.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `ضربات فجيبها بان ليها غا شي صريف .. هزاتو حسباتو لقاتها ماكاملاش عشرة دراهم .. افافات و هزت راسها فالشارع سرحاتو .. بنادم غادي جاي ها لي معنق صحبتو ها لي كيدير لي خاشي وحدة فشي طوموبيل و خدام .. ها لي نازلين من الماطر .. كلااا وهيتو فكازا.. كازة دايرة بحال شي وحش كبير كلما كيحل فمو كيقدر ياكل… ناسها كثار و مكتعرفش فيمن دير الثقة، و شكون انت اصلا ؟ تزاديتي فكازة و باك نفس الحاجة و جدك نفس الحاجة و كيسحاب لك راسك كازاوي حتال شي نهار كتكتاشف راسك صحراوي ولا شلح ولا شمالي.. بقوة ماهزات كازة الناس و تخالطو مابقيتيش كتعرف اصلك، فيها بزاااف مايتشاف و يتعاش، الاغلبية كيعيشو فيها النهار و كيسحابليهم بلي هادي هي كازة.. هه نو سمحي لي نقولك كازة ولات سميتها الدار الكحلة"CASANEGRA » الى دخلتي ليها عرفي راسك يا خصك تجيبي روحك يا غيجيبوه فك، كازة عمرها قبلات العيالات من ديما كتقبل غا المقرصات ، حيت ببساطة فينما كانت شي بنت دارهم كتحكر فكازا هاكا طرا لفوزية، حيت بنت دارهم ماعطاتهاش الدار الكحلة و خرجات تجيبها باشما كان .. مهم ماتمووتش تحركات للبلاكة تاع الطوبيس لقاتو يا الله وقف .. ركبات فيه خلصات بلاصتها ولكن الزحام و البعالك نازلين وطالعين دايرين خبلة فيه ، بقات شادة فديك الصمطة كتزعلل مخضها مزياان و مسرحة عينيها كتشوف الناس على برا من السرجم كيفاش دايرين شنو لابسين علاش راكبين .. كتشىف ف كازا فالعشية كيفاش كتبدا تعمر .. ما سحات من فجوتها حتى وقف بيهم فالمحطة نزلات كتسخف .. تمارة دالخدمة و عاد الزحام و تشم عرق عباد الله .. شي غاسل شي ماقاسو الماء من الشهر لي فات .. شداتها طلعة وحدة نيشان عند حجيبة تال الدار. بقات كدق دق حتى طلت عليها من السرجم حجيبة: ( كتخضر بالجهد باش تسمعها) فوزياااا.. بلاااتي بلاااتي هاني نازلة .. بفات واقفة حتى نزلت حلت ليها حجيبة( كتسد فالباب) دخلي دخلي .. تعطلتي اصحبتي فوزية( كتنهج دخلت لكوزينة خدات كاس دالماء) وا ختي هذا الله ( طلعات معاه و كلست تنفس متكية على البوطاجي) جيت فالطوبيس كي الكلب .. باااز للناس لي كيجيو فيه كل نهار ( حطات الكاس من يدها) حجيبة( متكية على الباب.. و واقفة على رجل وحدة) ايييوا تا انت .. كل واحد و كيفاش دمخوراه الدنيا .. فوزية( حدرات عينيها و دوزت لسانها على فمها كيتحيد قطرات العرق) ويااه الحمد الله …( شافت فيها بانتباه) ايوااا؟؟ عاىدي لبا اختي اش ديك الروينة حجيبة( شافت فيها و دارت ضحكة تاع الطنز و ضربت سدها فسدرها جبدت منو جوج زرقات و مدتهم ليها ) شدي شدي فوزية( كتشوف فيهم باستغراب) شنو ندشي؟؟ حجيبة: ( كتاكد عليها) و قولي باسم الله و شديي.. فوزية( خداتهم من عندها و بقات ساداهم فيدها) من اين لي هذا ؟ حجيبة( بتاسمات ابتسامة باهتة): عطاهم لك القرع .. فوزية:(باستغراب) القرع؟ حجيبة: هه بغيت نقول نور الدين ( بتهكم) الشاف فوزية: ( مطلعة حاجبها ) و علاااش؟؟ حجيبة( طلقات تنهيدة) حيت عرقتي عليهم .. حطات دوك الفلوس جانبا و شافت فيها مخنزرة فوزية: اختي هدشي راه بان ليا ماااا هواااش.. شرحيييييي ليا الله يرحم الوليدين .. ماتخليونيش كي الهبيل و سطهم حجيبة( جرات كرسي كلست عليه ): سمعي منيي نقولك .. داك البار مايهمك فيه حد من غير الشاف … غيتهلا فك و مزيااااان .. و كككثر ماتخايليي( كتشير ليها بصبعها) راك غير باقة مدعوقة دابة.. بلاااتي و تفرجي ملي غتحكي و عقلي على هاذ الكلسة و قولي قالتها حجيبة.. غتبدليييي و تولي وحدة اخرى .. فوزية: اختي انا ماباغاش نتبدل .. شكون كراك عليا ؟ حجيبة: هه.. وجه البؤس عمركم طورو .. ضبري لكرررك.. انا لقيت لك خدمة قلت لك شنو كاين فيها.. بغيتي تكلسي كلسي بغيتي تخرجي خرجييي.. مهم عرفي الى بقيتي غتعيشي داركم فوق فيكيك فوزية: واش انت شوية لباس؟ واش خدمت خمسة دالسوايع شديت ربعمية درهم .. كطنزي عليا ا ختي ولا شنو ؟ حجيبة: هادي هي الخدمة تما .. و مازال غتشدي كثر .. فوزية ( تعجبات ) و دابا ماعليناش.. شفت شي دواكر تكا ماعجبونيش حجيبة : ياك قلنا لك ماتشوفيييش.. واش باغا تحركي رزقك بيدك ولا شنو ؟ فوزية: و غا سمعييي.. خرجت خلينك مع داك القرع ولا منعرف لييه.. مشيت للبيت نجمع دوك الشراوط و انا و انا لقا هدى ديك القو ادة .. حجيبة( قاطعاتها بضحكة) هه.. بدات كتنفخ؟ فوزية: اااه اختييي.. واش مسكينة شوية لباس ؟ حجيبة: لا هاديك لباس بزااااف عههههه .. كملي كملي فوزية : ماعرت اختي اش طرا حتى ضربها و بدا كيغوت البااب ما الباااب هادشي لي فهمتتت .. موراها جاية عندي كتهلل و شدتني من دراعي .. كيسحابليها شي وحدة عاد حطها ااكار البارح و غنبدا نتفتف قدامها .. حجيبة: اش قلتي ليها ؟ فوزية: قاتلية بعداا.. شكووون خليتي مع نور دين فالبيروووو حجيبة: اوااا؟؟ فوزية: قلت ليها لا انت قوادددة انا ماشي قواد ة.. و نزلي يديك المرة الجاية تحطيها نقسمها لك حجيبة: اهااااه .. ههههههههه مسكينة.. قولها سيري يا المدلولة يا المطوطة.. شبع فدينمك بول ولات طقبتك كثر من واد الحار و كتحط يدها علك فوزية: على حساب فهامتي .. ختنا بدات بحالا كتغير ولا منعرف .. و هن ضربها .. اصلا ملي ضربها اذا مكيعبرهاش دور تقو د حجيبة: ياكما حصلوك كتصنتي ؟ فوزية( قلبات عينيها بنفي) تيلا واش منيتك .. رجال ولا دنجال .. و لكن مادوزش عليا حجيبة: هههههه تبارك الله على بنت دربنا راك شاشة .. فوزية: اتي سيري تلعبيي حجيبة( بجدية) مهم خليتا فالمعقول.. دابا باش نجيك مل خر.. هدى طايحة فالقرع.. و عاطياها غا للسحوور .. و التشعويد.. مرة غيبان لك طرونكيل معاها مرة مكين غا دقة الفوق دقة لتحت .. فوزية( عوجت فمها ) ايااااه.. قولي ليها هي قوا دة و مشعو دة.. حجيبة: ( بتاكيد)وياااااه فوزية: و بشااااااخ بنادم فين وصل .. و انا باقة واحلة غا مع ولد حادة يبعد منييي حجيبة: هههههههه اوديييي.. و نوووضي دابا سيري شوفي اش غتقدي و سلمي عليا انا غدا غنقلع .. و ديري بلي قلت لك.. و اييي حاجة حتاجيتيها دوري ليا تيليفونن.. و نوصيييك.. واااحد لي ديري فيه تما التقة هو حسام .. راه واحد الوليد غزااااال مسكين غا الضروف لي رضاتو هاكاك.. فوزية: اممم داك الرقيوق؟ حجيبة: اااه هذااك .. فوزية( مشات عندها عنقاتها بجهد و كتبوس فيها ) لهلا يخطيك اختي فوزية .. عمرني نسا خيرك.. دابا تزها ليا ليااام .. و الله مانساااك.. و ميمتك ضربيها على حسابي غنبقا ديما نطل عليها حتى ترجعي سالمة غانمة .. عانقاتها بدورها و وصاتها على مها لاتعود تمرض ماعندها لا حنين لا رحيم .. الغربة صعييييبة و مايحس بيها غاا لي مجربها.. وخصوصا للمرا.. ماشي تقليل منها و انما المرا هي الحنينة فواليديها .. كي تمشي وتخلي وراها ها ولا باها كتجيها غبييينة.. ماكيبقا عيد عيد الفرح ماهو فرح.. كاع الناس فرحانين فالعرايات و انت كيصيفطو لك التصاور و يديرو لك ابيل فيديو .. الله يفاجيها على كل مغرّب . خرجات من عندهم و طلعات للدار لقات مها مسرحة شادة سداري كتفرج و كي العادة صفية مكيناش .. حطات سوارتها دالباب و صاكها و كلست تحيد سبرديلتها فوزية( كدور عيينها فالدار ) فيناهي ديك البرهوشة؟ خديجة( متبعة فالتلفزة) خرجات مشات عند نسرين فوزية: ( كتميق) اممم.. نسرين.. خديجة(باقة على وضعيتها): ماعرفتش اش ندير معاها فوزية: طلعي معاها بعض قرصااات ناضت لكوزية تغسل يديها و هو يبان ليها الدوا د جمال هزاتو و خرجت عندها بيه فوزية: مامااا.. جمال كان هنا؟؟ خديجة: لااا.. جابو ليا واحد دري قاليا راه خصو ضروري هاذ الدواء.. سولتو واش واكل شارب قاليا راهم مهلين فيه فوزية( كلسات كتمسح على راسها وجبدت ربعالاف حطتها على الطبلة) هاهي .. غدا صيفطي ديك البعلوكة تشري ليه الدواء تا يجي شي واحد يديه لييه .. جات نايضة و هي تنوض خديجة كلسات .. خديجة: تي فين غادة..كلسي عاودي ليا كي داز اليوم؟ فوزية( كتهرب من الحقيقة) اوا اميمتي غيدوز كي كاع ليامات .. ضبرت فشي براكة و صف هدشي لي كاين مابغاتش تحرك عليها عارفاها عيانة و ماعندها خاطر للهضرة خديجة:نوض ابنيتي ندير لك ماتاكلي؟ فوزية:ا خليك ..ماعندي شهية خليني نطلع رتاح كل كلمة كتسمعها من عندو كتحس بيها بحال شي موس كيشرك لها فقلبها شوية بشوية.. بقات شحال واقفة كتشوف فيه و تستوعب الامر حتى فهمت بلي طيحت من قيمتها و بزااااف عاد.. حدرت راسها بلا كلمة بلا زوج ..كي قربت من الدار محات دموعها و حلت الباب.. لقا خديجة كتفرش تنعس و فوزية الفوق.. ضارت شافت فيها و عقدات حجبانها خديجة:هادي هي نسرين؟ صفية( كتسد فالباب) و صف ا ماما الله يرضي علك ماتكمليش عليا .. باراكا لي فيا كافيني.. خديجة(ميقات فيها) اش فك اختيي؟؟ صفية:) طالعة فالدروج) صاافي اماما واالو تصبحي على خير خلات ليها هضرتها ففمها و طلعات للبيت حيدت سبرديلتها و حويجها و تخشات فالمانطة .. لقات فوزية متكية ناعسة قاتلها العياا.. ضورا وجها للحيط و بدات كتبكي و تفكر زهرها و شنو دوزت و مرة مرة كطيح ليها شي كلمة فبالها كتخليها تنسا زهرها و تفكر علاش دار ليها هاكاك و هي ماصرفت فيه غا الخير تال الوحدة و هي على ديك الحال غير كتبكي و تنخصص حتى فيقات فوزية من نعاسها .. حلات عينيها كتسمع صوت الشهيق و البكا .. دورت راسها دايخة بالنعاس و هي تلقا الحس جاي من جهة صفية .. حيدا المانطة و ناضت عندها كلست حداها مخنزرة كتنغز فيها فوزية( مبوقة بالنعاس) اييه .. تي شكاين صفية: كتمحي دموعهاا): وااالو اختي غا سيري تنعسيي.. فوزية: اولي تي هادي لاش كتبكيي.. صفية : اختي غا طار عليا النعاس فوزية : لااا حولة ناضت شعلت الضوء و هي تخرج عينيهت فالدرية .. وجها منفوخ بالبكاا.. قربت حداها و شدتها فوزية: اوييييلي الدرية مااالهاا؟؟ لا صدر حنين لا من يفهمها .. جرات ختها لعندها و عنقتها … بادلاتها العناق و كي لقات صدر دافيء يحضنها طلقات العنان لدموعها فوزية: اختي ماالك ؟؟ صفية: تفارقنااا اختي ههءهء فوزية:انت و ايوووب؟؟ صفية( طلعات فيها عينيها ) اااه فىزية( بتاسمات) و على سلاااامة.. غندير فرح و نعرض عليه هههههه صفية:حشومة علك و الله فوزية: ( معنقاها )يا وييييلي يا الهبيلة راه قالك .. ضيع القرطاص على الحجل اما كريكر تحط ليه الزوان يتجمع علييه . صفية( طلقات ضحكتها المفروشة) هههههههههههههه راه بصح داير بحال داك حمام العمالة فوزية: طرررر… سحابلي غا شي واحد من دوك السواعدة خوا بك صفية: هههههههههه شفت راسي حزينة و مقمصة الدور بحالا مادايراش مع واحد البوكوص غداا ماحست براسها