.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `✨✨زين الشمالية ✨✨ ✓تقديم و ملخص ✨لا تجعل غيوم الماضي تغطي شمس الحاضر.✨ *قصة جوج بنات شماليات طنجويات زينهم جبلي من عرق شمال جدورهم مشجرين في ريف وشاون من تما بانو الغزالات كايخدمو على راسهم معدين بلي كان حتى يحن الله ويخدمو بشواهد لي عندهم .. زهرههم ومكتوبهم غايديهم لدار البيضاء .. دار لكبيرة تما طاح الحك وغطاه تما غايبان .. شماليات حرات وراسهم قصح من جبال شاون يقولو لبلى طير ولا نطيرو كيضربو ويقيسو ..لي شافهم يقولو ماينوضوش دجاجة على بيضها... لبراءة كاتبان فعينيهم وكل وحدة فيهم هازة في قلبها من دنيا علاش قدات .. عز البنت مع بوها ، ومن غير بوها تتهان حتى لو كان شيخ القبيلة خوها ..وراجلها ولد سلطان لا عز كَعز الأب، ولا دلَال بعد دلالو... اش تقولو يلا كان مول ري وشوار ولي تحسبوه بوكم لي يصونكم هو سباب لعلة وسباب لغيار ... *جوج رجال من كازا خرجو .. رجاااال ماتعزلي بين رجال غير هما عينيهم عشاقين في زين عندهم من كلشي شوية... جامعين بين لحروشة و رجولة ودم لحامي .. وحتى في ضحك قشابتهم واسعة ملي يهضرو ماتعرفهم كايطنزو ولا كايهضرو بالمعقول ... غير هو كل واحد وطبعو ...واحد شادة فيه هيبة لمخززن وواحد مخبي وجهو مور ماضي مخزز .. كل واحد فيهم وماضيه عايش معاه وهمهم واحد هو "الحب" عميد شرطة لمسكيني لي كبر ف كازا وعاش فيها شخصية روجولية حرشة شاد فيه عرق "بني مسكين" عروبي من ولاد "لبروج" وهو لمخير في قبيلت حبابو في عسل شمالية غايطيح من شوفة لولة ... أما الثاني عاطيها لالة ومالي وتقرقيب لكيسان ماكاين غير العلوة وهزان طرف ولي كايسالو شي حاجة يجي يديها .. لقا عيشتو منسياه في لقديم ولقا راحتو في فطريق مدسمة فس*اد مالقاش لي يخرجو منها ولا هو باغي يخرج منها عاجبو حالو وحالف على بنت لمرا لقلبو لا دخلات كيفاش غايتلاقاو هاد ربعة وشنو لي غايجمعهم بربعة؟!هادشي لي غاتبعوه معايا في القصة ...🔥 (اللهجة شمالية غاتكون في القصة بطابع خاص) ######### طنجة مرشان .. الله على ريحة لهوا نقية و ريحت بايصر وأتاي بليقامتو تشم ريحتو من بعيد تشهيك في لفطور وتفتح ليك نفس .. صباح الأحد وصباح الاحد مكاين حد زناقي كلشي صاهط لا طير يطير ولا وحش يسير .. وفديك دار العالية تما ناعسة لالة لغزالة شمس واصلة لعندها الخامية كايديها ريح وهوا لبحر عندها واصل مجبدة على كرشها ... كاتعيط على لي يزيد يشخر ويتكسل معاها طرماحتها كاتشالي و لحمها بيض كايشقشق تقول لقمر نزل ونجلس انا بلاصتك أما شعرها حكاية ... وكي خلاوها ناس لولين غا نعجة ناعسة تقول حليبي زبدة وصوفي لبدة ومايكسيني غير حنين الكبدة ... بقات تحلم بحنين لكبدة وهي لحـ*رب نايضة فدار بتعياط .. عيا خوها صغير يفيق فيها وهي ماكاينااش فهاد لعالم .. مرة مرة تسمع مها كاتعاير وصوت كايجيها بعيييييد .. بهية«شحفات بالعياط»: اااانوض املعوقة نوووض شركتي النهار مع اليل .. طلعات كاتحسب دروج فيدها كاس ديال لما كيوصلات خواتو ليها على وجها .. ناضت كاتغوت وعينيها قدامها بحال شي زومبي أسيل:[شهقت بداك لما لي خوات عليها ]..الله يا ما وشنو عملت لك باش تفيقني هايدا.. بهية:[جرات عليها لغطا ]..اويلي هادي ساعة ملي فيقك خاك ونتنا باقا مسيبالي هنايا نوض تفطر وعاوني في الشغول أسيل:[كتأفأف عينيها مسدودين حلفات لا حلاتهم]..اااااما الله يهديك .. العزيزة ديالي و الله حتى عيانة مررة و اليومة لي عندي كانرتاح فيه .. ديك سونطر د ابيل د مرط(مرض) راه طاقة لي عندي كانحطا فيه ... الله يرحم يماك خليني ننعس بهية«جرات عليها لغطا»:والله لا نعست .. أنا غنهود والله وماتبعني لي نعملو لك ماغنعاودولكشي .. أسيل:[تفكرات طريحات لعصا لي كاتاكلهم في مصاصطها وناضت كاتجري ]..اوووف ..هايانا نايضة مابقاشي لي ينعس ف هاد دار... ناضت كاتعتر بكسيوة بيضة سميطات حد فخاضها عين مغمضة وعين مفتوحة دخلات طرفات حالتها و جمعات سالفها لفوق بكعكة ونزلات لقات خاها كيفطر باستو في راسو وجلسات حداه عينيها منفوخين بنعاس وحمرين تحلف عليها ضاربة شقوفة .... جود: جيت نعندك نفيقك مابغيتشي تفيقلي [فرنس كايطنز عليها] ..كيجاتك دوتشا د صباح احسن كاس د لما من عند ماما ههه أسيل:[عوجات فيه وجها وخرجات لسانها ].. بقا مقابلني تينا ماعندك شغل فطر .. فطر وهنينا بهية:فطر دغيا ونوض عاوني ف شغول دابا تمشي لكازا وتهنا من شغول ديالي غير نوض هاد نهار مافياشي لي يحادي شي حاجة أسيل:واخا اما غير نفطر ونوض .. فاش نسالي غنمشي للحمام وماتقوليشي ماتمشيشي أنا راه مكندوشي فالدار غا باش تعرف بهية: اغا نوض سربي مانقولك ماتقولي يانا عارفة ديك مشيا ديالك نتنا وديك صاحيبتك ماترجع حتى تودن لعشا ... أسيل :صافي صافي[كاتهضر وتمتم باش ماتسمعهاش] ملي وصلات ن ريم هاد نهار ماتسكتشي غير الله يحفظ ... بهية«علات حاجبها»:شنني قلت! ... أسيل: أنا... لا ماقلت والو اما غير كانهضر مع جود بهية:ممم ... ايوا فطر فطر دغيا... فطرات وناضت جمعات روينة وسيقات طلعات لبيتها جمعاتو هزات صاك دارت فيه حوايجها جمعات لبرودويات ديالها كملات وتلاحت على ناموسية هزات تيليفونها تشوف فردتها فين مخشية دوزات ابيل فيديو في لبلاصة جاوباتها .. أسيل«خرجات عينها»:ويلي على القح*ة باقا ناعسة ...نوض الشريفة نوض ونتينا قباااح مني ... ريـم:[شعرها شاد ريزو ].. شعندك على صباح .. غير بهية كاتحررا فيك ونتينا كتجي تحررا فيا ... أسيل:اانوض ا مصيبة نمشيو للحمام باراكا من لعݣز .. نسيتي غانمشيو لكازا بعد غدا للخدمة اصحيبتي خاصنا نمشيو مسكسفين على لحالة ... ريم: ايوا هااانتينا قلتيها بدقمك [فمك]غانمشيو للخدمة .. ماشي غانمشيو نهزو الرجلين .. خاليني نعس مشي دوش فالدار حسلك.. أسيل:والله ياالطسيلة ديماك وماتنوض يا حتى نجي لعند خالتو أمينة ونعملك يا بنتي الشوهة ونقولا را بارح فالليل كونتي مع واحد فطنوبر (لوطو) ... وا نوووض حسلك ... ريم:ياك القملة ياااك الفار دسبانيا واخا يلا مانسلخشي نحسك اللحم على العضم يانا ق*بة ... أسيل:[فرنست]...صافي غير نوض دابا قبل ماتبدل ماما رأيا و نوريك ديك ساعه الفار دسبانيا شني كايعمل .. راها من صباح وهي تنگر عليا وتعاير فيك قالتلي تينا هي لي مبردالي كتافي ... ريـم :لهلا يطيح علينا شي باطل انا بالله وشرع معاك مشي خليني نعس .. بغيت نقول نوض ناس..بكري..