.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `اصيل عقد غوباشتو وقرن حجبانو: مالها ليندا؟ سايمون : احم شوف نتا عارفها كاتبغيك وماتقدرش تعيش بلا بيك خايفينها دير شي حاجة فراسها على الاقل غير علمها راك غادي راها حمقة كانعرفها نتا غي قاطعو اصيل قبل مايكمل : سمع اسايمون ليندا عمري وهمتها بشي حاجة عمري تقربت منها ولا بينت ليها راها عاجباني دخلو ليها هاد الهضرة لدماغها عمري فحياتي مغانكون معاها انا واياها مستحيل نكونو ب2 ولا بغيتي تبقى صاحبي ماتبقاش تجبد ليا هاد الموضوع اسايمون سايمون: واخا سمح ليا ولكن على الاقل ناض اصيل على لوطو قبل مايكمل لاخر كلامو هز فاليز صغيرة فالكحل من الكوفر وهز صاكادو ومشا عندو تسالم معاه سلام رجولي وهادشي لي خلا سايمون مايعاودش يجيد معاه الهضرة عليها سايمون: غانتوحشوك اصديقي ماتعطلش علينا اصيل: ان شاء الله اخويا دخل للداخل متوجه نيشان باش يقاد الاجرائات سالا وكان غادي لجيهة الحمامات حتى بانت ليه شي حاجة لي عصباتو كانت بنت طايحة فالارض كاتبكي وشاب دخل فيها طيحها كايعايرها بالروسية وهي غاكتبكي ماقاداش تجاوبو ماقدرش مايتدخلش أصيل مشى بالزربة ووقف قدامو : ايييه اش كاين مانخافوش؟؟, دار لعندها هزها اما سهام غاكتشوف فيه ودموعها مزاال على خدها الشاب: ايييه شيت نتا مالك هي اي عورة ماحسش اصيل على راسو حتى ضربو بالجههههد لوجهو تانزف وقال : غبر عليا من ولا مغايعجبك حااال دابااا داك الشاب تخلع ومشى فحالو اما هي مازاال غاكتشوف الحوار بالروسية طبعا أصيل : شوية اختي ماوقع ليك والو سهام: لا لا والو شكرا بزااف مسحات دموعها وهي تنطق بالداريجة عند بالها مغايفهمهاش اودي اش غانقوليك على قلة ماواقع ليا دابا كيفاش غانشرح لهادا بلي مكانبكيش حيت دخل فيا داك الحمار اصيل باستغراب ضحكاتو وفاجآتو شاف الشعر زعر والعنين زرقين ماقالش اتكون مغربية نطق بتعجب بالدارجة: وشنو لي بكاك اعيشة دميعة؟ هنا وسعات عينيها بصدما ووقفات دارت عندو: ممم انا انا ضحك وقال متشرفين ابنت بلادي هادي هي شكرا حمااارت السيدة وتزنكاات عمرها تحطات فموقف بحال هذا: امم اه شكرا بزاف سمح ليا ومشات كاتجري لحدا مها مابقاتش كاع باغا هاد الطواليط هي 💎💎💎💎💎💎💎💎💎💎💎 عند شوق لي اليوم كانت فالمكتب ديالها كاتراجع الدوسي ديال المحاكمة لي عندها غدا وكانت كتقلب على راس الخيط لي يخليها تسد هاد القضية اليوم ومانكذبوش لاقلنا الدواسا اي عطاها مافادوهاش بالعكس فيهم كولشي وهاكدا غاتكون القضية لصالحهم ابتسامات وهي كتشوف فالدورسي وهي تنطق: مممم هذا غاعمو صراحة شخصيتو بدات كاطربني صونا ليها الطيلي برقم بريفي ولكن عرفات شكون شوق: الو رياض رياض: شوق ضرووري دوزي فالليل شوق: علاش ياكما كاين شي مشكل ؟ رياض: لا ماعندك مناس تخافي غاهو الواليد بغا يهضر معاك ونيت نوضحو شي نقط شوق: واخا صافي فالليل نكون عندكم فنفس البلاصة نلقاك تما كي العادة رياض: ماتخافيش قطعات معاه وبالها مشغول بشنوو غايقولو ليها عارفاهم مكايعيطو ليها تلاقاهم الا لاكانت شي حاجة مهمة وبزاف غمضات عينيها وشافت فالصقف دالمكتب وقالت مع راسها ايمتى غايسالي هادشي ايمتى غاتحقق الهدف ديالها وتخلي هاد العالم بلي فيه و تكمل خدمتها الحقيقية لي كانت من ديما هي الحلم ديالها صراحة ايلا سولناها واش ندمات غاتقول لا حيت اي واحد غاطرى ليه شي حاجة الا وكايستاهل هي مكاديرش شي حاجة غلط ولكن واش عندها الحق؟ ماعرفناش نكتاشفو مع بعضياتنا ..... واش غاتندم من هنا للقدام مممم نعرفو من بعد......... 