.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `فيلة عائلة العلمي فجردة جالسين بتلاتة بيهم من بعد ما رجال كل واحد وفين مشى يقضي شغالو جالسة وغير كتسوط بملل متكية على لكورسي ورجليها فوق كرسي اخر كتشوف ماماها سامية كتدوي فالوتساب مع صحابتها ومرت خوها أميمة كتفرج فالانستغرام حطات لكاس بجهد فوق طبلة ديال زاج حتى دارو لعندها بجوج سامية:هرسيها نتي حسن...مالك من صباح ونتي تسوطي أماني:وماما وراه قنطت حتى تليفون هرستوه ليا سامية:على فعايلك زينين ابنت كرشي أماني:[وهي كتغبن] و ماما عفاك ديري شي حاجة نتي بابا كيسمع ليك سامية:[حمرات فيها مزيان] اشوفي اديك الشيطانة انا ما غنولي نهدرليك مع حتى واحد درتيها زوينة على بسلامة نتي خليتي بلاصتك نقية مع باك هادي هي نمشي نقرا شنو صدقتي مشيتي****من ليوم ما دخلينيش فمصائبك أماني: دابة غتبقاو تجبدولي هاد الموضوع فكل مرة صافي ياك طلبت سماحة اش بغيتو كتر سامية دارت شافت فأميمة لي ساكتة وحاطة يديها على كرشها ونطقت:قالتلك طلبت سماحة دابة نتي يسحابك درتي شي حاجة بسيطة دغيا كتنسى نتي ما شفتيش كيف كان ملي وصلو لفيديو أماني تقادات فالجلسة وقربات جيهة مها:ماما نسيت نسولك شكون هدا لي صيفط لفيديو لبابا سامية:ما عرفت ليه كنا جالسين صحة سلام حتى وصل داك لعجب شوفي نتي معامن كنتي حتى صوروك أميمة:مهدي قالي بلي شي واحد معاك فالجامعة حتى هو كان فداك لملهى لي كنتي فيه وصورك ولكن ما عرفش شكون أماني سهات كتفكر شكون ممكن يكون هدا لي صورها زعما تكون ليلى "لا مستحيل ديرها" "شنو زعما خالد....لا هو ما كيعرفش بابا" بقات شحال كتفكر والو ما عرفتش شكون هي علاقتها كانت محدودة كتعرف فقط ليلى وخالد وهما مستحيل يديروها بقات ساهية حتى سمعات صوت مها كتهدر.. سامية:مالك فاش كتفكري أماني:والو ماما انا غنطلع لبيت لفوق.. طلعات وبالها مشغول بشكون هدا لي صيفط لفيديو...حمدات ربي لي خرجات ليها هكا وباها ما قتلهاش هو يسامح فكولشي الا فسمعة ديالو وكرامتو تمرمد فالارض ومني ما دارش فيها شي عاهة دائمة راه الحمدلل هاد نهار كلو بقات غير فبيتها ما خرجاتش حولات تلهي راسها كانت 10:30 دليل كانت متكية وحداها سقاطة كتفرج فواحد المسلسل صيني اسمو "حب لا ينسى" حتى دخلات عليها أميمة وفيديها صينية فيها سندويتشات و العصير أميمة:جيت نجلس معاك بحال ديما مسموح. أماني:دخلي دخلي لقيتيني كنتفرج فهاد لمسلسل واعر بعدات ليها باش تجلس تكاو بجوجهم فوق سرير كياكلو من سقاطة ولي ساندويتش أميمة: ياختي باقي مبلية بالمسلسلات أسيوية...شنو لقصة ديال هاد المسلسل... اماني كدوي وكتمظغ:كيدوي على واحد رجل الأعمال لباسٌ عليه عندو ولد و واحد طبيبة كيتزوجو فالاول على قبل الولد ولكن مع الوقت كيوليو يبغيو بعضهم...شوفي لبطل شحال بگوص واخا عاجبو راسو وعنيد أميمة ميقات:اوا صافي يتزوج بيها على قبل ولدو أماني:اشنو فيها وزايدون لوليد كيرتاح معاها وحتى هي كتبغيه بحال ولدها وكتبغي حتى باه[بقات كضحك] أميمة وهي كتنقي زريعة:دابة نتي تزوجي بواحد عندو ولد وكان مزوج من قبل...تقبلي انك تكوني ام وزوجة فنفس لوقت.. أماني بقات كتفكر وهزت كتافها:عادي الى هاد راجل قدر يخطف قلبي ويخليني نبغيه وحتى هو يكون كيبادلني نفس الشعور علاش لا نتزوج بيه ونكون ام لولدو أميمة:سيري سيري دابة نشوفو حبيبتي الواقع ماشي هو المسلسلات...نتي باينلي اترو عليك المسلسلات بزاف اماني: اصلا انا باقى صغيرة على زواج أميمة:اممم صغيرة على فم سبع.. أماني شافتها طلعاتها وهبطاتها: ما عرفت خويا شنو عجبو فيك... أميمة ردات شعرها لور بتغرور:ومالك خدا زين وتباتة والعقل و...[غمزاتها] وداكشي... أماني:ييييععع عقلك موسخ...نوضي سيري لبيتك ايجي راجلك يبقى ينگر فوق راسي أميمة:لا لا حبيبي مهدي قالي ما جايش هاد ليلة عندو خدمة مهمة أماني ضحكات ضحكة ديال شيخات:يااااك اوا شنو هي هاد لخدمة لي كاينة بليل[شافت فيها بنص عين] باينة خدمة ضرورية ومستعجلة أميمة:هاديك اه شنو كتقولي...عارفة شي حاجة ياك قوليها أماني هزات كتافها :ما عرفت ياك هداك راجلك حبيبك ونتي تعرفيه حسن مني أميمة حيدات ليها لكاس من يديها وحطاتو بعيد:لا غتقوليلي كيعرف شي وحدة ياك...كيخوني بقات كدمع عليها دارت شافت فيها وهي مصدومة أماني:اويلي واش هبلتي أميمة ولا مالك...وراني كنضحك معاك الحمقة والو تقول واش بغات تسكت بقات تبكي ومع الحمل والهرمونات مخربقين كملو عليها دخلات عليهم سامية وقفات كتشوف فيها سامية:أميمة مالك عوتاني كتبكي ابنتي أميمة مشات لعندها:خالتي بنت قالتلي بلي مهدي كيخوني...