تا شدتها من فخضها و ليعتها فوزية: تتتتبببببتي و رززززنيييي كلشييي بوقتووو بنييين و لي يزرب على خبزتو ياكلها عجين.. مالك باغا غا فيمن تلصقي.. واش ناقصاك شي ودن و لا زادك شي زنطيط صبح صباح جديد على بطلاتنا .. تسلات خيوط الشمس الذهبية للبيت.. كانو بجوج بيهم متكيين حتى ضربات فيهم ديك الشمس عمشو عينيهم و ناضو فنفس الوقت كل وحدة و فين غدوز نهارها و معامن غيدوز.. حيدو الغطا عليهم و ناضو فوزية للحمام توضات و جبدت الصلاية و صفية نيشان للماريو جبدات طريكو بيض قصير و سروال تاع تجين كانت مخبياه لشي خرجة هماوية.. دازت للحمام حكات سنانها و مشطات شعرها و خرجت جبدت لاطروزها بدات كتماكي و عينيها على التيليفون لايكون فات الحال .. جابتها قد قد مع العشرة كانت وااجدة .. لبست سبرديلة طالعة و طلقت شعرها لور بقات واقفة بحوايجها العاديين سروال تاع التوب واسع و قميجة خفيفة ملفوق.. فوزية( حاطة يد على يد و كطلع و تهبط فيها) يا ويلي على الدرية؟ تي شووري صفية( كتقلب فعينيها و تهربهم) : وصف زيدي زيدي فوزية:( خرجت فيها عينيهاا) تي فيين زيدييي.. شغنقول لهاديك لي لتحت صفية( كترجاها) و عفاك ا فوزية ق و قوولها غادا معاك للخدمة تاعك عفاااك فوزية: و معامن خارجة القح بة؟ صفية( جبدات تيليفون من جيبها و وراتها تصيورة) مع هذاا.. عندو سبعة و عشرين عام .. ساكن فالمغرررب.. عندو طوموووبيييل .. و ساكن فبوركوون .. صف هادشي لي عارفة فوزية:فاش خداام؟؟ صفية: مهندس.. فاش ماعرت.. دكشي فيه الفرونسي كاعما فهمتووو فوزية: عرفي لاهزيتي رجلك مشيتي فيها كفتة صفية:ياويلي حار طايرة بكر و مادا مني باش ينقي سنيه فوزية( خنزرت فيها) وجمعي عليا داك الشعر و زيدي تبعيني خرجات فوزية هي اللولة مشات عند خديجة لقاتها فالكوزينة كتغسل الماعن و دندن .. فوزية( جاتها ملور و باستها) خدووووج..صباح النووور ضارت عندها بابتسامة خديجة: صبان الخيير ..( رجعات كتغسل الماعن) شتك صابحة ناشطة مشات حلات تلاجة جبدت كاس دالحليب فوزية: و بنتك من البارح و هي طلب نمشي نشوف خدمتك .. طيبااتنييي.. و قلت ليها زيدي لبسي حويجك خديجة: تي عنداك البرهوشة تخرج علك فوزية: تي لااا كوني هانية راني دويت معاهاا.. التتمة خرجو مشادين كيزربو حيت بجوج بيهم معطليين .. وصلو لنص الطريق و تفرقو كل وحدة شدت طريقها فوزية: يا الله تهلاي.. و تهلاي فراسك صفية: ملي نسالي شنو ندير؟ فوزية( حنزرت فيها ) مسحي و طلعي سروالك.. كفاش شنو ندير .. ضبري لكرك طلعي لداركم اويلي صفية: ولا قالت ليا لاش جيتي بلا بيها ؟ فوزية: عرفتي اش غديري … تسالي صوني ليا نصيفط لك فواتصاب لوكاليزاسيون و اجي عندي غتلقايني كملت واقلة .. نطلعو نتغداو و نعاود نهبط صفية: و ماندخلوووش زعما فوزية: سيري البرهوشة تلعبي مع لي قدك سيرييي … كل وحدة شدت طريقها .. فوزية للبار و صفية دارت مضراتها الشمسية و تحركت للقهوة فين دايرة معاه .. و كيف المعتاد ضروري تعطل .. هزات تيليفونها لقاتو مصيفط ليها عشرة دالمصاجات .. قراتهم و جوبات ب < فينك> رد عليها ب <طلعي الفوق راني شفتك >…دكشي لي دارت.. طلعات عندو كان كالس مشخص لابس سروال تاع التجين مطراصي على فخاضو و حاط نضاضرو فوق الطبلة.. شافها دخلات طلعها و هبطها بالخف .. بانت ليه بوكوصة خصوصا جاتو على دوقو .. ديك الفورمة لي كتكون مطراسية و كل حاجة بلاصتها .. ايمن: صفااء.. بونجووغ صفاء: ( باستو فحنكو) بونجوغ ايمن صاڤا ايمن( جر ليها كرسي) تفضلي صفاء: ( بابتسامة) ميغسيي دخلات للبار لقاتو مرون كل واحد و شنو كيصنع .. و القرع واقف عليهم على الصباح و حداه هدى فالجنب… قربات عند واحد من الرجال و دوات قريبة لودنو فوزية( بشوية): سسس اش واقع؟ الراجل( شاف فيها و دوا بالشوية): غدا غيجي مول شي و كيقادو فالدنيا فوزية( طلعات حواجبها) كدوي بصححح قبل ما يرد عليها كان قشعها القرع و عيط عليها بسميتها من اللور ضارت طافجة القرع: فوزياااا فوزية( دارت بالزربة) وي الشاافف القرع: دخلي للكوزينة هاهي معاك هدى فوزية: واخا دخلات للكوزينة و من موراها هدى .. كلشي كان مسطريسي و ماكينش الوقت للمعاندة و البلانات هدى ( جبدت ليها ورقة ) هانتي وجدييي هدشييي ضرووري وقفي عليييه .. سيري عند الشاف قولو يوجدووو كي العادة .. شوية و تبعيني للبيت عندي لك شغال اخرين فوزية: واخاا كوني هانية يا الله جات تخرج و هو يبان ليها حسام داخل كيتعوج.. رقيوق و طويل كي المسمار .. و فعلا مامسمين عليه المسمار حتى مسماااار و فينننمممااا حطيتيه يغيز لك الشغل لابس قميجة فالابيض و سروال تاع التوب نواع و سبيبيط جايبو كي الكلون .. حسام( بصوت محلون) هدىىى.. ويليويليويلي شكديري فالكوزينااا هدى: كفاش( كتعيبو) ويليويليويلي فالكوزيناااا.. كيجيتااااك حسام: واااالو يا ختي غا ماولفناكش( شاف ففوزية) هادي هي ديك الغزالة لي جات بلاصة حجيبة ؟ هدى : امممم…( ضارت شافت ف فوزية) شتك باقة واقفة فوزية : ها هي غاداا خرجات هدى كتلوي طر متها و هازة راسها و حسام واقف لفوزية عند راسهاا .. خدامة شغلها كتنقي فالكوزينة و لي حطوها لي سوشاف كتغسلها و هو متكي كيطرطق فالمسكة حسام: هتي فوزياااا… نسولاااك ؟ فوزية( طالعة معاها الصهضة.. ضربات الشيفونة مع البوطاجي) مكتعرفش تفول ختي فوزية نسولك .. لا نسولاااااك حسام( بلع ريق المسكة) هاءءء.. مهم.. قولي لياا.. انت مسمياك مك و لا باك كانت متوقعة منو شي سؤال بعقلو الساعة ملي بدا كيطنز عليها و هي تخنزر فيه فوزية: شوف اداك .. ماعرفناك معانا و لا معاهم.. فتنوووووووض تجمع عليا النوضة من هنا و لا غنمسح بك هاذ لرض.. را طااااالعة ليا الجنية جمع النوضة بالخف كيتفتف حسام: صف صف اختييي… ماتعصبيييش.. هاني مشيت كانت احسن خرجة ليها فحيااتها.. ماضربتش يدها نهائيا فجيبها و من النهار الاول حسات براسها فراشة .. مكين غير هزو لالاة صفاء حطو لالة صفاء.. النهار كامل و هي معاه كان كيسحابليها غيدوزو غا الصباح و كل واحد يمشي فحالو .. الساعة الوقت كيدوز و الكلسة كتزيد تحلاا.. لايح يدو على الفولون و كيشوف فيها ايمن( بابتسامة) الزين باقة مقلقة صفاء: اننن( قالبة عينيها ) ايمن: اصافي الالة طويييلة .. صفاء: و مالك كتقولها بحالا ماشي بصح ايمن: لا راه بصح .. 1,65 راه طويييلة و قريييبك ل 1,85 ماشي بزااااف صفاء: اوا راه باينة جرها لعندو و عنقها ايمن: غنتوحشك صفاء( حاطة يدها على سدرو) حتى اناا.. ايمن( كيشوف لها فعينيها) امتى نشوفك؟ صفاء: ماعرفتش.. على حساب ختي ايمن: فهمت ازين ..ماعليش مهم الوقت لي مناسبك قوليها ليا صفاء: صف كون هاني( ضربات فالساعة) شوف الستة و نص هادي .. خصني نمشي باسها فحنكها و حل ليها الباب من الداخل .. نزلات و تسناتو تا زاد عاد شعلات تيليفون صونات ل فوزية.. ماردتش عليها و هي توقف صيفطات ليها اوديو صفيية: فوزية هاني حدا الطرام صيفطي ليا لوكاليزاسيون قرات فالبلاصة و صيفطاتو ليها .. شدات طريق لعندها تا قربات تكمل داك الكورنيش و هي تقرا فواحد الباب كبيرة ^ نجمة الخليج^ غير صيفطات ليهت لوكا مشات طايرة كتقلب على حسام .. لقاتو كالس كيجبد فالمسكة فوزية: حسااام .. ربي اخويا لاما عتقني حسام: ماخوووك ما ختييي يا ويلي و انا غا وليااا فوزية( قلبات عينيها) لاا حول.. واخا اختييي.. سيري وقفي فالباب غتبان لك واحد البرهوشة كتشبه ليا يميتها صفية دخلها لبا خزنة حسام: ياكماااا جاية ضبر على راسهااا؟؟ فوزية: ميييمتي طليتو خضر مع هاذ الويل … حسام: صااافي قابلي شغلك هاني غنتكلف لك فوزية: نعول علك ؟ حسام: راني مسمار مطرق كوني هانياااا لقاها واقفة مصمرة مافاهمة والو كي الطرشة .. عيط ليها بسميتها باش يتاكد حسام: صفياااا سمعت سميتها و هي ضور للجهة لي جاي منها الصوت .. غير شافتو و هي تعوج فمها قرب ليها و دوا بابتسامة حسام: انت صفياا خت فوزية! صفية: اه انا .. كلمها ليا عفاك حسام: قالت ليا نبقا معاك بيدما سالات صفية: شحال باقي ليها؟ حسام : شي نص ساعة هاكاك صفية: صف صف.. قولها هاني حدا البحر غنتسناها خلاتو واقف قبل مايهضر و ضربت بشعرها لور .. بقات كتمشا تا وصلات حدا البحر و وقفات متكية على واحد الحديدة كطل و البرد كيضرب فيها .. ماحسات براسها تالقات تفكيرها مشا لما وراء البحر فخاطرها { البحر كبيييير و ماجو عالية .. نحدك نحدك .. كيفما عليتي و غطيتي عليا الشمس قادة نتعلاك و نشوفها .. غييير زيد علي ماجيك.. تخيج تا تهيج و نجيك نجيك} بقات موودة هاكاك تا سمعات تيليفونها كيصوني لقاتها فوزية .. جوبتها و رجعت عندها للمحال باش يشدو الطريق بجوجات .. متكية عليها و كتعاود ليها و الفراشات كيزغزغو فمعدتها فوزية : خلاص عليا من التق حبين.. دابا يدوز ساعتدو و يدور و كلسي تخني عليا ثاني صفية: هه ولاهيلا .. فوزية: ( تنهدات ) اههه.. غدا تابعانا رويييينة صفية : اش تم؟؟ فوزية : غيجي مول شي و خاص نوجدو لييه صفية: نمشي نعاونك فوزية : اودي اش غتعاونيني دكشي صعيييب علك .. صفية: و غاديني عفاااك قهرني الملال فالدار النهار كامل و انا مقابلة المشقوف و مك عيييت عفاااك فىزية : قلنا لك رجعي تقراااي مابغيتيش صفية: و صف واش نقرا بزز نضيع جهدي فالخاوي .. فوزية : تا نفكر ا صفاء.. الى كنتي غديري عقلك ندييك كنتي غتبقاي طرطاي و تشوهي بيا كلسي لرض صفية: واش كتهضري مع بعلوكة اصحبتي و صف .. الغد ليه ضربات العشرة ديال ليل بيبان الجوامع تسدو وتحلو فبلايصهم بيبان البيران{ نجمة الخليج } هزات عينيها فالبانو لي معلق و قراتها مزيان عارفة راسها فين حاطة رجليها و علاش عكس ختها لي جديدا فضومين شافت وحدة فالخرى و طلقو من يدين بعضياتهم كيستعدو باش يدخلو ...ياله غاترمي الخطوة وهي توقف وقالت كتشوف فالباب فوزية: كلا يضرب على عرامو {أشارت ليها براسها } راك داخلة الغابة فيها غير الدياب و القطاطعية يا تربحي بزاف يا تخسري كلشي {تمشات بجيهتها تا وقفات أونفاص معها وضربتها لصدرها } كوني ابنت ميمتي كي المنشار طالعة واكلة نازلة واكلة ...ماتخليش الماء يلعب بين رجليك عرفي راسك لادخلتي راك مغتخرجيش ولا خرجتي غي بصحتك عرفي خدوج راضية علك وديري فودنك فهاذ الكباري {هزات عينيها فيه ] كلشي فيه حلال (غمزاتها) إلا الحلال سمعات هضرتها مزيان و دخلت ليها مع العضام .... مع كل كلمة كانت كتقولها ليهاو كتعرف بلي خصها الكثير من الطاقة خدات نفس عميق و شافت فيها شوفات قاصحين كتحرك راسها بمعنى وخاااا وتلفتات كتشوف قدامها مبورشة من سمرة لكطيح صفية: البرد فرعنا.... ندخلو !!! تمشات قدامها وخلاتهاااا وراهاااا تا تبعاتها كتجريي.... مع حطو رجليهوم فالباب مع قلبها تخطف كانو أجواء غراب عليهااا المكان مضلم و عامر دنيا مضبة بريحة الكارو مخلطة بالشراب و الشيشة شداتها الخنقة ....