قالو الدنيا ديار وكل دار فيها أسرار .. قلب فرحان وقلب مضرار ... واحد بايت على الحرير .. وواحد بايت على النار .. هي هاذي ديالها ناضت من نعاس عيانة ماشبعاناش حتى نعاس مع باها لي بايت سكران ومسهرهم ليل وطولو وهو ساعر في الحومة .. كايترجل ملي يسكر غير يسحا يولي كي لك**لب مجلفط وحالتو تغيلف لگلب ... زينة ديال لبنات زينها غزاال يهضرو عليه بين الناس ويعطيو عليه لمثل .. عينين مجبدين ومنخار منگاد وشفايف كي شهد .. ولكن اش لفايدة فزين يلا كان سعد قليل ... فاقت مور ماقطعات تيليفون بديك طولة ولفورمة لي عطاها الله سبحان من صورها .. طرفات حالتها وخرجات جمعات صاك ديال لحمام ونزلات تقلب على ماتفطر .. لقات مها حانية راس على واحد ليزار بيض كاطرزز فيه .. حفاات عينيها بالخياطة وطرزز فسعد لكل*لب لمسعور ياكل وينكر .. خدم اتاعس فسعد ناعس.. ريـم: ماا..صباح لخير [باست على راسها]:حاول على صحتك أما من تمارة راه عينيك غاتعميهم .. وبايتا قصارة(سهرانة) مع ديك شماتة ... أمينة:[حانية راسها على طرز]:صباح الخير ا بنتي .. شني غنعمل الا ماخدمتشي هاد الخدمة ونعاونك شوية غنبقاو بجوع .. باراكا غير نتينا وتمارة لي كضرب علينا... ريـم: نبيع شبابي عليك ا ماا ومايكفينيشي ...[شافت فيها بنظرة حنينة] الله يخليك ليلي نتينا راس مالي.. أمينة :[تنهدات]:الله يرضي عليك .. مشي ن كوزينة ها فطور فوق اللورنية(بوطاجي) مغطي بالسربيتة .. فطر مزيان .. واجي شبر معايا واحد لعبار... ريـم:واخا ا ماا انا نفطر ونجي .. غانمشي لحمام مع أسيل راك عارفة غدا ماشين نكازا.. أمينة«تنهدات»:واخا الحبيبة مشي فطر بعدا.. جرات رجليها لكوزينة عرات لغطا على لفطور لقاتها مطيبة رغيفات بالعسل وأتاي فطرات و مشات شدت معاها لعبار ديال توب و طلعات هزت حوايجها باش تمشي لحمام .. حتى سمعاتو كايعيط عليها من لتحت تقول كايسالها لكرا لمكي«طالق حلقو»:ريييم اااا ريييم ... أجي نهنا سربي ريـــم[علات صوتها]: تسنا أبـا هاني جايا... نزلات عندو شوي ماتعتر وطيح على وجها ... لمكي:[غمزها]:طلق لا عندك شي فلوس عطيهملي محتاج فيهم .. ريم«غاتندب حناكها بلغدايد»:أبا لي عندي عطيتولك بارح .. بقالي باش ندوز سيمانة وغدا مسافرة... لمكي«حرك يدو»:طلع فلوس بلا ماتقوي معيا الهضرة على صباح... ريـم[بقلة حيلة ]:خشات يديها في صدرها وجبدات ليه 50 درهم عطاتها ليه وطلعت مهدودة سعدها سعد مع باها ... لا حنين لا رحيم مصبح عليها على صباح باغي لفلوس ... هزات صاكها وسطولتها وخرݣات جلابتها و نزلت ساخطة على هاد العيشة وعلى هاد لبلاصة .. هي غادا وبنادم ينعت فيها .. هي حشمت وهما ما حشمو عاطياهم جهد فين ينهشو في لحمها بالفاعلة وتاركة ولحسانات غدا عند الله تاخدهم .. زهرها يه*ودي عيات تهبش عليه و مالقاتو .. ★★★ واقف شاد راس لحومة بطوموبيل كايقلب على لهمزات بعينيه .. حتى بانت ليه جايا خرجو عينيه وسالو ريوݣو عليها وعلاش لا وهو يقيل نهار وماطال تابعها من قنت لقنت خلاها حتى وصلات حداه ... خالد«هبط زاج»:بنت مكي طلع نوصلك ن الحمام... ريم[شافت فيه مخنزرة]:ولد مداني شعندك على صباح كاتقلب عليا نتقبلك لعينينة ياخرى ولا ... خالد:لي جا من عندك سمن و عسل .. غير فوقاش تكون نتينا هي العمارة د الدار و تحت جناحي .. ريم«ركباتها لفقصة»:مشي بعد مني ولا مايعجبك حال ... و قلب عليا بقيت ناقصني غير تينا خالد:واخا هاهو ماشي ... شحال قدك تهرب ... نجيبك نجيبك تحت يدي غير صبار عليا[ديمارا وزاد] ريم«دفلات موراه»:تفو الله يخليها سعلة صبحت عليها جرو ... كازابلانكا....دارالبيضاء دنيا مروجة لهراج في كل قنت طاكسيات .. طرام .. طوبيسات كلشي محرك لي على رجليه ولي راكب .. لي غادي لخدمتو ولي غادي يقرا ولي مقنت على لبنات ولي خارج يقلب على رزقو .. ولي عساس على شي بزطام ولا صاك يرزيه ف مولاه على صباح .. دنيا مخلطة أشكال ألوان... نشدو طريقنا ونمشيو «لدار بوعزة» لا طير يطير ولا وحش يسير غير ريحت لبحر تحل نفس و تفاجي لخاطر.. داخل وحدة من لڤيلات بيت مضلم غير شوية شعا ديال شمس داخل من تقابي ريدو كايتسمعو غير صوت أنفاسو لمنتاظمة .. جااابد عليه بكتافو لعراض شاد ناموسية طول وعرض ... شكون بحالو ماهاز هم لزمان .. هو لي ينعس ويزيد ف نعاس لي شافو في لخدمة يقول هذا هو راجل ولا بلاش غايوصل ليل يولي منح*ـرف بجميع الأنواع وماشي بعيد تلقاه كايحلم براسو هاز شي طرف كايخيط فيه .. ماقفزو غا صوت تيليفون لي كايصوني فوق راسو ماعرف راسو باش تبلى جاوب بلا مايشوف شكون ... أديب:[بصوت ناعس]..ألو وي .. سلطان:باااقي ناعس .. وااااايلي نوض أصاحبي نخرجو شوية لويكاند كامل ونتا ناعس... أديب:[هز يدو مرجع بيها شعرو لور ]..مصبح عليا از*ي على صباح ..مالك اش كاتسالني سلطان:مالك حمـ*ار مالك ..نوض اصحبي راه غير سالت على لمدام باغي نفوج مع ك*ري أديب :نتا باغي تفوج وأنا مالي سير فوج نتا وياها مالك على فريع الك**ر سلطان:ماكاتقاداش أصاحبي .. أنا غانتسناك في القهوة *** ياله تلاح ناض مكره ماشبعانش نعاس حل ريدو حتى دخلات عليه شمس دخل لبالكون كايحاول يفيق حتى ضرب فيه لبرد عاد جر رجليه لحمام طلق لما دوش بالخف وخرج لدريسينغ بدل عليه حوايج سبورتيف جاتو مع ديك لفورمة لي خادمها مزيان .. رش بارفان ديالو غطا عينيه بنظاظر مبجقلين بنعااس ونزل كايتعنگر ماخاصو خير .. كايقلب عليها بعينيه مابانتش ليه خرج لجردة شافها جالسة مقابلة مع لبيسين جر رجليه عندها وهو مبتاسم.. وشكون لي يصبح عليها ومايضحكش ويحمد الله عليها نعمة .. وكيف كايقولو زين جماعة كبيرها هي لحنانة وساروت دار ولي ماعندوش خديجة فدار يكتبها في الحيط... أديب :لحنانة ..[باس على راسها] ..صباح الخير خديجة:باقي شي صباح دابا راه مسا لخير ماشي صباح الخير.. أديب :وأنا عاد صبح عندي لحال عندي سبت والحد كانبغي نصبح ناعس .. خديجة:ايوا ماعليش اولدي الله يزيد في راحتك .. نقول لرقية توجد ليك لفطور أديب :[جر رجليه خارج]..لا لا.. بلاش غادي نخرج داير مع سلطان .. نسيتو ݣاع خديجة:سير الله يسر ورجع في العشية نتعشاو مجموعيييين أديب:إن شـــــــــــــاء الله الوليدة خرج كايزرب ديمارا طوموبيلتو "جي كلاس" وشد طريقو فين قاليه سلطان دقايق قلال حتى كان قدام لكافي غير نزل كيف عادتو جر لعين لبنات كلشي حل فمو لي ريوݣها قربو يطيحو ولي عينيها فلتو قدامها ولي كايتغامزو عليه و لي زهوانية يهديها الله ماعندها مادير خاصها تشوف وتسكاني ... داخل معنݣر حتى شاف صاحبو شاد لكوان مشا عندو سلم عليه سلام رجولي وجلس .. جامع واحد تخنزيرة ماعاجبو حال... أديب:مالقيتي فين تجيبني اصاحبي لهاد لكوان ديال لقح**اب ... سلطان: صبحنا على الله ..[غمزو]..دابا هادو بانو ليك ق*اب شوف زين أصاحبي بنات عائلة هنا .. أديب«مخصر سيفتو»:شفت كلشي حتى لزين ماشفتوش غير لمكوفرة على ختها ..