ياك هي كتكدب ياك دارت شافت فبنتها داك شوفة ديال والله لا بقات فيك سامية:اويلي على لهبيلة وتيقتيها...ونتي حنات هزات صندالتها ولاحتها عليها سامية:والله يا والديك لا بقات فيك ما حشوماش عليك تكدبي على لبنت وهي واحلة فروحها أماني مخبية من مور لمخدة:والله حتى كنت كنضحك معاها هي لي غير على سبة بوحاطية أميمة كتبكي وتغبن:شفتي اخالتي شفتي كتقولي بوحاطية سامية:صافي سكتي أميمة ما تديش عليها واش نتي بعقلك كتيقيها..ياله سيري لبيتك رتاحي راه صونالي مهدي واحد شوية ويجي مسحي دموعك أميمةبفرحة:بصح اخالتي...انا غنمشي نتسنى حبيبي خرجات من لبيت كطير لبيتها. سامية:بغيت غير نعرف وجهك هداك ولا قفاك ما كتعيايش من المشاكل بقاتليك غير مرت خوك تعصبيها والله ديك ساعة لا فكيت منو أماني:وصافي شحال زدتو ياء ماشي حاملة بوالي العهد... سامية لاحت ليها واحد لبواطة:شدي هاكي..وقصري داك لسان عندك راه خاصو يتقطع أماني مشات لعندها كتجري هزت لبواطة كتشوف فيها وهي فرحانة أماني:ياااه تليفون...شكرا اماما سامية:ماشي انا باك لي جابوليك...شفتيه واخا درتيها قد راسك قلبو حن من جيهتك الله يرضي عليك ابنتي براكة من المشاكل واش حتى كبرنا عاد نبقاو تابعينك من موصيبة لموصيبة ديري عقلك أماني عنقاتها بقوة غمضات عينيها ونزلت دمعتها:سمحليا اماما ما غنوليش نعاود سامية ربتات على ظهرها:الله يرضي عليك...[ بعدات عليها]ياله سيري تنعسي تصبحي على خير دخلات سامية لبيت شافت فبراهيم لي كان جالس فوق ناموسية ومتكي على ضهر سرير لابس بيجامة ديال نعاس ساهي وكيفكر.. جلسات حداه ساميةوهي لابسة حوايج ديال نعاس فوقهم پينوار حريري طويل حطات يديها على كتفو سامية:براهيم مالك ساهي واش عندك شي مشكيل فالخدمة؟! براهيم حيد نضاضرو ونطق:اودي يا سامية مصاب لو كانت لخدمة لي شاغلني هي أماني سامية عقدات حجبانها:مالها أماني.. براهيم:هادشي كامل وما بانليك والو لبنت راها كتكبر ومزال ما بغات دير عقلها انا راه صافي تسالاولي معاها...وليت كنفكر اول عريس يجي يخطبها نعطيهاليه بحال والو الى تزوجات دير عقلها سامية:براهيم شنو كتقول لا اكيد كضحك واش باغي تلوح بنتك لأي واحد عندك لحق هي فيها المشاكل ولكن عوتاني حتى نت ما ضلمهاش وزايدون هي باقي صغيرة..[شدات فيديه] عفاك براهيم عنداك ديرها براهيم تنهد:نعسي ياهاد لمرا نعسي اصلا شكون لي غيقبل عليها لي غيديها غايدي خطية لدارو تقاد فبلاصتو تغطى ونعس بقات سامية كتشوف فيه وهي خايفة يمشي يديرها بصح سامية:و براهيم قولي ما غديرهاش ياك راك خلعتيني براهيم وهو مغمض عينيه: وا غير نعسي كيف شفتي بنتك الخطاب دايرين صف عليها فلباب سامية:و قولي صافي ما غتزوجهاش براهيم تنهد وغطى راسو ما جوبهاش سامي تقادات فبلاصتها وهي نوعا ما مطمنة حيت عارفاه ما غيقدرش يديرها فيلة المنصوري العائلة لي كانت مجموعة كان خو الحاج قاسم ومرتو و ولدهم عماد تعشاو هاد ليلة مجموعين...رجال لي بعدما سالاو لعشا خرجو لجردة يجلسو ويخليو نسا حتى هما ياخدو راحتهم فلهدرة فاطمة:والله بقات بلاصت جيهان كون غير جات لطيفة:اوا راك عارفة راجلها غيسافر وهي كتمشي معاه ما يقدرش يخليها بوحدها فدار اما حتى هي توحشات عثمان جات منانة وحطاتو صينية فيها اتاي فوق طبلة لي كان عليها بلاطو ديال الحلوة والمكسرات فاطمة:جلسي معانا امنانة رتاحي من صباح ونتي واقفة.. جلسات معاهم وهي كتخوي اتاي نطقات لطيفة وهي كتنقب من اللوز:اوا اختي فاطمة ها عثمان رجع شنو ما ناوياش تزوجيه ضحكات فاطمة وهي تنطق:الله يا لطيفة وقداش قلتيها عثمان يتزوج منانة:والله حتى قلتهاليها قالت ليك لا ما يبغيش اودي غير جيبوليه شي بنت زوينة وصغيرة وشوفي الى ما يبغي ولاد ليوم كيحماقو على صغر وزين فاطمة:انا ما دابيا نمشي نخطب ليه زينة لبنات اودي غير يوافق لطيفة:اودي راسهم قاصح كون تشوفي زغبي لي عندي منانة:شكون عماد لطيفة:اه المسخوط لقيت ليه واحد لبنت شهوة منها فاطمة وهي كتجغم من اتاي:شكون هي كنعرفوها لطيفة:كتعرفي عروسة ختي نجاة فاطمة هزات راسها ب اه لطيفة:اوا عندها واحد بنت خوها ياختي يا فاطمة وعلى بنت شغانقوليك زين والفورمة وشعورات فاطمة:نتي شفتي غير غير لفورمة وزين لطيفة:حيت عارفة العفريت لي عندي يموت فزين..اوا دويت معاه قالك والو ابدا واش يتزوج ودابة هدا شنو خاصو لمسخوط كيضل تابع الموسخات كنخاف غير يمشي يجيبلي شي مونتيف ونوحلو معاه...