.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `مد يديه بفضول كيقيس حنكها كان رطب و طري دغيا بعد يدو خايف لمستو تكون قاسية عليها و ضرها ، قرب بتردد و طبع قبلة خفيفة على جبهتها و خدودها ، ريحتها الحلوة تغلغلات فوسط صدره معمرة قلبو صغير ، بدات كتململ باغا تفيق و وجها كيتكمش غادي تبدا تبكي ، بالخف مد صبعو ليديها باش تشد فيه وهو كيراري بيهاو يغني ليها تسكت ، مها لي تقابلها ناعسة هو لي يقابلها و يكون بيها ، الغالي : ...الله الله كان الله و باقي الله الله الله و البنية فيد الله كان الله و باقي الله.. بقا معاها حتى سكتات كتعمش فعينيها غالبها ضو ، تبسم لشوفتها و همس فودنها ، الغالي : ياا سبحان الله كتفاجي القلب ... انا لي غنسميك و غنسميك قوت القلب حيت كتفاجي القلب ... مشهد زوين داز على عوينات دادا ميمونة الباكيين، تبسمات وسط غبينتها من مو ت بنتها بروح ، ماشي بد م ، و مشات تهز التيلاد وقفاتها يد سيد الغالي تا ضارت شافت فيه ، الغالي : واش اتديها منعاودش نشوفها ؟ دادا ميمونة : لا اوليدي هي باقا صغيرة غير تكبر شوية تولي تلعب معاها يالاه ترجع تنعس غدا راك مسافر صباح بكري يالاه .. عبسو ملامح وجهو بالغبينة و حدر عليها عاود باسها كيهضر معاها ، الغالي : انمشي دبا و ملي نرجع انجيب ليك معايا تفكيرة ... [ ضار كيشوف فداداه و خاطبها ] ... راه عطيتها سمية تاحد مايعطيها سمية اخرة.... دادا ميمونة ببشاشة سولاتو : اهاه ازين العزارة شنو سميتيها ؟ الغالي : قوت القلب، دادا ميمونة: متعاود غير صلاة على النبي كلام سيدي ولد سيدي هو الكبير ، و يالاه امولاي نعسو يجي صباح و تعاود تشوفها خليها ناعسة ... مدات يديها لعندو و هزاتو ، غادة بيه وهو مضور وجهو للملاك لي ناعس ابتسم و عاد خلاها و مشا .... ✨️ [ زينة البنات مولات العقل و التبات ، كبرات و تربات فالخناث و لالة اش بغات ] غابت شتا و جا ربيع ، الجو حلا و زيان و فيه شميسة طلعات و على قصر مولاي العدنان ضوات ، و فركانيه نورات ، الطيور تغرد و أصوات العزبات تغني و تنغم ، كلهم خدامين بيد وحدة هالي تخمل و تحك ركاني و هالي تشتف على الملايات و تحك الزرابي ، هالي فالحوايج تصبح و تعصر و تنشر ، من صغيرة للكبيرة فيهم ، كلهم كيشقاو فرحانين منوسين ببعاضياتهم ، الا لالة مولاتي غا كتنفخ و تا حال ماعاجبها ، بنيوتة غزالة صغيورة و مطيورة، غا شافت المعلمة عليهم خايدة فشغال البنات ، بزربة خرجات رجليها من جفنة لي كانت كتشتف فيها على الكواش ، و زادت جمعات جلايل قفطان و ضارت غادة كتسلت عاضة على لسانها خايفاهم يعيقو بيها ، هبطات من سطاح كتجري و تقول ماجرات ، شافتها المعلمة و دارت راسها ماشافت والو البنية باقا صغيرة مزال تكبر و تتعلم ، اما هي فحالا كانت مسجونة و طلقتي ليها و عينيهم ماشافت إلا نور بالزربة