كومونضي ليا نفطر راه خرجت بلا فطور و خليني ساكت.. سلطان: كومونضيت ليك لفطور شوية ويجي عارفك تصبر ليا وماتصبرش لجووع..[جر شوفة لوحدة داخلة كاضحك ماخاصها خير] ..اححح أصاحبي ضور تشوف تيتيز .. قالك ماكاينش زين أديب[جبد تيليفون من جيب]:بلاتي غير ندير ڤيديو ونصيفطو لمرتك تشبع ف مك غاعصا ونتفرج فيك .. وااااا تزوجتي ياصاحبي وهاد لفارة لي فيك مابغات تبرد.. سلطان:[بخوف جمع ضحك حيد ليه تيليفون من يدو]..الااا أديب مالنا على هاد ضحك ݣناوة ...صافي اخويا يلا شفت فشي ق*بة راني زا*مل غير هنينا... التتمة أديب[تفرشخ عليه بضحك]: ياصاحبي عارفك مصنطح ولكن كاتحدهم ليك لمدام ... جمع ك*رك اصاحبي راك مزوج حشم على عراضك[تسرح على لكرسي] خليني غير أنا نمتع ونتمتع مع راسي... سلطان:ياااك ازلايلي كبيرهم منك تعلمت ... ولا صافي عفا عليك الله .. مازال نتفرج فيك اودي يا أديب غير صبر ... أديب:بقيتي تسنا تما لي بغيتها أنا موحال واش تزادت.. سلطان:دابا نشوفو هاد تعفار ديالك فين بغا يوصلك ... بقا مݣابل طرقان طيبتي طريق لمحمدية بسير أجي .. كاتمشي تزهااا مع مخك و ملي تجي دير فيها كئيب.. أديب:حاضيني أصاحبي لعفووووو منك لعفووووو... بقاو تما مني منك حتى وقف عليهم بديك طولة وياااا ربي على زين فيه كلشي فيه مقاد شاف فيهم لا سلام لا كلام عينيه حمرين وباين معصب .. جر كرسي ݣلس ݣلسة مفرشحة طالق رجليه .. أديب«غمزو كايفرنس»:مالك على هاد دخلة اشااف بايت عساس..؟ جلال«مخزر»:مافايقش ليك باش نجاوبك .. سلطان«شير لسيرفور»:شي عزية بلا سكر ... دابا يتحلو عينيك ابا جلال .. أديب:اش تما! .. شي جري*مة هاذي بايت قصار عليها ولا جلال:بحال داكشي ...معفنة ياصاحبي سلطان«قلب وجهو»:احبس بلا ماتكمل عاارف دوك لبريكولات ديالك القضية فيها د*م غاسكتنا أديب:صافي بلا ماتسخف لينا هنا نتا غاكتعرف القضية فيها ريحت د*م كاتبدا تڤيبري بحال لولية ... جلال«حك على لحيتو مضيق عينيه فيهم»:غا سكتو ولا نوضو قو*دو .. جاي رتاح ضربو خمسة على فمهم ماعاودوهاش معاه تلهاو في فطورهم وهو تلها في قهوتو وݣاروه عاقد غوباشتو فيهم ولي مزغرتة عليه مو يهضر حداه في هاد لحظة .. في لحمام مجبدين تما بزوج غير فولة مقصومة على جوج كايسخنو باش يحكو واخا لحمهم نقي مايحتاج صابون .. كل وحدة مسرحة طرفها وتسلك عليه لحوماتهم كايشقشقو اما يلا وقفو لي في لحمام كاملين متبعينهم بعينيهم لداك خير مولانا لي كايتململ ...ولي كايعرفهم ينعت فيهم بزينة وشينة (لخيبة) .. لحق يتݣال لعين كاتجر ليهم واخا عيالات بيناتهم سهاو فيهم .. ريـم[شافت فيها مطلعة حاجبها]:فار دسبانيا فاين شوفتيني بارح اكلبة و علاش ملي هضرت معاك ماقولتيليشي انا شوفتك .. هداك غي واحد لولد عطاني شي امانة وصافي.. أسيل:عدل دقمك [فمك]أزمرر .. اوا يا الحبيبة شوووفتك ونتينا گالسة معاه تما ... ولا جاتك لي ماكاتعلمشي يا مشوهة... ريـم[ضرباتها لفخاضها]:دابا فهمتي غاالاط راه غي قدالي واحد الغراض وصافي شعندك قليلة نية را والله معملي شي حاجة... أسيل:[ميقات فيها]:أنا لي قليلة نية .. ايوا حتى نكون ماكانشوفشي .. هو بقالو شوية ويبوسك ..[جراتها من ودنيها]:أجي بعدا ياكما عطيتيه قاعك ا مسخوطة .. ريـم:اح قصحتيني ازمر .. ماعطيتو لا زك*ي لا ك*ري غا رتاح جابلي شي فلوس ديالي وصافي تهنيتي... أسيل: اوا لوصية ماتقـ*تل ماتحي ... نقص شوية من ديك جهد لي فيك باراكة غي هضرة د ناس د الحومة ريـم:الهضرة ديالم يزيدوها فراسم ... مابقيتشي كنعمر بيها راسي ...[قربات عندها]...هه دابا هاد كازا ميكونشي فيها التيتيز ولا غير القبيح نخاه.. أسيل«خنزرات فيها»: رييييييم .. ماشين نخدمو مماشينشي نتزللو على رجال .. ولكن قالوها عمر شيخة تنسا هزت لكتاف ريـم:حشاك [ضورات وجها لقلت نسا حاضينهم ]..سربي سربي هادو غاياكلون بديك بلالط[عينين] لي عندوم .. بقاو تما جيب فم وگول حتى كملو وخرجو مزنݣات بكثرت مابيضين لبسو حوايجهم و هزو شراوطهم وخرجو لكتف على لكتف ... فݣوسة محزمة بخيارة حتى وقفو في شارع كايشوفو اشمن طريق يشدو.. ريـم:ياله عند عمو حسان نشربو شي عاصير بارد حلقي نشفلي.. أسيل:غاتخلص عليا ياك!؟... ياله زيد عمو حسان«تنهدات» هو لي كايبردلي قلبي .. ريـم:[سدات ليها فمها ] ااوعدي العايلة نعل شيطان كيفاش عمو حسان كايبرد القلب يسمعوك يقولو غا بنت بهية خرجلا العقل ومبقاتشي كتوزن الهضرة اسمووو لعاصيييير ا أسيل لعاصيييير .. أسيل: الله ينعلك خنقتيني عرافناه لعاصيير ونتينا مضروبة على لح**ا لي قلتا كاتقلبالي الله انعل حسك ازبل .. ريـم :زيد زيد شوهتيني غدا عدل واحد بلاكة بالخط العريض وكتب عليها ريــم قح*بة وانا باقي رجلي مهزوزين ..احم بغيت نقول يدي ممدودين للحنة .. أسيل:[تفرشخات بضحك]: هااا كلمة د لحق سبقت . تمشى قدامي وسكت وصلو عند مول لعصير... لحمام ظاهر عليهم حناكهم مزنݣين كل وحدة حتات على كرسي .. دعوة كانت خاوية عندو ... ريـم«ناضت عندو»:عموو حسان ارا واحد جوج كيسان دلعصير .. حسان[كايضحك بواحد جوج سنان رايبين]:شبر .. شبر .. عدلتم قبايلاتي ملي شفتكم ماشين نالحمام ريم: الله يرحم والديك اعمو حسان .. حاضي معانا ماعندي مانتسالك تبرگيگ عندك عشرة على عشرة [خنزرات فيه ريم]:مشي بدل هاد لعصير قبل مانهرقولك(نخويه) على راسك... أسيل[كاضحك]اويلي وحدي ا أريم دوز تگلس ..حشوومة ريم: سكت نتينا مشوفتيشي شني قال .. حاضينا ملي مشينا نالحمام... حسان[جاب عصير جديد]:شبر ا بنت لمكي شبرر العصير ونتينا على سبة ... ريم:[بنرفزة]: طلق نهنا وشبر فلوسك وجمع بلالط(عينين) ديالك مرة ياخرا ... و نتينا كطلل على قبر ... الله يخليها قاعيدة.. أسيل:يارا ديك كاس نهنا ونتينا دقمك مبري منك الله يحضر سلامة... ريم«بغات تهضر وهو يبان ليها واحد لعضمة وقف حدا لمحلابة»: هانتينا ضور وبلا ماتعيق شوف يااختي على حلاااوة وعلى جمال أسيل«دارت دورة ديال لخضارة »:ايوا صافي حتى هذا نشوف فيه يانا .. خايلاه شرب لعصير ديالك و تحرك نمشيو فحالنا ريم«ميقات فيها»:شني كاتعرف تينا فزاين غي قولي .. هذا مبقاك محرومة .. أسيل:غي خليني محرومة .. شوف غي نتينا الله يطليك بهاد زاين لي فاضحانة بيه.. الهضرة دخلاتها من ودنها وخرجاتها من ترمتها خضرات عينيها في سيد حتى فلاتو مزيان عاد تكات على لعصير دقو وحدة حيدات بيه لوكحة ديال لحمام .. لي قالت بهية لمشية مع ريم للحمام معروفة حتى تودن لعشا وداكشي لي كان لي بقا على لحمام كملوه عند عمو حسان مول لعاصير وختموها في صالون ... دار بوعزة جالس كاياكل منغم بداك لعشا مع مو ساكتين شي كايشوف في شي عيات ساكتة وهي تخرجها خلات دغمة لي خشاها في فمو توحل ليه ... خديجة: ماناويش تنوض تزوج تهنيني عليك خلاص.. أديب:[وحلت ليه]:احم ...