قالك ابدا ما يتزوجش وهاديك لي غيبغيها هو لي غيختارها منانة:اوا لالة لطيفة دري ماشي هو لبنت تبززي عليه يتزوج خليه لطيفة:والله لا فلتها ليه لبنت غزالة تحطها على جرح يبرا والله ما يدي غيرها فاطمة:اوا انشاءلله انا عثمان كنخاف نجبد ليه سيرة زواج ويتم جامع حوايجو وما نعرفو فين صد ما رتاحيت حتى رجع لطيفة:اوا صافي خليه حداك ولادنا كامونين الى ما حكيتيهم ما يعطيو ريحة نتي غير شوفي لبنت وهدري معاه والله حتى يقبل فاطمة:اوا صراحة انا ما كنعرف حتى وحدة باغية زواج ولكن نشوف...اودي المشكيل ماشي فبنات ناس لبنات موجودين ولدي لي خضر وراسو قاصح لطيفة:علاه شكون لي ولدو نتي ولا هو لي ولدك غير بالحيلة حتى تزوجيه وانا براسي والله هاد لبنت لا فلتها لعماد هي لي يدي.. على برا فجردة كان الحاج قاسم وخوه محمد جالسين فجهة كيدويو وعثمان و عماد واقفين بعاد عليهم عثمان:املك اصحبي عماد:اودي لو كان تشوف شنو دارت لي الواليدة عثمان:شنو دارت عماد:قالك بغات تزوجني.. عثمان لي ضحك عماد:ضحك غير ضحك بلحق والله لا كانت ليها فأخر ايامي نتزوج وحدة ما كنعرفها ما كتعرفني وأصلا ما ناويش نتزوج مرتاح سليباطير طفروه لي تزوجو عثمان حط يدو على كتفو ضرب عليه:اوا اسيدي مبروك مدام مرت عمي قررات تزوجك صافي راك غتزوج عماد دفعليه يدو:اممم كضحك عليا دابة نت...واخا دابة نشوفوك نت عثمان:انا تزوجت دوزت لي قسملي الله فحقي براكة عليا.. عماد:دابة نشوفو ها وجهي الى زوجاتك خالتي فاطمة شفتي غير هاد لجلسة لي جالسين لداخل تلقاهم كيتفقو شنو يديرو فالماكلة ديال لعرس ديالي وديالك عثمان:[بنبرة رجولية حادة] داك نهار عمرو يكون... فيلة المنصوري توادعو مع العائلة لي مشاو بحالهم وكل واحد دخل لبيتو ينعس فلبيت عند الحاجة والحاج.. فاطمة لي كانت جالسة وساهية شاف فيها قاسم مستغرب من سكاتها وقف قبالت لمرايا وهو كيحيد ساعتو وكيهدر معاها قاسم:اسبحان الله الحاجة سهيتي...ياكما غرقو ليك لبابر فاطمة تنهدات:وراه غرقو نيت. قاسم:مالك اشكاين.. فاطمة:أجي جلس أجي عندي ما نقوليك.. هو لي جلس حداها وجمع يديه عندو كيتسناها تهدر قاسم:هاني كنسمع فاطمة: هانتا سمعني وعطيني ودنك قاسم:كملي فاطمة:كيف جاك عثمان...زعما بغيت نقول ماشي جا لوقت باش يبدا حياة من جديد قاسم ضيق عينيه فيها بحال الى فهم شنو بغات تقول فاطمة:انا بغيت نزوج عثمان ونفرح بيه[زربات عليه قبل ما ينطق] انا عارفاك حتى نت باغي تفرح بيه وتشوفو عايش حياتو انا كنقول هادي هي الفرصة هدر معاه نت قاسم:شفتك كدوي بحال الى كتهدري على شي عثمان وحد اخر ماشي ولدنا افاطمة واش بعقلك راه والله مايبغي ياكما بغيتيه يولي يجمع حوايجو ويمشي بحالو فاطمة:اوا وشنو غيبقى حياتو كلها هكا هو راه باقي صغير مرتو ايه الله يرحمها ويغفر ليها ولكن صافي حياتو ما غتحبسش وداك لبنية محتاجة ام اقاسم قاسم تنهد:اودي افاطمة غير كتخربقي وصافي وراك عارفاه فهاد لموضوع عندو جواب واحد وهو لا..انا براسي بغيتو يبدا حياة من جديد ويدير دار ويكون أسرة لكن الغالب الله ولدك راسو قاصح كي لحجر فاطمة:اممم قول خايف تهدر معاه...ياك نت باه وكيحترمك قاسم:ياااك الالة اوا هدري معاه نتي ياك حتى نتي مو ولا فاطمة:غنهدر معاه ولكن حتى نت تكون معايا ما نقدرش ندوي بوحديتي قاسم: واخا الالة وهاد لبنت لي غيتزوج بيها لقيتيها فاطمة:لا باقي بغيت نهدر معاه هو الاول ونقنعوه وعاد نقلب على شي وحدة لي تناسبو ويناسبها. قاسم: اهاد لمرا نتي غير كتجمعي مع لطيفة كيطحو عليكم شي افكار غير الله يستر وصافي فاطمة:سير سير غير حيت كنفكر فمصلحة ولدي قاسم:اوا يكون خير انشاءالله تكا فبلاصتو وحتى هي تخشات فالمانطة درات لعندو فاطمة:قاسم قاسم:انعام باقي حاجة اخرى عوتاني فاطمة:امالك اهاد راجل ولات فيك لهدرة.. قاسم:وراه مشى لحال ليل هدا وفيا نعاس...ياله هدري شكاين فاطمة:بغيت ندير صداقة على رجوع ولدنا ونيت شحال ما تجمعات العائلة نديروها ونعيطو لناس لي قراب اش قلتي قاسم:ديري لي بغيتي نعسي خليتي نعس حتى لصباح.. كل واحد قلب راسو لجهة ونعس ✨ أصبحنا وأصبح الملك لله ✨ صبح صباح جديد كان الجو غزال شميسة دافية وهوا خفيف كان الجو معتدل فدار عند السي محمد كانو جالسين كيفطرو عماد لي كان كيفطر وتليفون فيدو كيتميساجا مع لبنات وكيضحك ولطيفة غير كتشوف فيه مضيقة عينيها غتموت بالفقصة لطيفة: حط داك لمشقوف وفطر كي ناس ونت نهار ومطال خاشي وجهك فيه عماد:ها حنا حطيناه...اشكاين ا لطيفة شنو باغة تقولي راني حاضيك من صباح ونتي كتشوفي فيا لطيفة:الله يمسخك...زعما نت ما ديرش عقلك عماد حط لفورشيط من يديه:اوا هااحنا غنبداو...