جرات لورا دار فين كاين جنان ، شعرها طويل لي كان مضفور تطلق و قفطان لي كان مكفض تفك ، وهي كتجري و تلعب و تنقز ، وقفات قدام شجرة عالية ديال تفاح ، تبشرو ملامحها طفولية بحماس و هزات جلايلها عاضة على قنوفتها بسنة وحدة حيت سنانها لخرين كلاهم الفار ، و تشبطات فشجرة كتعلق و تعاود ، حتى طلعات و على الغصن شجرة كلسات ، خدات تفاحة و فكمها قفطانها مسحات ، عاد عضات منها ، كتاكل و تلعب برجيلاتها ، حاضية جنان ، ساعة و سمعات كترة للغى و الهضرة ، قفزات و تخلعات ، بغات تهبط ، شافت فالأرض جاتها بعيدة و كيدير مالقات ، هنا حكماتها الغبينة و الخوف نااري و يعرفوها خرجات ، ليلة على شي سلخة دايزها الكلام عولات، بكترة الخوف بكات و نوحات ، لكن فالجيهة فين اللغى و الهاراج، كانو شبان صغار الكبير فيهم مافايتش العشرين كلهم راكبين فوق العود من الصيادة جايين ، و بينهم ولد شاب ، حاشا واش يكون من بني آدم هو يا قمر نزل من سما ولا نوارة طلعات من الأرض ، شعر كحل قوي نافس لليل فظلامو و العيون فحمية كتبري ، ضحك و نزل من فوق العود ديالو و عطا للحارس لجام يدخل العود معا قراند وهو مشا جيهة جنان تفاح كيف عادتو ، لكن لي كان ماشي كيف العادة هو صوت البكاء! و ديال درية صغيرة عاد! هز راسو مكمش عينيه من حر شمس كيقلب على شكون كيبكي ، تحت واحد شجرة بان ليه شربيل صغيور ملاوح تما ، تا هز راسو على غفلة هو يبان ليه طرف توب كيديه ريح و يجيبو ، قرب لديك شجرة و هي تبان ليه كالسة كي العروسة فالبرزة مبندة و مسندة على شجرة ، الغالي: شكون نتي و اش كاديري تماك ؟ سكتات على البكا كتنخصص وشافت فيه كتحقق، طلعات في و هبطات مكمشة فمها كي نقطة ميقاتو و نطقات مفرمشة نص الحروف كتنطقهم غالطين ، قوت القلب: انتا لي ثكون اثريف باث تزي تسولني انا ثكون ؟ [نتا لي شكون باش تجي تسولني انا شكون ] تبسم لهضرتها و نطق متجاهل سؤالها ، الغالي : شكون لي طلعك تماك و حطك ؟ قوت القلب : ماطلعني حد طلعت بوحدي كفضت جلايلي و طلعت ناخد تفاح ... الغالي : و ماحشمتيش تسرقي الغلة دناس ، قوت القلب : وااانوض الله يزيبك [يجيبك] على خير مالين هاد الغلة كاع مامسوقين ليها اتبقى غير تخماز [تخماج] اللهم فكرثي [فكرشي] ! و ضربات فكرشها ، كترقص عليه حجبناها خلاتو غير كيشوف ، هاد البنت يا ايما حمقة يا ايما ناوية تحمقو هاد ساعة ، الغالي :ياك الالة يالاه هبطي و نعطيك من تفاح لي بغيتي ؟ قوت القلب كتدوح فراسها : اييه باش تديني عندهم وتقولهم هادي كتثفر من زنان [كتشفر من جنان ] ايوا لالحقتي ودنك عضها اما انا والله لاهبطت ، هي فحقيقة الأمر نيت مقادراش تهبط غا دافعة جبهة و خلاص ، وقبل ماتلحق فين ترمش عينها كان هو طلع لعندها ، و بالخف هزها و هبطها ، حتى غوتات تاقبة ليه طبل ودنيه ، وزنها الخفيف و صغر سنها كانو عامل كبير باش يهزها و يهبطها وخا شجرة عالية ، حطها فالأرض و بقات هازة راسها فيه تاتحدر لعندها على ركابيه و عينيه فعينيها ، تماك وحلات و بقات كضور فعويناتها منفعاتها غير البكية لي طلقات وهو حاضيها ، لي شافها يحلف عليها راه مظلومة و مقهورة و مسكينة و غير وحلات و بدات كتمسكن عليه، قوت القلب: و انا .... وانا .... وانا غير مثكينة جاني جوع و تشهيت تفاح ، علاش بغيتي تحكر علياا .... شاف فيها مبسم وهي كي الكميشة وسط داك القفطان واضح انه كبير عليها و طاوياه ، الغالي : باغيا تمشي فحالك ؟ حركات ليه راسها ب اه باغا غير تفك و طير من هاد الوحلة ، الغالي : قولي ليا شنو سميتك و نخليك تمشي فحالك ... هزات حجبانها و قرمات فمها ، قوت القلب: يااااك باث [باش] تمثي [تمشي] بثقيوتك [بشقيوتك ] تثكم [تشكم ] بيا والله لا كانت ليك . و بزربة عضات ليه يدو ليك شادها بيها بحر جهدها كمشات على قفطانها و هربات كتجري من تما ... لكن زهرها المعكس فجلايل قفطانها تعكلات تا جات طايحة على وجهها مخبوطة فالأرض ، ناضت كتعكز تا كلسات فوق ربيع كتبكي ، مقصحة من ركابيها و يديها باش كالات دقة ، جا عندها كيضحك ، تحدر عندها كيشوف فيها ، الغالي : دبا كون قلتي ليا سميتك مكناش نوصلو لهادشي كامل ، انا كاعما نشكم بيك ، ضورات عينيها و ضورات هضرتو فراسها و بذكاء طفولي نطقات ، قوت القلب: يالاه ايلا ماكنتيث (ماكنتيش) ناوي على الغدر قولي ثنو ثميتك (شنو سميتك ) نتا لول ؟ هضرتها الحلوة و صغيورة خلاتو يعري على سنيه و يضحك عاد قاليها سميتو " الغالي" و هي غير سمعات سميتو بدات كتبقلل فعويناتها عمرها شافتو غير سامعة بيه من عند الخدم و دادا ميمونة لي مقطر ليها من العين ، سيدي مولاي الغالي الولد البكر د مولاي العدنان الوزير ، كترة سفره من صغر سنه خلاته مامعروفش فالقصر، بلعات ريقها كتهدن الجو و تصفي الخواطر من صباح وهي كلمة بكلمة معاه ، وخا صغيرة عارفة بلي تاحد مكيقلل الحيا على صحاب القصر لاعساك ايلا كان ولد مول القصر ، تبسمات بسمة واسعة مبينة تفرميشة لي عندها سنة وحدة لي تكساب راه ضاحكة بيها ، قوت القلب: و سمييتك غزاالة انا سميتي قوت القلب. ضحك و جاوبها ، الغالي : ههه تانتي غزالة، [ تحدر عندها و سولها ] تبغي تشوفي حاجة غزالة فحالك ؟؟ بلاما تفكر ولا تخمم ، بفرحة هزات راسها بأه و جاوباته ب " بغيييت" مد يدو ليها و هزها من الأرض كيضور بيها ، عاد مشاو كيضورو فجنان ، وصلو للغرفة كبيرة عامرة ورد و حطها تماك ، عوينات كيف نجيمات لامعات و كيشوفو هنا وهنا اما فمها محلول على قدو من دهشة لي تدهشات ، كيقولو شافت المريني و طلقات راجلها ولالة قوت القلب شافت الورد و نسات مولاه تلعب هنا و تنقز لهيه قلبها قريب يسكت من الفرحة وهو فرحان لفرحتها ، أكيد عقلها و عقل عليها البنيوتة لي حضر لولادتها و عطاها