مافيقتها من سهوتها غا ختها ليضربتها بكتفهاا وقالت كتنعت ليه جيهت واحد طبلة فوزية : واااا أراي ما عندك دبااا .....راك فنجمة الخليج بيني ليا شطراتك (عطاتها طريق باش دوز ) طلعي الفوق لبسي علك بعدااا ... هزات عينيها فطبلة لينعتت ليها و بان ليها الهدف .. كالس فطبلة حمرة كبيييرة على فوطايات و حداه ""القرع "" كيلحس ليه الكابة مصات على شفايفها و جبدت مسكة من صاكها ..حلاتها و لاحتها ففمهااا .... ضربات بشعرها اللور و تمشات قالبة طريقها حتى و وصلات للبيت فين كيبدلو البنات كان بيت طويل و كبير كلو مريات عامر بالبنات كل وحدا وأش كدير ها لكتبدل ها لكتماكي ها ليواقفة مع شي وحدا كتكركر كلا وفاش ملهيااا ...كان لبيت عامر كساوي مقح.بنين محطوطين فبلاصة بحال دريسينك ...تمشات تجاهوم وعينيها كيضورو على البنات بانو ليها شي كمامر كانت كتشوفهم غير فالمسلسلات التركية حتى لقات راسها وسطهم .. وقفات قدام لكساوي كتشوف معاهوم ودوز يديها عليهوم تا هزات وحداااا حطات على لحمها كتشوف كيجات عليها من لمرايا ○○○ القرع بارك كيجغم من كاسو وضحكة واصلة ليه تال ودنيه شئ لي مخلي سنة لمركب ديال دهب تلمع ففمو ...غي سمعو دوا معاه قرب عندووو مفافي ****** : مين راكاصة حك اليوم ؟ القرع: ( دوا فودنو ) اليوم مافي راقصه .اليوم محتفلين فيك الموظفين وجايبين لك الاشياء حقت بلادك. …: (بعدم فهم ) : كيف يعني ؟؟؟ القرع: (ضرب على كتفو ) ستنا رح تفهم هز يدو وصفق ....من بعد الحراكة ليدار طفاو اضواء الكباري تا هز حواجبوو بستغراب ...عاد شعل ضو خافت خارج من واحد البلاصة.. صغر عينيه مركز وهوا كيشوف بنات كيخرجو وحدة مور لاخرااا ... تاوصل عددهم لسبعة ....بداو كيقربو من جيهتو و خواو الدنيا قدامو ....جاو هوما بلباس دالرقص الخليجي لوطيم ليختارو لهاد ليلة بالمناسبة البنات شعرهم كحل بحال ضلام الليل.. فورمتهم منحوتة طوالات بداو كيتمايلو معاه على نغمات الدك السعودي.. هو غير ملي شافهم ردوه لذكشي القديم تاع بلادو بحالا ماعرت باش شرجاوه ...خشا يدو فجيبو وبدا يغرم بلانا يحسب …: شِووو هاالجمال..( شاف فالقرع لي لقاه كيضحك تال سنيه) تسلمممم وايدد وايد خلات تا كلشي عيا و سالا و نغزات حسام صفية: نوصل حداهم شعل الضوء و كاتعطلش دار لي قالت ليه و كيترعدد.. غير طفا الضوء كلشي تحلع و ماض من بلاصتو لكن سرعان ما شعل كلشي فيكيا عينيه عليها و ودنيه على الموسيقى .. بكل حب و شغف كتمايل و تهز جسمها و دور فبلاصتها و شعرها الاسود معاونها .. حتى من فوزية بقات مصدومة فيها.. واقف حداها حسام حسام: ويييلي بصح هادي ختكك فوزية( مبوطة) و الله مانعرف نسا جسمها و شعرها عينيه مفيكسين مع عينيها و سدرها البارز .. كيموت على الصغارات .. هوما عقللو و بفورمتها و عينيها قدات تجبد قلبو .. جر القرع من يدو …: ابيها اليوم عنديي نسا جسمها و شعرها عينيه مفيكسين مع عينيها و سدرها البارز .. كيموت على الصغارات .. هوما عقللو و بفورمتها و عينيها قدات تجبد قلبو .. جر القرع من يدو …: ابيها اليوم عندييي قشعااات فوزية التسلل و مافهمت والو حدها فهمات من عينيه انه تزعط .. خافت على ختها منو و من البلاصة لي جابتها ليها .. عارفة ختها كطير لكن مابغاتها تنعس مع تاواحد او تكون ملك لتاواحد … عقدات حجبانها و ولات كلها كترعد .. شافت فحسام و دوات بالزربة فوزية (بالخلعة) اش قاليييه؟؟؟ حسام: هاي هاااااي على البعلوكة … ضبرااات على راسها فوزية ( شنقات فيه ) تا اش قاااالييييه حسام: باااااينة بغااااهااا فوزية:( بتعجب) تاااا.. تاااا كيفااااش بغاهاااا؟؟؟ راها باااقة صغييييرة حسام ( بطنز) و راه دكشي لي كيعجبوو.. بانت ليك شي وحدة فهادوك لي كيشطحو ميمة؟؟ ردات البال لشنو قال و شافت فدوك البنات و فعلا الكبيرة فيهم عندها 21 سنة.. صفاء عاد كملت 18 باااقة صغيييرة على هادشي و واخا تكون كبيييرة مايمكنش تسمح بهادشي يوقع .. غمزها القرع باش تنوض و هي فرحااانة ماقاداها فرحة غطير.. مشات كتحلون بطرمتها قدامو و هو حاضيها ماكرهش ينوض يغت اصبها تما قدامهم .. كيعرق و ينشف و عااد طلعات ليه التبويقة دخلات للبيت لقات البنات كالسات كيتسمو منها و شي كيشوف فشي.. نقزات وحدة شهبة و عينيها خضرين ايمان: انت شكون قااالك دخلي اصلا … شافت فيها صفية و قلبات وجها مامسالياش ليها باغا تمشي تقلب على فوزية ايمان ( وقفات قبالتها موجهة ليها الهضرة ) راااه معاااك داااوية شكووون انت صفية ( قلبات عينيها ) سيري تلعبي ايمان ( دفعاتها من سدرها) : واش انت هبيلة؟ سولتك جوبييي عيات ما تميك ولكن باش تقيييسها هي لي ماتكووونش .. ماتزادش لي يحط يدو على بنت خديجة .. صفية( بطنز ): قستيني؟ ايمان( عاودات دفعتها و كتخرج فسدرها ) اااه قسسستك … ااااش غديريييي صفية ( هازة حاجب و مهبطة الثاني ) : امممم شنو غنديييير … و الى قتلك اش غندير تقدي دافعي على راسك؟ ايمان ( شافت فالبنات و بداو كيضحكو ) هههههههه نعم نعم يا ختشيييي؟؟ ههههه صحيحة زعما انت صفية : لااااا… غااا سولتك تقدييي؟؟ ايمان: واقلة باقة ماعارفة راسك معامن يا الله غتنزل عليها بيدها و هي تلويها ليها رداتها مقلوبة كتشوف فوجها بالمقلوب … بالخف هبطات ليها وجها كامل بضفراتها .. صفية: انا ابنت الق حبة مكنتكعكعش و الى قلت ل زبور مك غنح ويك هي غنح ويك.. كلشي دريات تجمعو باغين يسلخوها حتى سمعو ضربة فالباب خلات كلشي يرجع بلاصتو و يتكمش.. كانت هدى واقفة مخنزرة و من موراها فوزية كتقفقف و حداها حسام كيترعد .. حسام ( كياكل فضفرانو ) ويلي ولي .. خسرت ليها وجهااا( ضار شاف ففوزية) مشااااات لك الخدييييمة هي غير سمعت ديك مشات لك الخديمة مصارنها تقلبو فوزية( ضربت ففخادها) اويلييييي… الخدمة مشااااات؟؟ حسااام: صاااافي مشاااااتت قربات منهم مخنزرة ف صفية لي لاقطة غوباشتها بحالا مضلومة .. هبطات عند ايمان لقات وجها كامل مهبط و الددم فوجهااا.. ردات راسها كتشوف ف صفية هدى : شكون بدات قبل ماتجاوب كلشي البنات دواو و شهدو فيهااا .. ماخلاتش ليها الفرصة فين دافع على راسها ناضت شافت فالبنات هدى: ديوها ديرو ليها شي بوماضة .. دخلات فوزية و حسام واحد كيشوف فلاخر تا نطقت فوزية موجهة كلامها ل صفية فوزية: ياك اختييي( عينيها غرغرو بالدموع ) جاية نترزق الله وليتي قاطعة عليا رزقييي صفية: اختي واش عارفاني غنجبددد؟؟؟ هدى( بالغوات)اييييييه سكتوناااااا جرات صفية من كتفها هدى: زيدي قدامي نديك عند الشاف هو لي غيتفاهم معاك يا الله جاو يخرجو و هوما يبان لهم القرع واقف فالباب و من وجهو باينة قو دوها مجموعين .. هدى و حسام رجليها خواو بيها فوزية بدات كتفكر كيدير ترجع للكابلاج اما صفية كانت هي الوحيدة بي واقفة مرتاحة حيت بكل بصاطة عارفاه مغيدير ليها والو و مول شي طالبها عندو `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