الوليد واش ما كتعيايش وا قلت ليك ما بغيتش غتبقاي دوري وترجعي لنفس لموضوع...لواليد هدر حتى نت محمد لي هز ليه كتافو بمعنى ماشي شغلي وهو عيني على جورنال ما مسوقش لطيفة:بغيت غير نفهم علاش ما باغيش تزوج حتى نت ودير دارك قرانك بوالدهم ولا عزيز عليك لوسخ والحاجة المشروكة فينما كانت شي وحدة رخيص عليها راسها كتعجبك...ولحلال والو ما ديروش ولا عزيزة حاجة الحرام. لطيفة:بغيت غير نفهم علاش ما باغيش تزوج حتى نت ودير دارك قرانك بوالدهم ولا عزيز عليك لوسخ والحاجة المشروكة فينما كانت شي وحدة رخيص عليها راسها كتعجبك...ولحلال والو ما ديروش ولا عزيزة حاجة الحرام.. عماد:و براكة الوليدة اشدانا لهاد لهدرة عوتاني لطيفة بدات كدمع وتبوحط:صافي اوليدي صافي دابة عاد عرفت راسي ما كنسوا عند والو.. شافت فيه بنص عين هو لي شاف فيها مطول زفر بقوة عماد:شكون هي الوليدة واش من العائلة لطيفة وسعات عنيها:اربي ربي اوليدي.. عماد:ياله كنتي كتبكي صافي مشاو دموع لطيفة:اوا صافي اعماد...هانتا عروسة ديال خالتك نجاة هادي بنت خوها بنت غزالة من داكشي لي كيعجبك عماد ضحك بسخرية وهو كيسمع ليها لطيفة:باقى صغيرة عندها 20 عام واليديها عايشين فمدينة صغيرة بعيدة وجات لهنا كتكمل قرايتها وجالسة مع عمتها وانا شفتها وتمينتها ليك اوليدي...اشنو نهدر معاهم نمشيو نخطبوها عماد ناض وقف وهو ينطق ببرود:لا....ما غنتزوجش خرج وخلاها مصمكة عندو هو لي كان نازل لابس ومقاد وهاز فيديه لكونة ديال بنتو كيضحك معاها عثمان:صباح الخير عليكم هما لي كانو جالسين على طبلة كيفطرو شافت فيه فاطمة فاطمة:صباح الخير اولدي...صابح تبارك الله ناشط نغزات الحاج باش يهدر عثمان:لي مصبح على هاد الفنكوشة ما ينشطش كبات ليه كاس ديال لقهوة بدا كيرتشف منها وبنتو حاطها حداه فوق لكرسي قاسم:فين غادي واش لخدمة عثمان:اه الوليد عندي ليوم اجتماع الى كتاب ديك صفقة ديال داك الارض ليوم نوقعوها قاسم:الله يرضي عليك اولدي عيات فاطمة:تنغز فيه باش يبدا لهدرة والو فاطمة قربات لعند الحاج:قاسم وهدر مالك ساكت قاسم:حتى لعشية ما سمعتيهش عندو اجتماع مهم خليه حتى يرجع لعشية وديك ساعة نهدرو معاه عثمان:ياك لباس الوليدة اش كاين فاطمة:لا والو اولدي غير لقيتينا كنهدر مع باك على صداقة لي غنديرو عثمان حك لحيتو:اشمن صداقة؟ فاطمة:اوا ولدي جيتي من بعد غياب طويل قلت نديروها ونعيطو لعائلة وصحاب ونتجمعو وصافي عثمان:مزيان إلى خصاتك شي حاجة قوليها لي... حنا باس بنتو وباش على راس الحاج والحاجة عثمان:هاني غادي تهلاو... خرج وهو تيقاد لافيست ديالو ركب فسيارة ومشا لخدمتو... فاطمة:لحاج نت لي عول عليك عول على لخلا.. ناضت لكوزينة وخلاتو فالشريكة... وقفت طموبيل من نوع پورش فالزرق نزل منها عماد لابس سروال كلاس فالباج وشوميز فلزرق مغلوق ونضارات على عينيه تم داخل وكيوزع الابتسامات على الموظفات وهو هما كيضحكو معاه مشى عند سكرتيرة عماد:صباح الخير ازين...عثمان جا ولا باقي. سكرتيرة بإبتسامة:لا مزال ولكن راه ياله تصل وقاليا نخبرك توجد راسك على الاجتماع عماد:اممم اوك زين تهلاي[غمزها وزاد] غمز السكرتيرة وهي بتسمات ليه بميوعه ومشى دخل لمكتب ديال عثمان ياله غيجلس يتسناه حتى تحل الباب و دخل عثمان عثمان:[متعجب] شي حمار مات....السي عماد جا قبل مني لشركة شي حاجة تما عماد تفطح فوق الفوتوي:اوا شفتي اصحبي كتحگرني بلحق ليوم نعجبك فالاجتماع عثمان شافت ساعتو وهو ينطق:ياله نوض تگعد الاجتماع غيبدا ياله ... ناض عماد هز ملف كان فوق الطابلة وهز لابتوب ديالو وخرجو بجوج.... عندها هي لي كانت جالسة فجردة فواحد الفتوي بحال المرجوحة قبالت المسبح و كتبقشش فتليفون دخلت الانستغرام وصيفطات لصحابتها ودراري لي كتعرف كاملين كانت كدوي ميساجات مع واحد صاحبتها كتعرفها هي فنفس المدينة "سارة:اوا رجعتي وما سولتيش فيا ولا صافي بدلتيني.." أماني:اشمن بدلتك لوكان تشوفي شنو وقعلي ما تقوليش هكا. "سارة:اش وقع ليك.." أماني:ماشي بابا عرفني كنت كنخرج نسهر بليل ورجعني لدار وحبسني ما نخرج ما والو حتى تليفون منعو عليا ياله ليوم عطاهلي. "سارة:ياختي سمحيلي واليديك عقليتهم قديمة..اويلي شنو فيها إلى خرجتي" أماني:سارة واليدي هادو كتهدري عليهم هكا.. "سارة:اممم صافي صافي ما تقلقيش....كنت غنقوليك تخرجي معانا هاد ليلة ساعة ما غيخليكش باباك [صيفطات ليها ايموجي] 😉" أماني:فين غتخرجو "سارة: عيد ميلاد واحد دري معانا فلكليكة وصراحة كولشي كيسول عليك...