اححم ... الله يستر الواليدة مالك عليها مالقيتي ماتجبدي هاد ساعة غير زواج .. خديجة«مدات ليه لما»:شرب ..شرب لما احنيني دابا تجيف لمعقول كايخلع وتازهوانيت لي فيك ماكاتخلعكش وليتي تگول على زواج الله يستر غدا ولا بعدو تلصق فيك شي شياطة توحلها فيا... أديب:هي دابا انا نونوس الوليدة نعلي شيطان راني زعمة راجل حداك عيب تگولي هاد الهضرة ... خديجة:لا قنعتيني راجل ماقلنا والو كملها وخليني نزوجك راه عييت بوحدي في هاد لڤيلا بغيت نعمرها... أديب :[باس على راسها وناض]:نعمروها الوليدة اش كانديرو من غدا نجيب ليك سبعة لبنات لخرة فيهم عندها توام يعمرو عليك لڤيلا ... خديجة:سير الله يمسخك مانعرفك كاطنز عليا مانعرفك كاتهضر بالجد .. أديب[غمزها]غير كانضحك الوليدة .. ملي لقا لي يدفا فيها لخاطر علاش لا ماتكوني غير على خاطرك.. خديجة:[فرنست]:ايوا هكاك الله يرضي عليك... طنجة مسرحة رجليها على ناموسية كاتصبغ رجليها وتنفخ عليهم شعورات مسبسبين تگول غادين لعرس .. بهية كاتجمع ليها حوايجها في ليڤاليز ديالها وتنݣر عليها ... بنات الهم عاطينها لتكركير وضحك ومخلينها تهضر بوحدها ... بهية[شافت ف أسيل]: ياك املعوقة صردتك نلحمام ماجاني حتى لعشا ... ياك وصيتك ترجع بكري ندار .. أسيل[هزات راسها فيها]:واصافي اما هيي الحمام كان عامر وزحام فيه ماخرجنا حتى سخفنا موراها مشينا عند عمو حسان تينا عارفاني مايدوزليشي لحمام بلا عصير .. بهية:حتى نكون ماكانعرفكشي نتينا هاد مونيكة دصحيبتك ... ماعرفتشي شني غاتعملو ملي تمشيو نهاد كازا .. خباركم دابا توصلني يسحابلكم ماعنديشي العينين تما .. اوا بقا تينا هاد ملعوقة عاطينها لطوطيح ..ها ودني منكم و توصلني عليكم شي خبار ناقصة .. ريـم:خالتو دابا أنا مونيكة ماشي حشومة عليك.. بهية:[شيرات عليها بسليب أسيل]..اه مونيكة نتينا وديك بقرة لي حداك ... دابا نقول لأمينة تجبدلك ديك لودنين شويش مابقيتشي كاتسمع مرة.. ريم:[دايرة فيها لبراءة]..شكون اخالتو لي عندك فكازا؟!ياكما عمااد!! أسيل:[ميقات فيها]..انا عارفة عندك العينين والرجلين ف كازا اسموم عماد ولد عمي ... هو لي غايجيبلك لخبار ... بااااينة.. بهية:صبغ ..صبغ ضفرين و شد عليا دقمك[سدي فمك] أسيل[غمزات ريم]:دعي معايا أما يسر لي ربي فهاد الخدمة نتهلا فيك .. بهية:الله يرضي عليكم ويسهل عليكم .. غير عملو عقلكم ريم&أسيل:كوووون هاااااانياااااا كملو جميعهم بضحك وتقشاب حتى مشات ريم لدارهم وتجبدات نعسات كل وحدة فيهم كاتفكر في غدا شنو مخبي ليهم وشنو جامعة ليهم دنيا من هنا لقدام ... ••••••• اصبحنا و اصبح الملك لله...🌄 دنيا هااانية وسما صافية .. "تي .جي. ڤي"دار البيضاء المسافرين .. نزلو من لبراق ريم مطرطقة عينيها بواحد تجبيدة ديال الأيلاينر مع كسوة حد ركبة عكس أسيل مقلوبة عينيها مدرقاهم بنضيظرات ديال شمس مع كسيوة فايتة ركبة جارا لڤاليز ديالها وشعور لي مابغاهم مسرسبين .. لي دازو من حداه كايشوف فيهم عاطين لعين .. باينين برانين من شوفة فيهم تعزلهم بين ناس... ريم:بغيت غير نعرف واش عومروم شافو زااين .. اواااعدي شوف هذاك قرب يجي على زك*و ...ملي نزلنا وهو فاتح فيا دقمو ... أسيل«ميقات فيها»:زاين وصل نعندك وهو يتسالا .. تحرك خلينا نشوفو العايلة لي غاتدينا عند السيد باراكا ملحماق ديالك.. ريم:هاد السيد لي غاتدينا عندو مول شي؟! أسيل:[شافت فيها زعمة واش من نيتك]:اه هو مول شي وجا يدينا بيدو .. الله يمسخك نتينا هي انجيلينا جولي .. غايجي مول شي يديك تخدم وتسكن حيت نتينا لي غاطبعملو ..[خنزرات فيها] وغتدينا عند السيد لغيورينا فاين غنسكنو ريـم:شعند حسك مابقاشي لي يحلم أوجه الفقر ... وجه تمارة أسيل:زيد هالعايلة جات [شيرات ليها بيدها قربو و سلمو عليها]:سلام ختي كيف تينا لباس.. لبنت:لباس ونتوما كيوصلتو مزيان؟! ريـم: مزيان اختي شكرا لبنت:ياله معايا غانوصلكم لعند سيد لي خدام عند موسيو أديب غايديكم لسكن تما غاتݣلسو وصباح تبدا الخدمة ديالكم .. ماشاء الله زوينات دابا عرفت علاش ختاروكم .. أسيل[ابتاسمات ابتسامة بشوشة]:شكرا ربي يخليك ... وخا كانتمناو نكونو عند حسن ظن.. ماشي بزاف حتى كانو وصلو عند السيد لي مكلف داهم للسكن تابع ليهم برطمة ديال جوج د ناس صغيرة مريحة ليهم بزوج .. دخلو تساراوها كاملة عجباتهم وحتى لبلاصة في جات زوينة .. رتاحو وكومونداو ليهم لغدا من تيليفون تغداو وكل وحدة حتات على تيليفونها كاتفلي فيه ويشوفو لي أبوني ديالهم فين واصلين متلفين لوقت .. هاذي أول مرة يخويو مدينتهم ولكن لي بحالهم زاعم خاصو يقصح قلبو على قبل طرف ديال لخبز فمدينة ماعارفين فيها والو .. التتمة لعشية تعاشات وضواو شعلو في زناقي و دروبة ايوا كاين لي عقلو في الخدمة وكاين لي فيه دودة ولي فيه شي بلية ماكاتحيدش ...لالة مولاتي لي فيها مامهنيها لبيضة حارݣاها في ترمتها ماحاملاش ݣلستها بين ربعة ديال لحيوط خاصها تخرج وربي كبير ... ريـم:نوض افار دسبانيا نخرجو نوض.. أسيل: فارة هي لي فيك دابا ..دوز حط ديك فكيحة (لهردوسية) لعندك فالأرض را غدا خدامين ريم:[قلزات ليها]:شوف ماكاينشي لي ركب فيا هاد دودة قدك نسيتي الهينون ديالك جيتي نعندي وبغيتي توب أسيل:ههه الله خليني نسخن موطعي(بلاصتي) .. ولكن اختي بغيتي صراحة تينا فايتاني بسنوات ضوئية نطير حتى نعيا ومانوصلشي لطيران ديالك... ريم«حالفة حتى تخرج»:ودابا نوض .. كايعاودو على واحد موطع هنايا عندم مزيييون عطاتني لعنوان واحد بنت كانعرفا من هنايا ... أسيل:الله يهديك دوز تݣلس فاين بغيتي تخرجنا وحنا ماكانعرفو حتى واحد واش بغيت تخرج علينا فهاد ليل ريم:فينوا هاد ليل اصحبتي نوض براكة ملعݣز لخاوي ديالك .. العايلة قالت لي موطع مزوين... كافي واعرة ديكشي لي كايعجبك أسيل[نفخت] : اوووف صافي واخا نبدلو ونخرجو ... ولكن شوف مانتعطلوشي غانصبحو خدامين ريم:واخا واخا مانتعطلوشي غي زيد دغيا سربي ... ريم من نوع لي دافع جبهة وزاعم على لخوا باغا تزها وتبدل لجو كاتقلب على خلا دارها مݣرعة هم وغم ومن تزهوانيت مابغات توب ..واخداها شنعة وخلاص توصل لصح تبدا تقفق وجهها صحيح يالطيف.. من بعد ما لبسو وخرجو مزوقات وروايح تابعاهم بكسيوات حد ركبةومانكدب عليكم هذاك طبعهم في لبس مايتبدل خرجو مشادين خداو طاكسي صغير عطاوه لعنوان حيت برانيين على لمدينة .. شارف لي سايݣ طاكسي غير شاف لعنوان خصر سيفتو فيهم .. وصلهم لداك لبلاصة لي عطاوه طريق كاملة مقابلهم من زاج وكايستغفر ويسوط بحال رابوز .. غلط فيهم يصحاب ليه من بنات ليل هااا هما داو تهمة باااطل ... مول طاكسي«وقف قدام لبلاصة»:استغفر الله العظيم مابقا مايعجب فبنات ليوم والو ..