سميتها ، حيت سمية باش تسمات مكيتسماوش بيها الخدم داكشي علاش ميزاتها عليهم ، قوت القلب سمية على مسمية ، هي القوت و الدواء ، هي الروح و الحياة ، هي الضحك و الفرحة عندها تبسيمة تكلع ضيم و تحيد الهموم ... كلس يفكر فيها و فسميتها و شحال كتشبه ليها ... تاشافها جايا جيهتو بحدود محمرة كيف النورا لي سادة فيديها و تبسيمة مشركة فمها ، قوت القلب: عفاك و ايلا حب خاطرك نطلبك طليبة؟ . وخا يحاول يرفض مايقدرش ، كون لي يقدر يرفض حاجة لهاد الفنكوشة ، تحدر لعندها و حرك ليها عينيه كيقول ، الغالي: اش بغيتي ا الغزالة ؟ حدرات عوينتها بالحشمة من مدحو ليها ، و مدات يديها كتنعت ليه ، قوت القلب: تقدر تقطع ليا داك النوار لي لهيه عفاك ؟ الغالي : ها نوار فيديك شبغيتي هاداك ؟ قوت القلب: لا هادا ديالي . الغالي : ولاخر ؟؟ .... قوت القلب: انعطيه لدادا [ لاحت الورد لي فيديها بعفوية و كلسات تشرح بيديها ] كيف دبا شفتي ليوم نهار لول فايام ربيع ، ايوا هوما طلعو يصبنو و يخملو ، و انا غفلتهم و مشيت نلعب و لكن ملي غتعرف دادا ميمونة غاتخاصم عليا ، داكشي باش بغيت ندي ليا نوار تشوفو و تفرح و كاعما تقلق مني ، قرن حجبانو باستفهام كيفاش كيزيدوها تشقى معاهم وهي قد هاكا تشقى واايني مرض هادا ، الغالي: صافي نقطع ليك لي بغيتي و نعطيك لي بغيتي مايكون غا خاطرك ، [مد يدو كيرجع شعرها ورا ودنيها ] وهاد المرة لا بغيتي تلعبي اجي لعندي نديك تلعبي ، الفرحة خلات عينيها توسع مامصدقاش، قوت القلب: حلف ، ياااحليلي غنبقا نهار كامل نلعب ؛ [كتنقز فرحانة حبسات على غفلة و وقفات ] ولكن انا مكنعرفكش فين كتكون كي غندير نجي لعندك . قرب ليها و هزها حتى لسما و رجع شدها وهي كتغوت بضحك ، الغالي : غتسولي غير داداك ميمونة وهي تجيبك حتى لعندي صافي ؟ قوت القلب: هههه صافي ... الغالي : يالاه وريني اينا ورد باغا تقطعي؟ نعتات ليه بصبعها لفين كاين و مشا بيها هازها على ذراعو ، تاوصلو ليلاصة الورد عاد حطها ، كان ورد كثير حمر و بيض و صفر و قوقي ، حطها وهي كتأشر ليه على النوارة لي بغات وهو يقطع ، تا لدغو شوك الورد فصبعو و طلق الوردة كيشوف د م سايل من صبعو ، هز عينو فيها لقاها كتشوف فيه قارنة حجبانها فحالا هي لي مقصحة ، بهداوة خدات يديه بين يديداتها صغار كتشوف فداك الجرح و مسحاتو بكم قفطانها و باستو عاد شافت فيه كتبسم مداوية جروحو مهدنة حريقو، قوت القلب: شفتي هانتا بريتي [ مدات صبعها جيهة وردة بيضة ] يالاه قطع ليا تاديك نوارة عجباتني... .... العشية تعاشات و شمس على قصر الوزير غربات ، و الخدم ضواو القناديل و شعلو شميعات و فظلهم بان خيال مرأة فقلبها و كبدتها تكوات تبكي وتنوح على بنتها لي غفلو عليها تاني و هربات و جهد باش تفتش عليها مالقات ، وسط جناح الخدم كالسة بطولها و عرضها مادا زمان من صحتها