💎💎💎💎💎💎💎💎💎💎💎 عند سهام لي سالا باها الاجرائات وجا الوقت لي يركبو فالطائرة المقعد ديالها جا بعيييد علي الام والاب ديالها وهادشي ماعجبش الاب الاب نادا على المضيفة : بغيت نعرف علاش بنتي المقعد ديالها بعيد علينا؟ حنا راه عائلة المضيفة بابتسامة بشوشة : سيدي هادو هوما القوانين ماعرفتش ولكن مايمكنش نديرو شي حاجة اخرى كاين مقاعد كايخصو الشباب ومقاعد.كايخصو الناس لي كبار شوية باش يبقاو مرتاحين الاب عقد حجبانو وقال: واش نقدر نتبادل مع بنتي وهي تجي حدا الام ديالها المضيفة: كون قلتيها ليا قيل ساعة كنت نقدر ولكن دابا غاتسمح ليا اسيدي مايمكنش حيت كولشي شد المقاعد ديالو ومكاينش كاع تامقعد خاوي وغير ارتاح راه الطائرة آمنة اسيدي مغايوقع لبنتك حتى مشكل اسيدي ماعجبوش الحال ولكن ماعندو مايدير بقا كايشوف فيها هي لي داز الحوار كامل على وذنبها حيت كانت بعيدة عليهم غاب2 صفوفة دالمقاعد مادارت تاردة فعل دورات وجهها لجيهة الزاج الام: صافي الحاج ماتحكرش عليها عفاك مادواش بقى ساكت اما عند سهام كانت جالسة ومن زهرها جات حدا الشرجم البلاصة المفضلة عندها حتى حسات بشي حد جلس حداها مادارتش عندو ولا شافت فيه حتى سمعات صوت ماغريبش عليها اصيل: سمحي ليا مادموزيل ممكن ديري حزام الامان دارت بصدمة متفاجأة : نتا عوتاني شاف فيها وضحك حيت تاهو تصدم: نتي هادي اعيشة دميعة سهام: ااع سكت انا ماشي بكاية قاطعاتهم المضيفة فاش قالت : انسة عفاك ديري حزام الامان الطائرة غاتقلع من هنا ل5 دقايق شاف فيها اصيل. زعما ها اش قلت ليك خنزرات فيه ودارت الحزام ودارت لجهة الشرجم معاوداتش دواتو عند لالة صوفيا لي كانت باقا فبيتها من بعد ما خرجات من عندها شهد هزات طيلي ديالها وصونات لولدها مادازتش كتر من 5 دالثواني وجاوب كيان: سلطانة قلبي لالة صوفيا كاتفرح بزاااف كيفاش كايفششها وكيفاش كايدلعها وكايهضر معاها كاتحس براسها مالكة الدنيا بوليداتها لالة صوفيا: حبيب فلبي لباس عليك اولدي كيان: ايلا كنتي نتي مزيان وكاترضي عليا راني واقف غير برضاك راني بيخير الحمدلله لالة صوفيا : الحمدلله اولدي الله يرضي عليك الله يرضي عليك ابتاسم كيان : محتاجة شي حاجة ؟ لالة صوفيا: محتاجة نشوفك احبيبي توحشتك وتوحشت ريحتك ونيت باغا ندوي معاك فواحد الموضوع كيان: هي الاولى اعيوني لبسي حوايجك شوية وندوز عندك نخرجو نبدلو الجو وديك الساعة وقتي كولو ليك لالة صوفيا ضحكات : واخا احبيبي دابا نيت قطعات معاه وناضت تلبس لبسات سروال كلاص كحل مع قميجة فالحمر طويلة شوية وصباط الطالون كحل القاع ديالو حمر ودارت فولار على شعرها الرطب مهم حوايج على قد سنها وفنفس الوقت انييييقين معرووفة لالة صوفيا ملي كانت صغيرة بأناقتها وجمالها عيون كريين بحال عيون ولادها وشعر اسود فيم حمر وصغير .باقا شادة فراسها وفجمالها دارت عكر خفيف وفراجو واكتافات بريحة ملكة العرب لي كانت غالية ومصاوبة ليها خصيصا باليد هزات صاك اسود وخرجات هبطات التحت ماتسناتش بزاف حتى صونا ليها الطيلي جات خارجة وهي تسمع سميتها كان الجد دارت عندو لالة صوفيا : نعام اعمي الجد: فين غادا الالة بلاما تشاوري مع حتى حد لالة صوفيا: اححم و لكن اعمي راه الجد: مكاين ما ولكن رجعي من جيتي مكاين خروج نتي راك ارملة ولا نسيتي راسك (شووف لك الشارف الهارف الخارف تاهو تايديو ولكن احححم اش كاتعرفو عليا ضروري يسمع خل ودنيه) وهو كايهضر كان كيان جاي مع الكولوار يشوف مو علاش تعطلات حتى سمع ديك الهضرة بودنيه ماقالها ليه حد كيان بعصبية وعيونو حمرين: جدييييي الجد دار مصدوم مكانش باغي حفيدو يحضر ليه وهو كايهضر مع مو بهاد الطريقة وخصوصا عارف معزتها عندو وخصوصا لالة صوفيا مكاتعاودش لولادها اش كايزقع ليها فالقصر هشي لي مخليهم يزيدو يطغاو عليها بلع ريقو وحاول ينطق ولكن قاطعو كيان كيان: اش هاد الاسلووب كادوي بيه مع الواليدة اجدي؟ وعلاش ماعندهاش الحق تخرج ؟ الجد: لا اولدي غير هي ماتشاوراتش معانا قلت علاش اتبغي تخرج فهاد الوقت نطق كيان باندفاع كيحاول يصبر راسو ويخلي فكرة انه جدو باش مايديرش فيه شرع يديه: سمع اسي عبد العزيز هادي راها لالة صوفيا زنيبر بغيتي ولا كرهني عنداك يحساب ليك نسينا اش دوزتي عليها ولا كيفاش كنتو كتعاملوها ايلا ماقلتش باقي كاتعاملوها هاكاك هادي راها عينيا سمعتي اي واحد ضرها كايعني ضرني ونتا عارفني اجدي لي كايضرني كانمحيه من فوق الارض هي من حقها تخرج فينما بغات ومغاتشاور مع حد لي كان عندو الحق مشاااا عند الله ربي يرحمو ودابا كاين انا فجنبها تاااحد فيكم مايهز عليها صوتو فاش قلبت هاد القصر اخر مرة على قبلها وقاد نحرقو على قبلها ونتا راه ماخرجتكش من جماعة ولادك وعيالاتهم كلكم معنيين بالامر تاااحد ماعندو الحق يهز ولو صبع واحد لجيهتها خليني معاك مزيان الحاج هانا علمتكم غوت بصوت مرتافع على الخدامة لي جات كاتجري الخدامة : ن ن نعام اسي كيان كيان: جمعي الواليدة حوايجها مغتتبقاش هنا فهاد الدار المنحوسة لالة صوفيا بصوت باح بالبكية لي كانت حابساها بزز: لا اولدي عفاك ومادويش مع جدك بحال هاكا حشومة شاف فيها ولدها وقال : بدون نقاش الواليدة الله يرضي عليك ديري ليا خاطري مالقات ماتقول سكتات وبقات كاتشوف فولدها فلذة كبدها نسخة على الاب ديالو لي تاهو مكانش كايخلي شي حد يتجرأ عليها ابتاسمات ودموعها كايهبطوو كاتحمد الله لي عطاها ربي ولاد بارين بيها اما العائلة كالعادة كانو كايتفرجو فهاد المسرحية من الفوق شي عاجبو الحاال وشي معصب ماعندو مايدير وهل هناك حل؟ اكيد لا ضرب فجدو وشد موومن يديها وخرج خلا الجد.غياكل راسو بالفقصة حل الباب لمو وشاف فيه باس ليها راسها وقال: ااخر مرة الواليدة اااخر مرة. تبقاي تسكتي ليهم نتي راك ماشي عبدة عندهم لالة صوفيا: ولدي حبيبي راه كايبقى جدك مخاصش دوي معاه بهاد الطريقة وانا نتا عارفني مكانبغيش الصداع كيان: الصداع هوما لي كايقلبو عليه وانا لي يقلق ليا الزين ديالي مانعرفوش ولو يكون ولدي من صلبي بتاسمات وشدات ليه يديه باستها ليه : لهلا يخطيك عليا اولدي كانحمد الله حيت عطاني ولد بحالك شنو كنت غاندير بلا بيكم عنقها وباي ليها راسها: الله يخليك ليا السلطانة ديالي ركبات هي ودار للجيهة لاخرى ركب تاهو وديمارا بشوية ماشي بحال العادة باش ماتخافش مشى غير بالعقل تاوصلو لواحد الريسطو حدا البحر عارف مو كاتقنط بزااف وشحاال ماخرجات ايلا ماخاف يكذب جايا لشي عام هبطو ودخلو للريسطو طلبو ماياكلو بقى معاها تاكملات البلا ديالها بحال شي بنيتة صغيرة وهي فرحانة بولدها وعاجبها الحال وهادشي لي كايخليها ديما ترضي عليه سالاو وخرجو من الريسطو توجهو لجهة البحر وبقاو كايتمشاو على الرملة ختر وقفات لالة صوفيا حيدات صباطها وضربات الدورة وكيان غا تابعها مخليها على خاطرها كيان: فين غاتدينا الواليدة لالة صوفيا: مم تبعني وغاتعرف بقاو كايتمشاو مدة من الزمن حتى وصلو لواحد الجرف كايطل على البحر والغريب فالامر انه كانت فيه جليسة ديال 2 دالاشخاص ورومانسية كان الربيع ضاير ايلا بلاصة فين كايجلسو وفيها بحال كراسا وكاطل على داك الجرف بطريقة زوينة كاتشرح النفس بتاسمات وعينيها دمعو وهو بتاسم براحة بقاو ساكتين مدة دالزمن حتى بدات كاتهضر لالة صوفيا: كنت كانبغي باباك ملي كانت عندي 17 العام بابا كان محامي فشركة الاستيراد والتصدير ديال زنيبر وديك الساعة باباك كان باقي سطاج وانا كنت كانجي مرة مرة مع بابا