ولكن خسارة نتي ما غتكونيش معانا" بقات أماني كتشوف فالميساج مطولة وتنهدت أماني:بففف انا قنطت وهاد زمرة بلعاني كتفقصني. طفات تليفون حطاتو بنترة حداها وربعات يديها ما عجبها حال... اوا لعشية تعاشات والشمس غربات كانت جالسة فاطمة شدا تليفون فيديها كدوز نماري وحداها منانة كتفكرها الى نسات شي واحد منانة:عنداك تنساي مرت السي براهيم لالة سامية ومرت ولدها فاطمة:ايييه غنعيط عليها دابة دخلات لوتساب وصونات عليها فاطمة:سلام عليكم ختي سامية لباس عليك "سامية:اهلين الحمدلله اختي فاطمة اش خبارك نتي لباس عليك واحد الحاج كولشي بخير " فاطمة:حمدلله والشكر لله كنسلكو "سامية:على سلامة ولدي عثمان قالهالي براهيم لبارح كنت غنعيط ليك وتشغلت" فاطمة:الله يسلمك ماشي مشكيل...انا على هاد هادشي صونيت ليك "سامية:الله يسمعنا خير.." فاطمة:كل خير اختي مهم مرحبا بيكم عندنا نهار جمعة انشاءالله دايرين صداقة نجمعو فيها لحباب وصحاب وضروري ما تجي وتجيبي عروستك "سامية: انشاءالله نجيو راه حتى أماني راها هنا جات حتى هي" فاطمة:اوا مزيان جيبيها معاك...عنداك تنساي نهار جمعة هادي بعد غدا كملات معاها لهدرة وتوادعو فاطمة دارت لعند منانة كتكمل معاها لعراضة لشركة عثمان وعماد لي خرجو ناشطين عثمان:مبروك علينا اساط عماد:اش قلت ليك عول عليا... عثمان لي ضربو على صدرو:ما نخافش عليك سبع.. عماد:هي نمشيو لشي قنت نحتافلو... عثمان:لا خاطيني لقنات ديالك عارفهم عماد:و صحبي اش فيها ياله نشط ونسى لهم وعيش لحياة عثمان حل باب طموبيل:عيش الحياة غير نت ستغل لوقت قبل ما تزوجك لطيفة هههه[شير ليه بيدو بمعنى تهلا] حرك طموبيل ومشى وتبعو عماد حتى هو.. هو لي وقف طموبيل عطا سوارت لعساس ودخل لقى فاطمة باقي مرونة عثمان:السلام عليكم...مالكم على هاد روينة اش هاد الماعن فاطمة:على سلامتك اولدي...هادو جبدناهم على حساب صداقة.. عثمان:مزيان فوقاش غتكون فاطمة:نهار جمعة مور صلاة عنداك تمشي لشي بلاصة ضروري تحضر عثمان:ضروري انشاءالله...انا غنطلع نور فبيتها فاطمة:اه ولدي راني وكلتها وحطيتها لبلاصتها...طلع حتى نت بدل وهبط تاكل مشا عثمان طلع لبيتو دوش عليه وبدل حوايجو كان لابس شورط وتيشورت وصندالة ديال صبع هبط لقاهم جمعو داكشي وكيحطو فلعشا جا الحاج قاسم وتجمع كاملين على طبلة قاسم:اوا الحاجة اش درتي فالعراضة فاطمة:راني عيطت انا وعرضت على ناس بقى السي براهيم هدر معاه نت عيطت لسامية قاسم:اممم مزيان دابة نهدر معاه فاطمة شافت بنص عين فعثمان:قاسم صاحبك السي براهيم عندو بنت سميتها أماني ياك قاسم:اه عندو ولكن على حد علمي راها كتقرا فشمال فاطمة:وراها جات قالتهالي سامية...ما عارفش شحال يكون فعمرها زعما تكون كبرات شحال ما شفتها كتهدر وعينيها على ولدها لي كياكل وماكينش فهاد العالم قاسم لي هز راسو بلا حولا:ما عرفت حتى ما شفتهاش هدا شحال...لبنت صغيرة افاطمة [حرك ليها راسو بمعنى غير خوي بالك] عثمان:علاش عمي براهيم عندو بنت فاطمة:اه اولدي عندو بنت هي صغيرة عثمان هز راسو بمزيان بقات فاطمة كتفرك صباعها وكتحاول تجبد لهدرة مع عثمان ساعة هو ناض قبل ما تنطق فاطمة:ما كليتي والو.. عثمان:لا شبعت حمدالله تصبحو على خير.. مشى وخلاهم جالسين قاسم:داكشي لي كتفكري فيه غير خوي بالك منو البنت صغيرة و اصلا ولدك ما يبغيش فاطمة:انا غير سولت... فمكان اخر وقفت طموبيل حدا واحد المطعم وهو ملهى نزل وهو كيدور عينو عطى سوارت لگارديان وتم غادي ودوك لڤيدور لي فلباب كيرحبو بيه وعلاش لا وهو كليان مهم وديما كيجي حتى ولا معروف عندهم. دخل وهو كيدور عينو كيقلب على الجديد ساعة والو نفس الوجوه جا عندو نادل ومشى معاه لطبلة لي كيجلس فيها ديما تكى على الفوتوي ونشر بادرو وعينو بحال صقر غير كيدورو عماد:بففف هاد لقنت حماض خاصني نبدلو.. جا عندو نادل و فيدو صينية فيها مشروب وبعض المكسرات فواحد طبلة ما بعيداش بزاف عليه فجنب حداه كانت عامرة بالبنات عاطينها لضحك وكاينة لي كتشطح فبلاصتها وكاينة لي غير كدور فداك لعينين لي عندها كتقلب على تقضي معاه ليلة شوية جاو عندهم شي دراري وجلسو مجموعين هي لي كانت جالسة لقنت ديال الفوتوي بقوة ما لي يجي يكحزها ضحكات وحدة من لبنات واحد ضحكة ديال شيخات...