خرجو رجليهم شواري..الله يسترنا ريـم«تعصبت»: شعندك ا عمو ياكما تغالطنالك .. مول طاكسي:سيري ابنتي الله يستر علينا وعليك غير كانستغفر وصافي نزلو وسدات لباب بجهد حيت فهماتو شنو قال ملي ركبو معاه وهو مخنزر فيهم .. ريـم«مابغاتش تبرد ليها»:الله يعطيني وجهك شايب لعايب .. قالك الله يستر شعندنا شني عملنا ... أسيل:تحرك اريم تحرك ماشي شغلنا يقول لي بغا ...هزات عينها فديك لبلاصة جاتها ما هي كافي شي حاجة تما.. مع دخلة واحد "لكوسطو" تما طلعهم وهبطهم عمرو شاف كمامرهم حتى حقق فيهم مزيان .. غير دخلو بان ليهم شلا ضواو شاعلين الوان أشكال .. كانو في كافي صدقو ف باار هااا لي ݣالت شوافة هادو هما لي كايقلبو على"جوا منجل" ... أسيل[قرصاتها من تحت دراعها]:اويلي وحدي فاين جيبتينا ا مسخوطة ... ريـم: أنا عطاتني لعنوان على أساس قهوة ولكن حتى هاد موطع مزيان.. يلاه نمشيو نگلسو فديك قنيت شويش ونمشيو أسيل[جراتها]: ياله نمشيو فحالنا .. مارتاحتشي هنايا ريـم:اوعدي حتى وصلنا ونمشيو .. يلاه نشربو هيي شي عصير ونخرجو أسيل:ياله زيد .. ولكن و الله يا يماك و توقع شي حاجة حتى نخرج فيك نزلاتها ريم لتحت تقول فايت ليها جايا لتما عارفة منين دخل ومنين تخرج لبلاصة من دخلة كاتبان لوكس داكشي نقي،لموسيقى مامجهدة مناقصة بين وبين جلسو فواحد لكوان طلبو عصير غافلين على لعينين لي منيشين عليهم من لكونطوار ملي دخلو باينين برانين من شوفة لولة ولي مولف على ديك لبلاصة غايعرفهم أول مرة يجيو لتما ... بقات ريم كتشطح فبلاصتها منغمة مع لموسيقى شدها حالها مامسوقاش باغا دوز ساعتها وتخرج، أسيل شدات كوان كاتفرج تشوف طرح كيفاش غادي يخرج موكلة أمرها مع هاد صاحبة لي مابغاتش دير عقلها وكاتشوفها غاتبقا حتى تجيبها فقاعها .. وماشي غير هي لي كاتفرج عينين خرين حاطين على ريم ملي دخلات مضيق عينو كايسكاني ومن شوفة فعينيه باين عليه خاطي لميزان .. بقات تحير حتى بردت غدايدها ولي هزاتو في طنجة جات تحطو في كازا مخرجة لفقصة ديال باها وجيران ولباطل لي مطيحينو عليها واخا مادارت باش ،لخفة لي فيها جابت ليها الهضرة أما قلبها راه هو لعالي لعالم بحالو ... ريم:احح بردت قلبي .. أسيل تحرك اصاحبتي هاد شي فنيون .. أسيل«عاقداهم»:مافياشي غيي بصحة نوض نطلعو من هنا هاد موطع خنقني.. ريم«ميقات فيها»:واخا سبقني طلع أنا نشرب عصير ديالي ونجي .. دائما كتنكدا علينا ناضت أسيل طلعات جن لي فيها ماحملش ديك لبلاصة بقات غير زغبية ليام جالسة كاتمنظر ف ناس لي كاتخشع تما تبرگيگ وتحنيزز هي مولاتو ناس لي تما سكاناتهم بعينيها كاملين إلا واحد لي غفلات عليه حتى وقف عليها طوول و عرض ماشاء الله .. طلعاتو من صباطو حيت كانت ݣالسة هزات عينها حتى ضرها عنقها ومازال ماشافت وجهو... غير شافتو بدات كاضحك ريم:ههههههه [تحلف عليها سكرانة]..و شعندك على هاد طوولة كاملة عنقي حرقني ......: [جلس حداها ناشر رجليه مافيه لي يهضر بزاف]..اش سماك الله؟ ريم:[ميقات فيه ]...اسمي ريم .. ........:«حرك راسو»:شحال في عمرك ؟! ريم: عندي ربعة و....[طلع معاها لقالب]..غاطلعلي شهادة سكنة ولا ؟![ناضت واقفة].. لاء وگالسة عاطياك لوقت وكانهضر معاك زول زول خليني نمشي فحالي ......:[بنبرة جدية]..ݣلسسي ريم:[قفزات من بلاصتها ]:شني بغيتي ..وشكون تينا لي تقولي گلس .. ......:[شدها من معصم يديها]:ݣلسي نهضرو بحال ناس مالك على هاد تقزقيز .. ريم«تزاد معاها زايد»:واش ا شريف كتعملي لونكيط ولا شني .. مخصنيشي نهضر معاك حيد خليني نمشي فحالي..شني بغيتي عندي!؟ .......: من نهار حطيت رجلي فهاد القنت ماشفت شي كمارة بحالك كادور هنا [غمزها]: برانية ؟ ريم:[نترات منو يدها]:ماشي شغلك .. ....:[رجع سولها متقااال لميزان]:شحاال ف عمرك!؟ ريم في لمعقول وصح كاتولي كاترعد سكنها لخوف من شوفة لي دار فيها .. زعامتها شايطة لفم ماضي ودراع گاضي ... ريم: [بنفخة بغات تسلك دعوة]عندي 24 ... ....:[مديق عينو فيها وناشر رجليه كايعبرها]: برهوووشة مع راسك... ريم: [خلعها بدوك شوفات]..سمحلي انا غانطلع عند صاحيبتي كاتسناني ....: [جرها مرة خرا]:مال ديلمك على هاد تنقاز ريحي لأرض حسن ليك ريم: طلق مني ا زمر .. غير كاتلصقو واش نݣلس صحة ...:ماجيتي لهاد لقنت غير تجلسي وترضي لخاطر[غمزها]:باغا ديري فيها شريفة بنت دارهم .. ريحي بخاطرك بلا مانݣلسك بزز ريم:[هزات كاس العصير لي كانت كاتشرب منو..هوووب خواتو عليه.]:هادي باش تعلم تهضر بأدب اقليل ترابي ماشي أنا لي تقالي هاد الهضرة ..[خلات كولشي يدور يشوف فيه وهربت كل خطوة كادير فيها عشرة] ....:[ماحس براسو حتى غوت موراها]:والله يابنت الق*بة لا بقات فيك كاتجيو لهاد لقنت تستغفرو فيه .. الله يمسخ ديلمك (شفتو لي فيه لخفة) عطات رجليها لريح هربات ماحسات براسها حتى كانت طلعات كاتجري ..ندمات على الوقت لي فكرات تخرج فيه لعرق كاتحس بيه هابط ليها مع ظهرها لي فيها مامهنيها .. ريم:[كاتلهت]..ياله نمشيو فحالنا أسيل:[عارفاها دارت شي موصيبة]:شوفتي نتينا النهار اللخراني نطاسيلة ديماك غاتصردنا نلحب*س ريم«كاتلفت موراها»: وازيد ازبل دغيا ..الا شبرني يحـ**ويني وهو قد سخط أسيل:[خارجين كايجريو]من فمك ن ربي .. أنا بغيتو يطرطق نيماك لوالدة ديالك باش تبرد ديك الدودة لي فيك ريم:اوووعدي انا بااقي محتاجة التقبة ديالي ... احح ياختي بلحق والله حتى عندم الرجال هنايا واحد ينسيك ف ياخور .. مرجلين العايلة واخا هيداك أسيل«قربات تندب حناكها»:الله ينعل يماك ا جروة ا شيخة ااا مدودة..ملي عجبك گلس معاه ديك ساعة علاش تبهدلني انا هاد تبهديلة كنجريو فحال الشفارة.. ريم: تحرك .. تحرك الصحبة قبل مايتبعني وباراكا من الهضرة... ****** جالس كايعاير ويسب مابغاتش تسرط ليه برهوشة ضحك فيه بنادم وهو بلاصتو تما معروفة وهيبتو وازنة كون ترجع بيه لحظة مايمشيش عندها غير صابو لحال متقل شوية في لكاس (شارب) .. بقا حتى تفش شوية وهكاك ومابغاتش تبرد ليه جلال:[بصوت تقيل ]بنت الق*بة جلسنا معاها ندماتنا حݣة غانوض نمشي بحالي واااشوف ليك هاد لقح*اب ديال جوميا... أديب:[تفشخ عليه بضحك]:ياصاحبي حتى نتا ماكاتهناش ..كانگوليك ماتزعمش على لق*اب ههههه "شكون نتينا" لا صرعاتك بهاد لكلمة جلال: [خنزر فيه حتى جمع ضحكة]:خوات عليا كاس ديال لعصير بنت لكلب مشات لهيبة ا ز*ي أديب:[خرجو ليه دموع بضحك]:على أخر يامك وليتي نتييناا اشاف ههههه جلال: باراكا القـ**لاوي ونتا غاحال فمك وضحك ..