافضة الزواج رتاح من هاد الناحية وفرح بزاف كيان بطنز : ايوا احبيبة سخيتي بيا باغا تمشي تزوجي اديب دار يديه على عنيه زعما كايبكي: اش غاندير احبيبة نتا لي ماشي راجل هز كيان كاس شرب منو وهو يضربو بيه : اش بان ليك راجل ولا لا اديب ضحك : لا لا راجل ونص فيك 2 رجال نتا كاع اساط اه واحد البلان عرفتي شكون هي الخطيبة؟ كيان بعدم اهتمام : شكون ؟ اديب: البنت لي كانت مع بياستك وشهد فالبواط قرن كيان حجبانو كيحاول يتفكر اصلا نسا هاد البلان ونسا بلي كانت شي بنت واصلا ماردش ليها الباال (ابيه اسي كيان على شوق خلات ليك شي عقل 😂😂 السيد شافها تلف) كيان: ماعقلتش عليها اعشيري اديب :اممم واش سحرات ليك ديك المحامية مافهمتش كيان: وليتي كتهضر بحال نزهة مراة عمي اعشيري خيب اديب سيفتو وخنزر فيه : جمع راسك ماعنديش مع ديك مراة عمك كيان دار ضحكة جانبية: تاهي ماعندهاش معاك اديب: احم هي عارفة بلي كنتي ماتبغيها قبل من 5 سنين هادي ، وبلي ديجا سفتيها ماشي اول مرة كيان دار براسو لا ورجعات بيه ذاكرتو اللور #فلاش_باك هبط من طموبيلتو بسرعة مان معطل على الندوة لي كانت فجامعة محمد الخامس كلية العلوم الاقتصادية والاجتماعية والقانونية دخل دوز ندوة وتصورو معاه الطلبة سالا شغلو من بعد ساعة وهو يخرج بحالو متوجه للباركينغ شوية كايسمع شي غوات ديال البنات دار شاف شي بنات مشادين وهو يدور راسو ماعندوش مع هادشي دالبنات واصلا ماسوقوش وديما كايقول سوق العيالات خاوي شوية سمع صوت رقييق كايقول ...... : اديك الموسطاشة سمعي يا خانزة الرجلييين اخر مرة تقربي ل ليلى البنت : ختي شوق غا طلقيني عمري نعاود نقرب ليها شوق: هاها شناااهوااا لا غا عاودي مزيااان تبارك الله ولاو دابا حنا الموسخات يتهزو علينا كان واقف وهو كايشوف فيها عينيها كانو كيبانو فتااااانين وهي معصبة ومزنكة قصيورة ومامهنياش الوقت شداتو الضحكة وبقى كايشووووف فيها قلبو لاول مرة حس بيه كايدق جاتو على كانتو حمقاتوو سول عليها وعرفها كتقرا فالعام الاول ديالها قانون وبقى متبع اخبارها تا ولات محامية (هاااا صدمة اخرى 😂😂😂😂 لي كانو كايقولو طاح فيها دغيا اجيو بانو عليكم الامان 😂😂😂 السيد 5 سنين وهو طايح على زنافرو ) `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