الضحكة لي تسمعات حتى لعندو هو لي دور راسو بملل يشوف شكون هاد ختنا حتى ستقرو عينيه على وحد لي كانت لابسة لكحل كان باين فيها ما مرتاحاش فلجلسة ناضت جمعات لوقفة غير وقفات وقف قلبو معاها من داك لخير لي هازا عماد:بشااااخ و بياسة جديدة هنا... غير ناضت لبنت. قلب تهز معاها ولكن صراحة تقال لبنت هزا ما هاز قلبو و زايداها لابسة سروال كحل واسع معاه بلوزة من لفوق عندها غير كم واحد كرشها كتبان شوية فورماها كانت بحال شي دبدوبة وقصيورة ولكن كيوت اما شعر لي كان طويل ومبوكلي هزات صاكها وهو حاضيها مضيق عينيه فيها حتى دازت من قدامو دور وجهو وهو يبان ليه واحد راجل فالاربعينات غير شافها ناضت وهو ينوض تابعاها ضحك عماد وهو ينزل على داك لكاس حتى تخوا عليه شوية من لمشروب على صدرو عماد:اووف ناض غادي لحمام دخل وهو يحل صدايف ديال شوميز حيدها ومسح صدرو بلما ونشف بكلينكس ورجع لبس شوميز وهو كيسد صداف حتى سمع صوت بنت كتغاوت مع شي واحد ضحك عند بالو شي وحدة كدابز مع شي كليان ساعة مني خرج وهو يبان ليه نفس راجل لي شافو تابع ديك لبنت واقف عليها ولا شاد ليها فيديها كيحاول يتقرب منها وهي كتنتر منو ****: طلق مني...بعد مني ولا غندير ليك شوهة الرجل:بربي لا طلقت منك ليلة غتمشي معايا..انا ترفضيني بقات كتنتر منو ولكن والو ياله جا يحط يدو على شعرها حتى حس بيدو رجعات لور وغوت بالحر//يق الرجل:أطلق طلق مني عماد لي ما حتاجش شي قوة باش يبعدو حدو دفعو وحيت خونا مسكين شاارب ما قد حتى ينوض من بلاصتو بقى تم كيغوت ويعربط حتى دخلو واحد جوج قدهم قداش هزوه من تم وخرجوه...هو لي دار شاف فيها كانت على الأرض كتجمع داكشي لي طاح ليها من صاك غير حنا طرما//حتها لي برزات اوا عماد لي عينيه لمعو وكيخرجو منهم لقلوبة عماد:حمحم نتي بخير ما دار ليك والو.. هزات فيه راسها وياريتها ما هزاتوش دوك لعينين لخضرين مشفرين حنيكات مطبزين شفايف كيف الفريزات بلع ريقو وهو كيشوف فيها هي لي نطقات بداك صوت الهادئ ****:شكرا اخويا غير سمع داك خويا وهو يرجع لواقع عماد:لا ما كاين حتى مشكيل...محتاجة شي مساعدة ****:لا شكرا انا غنمشي بحالي...شكرا مرة أخرى هو لي هز ليها براسو بقى متبعها وهي كتمشى قصيورة وفنكوشة حمقاتو ضحك على راسو مشا لطبلة حط لخلاص وهو يخرج بقى واقف كيتسناهم يجيبو ليه طموبيل هي لي كانت واقفة حدا شارع كل شوية كتشوف ساعة وهي متوترة ****:اوف منك اغزال اووف تعطلت ليوم عمتي تصبني بقات كتحاول تشير على طاكسي ولكن والو ما بغاوش يوقفو ليها على عكس طومبيلات لي كدوز كيكلاكسونيو عليها جمعات يديها لعندها من البرد حتى حسات بطموبيل وقفات عند رجليها شافت جهتها بإستغراب ياله غتبدا تعاير وهو يخرج ليها راسو عماد:واش تبغي نوصلك... غزال:لا خويا شكرا دابة ناخد طاكسي عماد:راه ما غيوقفوش ليك الى بغيتي خليتي نوصلك راه خطر عليك تبقاو واقفة بوحدك فهاد لبلاصة شافت فيه مطولة وقالت لي ليها ليها اللهم تركب معاه يوصل بكري ولا تبقى هنا كتسنى طلعات معاه فطموبيل غير دخلات جات عينيها على عينيه هو لي شاف فيها شحال وعاد نطق: عطيني لعنوان ديال داركم عطاتو العنوان وبقاو ساكتين حتى كسر داك الصمت منين قال " كدير بنت بحالك فهاد لبلاصة" غزال:انا...انا جيت مع صحاباتي قالولي بلي غيخرجو يتعشاو فشي مطعم وقلت نجي معاهم ولكن مايسحابنيش داير هكا عماد هز راسو:امممم مزيان ولكن هادوك راه ما صحابات ما والو خلاوك بوحد كتفت بصمت وحتى هو سكت مسافة طريق وهو يدخل مع واحد الحي لي راقي وزوين بقى كيشوف عماد:كتسكني هنا غزال:اه كنسكن هنا..علاش عماد:لا غير حيت عندي واحد خالتي كتسكن حتى هنا فهاد لحي هي و ولدها...كنجي ديما هنا ما سبقش ليا شفتك غزال:حتى انا يمكن غير حيت ياله مؤخرا باش جيت لهنا... شافت قرب لدار وهي توقفو غزال:صافي خويا غير هنا شكرا بزاف عماد:ماشي مشكيل... ياله جات تنزل وهو يوقفها بسؤالو عماد:شنو سميتك... هي لي خافت بقات غير كتشوف ما بغاتش تقوليه سميتها خافت ليكون كيعرف دار عمتها ولا شي حد قريب ويمشي يقولهم شافها فملهى نطقات بتوتر غزال:سميتي زينب...اه زينب عماد:مزيان متشرفين الالة زينب انا سميتي عماد غزال هزات راسها مبتسمة ياله غينطق يطلب ليها نمرتها وهي تخرج بزربة بعدما نطقات"شكرا بزاف" هو لي بقى كيشوف فيها وضحك عماد:ادن سميتك زينب... ديمارا طموبيل ومشا مكسيري... دازو يومين فلمح البصر بلا حتى شي جديد من غير ففيلة المنصوري لي تحضيرات على قدم وساق دار كانت نقية كتشعل ريحة البخور الاصيل صالون المغربي التقليدي مفرش بسدادر وملمطين بأجواد التوب بالازرق ملكي والفضي زربية كانت بالفضي والازرق مواتية مع لفراش، صوت القران لي كان مسموع فالفيلة كاملة فلكوزينة كانت ريحة سكسو كتفوح القصريات شي فالارض شي فوق طبلة الحاجة فاطمة واقفة على شغلها كانت لابسة قفطان خفيف ديال ديال جوهرة الحرة زيف مولاتي مع القفطان ودمالج ديال دهب واقفة كتدوي مع دراري لي خدامين فاطمة:الله يرضي عليكم هاد لقصريات هزوهم غير بشوية عنداك طيحوهم...