شوف على حالة دارت ليا بنت الق*بة ... بغينا نگلسو نقادو لمجاج طيحت لينا لمورال .. أديب:صافي اصاحبي تكبر وتنسى ..ههه..احم صافي انا نسكت جلال«خلاتها فيه كاطلع وتهبط»:ملي دوك لبلايص ماشي ديالها اش وصلها ليهم بنت لك*لب ... أديب:وا هزيتي من جيهتها ا صحبي..«حابس ضحكة»:برد برد وسير بدل ديك شوميز كاملة مطبعة .. جلال:كايبانلي نتا لي غانطبعك في هاد ساعة يلا ماسكتيش ناض سااخط من داك القنت هز سوارتو وتيليفونو وخرج ديمارا حديدتو وزاد حالفها فيها حتى طيح بين يديه والله لا نساها غير هو لي مايتحطش فداك لموقف خلات لعافية زاندة فيه ماهموش في البشار القرعة لمخيرة يݣلس مو عليها .. همو هو قالت ليه "لا" وكيما كان لحال راه مالقاهاش في جامع باش ينويها فيها زوينة .. صبح صباح شميسة طالقة زينها القضية محركة كيف ديما جالسين كايفطرو فواحد لبلاصة في شارع صحاب الحرشة ولمسمن عليهم صف لي ݣالس ولي واقف ولي كايتسنا في طوموبيلتو حتى توجد لكوموند ... الزين صابح يفطر عندهم ولعين عليهم لي داز كيخطف فيهم شوفة ... ريم:هاد الحرشة عندم مزيونة هنايا العايلة حسن من الحرشة د العربي .. أسيل«مسحات فمها»:فطر دغيا راه غاتجي لعايلة د بارح تدينا ريم«قلبات وجها»:حتى هاد فطور وحلولي صباحنا على الله عاود[مسحات فمها وناضت] اسيل: باقا فيماك الحلفة دتبهديلة لبهدلتيني بارح مانسيتالكشي ... وزيد هالعايلة جات قطعو شانطي عند البنت مقادات مصاوبات ريم لابسة تجينز مع تيشورط بيض و أسيل تجينز زرق مع تيشورط بلوسيال جامعين شعوراتهم .. تلقاو لييها بديك الإبتسامة الجذابة ديالهم مقبولين من عند الله واخا ماتكونيش كاتعرفيهم غير شوفة فيهم تريحك.. البنت[كتشوف فيهم باعجاب]:صباح الخير ..كي صبحتو رتاحيتو شوية ؟ أسيل :الحمد لله اختي ربي يخليك ... الحمد رتاحنا البنت: اوا مزيان ... لبارح كنت غانعلمكم على حساب سكن راه ماشي بحدكم غير باش تعرفو كاينين موظفات اخرين تحت منكم وحتى هما ماشي من هنا وكايخدمو في فرع تاني ماشي هذا.. غير يلا حتاجيتو شي حاجة طلبوها منهم وصافي .. واجدين للخدمة جديدة ياك أسيل[حركات ليها راسها]:وااجدين .. ان شاء الله يكون غير لخير ركبو مع البنت فطموبيل و قصدو نيشان شركة فين غيخدمو ... وصلو نزلو مع دخلة بانت ليهم باركي على برة مستفين فيها طوموبيلات من جميع الأصناف وحداه معرض كايبان من برا كلو بزاج مكتوب فوق منو بانو كبيرة "auto el Iraki" البنت : المهم البنات هنا فين غتخدمو .. عافاكم نبغي نوصيكم الإنضباط ثم الإنضباط ...سي أديب معندوش مع التخلويض و تضياع الوقت كيبغي كلشي يكون هو هداك وعاد سيد لي وصا عليكم راه ماغايكونوش مشاكيل البنات كيسمعو ليها بتركيز و كيحولو يعرفو اكبر نسبة من المعلومات باش ميلقاوش مشاكل فالخدمة .. يلا جبتيهم في لخدمة هداك ماترضى قراو حتى شحفو غير زهر ماعندهمش ماشي بزاف حتى تم جاي النائب ديال مول شي حيت مول شي معفر على الوقت غير كايسني على لوراق .. قصدهم ضاربليك الكوسطار فالكحل وصبيبط كايقرقب كيطلع و يهبط فيهم عجبوه و علاش ليميعجبوه و هما وحدا تنسيك فلخرا ولكن حاول ميبينش فحال هاد لخدامي كايختارو لوجه قبل مايشوفو c.v اش فيه ويشوفو لمؤهلات الخارجية واش كاينة ولالا .. وماقالو ناس زمان "وجه لبيع" حتى بصح قلب على لوجه يلا بغيتي تمشي مشروعك .. النائب:السلام عليكم أسيل&ريم:عليكم سلام.. لبنت:هادا سي سليم النائب ديال موسيو أديب...وحيت خارج كونجي داكشي علاش هو لي غايتكلف ..و هو لي غايوريكم فين غتخدمو سليم«بجدية» :نتوما هما الموضفات جداد أسيل [بثقة]:اه ا موسيو هما حنايا سليم :مرحبا (شير للبنت باش تجي معاه باش تعطيه ضوسي ديالهم باش يعرف اينا بوسط غيعطي لكل وحدا دخلو لواحد البيرو لكان دزاج كيبان منو كولشي و كان قريب فين واقفين البنات وأكثر حاجة حمقات لبنات هي طوموبيلات أشكال ألوان وحدة تنسيك في وحدة عكس لي على برا في لباركي لحديد لغالي مستف حتى قربت أسيل تحوال عاد جمعات عينيها .. أما ريم عينيها في السيد مول لكوسطار كاتفلي فيه..) ريم: [قربات عند أسيل ]: اوعدي يانا شحال كيحممق ... مزال باغا تعبر جمعاتها معاها بواحد القرصة حتى توزوزت .. ناس في ناس وريم في بليتها لي مابغات تحيد.. ريم: ايييي شعند حسك ا زبل.. أسيل «قربات لودنها»:سكت ابنت الحرام سكت ا مبهدلا.. واش مكتعيااشي بقالك غي السيد بغيتي تخرجلنا على الخدمة و حنا باقي حتا مبدينا ... ريم: [باقا كتحك فبلاصة القرصة]:اووف وا صاحيبتي حشومة عليك قصحتيني دابا غيبقى موطعا زرق أسيل: اوا الله ينعل لي ميحشم ساعة لي دازت عليهم وهما ݣالسين كايتسناوه من بعد مادوز ليهم واحد l'entretien بزربة سرباهم على حسب لوساطة باش خدمو مابغاش يكثر عليهم رجع لعندهم و هو ينطق : أنسة أسيل نتي فالقسم ديال marketing (حول نظرو جيهت ريم )ونتي ف la comptabilité سليم :[شاف فالبنت لجابتهم]..وريهم بلايصهم عافاك [شاف فالبنات بجوج ]..مرحبا بيكم كنتمنى تعجبكم الخدمة معانا يالاه بغات ريم تنقز و تنطق دودة لي فيها بغات هي تجاوبو ساعة حددات ليها أسيل سرعة وزيرات ليها على يديها باش تسكت حيت عارفاها غتقول شي كارثة .. أسيل: شكرا ا موسيو كنتمنى نكونو عند حسن الظن ديالكم استاذنو منو و تبعو البنت باش يتعرفو على طبيعة لخدمة ويشدو بلايصهم ماخايفين من والو وماباغينش يضيعو الفرصة لي جاتهم .. ولاية الأمن "مكتب عميد شرطة " ݣالس مشتت على لكرسي كايتفرج في الڤيديو ماشي مرة ماشي جوج وهو كايعاو نفس اللقطة وكايحقق مزيان حتى سمع لباب تحل عاد هز عينيه ... شرطي:شااف تحياتي... جلال:دخل[مد ليه لڤيديو]: هادي لي ف لڤيديو بغيت عنوانها فين ما كان ... شرطي:واخا اشااف كون هاني أنا نعطي لدراري يخرجو تصويرتها من لڤيديو و نشوف بلانها...[عطاه تيليفون].. جلال:انا غانصيفط ليك لمقطع ليفيه وجها ..بغيت لعنوان عندك 24 ساعة ... شرطي :كون هاني ا شااف تحياتي.. جلال[كايحك على لحيتو مضيق عينيه في لڤيديو ونطق بنبرة خاترة]:نعلموك تحتارمي سيادك ... من بعد أسبوع لي داز عليهم كايحاولو يولفو على جو لخدمة وجو كازا بداو كايطلقو مع لخدمة لي ماجاتهمش فيها صعوبة في الأخير كايخدمو داكشي لي قراو .. في الخدمة أسيل حاطة يديها على لكولوار مقابلة مع ريم كايضحكو ومكوزة شادة كوبلي ديال القهوة في يديها كاتهضر وضحك ماكاينااش في هاد لعالم ضاربة لبسة ديال لخدمة لي زادتها شخصية وبرزات طايتها بحال شي مضيفة طيران ...