ليلة ليست ك باقي الليالي...ليلة غتقلب موازين عائلة "الغزواني" إللى التشويق و الغموض...العائلة للي معروفة بتقافتهم وهدوئكهم...معروفة بمرتبهم الراقية وب إسمهم العريق... حورية للي بقات فالغرفة لدقائق رجعات عندها نورهان وفيديها جبانية شوربة خفيفة وبنينة فنفس لوقت ، جلسات مع حورية كيتعاودو وواعداتها بلي غتعاونها ، نورهان من ديما قلبها طيب بزاف وكتبغي لخير لكلشي...هاد لبنية عزات عليها ومبغاتش طلقها ل الشارع تتعذب أكثر من عذاب طفولتها... أما فوزي ف بقى واقف فالجردة كيكمي ف سِجارة سخونة هبطات كاع داك لإنفعال للي كان شابك فيه..سالا وطلع مباشرة نعس فغرفتو...وهاكا غنكونو ختمنا يوم من الأيام العديدة للي جاية مستقبلاً وغنستقبلو شروق الشمس بكل حب وحماس ، وفل نقل... ●أصبحنا○وأصبحَ●الملكً○للله.... الساعة بالضبط 30 : 11 صباحاً...صبح الهاراج وأصوات الزاج مسموعه بوضوح... نورهان للي صبحات لابسة عليها غوب فالأحمر حد الركبة ومن لفوق جامعة شعرها الأشقر مع ميكاب ترابي جا معاها ومع جمالها الراقي...واقفة جنب باب المطبخ وكتحرك بأصابع أيديها ل لخادمات باش يحطو داكشي مقاد وفمكانو المناسب... أما حورية ف حلات عويناتها بشوية وناضت تقادات فجلستها فوق السرير كتستوعب حياتها للي مقلوبة مزال لحد لآن متيقات هادشي للي كدوز منو...وقفات وجرات فرجليها سندالة سامبل أرضية وخرجات من لغرفة بعد مالبارح لبسات عليها غوب فالليموني جاتها زوينة... ستامعات لصوت شاب مع صوت داوود للي كينطق من لاسفل بكلمات عالية ونزلات مع الدروش وهي شادة فشبيك حديدي طالع مزوق بإحترافية مع الدروج...غير هبطات وسعات عينيها مني بان ليها شاب فمقتبل العمر عاطيها بالضهر وبنت جنبو لابسة غير بودي فالقهوي"بُني" ولتحت شورت ديال التجينز مخليا كاع فخادها عريانين... وسعات عينيها وبقات واقفة مسمرة وغير كتشوف فشكل هاد لعائلة لغريبة حتى قفزها صوت نورهان للي نطقات ب... نورهان :(قهقهات كتشوف فعصام ودارت منتابهة لحورية للي واقفه من لور مبلوكية) بنتي حورية...(حركات يديها ليها من بعيد) زيدي لهناا عِصام :(وسع عينيه فنورهان ودار مبلوكي كيشوف فالبنت للي جاب هادي يومين واقفه بشحمها ولحمها لا ولابسة لك لباس راقي كلو أنوثة)...خالتي نورهان ، اشش..نوو باقا كادير هادي هناا،؟ حورية :(زادت مقربة لعندهم وهزات عيونها فداوود للي بتاسم ليها بعفوية)... نورهان :(بتاسمات لعِصام) ههههه كنت عارفه نتا للي جبتيها...بنتي حورية هادا عِصام ولد أخ راجلي داوود..(دورات عيونها لصوفيا) وهادي حبيبتو صوفياَ...هههه كنقولو ليها صوفي حيت صديقة لعائلة وقريبة لينا حورية :(تمتمات بخجل وهي كتشوف فعيون عِصام) أمم..ت..شرفين(حاولات تبتاسم لصوفي للي غير كتشوف بدون ولا تعبير) صوفيِ :(نغزات عِصام وهمسات حدا ودنيه بشوية)..شكون حورية همم...دوي عِصام :(عقد حجبانو وشاف فحورية بفضول)...لقيتك أحورية طايحه سخفانة فالشارع ، كون مانتابهتش ليك كانت غدوز عليك طونوبيل فداك الليل.. حورية :(ردات عليه بالخف) كون غير دازت(بتاسمات بحزن) نورهان :(توترات وشافت فداوون بحزن)...أمم..ولدي عِصام عاود عاود لله يخليك صوني لفَوزي ميمكنش نتغداو بلا بيه... عِصام :(تنهد بهدوء) صونيت ليك أنورهان 50 مرة مكيجاوبش ، باينة غيكون فشي إجتماع... نورهان :(حركات راسها بحنان ليه) عافاك أولدي غير عاود صوني...(شافت فحورية) ههه ويلي زيدي أبنتي جلسي(جرات ليها كرسي) أنا ليوم جمعتهوم باش نتغداو جميع ههه رتاحي حورية :(جلسات وهي مفاهمه والو...شافت عِصام خرج كيتمختر ل الجردة هاز لفون فودنيه وكيصوني وميلات عيونها ف صوفي للي متبعاه بعيون متوترة) متكدبش على راسها تاهي شدها لفضول قوي لهاد العائلة ، بساطتهم وطيبتهم غريبة...من ديما كانت كتضن أن العائلات الكبيرة بغنائهم كيكونو متكبرين وقلبهم أسود...لكن العكس صحيح ، الناس الفقراء هما للي أغلبهم مكيرحمش...يمكن خدات هاد لفكرة على "باها" للي مفقلبوش الرحمة...لحد لآن مخلية الحياة تلعب بيها كيف بغات كِفاية داكشي للي دوزات.... هزات عيونها بالخف بان ليها عِصام راجل مخنزر ، عرفات بأنه مجاوبوش...بتاسمات بفضول حيت قدرات تحلل داكشي للي طرا...شافتو جر نورهان من يديها وخرجها لبرا بسلاسة ودارت كتشوف ف صوفي للي جالسة جنبها فكرسي... حورية :( بصوت أنثوي كلو عفوية بعفوية)...صوفياَ سميتك زوينة صوفي :(شافت فيها بدون ردة فعل وحولات عينيها فيها ووقفات مبعدة كتخطو بطالونها وفخادها العاريين) خلات حورية مبلوكية وحشمانة بزاف لدرجة حسات بالحقرة...رمشات وبقات كتشوف فيها من بعيد...معرفات

تتمة البارت