ما تعطلوش سيرو بزربة قبل ما تسالي صلاة ويتفرقو ناس حطوهم فجوامع والباقي ديوهم لناس لي مساكن عايشين فزنقة خليوهم ياكلو هما لي حركو ليها راسهم وبداو كيهزو فالقصريات ويديو يحطو فالطموبيل جات لعندها منانة لي حتى هي لابسة قميص خفيف ودايرة طابلية بيضة مطرزة منانة:هانتي كولشي واجد البسطيلات راهم فالفران غير يتجمعو ناس نحطهم باش يبقاو سخونين....لحم وسفة واجدين فاطمة:صافي تكلفي نتي الى كانت باقى شي حاجة انا غنمشي نشوف مولات الحلوة فوقاش غتجي هي لي صونات على سيدة لي قدات ليها الحلوة وهدرات معاها ففيلة العلمي سامية كانت واقفة لتحت كتقاد ساعتها وكل شوية تعيط سامية:أماني...أميمة ودغيا غنتعطلو فلبيت لفوق هي لي كانت واقفة ما عجبها حال أميمة:ومالكي دابة راه والله حتى جيتي كتحمقي بجلابة...ياختي جاك لبلدي غزال ونتي ولفتي جينز بحال عزي دوار أماني:كنبان بحال شي شارفة... أميمة:ما كتعرفي والو والله وا صحبتي جيتي قنبو//لة...ياختي عرفتي هاد خالتي فاطمة عندها ولد بگوص ليوم يتزعط أماني:[ميقات فيها] اوا صافي غيكون شي خيبوع... ياله غتهدر أميمة هما يسمعو سامية لي حلقها خرج بلعياط أميمة:زيدي تعطلنا ليوم خالتي تخرجنا جورنال.. هزات صاكها وتليفون لقات نضرة أخيرة على راسها فالمرايا وخرجات هبطو بزربة سامية:لي يشوفكم على هاد تعطال يقول كتلبسو لعروسة.. شافت فبنتها طلعاتها ونزلاتها سامية:هاي هاي على بنتي جات كتحمق أميمة:صافي خالتي بنتك ليوم تجيب لخطاب سامية:ياله غنتعطلو.. خرجو ركبو فطموبيل أميمة لي ساگت بحكم دار قريبة غير شي 10 دقايق و وصلو كانت الحاجة فاطمة واقفة فالباب فالاستقبال قربات عندها سامية هي الأولى ومن موراها أميمة واماني هي الآخرة كانت هازة فيديها واحد لبواطة غير شافتها الحاجة فاطمة طلعاتها ونزلتها بإعجاب فاطمة:تبارك الله هادي أماني عنقاتها وكتبوس فيها واماني غير كدير داك ضحك صفرة فاطمة:دخلو دخلو ما تبقاوش فالباب دخلو لصالون لي كان كبير ومتسع لقاو تم شي عيالات وكانت نيت لطيفة تسالمو مع بعضياتهم وبقاو كيتهاودو على ما يجيو رجال من الجامع أماني كانت جالسة وكدور فعينيها فالدار عجبها ديكور والزخرافات لي فسقف والنقش ديال طبالي لي قديم وزوين دارت جيهة مها كانت ملهية كتدوي مع نسا. كانت لابسة جلابة فالكريمي جاتها مفصله على فورمتها لي غير ما زادت برزات مفاتنها و بينات لاطاي لي عندها وقفات وتمشات خارجة من الصالون فحين غفلة على نضرات مها بقات كدور يمين وشمال بحال الى كتقلب على شي حاجة اماني:اوووف دار قدها قداش ومافيهاش طوليطات تمت غاديا وهما يبانو ليها دروج طلعات معاهم وهي كتشوف طابلويات المعلقين فالحيط حتى وقفت فالكولوار لي كان طويل وفيه بزاف ديال لبيبان بقات كتمشى اماني:زبل فين هي هاد طواليط[بان ليها بيت بابو مردود ياله قربات تحل لباب دخل وهي تسمع صوت بيبي كيبكي] مشات للبيت لي جاي منو صوت حلاتو وهي تبان ليها ملاك صغير فسرير قربات وعينيها كيلمعو اماني:وينو وينو على فنكوشة ما تبكيش حنات هزاتها وخشات نيفها كتشم ريحتها كانت كتحمقها ريحة ديال دراري صغار وكيحمقوها تفاصيل وليدات صغيورين اماني:[وهي كتهز بيها وتضحك معاها]شنو حبيبة خلاوك بوحدك وهي كدور بيها حتى تحل لباب فاطمة:بنتي أماني شكاديري هنا علات فيها عينيها ورجعات نزلاتهم لبنية اماني:بنت من هاد لبنية سمحيلي دخلت لهنا بلا اذن كنت كنقلب على طواليط وسمعتها كتبكي فاطمة:ماشي مشكيل ابنتي عطيهالي عليك بلا تعدبك اماني:عفاك خالتي خليها عندي حبيتها واخا نهبطها لتحت شافت فيها وبتاسمات ونطق:اه لي بغيتي غير غطيها مزيان باش يضربهاش لبرد غطاتها مزيان وزادت قرباتها لعندها وخرجات من لبيت بقات كتشوف فيها فيها ومبتاسمة وسهاات كتفكر هو لي دخل من الباب نيشان جات عينيه على وحدة لابسة جلابة لي جاتها كتفتن شعر مطلوق مسبسب اما واحد سيقان كيف قويلبات ديال سكر كيبان من ديك الفتيحات لي فجلابة رجبلات نقين حميمرين مصبغين بلون فاتح ضيق عينيه فشكون هادي او بالأحرى شكون هادي لي هزا بنتو وكدور بيها وكتلعب معاها بقى تقريبا شي 2 دقايق وهو كيشوف شافها كيفاش كظحك معها وكيفاش شعرها لي مديرونجيها كل شوية كترجعو لور عينيه لي زاغو بقى كيطلع فيها وينزلها ما حس حتى تحطات يد على كتفو كانت مو حمحم وبعد نضرو عليها بسرعة فاطمة:ولدي جيتو من جامع...