كومبلي نسائي ف بلومارين مع شوميز ف لبيض ومزيير عليها من جيهت المؤخرة مطرطقة قربات تعيط بالعدااااااو بكثرة ما مزيراها ... ناس كملو لكونجي ديالهم في زهو ونشاط ورجعو لخدمة داخل مع دخلة بان ليه لجديد كاتمشي عينيه غير لداك طرف لي موراها مانلوموهش لي شاف زين قدامو يتلف على دوارو ... تقدم عندها بخطوات تقال عاقد واحد لغوباشة تحت نظاظر ... وقف موراها وربع ايديه كايعبرها من لفوق حتى لتحت لوقفة لي دايرة ماشي ديال الناس باغين يخدمو و فوقت الخدمة يدخل كليان يلقاها هكاك ماغاتبقاش عينو ف طوموبيل غاتولي عينو فشلا وشلالي حنحن بصوت روجولي حيد نظاظر دارهم فوق راسو حتى بانو عينيه لعسلين حرشين ومعقودين ... مع غاضور تشوف شكون حنحن ضربت فيه تخوات القهوة على صدرو وحنيني ضارب لبيض عندو زهر القهوة باردة اما هو كان تصلق ليه جلدو .. أسيل:[نطقت بصوت محااالون وهي راه هضرتها هكاك] اااوعدييي يااانا شني عملللت... أديب :[ تمزك بديك نغمة ديال صوتها]:أنسة واش ماكاتشوفيش أسيل:[دافعة جبهة واخا غالطة]:جيتي مورايا ماشفتكشي اخاي.. أديب:«خنز فيها تأكد بلي ماعرفاتوش شكون »: نتي جديدة هنا...!؟ أسيل:«بغات تبان واعرة باش مايحݣرهاش»:اا .. من شحال هذا انا خدامة هنا..نقدر نعاونك فشي حاجة !؟..احم سمحلي على القهوة تسنا نجيبلك باش تمسح.. أديب: لا لا ماكاين لاش أنا غانبدل لفوق أسيل:اا !!!..كيفاش مافهمتشي!!؟ أديب:شنو لي مافهمتيش اأنسة ؟!امم تصمرات في بلاصتها بردو عليها طرافها ملي سمعات سيد لي موراه شنو قال كاتنطابق عليها "وكون يصحاب ليا تكتاب مانفوت لباب" وجها ولا صفر وريقها كاتسرط فيه وتعاود سليم:أديب!؟من صباح وانا كانتسناك ونتا هنا .. أسيل:«صدمة على وجها»:س..سي..أديب هذا تينا...!؟ أديب:هوو هذا سيك أديب [غمزها]غير ماكنتش عارف بلي من شحاال هذا ونتي خدامة هنا ..«جر رجليه غادي وضار شاف فيها مخنزر»:نقصي لكذوب شوية حيت ماخدامينش ا أنسة ... جر رجليه عند سليم وخلاها واقفة بحال زومبي هادشي كاامل داز قدام ريـم لي غاتبول في سروالها بضحك غير خافت يشوفها ويخلطها حتى هي معاها وطبع ضوسيها عندو من دابا ... ريـم:اوووعدي هههههه غانموووت بقيتي كتنقز خصك تعرف مدير نهار جا مرمدتيه بديك قهوة امسخوطة .. باش كملتيها مكوزا وكاتشرب فيها ف الوقت د الخدمة هههه احح ايما كرشي حرقتني بضحك... أسيل:«غاتم*وت بالفقصة»:ماشي شغلي ماشي انا لقلتلو يجي مورايا.. ريـم:ياك ا انسة كعب الغزال .. ااافيق ا شريفة راه مدير هداك... أسيل:[هزات كتافها]:يكون مدير ولا يكون زبل .. معنطز عاجبو راسو عند اديب أديب[عيط عليها تجي لعندو من بعد مابدل شوميز ديالو كايشوفها واقفة حداه سكاناها مزيان]:تفضلي گلسي ..نتي البنت جديدة ؟! أسيل:[تلفات عليها الهضرة ]..احم..اا..اه.. هي انا ..سمحلي ماعرفتكشي قبيلا.. أديب:ماشي مشكل كاتوقع..[حنح وهضر بجدية]:المرة جاية ردي لبال .. وبحاا دوك الوقفات "ماكانديروهمش" في الخدمة .. ردي لبال نتي هنا كاتستقبلي لكليان توريهم طوموبيلات تعطيهم وقت .. ماشي نشد كافي ونجلس نضحك ونسا الخدمة .. وقت لبوزز كاديري فيه لي بغيتي .. مفاهمين؟ باش مانضطرش نعاود الهضرة أسيل:[راسها بدا يسخن عليها ]..سمحلي ماردتلكشي بال .. الخدمة ديالي عارفاها وكانتعامل فيها باحترافية وعارفة شنو عليا أديب:لا لا باااين شفت الإستقبال ديالك غير دابا شوية .. [بغات تهضر وقاطعها]:واخا ا لالة نشوفو خدمتك كيفاش دايرة دابا تقدري تمشي .. وكلميلي لبنت لي معاك. ولاية الأمن "مكتب عميد شرطة " جالس حاط يدو على دقنو بطريقة روجولية عينيه مفيكسيين فبلاصة وحدة وعلى حاجة وحدة .."صورتها" ماخلا فين قلب عليها مالقاش ليها الأثر .. سيمانة وهو يهبش عليها والو واش لقاها مافيقو من سهوتو غير تيليفونو لي كايصوني في لبلاصة دوزز الخط... جلال:اهلا عاش من سمع صوتك اسي لكوميسير ... كلشي مزيان .....:الحمد لله .. محتاجلك ا جلال شد بلاصتي في لكوميسيرية هاد الأيام عندي شي شغل جلال:[رجع راسو لور]:تهنيييت انا من سرابس لكوميسريات شحال هدا .. ......:وااشوف كيدير دراري غايقضيو لغراض غير بقا تراقب مرة مرة راني غا سالت .. واحد يوماين ا صحبي جلال:عاارف دوك ليومين ديالك نتا ... سير على مولانا شوية ونتحرك تما... ......:الله يحفظك ا با جلال ... تحيااتي شااف جلال:سير الله يعفو عليا وعليك باراكا من جيارة سير [قطع الخط].. لمكتوب كايلاقي لگلوب واخا تكون بيناتهم لحدود لي گالوها ناس زمان كاينة وماكدبوش فيها ... لعشية جات و جا الوقت لي يخرجو فيه لبنات ... يحمدو الله على ديك لخدمة ويبوسو يديهم وجه وقفى خرجو حاطين لكتف على لكتف ... ركبو ف طرام لي كان عامر كلشي خارج من الخدمة فداك الوقت وليعندو شي غراض راه خارج يقضيه ... بلاصة وحدة لي شافتها ريم خاوية و أسيل ماتقدرش تبقا واقفة حيت كاتعيا ... قالت ليها ريـم تمشي تگلس فيها ... مشات تگلس على سعدها ووعدها وماطيح غير فواحد شاطة ماطة ضاربة جلابة كاشمير بيضة مخطة بالبيض تحلف عليها حمـ*ار وحشي .. وكاتمضغ لمسكة واحد تعكيرة بالحمر كاتعيط لوطاااان غير جلست قفزت من بلاصتها من صوت لي سمعات... لبنت: واااازعامة خااايبة هادي نوضي ... اختشي نوضي شادة بلاصة بوحدي هنايا كانتخنق نوضي أسيل: ختي موطاع خاوي مافيها باس الا ݣلست حداك راه ماكاتبينشي كل واحد يشبر جوج دكراسا لبنت«خرجات عينيها»: شفتك بحااال كاتهززي وتحطي عليا مالك كاتعوجي عليا ياك لباس أنا مابغيت حتى واحد يݣلس حدايا شادة بلاصة ليا وبلاصة لترمتي مزيانة..... ريـم شافت لبلان لقرودة بداو كايشطحو ليها فراسها ماكاتبغيش لحگرة وهاذي جاتها على لݣانة وسبة جات على يديها ليوم ماتنوض من فوݣها حتى تخلي زغبها في يديها وقفات مقابلة معاها وكاتشوف في أسيل ريم:أسيل گلس فموطعك الى نضتي نتفاهم معاك.. لبنت:ونتي اش دخلك اختي شفتكم دورتوني اااشوفي انا راه ندخلك وندخل عشرة من گرانك سوق راسهم .. زوينة هادي باغين يݣلسو صحة.. ريـم:اوا نعرف يماك مرا و نص اجي نعندي .. الى منخصر نيماك pantaya(لافيشور) ديالك بزق عليا البنت «مارضاتش»:شتك نتي غير كتنقزي ياك لباس واش انا دويتك كلمتك مال مك كطيري... ريم : انا لغنطير على يماك هاد الساعة ا بقرا الهولندية.... شعندك واش كتبولك مواطع فاسمك ولا القرودة طلعو ليها فوق الراس كفاش تجي برهوشة تعيرها بالبقرة و هي كلشي فالطرام كيعرفها تقيل خيطي بيطي فيه كازا جراتها كاملة بيه و تا واحد ماكيزعم عليها كلشي عارفها اش كاتسوا... البنت «لكشاكش خرجو ليها»:غنخسر لختي وجها ونوريها كتبوها ليا في سميتي كيدايرة سيري احنينتي لا باغا توصلي بعضامك صحاح ... أسيل [كتفرج فهاد المسرحية وعارفة صاحبتها مفروحة و حمقة و غدير شي كارثة فهاد الطرام ]:ريم صافي يلاه نمشيو نشي موطع ياخرا ...