تا باش ينقي سنيه ، اما زينها لا مشا راه باقين حروفه على وجهها مرسومين ، مرأة كبيرة دات فزمان و جابت وبقات بصحتها و سلامتها تدك و دردك ، كيما راها دبا كدردك عليهم و يا ويلهم و ياظلام ليلهم فرطو ليها فبنتها قوت قلبها ، يا ويلها هي بنتها مشات و ماعندها فين تقلب عليها ، و هوما خايفين منها و عليها ، كلسات كتنهج فوق كلسة ، و طلعات القفطان البيض لي لابسة تال ركابي مخلية سروالها المطروز يبان ، فكات زيف لي فوق راسها و بان شعرها الكحل دايزا وسطو خصلة بيضة شايبة ، و عاودات ردات الزيف، عاد هزات راسها فيهم و دوات؛ دادا ميمونة: ادويو ابنات الحرام ، اليهو ديات ، المخموجات ، الفنيانات، بنت قد جدر فخاضكم و دارتها بيكم و مشات هاا دبا انا فين غانصيبها و اينا قنت نفتش عليها فيه يالحراميات ، [ هزات يديها و خبطات على فخضها بحر جهدها ] هاا ويلي هاويلي وحدي و بنتي فرطولي فيها الله يجعلهم يفرطو فصحتهم، حدرات راسها كتبكي و الخدامات كيبكيو معاها عارفين معزة قوت القلب عندها ، مشاو البنات عندها يواسيوها و يهونو عليها ، ها لي كطبطب عليها و تعنق ، هالي تمسح ليها دموعها و تسكت هالي تسقي ليها الما تشرب اما لي كانت حاضية شقا البنات و على قوت القلب ميكات ،غابرة ماليها اثر عارفة ليوم لا بانت نهارها ما فحالو نهار ، ماهي غير دقايق و كانت لالة البنات لي نايضة عليها القربالة، داخلة كتجري كلها عامرة خش و جلايلها عامرين تراب ، شعرها تنكش و خدودها محمرين ، اما واحد ضحكة مترعة فمها ، فيديها الورد كرم و ذبال و هي غادة بيها فرحانة كتنده على داداها و تنادي ، قوت القلب: دادا ميمونة ... ادادا ميمونة هانااا زيييت [ انا جييت] غير سمعات صوتها ، دفعات كاع لبنات لي كانو ضايرات بيها و ناضت جمعاتها لحضنها تعنق فيها و تبوس ، غا عوينة وحدة و كانت قريب تمشي ليها ، دادا ميمونة: وايجيييك الخير و يجييك الرباح البنيوتة ديالي ، فاين كنتي غابرة عليا فاين بغيتي تحمقيني فاين زدتي خلفة نهار كامل وانا كنقلب عليك ، طلقات منها كتشوف و تحقق ، ويلي مال شعر تنكش و القفطان توسخ قربات منها كتشمشم وهي توسع عينيها كي البومة ، و العافية شعلات فيها ، عاودات شمشمات فيها و قلبها بلاصة مايدق ولا كيجري باغي ينقز من بلاصتو ، مكانتش فيها ريحة عادية ، كانت فيها ريحة الرجال و ماشي اي ريحة ، ريحة العود و البخور ، ديال رجال و ماشي اي رجال ريحة السياد مالين الهمة و الشان، خافت و الخوف كان حديد مصدي مرارتو سرطاتها مع ريقها فحالا كتبلع شوك ، عارفة البنت ما قارية ما واعية غا نية و غشيمة ، خافت يكون تعدى عليها شي واحد و هي خارجة ، حضنات وجه بنتها بين يديها و سولاتها ، دادا ميمونة: الحبيبة ديالي اقوت قلبي نسولك و تجاوبيني و ماتكدبيش ؟ .. `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