فين هو باك عثمان:راهم فصالة لي فدخلة ديال لباب...الوليدة قالك الوليد حطو لغدا فاطمة:واخا ولدي غنمشي لكوزينة نقولها لمنانة غير دخلو لكوزينة ل فاطمة:واخا ولدي غنمشي لكوزينة نقولها لمنانة غير دخلو لكوزينة لقاو 3 ديال دراري و3 بنات لابسين شوميز بيضة وسروال فصالة كحل الواضح انهم تريتورا فاطمة:شكون هادو عثمان:انا جبتهم هادو تريتورا خالتي منانة بزاف عليها وهي بوحدها داكشي عيطت ليهم دراري غيتلكفو برجال و لبنات غيتكلفو بيكم نتما نسا منانة:الله يرضي عليك اولدي... كانت جالسة وفيديها نور كتلعب معاها ولبنت فرحانة كتحرك يديتها ورجيلتها كتلعب أماني:شنو الفنة...ناكلك انا ناكلك[بقات كتبوس فيها وتعنق] قبالتها كانت جالسة لطيفة وبنتها جيهان حتى هي كانت حاملة باين راها حاملة فشهر ثامن نغزات مها وهي كتشوف فأماني جيهان:ماما شكون هاد لبنت لي هزا نور لطيفة: ما عرفتش جيهان:شفتيها كيفاش كتلعب مع نور وحتى نور باين فرحانة لطيفة:اييه كنشوف صراحة تقال زوينة... فلكوزينة كان خارج وهو يرجع عند مو عثمان:الوليدة بغيت نسولك فاطمة:ها انا وليدي سول عثمان:شكون داك لبنت لي شفتها قبيلات هزات نور فاطمة لي بتسمات:اه كدوي على أماني.. عثمان:أماني!؟؟ شكون هي فاطمة:اويلي عثمان ما عرفتيهاش بنت السي براهيم صاحب باك...شفتيها ياك كيفاش هزات بنيتك وفرحانة بيها عثمان عرفها كدق عليه:الحاجة خوي دماغك انا غير جاني فضول نعرف شكون هاديك لي عندها بنتي...وعفاك الميمة وحد شوية خوديها من عندها وطلعيها لبيت هي صغيرة ما تقدش على هاد الاجواء قالها هاد الكلمات وخرج مشى لصالون عند رجال بلاما يعلي عينيه جيهة صالون لي فيه نسا وخلا الحاجة حاطة يد على يد كتفكر وتبتسم عندو هو لي دخل لصالة عند رجال لي شافوه كل واحد ومنين كيهدر معاه ويسلم عليه هدا هو عثمان رغم صغر سنو الا انه قدر يحقق حوايج ناس كبار ما حققهومش كولشي كيحتارمو ويقدرو وحتى هو انسان لي طيب مع ناس طيبين وخايب مع الخايبين جلس حدا ولد عمو لي كان خاشي وجهو فتليفون كيتميساجا ويضحك عثمان:ما كتعياش من هاد لمشقوف أصاحبي عماد: واحد لقوقة اعثمان ما نعاودلكش عليها تيتيزة داير انا وياها ليلة نتلقاو عثمان تأفف:عزيز عليك لوسخ...منين نت فيك دودة اصحبي تزوج بعدا حلال عليك ماشي هكا من وحدة لوحدة عماد:طفروه لي تزوجو...انا عاجبني حالي وتيتيز داير بيا عثمان:وحط داك تليفون وسمع ما يفيدك شوية حتى تخرج من هنا ودير لي بغيتي.. عماد مشا تليفون فجيب وهو يقرب لعندو:وسمع شغانقوليك...عرفتي لبارح تلاقيت واحد القنبو//لة بشااخ زينها ما دايرش ولكن خسارة ما عطاتنيش نمرتها عثمان: وعنداك طرطق فيك هاد القنبو//لة شي نهار...وصراحة نت عندك قنا//بل هما الى مشاو حتى طرطقو فيك كاملين مشيتي فيها عماد كان غيدوي وهو يسكت مني سمع السي براهيم هدر مع عثمان براهيم:اوا ولدي عثمان غبرتي علينا... عثمان:اوا ضروف اعمي براهيم ولكن هاني رجعت براهيم ربت على على رجليه:على سلامتك اولدي...درتيها زوينة مني جيتي ما كاين ما حسن من جماعة العائلة والوقت كينسي عثمان هز ليه راسو مبتسم عند لعيالات هما عكس رجال لي كانت مواضيعهم غير على الخدمة كانو كيهدرو فشتى المواضيع و قولها وضحك عليها سامية:هاي هاي على لبنت عجباتك لبنية أماني بالإبتسامة:كتحمق اماما...بنت من هي فاطمة لي جات وجلسات جداهم فاطمة:بنت ولدي عثمان أماني:اااه مزيان الله يخليها لماماها وباباها.. فاطمة:لا بنيتي عندها غير باها...مها ماتت وهي كتولدها هادي 7 شهور أماني لي شافت فالبنت بحزن:ياربي الله يرحمها مسكينة.. فاطمة:امين..عطيهالي عليك ونتي رتاحي عطاتها ليها وهي ما ساخياش بيها ما عرفاتش علاش مني قالت ليها بلي مها ماتت ما قدراتش تبعد عليها..استأدنات وناضت لطواليط والحاجة فاطمة لي قربات حدا سامية فاطمة:تبارك الله لبنية عندك كبرات...شحال فعمرها سامية: عندها 19 لعام .. فاطمة: تبارك الله غزالة وباينة فيها حنينة.. سامية:اوا هادو هما لبنات كيكونو حنانات فاطمة:اوا شغانقوليك اختي سامية نتي عندي عزيزة وربي لي شاهد...وحتى مني شفت بنتي أماني عجباتني وصراحة ما نخبيشاي عليك والله ما كرهتها لولدي عثمان سامية:ربي يخليك لالة فاطمة ما نلقاوش ما حسن من ولدك عثمان تبارك الله صواب والاداب ونعمة تربية و راجل كبير بعقلو..غير هو بنتي أماني ما نكدبش عليك هي باقي صغيرة مزال بغيا تقرا ودير مستقبلها ومزال طايشة و ولدك خاصو مرا بعقلها انا ما متنقصش من بنتي ولكن راك عارفة بنات ليوم...`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