للشركة حتى للنهار لي شفتو فيه تما حسيت بشي حاجة فيا تبدلات قلبي حسيت بيه باغي يخرج من بلاصتو والنفس ديالي مابقاش كايطلع بقيت كانمشي بزاف غير باش نشوفو ولكن كنحاول منتحاكش معاه حيت بابا واخا هكاك كان ديما كايوصينا نبعدو على الرجال وعلى المسائل دالعلاقات ونديوها فقرايتنا وداكشي لي كنت دايرة ولكن القلب مايشاور كيفما كايقولو (ضحكات تاتغمضو عينيها ومسحات دمعة هبطات ليها استئنفات هضرتها ) حتى للنهار لي غايتقلب فيه كولشي النهار لي كان اول لقاء مباشر بيني وبين باباك تما صافي قلبي قال ليا منو نخلاق ههه ابتاسم كيان وهو كايسمع لقصة حب الواليدين ديالو لي كان كايسمع عليها وبزاف من عند لسان كاع لي كايعرفوهم ولكن اول مرة يسمعها من لسان ماماه (رجعات لالة صوفيا كملات هضرتها) داك النهار كنت عيانة شوية وبابا طلب شي دوسيات نديهم ليه ضروري طلعت للاسانسور حتى كنتفاجأ بلي باباك فيه ماعرفتش باش حسيت واش خوف واش فرحة المهم معدتي تقلبات وقلبي بقى كايضرب كايضرب بالجهد بقيت اللور كي الامانة ولكن تحبس بينا الاسانسوغ وانا مع كنت مريضة تخنقت وجاتني السخفة حتى كايبانو ليا شي يدين كبار شادين فكتافي وباباك كايقول ليا تنفسي ورتاحي ترخاي بقى معايا حتى رجعت للوعي ديالي وخرجنا من الاسانسوغ دازت سيمانة على داك الحدث حتى كانشوف ميساج فطيلي من رقم مجهول (شافت فكيان) اه هو وماتسولنيش كيفاش عرف الرقم ديالي حيت انا لدابا معارفاش لالة صوفيا: عرفني عليه وعرفتو عليا ودويينا ولينا كانتلاقاو وكان كايجيبني لهاد البلاصة لي كون كانت تهضر كون شهدات على حبنا الكبير لبعضنا ولكن رغم اننا لقينا بزاااف دالصعوبات الا انه الحمدلله تجمعنا واخا الموت خطفو مني فوقت قصير (بداو دموعها كايسيلو بدون توقف) ولكن الحمدلله باقا كنبغيه بنفس القدر داول مرة وكنتسنى امتى نتبعو كانحس بالذنب عنقها بالجهد وقال: وحنا اسلطانتي لمن تخلينا سخيتي بينا ماتبقايش تقولي هاد الهضرة الله يطول ليا فعمرك راه بيك باش صابر على هاد الحياة عنقاتو تاهي ومسحات دموعها وقالت : باقي عاقل من كملتي 18 العام باش كنت كانوصيك نتا وخوك شاف فيها وهز راسو بمعنى اه بدون مايهضر لالة صوفيا : من ديما كانقوليك دير اي غلط فحياتك وتوب عليه ولكن عمرك ماضحك على شي بنت الناس ديما كانقوليك مايغركش انه ماعندكش ختك توصلك توصلك الدقة كيان: والله شاهد عليا الواليدة عمري ضحكت على شي بنت المراة ولا وهمتها ولا واعدتها بشي حاجة صوفيا: الله يرضي عليك اولدي هادشي لي نبغي الحب الحقيقي كايبغي الصدق والامانة كايبغي الصبر والتضحية استغرب كيان علاش جبدات ليه هاد المووضوع ديال الحب تاني ياك ديجا دواو فيه وسدوه نطق باستفهام: الواليدة اش جبدك فهاد الموضوع لالة صوفيا: عودات ليا شهد كولشي على داك عدو الله . الحمدلله اولدي لي بعدو عليها الله يرضي عليك كيان: عادي اميمتي راها بنت عمي ومن دمي طلعات حجبانها وقالت : احيااني عليك صافي عا هادشي؟ كيان: الله يهديك الالة صوفيا راها بحال ختي الصغيرة صوفيا: ولكن عينيها مابينوش ليا هادشي عنداك اوليدي تعطي لابنت شي امل وتخذلها فاللخر ساط كيان بتعب : والله الواليدة مكاينة شي حاجة من هادشي لي كاتقولي واش شهد قالت ليك شي حاجة ؟ انا راه عمري نقرب لجيهتها لا بالشر لا بالخير راه حاسبها بحال ختي الصغيرة صوفيا: مقالت ليا والو ولكن شفت بريق الحب فعينيها شفت الامل وشفت عشق دفين بدا كايتولد من جيهتك عافا وليدي ساعف معاها وماتصدمها الانثى راه ماشي بحال الراجل راه عاطفتها هي لي كاتحركها والحب من كرف واحد راه صعييب بزااااف سول المجرب عفاك ماتهرسهاش انا ميمتك دير ليا خاطري كيان: واا الواليدة ربي يهديك الاه يرضي عليك راه ماعمر شي حاجة غاتكون بيني وبينها واش باغيين تحمقوني اصلا انا قلبي وعيني عامرين غاكوني هانية لالة صوفيا تصدمات بقات غاكتشوف فيه 🔱فمطار سلا الرباط 🔱 23:30 ليلا تحطات طيارتهم فوق الاراضي المغربية اما دوك الجوج طول الرحلة ماعاودوش دواو مع بعضهم حتى وصلو كانت سهام ناعسة وحاطة ؤاسها على الزاج كتبان برييئة وهادئة اصيل لي كان كايقرا واحد الكتاب سدو ودار على غفلة حتى سها فيها كيفاش ناعسة وكيفاش كتبان زوينة وهي هاكا بتاسم وبعد خصلات من شعرها على عينيها لي بداو كايتحلو بالشوية اثر دوك الحركات لي حسات ببهم اما هو بعد بالزربة قبل ماتشوفو وقال أصيل: احم وصلنا كنت بغيت غير نفيقك سهام تكسلات مزيان بحال شي قطيطة وبدوك العينين الزوورق شافت فيه سهام: اه ماشي مشكل شكرا ابتاسمات ليه اصيل طاح ليه العجب اول مرة ماتغوتش وبتاسمات كاع قال بتعجب : واش ديما فاش كاتفيقي كاتولي ظريفة بحال هاكا غوبشات فيه ياله غاتهضر وهو يقاطعها بالزربة : لا لا بلاما تقلقي غاكنضحك معاك نتي ظريفة قاطع كلامهم المظيفة لي دوات وقالت بلي المسافرين وصلو للوجهة ديالهم وكولشي مزيان ناض بابات سهام وماماها وعيطو ليها سبق ها وهي موراهم حتى سمعات صوت من موراها أصيل: سميتي اصيل ونتي؟ سهام: سميتي سهااام أصيل: ماغانساش هاد السمية كنواعدك ابتاسمات وشيرات ليه بيديها باي باي خرجو وولقاو الشيفور كايتسناهم ركبو فطوموبيل اما اصيل غاخرج ياله غايصوني على الشيفور وهي تكلاكصوني عليه واحد الميرسديس جي كلاس كحلة وهو عاارفها مزيااان ديالمن ضحك وقال فنفسوو هدا كيفاش عرفني جيت هبط كيان وتوجه عند خوه مبتاسم كيان: كاتسول كيفاش عرفت بلاما تصدم تاحاجة مكاتخفى عليا نتا عارف وانا عارف اصيل ضحك وعنقو تصافحو برجولة اصيل: عارف لي كاين الله اودي اسي زنيبر غمزو كيان: ايوا اسي زنيبر أصيل: حتارم خوك الكبير كيان: قليل النية وانا جايب ليك معايا مفاجأة أصيل: كانعرف المفاجآت ديالك انا را قاطعو واحد الصوت لي توحشوووو بزااف ومكانش متوقع .......: ولدييييييي اصيل لي تصدم وعينيه غرغرو : الواليدة لالة صوفيا مشات كاتجري عندو ودموعها على خدها تعانقو وهزها كايضور بيها وهي كضحك حطها وشد.يديها بين يديه كايبوس فيهم ولي صدمها كثر هبك لرجليها باغي يبوسها بعدات وقال لالة صوفيا: لا لا اولدي لا احبيبي لا ارووحي اصيل: عويناتي نتي سمحي ليا الواليدة تشغلت عليك كثر من القياس سمحي ليا اجنتي بتاسمات وجراتو عنقاتو عندها كيان من اللور كايشوف فيه ولي داز شاف داك المنظر كايدمعو. عينيه وكايبتاسم لا اراديا جا كيان وعنقهم ب2 بتاسمو كاملين كيان: ياله نمشيو للدار بعدا عاد حيدو الشوق من بعضياتكم ركبو وتحركو نيشااااش لدار كيان أصيل: مغانمشيوش للقصر؟ كيان حنحن وشاف فيه وحتى اصيل فهمو وماقال والو فبلاصة اخرى ونقولو قدام واحد الفيلا كبيييرة وقفات قدامها جاغوار ببوغط واحد (اكيييد عقلتو عليها ماتقولوش ليا لا) هبطات بطلتنا وهبط معاها واحد الشخص اخر كانت بنيتو الجسدية قوية وطويل شوية ديك 180سم وشعرو كحل كايتخللوه شعيرات بيضاء خفاف عاطيينوو مظهر زوين بزاف رياض: تفضلي المستشارة ديالنا شوق: كانقوليك ماتبقاش تقول ليا هاد الكلمة رياض ضحك : صافي غاماتقلقيش لينا الالة دخلو وتوجهو نيشان للصالون جلسو وجات الخدامة ولي كانت باينة انها متعودة كاتشوف شوق ماشي اول مرة الخدامة: ختي شوق كي العادة؟ شوق: اه تماما امريم شكرا ليك مشات وخلاتهم شوق: : متأكد مكايناش شي حاجة تقلق؟ رياض: الله يهديك راه مكاين والو غا الواليد باغي يقوليك شي حاجة ونيت تانا بغيت نحذرك شافت فيه باستغراب : كيفاش مافهمتش مناش غاتحذرني شاف فيها: داك كيان زنيير شفتو ولا قريب منك (بغيرة مخفية) حاولي تبعدي منو ما امكن شوق: اه عارف. اصلا بقات غامحاكمة وحدة وغاتسد هاد القضية وغانبعد منو كون هاني بتاسمات ليه رياض: نتي عارفاني خايف عليك مانبغيش تورطي مع واحد خطير بحالو كيان را قاطعو صوت حرش ورزين نظرا لكبر سن مولاه : وعلاش كاتحذرها من زنيبر؟ هي راه محتاجاه شوق ناضت وقفات: بابا رؤوف مشات لعندو باست ليه يديه رؤوف: الله يرضي عليك ابنتي رؤوف لي كان فمنتصف الستينات ولكن مزاال شاد فصحتو ومسير مافيا على قدها هو ولدو رياض لي كان عمرو يناهز الاربعينات 39 سنة وكيبان صغير وشاب رؤوف جلسو جلسو رياض: احم الواليد هي راها مامحتاجة لحتى حد وسيرتو كيان زنيير رؤوف: رياض نوض خليني معاها بوحدنا رياض: ولكن الحاج راه خاص نكون رؤوف : يا اما تنوض ولا تسكت وماتعارضش هضرتي كيفما كانت اه وعنداك تخليهم يغلبو عليك (وشاف فيه بنظرة مبهمة فهمها غاهو وياه وشوق وسطهم مافاهماش شنو كايقصدو ) شوق: نعام ابابا هانا كانسمعك جات مريم المساعدة وحطات لكل واحد فيهم قهوتو الا شوق حطات ليها اتاي باللويزة ومشات رؤوف من بعد ما مشات المساعدة: احم بنتي شوق الهدف ديالك صعيب شوية وديك العصابة واحد فالمغرب لي يقدر يلقاها (حنحن رياض محاملش الوضع حيت عارفو علامن غايهضر ) شافت فيه شوق بتفاجؤ كتسناه يكمل رؤوف: عارفك ابنتي باغا تحققي هدفك فاسرع وقت وعارفك دخلتي لهاد العالم غير على ودو واخا صراحة عمري شفت مستشار مافيا بالذكاء ديالك وبالخبرة والقوة لي عندك ماشاء الله رغم انك بنت وصغيرة فالسن ولكن راه الوحيد لي يقدر يعاونك هو كيان زنيبر وباش تقدري ضمنيه ليك ويكون فصفك عندك حل واحد شوق بهدوء كاتسمع لهضرتو وكادورها فراسها كتفكر ومرة مرة كترشف من راسها لي كايهديها وديما غاتلقاوها فاي عملية خطيرة كاتشرب كاس داللويزة : شنو هو هاد الحل اعمي رؤوف تغاظى على ديك عمي لي كاتعيط ليه بيها فاش مكاتكونش راضية على كلامو : احم تزوجي بيه وتولي مدام شوق زنيبر رياض ناض من حداهم بالزربة ماقدرش يصبر ويبقى جالس كايسمع لديك الهضرة اما شوق تصدمات بقات غير كاتشوف والكاس فيديها بقات شاداه نفس الشدة ماتحركاتش استأنف رؤوف هضرتو : سمعيني نتي راك ماشي غير مستشارة ديالي من اول نهار عتقتيني فيه وليتي بنتي ووحدة منا وقيمتك من قيمة رياض وراه غانبغي ليك غا الخير اول حاجة ايلا كانت غاتوقع ليك شي حاجة الوحييد لي يقدر يحميك ويفديك بدمو هو كيان خدمت معاه مامرة ما2 ويضحي براسو على قبل الناس لي عزاز عليه ناهيك انك غاتكوني مراتو ثاني حاجة هو لي غايعاونك ولكن خاصك تصارحيه مهم خاصك تشوفي كيفاش تولي مراتو فاقرب وقت حيت مافيا ديال جبار كايقلبو عليك ونتي عارفة واخا معارفينكش معارفينش الجنس ديالك ولكن راهم خطيريني والوحيد لي يقدر يوقف فوجههم هو كيان شوق: هادي اخر هضرة عندك اعمي ؟ رؤوف : سمعيني ابنتي راه شوق: اذا هي اخر هضرة مهم انا مشيت ناضت هزات سوارت طموبيل ديال رياض وخرجات اما رؤوف بغا يخليها على خاطرها تاتفكر عارفها رصينة وتقيلة مغاتزربش وغاتفكر مزيان عند كيان واصيل وصلو للدار ودخلو كانت بتي فيلا فالكحل والذهبي(انا وحبي كيان عندنا نفس الذوق 😁) دخلو جات المساعدة كتجري عطاها الفاليز ديال اصيل وحتى ديال لالة صوفيا كيان: وجدي البيوت ديال الواليدة وخويا المساعدة حانية راسها للارض : واخا اسيدي كيان مامولفش الخداما فدارو ماعندوش معاهم كولشي كايديرو بوحدو ولكن دابا مو وخوه اكيد غايحتاجوها كيان: طلعي الواليدة ترتاحي لالة صوفيا شافت فيهم ب2 : واخا احبيبي ونتا ا اصيل مغاترتاحش اولدي راك ياله وصلتي باس ليها اصيل راسها وقال اصيل: شوية ونطلع نرتاح بغيت نبقى انا وكيان شوية نهضرو مع بعضنا لالة صوفيا: واخا اوليداتي هانا مشيت (كانت غادا شوية وهي دور عند كيان) اه تفكرت عنداك يحساب ليك راني ناسية من بععد غاتقول ليا كولشي كيان غمض عينيه: كوني هانية الواليدة ماشي غابوحدك كلكم غاتعرفو كولشي فالوقت المناسب اصيل شاف فيه باستغراب كيان: من بعد اخويا من بعد مشاو للصالون وجلسو أصيل: دابا عاود ليا شنو وقع علاش الواليدة ماشي فالقصر وشفت حتى لي فاليز ديالها مافهمتش كيان تنهد وقال: مشيتي اخويا وخليتي عليا حمل ثقييييل طول ديك 5 سنين لي ماكنتيش فيها وقعو بزااااف دالحوايج منين غانبدا وكيفاش اصيل (مسح على وجهو ودار يديه على ركبة كيان كايربت عليها كأنه كيعتذر بهاد الطريقة): عارف اخويا عارف بلي خليتك بوحدك نتا والواليدة وعارف بلي ملي مشيت مابقيت رجعت ولكن كنت متأكد ومتيقن انني مخلي راجل مورايا غايقدر يتجاوز كولشي صراحة كانعتارف انك اقوى مني واقووى منا كاملين الوحيد لي قدر يصبر يهز شؤونو وشؤون العائلة والخدمة وكولشي هو نتا دابا عاود ليا لي كاين كيان عاود ليه كواشي كيفاش كان كايعاملو لالة صوفيا وكيفاش عمو رفع دعوة باش يقسم الاسهم وياخدهم وشنو وقع من الاول حتى للخر وأصيل غير مصدوم من هادشي كامل وقع وهو مافخبارو والو ولكن مايلومهمش غير مشا وتقبل فمكتب المخابرات نسا كولشي وكان مركز غير على الموقع ديالو ومكانتو فالمنظمة....... 💎💎💎💎💎💎💎💎💎💎💎 عند بطلتنا لي وصلات وحطات الطوموبيل فنفس البلاصة ودار الدورة ومشات لدارهم كانت معصبة وعقلها مشوش حتى وصلات العمارة وهي تقلب الدورة وبقات كاتمشى على رجليها تاوصلات للبحر بقات كاتشوووف وساهية والريح كايلعب بشعرها الحريري حايرة بزاااف موجة ديها وموجة تجيبها معارفاش اش دير القرار لي خدا رؤوف صدمها وبزاااف ومن جيهتها مستحييل توافق عليه مستحييل تستغل شي حد على ود مصلاحتها دازو يوماين ابطالنا على حالهم مكاين حتى جديد اليوم يوم المحاكمة الاخيرة كانت شوق جالسة في المكتب كادير اخير مراجعة للملف حتى كاتسمع الباب تحل وبلا دقان عقدات حجبانها ياله ناوية تغوت وهي تصدم دخل وهو كايشوف فيها بابتسامة جانبية نرجس: والله امدموزيل حتى قلت ليه.. قاطعاتها فاش هزات يديها قالت ليها غا سيري خرجات نرجس وهي دارت بقات كاتشوف فيه وهي مطلعة حجبانها شوية قالت شوق: نعام كانضن بلي القضية فالمحكمة وماشي هنا واصلا باقي الحال كيان: اه عارف ولكن انا جيت نشوفك نتي شوق باستغراب: احم كيفاش بغيتي تشوفني كيان: علاش فيها شي حاجة ازوينة بلعات شوق ريقها: نتا اش كاتقول عرفتي شنو خرج عليا من هنا كيان: اوووه شحاال فيك دالهضرة سكتي شوية وقفات كتشوف فيه بتحدي شوق: اشنو غادير لامابغيتش نسكت؟ كيان : متأكدة باغا تعرفي شوق :(طلعات فيه ونزلات وقلبات عينيها) اصلا ماعندك مادير وماتقدر دير والو خرج برا ماحسات براسها حتى لقاتو قرب عندها تازدحها مع الحيط والتاهم شفايفها بكل هوس وبقا كايتفنن فتقبيلهم كايعطي لكل شفة حقها مافاقت على راسها حتى بعد وهو كيتنفس بجهد عند وجها كيان(وهو مبتاسم بفرحة وهوس ): عرفتي دابا اش غاندير لامابغيتيش تسكتي شووق يااااا شوق فييييناهي شوووق راها مزال كتحلق فالسما بديك الحلاوة لي داقت من ثغرو باقا مصدومة لدابا لسانها تسرط حتى باش تنطق الكلمات هربو من فمها شوق بتلعثم وعدم تصديق: ب بستي بستييينيي (خرجاات عينيها بالجهههد كأنها عاد فاقت ) نتاا بستيني بااسني ويييلييييي ضحك بالجهههد حتى دمعو عينيه : ايلا عجباتك نزيدك وحدة اخرى حلوة