ماخصناشي مشاكيل ريـم[مقصحة راسها]:عرفتي يا أسيل و تنوض غنخلطك مع هاد برميل د الما لقدامي [كاطلع فيها وتهبط غاتاكلها بعينيها ].. البنت«غابوطة وطرطقت»: و تي شدي عليا هاد القح*بة ديال صاحبتك ... ولا اش كاتجيك غندير فيها شي عاهة مستديمة (زادت غوتات) السلعة ديال القح*اب هادي تفوووو لواسعة لولداتك اجي عندي لمك نديرك تحتي... أسيل قوصات حجبانها من هضرة البنت معجباتهاش أما ريم مبقاتش كتشوف قدامها عينيها جغمة ديال دم وجها ولا حمر بقوة ما بيضة غير شافتها أسيل غاتلاح عليها وهي تحبسها و لكن راه كان فيها جهد 4 ديال ناس مقدراتش عليها ا نقزات عليها شدات مها من شعرها و فرشاتها فالأرض و بدات كتنتف فيها حتى زغب ديال راسها بقا فيديها لباطرونة حامياها لغوت ولمعيور من لحزام لتحت لعلك ترضى تشامو سليبات لي سد ودنيه ولي كايفرنس عاجبو لحال ولي كايصور بتيليفون تخلطات دعوة ... ريم:اناااا تقولي قحبة انااااا الله يحرق ملتك اجي نوريك فعايل دقح*بات كفاااااش عامليبييين ..ا مدودة ...ا سوبيسا انا تجبدلي ماما.... الله يحرق الط**ون ديماك اسلكوطة ... القح*ة هي لولداتك ...اليوما نفدي فيك الغدايد اليومااااا ... ريم جهلات بقات كتضرب فالبنت كي الحمقة ولباطرونة عيات وتقادة ليها جهد لفم ماضي ودراع گاضي عمرها طاحت فشي وحدا بهاد الجهد حداتهم ليها والله شي حد ماقرب كلشي كايتفرج وكايتسناو طرام توقف ... البنت : و عتقو الروح ....و عيطو للبوليس .. ريم«جراها من شعرها»: علاش بوليس ياك تينا بغيتيني نجي عندك ولا تسالاو نيمااك دبا صافي الدودة لفيك طفات اشلاقم دباغلة .. بلالط (عينين)دموكة الطرام وقف في المحطة ولعمارية (سطافيط) كاتسناهم وصلاتهم ديكلاراسيون و االناس شي كيطلع و شي كينزل و هي باقا شادا البنت صاعرا عليها الستريس ديال النهار كامل خرجاتو فيها اما أسيل عيات تفك عيات تغوت و شكون سمعها ... خوا طرام تمو داخلين البوليييس حيت الطرام متحركش بهاد الروينة لواقعة فيه ..بنادم كايتفرج عاجبو لحال ...هزوهم بثلاتة طلعوهم العمارية ..وحدة كلها دمايات مقموشى ريم مازال مابردات ليها ...أما أسيل ندمات على نهار لي ركبات فداك طرام... لكوميسيرية.. ݣلسو فواحد لكولوار حتى يدخلوهم كايتمنضرو في لبشرية لي تما ها لي مدخلينو سكران ها لي شادينو مع شي وحدة هالي مجروح ها لي شادينو على شي طريفة ديال حـ*شيـ*ش كل واحد وهمو كايدخلو بنوبة .. لباطرونة لي معاهم مامسوقاش وجها كامل مقموش وكاتمضغ لمسكة وتخنزر فريم لي حداتهم ليها ماكرهاتش طير عليها تاني غير مالقات جهد أما زغبية ديال أسيل كاتقفقف سعدها سعد مع لمسخوطة ديما مطيحاها في لغيص ومبهدلاها معاها .. مكتب "مفوض الشرطة" شرطي: تحياتي .. سيادة العميد جبنا لبنات ديال طرام لعميد: جيبلي واحد عزية«قهوة» بلا سكار وعاد دخلهم .. بقاو تما كايدورو في عينيهم ريم ملي وصلات لكوميسيرية دخل معاها صح ولكن ماندماتش على ديك نتفة لي نتفاتها.... ريم:[قربات عند أسيل]:اوعدييي عمري دخلت نشي كوميسرية العايلة أسيل:دابا عاد اموصيبة خرجتي علينا .. والله يايماك ديك الخدمة ومانمشيولا غدا حتى نجيفك هنايا شحال وانا كنقلب على شي خدمة كتحمر لوجه ملي جبرتا وعاونونا ناس بغيتي تخرج علينا... ريم:[قرصاتها في فخضها حتى غوتات]:ياك ا بنت لحرااام وعلامن انا نوضت الحايحة و الروينة ياك افار دسبانيا هذا لنستاهل من عندك ..الحمارة أسيل: ايي امسمومة قصحتيني .. واش انا قلتلك خصرلا وجها نتينا كليتي العايلة بمعيور ريم:شهد فيا هايدك ا سلگوطة شهد دخلني ن الحب*س بعيني مغمطين الكلبة .. تفو عليك أسيل:صافي سكتنا دابا شوف العايلة كيرديتيلا وجها... شرطي:[غوت حتى قفزهم]باركة من الهضرة نوضو غادخلو عند لعميد لكوميسير ماكاينش ليوم تحركو.. ريم شداتها رعدة من صبعها صغير اش داهم لشي عميد اميمتي .. ناضو وحدة مور وحدة اما لي مضروبة مامسوقاش مولفة بالوضع .. كاتمضغ لمسكة واكلة طحنة ديال لعصا وباقا شادة ف لمسكة وجه تقبة وجها كامل مقموش .. دخلو متابعين ريـم جات مور أسيل حانية راسها و شعرها مغطى وجها حتى دخلو وتقادو في لوقفة عميد«شافهم مستفين»:اااتبارك الله على طيابات لحمام... ريم:[هزات راسها صوت ماغريبش عليها ..صدمة ثلاثية الأبعاد شهقت حتى تسمعات شهقتها في المكتب]:اااوعدي لعميد غير شافها عقد حجبانو كايشوف فيها تفكرها و علاش لميتفكرهاش وهو قالب عليها كازا بتقلاب مازال الفقصة ديال لعصير لي خوات عليه مابردات جات برجليها ماجابها حد بزز الله يا ودي مرحبا وزيد لقدام يلا ماهزاتها الأرض يهزها ز*بو وايلي ..حط ستيلو بهدوووء من يدو وناض بديك لهيبة كايتمشا جيهتهم بتقااالة واززن لخطوات جيهتها.. جلال:اااتبارك الله على رباعة وأنا كانقول مال لبنيقة منورة «شاف في مولات الحمار لوحشي غمزها»:سهام مازال مابغيتي توبي البنت لقاف.. سهام: والله اشاف مادرت شي حاجة هما لي تعداو عليا هاهي (كاتنعت لريم) ..كلاتني في طرام ريـم:«مزال صدمة غالبة عليها شاداها لبولة»:هااا .. احم .. شوف اشااف الله يرحم يماك أنا كون ماستافزاتنيشي منآديهاشي.. جلال«وقف قدامها»:ممم ستافزااتك ! مزيان تقاداو ليك دابا ولا !؟ ..هضري هضري نسمعو صوتك «رجع لبلاصتو كايتمختر»:سب و القدف في مكان عام عرقلة الخطوط ديال طرام وسكوندار من لفوق مالقيتوش لي يربيكم أسييل«باغا تسلك دعوة»..شاف الله يرحم الوالدين راه ماعملنا والو هي لي جبدتنا وحنا ماشي من هنايا صحبتي دغيا كاتعصب وملي جبداتا العايلة مابقاتشي كاتشوف قداما .. الله يرحم باباك ا شاف راه عندنا خدمة غدا .. نفكوها بلي بغات العايلة «شافت في البنت»:الله يرحم يماك اختي مسحا فيا .. حنا ماشي وجه كوميسيريات جلال:[خنزر فريم وتحلف عليها بعينيه]..عطيوني لي كارط ناسيونال ديالكم مدوهم ليه بقا كايخطط تما ورجعهم ليهم [شاف في سهام مخنزر ].. جلال: نتي غاتجمعي ك**رك راه عيقتي بهاد سير واجي لهاد لقنت ضوسيك خنزز و عطا ريحة [عيط على لبوليسي في لباب]:نزلي تبردي ليك شوية.. ياله خرجو عليا كاملين .. الآنسة لي تبقا معانا ريم:[خرجات عينيها]..كيفاش انا لي نبقا علاياش .. جلال: ريحي لأرض مازال ماساليت معاك .. خرجو نتوما «خرجو مافاهمين والو بقات غير ريم تما كاتقفقف ليوم يفدي فمها لقديم وجديد» ... جلال«قرب عندها»:هانتي طحتي بين يدي الشمالية .. تخلصي دابا ولا ندير معاك تقسيط... `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