كثر منها واخا شنايفك احلا بقات شوق كتشوف فيه مصدومة ولكن سرعان ما رجعات لحالتها فاش تفكرات الهضرة لي قاال ليها رؤوف بعدات بزربة وقالت بتوتر شوق: احم متعاودهاش مرة اخرى سمعتي. خرررررج خرررج كيان استغرب: تهدني شوق تهدنس شوفي فيا شوق: لا لا مايمكنش مانقدرش مانقدرش لا عفاك خررج كيان: صاافي ششششش صافي غانخرج تهدني بعدا تهدني جرها عندو وعنقها وهي ترخات بين يديه وقلبها كايضرب بعنف ماباغاش ماباغا تستاغل تاحد وحتى هو مامخليهاش خاصو يبعد خاصو يبقى بعيد عليها حيت ماكتفكرش ابدا دخل شي حد فانتقامها لا مستحيييل غاتلقاهم راسها وغاترد حق صديقتها راسها مامحتاجة لحد ....... حسات على راسها وبعدات منوو وحتى هوو خلاها على خاطرها واخا ماسخاش ماكرهش يبقى معنقها العمر كولو دار خارج بلا حتى كلمة اما هي رجعات جلسات فالكرسي وهي كاتفكر دارت يديها فشعرها خربقاتوو بكثرة الفقصة تلفات اول مرة فحياتها تلف تال هاد الدرجة ماعارفاش اش غادير حتى فاش بغات تدخل لهاد العالم ماتلفاتش لهاد الدرجة ومافكراتش بزاف ............... عند شهد لي كانت جالسة فالبيت ديالها كتفكر فيه ولا شاغل بالها وتفكيرها الوقت كامل ولات خايفة بزاف من هاد الحب لي هازة من جيهتو خايفة تصدم ومايكون كايحس من جيهتها بوالو مغاتقدرش تصبر هي راه ولات كتبغيه واخا ماشي من حقها ولكن القلب فاش كايبغي شي حد مكاياخدش من عندنا الاذن كايدق بلا سابق انذار وكايخليك واحل كاتقول مباغاش تبغيه وماباغاش تعلق بيها حتال هاد الدرجة ولكن صافي لي عطى الله عطاه وكيفما كانقولو الفاس طاح فالراس ناضت بغات تخوي بالها وافكارها منو لبسات عليها ولبسات صندالة ديال الدار وهبطات التحت للصالون حتى كتفاجأ بواحد الشخص لي اصلا بكثرة ماغبر مابقاتش عاقلة عليه مزيان ملاميحو كانت غير تشاش دار على غفلة وقال أصيل: شهد هادي الجد: ايه اولدي شهد: احم سلام لالة نزهة: شهد هادا ولد عمك اصيل اجي سلمي عليه أصيل: تبارك الله كبرتي الفنكوشة ابتاسمات شهد وسلمات عليه اما هو خربق ليها شعرها وجلس بقاو كايهضرو حتى نطق الجد: ولدي اش ناوي دير دابا قررتي غاترجع لبلادك وعائلتك؟ أصيل: جدي خدمتي راه صعيبة ونتا عارف ومستحيل نتخلى عليها داكشي علاش محال نرجع نستقر فالمغرب واصلا لاقي راحتي تما الحمدلله الجد: لي بغيتي اولدي واخا خليتي الخدمة دالعائلة وختاريتي شي حاجة خارجة على خدمتنا ولكن لي ترتاح فيه . احم (سكت شوية وهو يكمل بتوتر) ماهضرتيش مع كيان ماقالش ليك ايمتى غايرجع مرات ولدي للدار اصيل حنحن ودوا بصوت حرش : جدي الواليدة مامرتاحاش فهاد الدار وانا وكيان كاتهمنا راحتها وايلا ماشفتينيش دويت الا وانني عارف ان كيان غايكون ماخلا ليا فين نعاتبكم وغايكون قام بالواجب نتا عارف مزيان مكانة الواليدة عندنا وسعادتها كاتهمنا ايلا سمعت عاود. بلي شي حد قلقها ولا زعجها مغانتفاهمش معاه خلينا مزيان اجدي الجد: ماتقلقش مني اولدي داك النهار ماعرفتش كيفاش حتى درت داكشي ماكنتش ناوي نحبسها ولا نقلقها والله شاهد ايلا دايرها بحال بنتي غا الشيطان اله ينعلو دوي مع خوك عافا ولدي وقوليييه يجي يتعشا معانا هو وبنتي صوفيا ويكون خير ان شاء الله أصيل: ماعرفتش اجدي غانشوف معاه ونرد عليكم المهم (ناض وقف) نخليكم دابا جيت غانشوفكم ونطمن على صحتك اجدي وقف سي عبدالعزيز ببطئ نضرا لصحتو وقال: فين غادي اولدي بقا هنا راه دارك هادي كيفما هي دار خوك تاهو أصيل: ودار الواليدة تاهي المهم مرة اخرى ان شاء الله خرج فحالو ركب طموبيلتو وزاد مخلي هاد العائلة الحمقة كيفما مسميها هو وكيان `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
